broneknotgeld 05.01.04, 16:11 Do Grudziondza tymat wciepna W ślonski godce z niym łokrzepna. forum.gazeta.pl/forum/72,2.html?f=225&w=9993207&v=2&s=0 Odpowiedz Link Obserwuj wątek Podgląd Opublikuj
broneknotgeld Re: Ło Pomorzu i Kujawach 05.01.04, 16:14 Daleko? - Ło jedyn klik! Jo w Grudziondzu jest we mig: forum.gazeta.pl/forum/71,1.html?f=225 Odpowiedz Link
broneknotgeld Re: Ło Pomorzu i Kujawach 05.01.04, 16:16 Zocne to że ślonsko godka Niy do zadku a do przodka. Odpowiedz Link
broneknotgeld Re: Ło Pomorzu i Kujawach 02.06.09, 16:41 Sprzedom kyns jantaru z naszy polski plaży Prawiom co w niym łoko Juraty se jarzy. Odpowiedz Link
broneknotgeld Re: Ło Pomorzu i Kujawach 18.05.11, 17:45 Możno jeszcze tukej kukna Dyć niywiela pewno blukna Popakować teroz musza I we nocno rajza ruszać Jutro z morzym se prziwitom Czy Jurata jest kobiytom? Dołym fisza - gorom frela? Ech - wiym ło tym małowiela. Odpowiedz Link
broneknotgeld Re: Ło Pomorzu i Kujawach 16.10.12, 09:37 Ktoś cygaństwym zgrzeszoł? katowice.gazeta.pl/katowice/1,72739,12677541,Pociag_Pendolino_pojedzie_z_Katowic_do_Gdanska.html Czy chnet byda cieszoł? Odpowiedz Link
broneknotgeld Re: Ło Pomorzu i Kujawach 14.03.13, 08:45 Chocioż dziwo telewizjattm.pl/serwis-informacyjny/2013-03-13/01/lisewo-wiatrak-w-ogniu.html?play=on I to bywo. Odpowiedz Link
broneknotgeld Re: Ło Pomorzu i Kujawach 05.01.04, 16:19 Miasto pamiyntom we meszkach Uciykołch łod Wisły brzeżka A łone za mnom goniyły W cołkim Grudziondzu już były. Odpowiedz Link
broneknotgeld Re: Grudziondz 05.01.04, 16:21 Grudziondz Na wiślany szkarpie tyn Grudziondz se leży Z niego port był rzeczny krziżackich rycerzy Zakonu to przeca tyż twierdza solidno Potym tu dlo Polski zrobiyło sie widno W łoziymnostym wieku los sie zaś łodmiynioł Pruski Graudenz teroz we łoczach se miynioł Dyć po piyrszy wojnie do Polski nom prziszoł No i ze tyj drugi jakosik tyż wyszoł Dzisioj podziwiomy ciong spichrzy portowych W Europie nojwiynksze? - Niychej kto łodpowiy. Odpowiedz Link
broneknotgeld Re: Grudziondz 06.01.04, 20:25 Winszuja! Coby spichrze pełne były Grudziondz zaś mioł wiela siyły Szoł do przodka krok po kroku W dwa tysionce szwortym roku. Odpowiedz Link
broneknotgeld Re: Grudziondz 07.01.04, 18:43 Grudziondzke spichlerze Łod miasta to majom yno jedyn sztok Dyć ze drugi strony łodradzom ci skok Te spichrze Grudziondza przeca tyż broniyły Fortyfikacyjom łone mocnom były We cołki Europie niy ma takich tela Jo ło tym se szkryflom boch widzioł już wiela. Odpowiedz Link
broneknotgeld Re: Grudziondz 07.01.04, 18:54 Kościoł św Mikołaja Tyn kościoł w Grudziondzu dość dugo stowiali Zaczli we czinostym - dyć lecieli dali Ponoć we piytnostym wieku go skończyli Co Bog doł to było - z tego sie cieszyli W gotyckim kościele romańsko krzcielnica Tym sie tu naprowdy idzie tyż zochwycać Mikołaja miano z miastym jest złonczone Jak tu jest tyn kościoł nikt niy powiy - koniec. Odpowiedz Link
broneknotgeld Re: Grudziondz 27.01.04, 17:25 Grudziondzke notgeldy Grudziondz tyż notgeldy mo Dyć je mało cosik zno Szło by zrobić tam wystawa Ale to już inkszo sprawa Odpowiedz Link
broneknotgeld Brodnica 05.01.07, 19:24 Witom Czamu Brodnica mo take miano? Czy jyj historio jest dobrze znano? Odpowiedz Link
broneknotgeld Brodnica 05.01.07, 19:25 Brodnica to baba z brodom Szczyro prowda jo wom godom. Odpowiedz Link
broneknotgeld Brodnica 05.01.07, 19:26 Dyć w czym prowda? Skond Brodnica? Możno jakoś to wodnica Co za broda ciongła chopa W toń - pierońsko z tym utropa. Odpowiedz Link
broneknotgeld Brodnica 05.01.07, 19:29 A w Brodnicy coś sie dzieje Poza tym że czynsto leje? Coś ło swojim mieście szkryfnij Chcesz to rymym tyż tu gichnij. Odpowiedz Link
broneknotgeld Re: Brodnica 05.01.07, 19:38 Brodnica Miyszko w jeziorze gryfno wodnica Zowiom jom tukej wszyscy - Brodnica Gorszo ta szcziga jest łod utopka Już niyjednego zabrała chopka Dyć dejcie pozor co teroz godom Zabiyro na dno yno tych z brodom A jo sie gola no i mom glaca Możno z Brodnicom coś wyłonaca Jak roz bajali ło jeji cyckach Aż mi na gowie stowała mycka A przeca u mie to cud jest prawie Bywo we spaniu - nigdy na jawie. Odpowiedz Link
