Ło Pomorzu i Kujawach

Szczecin

[broneknotgeld]

Nojwiynkszy cmyntorz

Nojwiynkszy cmyntorz we Polsce znomy?
- W Szczecinie przeca tako go momy.

[broneknotgeld]

Cmyntorz Cyntralny we Szczecinie

Aleja "Ku słońcu" do niego cie wiedzie
Wlyź w banka - po glajzach tam drapko zajedziesz
Toż zdowo sie przeca żes we parku tukej
Mosz stargane nerwy - ukojynio szukej
I se poszpacyruj miyndzy dynkmalami
Po cichu pogodosz tu nawet z duchami.

[broneknotgeld]

"Zielone Miasto"

"Zielone Miasto" - toż szkryfnońć musza
Że w ty dziedzinie sie niy udusza.

[broneknotgeld]

Szczecin IX w.

Grod tu pomorski już przeca stoł
Co zocne roki przed sobom mioł.

[broneknotgeld]

W rynkach Gryfitow (XII-XVII w.)

Toż przi Gryfitach tyn Szczecin kwitnie
Ze historyji żodyn niy wytnie
Łostoł do dzisioj ksionżyncy zamek
Choć czasy teroz już niy te same.

[broneknotgeld]

Wieża Wiyńziynno

Zamek Gryfitow ta wieża mo
Kto historyjo heresztu zno?
Możno by mury łopowiedziały
To co we downych wiekach widziały.

[broneknotgeld]

Sydonia von Brok

W Wieży Wiyńziynny istno czimano
We końcu przeca poćwiartowano
No i na stosie tako spolono
Za co? Gryficie chciała dać łono!

Czy princ jyj wiela nałobiycywoł?
Broł co dowała - ze slubym kiwoł?
Czy richtig klontwa prziszła skiż tego?
Toż rod potomka niy mioł mynskego!

Ano - se przecie źle z tym skończyło
I smyndu wiela z Sydońji było
A rod Gryfitow w końcu tyż stracioł
Djoboł przi tymu w dusze bogacioł?

[broneknotgeld]

Princ Bogusław XIV (+1637)

Ze niym dynastyjo przezocno umiyro
Potomek niy łostoł - Sydonia zaziyro
Na tyn Szczecin teroz już yno z zaświatow
Czy koniec Gryfitow był dlo niyj łodpłatom?

[broneknotgeld]

W zamkowych podziymiach

W zamkowych podziymiach chnet krypta znojdziecie
We niyj sarkofagi princow zocnych przecie
Dyć dzisioj som puste - ich doczesne szczontki
We archikatedrze majom nowe kontki.

[broneknotgeld]

Wały Chrobrego

Być we Szczecinie - tego niy widzieć
Se niy prziznowej - źle z tobom bydzie.

[broneknotgeld]

Przi Wałach Chrobrego

Urzond Wojewodzki przi aleji stoji
Tu Muzeum Morske tako Szczecin stroji
I Akadymijo znojdziecie do tego
Kero przeca musi być mustru - morskego.

[broneknotgeld]

W "Columbusie"

W "Columbusie" zjym popija
Na port blikna - wiym że żyja.

[broneknotgeld]

Miejski Szlak Turystyczny

W dwie godzinki go łoblecisz
Potym możno rym uklecisz.

Stargard Szczeciński

[broneknotgeld]

Stargard Szczeciński

Jedne z gryfniejszych miast na wybrzeżu
Jakosik drugo wojna łon przeżoł
Choć go naloty fest poszczyrbiyły
Przeca do końca niy poniszczyły.

[broneknotgeld]

Mury Stargardu

Średniowieczne mury po czyńści łostały
Dyć tukej i cegła widać cołkum nowo
By se im tu ciyngym łoczy dziwowały
Stargad jst perełokom - to se niy wydowowo.



forum.gazeta.pl/forum/71,1.html?f=28940

[broneknotgeld]

Brama młyńsko

Brama młyńsko ze wieżami
Bliyszczom w wodzie - wiycie samo/

[broneknotgeld]

Brama młyńsko

Brama młyńsko ze wieżami
Blyszczom w wodzie - wiycie sami

[broneknotgeld]

Kościoł Nojświyntszy Maryji Panny


Zwiydza gotyk - w środku barok
Trza mi tam zoglondnońć za rok.

Kamiyń Pomorski

[broneknotgeld]

Kamiyń Pomorski

Ech - tn "kamiyń" richtig stary
Dyć se richig zdowo jary.

forum.gazeta.pl/forum/71,1.html?f=28940

[broneknotgeld]

Kamiyń Pomorski 1176

Boskup z Wolina se tu przenosi
Tako ło spokoj dlo sia tyż prosi
Toż ze tym Kamiyń juzaś urośnie
Grod go powito juzaś radośnie.

[broneknotgeld]

Princ Warcisław

Princ Warcisław w Kamiyniu mioł siedziba swoja
Za to Warcisława dyć i jo pochwola.

[broneknotgeld]

"Kamiyń Pomorski"

Kaj Wyspa Chrzonszczewsko w wodzie kamiyń leży
Grod miano wzioł z niego - możecie mi wierzyć
Przeca richtig epny - był tu wodnym znakym
Tako niy godejcie co łon belejaki.

[broneknotgeld]

Katedra św. Jana Krzciciela (XIIw.)

Wpiyrw tu romańsko świontynia była
Z czasym łoblykła se w gotyk
Dzisioj baroku mo w srodku siyła
Styknie łorganow jyj "dotyk".

[broneknotgeld]

Festiwal Muzyki Łorganowy

Z latym w katedrze dźwiynczom łorgany
Toż szteli zocny festiwal dany
Kerym se Kamiyń poasić może
I Ciebie chwolić tako tyż Boże.

[broneknotgeld]

Kamiyń Pomorski 1876

Źrodła solanki tukej łodkryli
Tako wśrod zdrojow i łoni byli
Toż i do dzisioj cosik łostało
Kamiyń Pomorski znaczy niymało.

[djapanazy]

Czy nadal w Kamieniu
Ratusz ma elewację
biało czerwoną,
jak na demonstrację?

Regom

[broneknotgeld]

Regom

Z Łagiewnik do Trzebiatowa
We kajaku trza wiosłować
Dyć cie Rega poprowadzi
Jakoś ze tym se poradzisz.

[broneknotgeld]

Łobalone drzewa

Toz dej pozor - dziko rzeka
Tu przeszkoda może czekać
I we spływie wadzić ździybko
Boś ty przeca niy jest rybkom.

[broneknotgeld]

Za Reskym

Za Reskym magnoljo w Polsce nojepniejszo
Tako atrakcyjo cie czeko dzisiejszo
Yno w Japoniji ponoć wiynksze rosnom
Łoj - musi być piykno naprowdy ze wiosnom.

[broneknotgeld]

W Taczałach

Z Taczałami wito jezioro Likowo
Wypodo se dychnońć we ty szteli zdrowo
Toż namiot rozbity niym ćmok już nastanie
Jakby niy kopruchy byś mioł dobre spanie.

[broneknotgeld]

Ze rankym

Ze rankym zaś kajak se pływo na wodzie
Za tobom jezioro dyć jakbyś we szkodzie
Zapora w Lisowie - bier wszysko na plery
Choć zdowo sie ciynżko do jasny cholery!
Szczyńściym zaś mosz Rega - to niy som gupoty
Chyć mocno za wiosło - przed tobom te Płoty.

