"O Gniewińskie Pióro"

[broneknotgeld]

"O Gniewińskie Pióro"

Taki konkurs literacki rychtujom w Gniywinie
Latoś pionty roz se kuloł toż pewno niy minie
Piyrwyj yno mioł być gminny potym regionalny
Dyć już jest na cołko Polska bo koncept to fajny

Gmina tako se promuje tyż i zagranicom
Przeca proza i poezjo wszyscy dzisioj klycom
Niych na forum wontek bydzie - pewnikym se przido
Mozno rym i dlo ty szteli z czasym forum wydo.

[broneknotgeld]

Latoś żech niy był we tym Gniewinie
Dyć to na bezrok mie niy łominie.

[broneknotgeld]

Gniywińske rymy

Łoni majom konkurs zocny
Joch we ślonske rymy mocny.

[broneknotgeld]

Niy ło piorze we Gniywinie
Dyć ło jakis srogi minie
www.tvn24.pl/wiadomosci-z-kraju,3/osrodek-w-gniewinie-zbudowany-nielegalnie-jest-sledztwo-prokuratury,271568.html

Gniewino

[broneknotgeld]

Gniywino

To Gniywino niy gniywało
Że se gminom cołkym stało.

[broneknotgeld]

Gniywińsko świontynia 1870

Kaj piyrwyj kaplica kościoł zocny stoji
Wangelicki kedyś - teroz wiary moji.

[broneknotgeld]

"Kaszubske Łoko"

Kaszubske Łoko majom w Gniewinie
Toz pamiyntejcie ło ty dziedzinie.

[broneknotgeld]

gniewino.pl/index.php?option=com_content&task=blogcategory&id=9&Itemid=53
Dyc tyn link se tukej przido.

[broneknotgeld]

Trza ze gniywińskom ruszyć mi fraszkom
Gmina dlo rymu może być draskom.

[broneknotgeld]

forum.gazeta.pl/forum/72,2.html?f=169&w=64616372&a=64616372
We pyńdziałek tam zoglondna
Możno rymym se tyź wprzongna.

[broneknotgeld]

Czym słynie Gniewino?

Czym w Wejherowskim powiecie słynie?
Jest kryty basyn we ty dziedzinie
Kery prziciongnie tu niyjednego
W niym atrakcyji wiela do tego.

[broneknotgeld]

Niychej se Gniewino bliknie
forum.gazeta.pl/forum/72,2.html?f=28940&w=67471996&v=2&s=0
Wontek nom poleci piyknie.

[broneknotgeld]

Gniywiński purtek

Piyrwyj tu ze niym była utropa
Umynczoł baby, niy szczyńdzioł chopa
A wszyski skuli Żarnowca tako
Cysterka rzyko to purtek płako.

[broneknotgeld]

Tako reklamować idzie
pl.youtube.com/watch?v=kLf1xE4D_WE
Toż niych link i tukej bydzie.

[broneknotgeld]

Stolym dobry humor miywo
forum.gazeta.pl/forum/72,2.html?f=28940&w=68819739
Jak se na Gniywino dziwo.

[broneknotgeld]

Jako Gniywino powstało?

Jako Gniywino powstało?
-Dyć Stworcy to rozgniywało
Że sie stolymy panoszom
I chwały Jego niy głoszom

Toż zesłoł mor na rod wielki
W tym wcale niy duperelki
Bo tako se wyłobroźcie
-Pomarło ich łoziymnoście

Dziedzina dychła jakosik
Stworow łogromnych niy nosi
I zdo sie - prosi człowieka
Czy długo potrza jyj czekać?

Za gniywym chnet łaska przidzie
Co dobre z ziymi ty bydzie
We mianie downe łostało
Znosz historyjo już cało.

[broneknotgeld]

Stolymy co łogupiały

Ponoć stolymy co łogupiały
Ciyngym ryncami w gorze machały
Ano - legynda ło istnych prawi
-Przidzie czas kery rod stary zbawi
Z kaszubski ziymi zaś go podźwignie
Dyć myśl takowo we głowie mignie
-Jako wiatraki piyrwyj olbrzimy
Czy tref spełniony? -Tego niy wiymy.