broneknotgeld Re: Brodnica 05.01.07, 19:39 Istny na urlopie był To mo teroz wiela siył Dyć pamiyntej ło wodnicy Co kajś wele ty Brodnicy. Odpowiedz Link
broneknotgeld Re: Brodnica 05.01.07, 19:49 Czy Brodnica rudo była? Bo jest we tym wontku siyła. Odpowiedz Link
broneknotgeld Re: Brodnica 05.01.07, 19:55 Hehe - Z Brodnicom Rudzie jest piyknie I tela szkryfnońć chyba tu styknie. Odpowiedz Link
broneknotgeld Re: Brodnica 05.01.07, 20:04 Jakbych wiyncy czasu mioł To bych i Brodnica grzoł Dyć co dziyń sie broda gola A wodnica zowdy chwola. Odpowiedz Link
broneknotgeld Re: Brodnica 05.01.07, 20:08 Noc jyj niy dali - pryndzy by wziyli Bestoż wodnicy tyż niy skusiyli. Odpowiedz Link
broneknotgeld Re: Brodnica 05.01.07, 20:12 To tyż ciekawe w Brodnicy fest Że jeji rynek w drajeku jest Możno we zocy tam wielke "trzi" Jo tego niy wiym - dyć kto to wiy? Odpowiedz Link
broneknotgeld Re: Brodnica 05.01.07, 20:05 Na wakacje do Brodnicy Zajechali politycy Wodnicy se chcieli dziwać Szczyńściym niy umieli pływać. Odpowiedz Link
broneknotgeld Re: Ło Pomorzu i Kujawach 25.10.07, 16:41 Żol już lata wele plaży I Trojmiasto zaś se marzy. Odpowiedz Link
broneknotgeld Re: Wejherowo 11.01.04, 10:33 Wejherowu pszaja wiela Ło niym rymy tukej ściela. Odpowiedz Link
broneknotgeld Re: Wejherowo 11.01.04, 10:55 Kaszubsko stolica W pradolinie Redy zocne miasto leży Kere Wejher tukej przed laty zbudowoł Kaszubsko stolica - możecie mi wierzyć Niy myślcie że yno mi sie to wydowo. Odpowiedz Link
broneknotgeld Re: Wejherowo 11.01.04, 10:58 We tym Wejherowie jo żech jest co rok Z Gdyni SKM-kom robia se tam skok. Odpowiedz Link
broneknotgeld Re: Wejherowo 11.01.04, 11:00 360 lot Wejherowa Klupło to łońskego roku Choć niyskoro - dyć winszuja Niychej rośnie krok po kroku! Wejherowu rym tyn suja. Odpowiedz Link
broneknotgeld Re: Wejherowo 11.01.04, 11:05 Wejherowske fedry Reda Bolszewka i Cedron Mie widzom sie jakby fedrom Na kery wszysko sie czimie I jakoś siyła w tym drzymie. Odpowiedz Link
broneknotgeld Re: Wejherowo 11.01.04, 11:07 Śmiechowo Jak cugym tam jada To lachom sie wiela Niy mynczy mie zwada Ze szpasym ta sztela. Odpowiedz Link
broneknotgeld Re: Wejherowo 26.09.05, 13:21 W Liceum Handlowym Co to za szkoła we Wejherowie? Wloz żech w liceum jejich handlowe I ze wystawom se "produkuja" Jeszcze łodmowy zdo sie niy czuja Przeca żech prziwioz istnych geld tukej Kaj coś takego za darmo szukej? Do tego inksze pomorske sztele Niych se łoglondnom karlusy frele A dyrechtorka na to mi - NIY Czamu? -Toż łona yno to wiy Niy chce notgeldow w szkole wystawy Tela w liceum mioł żech "zabawy". Odpowiedz Link
broneknotgeld Re: Wejherowo 26.09.05, 13:22 W Gimnazjum nr 1 Stary budynek przed łoczy dany Szkoła ze zocnym richtig jest mianym Toż za patrona mo Kopernika Trza ze notgeldym tam mi pomykać Zaś dyrechtorce piniondze chwola By mieć wystawa - w tym jeji wola A w łodpowiedzi tako NIY słysza Jeronie toż jo już ledwo dysza Czy sie Kopernik w grobie przewroco? Te jego prawo przeciw mie zwroco Szkryfna - toż cosik mi sie wydowo W rzici historio mo Wejherowo?! Odpowiedz Link
broneknotgeld Re: Wejherowo 11.01.04, 11:15 Gora Zamkowo Wele wejherowa jest Gora Zamkowo Średniowieczny grodek - archeolog godo Na kurhany blikej - tyż ciekawe tukej Downy historyji kaj chcesz tam se szukej. Odpowiedz Link
broneknotgeld Re: Wejherowo 11.01.04, 11:21 W średniowieczu Pod zwiyrzchnośćiom Piastow kasztelanii gdański Ta ziymia se nojpiyrw trocha podlygała Dyć to se zmiyniyło wedle woli pański Jak pucko zrobiyli to tam zoglondała. Odpowiedz Link
broneknotgeld Re: Wejherowo 11.01.04, 11:25 XIII - XIV wiek Za ksionżont pomorskich Prusowie osiedli Łoni we tych stronach zocne życie wiedli Dyć w XIV wieku już w Zakonu mocy Kery Łokietkowi łotwar ponoć łoczy. Odpowiedz Link
broneknotgeld Re: Wejherowo 11.01.04, 11:27 Rycerske dobra Śmiechowo i Nanice łod wiekow tu były Jeszcze ło Wejherze te ziymie niy śniyły. Odpowiedz Link
