Niyfraszka

[broneknotgeld]

Fraszka po to by radować
Toż jom wiyrchym idzie dować.

[broneknotgeld]

Szpas niy skiż picio
Szpas solom życio
Szpas zdrzadłym duszy
Szpas zło pokruszy.

[broneknotgeld]

Lepi serce mieć bez bergi
-Prawiom tak niy yno cwergi.

[broneknotgeld]

Lepi piniondz mieć
Niż go yno chcieć.

[broneknotgeld]

Łod zymbow mondrości
Życio niy wyprości.

[broneknotgeld]

Jak w stoł sie piźnie to tako wdycki
Na wiyrch wylezom tympe nożycki.

[broneknotgeld]

Niy szykujcie dlo mie bigla
Styknie rola eulynszpigla.

[broneknotgeld]

Hehe - nikerym sie ciyngym zdowo
Że kot łogonym do przodka stowo.

[broneknotgeld]

Toż przeca fraszka tarczom i broniom
Biydni ci kierzy za niom pogoniom.

[broneknotgeld]

Ciynżko by przyndła ruda bez fraszki
Bo kaj sztrachecel zowdy trza draski.

[broneknotgeld]

Lepi z rana se poklikać
Niż we kruchcie ciyngym rzykać.

[broneknotgeld]

Łod grypska kuramin łobdoni
I ponoć wyńdzie to toni.

[broneknotgeld]

"mniyj niz zero"
Ale darmo
Ło co tukej
Take larmo?

[broneknotgeld]

Lepi ździybko popić
Niż se wiela tropić.

[broneknotgeld]

Znakym czasu
Coś z marasu.

[broneknotgeld]

To jest na czasie
-Życie we szpasie.

[broneknotgeld]

Idzie przeca ło to coby ślonsko godka
Wiyncy była w zoci i cisła do przodka.

[broneknotgeld]

Lepi czasym chcieć
Niż po prowdzie mieć.

[broneknotgeld]

Zowdy zdrowio dyć winszuja
Wyny tako - toż zrymuja.

[broneknotgeld]

Śmiych ze pszoniym idzie w porze
Wtedy czowiek wiela może.

[broneknotgeld]

Ślonski godce potrza przoć
Radość niesie - czego boć?

[broneknotgeld]

Godka po to by radować
Czowiek dobro bliźnim dować.

[broneknotgeld]

Djosek tom zowiściom rzońdzi
Bestoż czowiek czasym błondzi.

[broneknotgeld]

SŁOWO zdo sie zdrzadłym duszy
Jednych wnerwi inkszych wzruszy.

[broneknotgeld]

I kosiola jest we wercie
Zocne SŁOWO - toż je biercie.