"Letnia Stolica Regionu"

[broneknotgeld]

Toż "Dziynnik Zachodni" kupony drukuje
Roztomajte sztele tako tyż promuje.

[broneknotgeld]

Tako po roz szworty
Konkurs wiela worty.

[broneknotgeld]

Lato było
Se skonczyło.

"Letnia Stolica Regionu 2007"

[broneknotgeld]

We "Naszym Mieście" tyż poczytejcie
katowice.naszemiasto.pl/stolica_regionu/specjalna_artykul/638385.html
Dziedziny gryfne bliży poznejcie.

[broneknotgeld]

Regulamin prosty przeca
katowice.naszemiasto.pl/stolica_regionu/specjalna_artykul/638391.html
Link do tego dowom neca.

[broneknotgeld]

Fraszka ślonsko tyż jest siyłom
slask.naszemiasto.pl/turystyka/specjalna_artykul/638882.html
Jo kupony już wysyłom.

[broneknotgeld]

Chocioż link se taki wsadza
katowice.naszemiasto.pl/stolica_regionu/specjalna_galeria/4461_5407.html
Małowiela som poradza.

[broneknotgeld]

Zagłosować dyć niy wadzi
Popromować, popardzić
Kuknońć w zajta, szkryfnońć cosik
Głos dać jako "wdowi grosik".

[broneknotgeld]

Choć wygrano
Se rachuje
Dyć gra samo
Już promuje.

[broneknotgeld]

Lyń niy tropi
katowice.naszemiasto.pl/stolica_regionu/specjalna_artykul/639712.html
Rym niy topi.

[broneknotgeld]

Ruda ciyngym stoji
W głosy se niy stroji.

[broneknotgeld]

Gorko w zimie dyć sie robi
Jak na wontku ktoś nazgobi

[broneknotgeld]

Co ło Ślonsku
potrza wiedzieć?
katowice.naszemiasto.pl/artykul/773338,wszystko-co-turysci-chcieliby-wiedziec-o-tym-regionie-ale,id,t.html#237f1b133c6e3247,1,3,5
W naszym kontku
niy trza siedzieć
Chciyj wandrusie coś spokopić
I konszczyczkym Ślonska "łopić".

[broneknotgeld]

Regionalnie
przeca fajnie
bezwyjatku.pl/n/gorny-slask-w-europie-regionow

Ruda Śląska

[broneknotgeld]

Jak se bawić to se bawić
Z płaczu tyż radocha sprawiić.

[broneknotgeld]

We rankingu sztartnie tako
Bych jak bober tu niy płakoł.

[broneknotgeld]

Ciyngym miasto trza promować
forum.gazeta.pl/forum/72,2.html?f=28940&w=25098887
Bestoż chciyjcie cosik dować.

[broneknotgeld]

Kupon zgłoszyniowy w pyńdziałek wysyłom
Swoje dołożycie to bydymy siyłom.

[broneknotgeld]

Co ło Rudzie Ślonski prawić?
forum.gazeta.pl/forum/72,2.html?f=28940&w=23052235
Linka styknie by wyjawić.

[broneknotgeld]

Dyć jednego mało bydzie
forum.gazeta.pl/forum/72,2.html?f=28940&w=25593421
Niychej drugi tako idzie.

[broneknotgeld]

"Złotom" być se niy udało
forum.gazeta.pl/forum/72,2.html?f=28940&w=40651986&a=40651986
Zasztartować - już niymało!

[broneknotgeld]

Ruda już stolicom fraszki
Na to niy trza wcale łaski.

[broneknotgeld]

Chciyj zaziyrać
forum.gazeta.pl/forum/72,2.html?f=261&w=64725879
Trza to wspiyrać.

[broneknotgeld]

Pałac Donnersmarckow we Rudzie znojdziecie
-Ze "Szwortkowym torgym" co na Wiyrku przecie.

[broneknotgeld]

Ruda nom se pokozała!
slask.naszemiasto.pl/turystyka/specjalna_galeria/4461_5407.html
Zero głosow bydzie miała?

[broneknotgeld]

Toż se prziznom - joch jom wsadzioł
Choć niy byda se tu wadzioł.

[broneknotgeld]

Głos żech przesłoł redakcyji
Ździybko ze tym komedyji.

[broneknotgeld]

Toż ciekawie jako pódzie
forum.gazeta.pl/forum/72,2.html?f=261&w=65364504
I te forum służy Rudzie.

[broneknotgeld]

No i piyknie - trza se bawić
Ździybko szpasu tyż tym sprawić.

[broneknotgeld]

W Rudzie już se zaczli tropić?
forum.gazeta.pl/forum/72,2.html?f=261&w=65364504
W wodzie z colom chcom utopić?

[broneknotgeld]

Już niy spadnie włos mi z głowy
Głos mo Ruda - honorowy?!

[broneknotgeld]

Możno mi łodrosnom włosy?!
Ruda mo już aż dwa głosy!!!

[broneknotgeld]

Aż trzi głosy już wleciały
Biyr z lodowy biera cały!

[broneknotgeld]

Trzi to jednak żdziybko mało
W szkole tyż miołch czynsto "docha"
Aże by se sztyrech chciało
Popromuje możno trocha.

[broneknotgeld]

Głosow piyńć!

Jutro wiyncy bydzie głosow
niż na moji głowie włosow?

[broneknotgeld]

Dziynki!

Wlazła piontka
już do kontka!

[luna-a]

Choć w Rudzie nigdy nie byłam,
rymem Bronka się zachwyciłam!
Na Rudę głosuję,
bo słabość do... czuję.
;b!
Moja jest przyjazna szósteczka,
z Kluczborka, z zielonego miasteczka.

[luna-a]

slask.naszemiasto.pl/turystyka/specjalna_pozycja/4461_5407.html?pp=18
Plebiscyt jest "letni". Czy mnie się "zdowa"
że fotka - wizytówka Rudy jesienno - zimowa!?

[luna-a]

luna-a napisała:

> <a
href="slask.naszemiasto.pl/turystyka/specjalna_pozycja/4461_5407.html?pp=18"
target="_blank">slask.naszemiasto.pl/turystyka/specjalna_pozycja/4461_5407.html?pp=18</a>
> Plebiscyt jest "letni". Czy mnie się "zdowa"
> że fotka - wizytówka Rudy jesienno - zimowa!?

slask.naszemiasto.pl/turystyka/specjalna_pozycja/4461_5407.html?pp=18
Może jesienią "wyszły"
i do lata nie "przyszły"?
Spójrz na foto... Alle ściemma!!
Liś_ci la_tem w Ru_dzie nie ma!

[luna-a]

Promocja miasta nie potrafii
zrobić letniej fotografii...

[broneknotgeld]

luna-a napisała:

> Promocja miasta nie potrafii
> zrobić letniej fotografii...


Niy magistrat to promuje
Jożech Ruda yno zgłosioł
Jest stolicom co rymuje
Toch i cajtong tym uprosioł.

[broneknotgeld]

Dali co mieli
abo tak chcieli?

[broneknotgeld]

Możno za wiela coli spłynyło
Itako drzewa jakby zmroziyło.

[broneknotgeld]

Szostka jak wygrano w "totka"
Czy trza wiyncy głosow potkać?

[broneknotgeld]

6 głosow

O pierombol - licznik stoji!
Ruda głos se łoddać boji?

[broneknotgeld]

Za promocjo nikt niy płaci
slask.naszemiasto.pl/turystyka/specjalna_galeria/4461_5407.html
Ruda w głosy se wzbogaci?

[broneknotgeld]

6 głosow dlo Rudy Ślonski

Jeszcze jest dzisiejszo data
Dyć to zdo sie jak łodpłata.

[broneknotgeld]

Niy chcom Rudy wypromować
forum.gazeta.pl/forum/72,2.html?f=261&w=65531701
Darmo rym mi przidzie dować?

[broneknotgeld]

9 głosow

Dziewiyńć głosow - wynik rośnie
Szkryfna tako zaś radośnie.

[broneknotgeld]

10 głosow!

Ruda erbła dycha!
We wercie jest grzycha?!

[broneknotgeld]

Ciyngym dycha

Ciyngym Ruda tako stoji
Se głosować wiela boji?

[broneknotgeld]

Dyć ruszyło - jednynostka!
Ruda to niy jakoś krostka!

[broneknotgeld]

"12"

Niy trza wcale dyć donosow
Rudzie klupnoł tuzin głosow!

[broneknotgeld]

"13"

Ano - se to wyobroźcie
Klupło głosow już trzinoście!

[broneknotgeld]

"14"

Już sztyrnoście - radość tako
Ruda aż ze szczyńścio płako!

[broneknotgeld]

Wytli wontek promocyjny
forum.gazeta.pl/forum/72,2.html?f=261&w=65934625
Dyć jo niy załuja myjny.

[broneknotgeld]

"16"

Łoziym razy dwa
Szkryfnońć tako trza.

[broneknotgeld]

Szczyrk i Wisła przeskoczyła!
Jest we Rudzie tako siyła?!

[broneknotgeld]

Chyba se porzykać póda
-Toż Sosnowiec wloz przed Ruda!

[broneknotgeld]

Na stolica fraszki trza
slask.naszemiasto.pl/turystyka/specjalna_pozycja/4461_5407.html?pp=19
W gora tako leci - ja?

[broneknotgeld]

"18"

Łoziymnoscie to tyż cosik
Czy dołozysz jeszcze "grosik"?