broneknotgeld Re: Wejherowo 17.01.04, 19:51 XV wiek Po Grunwaldzie Zakon słaby Już niy dowoł se tu rady Zwionzek Pruski przeca powstoł Wiatru w żagle ździybko dostoł W końcu wojna przikulało Z niyj biydniejszo ziymia cało Przez czinoście lotek przeca Wojska brały durś do neca Roz pomorske roz krziżacke I na zmiana tyż te lacke Potym Polska zaś tu prziszła Choć ze wojny nyndza wyszła. Odpowiedz Link
broneknotgeld Re: Wejherowo 18.01.04, 09:57 1526 Zygmunt Stary potwierdzo nadania Ziymi Nanic i tyż ze Śmiechowa Majom prawo tu niymi władania Janek Loka i Michał z Jackowa. Odpowiedz Link
broneknotgeld Re: Wejherowo 20.01.04, 16:17 Po kaszebsku jo niy umia Ślonski yno wyrozumia Dyć pociongna se do przodka W Wejherowie moja godka. Odpowiedz Link
broneknotgeld Re: Wejherowo 21.01.04, 19:08 No i już Wejher Łod Jackowskich te ziymie Wejher kupioł w końcu Jak tyn wiek szesnosty już niy blyszczoł w słońcu. Odpowiedz Link
broneknotgeld Re: Wejherowo 25.01.04, 10:04 Z rodowych legynd Legyndy rodowe głoszom - rod z Frankonii aże Karol Łysy - cysorz rzymski już Wejhera znoł Dyć ta bajka historyjo dzisioj cołkym marze Widać yno że ambicjo tyn rod wielko mioł We dwunostym wieku ponoć tyn Ryszawobrody Pas rycerski przipasowoł z Wejherow jednymu Bo sie wiela mu zasłużoł choć był jeszcze młody I łostało to w pamiyńci na chwała istnymu Wiek sztyrnosty - już ich Zakon przigarnoł do siebie Mieczy tyngich poczebowoł przeca łon tu zowdy W lynno wiycie co dostali? Ano godom - Łebe Ale sie mie niy pytejcie wiela w tym jest prowdy. Odpowiedz Link
broneknotgeld Re: Wejherowo 30.01.04, 08:14 Historio rodu Wejherow Piyrszy był Mikołoj - możno tak niy zwany Mistrz Zakonu nadoł mu w Gyńsi te łany Wieś ze Białogardy zocny parafiji Łon tu zaczoł dzieje naszy familiji Kero pryndko wziyła sie Wejhera miano Ze wojtostwa Łeby tyż stała sie znano Tako ło tym jeszcze wiek sztyrnosty godo Niy wiym czy coś wiyncy historyjo dodo. Odpowiedz Link
broneknotgeld Re: Wejherowo 08.02.04, 17:47 Hans Wejher Ło niym to my richtig już dość wiela wiymy Znali go ze tego że krziżokom pszoł We czinostoletniyj wojnie go widzymy Dyć żech tukej szkryfnoł jako strona broł Szczyńściym wloz pod krzidła ksiyńcia pomorskego Bo ziymia lymborsko we ta poszła strona To go uchroniyło łod gniywu polskego Synkow łon mioł ośmiu - w spokoju mog konać. Odpowiedz Link
broneknotgeld Re: Wejherowo 14.02.04, 23:25 To ci fater Tym tyż zasłynoł Hans Wejher tukej Że ośmiu synow po niym aż szukej Klaus Pyter Hanslik Jorgyn i Martin Bartłomiyj Dytryk Jakub - niy żarty. Odpowiedz Link
broneknotgeld Re: Wejherowo 29.02.04, 17:33 Klaus Wejher Syn Hansa Mikołaj - Klausym czyńści zwany Jymu tyn wojt Łeby był tukej pisany Na Słupsku starosta - urzond przeca zocny W Polsce i Pomorzu pan to już był mocny Ze Zofijom Rahmel czech synow uchowoł Marcin sie biskupym kamiyńskim mianowoł Francik w swoje rynce wzioł ziymia lymborsko Ernest jednak musioł wybrać polske wojsko. Odpowiedz Link
broneknotgeld Re: Wejherowo 09.03.04, 09:11 Ernest Wejher Łon Rzeczpospolityj ze oddziałym służoł Kery na Pomorzu pryndko se zwerbowoł Na wojnie sie wiela wzbogacioł i użoł Inkszym najymnikom taki przikłod dowoł W Inflantach wojowoł niy yno dlo Polski Bo przi tym tyż ponoć zadboł fest ło swoje Jak tyn zamek Dahlen zajmowoł ze wojskym To przi czyńści skarbu pedzioł "To jest moje" Co zdobył lokowoł u sia na Pomorzu Rosły tukej ciyngym ziymske dobra jego No i przeca tego tyż na końcu dożył Że jak na magnata paczeli na niego Dyć wojna to było coś co mu leżało Na Gdańsk i na Moskwa poszoł ze Batorym Do Szwecji za Wazom tyż mu sie lyźć chciało Bo bez juchy z ajzom bywoł jakby chory Urzyndow mu za to tyż krole nadali Starostwa pomorske i dzierżaw dość wiela Yno wojewodom go niy powołali Wrogow przeca miywoł - szkryfna tukej tela. Odpowiedz Link
broneknotgeld Re: Wejherowo 07.07.04, 09:26 A jo lubia Lubia na rynku piwa sie napić I na Wejhera ździybko pogapić Czasym mu ptoki na gowa srajom Pewno uciecha tyż we tym majom Bo co czowieka rożni łod ptoka Kery sie bliko na mie z wysoka I możno myśli ło takim dziwie - Czy jego lony wypiołbych w piwie? Odpowiedz Link