[broneknotgeld]

Płoty

Płotow niy łomijej - dwa zamki som tukej
Tako historyji grodu w nich poszukej
Pora godzin styknie - już Rega cie czeko
No i zdo sie jakby dziyń drapci uciekoł.

[broneknotgeld]

Jezioro Rejkowickie

Za Płotami niydaleko
wito cie jezioro
Stoń przi brzegu we Borkowie
bo zdo sie niyskoro.

[broneknotgeld]

Do Gryfic

Rejowickie jezioro przepłyń cołkym z rana
Zaś nowo zapora - dyć to niy jest dramat
"Przenoska" cie czeko by tom Regom płynońć
Przed tobom Gryfice - ich niy chciyj łominońć.

[broneknotgeld]

Gryfice

Hanza tu ze murow zoglondo na ciebie
Z tych czasow łostała se Baszta Prochowo
Dyć możno i dzisioj Gryfice w potrzebie
Biydniejom - czy yno mi sie tako zdowo?

[broneknotgeld]

W Kłodkowie

Zostawiołś Gryfice - jużeś we Kłodkowie
Na szczyńście mosz tukej pole namiotowe
Toż se przenocujesz i rano łod nowa
Wyruszysz - bo blisko już do Trzabiatowa.

[broneknotgeld]

Do Trzabiatowa

Do Trzebiatowa już kawalontek
Meta wyznoczo ciekawy kontek
Kery jest starszy niż tysionc lot
Z przedkrześcijańskich czasow se znod.

Trzabiatowo

[broneknotgeld]

Tu Pomorzany

Grod piyrwyj mieli tu Pomorzany
-Czy dobywali go już Polany?
W niym swojich bogow dugo chwolyli
Niym krześcijaństwo do duszy wziyli.

[broneknotgeld]

Trzebiatowo wito

Toż Basztom Kaszanom Trzebiatowo wito
I tym "Świyntym Kaszy" - jakby se kto pytoł.

Chełmno

[broneknotgeld]

Relikwio

Koncek czachy łod Istnego
Ta "Relikwio Walyntego"
W Chełmnie dzisioj se znojdziecie
Toż stolicom pszonio przecie.

[broneknotgeld]

Relikwiorz 1630

Kedy walynty do Chełmna "prziszoł"?
Ponoc niy wiedzom tu tego
Dyć tyn relikwiorz piyknie im wyszoł
I czczom tu ciyngym Istnego.

[broneknotgeld]

Ołtorz - XVIII w.

Ołtorz Walyntego we farnym kościele
Toż radość ze pszonio miyszkańcom łon ściele.

[broneknotgeld]

Polske "Miasto Zakochanych"

Z łaski Walyntego tyn prziwilej dany
Toż momy we Polsce "Miasto Zakochanych"

[broneknotgeld]

Chełmno 14.02.2006

Dziyń Zakochanych tu po roz pionty
W kościele farnym mszom sie zaczyno
Potym zabawa - niy jakeś wonty
W tyn dziyń zoglondnij tu chocioż yno.

[broneknotgeld]

"Chełmińske Serce" (14.02.2006)

Na rynku z lampionow bydzie zrychtowane
Toż na chwała pszoniu wszyskim tako dane.

[broneknotgeld]

Lecom luftbalony (14.02.2006)

Lecom luftbalony czerwone z sercami
Pszonie cisnom w gora? -Niych łone ze nami!

-

[broneknotgeld]

"Chełm"

"Chełm" ponoć tela co "wzgorze" znaczy
Choć możno ktosik myśli inaczy.

[broneknotgeld]

Chełmno 1233

Na "pniu surowym" Chełmno powstało?
Dyć stond se prawo inkszych miast brało
Mustrym chełmińskim som lokowane
Tako tyż wiyrchym te miasto dane.

[broneknotgeld]

Piyrszo stolica?

Zakon Krziżacki tu mioł stolica
Toż Chełmno drapko urosło
Dyć i biskupstwym krasiyło lica
Z tym do znaczynio tyż doszło.

[broneknotgeld]

Chełmno XIII-XV w.

Ziymi Chełmiński stolica zocno
W tych wiekach łona naprowdy mocno
Dyć se to potym już łodmiyniyło
Tako łostało jak piyrwyj było?

[broneknotgeld]

Łobroz Matki Boski Chełmiński

W kościele farnym boczno kaplica
Tam Matki Boski przecudne lica
Łobroz łaskami wielkimi słynie
We ty chełmiński zocny dziedzinie.

[broneknotgeld]

Meluzyna (XVII w.)

Ze Meluzynom świycznik niy marny
Łon zdobi tako tyn kościoł farny
Jeszcze pogoda tyż pokazuje
Bo barometrym - to forsztelujesz.

[broneknotgeld]

Kościoł Wniebowziyńcio NMP

Z czinostego wieku stoji kościoł farny
Średniowieczym blyszczy - czas to niy był marny
Portalym cie kusi - w niym rzeźby kamiynne
Chwała Panu głosi - toż prowdy niyzmiynne.

[broneknotgeld]

We kościele farnym

We kościele farnym wystroj barokowy
Zdo sie co bogactwo włazi ci do gowy.

[broneknotgeld]

Średniowieczne kościoły

Średniowieczne kościoły we Chełmnie znojdziecie
Szejść ich ciyngym stoji - zdobiom miasto przecie.

[broneknotgeld]

Chełmno

Piyrsze miasto krziżacke na piastowski ziymi
Siedymset siedymdziesiont lot już przeszło zliczy
Problym ze Zakonym? Z rzondami ichniymi?
Wiela ta historio na dzisioj sie liczy?



Prawo chełmińske

Chełmno miastym było
Co inkszym na wzor
Prawami sypnyło
Zocny to był wor.



Prynt chełmiński

Ze niego te miasto tyż kedyś słynyło
Miara to ciekawo - we historii mocno
Ze zadku ratusza łoko doglondnyło
Sztyry metry z hokym - dyć widać że zocno.



Brama

Brama Grudziondzko w Chełmnie znojdziecie
Trza tukej wspomnieć ło tym tyż przecie.

[broneknotgeld]

Kościoł świyntych Jakuba i Mikołaja

Franciszkany tako kościoł tukej wzniyśli
Choć zakon żebroczy - dobrze na tym wyszli
Ze jednom wieżyczkom w kery sygnaturka
Czasym piyknie dzwoni - klank leci po chmurkach.

[broneknotgeld]

Akadymijo Chełmińsko

W łoziymnostym wieku richtig tukej była
Krakowskego filjom uniwerku przeca
Tako żakow trocha łona wyksztołciyła
Możno to se wroci - toż fraszka ukleca.

[broneknotgeld]

Cystersy w Chełmnie

Już tukej Cystersy we czinostym wieku
Klasztor wielki stoji ze kościołym tako
Możesz se to zwiydzać terozki poleku
Dyć czy se poczujesz jako mnich jednako?

[broneknotgeld]

Kościoł świyntych Janow

Koscioł tu Krzciciela i Ewangelisty
Łoba świynte jymu w Chełmnie patronujom
Cołki klasztor tako gotykym jest czystym
Toż widać co mury siedym wiekow czujom.