[broneknotgeld]

Wiedzom dziecki

Wiedzom ło gryfie gniywińskim dziecki
Że łon w jeziorze żył Żarnowieckim
Chcioł to fest furgoł, niy chcioł to pływoł
Człowiek koronie dyć jego dziwoł
Toż we niyj richtig zagodka była
Skond se na głowie u gryfa wziyła?

[broneknotgeld]

Korona gryfa

Prawiom co w downych czasach to było
Plymie wikińske te ziymie wziyło
Grod przi jeziorze wybudowali
Zamek na gorze władcy stowiali

Krol w niym niydługo jednak zabawioł
Trza mu wojować - cera łostawioł
A że bogato i gryfno była
Jarl chcioł jakowyś jom brać na siyła

Toż i utropa - frelka we biydzie
Fater z pomocom drapko niy przidzie
We łodka wsiodo zocno krolewna
Lepi jak pitnie - tego jest pewna

Ech - sie znad morza wiater porywo
Łodka przewroco - to wos niy dziwo
Chnetko by dziołcha woda zabrała
Dyć szczyńściym gryfa istno dojrzała

Przipłynoł drapko - chycioł szponami
Krzidłami machnoł - już nad falami
Na drugim brzegu jeziora tako
A tam krol srogi za cerom płako

Ślimtanie jednak w radość se miyni
Krolewna zdrowo stoji na ziymi
Z tym głowa gryfa koronowano
No i dziedzina jymu poddano.

[broneknotgeld]

Łod kedy znocie?

Ze downych wiekow Gniywino znocie?
Toż przi Żarnowcu je piyrwyj mocie
Czy skuli tego pobozno wioska?
Do dzisioj tako łostało troszka.

[broneknotgeld]

Przi Wejherach (XVI w.)

Cosik ło tym jest w papiorach
Dyć jo mom w pamiyńci dziura.

[broneknotgeld]

Gniywino przi Rexinach (łod XVII w.)

Tako Rexiny już dziedzicami
Z niymi urosło? Powiycie sami?
Przeca kaj piyrwyj yno kaplica
Świontynia w końcu krasi aż lica.

[broneknotgeld]

Gniywińsko kaplica (XV w.)

Tela wiym - już wtedy stoła
Do Ponboczka szło w niyj wołać
Toz gniywińske krześcijany
Tu klynkali w progu z ranym.

[broneknotgeld]

Świontynia (1870)

Ano - kościoł już bogaty
Choć we środku coś sagaty
Wangelikom piyrwyj służoł
Toż i zbytkow łon niy użoł.

[broneknotgeld]

Gniywino miastym?

Mozno z czasym tako bydzie
Prawo miejske tukej przidzie
Dom kultury, basyn, szkoła
Jakby chciały ło to wołać

"Łoko Kaszub" znojdziesz tukej
Na dziedzina z niego kukej
Kero blyszczy, zdrowo rośnie
Niych tym asi se radośnie.

[broneknotgeld]

Gniywiński stadion

Prziśni se taki niyjedny gminie
A jest na jawie prawie w Gniywinie.

[broneknotgeld]

"Trzi Korony"

Szkolnom wjedziesz na Szportowo
Restauracjo w łoczach stowo
Drzewa tam na łopak rosnom
Niy zielyniom se i wiosnom.

[broneknotgeld]

Po wojnie

Ano - po wojnie polske Gniywino
Piyrwyj niymiecke - tu szkryfna ino.

[broneknotgeld]

Gniywiński gryf

Gryf gniywiński śnioł se w nocy
Jakbych był we jego mocy
Kero biere ze podkowy
-We Gniywinie kożdy to wiy.

[broneknotgeld]

Przi Gniywinie stanom?

Stanie stolymow tu łoziymnoście?
Ano - już tako - se wyłobroźcie!

[broneknotgeld]

Wiyrchym durs Gniewino?
Ano - ino, ino.

Gmina Gniewino

[broneknotgeld]

Latoś se podziwołch gminie
www.gniewino.pl/
Toz link wontku niy łominie.