[gryfna_frelka]

A kto stolicą fraszki Rudę obwieścił
i kto informację w sieci o tym zamieścił?

[gryfna_frelka]

Czy Ty Brontku jestem królem samozwańczym,
Ruda stolicą, inszym miastom dałeś status poddańczym?

W celach poznawczych pytom.
W tem co szkryfnęła, szyderstwa nie chytom.

[broneknotgeld]

Miasta ze fraszkami szukej
Na stolica tako kukej.

[broneknotgeld]

Ruda cosik stoji
Głosować se boji?

[broneknotgeld]

Ano - stoła jako stoji
Wygrać konkurs tyn se boji?

[broneknotgeld]

"20"?

Chce sie Rudzie na to wożyć?
-Jedyn głos dyć trza dołożyć.

[broneknotgeld]

"19"

Dziewiytnoście momy prawie
We ciekawy ty zabawie.

[broneknotgeld]

"20"

Do dwóch dych dobiyła Ruda
Przi Rybniku jako cuda.

[broneknotgeld]

"21"

Ktosik ze radości skoko
Mo już Ruda Ślonsko - łoko!

[broneknotgeld]

"21:21"

Ruda z Bielskym łeb w łeb idzie!
Co ze tego w końcu bydzie?

[broneknotgeld]

Durś stowiom na Ruda
Tu se dziejom cuda!

[broneknotgeld]

Łoko se wbiyło
No i stanyło.

[broneknotgeld]

"22"

"Łoko" poszło - som dwa asy
Groł żech w to łod piyrszy klasy.

[broneknotgeld]

"30"

Ano - pociecha!
Klupła trzidziecha!

[broneknotgeld]

Ech - stanyła Ruda cołkym!
Czy przibito jakimś kołkym?

[broneknotgeld]

Ech, czas richtig wartko leci
Chnetko tref autorski skleci
www.facebook.com/events/447817075294216/

[broneknotgeld]

Krym we Rudzie

Kto wele "Andrzeja" pódzie
Znojdzie tako Krym we Rudzie.

[broneknotgeld]

Kokotek?

Kto ze Chebzio zno Kokotka?
Byście chcieli go tam spotkać?

[broneknotgeld]

Niydźwiedziniec

Niydźwiedziniec bez niydźwiedzi
Se spokojnie tu posiedzisz.

[broneknotgeld]

Torg na Wiyrku

Torg na Wiyrku dach przikrywo
Niyjednego tako dziwo.

[broneknotgeld]

Autobana

Niby nic - dyć blysło z rana
Momy w Rudzie autobana.

[broneknotgeld]

Rudzke bunkry

Ano - stojom łod przedwojny
Choć terozki czas spokojny.

[broneknotgeld]

Kłodka

Rzeka płynie w ty dziedzinie
Chnet nojgorszy czas jyj minie.

[broneknotgeld]

"Kafauz"

"Kafauz" dzisioj jakby nowy
Dyć zaś momy dom handlowy.

[broneknotgeld]

Na Fryncicie

Fafauz momy na Fryncicie
Ło tym pewno wszyscy wiycie.

[broneknotgeld]

Rudzko cola

Toż Rudzie Ślonski niystraszno cola
Bestoż ło inkszych szteli jom wola.

[broneknotgeld]

Minizoo "Ponderoza)

"Ponderoza" znojdziesz w Rudzie
Gowiydź tam za tobom pódzie.

[broneknotgeld]

Rudzko Barborka

W łopiece mo miasto
Grubiorzy tyż tako
Wongel to niy ciasto
Bestoż czasym płako.

[broneknotgeld]

Ruda - 1

We naszym grodzie piyrszo dzielnica
Ponoć nojstarsze som jeji lica.

[broneknotgeld]

Godula - 3

Czy tref tako chcioł łofulać?
Prziszła "docha" na Godula.

[broneknotgeld]

Orzegow - 4

Ano - wcale niy gupota
Mo Orzegow "dobro" nota.

[broneknotgeld]

Bykowina - 5

Bykowina "piontka" czimie
Choć czasami przi niyj drzymie.

[broneknotgeld]

Halymba - 6

Zdo sie nom Halymba "złoto"
Jako szostka co we "ToTo"

[broneknotgeld]

Kochłowice - 7

Kochłowice zowdy z kosom
Czy tam łonki ciyngym koszom?

[broneknotgeld]

Chebzie - 8

Tu dwie pyntle banki majom?
Wiym że ciyngym fest glingajom.

[broneknotgeld]

Fryncita - 9 (Nowy Bytom)

Przipisali dziewiontka Fryncicie
Niy skiz banki! Dyć czamu? Czy wiycie?

[broneknotgeld]

Wiyrek - 10

Wiyrek dziesiontkom swojom se asi
Dycha sztimuje patronce Basi.

[broneknotgeld]

Bielszowice - 11

Jedynostka dyć se plecie
Bo bez "dwojki" miasto przecie.

[broneknotgeld]

Szwarcwald - ?

Dzielnica nowo
Ze "dwojkom" stowo?

[broneknotgeld]

Szwarcwald

Szwarcwald dzielnica to jedynosto
Dźwignoł se z "Tesco" - godom wom prosto.

[broneknotgeld]

Siodme miejsce we "regjonie"
forum.gazeta.pl/forum/k,1298480,Slaskie.html
Dyc to przeca niy jest koniec.

[broneknotgeld]

Kej godka wspiyro
rudaslaska.naszemiasto.pl/artykul/741522,twarze-rudy-slaskiej-krystian-galuszka,id,t.html
Na wiyrch zaziyro

[broneknotgeld]

A dyć niy ma cołkym źle
katowice.naszemiasto.pl/artykul/757252,badania-mieszkancy-poprzemyslowego-slaska-zyja-przeszloscia,id,t.html#c579fd383c3580fd,1,3,5
Kej sie nom durś cosik chce.

[broneknotgeld]

"Halymbske klimaty"

Ło Halymbie sie dowiycie
rudaslaska.naszemiasto.pl/artykul/768174,nasze-halembskie-klimaty-jak-oceniacie-ta-dzielnice,id,t.html#b944e0d7be6829ac,1,3,4
Jako leci nom tu życie.

[broneknotgeld]

Domb Goduli
Co wspomino?
Stowio, buli
Ciyngym ino
Ponoć tyn co wiela może
A Ty z ajchla kukosz Boże.

slask.naszemiasto.pl/serwisy/slaskie_ekologiczne/758230,szukamy-najciekawszego-drzewa-w-kraju-glosowanie,galeria,773720,id,t,tm,zid.html?ocena=1

[broneknotgeld]

Verne jako śnik na jawie
filia18halemba.blox.pl/2012/03/Wystawa-filatelistyczna.html
Idzie kukać tam ciekawie.

[broneknotgeld]

Kibicuja Wiyrkowi!

Na Dombrowy kuko piynty
zabrze.naszemiasto.pl/plebiscyt/karta/61,ruda-slaska,2769,id,t,kid.html
Czy łominie za zakryntym?

[broneknotgeld]

"Złotki w złocie"
-Skond to mocie?
Polski przeca już niy było
Kej to zocnie tu kryńciyło.
www.rudaslaska.pl/ruda-slaska/aktualnosci/2013/03/15/odbuduja-dom-karola-goduli/

[broneknotgeld]

"Z Mynki Pański Zmartwychwstanie"

Kej już ło tym wiycie
chocioż polubicie?
filia18halemba.blox.pl/2013/03/Wystawa-Z-Mynki-Panski-Zmartwychwstanie.html

Mikołów

[broneknotgeld]

"2"

Niychej wiyncy głosow mo!
katowice.naszemiasto.pl/stolica_regionu/specjalna_pozycja/4461_5407.html?pp=37
Tam fontanna piyknie gro!

[broneknotgeld]

Erbnoł dwa głosy Mikołow prawie
slask.naszemiasto.pl/turystyka/specjalna_galeria/4461_5407.html
Bierecie udział we ty zabawie?

[broneknotgeld]

Ciungum na ty "cwaji" stoji
Czy głosować ktoś se boji?

[broneknotgeld]

"33"

Mo Mikołow trojki dwie
Pewno jednak wiyncy chce.

[broneknotgeld]

"60"

Dyć i to raduje chopa
Mo Mikołow głosow kopa!

[broneknotgeld]

W Mikołowie piyknie było
mikolow.naszemiasto.pl/artykul/624822,zyczniok-czyli-stanislaw-lem-po-slasku,id,t.html?kategoria=678
Latoś tako już skończyło.

[broneknotgeld]

Bydzie sie dzioło
mikolow.naszemiasto.pl/artykul/1341049,duda-gracz-zmagazynowany-w-mikolowie,id,t.html#5a276125d4ee962f,1,3,6
Gryfnie, wesoło.

[broneknotgeld]

Chnetko rocznica we Mikołowie
800 rokow na jejich gowie.

Chudów

[broneknotgeld]

Docie głos na Chudow?
slask.naszemiasto.pl/turystyka/specjalna_galeria/4461_5407.html
Te sołectwo cudow!!!

[broneknotgeld]

Chudów

Zamek zaś rośnie
Choć był w ruinie
Chnetko radośnie
Chudów zasłynie.

[broneknotgeld]

Gierałtowscy w Chudowie

Dzwigli tyn Chudow - tego sie dowiydz
Ci Gierałtowscy ze Gierałtowic
Ich Jan ze Paniow zamek fundowoł
Sto lot z okładym rod tu panowoł.