[broneknotgeld]

Wieża Mestwina

Z ksiyńcia pomorskego mianym
Dom miyszkalny mnichom dany
Baszta cele jejich kryje?
Jako dzisioj sie tam żyje?

[broneknotgeld]

Brama Mersebursko

Brama Mersebursko dyć tukej łostała
Łod kedy "Grob Pański" w swojich murach miała?

[broneknotgeld]

"Prynt"

Siedym i poł łokcia cołki "prynt" dowało
Przeszło sztyry metry cuzamyn se brało.

[broneknotgeld]

Prawiom co w Chełmnie dobrze sie pszoć
Tukej se frelek niy trz dyć boć.

[broneknotgeld]

Walynty Fiałek

We Chełmnie miyszkoł
Ło pszoniu prawioł
Niy yno uczoł
Przeca tyż bawioł.

[broneknotgeld]

Dzisioj w kościele farnym

Ło dwanosty trza zajrzeć na fara
A niy krzontać se yno przi garach.

[broneknotgeld]

Żymły z lubczykym

Żymły z lubczykym we Chełmnie piekom
Toż ze walyntym na nie poczekom.

[broneknotgeld]

Kery pszaje
Tyn świyntuje
rudaslaska.naszemiasto.pl/artykul/776200,walentynki-to-swieto-milosci-nie-tylko-zakochanych,id,t.html#b1561e7e53bd849f,1,3,5
To niy baje
Sie raduje
Pokupluje "walyntynka"
Co freliczka mo łod synka.

Trzebiatów

[broneknotgeld]

Bych z tym niy był cołkym som
forum.gazeta.pl/forum/72,2.html?f=34281&w=36660560&a=36953446
Link se teroz taki dom.

[broneknotgeld]

Trzebiatow - kamrat Glywic

Dyć tyż go krupy uratowały
Bestoż do dzisioj łostoł se cały.

[broneknotgeld]

"Świynto Krupow"

"Świynto Krupow" w Trzebiatowie
Se dziwuje tymu człowiek
Dyć grod zocny retły krupy
Kleji wszysko sie do kupy.

[broneknotgeld]

"Wieża Kaszano"

Wieża "kaszanom" jako se stoła?
Skond swoje miano ciekawe broła?


Toż najezdniki se tu skrodali
Bo czoć somsiody przeca niy pszali
A ślubno gorke krupy przinosi
Co chop skosztuje to ło nie prosi
Ech - poleciało niyjedno ziorko!
Na dole wojom ze tego gorko
Dyć wrzask podnoszom - łobrońcow budzom
Spod murow do dom ze niczym kludzom.

[broneknotgeld]

Krupow dejcie

Krupow wiyncy dzisioj dejcie
Toż pamiontka - se dziwejcie
Niych niy zbraknie jodła tego
Dlo somsiada zowistnego.

[broneknotgeld]

Z baszty "Kaszany"

Z baszty "Kaszany" se podziwuja
Trzebiatowowi - krup niy wysuja.

[broneknotgeld]

Sgrafitto (1639)

Elefanta ktoś przigonioł
Tyn Trzebiatow niym zasłonioł.

[broneknotgeld]

Łemki w Trzebiatowie

KOścioł grekokatolicki w dziedzinie znojdziecie
Tako Łemkow tyż beskidzkich - se forsztelujecie
Stalinowskim mystrym akcjo - tako "Wisłom" zwano
"Grzychu Przesiedlynio" niychej nosi miano.

[djapanazy]

O Ratuszu w Trzebiatowie pisałeś może?
Zupełnie jak Zamek Królewski w Warszawie.
Podobne do siebie, jak dwa żagle, gdy jesteś nad morzem.

[broneknotgeld]

Trza bydzie coś szkryfnońć
Rymym w ratusz gichnońć.

[broneknotgeld]

Mono kedyś trefia tam
W Trzebiatowie fraszek kram?

Krynica Morsko

[broneknotgeld]

"Strażniczka Mierzeji"

Tako tyż zowiom krynicko bliza
Toż teroz do niyj se rymym zbliża.

[broneknotgeld]

Krynicko bliza 1.V.1895

Blyszczy z daleka - mil łoziymnoście
We łobie strony - lepszy niy proście.

[broneknotgeld]

"Krynicki ćmok" 1945-1948

Żol zocny blizy - światła tu trza
Ciynżko wyczimać bez tego - pra?

[broneknotgeld]

25.VIII.1951

Gdański Urzond Morski mioł w tyn dziyń tu świynto
To dyrechtor Wallas przeca zapamiyntoł
Toż blysnyła piyknie - richtig we tym grajfka
Niy szło yno ło to że łon przetnoł szlajfka.

[broneknotgeld]

Krynicko bliza 1996

Z tym rokym była remontowano
I na czerwono posztrajchowano
Jako ta piyrszo - daleko mrugo
Dyć pamiyntejcie - łona tu drugo.

[broneknotgeld]

Zwiydzejcie

Wandrusom dźwiyrza tu łotwiyrajom
I wczasowiczom w Krynicy pszajom
Tako ta bliza zowdy zwiydzejcie
Ze chyńciom geld tyż na bilet dejcie.

Czołpino

[broneknotgeld]

Czołpino

Miyndzy Łebom a Rowami Czołpino znojdziecie
Pewno tam tyż zocno bliza łodwiydzić zechcecie
Toż łod czyrwca aż do siyrpnia idzie wlyźć na gora
I dziwować se z wysoka choc niy cołkym w chmurach.

[broneknotgeld]

15.01.1875

Już se ta bliza tu zablyszczała
Tako zyjmanom tyż pokozała
I choć sie wiela już pomiyniyło
Zowdy przi jeji świetle to było.

[broneknotgeld]

Aparat Fresnela w laternie

Piyńćdziesiont rokow swiycioł z latarni
Niym go na byrna zmiyniyli
Możno i światło dowoł łon marni
Dyć trza by my go chwolyli.

[broneknotgeld]

Na Baranku

Na Baranku ta bliza stanyła
Pora wydm przeca zowiom tu tako
Łona za swe nojwiynkszo dyć wziyła
Kożdy cieszoł sie z tego - niy płakoł.

Koszalin

[broneknotgeld]

Koszalin

Stond do morza niydaleko
Toż Koszalin na cie czeko.

[broneknotgeld]

"Koszała"

Prawiom co Koszała tu łonka wykosioł
Aże sie Koszalin na ta ziymia wprosioł

[broneknotgeld]

Skond Koszalin?

Roztomajcie to godajom
Toż zabawa ze tym majom
Dać za łonka dyć kosz linow?
Czy wystyknie talyrz blinow?

[broneknotgeld]

Nad Dzierżyńcinkom

Nad Dzierzyńcinkom osada rosła
Aż do znaczynio takego doszła
Że prawa miejske w końcu dostała
A i ze Hanzom se pokumała.

[broneknotgeld]

Koszalin 1266

Ano - siedymset sztyrdziści lot
Z prow miejskich grod tyn festelnie rod
Dziesiyńć chnet przyńdzie - przeca niy bajer
Czy bydzie wtedy wielgachny fajer?