[broneknotgeld]

Gmina Gniywino

Na dwoch kympach położono
Rynnom tako podzielono
Blyszczy gmina jeziorami
Chciyjcie je zrachować sami.

[broneknotgeld]

Kympa Gniywińsko

Toż bliży morza kympa wysoko
Łoko ze dołu na wiyrch tu skoko.

[broneknotgeld]

Kympa Salińsko

I ze jeziora ta kympa znocie
Sołectwo zocne tyż tukej mocie
Co w historyjo siyngo głymboko
Do średniowieczo przeca aż skoko.

[broneknotgeld]

Rynna Słuszewsko

Jako dolina miyndzy kympami
Se przekonocie w Słuszewie sami.

[broneknotgeld]

Jezioro Żarnowieckie

Z pomorskich jezior jedne ze wiynkszych
Coluśke tako w gniywiński gminie
Kto motorowkom chce być nojpryndszy
Tyn prawie wody ty niy łominie.

[broneknotgeld]

Bychowsko Struga

Przez Perlino do Bychowa
Woda płynie ciyngym z nowa
Jak Lublewo krajym minie
We Słuchowa chnet dziedzinie
Teroz cołkym wschod jom kusi
Wierzchucino poznać musi
Niym w jeziorze se utopi
Żarnowieckim - to niy tropi.

[broneknotgeld]

Prawie tymu se dziwuja
www.gniewino.pl/index.php?option=com_content&task=view&id=56&Itemid=86
Ło ty gminie dyć pisuja

[broneknotgeld]

To ci Gniywino
wejherowo.naszemiasto.pl/wydarzenia/777862.html
Ibong w tym ino.

Czymanowo

[broneknotgeld]

Czymanowo 1410

Wieś rycersko z Czymanowa
Niy wymyślo tego głowa
Przeca na to som papiory
Niych niy wontpi coniyktory.

[broneknotgeld]

Czymanowo Bychowskich

Przi Bychowskich Czymanowo
Familijo piyrwyj zdrowo
Na dziedzinach gospodarzy
Czy zły tref im se przidarzy?

Ano - z czasym długow wiela
Tracom dyć niyjedna sztela
Tako i tyn zocny kontek
Przeca żodyn to wyjontek.

[broneknotgeld]

Czymanowo Kolkowskich

Z łoziymnostym wiekym tako
Dlo dziedziny z tym jednako
Dwor jak wszyndy wiyrchym przeca
Z pomorskego richtig neca.

[broneknotgeld]

Czymanowo 1847

Piytnoście łanow - zdo sie to mało
Młyn no i folwark - dziedzina cało.

[broneknotgeld]

Czymanowo 1869

Łanow juz wiyncy - we tym podnieta
Dyć dusz zrachujesz niycało seta.

[broneknotgeld]

Czymanowo 1920-1945

We lymborskim jest powiecie
Za granicom tako przecie.

[broneknotgeld]

Czymanowo 1945

Teroz Polska Wejherowo
jako powiat szteli dowo.

[broneknotgeld]

Elektrownia w Czymanowie

Ano - z Żarnowca plompie durś woda
Ciyngym we gora - sztromu niy szkoda
Bo jak za mało prawie go majom
Ze Czymanowa fest dokłodajom.

[broneknotgeld]

Dwor Czymanowo (XIX w.)

Ze folwarku dzisioj niywiela łostało
Skuli elektrowni zbulić trza coś było
Dyć som dwor se łostoł a to już niymało
Idzie powspominać co piyrwyj tu kryło.

[broneknotgeld]

Pomorsko osada (650-400 r.p.n.e.)

Kultura omorsko blysła w pełny krasie
Osada wyrosła tukej ło tym czasie
Dlo archeologa zdo sie jako cudo
Co jeszcze se łodkryć im w ty szteli udo?

[broneknotgeld]

Stare Czymanowo

Idzie se podziwać jako tu miyszkali
Życie w starych chałpach dyć kulo se dali.

Ruda Śląska - stolica fraszki

Bychowo

[broneknotgeld]

Bychowo 1377

Reczke zBychowa po sondach łazioł
Z tym w historyjo dziedzina wrazioł
Toż skuli tego przeca coś wiymy
Było Bychowo - szkryfna se rymy.