Foglerowie

Mikołaj Fogler zamek w Chudowie
Zamiynioł w pałac - taki był czowiek
W końcu i tyn rod łopuścioł włościa
A w murach wiater gonioł fest gościa.



Franc von Bally

Za von Ballyego zaś prziszła wiosna
Sztela piykniała i jakby rosła
Klontwa durś jednak jakoś wisiała
W silwester spoloł sie dyć bez mała

Łod tego czasu wszysko w ruinie
Ale historio jeszcze niy minie
Teroz Fundacjo łodbudowuje
Chudow zaś Ślonzek piyknie promuje.

[broneknotgeld]

"Izba Łod Starki w Chudowie"

Zrychtowała to tukej nom Organiścioczka
Ze Chudowa przeca nojpiyrszo Ślonzoczka
W stary szkole izby jako piyrwy blyszczom
Chudowianie na tym przeca yno zyszczom.



Wieża

Wieża zamku w Chudowie łodremontowano
W piwnicy "muzeum" połoglondać idzie
Na gorze latryna piyknie zrychtowano
Dyć jak wos tam nadrze - z tego nic niy bydzie.

[broneknotgeld]

Bioło Dama z Chudowa

Graf ze Chudowa we Czechach bawioł
Tam poznoł tyż zakonnica
Ło jyj urodzie kożdy durś prawioł
-"Gryfne niy yno som lica"

Prziszło ze tego pszonie im wielke
Frelka z zakonu uciekła
Za nic przeszkody były w tym wszelke
Razym niy boli sie piekła

W Chudowie cicho sie już pobrali
Dyć radość krotko ich była
Ślubno choroba pryndko powali
Kostucha do sia jom wziyła

Rycerz pochowoł jom we Orzeszu
Żył som we srogi żałości
Wiedzioł że przeciw Bogu fest zgrzeszoł
W duszy niy chowoł łon złości

Dyć co sie dzieje? W nocy przichodzi
Do zamku przepiykno zjawa
Strach z pszoniym jakoś sie razym godzi
Choć to już niy jest zabawa

Co noc doglondo chopa swojego
Na droga jednak narzeko
Bo gynstym lasym łazi do niego
Wiy że łon na nia tyż czeko

Dyć graf nad duchym sie ulitowoł
Tunel kopali mu sługi
Tym jakby znak swyj miłości dowoł
Aż do Orzesza jest długi

Choć z downych wiekow historio cało
Godajom ło tym w Chudowie
I Bioło Dama tu zno niymało
Niyjedyn widzioł jom czowiek

Bo wieczno jeji przeca pokuta
Do dzisioj łazi po murach
Słychać tyż czasym smutnawo nuta
Co traci sie kajsik w dziurach.

[broneknotgeld]

Chudow - Kartoflada
10.09.2006

Prawie dzisioj Kartoflada
We Chudowie fest parada
Sośnierz mo nominacyjo?
Czy dwojako komedyjo?

[broneknotgeld]

Chudow kryńci nosym?
Mo yno trzi głosy.

[broneknotgeld]

"5"!

Chudow skoczoł - głosow piyńć!
Az rymować wiynkszo chyńć.

[broneknotgeld]

"6"

Rośnie dyć i ta dziedzina
Erbła głosow poł tuzina!

[broneknotgeld]

"7"

Chudow dostoł siodmy głos!
Niy na darmo w zajta wloz!

[broneknotgeld]

"7:7:7"

Chudow, Czeladź, Katowice
Rowno idom - tako wiycie!

[broneknotgeld]

Możno Chudow wyży skoczy
Wtedy se łotworzom łoczy?

[broneknotgeld]

Łorganiścioczka miyszko w Chudowie
"Izba łod starki" dyć mo na głowie.

Chorzów

[broneknotgeld]

Erbnoł Chorzow głosy dwa
rudaslaska.naszemiasto.pl/stolica_regionu/specjalna_pozycja/4461_5407.html?pp=26
Pódzie w przodek możno - ja?

[broneknotgeld]

Trza szkryfnońć do Kopla
forum.gazeta.pl/forum/72,2.html?f=324&w=65589496&a=65848370
Możno powiy - "hopla".

[broneknotgeld]

"123"

To ci Chorzow! Nabroł szwongu!
Niy popuści na dichtongu?

[broneknotgeld]

"204"

Chorzow se pnie
Wiy czego chce.

[broneknotgeld]

"445"

Łostro Chorzow w przodek ciśnie
Aże se czerwiyniom wiśnie.

[broneknotgeld]

"486"

Chorzow dali punkty zbiyro
Miesionc lata dyć dopiyro.

[broneknotgeld]

"506"

Ciyngym łostro w gora idzie
Przed Lublińcym kedy bydzie?

[broneknotgeld]

"606"

Chorzow trza chwolić
Inkszych niy smolić.

[broneknotgeld]

"926"

Jeszcze ździybko - tysionc bydzie
Chorzow wyży ze tym przidzie?

[broneknotgeld]

"1007"!

Toż wysoko Chorzow skoczoł
A se piyrwyj jakby boczoł.

[broneknotgeld]

Już Lubliniec w zadku jest
Choć rozkuloł se tyż fest.

[broneknotgeld]

"4084"

Ech - tyn Chorzow to mo szwong!
Ciepie aże mnom ło spong!

[annak12]

Chorzow na szpicy!
Tu chcom stolicy!?

[broneknotgeld]

Trza inkszym jawić
Jako se bawić.

[broneknotgeld]

"8103"

Aż mie boli głowa
Skiż głosow Chorzowa.

[broneknotgeld]

"11334"

W gora hopło
Dyć niy sztopło.

[broneknotgeld]

12 029

Naklikoł Chorzow tela tysiyncy
Bo to podobnoś wcale niy myncy.

[broneknotgeld]

Niy jest Chorzow Stary
Dyć pośledni miary

chorzow.naszemiasto.pl/artykul/594660,ciekawe-wydarzenia-artystyczne-przygotowuje-starochorzowski,id,t.html

[broneknotgeld]

Chorzow nynci ciszom
chorzow.naszemiasto.pl/artykul/616090,chorzow-przed-wyborami-kandydaci-sie-nie-spiesza,id,t.html
Potym se zadyszom?

[broneknotgeld]

We skansynie blues kroluje
Ano, ano - mie sztimuje.

cjg.gazeta.pl/otworzmiasto/1,138334,16446021,Blues_na_drewnianym_ganku.html

Gliwice

[broneknotgeld]

Sie Gliwice pokozały
katowice.naszemiasto.pl/stolica_regionu/specjalna_pozycja/4461_5407.html?pp=30
Ze Neptunym tako chciały.

[broneknotgeld]

"3"

Aże trzi już głosy majom
Łod tych co Glywicom pszajom

[broneknotgeld]

"4"

Ano - wloz!
Szworty głos
slask.naszemiasto.pl/stolica_regionu/specjalna_pozycja/4461_5407.html?pp=30

[broneknotgeld]

Glywice - 5!

Na pamiontka
Majom piontka!

[broneknotgeld]

"9"!

Toż Glywice idom w gora
Dziewiyńć głosow - tako - hurra!

[broneknotgeld]

"15"

Toż piytnoście głosow majom
Tych co miastu tymu pszajom.

[broneknotgeld]

"17"

Siedymnostka - juzaś wiyncy!
Możno Ruda chnet zajynczy.

[broneknotgeld]

"18"

Łoczko wyży
Rudy bliży.

[broneknotgeld]

"19"

Blikły w zajta moje gały
-Z Rudom prawie se zrownały!

[broneknotgeld]

Toż za Rudom se stanyły
Możno nabiyrajom siyły?

[annak12]

19
I tak stoi od paru dni!
Ech Glywiczoki,bezradni!

[broneknotgeld]

Anko - ruszyło
Toż bardzi miło.

[broneknotgeld]

Frankiewicz sie trzimie
katowice.gazeta.pl/katowice/1,35019,11812952,Ranking_prezydentow__Frankiewicz_niemal_na_podium_.html
Zdowo co niy drzymie.

[annak12]

15

we minutach to je kwadrans
mono dało im to awans

[annak12]

Przybijam piontka
na ta dziewiontka:)

[annak12]

"5"

mamy i piątego!
Czeka na Ciebie-kolego!:)

[broneknotgeld]

"20"

Na dwie dychy aż skoczyły!
Trza do tego richtig siyły?!

[broneknotgeld]

"21"

I Glywicom wlazło łoko
Z Rudom już dziedzina skoko!

[broneknotgeld]

"25"

Kaj ćwierć setki
Trza podnietki.

[annak12]

"25"

Dopiyrosz połowa z połowy!
W takym tympie!,na stolica!niy ma mowy!

[cymanon]

O czym Wy tukej godacie?
Jo sie w życiu nie połapie.

[annak12]

Niy umiysz pokopić tygo!
ogłoszono konkurs na letnio stolyca regionu ślonskygo
te cyferki,to odddane głosy
ludzie yno wrzeszczeć umiom wniebogłosy
Promujom swe miasto za wielko kasa nad morzem
a kej idzie za friko,to pożal se Boże

[azaheca]

Na Rudę głos swój oddałam
lecz jako żywo jej nie widziałam..;-)

[broneknotgeld]

Tutejszo fraszka
Jako ta draska.

[broneknotgeld]

"33"

Dwie trojki - już cosik
Jeszcze jakiś głosik?