[broneknotgeld]

Koszalin 1382

Koszalin w Hanzie - toz teroz wiycie
Drapci mieszczanom juz leci życie
Handel ta sztela richtig bogaci
Toz tam kaj profit grosz se niy traci.

[broneknotgeld]

Kaplica św. Gertrudy

"Perły Pomorza" tyż nosi miano
Choć to kaplica cmyntarno
Mustrym tu Grobu Pańskego dano
Tako do dzisioj jest szwarno.

[broneknotgeld]

Wystroj kaplicy św. Gertrudy

Ech - ponoć piyrwyj w srodku blyszczała
Dzisioj niy moze być tako
Przeca se nawet prochowniom stała
Ktosik skiż tego zapłakoł

Terozki siedzom tu wangeliki
Parafji łozdobom istnych
Tako prziciongo niyjedne bliki
Dyć żodyn ze nich zowistny.

[broneknotgeld]

"Wontek wendyjski"

Po skandynowsku cegła kładziono
Dugo durś krotkom jest przedzielono.

[broneknotgeld]

W sztyrnostym wieku

Miato jezioro wtedy kupiyło
Przez Jamno z morzym se połonczyło
Ze tym łostało tyż Hanzy portym
Toż grod i piyrwyj wiela był worty.

[broneknotgeld]

W XVII wieku

Na Jamnie przesmyk już zamulony
Toż se niyszczyńście trefiyło łonym
Portym zwać teroz szteli niy idzie
Ze tym Koszalin zdo sie we biydzie
Do tego czasy wojynne były
Miasto niy miało za wiela siyły.

[broneknotgeld]

Koszalin gore! 1718

Ratusz se spoloł i zamek tako!
Nigdy niy bydzie już tu jednako?
We sztyrech piontych zgoroł Koszalin
Z pomocom władcy to podźwigali
Mury obronne dyć se straciyły
Bo łodbudowie miasta służyły.

[broneknotgeld]

Browar zgoroł

Zgoroł tako cołkym - dugo go niy było
W dziewiytnostym wieku dyć zaś se wrociyło
Piwo ze kerego grod mioł tyż uciycha
Tako biyr durś pijcie - niy ma we tym grzycha.

[broneknotgeld]

Browar "Brok"

Toż ciyngym warzy se tukej piwo
Teroz nikogo niych to niy dziwo.

[broneknotgeld]

Piwo "Brok"

Zowdy jaśni kaj wpiyrw ćmok
Jak se chlapniesz piwa "Brok".

Będomin

[broneknotgeld]

W Byndominie

W Byndominie se rodzioł tyn Józef Wybicki
Pieśniczka istnego śpiywomy już wdycki.

[broneknotgeld]

W byndomińskim dworku

W byndomińskim dworku muzeum znojdziecie
Dyć w ty szteli rodzioł se Wybicki przecie.

[broneknotgeld]

Muzeum Hymnu Narodowego

Jak sie znojdziesz w Byndominie
To pewnikym niy łominiesz
Zdowo sie jedynym w świecie
-Hymn zobytkym tyż jest przecie.

[broneknotgeld]

Czy se powadzi?

Czy se ktoś terozki powadzi tu zy mnom?
Dyć yno we Polsce jest muzeum hymnu.

Słupsk

[broneknotgeld]

Bogactwo szteli

Słupsk se Witkacym asi terozki
Dziwnie historio to plecie
Dyć z tego radość - niy yno troski
Bogactwym szteli som przecie.

[broneknotgeld]

Słupsko kolekcjo łobrozow Witkacego

Cudym Pomorza dzisioj nom zdo sie
Witkacy jakby zagroł na nosie
I Zakopane tako dziwuje
W Słupsku duch jego dobrze se czuje.

[broneknotgeld]

Ćwierć tysionca

Toż muzeum ślonske mo richtig nojwiyncy
Tych dzieł Witkacego - to wcale niy mynczy.

[broneknotgeld]

Co mo Słupsk do Witkacego?
Istny tu niy bywoł
Dyć łobrozy majom jego
Aż żech se tym dziwoł.

[broneknotgeld]

Teodor Białynicki-Birula

Dochtor se w Zakopcu z Witkacym kamracioł
W kolekcjo łobrozow tako ubogacioł
Do syna w Lymborku to wszysko trefiyło
Aż słupske muzeum we końcu kupiyło.

[broneknotgeld]

W Muzeum Pomorza Środkowego

Roztomajte zbiory majom
Dyć to richtig dziwo
Witkacymu tukej pszajom
Gowom ktoś aż kiwo.

[broneknotgeld]

W Słupsku

W Słupsku Gryfity byli panami
Zamek ich łostoł - toż wiycie sami
Choć za magazyn mury słuzyły
Już w lepsze czasy teroz trefiyły
Dzisioj Muzeum Pomorza Środka
Zocne, szykowne - ło tym ta godka.

[broneknotgeld]

"Kokaina, eter, piwo"

"Kokaina, eter, piwo"
Se Witkacy tymu dziwoł
Jako łobroz malowany
Kedy zażoł coś ze ranym.

[broneknotgeld]

W zamku Gryfitow

W zamku Gryfitow Witkacy gości
Kolekcjo jego nojpiyrszo
Dyć niych wos istny wcale niy złości
Princesa Anna tu wyrszo

Ducha jyj ciyngym w szteli widujom
Pewnikym szuko durś kogoś
Co ze zaświatow - se forsztelujom
Szczyńściym Gryfitka niy srogo.

[broneknotgeld]

Słupsko "słupia"

W Słupsku słupia latoś bydzie
To już pewne że tam przidzie
Dyć i Ustka pozno tako
Piniondz blyśnie tam jednako.

[broneknotgeld]

1 słupia = 1 euro

Trza wysoko jom rachować
Złotek kajś se może schować.

[broneknotgeld]

Stary zamek

Razym z kasztelaniom se nad Słupiom stoł
Wpiyrw cołkym drewniany - potym mury mioł
Służoł tu Gryfitom, z czasym gdańskim princom
Toż go i margrafy Brandynburgji mynczom
Potym zaś Gryfitow był łon wołogoskich
Widzioł i Krziżakow jako dopust Boski.

[broneknotgeld]

Stary zamek 1342

Po Krziżakach zaś Gryfity na tym zamku siedzom
Przi nich tako ksiynstwo słupske łogrodzi se miedzom
Słupsk stolicom - zamek blyszczy, we znaczynie rośnie
Tako trza mi ło tym szkryflać naprowdy radośnie.

[broneknotgeld]

Stary zamek 1454

Sie princ Bogusław na zamku rodzi
Z czasym Pomorze raduje
Do zjednoczynio je przeca wodzi
Siyły dziedzina poczuje.

[broneknotgeld]

Bogusław X

Z łojca Eryka, matki Zofiji
Princ co Pomorzu dodo gloryji
Chnet Brandynburgio lynno utraci
Dziedzina swoja istny wzbogaci.

[broneknotgeld]

Słupsk 1477

Słupsk wygoroł! Zamek tako?
Choć zniszczony nikt niy płako?
Z czasym cołkym zapomniany
Pod świontynio teryn dany.

[broneknotgeld]

Nowy zamek słupski (1372)

Już Bogusław V zamek chcioł wystawić
Dyć niy było dane jeszcze se go sprawić.