[broneknotgeld]

Bychowscy ze Bychowa

Rycerske dobra mo familijo
Mianym z Bychowa - niy komedyjo.

[broneknotgeld]

"Bychowo"

Jedni stawowi miano dowajom
Inksi osadzie - dyć jo niy wajom
Ważne że rośnie naszo dziedzina
Majontek idzie z łojca na syna.

[broneknotgeld]

Konny z Bychowa (1523)

Dziedzić z Bychowa konnego dowo
Jak princ na wojna ze wojskym stowo
Dyć możno jeszcze był ciynżkozbrojny
Mus z tym pewnikym, a niy dar chojny.

[broneknotgeld]

Łod 1576

Sie Bychowsce zadłużajom
Zocy tako myni majom
Aże sprzedać trza dziedzina
Niy łostanie nic dlo syna

Jako ze Bychowym bydzie?
Nowy dziedzic drapko przidzie?

[broneknotgeld]

Von Lübtowy we Bychowie

Po Bychowskich gospodarzom
Geld pewnikym zocniyj ważom
Bychow familiji dany
Ze Perlinym już cuzamyn.

[broneknotgeld]

Bychowo 1784

Dwa folwarki i dwa młyny
Som ze mianym ty dziedziny
Czy Bychowo podzielone
Bydzie aże po som koniec?

[broneknotgeld]

W bychowskich młynach

Na koła młyńske woda se leje
Z Bychowski Strugi - downe to dzieje.

[broneknotgeld]

Bychowo Sydowow (XIX w.)

Po Sydowach co łostało?
Tyn dwor gryfny - dyć niymało
Trza pamiyntać familijo
Toż dziedziny historyjo.

[broneknotgeld]

Bychowski pałac

Co tu Sydowy wybudowali
Służy dziedzinie szczyńśliwie dali
Jakoś nojgorsze czasy minyły
Juzaś ta sztela nabiyro siyły
Pałac ugości cie w swojich progach
Za to dać głowa jo zowdy moga.

[broneknotgeld]

Bychowo 1999

Dwor ze riuny na powrot stowo
Czas nastoł lepszy - se niy wydowo
Jako perełka gminie zaś dany
Wykurowane już wszyske rany.

[broneknotgeld]

Bychowski park

Chocioż niy cołkym we downy krasie
Dyć ciyngym łoczy nom przeca pasie
Struga Bychowsko przez park przepływo
Se gryfnym drzewom łod wiekow dziwo.

[broneknotgeld]

Aleja grabowo

Park bychowski se niom asi
Przeca go łod wiekow krasi.

[broneknotgeld]

Stary domb

Dyć piyńćset rokow klupnie mu chnet
Ło to jo moga tyż zrobić wet.

Perlino

[broneknotgeld]

"Perlow" 1463

Już w historyji se Perlow jawi
Wieś tu rycersko - dokumynt prawi.

[broneknotgeld]

Perlow 1457

Princ Eryk Perlowskim dziedzina nadowo
Toż stond jejich miano nom przed łoczy stowo.

[broneknotgeld]

Perliński folwark

Choć małowiela - cosik łostało
Przeszło sto rokow bydzie już miało.

[broneknotgeld]

Czym pokusi?

Czym Perlino cie pokusi?
Tu jezioro ryb niy dusi
Toż wyndkorzy ciongnie tako
Choć mie prawie z tym jednako.

[broneknotgeld]

Perlino 1457-2007

Sołtys Perlina na fajer prosi?
Zocny gyburstag we gminie głosi?

[broneknotgeld]

550 rokow Perlina

Ech te Perlino - chocioż już stare
Mie sie wydowo ciyngym dość jare.

[broneknotgeld]

Perlino 2010

Ech, łotwarli latoś tu prawie swiytlica
Toż kto ze Perlina mo wesołe lica
Kulturze, szportowi zocnie służyć bydzie
Sołectwo we gminie mono wiyrchym przidzie.