[broneknotgeld]

annak12 napisała:

> Niy umiysz pokopić tygo!
> ogłoszono konkurs na letnio stolyca regionu ślonskygo
> te cyferki,to odddane głosy
> ludzie yno wrzeszczeć umiom wniebogłosy
> Promujom swe miasto za wielko kasa nad morzem
> a kej idzie za friko,to pożal se Boże


Niy trop se wiela
Jak bawi sztela.

[broneknotgeld]

"35"

Ruszyły Glywice
To wcale niy wice.

[broneknotgeld]

Tela głosow majom
Tych co szteli pszajom.

[broneknotgeld]

"38"

Trzidziści łoziym se naklikali
Niychej to drapci leci już dali.

[broneknotgeld]

"39"

Jedyn punkcik do sztyrdziechy
Wiela bydzie z tym uciechy.

[broneknotgeld]

"41"

Sztyrdziści jedyn - bliknoł żech prawie
Glywice rosnom we ty zabawie.

[broneknotgeld]

"44"

Szterdziści sztyry - liczba ciekawo
Czy trza Glywicom teroz bić brawo?

[broneknotgeld]

Coby wspomnieć Blandowskiego
Werci kuknońć dyć do tego
www.dziennikzachodni.pl/artykul/965181,wilhelm-von-blandowski-slaski-indiana-jones-z-gliwic-historia-dz,id,t.html

[broneknotgeld]

Kejby z dzbonka biyrek loła
gliwice.naszemiasto.pl/artykul/597700,przy-rodzinnym-stole-wystawa-eksponatow-z-kolekcji-janiny,id,t.html
Mie by niy trza było wołać.

[broneknotgeld]

w tym portalu złodzieji wiela
gliwice.naszemiasto.pl/artykul/599388,skradziony-chlopiec-z-labedziem-wrocil-na-miejsce,id,t.html
Dyć we Glywicach ździybko wesela

[broneknotgeld]

Nad Kłodkom szanty
gliwice.naszemiasto.pl/artykul/616272,do-gliwic-wraca-impreza-szantowa-posluchaj-piesni-morza-juz,id,t.html
Dyć niy bydź anty.
-

[broneknotgeld]

Szkoda co mie tam niy było
www.dziennikzachodni.pl/artykul/672295,zeliwny-piknik-w-gliwicach-czyli-co-laczy-rycerza-z-robotem,id,t.html
Tak czy siak dyć ucieszyło.

[broneknotgeld]

Lepsze te szokoladowe?
Piyrwyj boły dyć gusowe.
katowice.gazeta.pl/katowice/1,35063,13365487,W_Gliwicach_odlali_z_czekolady_dawnych_wladcow_i_celebrytow.html

Bytom

[broneknotgeld]

Ech - tyn Bytom!
katowice.naszemiasto.pl/stolica_regionu/specjalna_pozycja/4461_5407.html?pp=33
Sie niy pytom.

[broneknotgeld]

"22"

Bytom richtig łostro idzie
Toż radochy z tego bydzie.

[broneknotgeld]

"24"

Bytom erbnoł dwa tuziny!
Richtig gryfnie tam już driny?

[broneknotgeld]

"25"

Ćwierć setki głosow mo Bytom prawie
Se rozkryncajom we ty zabawie.

[broneknotgeld]

"40"

Niy za grzychy
Sztyry dychy.

[broneknotgeld]

"84"

Bytom piyknie idzie
Czy wysoko bydzie?

[broneknotgeld]

"88"

Dlo Bytomia dwie osymki
To wom szkryfna z piyrszy rynki.

[broneknotgeld]

"91"

Do sety przidom?
Drapci w przod idom?

[broneknotgeld]

"93"

Ło rety, ło rety!
Siedym trza do sety!

Pszczyna

[broneknotgeld]

Pszczyna konkurs prawie wiedzie
katowice.naszemiasto.pl/stolica_regionu/specjalna_galeria/4461_5407.html
Dzisioj momy jom na przedzie!

[broneknotgeld]

Salon Zielony zamku pszczyńskiego

Richtig we dusze wlywoł nadzieja?
Jo do portretow se tukej śmieja.

[broneknotgeld]

Pszczyna 1548-1765

W czech wiekach Promnitze ta Pszczyna czimali
Hochbergow już potym wszysko było dali.

[broneknotgeld]

--------------------------------------------------------------------------------
Straż zamkowo

Terozki już w Pszczynie wyglondo jak nowo
Warta co pilnuje tu brama zamkowo
"Nowe" rynce majom i take tyż gymby
Jak piyrwyj we zbroji se stojom "po zymby".



Ludwikowka

Ksionże Ludwik na zamku niy lubioł przebywać
Woloł z Ludwikowki na tyn świat se dziwać
Skiż niego tyn dworek we parku nom stoji
Lot mo prawie dwiesta - wiekow sie niy boji.



We Pszczynie

Hochbergi siedzieli tu prawie sto lot
Tyż naszego Slonska to był przeca kwiot.

[broneknotgeld]

Browar Ksionżyncy

Hochbergi ze Pszczyny pewnie biyr lubiyli
Bo w Tychach swoj browar fest se rozwinyli
Dyć niy było przeca wtedy tukej chopa
Kery by w browarze niy myśloł - Europa!

[broneknotgeld]

Wolne Państwo Stanowe

Pszczyna państwym prawie była
A dzisioj co z tego?
Kaj straciyła sie jyj siyła?
Szukać trza - kolego.



Lot dwiesta z okładym we rynkach Promnitzow
Ta Pszczyna "państwowom" jest jakby stolicom
Dyć i w pruskich czasach piykniała ta sztela
A godać by ło tym szło tukej za wiela.

[broneknotgeld]

We Pszczynie

Hochbergi siedzieli tu prawie sto lot
Tyż naszego Slonska to był przeca kwiot.



• Re: Pszczyna
broneknotgeld 29.11.03, 22:41 + odpowiedz


Zagroda żubrow

Pszczyna żubrym asić chce sie
Na zagroda zgoda majom
Jak turystow tam prziniesie
To i piniondz swoj wydajom.



"Bońdź wola Twoja"

Tako nom kapliczka stoji tu ciekawo
Jak kedyś Walezy przez ta Pszczyna pitoł
Tukej go Tynczyński dogonioł fest żwawo
Czamu nom to robisz? - Gupawo zapytoł

Krolik ani myśloł sie z niym w dyszkurs wdować
Pryndko zmiynioł konia. Do Francyji! Wio!
Pamiontka łostała - idzie se dziwować
Kasztelan to pedzioł - historyjo zno.

[broneknotgeld]

Straż zamkowo

Terozki już w Pszczynie wyglondo jak nowo
Warta co pilnuje tu brama zamkowo
"Nowe" rynce majom i take tyż gymby
Jak piyrwyj we zbroji se stojom "po zymby".

[broneknotgeld]

Pszczyna 1548-1765

W czech wiekach Promnitze ta Pszczyna czimali
Hochbergow już potym wszysko było dali.

[broneknotgeld]

Miyndzynarodowy Festiwal Muzyki Myśliwski w Pszczynie

Jak grać na rogu to yno w Pszczynie
Niychej plessowka cie niy łominie
Choć jedna yno tako nagroda
Sproboj jom wygrać - siył dyć niy szkoda.

[broneknotgeld]

Byńdzin Pszczyny widzi piynty!
slask.naszemiasto.pl/turystyka/specjalna_galeria/4461_5407.html
Czy dogoni? Boże Świynty!

[broneknotgeld]

Hehe - to skiż promocji.

Boł w niyj driny

We pszynicy wele Pszczyny
Pszociel z Pszowa boł w niyj driny.

[broneknotgeld]

Ze Pszczyny

Czy ze Pszczyny burgemajster
richtig wdepnoł w taki klajster?

pszczyna.naszemiasto.pl/artykul/559508,sad-okregowy-oglosil-wyrok-w-sprawie-
lustracyjnej,id,t.html

[broneknotgeld]

Koncept godny
pszczyna.naszemiasto.pl/artykul/636544,wodna-wieza-w-stylu-steampunk,id,t.html
W wieży wodny.

[broneknotgeld]

Zaś ta Pszczyna
katowice.gazeta.pl/katowice/1,35019,8894612,Zgrabna_noga_przy_linotypie.html
Niy łomina.

[broneknotgeld]

Zaćmi sie słonko
rudaslaska.naszemiasto.pl/artykul/722964,przy-dobrej-pogodzie-4-stycznia-2011-zobaczymy-zacmienie,id,t.html
Czy kajś zabłonko?

[broneknotgeld]

Czas stowiać na Pszczyna
www.nowagazetaslaska.eu/taka-jest-nasza-historia/338-renesans-ziemi-pszczyskiej.html
Przezocno dziedzina.

[broneknotgeld]

Pałac we Pszczynie

Co je we środku tu niy pokoża
Sztraba - toż z dwora yno pokoża.

www.facebook.com/media/set/?set=a.703359849738921.1073741957.195759197165658&type=3&uploaded=29

[broneknotgeld]

Ło pierombol! Rybnik wloz
slask.naszemiasto.pl/stolica_regionu/specjalna_pozycja/4461_5407.html?pp=19
Erbnoł zaroz jedyn głos.

Rybnik

[broneknotgeld]

Ło Rybniku to być miało
A se Pszczyny tymat dało.