[broneknotgeld]

Za Bogusława VIII

Tako Gryfita zamek buduje
Ponoć tym mieszczan słupskich szteruje.

[broneknotgeld]

Słupsko "łapowka" (1392)

Coś se rajce zamku bojom
Toż mieszczany za tym stojom
Chcom grosiwym sypnońć wiela
Bele durś bez princow sztela

Strzybra wiela dyć zebrali
Dwa tysionce grziwiyn dali
Władce tako wzbogaciyli
Po swojymu ciyngym żyli.

[broneknotgeld]

Drugo "łapowka" (1414)

Drugi roz Słupsk sypnoł groszym
Niy chcioł zamku mieć pod nosym
Styknie ze durś stoji stary
Choć se zdo za mały miary.

[broneknotgeld]

Trzecio "łapowka" (1476)

Ech - miynyło wiela rokow
Niy żałuja jo borokow
Niych princowi groszym sypiom
Jak na zamek źle durś łypiom.

[broneknotgeld]

Nowy zamek (1507)

Ano - tako stowio Bogusław X
Już na nic terozki mieszczan jakeś wonty
Stary we ruinie to trza tu nowego
Tako wola władcy - inkszym nic do tego.

[broneknotgeld]

Zamek (1507-1540)

Dugo był stowiany niym w koncu gotowy
Se tyż murow miejskich chycioł zamek nowy
Wieża łośmioboczno, strzelnice i fosa
Jakby łosprowiały "siyła princa nosza".

[broneknotgeld]

Przebudowa zamku (1580-1587)

Princ Jan Fryderyk geld na to dowo
Niych zamek blyśnie renesansowo
Wilhelm Zachariasz nad tym se biydzi
Kto tukej miyszko mo se niy wstydzić

Sztok dźwignoł trzeci - dach cołkym nowy
Mieszczany aże dźwigajom głowy
Wież dołożoł hełm dość baniaty
Ze wschodu loggia - wystroj bogaty

[broneknotgeld]

Zamek za mały

Toż i nowy zamek mały
By dwor zmieścioł se tu cały
Prince czyńści we Bytowie
Czy nadmorskim tym darłowie
Ślubne jejich tu bywajom
Wdowy rodu tyż miyszkajom.

[broneknotgeld]

Ksiynżno Erdmunda

Jan Fryderyk pomarł - wdowa tu miyszkała
Toż istno i zamek tyż przebudowała
Z kościoła zrobiyła zamkowo kaplica
By w strona Ponboczka drapko skłoniać lica.

[broneknotgeld]

Anna de Croy

Siostra Gryfity już łostatniego
W zamku muzeum rodu rychtuje
Potrza konceptu tako zocnego
Dyć czas co przidzie - niy forszteluje.

[broneknotgeld]

Zamek Hohenzollernow (1684)

Ano - syn Anny szkryfnoł testamynt
Hohenzollernom doł zamek - amynt?!

Gniew

[broneknotgeld]

Zamek w Gniewie

Nojwiynkszom twierdzom Gniew na Pomorzu
Co w rynkach Krziżakow była
Dyć mury zamku durś wiela wożom
Zdo sie co downo w nich siyła.

[broneknotgeld]

Z Gniewa

Z Gniewa do boji ciyngym huf wiedzie
Mistrz von Jungingen - łon durś na przedzie
W połowie lipca śmierć mu pisano
Dyć pod Grunwaldym zaś bydzie rano.

[broneknotgeld]

Kasztelan Gniewa

Kasztelan Gniewa "zakonu mistrzym"
Dyć ze tym zamek bardzi nom blyszczy
"Jungingen" żywy na włości wroco
By kasztelanić ze wiynkszom mocom.

[broneknotgeld]

"Dziecioki zamku"

Niyjedyn kawaler broł juz ślub na zamku
W Wielkim Refektarzu goście sie bawiyli
Młody pon we celi nocowoł z wybrankom
-Dyć dzieciskow wiela w tych murach poczyli.

[broneknotgeld]

"Szkołka rycersko"

Szkołka rycersko ciyngym we Gniewie
Nauczysz se tu fechtować
Choć se niy przido teroz w poczebie
Bo jako do mieczy stować?

[broneknotgeld]

We gniewski celi

We gniewski celi na pryczy spanie
Rano cie czeko ciynżke stowanie.

[broneknotgeld]

Marszałek Kapituły Rycerstwa Polskego

Kasztelan gniewski czimie buława
Toż i dlo zamku zocno to sprawa
Ze tym w rycerstwie polskim mo prym
Przeca niy yno jo ło tym wiym.

[broneknotgeld]

Chorongiew Komturstwa Gniewskiego

Ciyngym na zamku "chorongiew" stoji
I knechtow oddział tyż tako
Juzaś pod Grunwald wyruszom w zbroji
Kaj kończy se durś jednako.

[broneknotgeld]

Chorongiew Husarsko Marszałka Wojewodztwa Pomorskego

Toz se husario tyż Gniewa czimie
Duch Sobieskiego pewno tu drzymie.

[broneknotgeld]

Żołty Regimynt Piechoty "Alarmetch"

Koni dzisioj w Polsce mało
Dyć im piechty bić se chciało
Tako tukej stacjonujom
Dlo zabawy powojujom.

[broneknotgeld]

Schola Cantorum Gymevensis

Chór na zamku tyż zaśpiywo
Gregoriański chorał dziwo.

[broneknotgeld]

Zamek Kapituły

Kapituła Rycersko czi zamki se czimie
Gniew z nich nojzocniejszy we polski dziedzinie.

[broneknotgeld]

Sala Rycersko

Bractwa Kapituły tarcze tukej majom
Choć naskwol wojujom naprowdy se pszajom.

[broneknotgeld]

Order Orła z Mieczym

Nadowo go Hetman Rycerstwa Polskego
Jako se dorobić trza orderu tego?

[broneknotgeld]

Tadeusz Pagiński - Hetman Rycerstwa Polskego

Toż szermierzy polskich tyn istny trynuje
Tako i rycerstwu w Polsce hetmanuje.

[broneknotgeld]

Ziymia Gniewsko

Princ na Świeciu Warcisław cystersom darowoł
Oliwa bogatszo - czy yno se zdowo?

[broneknotgeld]

Za Sambora II

Sambor II z cystersami
Mozno niy żył w zgodzie
Woloł czimać z Krziżakami
-Toż było we modzie

Wsparcio wiela łod nich dostoł
Łobdorzoł nadaniym
Zakon panym tukej zostoł
Papiyż to rozważy.

[broneknotgeld]

Milicz 1282

We ślonskim Miliczu sond nad gniewskom ziymiom
-Z wyroku papiyża Krziżaki już czimiom.

[broneknotgeld]

Gniew 1283

Konfraternio zakonno już we Gniewie rosnie
Wielki Mistrz aż rynce zaciyro radośnie
Niyzdobyto twierdza dyć tukej powstanie
Choć po latach knifym jom Polska dowstanie

[broneknotgeld]

"Niyzdobyto twierdza"

Na lewym brzegu Wisły stanyła
Czy niyzdobyto na wieki była?