broneknotgeld Re: Wejherowo 22.09.04, 08:35 Ponoć latoś Ponoć latoś w Wejherowie gyszeft był na paryzolach Możno se niy mieści w gowie dyć jo wierzyć we to wola. Odpowiedz Link
broneknotgeld Re: Wejherowo 29.05.05, 21:26 "Aquarena Wejherowo" 1999-2005 Wejherowsko bajka cołkym se skończyła Aquaparku niy ma no i już niy bydzie Szczyńściym se parcela do miasta wrociyła Profit we nauce - ze tym niy som w biydzie. Odpowiedz Link
broneknotgeld Re: Wejherowo 14.10.05, 19:12 Wejherowo ponczkuje Ano w Posły dyć ponczkuje Dwie gowy do Sejmu suje Jedyn z PO drugi z PiSu W ty kadyncji taki miszung. Odpowiedz Link
broneknotgeld Re: Wejherowo 21.11.09, 20:41 Ech, te Wejherowo www.wejherowo.pl/new/index.php?c=pl&l=historia&s=banknoty&p=0 We łoczach zaś stowo. Odpowiedz Link
broneknotgeld Re: Wejherowo 04.08.23, 23:37 Wejherowo Ze stolicy kaszubskiego Cosik dōm tyż, skuli tego „Fryfno ślōnsko Polska cało” Bydzie sam tyż sztimowało. www.facebook.com/groups/332939560673928/posts/1276796769621531/ Odpowiedz Link
broneknotgeld Kniewo 02.07.05, 10:57 Strusie w Kniewie Ano - zolyngły już teroz tu sie Chwoli se Kniewo że mo te strusie. Odpowiedz Link
broneknotgeld Re: Reda 13.09.04, 14:35 Reda Piytnoście tysiyncy dusz Toż cołko Reda jest już. Odpowiedz Link
broneknotgeld Re: Reda 13.09.04, 14:38 Rumia Redy ucapiyła Bo mo przeca wiynkszo siyła Dyć redzianie miastu pszajom I sie inkszym niy dowajom. Odpowiedz Link
broneknotgeld Re: Reda 13.09.04, 14:43 Staro i nowo Reda Jest Reda staro i jest tyż nowo Skuli atomu? Czy mi sie zdowo? W nowy spać mieli ludzie z Żarnowca Dyć ze tym downo som na manowcach. Odpowiedz Link
broneknotgeld Re: Reda 13.09.04, 14:44 Staro Reda Czi ćwierci tysionca lot już prawie stoji Na taki gyburstag pewno se łobstroji. Odpowiedz Link
broneknotgeld Re: Reda 13.09.04, 14:47 Parafijo w Redzie Godajom co łona była tu łod zowdy Dyć trza cosik szkryfnońć by sie czimać prowdy Przi "potopie szwedzkim" Reda fest straciyła Parafijom potym dugo zaś niy była. Odpowiedz Link
broneknotgeld Re: Reda 13.09.04, 14:50 Herb Redy Wele czech gorek kościoł tam stoji Czi w Redzie przeca dzielnice Dzisioj sie miasto Szwedow niy boji Niych przidom w te okolice. Odpowiedz Link
broneknotgeld Re: Reda 13.09.04, 14:52 Czi herbowe gorki Reda Pleszewo i Ciechocino W jedno se zloły - herb to wspomino. Odpowiedz Link
broneknotgeld Re: Reda 15.07.07, 22:26 Reda 1357 Co Krziżoki naszkryflali? Reda już z tym rokym znali Historyjo szteli ruszo! Czy wos dzisioj to niy wzruszo? Odpowiedz Link
broneknotgeld Re: Reda 15.07.07, 22:28 Reda (1400) Młyn na Redzie wystawiony Stond i miano nowe znomy Sie Gręźlewo kajś straciyło Redom co przi rzece było. Odpowiedz Link
broneknotgeld Re: Reda 15.07.07, 22:28 Reda po "potopie" (XVI w.) Ano - Reda wyludniono Se zdowało ze aż skono Wioska "jednozagrodowo" Dyć na powrot w życie stowo. Odpowiedz Link
broneknotgeld Re: Reda 21.07.07, 12:33 Werk wyrobow mesingowych Kukfer z cynkym tukej kuplujom Co ze mesingu tako bajstlujom Do Gdańska z redy naprowdy blisko Gyszeft se kulo jako i wszysko. Odpowiedz Link
broneknotgeld Re: Reda 21.07.07, 12:34 We miyndzywojniu We miyndzywojniu aż tysionc dusz Zrachujesz tukej - mniyj ani rusz. Odpowiedz Link
broneknotgeld Re: Reda 21.07.07, 12:35 Reda 1955 Reda gromadom - wiyncy niż wiocha Pewno se dźwignie jeszcze niytrocha. Odpowiedz Link
broneknotgeld Re: Reda 23.07.07, 18:16 Reda 1967-2007 Choć dlo miasta to niywiela Dlo człowieka przeca cosik Reda jako zocno frela Niy trza jom we tany prosić Zafajruje przez rok cały? Latoś radość i zabawa Niych jyj gryfność pasie gały A jo gyszynk rymym sprawia. Odpowiedz Link
broneknotgeld Re: Reda 23.07.07, 18:17 "Atomowe" osiedle Ano - skiż Żarnowca we Redzie stanyło Chocioż tako miasto we proficie było Na sztrom ze atomu niy ma co rachować Dyć w zocy tu bydzie kożdo mondro głowa. Odpowiedz Link
broneknotgeld Szemud 24.05.06, 20:04 Szemud Szemud wioskom gminnom - tym asić se idzie Toż niychej na zowdy ze tym tako bydzie. Odpowiedz Link