[broneknotgeld]

Bydom "jaja" we Rybniku?
rybnik.naszemiasto.pl/artykul/galeria/1721677,rybnik-wybory-uzupelniajace-do-senatu-w-maju-kto-ma-szanse,galeria,id,t,tm.html
Jo se prawie tam poblikom.

[broneknotgeld]

Rybnik sPiSieje?
Kaj ćmi? Kaj dnieje?
katowice.gazeta.pl/katowice/1,35063,13501991,Kaczynski__Przyszedl_czas_proby__Zaczynamy_w_Rybniku.html

[broneknotgeld]

We Rybniku po starymu
Trza z partyjom lyźć do "Rzymu"?
Bez ślonski nacyji
PO-PiS gro na cyji
Dyć jo niy łomina tego skuli rymu.

www.dziennikzachodni.pl/artykul/3557639,tomasz-tomczykiewicz-w-rybniku-glosujcie-na-marka-krzakale-zdjecia,id,t.html

Jastrzębie Zdrój

[broneknotgeld]

Zdo sie jako śnik na jawie
Jest Jastrzymbie już tam prawie!

[broneknotgeld]

Czy mie jednak łoko fulo?
Przi Jastrzymbiu prawie - nulo.

[broneknotgeld]

"2"

Prawie drugi głos
Na Jastrzymbie wloz.

[broneknotgeld]

Ale piyknie by to było
Szworka wleci aże miło?

[broneknotgeld]

"13"

Trzinostka wskoczyła
Majom we tym siyła?

[broneknotgeld]

Łonacyli we Jastrzymbiu
Że niy dadzom sie gołymbiom.

Katowice

[broneknotgeld]

Kostuchna

W Kostuchnie miyszkali na "Murckach" robiyli
No a potym jeszcze na tych "Bożych Darach"
Coby ze grubami tu sie niy pomylić
"Emanuelssegen" - wspomna nazwo stara

Potym to cuzamyn we "Murcki" zebrali
Miano łod bergmonow kere szli z roboty
Ta gruba w Kostuchnie fedruje nom dali
Jak na niyj durś robisz to nosisz galoty.

[broneknotgeld]

Bagno

Bergmony z "Elfridy" tu kedyś miyszkali
Naprowdy w marasie sie czynsto toplali
Jak huty "Bernhardi" nastały już czasy
To Roździyń sie chwoloł tutejszym marasym
A dzisioj te "Bagno" to wynzeł drogowy
Ze Ronda se jedziesz prosto do Mysłowic.



Bederowiec

Bederowiec to był Domb
Józef Beder - ano ksiondz
Biydnie sie tu ludziom żyło
Wiela slamsow we tym było
Kto pamiynto te "Maroko"
Kaj niyjedyn choncwot skokoł
Dzisioj to jest niby szpan
"Tysionclecie" prziszło dran
Stojom tu wielgachne bloki
A niy stare familoki
Zaś po drugi stronie skarb
Tyn nasz ślonski lunapark
Kery dzisioj robi klapa
Bo w niygospodarnych łapach
Coś mi jeszcze świto teraz
-Niy ma drogi tu Bedera.



Bogucice

Już w wieku czinostym - łod lot to godajom
Stoła tukej wioska na prawie niymieckim
Dyć nojstarszy papior z kerego jom znajom
Wionże z wojewodom sie tym sandomierskim

Otton ze Pilicy - take jego miano
We cztyrnostym wieku wieś mu ta nadano
Mikołaja była we tym szczyro wola
- Ksiyńcia Raciborza no i tyż Opola

Potym było tukej Ksiynstwo Pszczyńske sławne
Z kerego Salamon wykroł ordynacjo
No i w końcu prziszły czasy niy tak dawne
Jak po Mieroszewskim Tiele-Winckler nastoł

Bo wszyscy my wiymy że te Bogucice
Były ważnom czyńściom "Państwa Mysłowice"
Przipadła im przeca ciekawo kariera
Rosnyły se razym z majontkym Wincklera.



Kuźnica bogucko

Staro kuźnica przi rzyce Rawie
Stoła tu ponoć w piytnostym wieku
To sie niy mieści we gowie prawie
Ajza dyrś loli - mody człowieku.


"Ferdynand"

Jako by żyły bogucke strony
Bez "Ferdynanda" kerego znomy
Ta gruba dowo durś przeca życie
Dzisioj jyj miano to "Katowice".


"Fanny"

"Fanny" to miano jest huty cynku
Kaj ciongło wiela boguckich synkow
Dzisioj już werku tego niy szukej
"Czas cynku" skończoł sie przeca tukej.

[broneknotgeld]

Kościoł bogucki

Matko Bosko Bogucko łaskami tu słynie
Werci sie z pielgrzimkom być i w tyj dziedzinie.


Bibliotyka

We bibliotyce we Bogucicach
Tyż notgeldami szło sie zachwycać
I chocioż downo to już jest sprawa
Ważne że była tam ta wystawa.



Borki

Przicupły prawie nad tom Brynicom
W Sosnowiec ciepnoł byś stond kłonicom
Mie gruba "Polska" zaciekawiyła
Co w miyndzywojniu tukej stanyła
Dyć dwóch knajpiorzy jom miało przeca
Co z niyjednego jedli chlyb pieca.



Boże Dary

Tu gruba "Boer" Hohberg założoł
Do tego kolonio doszła
Za staryj Polski wongel tyn wożoł
Pszczyna stond jeszcze niy poszła

Przed drugom wojnom zmiynili miano
Kawałka tyj ślonski ziymi
Już "Boże Dary" wszysko to zwano
Teroz cieszymy sie niymi.



Boże Dary

Kedyś we pszczyński gminie Podlesie
Potym w Kostuchna wlepiyli
No a za Gierka - wieść ślonsko niesie
Do tych Katowic je wpiyli.



Brynów

W historio sie wpisoł we tyn wiek piytnosty
Choć nikt tu niy miyszkoł aż po siedymnosty
Ponoć we włodaniu kedyś był Cieszyna
A za Salamonow przigarła go Pszczyna
Ponow tukej było chyba aż za wiela
W dziewiytnostym wieku we rynkach Wincklera
Pod koniec go jednak Hohenlohe capnoł
No i już za Polski w Katowicach klapnoł.

[broneknotgeld]

W Brynowie

W Brynowie Polokow zawsze było tela
Że nawet z Katowic "wyciepli" ta sztela
Jak zrobiyli ze nich miasto cołkym nowe
Brynow gminom zostoł - co tyż było zdrowe
Potym fest rozkwitło polske życie tukej
A korzyni tego "U Rzychonia" szukej.



"Oheim" - "Wujek"

Ksionże Hohenlohe gruba ta postawioł
Wielgachno bo łon sie drobnicom niy bawioł
We tych Katowicach do dzisioj fedruje
Toż przeca ze "Wujka" durś sie wongel suje.



Burowiec

Wedle Dombrowki tyj Mały
Chałpy Burowca se stały
Ziymia dość leko łorali
Aże Wincklerow poznali
Ze hut sie tu zakopciyło
Gruba tyż rosła aż miło
Swoje dociepli łod Gischa
Kajsik strociyła sie cisza

Wongel i ajza - ołow i cynk
Bamber ze tego tukej by pynk.


Domb

Łod średniowieczo już Domb był tukej
U bożogrobcow dowodow szukej
Przeszli jak burza przez Domb Tatary
Zniszczyli nawet tyn Chorzow stary

Dyć miechowitow wioski to były
Lazarytowi ciyngiym służyły
Tymu z Bytomia - Świyntego Ducha
Kaj wiela chorych znodło otucha.



We Dymbie

Farorz ze Chorzowa srebra tukej szukoł
Pieronym uparcie pod ziymia durś kukoł
Domb kolybkom bergmonow skiż tego sie stoł
Dyć różnistych metali rudy przeca mioł.



Dymbowe szachty

Ta "Ksiynżno Jadwiga" i "Jadwiga Nowo"
Gruby parafialne - tyż farorz je stowioł
Łone już fedrunkym wonglo sie trudniyły
A te jejich szachty jeszcze płytke były.

[broneknotgeld]

Pudlingarnia

Dyć pudlingarnia Baildona tukej
Teroz jom w hucie "Baildon" poszukej
Chocioż zmiyniała se właścicieli
Miano łostało bo tako chcieli.



"Waterloo"

"Waterloo" - gruba tako tu była
Dusza Baildona we niyj sie skryła
Czimoł na społa łon jom z klasztorym
Tym co pomogoł Ślonzokom chorym

Potym wyrosła z niyj "Eminyncjo"
Bo w wonglu przeca była potyncjo
Za tyj komuny "Gottwald" jom zwali
Dyć czorne złoto sypało dali

Złonczyli jom tyż ze "Kleofasym"
A jak czerwone przestało straszyć
I nikt niy kłonioł sie tymu po pas
Zrobiyli "Katowice - Kleofas"

Dyć nojważniejsze jest to że w Dombie
Tyn duch Baildona durś w ścianie rombie.



Dombrowa

Niydowno łona we Katowicach
Durś swojym lasym może zachwycać
Wiedzie do niego ta droba "Saska"
Mor tukej dopod wojsko - do diaska
Byli na służbie Augusta Sasa
Tukej skończyli w Dombrowy lasach.


Dombrowka Mało

Niy wiym czy idzie godać ze mało
Jak z samyj nazwy by wynikało
Gmina tu przeca dość ludno była
Co koloniami sie łobłożyła
Norma i Pnioki Czekaj Burowiec
Ze niyj wyrosły te sztele nowe
A jak dołożyć gruby i werki
Powiym że konsek Ślonska był wielki.