[broneknotgeld]

Piotr Dunin pod Gniewym (1463/64)

Poł roku łoblygoł Dunin gniywski zamek
Szturmym go niy zdoboł - poddali sie same
Bo w końcu zabrakło Krziżakom tu jodła
Tako w polskich ryncach se ta twierdza znodła.

[broneknotgeld]

Polske starostwo XV-XVII w.

Toż w Koronie zamek siedzibom starostow
Choć zdało sie dlo nich to sprawom niy prostom
Mało kery przeca w murach jego siedzioł
Wygodom niy grzyszoł - kozdy ło tym wiedzioł.

[broneknotgeld]

Zamek podupodo

W polskich czasach podupodo
Starosty niy dboli
Lepi piyrwyj było - godo
Krziżoki mu pszoli.

[broneknotgeld]

Starosta Jan III Sobieski

Ano i krol Polski był gniewskim starostom
Zabiyrać niy dować - idejom to prostom
Dyć Gniew już niy taki po szwedzkich podbojach
Tela że spokojny - niypoczebno zbroja.

[broneknotgeld]

Niy dbali

Niy dbali Poloki łotwierdza warowno
Toż se zatraciyła jeji świytność downo.

[broneknotgeld]

W siedymnostym wieku

W siedymnostym wieku zły czas cołkym prziszoł
Na najazdach szwedzkich tyn zamek źle wyszoł.

[broneknotgeld]

Gniew 1626

Prziszło setka ludzi z dwiyma kanonami
Capnyli tyn zamek - toż widzicie sami
Jako se tu Szwedom leko wojowało
Choć możno niy zowdy tyż tako bywało.

[broneknotgeld]

Gniew 1627

Co Szwed leko chycioł niy tako łoddowo
Dziesiyńć dni kanony rombiom w zamek zdrowo
Z tym załoga szwedzko jenak se złomała
I Konieckolskymu ta sztela łoddała.

[broneknotgeld]

Szwedzki potop

Ano se przeloł tyż przez tyn Gniew
Dlo zamku richtig we tym zły tref
Jako ze zniszczyń go dźwignońć takich?
Ciyń downy twierdzy - los belejaki.

[broneknotgeld]

Gniew pruski

Prziszoł czas we kerym polska seblykali
Tako Ziymia Gniewsko Prusoki zabrali
Zamek mieli zbulić - richtig źle z niym było
Dyć szczyńściym se łostoł co przeca cieszyło.

[broneknotgeld]

Koszary

Regimynt pruski tu mioł kwatery
Dyć marzli pierońsko zimom
W końcu "uwolnioł" ich z tego keryś
Wiedzioł że wiyncy niy szczimiom.

[broneknotgeld]

Zamek spichlerzym

Toż se na spichlerz zamczysko zdało
Zaś pomiyszali tukej niymało
Cołkym dwie wieże z tym zatracone
Choć tako ciyngym zamku niy koniec.

[broneknotgeld]

Hereszt (połowa XIX wieku)

Z zamku co spichlerzym hereszt zrychtowali
Nojciynższe przipodki tukej zamykali
Niych śmierć heresztantom sie zdowo wolnościom
Przewinioł toż ciyrpieć jego powinnościom.

[broneknotgeld]

Zamek gore! 1921

Ano - se wypoloł choć przeca niy cały
Czyje wtedy rynce łogyń podkłodały?

[broneknotgeld]

Przez drugo wojna

Przez drugo wojna zaś tu wiyńziynie
Tako tyż lager przejściowy
Toż niychej Niymcow mynczy sumiynie
Popiołym se sypiom gowy.

[broneknotgeld]

Zamek dzisioj

Dzisioj choć zamek rozbudowany
Z heresztu yno mo przeca ramy
Kaj mu do downy warowni zocny
Ze wiekow w kerych richtig był mocny.

[broneknotgeld]

Zamkowo Karczma

Ciyngym gotykym łona tu prawi
Nojbardzi wtedy jak se zabawisz
Piwa zocnego we żołond wlejesz
-Stanom przed łoczy nojstarsze dzieje.

[broneknotgeld]

Kościoł św. Mikołaja

Gniewski parafiji Istny patronyje
Wszyndy na Pomorzu se opieka czuje
Tego co przez wody szify w porty wiedzie
Dyć trza jednak rzykać by łon był na przedzie.

[broneknotgeld]

Gniewsko vynocha (1.V.2004)

Polska w Uniji jest - toz se cieszy
A Gniew vynochom terozki grzeszy
Toż republika już łogłoszajom
Z tym cołkym nowo waluta majom.

[broneknotgeld]

Jako dwa złotki?

Jedna vynocha jako dwa złotki
Ło tym we grodzie dośc było godki
Dyć jako dzisioj vynocha stoji?
Kurs trzizłotkowy! Łoj - mili moji!

Golub-Dobrzyń

[broneknotgeld]

Golub-Dobrzyń

Krziżacki zamek nad drwyncom stanoł
Kaj ze Torunia dziyń marszu ino
Czas niy łoszczyńdzioł choć coś scyganioł
Warowni mnichow niy przipomino.

[broneknotgeld]

Zamek Wysoki

Ta czyńść łostała z cołki warowni
Dyć niy wyglondo tako jak downi
Gorom attyka dobudowano
We siedymnostym wieku mu dano.

[broneknotgeld]

Końske schody

Wjyżdżoł niymi rycerz aż na piyrszy sztok
Toż we pełny zbroji łoszczyndzoł se krok
Tukej go ze ajzy cołki seblykali
A konia do stajni potym sprowodzali.

[broneknotgeld]

"Se niy łoglondej"

Se niy łoglondej na końskich schodach
Bo ze tym przidzie na ciebie szkoda
I zarzysz niyroz jako twoj koń
Lepi Ponboczku łod tego broń.

[broneknotgeld]

Bioło Dama w Golubiu-Dobrzyniu

Siostra łod krola tukej miyszkała
Toz ciyngym po zamku łazi
Prawiom - ło smierci swyj zapomniała
Dyc duch jyj jakoś niy razi.

[broneknotgeld]

Miss Polonia w Golubiu-Dobrzyniu

Co roku inkszo zoglondo frela
Za Bioło Dama przebrano
Bawi sie w nocy mozno za wiela
Zniko ze słonkym we rano.

[broneknotgeld]

Golub-Dobrzyń 1977

Piyrszy rycerski turniej tu nowy
Tako se bawiom zakute gowy
Fioł richtig zocny nom sie rozwijo
Choć dlo nikerych to komedyjo.

[broneknotgeld]

Reguła Rycersko i Kodeks 1997

Dwadziście rokow rożnie se dzioło
Terozki klar z tym - "rycerske koło"
Zocno "reguła" na sia nakłodo
Na stary muster choć przeca młodo.

[broneknotgeld]

Kapituła Rycerstwa Polskego

Hetman przewodzi ty Kapitule
W konwyncie tuzin rycerzy
Mioł stan rycerski już być we trule
Dyć jakby przestoł w to wierzyć.

Kwidzyn

[broneknotgeld]

Kwidzyn

Łod Gniewu Kwidzyn niy jest daleko
Zamek krziżacki i tu cie czeko
I choć w rycerza se niy zabawisz
Duszy wandrusa dyć radość sprawisz.