broneknotgeld Re: Szemud 24.05.06, 20:11 Szemud 1311 Z tym rokym w papiorach znodli piyrszo wzmianka Chnet gyburstag zocny - z tym niy bydzie manka. Odpowiedz Link
broneknotgeld Re: Szemud 24.05.06, 20:20 "Schonwald" "Gryfnym Lasym" piyrwyj zwany Bo bor zocny był im dany. Odpowiedz Link
broneknotgeld Luzino 24.05.06, 20:06 Luzino Łod grodu Wejhera ze zachodni strony Luzino napotkosz - bydziesz rozluźniony. Odpowiedz Link
broneknotgeld Re: Luzino 24.05.06, 20:13 Luzino 1245 Norbertankom z Żukowa osada nadano Toż Ponboczek se ucieszoł że rosło im wiano. Odpowiedz Link
broneknotgeld Re: Luzino 24.05.06, 20:22 Downo osada Białogardzki ziymi downo to osada Rokow niy rachuja bo może być zwada Dyć grod Białogarda dlo archeologow Luzino zaś wito wandrusa u progow. Odpowiedz Link
broneknotgeld Linia 24.05.06, 20:07 Linia Bliży Lymborka niż Wejherowa Dyć przeca na wschod keruje gowa. Odpowiedz Link
broneknotgeld Re: Linia 24.05.06, 20:15 Linia 1373 Z tym rokym Linia lokujom tukej Dyć jyj świytności dzisioj poszukej Ano stolicom terozki gminy Z tym dość rozległy przeca dziedziny. Odpowiedz Link
broneknotgeld Re: Linia 24.05.06, 20:23 Nakryklano? Nakryklano piyrwyj była? Tako se na mapie wziyła? Odpowiedz Link
broneknotgeld Łęczyce 24.05.06, 20:09 Łynczyce Przi łebie dyć leży łod wiekow ta wioska Że stolicom gminy - cieszy sie niy troszka. Odpowiedz Link
broneknotgeld Re: Łęczyce 24.05.06, 20:16 Stary młyn Młyn w Łynczycach zabytkowy Czy se młynorz znoloz nowy? Odpowiedz Link
broneknotgeld Re: Łęczyce 24.05.06, 20:27 Dobra princa Dobrym princa dyć Łynczyce Pomorskego - przeca wiycie. Odpowiedz Link
broneknotgeld Gniewino 24.05.06, 20:10 Gniywino To Gniywino niy gniywało Że se gminom cołkym stało. Odpowiedz Link
broneknotgeld Re: Gniewino 24.05.06, 20:19 Gniywino Wejherow Klasztor we Żarnowcu wpiyrw Gniywino czimoł Wejher w końcu kupioł - rod istnych niy drzymoł Ciyngym se majontki w okolicy mnożoł Tako na Kaszubach richtig wiela wożoł. Odpowiedz Link
broneknotgeld Re: Gniewino 24.05.06, 20:28 Rexinow W siedymnostym wieku Rexinow Gniywino Tela mi se teroz yno przipomino. Odpowiedz Link
broneknotgeld Re: Gniewino 29.05.06, 22:29 "O Gniewińskie Pióro" Sie Gniywino niy pogniywo forum.gazeta.pl/forum/72,2.html?f=28940&w=42681462 Mie tyn konkurs richtig dziwo. Odpowiedz Link
broneknotgeld Re: Gniewino 04.06.06, 21:30 Gniywińsko świontynia 1870 Kaj piyrwyj kaplica kościoł zocny stoji Wangelicki kedyś - teroz wiary moji. Odpowiedz Link
broneknotgeld Re: Gniewino 04.06.06, 21:32 Basyn Tym Gniywino fest se asi Że mo gryfny kryty basyn W inkszy wiosce darmo szukać Chcesz popływać - trza tu kukać. Odpowiedz Link
broneknotgeld Re: Gniewino 13.08.06, 12:14 Zajta Gniewina przido se tukej gniewino.logonet.pl/aktualnosci.php Tako wandrusie zaroz tam kukej. Odpowiedz Link
broneknotgeld Re: Gniewino 13.08.06, 12:16 Kościołek Gniewiński kościołek - możecie se blikać wejher.pl/okolice/gniewino/kosciol.jpg A jak tam bydziecie to chciyjcie porzykać. Odpowiedz Link
broneknotgeld Rybno 04.06.06, 21:34 Rybno Piyrwyj Rybińskich - możno stond miano Abo im z Rybna tako tyż dano. Odpowiedz Link
broneknotgeld Re: Rybno 04.06.06, 21:36 Fisza Co dlo Rybna znaczy fisza? -Możno kedyś tu usłysza. Odpowiedz Link
broneknotgeld Re: Rybno 04.06.06, 21:39 Przebendowscy w Rybnie Po Rybińskich Przebendowscy ta wioska czimali Toż w tych stronach wiela łoni gospodarowali. Odpowiedz Link
broneknotgeld Re: Rybno 04.06.06, 21:44 Dwor w Rybnie Ze dziewiytnostego wieku tukej stoji Chocioż jako piyrwyj już se niy łobstroji. Odpowiedz Link
broneknotgeld Re: Rybno 04.06.06, 21:46 We gniywiński gminie Rybno we gniywiński gminie Kuknij jak ześ w ty dziedzinie Odpowiedz Link
broneknotgeld Re: Rybno 04.06.06, 21:47 Niymiecki lager Ze Sztutowa tako Niymce wiyńźniow przigoniyli Choć tu lager richtig krotko - niy wszyscy przeżyli. Odpowiedz Link
broneknotgeld Stargard Gdański 04.08.07, 21:39 Stargard Gdański Niy ma we tym nic ze wica Dlo Kociewio to stolica. Odpowiedz Link