Łod Gischego

Spadkobiercy Gischego tu wiela zrobiyli
Bo łoni we huty geld swoj durś topiyli
Tyn ich "Gisches Erben" tu cynk srebro ołów
Wybiyroł garściami ze Dombrowki stołu.



"Jerzy"

Ta gruba w Dombrowce trza tyż tu wspominać
Bo sie niom asiyła przeca cało gmina
Choć życie bergmona niy było wesołe
Robota we "Jerzym" dowoł Hohenlohe
Za tyj staryj Polski zaczły sie problymy
Pryndko jom zamknyli ło tym tukej wiymy.

[broneknotgeld]

Dobro Myśl

Terozki tu stojom yno same bloki
A kedyś miyszkali z Wełnowca boroki
Roboty dyć łoni w kryzysie niy mieli
Bez to we barakach siedzieć tu musieli
Ło te dobre myśli niy było za leko
No i do roboty durś mieli daleko.



Fryderyka

Kolanijo Fryderyka kedyś tukej była
Dyć w Wełnowiec sie dość downo cołkym nom wtopiyła
Hohenlohe jom założoł dlo tych z werkow jego
Miano swoje tyż dołożoł no i tela z tego.



Giszowiec

Ta modo osada Gischewaldym zwano
Łod tych z "Gisches Erben" wziyła swoje miano
Las piyrwyj należoł do Thiele-Wincklera
Osiedle powstało piykne jak cholera

Dzisioj by pedzieli że było wzorcowe
Chałpy przeca tukej tyż cołkym stylowe
Bergmon po robocie w łogrodku sie siedzioł
Za co tak harowoł - ło tym dobrze wiedzioł

Leciało to dalyj za tyj stary Polski
Dyć po drugi wojnie nastoł już czas "swojski"
Łoboczyli my to w "paciorkach rożańca"
Jak komuna wziyła starzykow do tańca

"Łobalić trza stare - postawić se nowe"
Bez to momy tu tyż osiedle klockowe
Stare ze tym nowym dziwnie pomiyszali
Ciekawe co piyrwyj bydzie sie zaś walić.


Huta Arnold

Huta cynku "Arnold" i jyj kolanijo
Janowa to była kedyś familijo
W Katowicach dzisioj lecom im godziny
Arnolda poszukej wele tyj Boliny.



Janow

Ta janowsko ziymia kedyś w Mysłowicach
Mieroszewskich cało była okolica
No a polske ponki hulali za wiela
Majontek sprzedali we rynce Wincklera
Jak tu była gmina to ci łod Gischego
Fedrowali wongel richtig na całego

We Polsce w Janowie wiela sie zmiyniyło
Koncek w Mysłowice cołkym sie wtopiyło
Reszta zaś dotrwała do Polski Lydowyj
Dyć pryndko jom wciepli do Szopiynic nowych
A jak w siyła rosły potym Katowice
Połknyły tyn Janow z miastym Szopiynice.



"Gische"

Kopalń janowskich było bez liku
Zrobiyli z nich jedna - "Gische"
Wiela pokolyń naszych gornikow
W ziymia łod lot tu sie pisze

I chocioż teroz inksze jyj miano
We gymbie "Wieczorek" momy
Fedruje bergmon tukej co rano
Durś wongel stond dobywomy.

[broneknotgeld]

We Janowie

We Janowie malować lubiyli
Z tego downiyj już tu zasłynyli
Piyrszy ze nich Ociepka Teofil
Jo bych pedzioł że łon był "carbofil".



Jozefowiec

Miano łostało po tym Bederze
Zeflik mu przeca godali
Droga Bedera - naszkryflom szczerze
Tyż Jozefowskom nazwali

Bo jak komuna prziszła po wojnie
A ze niom zaś inkszo nyndza
Farorz we grobie społ niyspokojnie
Niy chcieli patrona ksiyndza

Dyć zamazane to jakoś dzisioj
Jakby historio ktoś sprościoł
Ło tym ksiynżoszku wiyncyj by słyszoł
Kto w Katowicach by gościoł.



Jozefowiec

Skiż Hohenlohego - pana na Bytkowie
Pryndko sie rozwinoł tyn nasz Jozefowiec
Ci ze werkow jego musieli kajś miyszkać
Po blisku - by piechty zadreptać na szychta
Były jednak tukej tyż przeca i szkoły
Chor i rożne zwionzki co Polsce durś pszoły
Już we polskich czasach pryndko Jozefowiec
Włonczyli na amyn we gmina Wełnowiec
Jak po drugi wojnie rosły Katowice
To sie upomniały ło te okolice
Miano nom łostało - tako zwom osiedle
Droga Jozefowsko co leci tyż wedle
Yno zaginyło nazwisko Bedera
Choć myśla ło ksiyndzu - biere mie cholera.


Karbowa

Dzisioj to historio - miano zaginyło
Ze Katowicami w jedno sie stopiyło
Była to osada Bogucki Kuźnicy
Folwark piykny leżoł na samy granicy
Huty i cegelnie powstały tyż tukej
Dzisioj jednak lepiyj ich wcale niy szukej
Jak zajrzysz to widzisz teroz blokowisko
Kaj? -"Na Paderewskim" - powiy kto tu miyszko.



Katowicko Hołda

Kto dzisioj tyj nazwy używo?
Chyba jakiś trocha dziwok
Wyleciała już ze mapy
Choć tam czynsto niesom szłapy
Jak w Kościuszki żeś jest parku
To na Hołdy tyj kawałku
Rondym Mikołowskym karniesz
Zaś ta Hołda cie przigarnie
Nawet konsek autobany
Tukej jest wyrychtowany
No i "Wujek" durś fedruje
Przeca Brynow prawie tu jest.



Klizmowiec

W Katowicach z Klizmowca nic niy ma
Szłoby tukej łopuścić tyn tymat
Dyć przez pamiyńć zocnego młynorza
Jednak szkryflać sie ło tym łodwoża

Domki kedyś te fińske tu stoły
Teroz w niebo sie dropiom "pachoły"
Beton jakoś niy cieszy mie wiela
Wolołch staro spokojno ta sztela

Tysionclecie tu dzisioj jest Gorne
Chocioż życie wydaje sie chmurne
Jada bankom i blikom ze glajzow
Widza yno tyn kopiec amajzow.

[broneknotgeld]

Kokociniec

Konsek Katowic przi samy Rudzie
Możno Kłodnicom spłynońć tam pódzie
Jest tu osiedle bergmonow "Ślonska"
To tyż ze Rudom nitka niywonska

Piyrwyj tu były jednak dziedziny
Łod tych Hochbergow ksionżont ze Pszczyny
Huta i gruba tu postawiyli
Wonglym już przeca ajza topiyli.



Kolonio Wysockiego

Na trasie z Giszowca do tego Nikisza
Po drodze kolonio se leży
Terozki niywiela jo ło niyj już słysza
Wysocki jyj patron - uwierzysz?

Dyć był to se karlus co Flawian mioł miano
Łon kedyś harowoł na "Gischu"
Komunie pszoł mocno i bestoż tak zwano
Osada przi sławnym Nikiszu.



Kopaniny

Prawe i lewe te Kopaniny
Kedyś Hochbergow piykne dziedziny
Dzisioj przigarły je Katowice
Przi Mikołowie te okolice.


Kostuchna

Staro osada to jest Piotrowic
Kero sie tak rozwinyła
Że nim włonczyli jom do Katowic
Miastym być tyż już zdonżyła.



Koszutka

Kolanijom Bogucic swego czasu była
Ponoć łod młynorza miano swoje wziyła
Jak gruby i werki zaczli tukej stowiać
Toż chałpow trza wiyncyj było wybudować
Z czasym familoki klocki zastompiyły
We mojyj pamiyńci yno łone były.



Kuźnica Bogucko

Kuźnica Bogucko tukej piyrwyj była
Łona nad Roździankom sie nom rozwinyła
Dyć ło niyj Walynty Roździeński napisoł
Że Jurga Kleparski kuźnikym tu prziszoł

Bez lata jom zwali durś łod tyj kuźnice
Choć rosła tyż tukej ta wieś Katowice
Po myśli inkszego kuźnika - Andrzeja
By z czasym zastompić jom we dalszych dziejach.

[broneknotgeld]

Huta "Marta"

Dzisioj jom niy ma choć dugo była
Prawie przi rynku miasta nowego
Tam kaj ta sławno kuźnica żyła
Wspomnij kuźnika tu boguckego.



Ligota

Łod Staryj Ligoty wszysko sie zaczyło
Choć we downych czasach ciynżko tukej było
Rzondziyła tu przeca czynsto tyż zaraza
Po polach sie huloł wiater we tych razach

Jak sam zaś nastały czasy huty "Idy"
Poleku Ligota wylazła ze biydy
Doszła jeszcze gruba kerom "Szadok" zwali
Wongel do tyj huty we niyj dobywali

Dobrze tyż sie stało że cug tu puściyli
Bo małe letnisko z Ligoty zrobiyli
Przi banhofie rosła osada łod nowa
Ta staro przi nowyj zaczyła sie chować

Wszysko to sie dzioło tu za Niymca jeszcze
We powiecie pszczyńskim była wtedy - wierzcie
A już za tyj Polski cołko okolica
Czwortom tajlom była we tych Katowicach

Dyć do dzisioj to jest Katowic dziedzina
Chocioż tak niydowno włodała niom Pszczyna
Jak tam kedyś zajrzysz wspomnij moje słowa
I tyskego piwa chlapnij se dlo zdrowia.