[broneknotgeld]

Gdanisko

W europejski dyć dziedzinie
Tym gdaniskym Kwidzyn słynie
Kaj nojwiynkszych hajźli szukej?
Dyć som łone prawie tukej.

[broneknotgeld]

Łobrona gdaniska

Stykło tukej ciyngym srać
A niy chcieli szturmym brać
To niy jakeś "cicirici"
Trza mieć siyła i we rzici.

Malbork

[broneknotgeld]

Zamek w Malborku

Zwiedzić twierdza - potrza dnia
Choć i to za mało - pra?

[broneknotgeld]

Nojwiynksze zamczysko

Nojwiynksze zamczysko we Polsce dzisiejszy
Dyć przeca tyż było za czasow downiejszych
Wawel zdo sie mały i Ksionż ślonski tako
Toż jo sie tym ciesza - niy byda tu płakoł.

[broneknotgeld]

Zamkowo mynnica

Zamkowo "mynnica" ciyngym "piniondz" bije
Choć krziżacke państwo łod wiekow niy żyje.

[broneknotgeld]

Malbork

Na skraju Żuław grod stoji zocny
Kery łod wiekow zamkym jest mocny
Dyć niy dziwota - cołkym ceglany
Na piyrszym miejscu Europie dany.

[broneknotgeld]

Malborski ratusz 1380

Ciyngym na rynku tyn ratusz stoji
I jako piyrwyj Malbork fest stroji
Dyć dzisioj rajce w niym niy rajcujom
Domym Kultury miasto radujom.

[broneknotgeld]

Bramy Miejske XIV w.

Jedna Mariacko, drugo Garncarsko
Ze downych murow stojom durś dziarsko
Na Sztum ta piyrszo wiodła wandrusa
Drugom na Elblong mog piyrwyj ruszać.

[broneknotgeld]

Dom Turysty

Kej we Malborku nocowac chcecie
Na Skarpie prawie ańcla znojdziecie
Zamek stond widać, Nogat jak płynie
Zocne widoki we ty dziedzinie.

[broneknotgeld]

Hotel "Zamek"

Kaj wpiyrw lazaryt knechtow krziżackich
Kaj kedyś nawet furgały gacki
Tam przenocować w zobytku idzie
Beleście yno niy byli w biydzie.

[broneknotgeld]

"Piwniczka"

Na zamku średnim "Piwniczka" mocie
Tu sie zocnego biyra napijesz
"Talyrz rycerski" - brzuch połny pociech
Ech - we Malborku dobrze pożyjesz.

[proca67]

Zamek w Malborku jest niesamowity, coś dla prawdziwych fanów historii i podróży. Całe miasto robi naprawdę duże wrażenie. Byliśmy wiosną, jeszcze przed rozpoczęciem sezonu, nie było tłoku, nie było problemów z noclegiem (spaliśmy w Hotelu Dedal plus.google.com/117801461367248759127/about), było po prostu świetnie! Polecam wszystkim!

Bytów

[broneknotgeld]

Bytowski zamek

Toż go z bytowskich notgeldow znom
Gryfno seryjko w kolekcji mom
Na kery zamek we cołki krasie
-Był taki piniondz wtedy na czasie.

[broneknotgeld]

W bytowskim zamku

W bytowskim zamku muzeum dzisioj
Tyż ło hotelu cosik żech słyszoł
Biesiady tańce tako turnieje
Sie we tych murach cosik durś dzieje.

[broneknotgeld]

Duch bytowski

Ciyngym se w nocy po zamku snuje
Za grzychy swoje durś pokutuje
Krziżak na wiecznośc tu potympiony
Czy winy jego my dzisioj znomy?

Kociewie

[broneknotgeld]

Kociewie

Wele Kaszub te Kociewie
Roz mi pedzioł ktoś we Gniewie.

[broneknotgeld]

"Kociwie"

Kaj se kocur traci w nocy
Niy zoglondnom ponoć łocy.

[broneknotgeld]

"Kotcewie"

Ponoć ciymno tam i gucho
Choć czasami wiater dmucho
Szumi tako barzołami
Przekonejcie dyć se sami.

[broneknotgeld]

Czym słynie?

Czym Kociewie w Polsce słynie?
-Tom biblijom we Pelplinie.

[broneknotgeld]

Ze jedny szparki

Wdzydzki i Wdycki take tu parki
Dwa - dyć podobnoś ze jedny szparki.

Wolin

[broneknotgeld]

Miasto na wyspie ło takim mianie
Niych słonskim rymym tyż teroz stanie
Piyrwyj nojwiynksze na tym Bałtyku
Toz za pomyślność terozki rzykom.

[broneknotgeld]

"Vineta"

Tako z legyndy tyn grod tu znocie
Helmoda piorym spisano mocie
Dyć se łostała łona w Wolinie
Vinety pamiyńć niychej niy minie.

[broneknotgeld]

"Chronica Slavorum" (XII w.)

Piorym Helmoda tako szkryfniono
Toż jeji miano już nom niy skono.

[broneknotgeld]

Jumneta

Adam z Bremy szrajbnoł tela
Co Jumneta wielko była
Toż Europy zocno sztela
Bałtyk dowoł jyj swo siyła.

[broneknotgeld]

Jomsborg

Sławiyły tyn Jomsborg skandynawske sagi
Grod co na Europa zdo sie cołko świycioł
Szkoda że ze czasym prziszły ciynżke szlagi
Dyć przeca i ło tym rym jakiś se sklycioł.

[broneknotgeld]

Wyspa Wolin

Toż se wyspom tom aszymy
Jest nojwiynkszo - tela wiymy
Kero Polsce se dostała
Tako teroz nom na chwała.

[broneknotgeld]

265 kilometrow kwadratowych

Zalyw, Bałtyk, Dziwna, Świna
Woda kryśli nom dziedzina.

[broneknotgeld]

Republika kupiecko

Słowiany Wikingi Fryzy Rusy Sasy
Greki i Araby som we szteli naszy
Do kery cie piyrwyj bram wiodło dwanoście
I przistań wielgachno - przi niyj zowdy goście
Cumowali szify kerych wiela było
Kto z handlu chcioł wyżyć to go tu ciongnyło.

[broneknotgeld]

Ibrahim ibn Jakub 965

Toż łon zrachowoł bram tu dwanoście
Tako za istnym terozki głoście.

[broneknotgeld]

Wolin X-XI w.

Jako ludzi z ty dziedziny dzisioj porachować?
Dyć na przodku we Europie trza ta sztela stowiać

Ano - z dziesiyńć aż tysiyncy - nikierzy to prawiom
We tych czasach richtig wiela - tako wszyskim jawiom.

[broneknotgeld]

Wolin XI-XII w.

Ech - skiż Duńczykow ciynży tu było
Tyn Wolin łupić durś chcieli
Dyć jakoś przeca wszysko tu żyło
Siył wiela w ty zocny szteli.

[broneknotgeld]

Wolińske biskupstwo 1140

Toż krześcijaństwo i tu trefiyło
Niy ma se czymu dziwować
Słowian, Wikingow tako łobjyło
Krziż przed sia prziszło im dować.

[broneknotgeld]

Biskupstwo 1176

Z tym rokym łone już we Kamiyniu
Ździybko se drapci wkludziyli
Duńczyk mo pewno to na sumiyniu
Że już w Wolinie niy byli.