broneknotgeld Re: Chełmno 11.01.04, 17:52 Chełmno Piyrsze miasto krziżacke na piastowski ziymi Siedymset siedymdziesiont lot już przeszło liczy Problym ze Zakonym? Z rzondami ichniymi? Wiela ta historio na dzisioj sie liczy? Odpowiedz Link
broneknotgeld Re: Chełmno 11.01.04, 17:54 Prawo chełmińske Chełmno miastym było Co inkszym na wzor Prawami sypnyło Zocny to był wor. Odpowiedz Link
broneknotgeld Re: Chełmno 11.01.04, 17:58 Prynt chełmiński Ze niego te miasto tyż kedyś słynyło Miara to ciekawo - we historii mocno Ze zadku ratusza łoko doglondnyło Sztyry metry z hokym - dyć widać że zocno. Odpowiedz Link
broneknotgeld Re: Chełmno 11.01.04, 18:01 Brama Brama Grudziondzko w Chełmnie znojdziecie Trza tukej wspomnieć ło tym tyż przecie. Odpowiedz Link
broneknotgeld Re: Ustka 30.01.04, 23:32 Ustka Ustka z Łebom durś sie wadzi Kero bardzi być poradzi Tom princesom Polski morza? Jo sie pedzieć niy łodwoża. Odpowiedz Link
broneknotgeld Re: Ustka 30.01.04, 23:45 Czamu Ustka? Bo nad ujściym Słupi leży Stond sie nazwa jeji wziyła Dziwne - dyć możecie wierzyć W słowie tym sie rzeka skryła. Odpowiedz Link
broneknotgeld Re: Ustka 30.01.04, 23:48 W Ustce Kupa ludzi tu przez lato Wakacjami Ustka kwitnie Jednak potym już "sagato" Reszty roku sie niy wytnie. Odpowiedz Link
broneknotgeld Re: Ustka 30.01.04, 23:54 A może sie udo Wielke plany richtig majom Z Unii euro chcom prziciongnońć Wczasowiczom przeca pszajom W taki gyszeft Ustka wprzongnońć Z dwóch miesiyncy zrobić wiyncy Przeca miasto - uzdrowisko Morze plaża jod - niy mynczy Trza we zocy mieć to wszysko. Odpowiedz Link
broneknotgeld Re: Ustka 30.01.04, 23:57 "1935 - 2005" Za rok w Ustce bydzie fajer Siedymdziesiont lot miejskości Dyć to przeca niy som baje Chciołbych tam w gyburstag gościć. Odpowiedz Link
broneknotgeld Re: Ustka 30.01.04, 23:59 "Starowka" Chcom mieć "nowe" stare miasto Remontować prziszoł czas to. Odpowiedz Link
broneknotgeld Re: Ustka 31.01.04, 00:03 Kije w Słupi Wyndkorzy fest Słupia ciongnie Fisze w gyszeft tyż sie wprzongnie Kije moczom na łososia Troć a nawet pstronga do sia. Odpowiedz Link
broneknotgeld Re: Ustka 22.09.04, 08:40 W Ustce Łostatnio głośno coś ło łapowkach We magistrackich paruje głowkach? Odpowiedz Link
broneknotgeld Re: Ustka 14.08.14, 21:36 Ktosik ślimto, ktosik lacho Cołko Ustka ło tym klacho? www.portalsamorzadowy.pl/polityka-i-spoleczenstwo/5-mln-zl-za-rezygnacje-burmistrza-ustki-takiej-sesji-rady-polska-jeszcze-nie-widziala,62122.html Odpowiedz Link
broneknotgeld Re: Kwidzyn 02.02.04, 23:23 Biskupstwo pomezańske (1243-1525) Biskupstwo pomezańske - Kwidzyn mu stolicom Co po niym zostało do dzisioj zochwyco Na szkarpie katedra gotykym łozdobno Choć przebudowano wiekow swojich godno. Odpowiedz Link
broneknotgeld Re: Gdańsk 19.02.04, 18:15 Dwor Artusa Czi Dwory Artusa w Europie łostały A przeca ich było piyrwyj richtig wiela Gdańsk Tallin i Ryga - to już spis jest cały Nojpiykniejszy gdański - szkryfnońć sie łośmiela. Odpowiedz Link
broneknotgeld Re: Gdańsk 02.03.04, 19:55 Grod Prawiom co tu Mieszko założoł grod gdański Tysionc lot ze hokym już to tymu było Rosnoł łon we siyła - luft był jakby pański No bo sie kożdymu robić coś werciyło. Odpowiedz Link
broneknotgeld Re: Gdańsk 07.03.04, 16:59 Konrad z Byczyny W Byczynie sie rodzioł, w Paryżu sztudiowoł Pioro swoje jednak Gdańskowi łoddowoł Szkryfnoł tyn "Labirynt" - w niym nauka świata Łostała sie pamiyńć - nojlepszo zapłata. Odpowiedz Link
broneknotgeld Re: Gdańsk 25.08.04, 18:04 "Ukraińske Wikingi" Przipłynyli latoś do Gdańska na łodzi Wele Ołowianki drakkara cumuje W Kijowie "Rok Polski" no toż se to godzi Na bezrok zaś nazod załoga popruje. Odpowiedz Link
broneknotgeld Re: Gdańsk 25.08.04, 18:07 Świyntopełk Wielki (1220-1266) Wielki bo ze sługi princym zostoł tukej Kaj Pomorze Gdańskie śladow jego szukej. Odpowiedz Link
broneknotgeld Re: Gdańsk 25.08.04, 18:12 A-1 Autobana z Gdańska na połednie "ruszy"? Cosik se łobiyło ło tym mi we uszy Ponoć piyrszy konsek w dwa lata być może Pociongnom pod Grudziondz - toż dej tego Boże. Odpowiedz Link