Muchowiec

Mucha tu miyszkoł chop małorolny
Niy mioł za wiela dyć czuł sie wolny
Lotoł sie czynsto nad łonkom nisko
Bestoż zrobiyli potym lotnisko.


Murcki

Ponoć tukej właśnie łod lot pany Pszczyny
Dobywali wongel z tyj swojyj dziedziny
Łodrywali chopa ze uprawy roli
Kopać musioł w ziymi wedle jejich woli

Chodzioł umurckany potym do zagrody
Bo mu na tyj grubie żałowali wody
"Emanuelssegen" kopalnia ta zwano
Łod murckow osada pryndko wziyła miano.



"Emanuelssegen"

To jest richtig staro naszo ślonsko gruba
Chop tukej fedrowoł ściongniynty łod pługa
Tu już sztrajkowali w łoziymnostym wieku
Bo sztajger bergmonom ubliżoł - czowieku

W dziewiytnostym wieku ta gruba durś rosła
I wtedy tyż tukej ajzynbana doszła
Wonglo coroz wiyncy trza było fedrować
Bo Hochberg we Wrocku zaczoł go przedować

Za tyj staryj Polski zaś tu sztrajki były
Kryzysym sie przeca gruby niy karmiyły
Ciyrpieli bergmony wtedy wielgo biyda
Niy było tu leko - godać ło tym byda

Już po drugiyj wojnie "Murckami" jom zwano
Jak piyrwyj osada - łod niyj teroz miano
Ważne że durś tukej wongel nom fedrujom
We Polska łon idzie - niych dalyj go sujom.



Co to jest?

Dzielnica i gruba jedne majom miano
Skiż wonglo tak piyknie je przeca nazwano
Kedyś było tukej "Wolne Państwo Pszczyna"
Dzisioj to Katowic ciekawo dziedzina.

[broneknotgeld]

Nikiszowiec

Dyć niy było by "Nikisza"
Jakby tu zabrakło "Gischa"
Ze tyj gruby szachty miano
Do osiedlo przipisano

Zillmann to zaprojektowoł
Swojo dusza w cegły dowoł
Wyszło piykne mini-miasto
Już docynić prziszoł czas to

Bo perełka naszo ślonsko
Tyż historio mo niywonsko
To jest jakby jedyn świat
W Ślonsku ślonski richtig brat.



"Perła"

Ta "Perła w koronie" widziołch pora razy
Tam ze Nikiszowca som piykne łobrazy
Dziynki Kutza sztuce Polska to widziała
Dyć jednak pewnikym pryndko zapomniała
Trza to jakoś zmiynić - Nikisz nom promować
Nowe klocki przi tym powinny sie schować
Chyba niy przipadkym ta "janowsko grupa"
Właśnie tu sie jakoś zebrała we kupa
Pyndzle se chyciyli - malowali piyknie
Było tego tela że dzisioj nom styknie.



Norma

Piyrwyj tukej huta cynku nosiyła to miano
I szyb gruby "Ferdynanda" tako tyż nazwano
Katowicko kolanijo we Dombrowie Małyj
To ślad kery nom pozostoł po imprezie całyj.


Nowy Czekaj

W młynie na Brynicy Czekaj mieloł zboże
Dzisioj sie to w gowie pomieścić niy może
Dyć łod niego nazwa osady sie wziyła
Gmina Huta Laura dugo tukej była
Potym to przeciepli w miasto Szopiynice
No a teroz widzisz - som te Katowice.



Obroki

Obroki w Załynżu przi Chorzowie leżom
Rosły nom skiż gruby - w to tyż świyńcie wierzom
Wszysko sie kryńciyło wele "Kleofasa"
Nic sie niy zmiyniyło - jest tak we tych czasach.



Ochojec

Nad rzekom Ślepotkom ta wioska leżała
Z czasym sie rozrosła trocha wybujała
No a na łostatku lazaryt tu powstoł
Kaj niyjedyn bergmon koncek zdrowio dostoł.

[broneknotgeld]

Osiedle Belojannisa

Był pieroński pożar na tym "Kleofasie"
Bergmonow uczciyli już we Polski czasie
Kery na osiedlu se tukej zamiyszkoł
Nazwiskym boroka nom czasym zablyskoł
Bo do dzisioj drożki ze osiedlo tego
Noszom miano ofiar - wiela w tym dobrego.



Osiedle Modych

Na Osiedlu Modych
Szukej swyj przigody
Przijedź do Zadola
Jak mosz tako wola
Schowej sie w malinach
Tam zrzyndnie ci mina
Jak szukosz dobroci
To skryj sie w paproci
Podzimki borowki
Wlezom ci do gowki
Mynczy cie rodzina
Łostow jom w jeżynach.



Osiedle Paderewskiego

Paderewski możno mynczy sie we grobie
Jak na wielgo płyta tukej gafto sobie
Pryndko by zaś zamknoł jakoś forteklapa
No i przi okazji komuś prziczas łapa.


Osiedle Roździeńskiego

Nastowiali tukej trocha tych wieżowcow
I dali im miano Katowic "gwiazdowcow"
Dobrze że to niy som cołkym te "gwiazdory"
Jak żech wloz tam na wiyrch toch był ździybko chory.



Osiedle Francka Rybki

Do Sosnowca stond jest blisko
Bestoż Rybka tukej blysko
Jest w tym jednak wiela racji
Zginoł łon za okupacji

Za komuna dołbych krycha
Krziżyk zrobia z tego grzycha
To mu prziznom za Oświyńcim
Rybka mo być we pamiyńci.



Osiedle Staszica

Wdepły te klocki nom do Giszowca
Chciałyby dalyj dyć już niy potrza.

[broneknotgeld]

Osiedle Tysionclecia

Tysionclecie poleku rośnie nom tu dali
Nawt kościoł do tego piykny zbudowali
Doszły tukej tyż nowe jakeś "kukurydze"
Mozno kedyś ze tego dobry "popcorn" bydzie.



Panewniki

Nojpiyrw był tukej jedyn Panewnik
Starym go zowiom do dzisioj
Panwie robiyli tu w dziyń powszedni
Downo to było - joch słyszoł

W cztyrnostym wieku był wele Kłodki
Teroz żech tyż to łoboczoł
Czimie sie jeszcze małyj Ślepotki
I nigdy jom niy przekroczoł

Domb tukej rosnoł wele zajazdu
Co blikoł na Jana wojsko
Pod Wiedyń ciongnoł łon wielkom jazdom
Armia z łodsieczom szła polsko

Dyć niydaleko łod Panewnika
Klasztor zaczyli budować
Wyrosła piykno tyż bazylika
Stary sie zaczoł dziwować

Bo pryndko inksze chałpy tu doszły
Urzyndy knajpy i szkoły
W Nowym już łone piyknie wyrosły
Tyn kont był teroz wesoły

Panewnik zmiynioł sie w Panewniki
I w Polsce już tak go zwano
Czy dzisioj wiedzom to małe smyki
Że jest łod panwi to miano?


We Piotrowicach

We Piotrowicach "tyske" sie loło
Jak yno je zaczli warzyć
Do "ksionżyncego" łoko sie śmioło
Szło sie tyż przi nim rozmarzyć

Dyć tukej była ta "pszczyńsko ziymia"
A na niyj był browar tyski
Chocioż tych starych czasow już niy ma
Tonknońć trza w kuflu zaś pyski.


Piotrowice

Wioska Uniszowy i jyj okolice
Podzielyli kedyś - wyszły Piotrowice
Tukej za rektora Karol Miarka robioł
Nim sie w Mikołowie drukarni dorobioł

Kedyś piykno gmina była ze Piotrowic
Yno że traciyła wiela do Katowic
Już za staryj Polski czyńść ziym jyj łodepli
I w somsiednie miasto pryńdziutko se wepli

Dyć jeszcze przed wojnom straciyła je Pszczyna
Stała sie ze tego Katowic dziedzina
Dzisioj byś niy pedzioł że z inkszego ciasta
Bo wprzongły sie mocno już do tego miasta.



Pnioki

Coingnyły te Pnioki w strona Siymianowic
Choć należom teroz do miasta Katowic
Kolonio to była tyj Dombrowki Mały
Z niom we Szopiynice potym sie dostały
Jak dalyj leciało to już dobrze wiycie
Terozki to wszysko przeca Katowice.


Podlesie

We pszczyńskim Podlesiu po czeskich husytach
Niy ujrzoł żeś chopa ani tyż kobiyta
Dyć poleku wioska sie zaś zaludniyła
Podlesie urosło - ziymia sie blyszczyła

A tutejszy sołtys pod Wiedniym bioł Turkow
Z pszczyńskimi chopami nasiekoł z nich wiorkow
Kedyś tu kwatery miały wojska Sasa
Chop przi nich zaciskoł richtig swego pasa

Nastoł w koncu tukej tyn wiek dziewiytnosty
Łon tyż dlo Podlesia wcale niy był prosty
Choć durś przeca rosła cołko okolica
Ze klucza wyrskego hrabiego Promnica

Kmiycie już pańszczyzny płacić tu niy chcieli
W końcu i na swojim gospodarzyć mieli
Bo w połowie wieku uwłaszczynie prziszło
Kere niy kożdymu fest na dobre wyszło

Z powietrzym morowym tu sie tyż mynczyli
Chocioż coroz gyńści we tyj gminie żyli
Nowy wiek im przinios same "Boże Dary"
No i tyż sie wynios porzondek tyn stary

Jakoś sie kulało w tyj Polsce do przodu
I durś przibywało we gminie narodu
Za Gierka Kostuchna jednak tu rzońdziyła
Krotko - bo poznała tych Katowic siyła.