[broneknotgeld]

Wolin - koniec XIII w.

Dziwna w tych czasach fest zamulono
Tako nom Wolin poleku kono
Downy świytności ciyniym łostanie
Za pycha tako pokorołś Panie?

[broneknotgeld]

Woliński Park Narodowy

Nadmorske klify i delta Świny
Dyc to niy wszysko co widać driny
Lasy bukowe ptoctwa dośc wiela
Toż to bielika do dzisioj sztela.

[broneknotgeld]

Nadmorski klif

Chocioż i czowiek go dzisioj chroni
Przed falom morskom mało co broni
Neptun danina tako pobiyro
Na lond łapczywie ciyngym zaziyro.

[broneknotgeld]

Wolińske ptoki

Bielik żuraw czapla - czeko tukej niy ma
Toż skiż jejich piyrzo chyciyła mie ryma

[broneknotgeld]

Żubr

Żubr tu panym na zagrodzie
Dewej pozor bo pobodzie.

[broneknotgeld]

"Kaczo Gora"

Ano - w Wolińskim Parku znojdziecie
Z niyj gryfny widok przed wami przecie.

[broneknotgeld]

"Gosoń"

Skond se wziyło gorki miano?
Ło tym myśloł żech we rano.

[broneknotgeld]

Ze "Zielonki"

Z gorki Zielonki wele Lubina
Blikniesz we cołkym inkszo dziedzina
Widzisz wysepki ty delty Świny
Tyn kunszt natury rozjaśnio miny.

[broneknotgeld]

44 wysepki

Toż archipelag taki na Świnie
Sławny w Europy cołki dziedzinie
UNESCO tako tyż przeca prawi
Ano - se kunsztym natury jawi.

[broneknotgeld]

Jezioro Turkusowe

Te Jezioro Turkusowe
Po czyńśći zbajstlowoł czowiek
Kreda tukej dobywali
W końcu wodzie cołkym dali.

[broneknotgeld]

Muzeum V3

Ano - w zalesiu se zoglondniecie
Poligon broni był tukej przecie.

[broneknotgeld]

Łoj - zaś Pomorze se przipomino
Dyć trza do maja wytrzimać ino.

Trzęsacz

[broneknotgeld]

Trzynsacz

Jedna ściana ze kościoła
Chce litości w morze wołać
Czy do wody w końcu wleci?
-Zakłodajom se i dzieci.

[broneknotgeld]

Trzynsacz w XV wieku

W piytnostym wieku kaj było morze?
Dwa kilometry dali - łoj Boże!

[broneknotgeld]

Trzynsacz 1994

Z tym rokym do morza zlecioł kyns kościoła
Ło ratunek reszty zaczli juzaś wołać
Świynty Mikołaju - Twoja to świontynia
Morze jom zabiyro - łopłakuje ziymia.

Szymbark

[broneknotgeld]

Szymbark

Wele Wieżycy wioska znojdziecie
Z pomorskich łona nojwyży przecie
Dziwo se inkszym tako z wysoka
Do niyj tu żodno niy może skokać

[broneknotgeld]

Muzeum Ciesielstwa

We dworze "Salino" muzeum te majom
Som dwor już replikom toż ło to niy wajom
Bo muster w kaszubski tyż przeca dziedzinie
Znojdziecie go prawie we gniewiński gminie.

[broneknotgeld]

Nojdugszo decha świata (36,93 m)

Jedyn tymu niy uwierzoł
I som myjtermasym zmierzoł
Niydowiarka nagrodziyli
Rzić mu dechom "namaściyli".

[broneknotgeld]

Furmońsko Parada

We Szymbarku na paradzie
Se przejedziesz drabiniokym
Lipiec nom atrakcjo kładzie
Tako tukej z kożdym rokym.

[madohora]

Trzebiatów

To miasto w Północnej Polsce leży
od Kołobrzegu prosta droga tam bieży
Rynek
Jak każde miasto posiada rynek
A tam każdy zabytkowy budynek
Tam w koło rynku kolorowe (XVI-XIX w)kamieniczki postawione
Wszystkie niedawno zostały odnowione
Mury Obronne
W latach 1300-1370 Trzebiatów został murami otoczony
To były mury obronne a więc stały z każdej strony
W tych murach były aż cztery bramy
Do dzisiaj jednak tylko ich fragment został zachowany
Baszta Kaszana
Nie wiem czy dzisiaj pamiętają młodzi
że jej nazwa od legendy pochodzi
Zbudowana była w XIV wieku, okrągła, wysoka
Jeszcze dzisiaj zabytek miły dla oka
Sgraffito
Na scianie w rynku techniką sgrafitto
Słonia i poganiacza w murze wyryto
Mówią ze ten rysunek z 1639 roku pochodzi
Podobno wówczas słoń tam po ulicach chodził
Ratusz
Chyba nikogo to nie wzruszy
że na każdym rynku stoją Ratusze
Budynek w 1701 roku jest odbudowany
Lecz z XV w gotyckiej budowli arkady są zachowane
Jest też zegar na wieży Ratusza
on co kilka godzin hejnałem nas wzrusza
Kościół Mariacki
To Sanktuarium Maryjne w latach 1303-1370 zbudowane
Do dzisiaj jest w całości zachowane
Do najwyższych kościołów na Pomorzu należy
A to dzięki dziewięćdziesięcio metrowej wieży
A na tej wieży wiszą średniowieczne dzwony
Ten najstarszy w 1399 roku został sporwadzony
A jeszcze na samej górze jest taras widokowy
I widać z niego Trzebiatowski rynek kolorowy
Pałac
W Pałacu dzisiaj jest Ośrodek Kultury w Trzebiatowie
Że Maria Czartoryska w nim mieszkała to Wam powiem
W 1875 budynki były przerabiane
A wcześniej mieścił się tam Zakon Norbertanek


A to już tak dla żartu:
szkola.wi.ps.pl/2003/trzebiatow/testy/test.html

[broneknotgeld]

Ło Kaszubach szkryflom wiela
Dyć i po to ślonsko sztela.

[broneknotgeld]

Szkryflom jednak tyż poleku
Zdo sie co na szwong poczekom.

[broneknotgeld]

Witom - Kaszuby już za mnom dali
Rym ślonski kłada - niych durś "na fali".

[broneknotgeld]

Blysły blizy

Blysły blizy w Pyskowicach
www.facebook.com/media/set/?set=a.500346846706890.1073741838.195759197165658&type=3
Dyć ciekawo okolica
Czamu tam - sie dziwujecie?
Powiat to glywicki przecie
Co ze puckim fest kamraci
Blysły blizy - nikt niy straci
Dyć recht w tym - pewnikym wiycie
Co kultura we proficie.

[broneknotgeld]

"Nieba bliżyj"

Już wystawa zmontowano
Choć tropiyło mie to rano.
www.facebook.com/media/set/?set=a.540623829320221.1073741840.427827820599823&type=1

[broneknotgeld]

Erika

Kej widzisz erika
W kopalińskim lesie
Niy yno skiż blika
Łazić ci tam chce sie
www.facebook.com/media/set/?set=a.511083662299875.1073741844.195759197165658&type=1
We nocy zaś ciśnie tyż tyn las do gowy
Niy darmo śnik potym mosz richtig lilowy.