Rybno

[broneknotgeld]

Rybno 1382

Marcynowiczowi komtur włóki dowo
Ze tym w historyjo Rybno tukej stowo.

[broneknotgeld]

Rybno Rybińskich

Pewno tako być musiało
Z Rybna familijo cało?

[broneknotgeld]

Rybno Bonin-Sulickich

W siedymnostym wieku dziedzice se miyniom
Nowo familijo cieszy teroz ziymiom.

[broneknotgeld]

Rybno Przebendowskich

Jejich majontki w tych okolicach
Tako i Rybno miyni tyż lica.

[broneknotgeld]

Rybno Arnolda Johsta

Z wiekym dwudziestym Johsta dziedzina
Czy przyńdzie folwark z łojca na syna?

[broneknotgeld]

Dwor we Rybnie (XIX w.)

Ano - dwor w Rybnie do dzisioj stoji
Choć jako piyrwyj szteli niy stroji
Dyć mi se potrza i tymu dziwać
Niym przidzie Rybnu rynkom pokiwać.

[broneknotgeld]

Kapliczka w Rybnie

Wele drogi wystawiyli
Coby ludzie se modlyli.

Rybienko

[broneknotgeld]

Rybienko

Ano - tako jako słowo
-Se łod Rybna myńsze zdowo.

[broneknotgeld]

Piyrwyj

Piyrwyj Rybienko bardzi blyszczało
Tu dwa folwarki - to już niymało
Chałup cuzamyn dyć tyż dość wiela
Jakby se ździybko cofła ta sztela.

[broneknotgeld]

374 dusze - 1910

Ano - dyć tela tu rachowali
Jako leciało potym z tym dali?

[broneknotgeld]

Rybienko-Hammer 1822

Skuplowane już cuzamyn
Hammer stracioł se na amyn?

Salino

[broneknotgeld]

Salino

Na jeziorze wyspa ze grodym prastarym
Pamiyntoł łon czasy ty pogański wiary
Pomorske Salino opolnom dziedzinom
-Historyjo downo ździybeczko wspominom.

[broneknotgeld]

Przi Białogardzie

Ano - grod saliński we ciyniu wiynkszego
W tych czasach trza było se chytać mocnego.

[broneknotgeld]

Prepozyt Michał (1268)

Farorz na Salinie nosioł miano grofa
Z somsiodami istny se wadzioł niy trocha
Toż mu parafijo mocno zubożała
Kaj niy ma łostudy Ponboczkowi chwała.

[broneknotgeld]

Kościoł św. Ducha w Gdańsku

Ano - Salino jymu poddane
Grosze do Gdańska były ściongane
Czy we Salinie wiyncy spokoju?
Ksiynżoszek tukej niy grzmioł do boju?

[broneknotgeld]

"Grof" Michał (1268)

Farorza grofym dyć tukej zwali
Somsiody jymu niywiela pszali
Choć ksiondz dyć przeca niy był do zgody
Aż se burzyły Salina wody.

[broneknotgeld]

Salino 1437

Ksiynżoszki z Gdańska sztela sprzedali
Dziedzicom co na Świchowie
Dyć historyjo leciała dali
I niy zatrzimie jyj człowiek.

[broneknotgeld]

Z woli princa Bogusława

Z woli princa Bogusława
Te Salino Krokowskiego
Anatyma niy zabawa
Dyć se istny trzimoł tego.

[djapanazy]

Wygrasz "Pióro",
dasz je córom.

[broneknotgeld]

Jedna mom cera
Szkryfna tu teraz.

[djapanazy]

Obiecałeś opublikowaną tam Twoją fraszką się pochwalić.
Azacheca zdążyła już chyba setkę ćmików wypalić.

[broneknotgeld]

Możno coś ze tego bydzie
Dyć za drapko to niy przidzie.

[haisza]

Jesteś w Gniywińskim kieracie,
mój starszy bracie?

[broneknotgeld]

Lubia Gniywino
Stond fraszki ino.

[broneknotgeld]

Niy wiym co sie latoś dzioło
-Pewno było z tym wesoło.

[broneknotgeld]

Juzaś mie niy minie
Dać coś ło Gniywinie.