Niyfraszka

[broneknotgeld]

Kurde bele - niy ma źle
Jak se szkryflać rymy chce.

[broneknotgeld]

Pogodziyli z łogniym woda?
W familiji bydzie zgoda?

[broneknotgeld]

Wiosna, lato, podzim, zima
Tako leci - cudow ni ma.

[broneknotgeld]

Starka ło modym karlusie myśli
A śmiertka kosom znak krziża kryśli.

[broneknotgeld]

Niywiela poradzi
-Łostudy nasadzi.

[broneknotgeld]

Ktosik na moj pukel wloz
Zdo sie co niy piyrszy roz
Widać richtig cosik słaby
Przeca princ niy z kożdy żaby.

[broneknotgeld]

Fraszkopisorz fest sie stropioł
Dyć niy krepnoł yno popioł.

[broneknotgeld]

Lepi niy słepać sety po secie
Chyba że yno we Internecie.

[broneknotgeld]

Rano cisna do roboty
To już richtig niy gupoty
Czy pyndzyjo sie znudziyła?
Czy mamona pokusiyła?

[broneknotgeld]

Lepi ryntom sie niy tropić
Yno rymnońć coś i łopić.

[broneknotgeld]

Sznicie z tustym se dziwowoł
Ło bajladze medytowoł.

[broneknotgeld]

Lepi szkryflać po naszymu
Dusza ślonsko tkać do rymu.

[broneknotgeld]

Co być miało
To sie stało.

[broneknotgeld]

Kryjolyjo!

Kryjolyjo
-Komedyjo!

[broneknotgeld]

W zofcie rym trza tonkać
Bydzie niym nasionkać.

[broneknotgeld]

Lepi jak mosz glaca w piekle
Niy torgajom kudłow wściekle.

[broneknotgeld]

Jak rymujom cwergi
Kruszom serce z bergi.

[broneknotgeld]

To zocnego zowdy ruszy
Co ze ślonski leci duszy.

[broneknotgeld]

Kto hercowom rym foluje
Tymu i z rynkowa suje.

[broneknotgeld]

Kaj rym tam radocha
I szwongu niy trocha.

[broneknotgeld]

Lepi rymym sie zabawić
Niym radości wiela sprawić.

[broneknotgeld]

Rym fest ślonsko godka dźwigo
Co już wiyrchym przeca migo.

[broneknotgeld]

Jak pomywom w doma stotki
Z gowy rym wyłazi głodki.

[broneknotgeld]

Na łoszkliwca ciepnoł fraszka
Ponoć mu aż pynkła czaszka.

[broneknotgeld]

Lepi znać wroga
Z samego proga.