broneknotgeld Re: Gdańsk 12.09.04, 20:59 "Jarmark Dominikański" 31.VII - 22.VIII.2004 Czi tydnie latoś jarmark we Gdańsku Zaczoł sie piyknie skończoł "po pańsku" Dynkmal postawić chcom patronowi Niychej sie Ruda tyż ło tym dowiy. Odpowiedz Link
broneknotgeld Re: Gdańsk 15.10.04, 20:51 "Amberia" Niyjedna we Gdańsku bursztynu galeria Na Mariacki jednak jest zocno "Amberia" Cudami z jantaru napasiesz tu łoko Z tego nawet serce ponoć czasym skoko. Odpowiedz Link
broneknotgeld Re: Gdańsk 17.11.04, 19:56 Gdańsk - St.Petersburg Miasta se łoba kamracom fest Wiela uciechy czasym z tym jest Łostatnio gdańsko tam delegacjo Tyż se zrobiyła piykno libacjo Jednak niy cołko - yno jyj ćwierć Chciała sie zapić jakby na śmierć Choć Ruski mieli wiela z tym szpasu We Gdańsku teroz wiyncy marasu. Odpowiedz Link
broneknotgeld Re: Gdańsk 18.11.04, 18:40 Wielki Plan Inwestycyjny 2005 - 2009 Gdańsk inwestować chce u sia wiela Ponoć nojwiyncy we drogi Toż możno wygro na tym ta sztela Abo popadnie we długi. Odpowiedz Link
broneknotgeld Re: Gdańsk 20.11.04, 22:41 Gdańsk marszałkym stoji? Zbiyrajom na pomnik Zefla Piłsudskiego Wrzeszcz - tam ponoć miejsce nojlepsze dlo niego We rocznica śmierci na bezrok postawiom Tako se w tym Danzig teroz władze bawiom. Odpowiedz Link
broneknotgeld Re: Gdańsk 27.11.04, 11:06 Szekspirowski Tyjater Szekspirowski tyjater we Gdańsku tyż stoł Chcom go łodbudować - czy to yno fioł? Odpowiedz Link
broneknotgeld Re: Gdańsk 25.05.05, 08:23 Oliwa Wele Sopotu jest ta Oliwa Trza cosik szkryfnońć ło jeji dziwach. Odpowiedz Link
broneknotgeld Re: Gdańsk 25.05.05, 08:24 "Pachołek" Niych cie na "Pachołek" gyry zaprowadzom Ze niego mosz widok na piykno Oliwa Chocioż skiż Sopotu nikierzy sie wadzom Jo w ta strona jednak byda se durś dziwać. Odpowiedz Link
broneknotgeld Re: Gdańsk 25.05.05, 08:24 Potok Oliwski Zdo sie Oliwa piyrwyj "budowoł" Przeca tu kozdy młyn dlo sia stowioł Coś ze dwadziścia było aż tego Siył wiela brało ciyngym z istnego. Odpowiedz Link
broneknotgeld Re: Gdańsk 25.05.05, 08:25 Oliwa 1186 Staraniym sie stało Sambora I -Przeca dobrze znocie ksiyńcia pomorskego Co ło swoje ziymie jak umioł tak dboł Łon tutejszo ziymia tym cystersom doł. Odpowiedz Link
broneknotgeld Re: Gdańsk 25.05.05, 08:25 Opat Dithard Ze duńskego Esrom se opat wywodzioł Wpiyrw w Kołbaczu jednak klasztor "dziełym" jego Potym we Oliwie se nowy "narodzioł" Staraniym Sambora no i tyż istnego. Odpowiedz Link
broneknotgeld Re: Gdańsk 25.05.05, 08:26 "Olyuna" -18.III.1188 Princ Sambor wtedy nadanie doł Bo przeca w zocy tyn klasztor mioł Dokumynt łostoł - w niym miano take Zdo sie z dzisiejszym chnetko jednake. Odpowiedz Link
broneknotgeld Re: Gdańsk 25.05.05, 08:26 Po prowdzie "odpis" łostoł sie nom Te "sprostowanie" terozki dom. Odpowiedz Link
broneknotgeld Re: Gdańsk 25.05.05, 08:27 Poczontek klasztoru 1186-1188 Toż princ Sobisław myśloł już ło tym Ściongnońć cystersow - niy dlo gupoty Łostawioł jednak to Samborowi Synym był jego - to kożdy powiy Konwynt mnich Dithard tukej przikludzioł Z Kołbacza karlus tako se trudzioł Bo miało to być ich "kolanijom" Chocioż cysterskom tyż familijom Zamek myśliwski princa w tych stronach No toż niy myśloł ło jakiś kromach Yno kwatera w niym przirychtowoł I ze mnichami klasztor już stowioł Tako minyły dwa lata z Bogym Już braty chwolom sie swojim progym Akt fundacyjny Sambor wystawioł Gdańsk ponoć wtedy za to go sławioł Nadoł przi tymu majontku tela Że pryndko rosła oliwsko sztela Prziwilejami sie tyż cieszyła Z nich tako samo zakonu siyła. Odpowiedz Link
broneknotgeld Re: Gdańsk 25.05.05, 08:27 "Oława" Czy Potok Oliwski piyrwyj tako zwali? Czy ze ty "Oławy" miano szteli dali? Po prowdzie to niy wiym - tako yno szkryfna No i rymym ło tym terozki se gichna. Odpowiedz Link
broneknotgeld Re: Gdańsk 25.05.05, 08:28 Oliwa 1224 Poł Kympy Oksywski doł Świyntopełk II Z czasym spis majontkow bydzie bardzi dugi Bo po Warcisławie Ziymia Gniewsko doszła Sława ło klasztorze we Pomorze poszła. Odpowiedz Link
broneknotgeld Re: Gdańsk 25.05.05, 08:28 Oliwa 1226 Skiż wypraw krziżowych tako tragedyjo Prusy se łodgryźli no i stond mecyjo Wypolony klasztor kościoła tyż niy ma Opata z mnichami już niy nosi ziymia Choć na łoczach gdańszczan ich pomordowali Jedni tu skończyli - inksi zaczynali Bo zaś ze Kołbacza mnichow prziszło tela Że łodrosła chnetko ta cystersko sztela. Odpowiedz Link
broneknotgeld Re: Gdańsk 25.05.05, 08:29 40 majontkow Cosik wele tego we czinostym wieku Już mioł tukej klasztor - wiydz ło tym czowieku. Odpowiedz Link
broneknotgeld Re: Gdańsk 25.05.05, 08:29 Oliwa 1236 Zaś tu Prusy polom i mnichow mordujom Przeciw krześcijanom tako durś wojujom Cystersow skiż misji podwojnie niy znoszom Bestoż tyż litości na darmo ich proszom. Odpowiedz Link
broneknotgeld Re: Gdańsk 25.05.05, 08:30 Oliwa - 1243, 1247, 1252 Czi razy Krziżaki tukej se panoszom Na krześcijanina miecz zakonny wznoszom Toż cystersy skiż nich niy mieli tyż leko Zdo sie - co nojgorsze jeszcze ich tu czeko. Odpowiedz Link
broneknotgeld Re: Gdańsk 25.05.05, 08:31 Oliwa 1308 Krziżaki Gdańśk wziyli - krew przi tymu loli Krześcijan - Ponboczka sie cosik niy boli Se opat Rudiger tymu fest dziwowoł Zwłoki yno zbiyroł - we Oliwie chowoł. Odpowiedz Link
broneknotgeld Re: Gdańsk 25.05.05, 08:30 Kościoł św Jakuba (ok. 1300) Dlo parafian świontynia tako postawiyli Toż tukej cystersy se bogato żyli Łobrośli w majontki - stać ich na to było Dyc tyż Ponboczkowi tako sie sie służyło. Odpowiedz Link
broneknotgeld Re: Gdańsk 25.05.05, 08:31 Oliwa 1303 Krol Władysław II doł im Swornegacie Cystersy tam siedzom teroz "na etacie" Przez czidziści rokow dobrze gospodarzom Dyć se tyż Krziżakom przeciwić niy ważom Za ta sztela wziyli jednak Domatowo No i tyż Darżlubie co przi Pucku stowo. Odpowiedz Link
broneknotgeld Re: Gdańsk 25.05.05, 08:31 W krziżackich czasach Wielki Mistrz Zakonu krziwo paczoł na to Że Oliwa ciyngym zdo sie tu bogato Kaj umioł tam dojoł cystersow solidnie Myśloł co im życie we wspolnocie zbrzidnie Braciszki z opatym jednak se czimali Przeca niy som po to coby wojowali Bog i gospodarka to jejich zadanie Łaska we tym trwaniu łod Cia zowdy Panie Tako wieki całe ciyngym sie tu dzioło Cystersy oliwske w gorze majom czoło Krziżakow szczimali - som w łaskach Korony Dyć los figle niesie - dobrze my to znomy. Odpowiedz Link
broneknotgeld Re: Gdańsk 25.05.05, 08:32 Oliwa 1350 Zdo sie cołko sztela jedna jest fojera I kościoł i klasztor wziyła ta cholera Poł wieku chnet trwało niym łodbudowali Dyć jakoś utropa czekała tyż dali. Odpowiedz Link
broneknotgeld Re: Gdańsk 25.05.05, 08:32 Oliwa 1433 Wojna Polska wiedzie srogo z Krziżakami Przi tym se kamraci nawet z Husytami Toż prziszli Pepiki - Oliwa złupiyli Szczyńściym sie cystersy do Gdańska schroniyli Odpowiedz Link
broneknotgeld Re: Gdańsk 25.05.05, 08:33 Oliwa 1460 Dyć "czinostoletnio" wojna fest szalała We klosztorze jazda se kwaterowała Ze tym polskim wojskym ciyngym jakeś straty Szczyńściym że niy łoni zebrali tu baty. Odpowiedz Link
broneknotgeld Re: Gdańsk 25.05.05, 08:33 Reformacjo Skuli Schlieffa i Geschkaua Sztela tyż tu uciyrpiała Prziszły nawet ze tym baty Jednak doszło do łodpłaty. Odpowiedz Link
broneknotgeld Re: Gdańsk 25.05.05, 08:33 Opat Lambert Schlieff Zdo sie co wspiyroł reformacyjo A gospodarzoł! -Ciyngym mecyjo! Majontkow klasztor myni już mo I podupado - tako sie zdo. Odpowiedz Link
broneknotgeld Re: Gdańsk 25.05.05, 08:33 Opat Kaspar Geschkau Toż biskup Wrocławia karlusa tu wspiyroł Dyć i Zygmunt August w Oliwa spoziyroł Wpiyrw Geschkau go tropioł - ze czasym ucieszoł Bo już przeciw Polsce łon tukej niy zgrzeszoł. Odpowiedz Link
broneknotgeld Re: Gdańsk 25.05.05, 08:34 Oliwa 1577 Toż gdańszczanie wtedy Oliwa złupiyli Za "polskość" Geschkaua tako se zymściyli Krol na nich nałożoł dukatowo kara Ło klasztor zniszczony musieli sie starać. Odpowiedz Link
broneknotgeld Re: Gdańsk 25.05.05, 08:34 Opat Dawid Konarski Przi niymu zaś wszysko zakwitło łod nowa Blysnyła fest sztuka - we tym jego gowa Wystrojym sie asić mog kościoł terozki Aże do nastympny richtig wielki troski.