[broneknotgeld]

Pod Młynym

Młynorza Kaśka młyn tukej miała
Tyż tu sie kończy Dombrowka Mała
Mielyła zboże po naszyj stronie
Bo przeciyż Ślonska tukej był koniec.


Downy Roździyń

Łon już nom wyrosł w cztyrnostym wieku
Ponow mioł wiela - niy licz człowieku
Tukej tyż staro kuźnica była
Kero nad Rawom sie rozłożyła

Wtedy jom zresztom Roździankom zwali
Sławny Roździeński tukej był dali
Co pisoł wierszym ło swyj robocie
Z keryj durś wiela mioł przeca pociech

Do wieku pary kuźnica doszła
Z czasym historiom swojom łobrosła
I choć jom potym wcale niy było
Ło jyj kuźnikach durś coś sie śniyło.


Roździyń

Łod Mieroszewskich Winckler go chycioł
I wiela konskow pod przemysł wycioł
Ta huta "Dietrich" i "Wilhelmina"
"Bernhardi" - wszysko sie przipomina

Ci z "Gisches Erben" tyż sie dociepli
Rosł Roździyń pryndko a łoni krzepli
Lazaryt był tu szkola wiyńziynie
Kościoł i browar na pokuszynie

"Konsum" na Ślonsku piyrszy był tukej
Nawet drukarni w Roździyniu szukej
Tych rzemieślnikow bez liku było
Wszysko dość pryndko sie tu kryńciyło

Dyć był wrośniynty we Szopiynice
Niy było miyndzy nimi granice
Za staryj Polski tyż tak łostało
A i po wojnie dalyj kulało

Zrobiyli z niego przeca dzielnica
Co ciyngiym tkwiyła we Szopiynicach
Choć to za dugo jednak niy trwało
Jest w Katowicach terozki całość.


Sośnina

Była nad Rawom Sośnina
Terozki jednak jyj niy ma
Ta kolanijo ze Dymba
Wyglondo choby we zymbach
Gyjbis tu Piastow sie leży


Stawiska

Miano łod stawow wele Boliny
Konsek janowski to jest dziedziny
Łon sie rozwinoł skiż "Uthemanna"
Szopiynic huta tak była zwana
Dzisioj sie kończom tu Katowice
Pryndko przekrokniesz we Mysłowice.


Szabelnia

Kuźnica Turzonów kedyś tukej była
Kero sie w szabelnia pryndko zamiyniyła
Szabla szopiynicko niy słynyła może
Pamiyńć nom łostała i za to - szczyńść Boże.

[broneknotgeld]

Kedyś w Szopiynicach

Husyty do Szopiynic prziszli ze Zagorza
Ciynżko dlo tyj wioski była ta ich burza
Dyć poleku jednak zaś sie zaludniyła
A przed wiekym pary Mieroszewskich była
Wszysko sie zmiyniyło łod tyj "Wilhelminy"
Cynk we niyj topiyli ze ślonski dziedziny
A do tego doszło pryndko grubow pora
No i cug - przemysłu ślonskego podpora.


Szopiynice

Roździyń-Szopiynice tako gmina była
Zanim sie tu Polska naprowdy zaczyła
Dyć jeszcze za Niymca sie nom rozłonczyły
Niydugo - a jednak już osobno były

Jak zaś tukej Polska głośno zaklupała
Szopiynicom gminno miejskość sie dostała
Miastym cołkom gymbom by wtedy se były
Yno prziszła wojna i już niy zdonżyły

Stało sie to jednak w piyńdziesiontym roku
Nawet powiat miejski wykroli na boku
Bo tyn Janow Ślonski i Dombrowka Mało
Do powiatu wlazły - tako była całość

Problym jednak we tym że te Katowice
W końcu połaszczyły sie na Szopiynice
I choć jest tyż ze nich osobno dzielnica
To jakoś niy wszyscy chcom sie tym zachwycać.


Wełnowiec

Bogucice z Bytkowym pasły tukej owce
I możno skiż tego nazwali Wełnowcym
Tako myśl terozki chodzi mi po gowie
Powiym że bajdurza ale we połowie
Tyżłod Wełny było podobno to miano
Yno że młynorza tako tukej zwano.



Hohenlohe w Wełnowcu

Nic sie tu niy dzioło bez Hohenlohego
Bo była to przeca dziedzina łod niego
Łon założoł kedyś piyrsze gruby tukej
W Wełnowcu tyż jeszcze huty jego szukej
W sawnyj "Hohenlohe" juz koksym polyli
We piecach kaj ruda na ajza topiyli
Dołoż tyż do tego jeszcze huta cynku
Wiela łon roboty mioł dlo ślonskich synkow
W końcu tu zbudowoł gmaszysko te wielke
Kaj dyrekcjo była "Hohenlohe Werke".


"Hohenlohe"

Jedna gruba i dwie huty
W nie Wełnowiec był łobuty
Wszyske miały take miano
Na cześć ksiyńcia je nadano.


Wełnowiec

Za Niymca i za Polski staryj
Była tu samodzielno gmina
Losu niy bierom już na bary
Dzisioj Katowic to dziedzina.

[broneknotgeld]

Wilhelmina

Na Wilhelminie już niy te czasy
Kere tu kedyś bywały
W łoczy sie ciepiom yno te sztrasy
A piyrwyj świat tu był mały

Kery sie kryńcioł wele tyj huty
Łod "Spadkobiercow Gischego"
Ze "Wilhelminy" suchali nuty
Żyli do rytmu takego.


Wymysłow

Piyrwyj jak keryś jechoł z Wrocławia
Tym traktym na Mysłowice
To za Ślepotkom mioł już zabawa
Bo bliske to okolice.


Zadole

Na Zadolu nad Ślepotkom miyszko sie spokojnie
Możesz nawet tu sie dychnońć jak mosz życie znojne
Trocha jest za dużo blokow ale szczimać idzie
Te Zadole do sie lubić i niych już tak bydzie.



Załynsko Hołda

Dwie Hołdy były - jedna przi drugi
I tyj Załynski żywot jest dugi
Bergmon z hutnikym tykej miyszkali
Stond do roboty niy mieli dalyj
Bo gruby huty i inksze werki
Wszyske tu rosły - wysyp był wielki.



Osiedle Witosa

Na Hołdzie Załynski wyrosło osiedle
Jak jedziesz A - 4 to łone jest wedle.


"Bugla"

Bugla - tak sie chop tyn zwoł
Co gront czimoł bo durś sioł
Ziymia łorać zboże sioć
Niy ma co sie z tego śmioć

Dyć choć mocno tym sie smucioł
Kijym rzeki niy zawrocioł
Jakbyś był tu cołkym blisko
Wlyź na "Bugla" - kompielisko.

[broneknotgeld]

Załynże

Załynże to richtig jest staro już wiocha
Tych kuźnic tu było łod diobła i trocha
Panow tyż zmiyniało choby rynkawiczki
Ważne że istniało nom przeca tu wdycki.



Kramsta w Załynżu

We Wrocku handlowoł
W Załynżu fedrowoł

"Charlotte" i "Victor" te dwie kopalynki
"Oheim" potym capnoł - poszło to łod rynki

Dyć Kramście sie jeszcze huta zamarzyła
Nazwoł jom tyż "Victor" - cynk tukej topiyła.



"Kleofas"

Załynski "Kleofas" Godula rychtowoł
Nojpiyrw ze wspolnikym potym som jom stowioł
Ta Joanna Gryzik gruba dziedziczyła
W końcu tych łod Gischa durś wonglym karmiyła.


Zaopusta

Ze Podlesio Zaopusta
Jakoś mynczy moje gusta
Skond ta nazwa? -Jo niy powiym
Możno jednak tyż sie dowiym.



Zarzecki wodnik

Miyndzy Bagnikym a Kaskadnikym
Kożdy sie może poczuć wodnikym
Pełno tu rybow kajbyś niy blikoł
Joch sie tu kedyś łusek nałykoł
Czyje te łuski do dzisioj niy wiym
Jednak z tutejszyj słodki to ryby.


Zarzecze

Ze Uniczowow wyszło Zarzecze
Było we pszczyńskim kedyś powiecie
Gminno kariera jednak skończyło
Jak ze Podlesiym sie połonczyło
Potym Kostuchna Zarzecze chciała
Z nim w Katowice sie tyż dostała.

[broneknotgeld]

Zawodzie

Dlo Bogucic to było za wodom
Za tom Rawom jo jeszcze tyż dodom
Nastowiali tu werkow aż tela
Że wyliczyć sie ich niy łośmiela

Choć cieszyło sie gminy prawami
Jednak zepli je z Bogucicami

Piykny ratusz tyż miała ta gmina
We Zawodziu go niy trza wspominać
Ekonomia w nim teroz kroluje
No i ważne że nom sie niy suje

Blisko jest stond do cyntrum Katowic
W tyj dzielnicy ci kożdy to powiy.



Porcelana

Porcelana "Gische" to jest dobro marka
Tako mi pedziała kedyś jedna starka
Łona niy wiedziała że to "Bogucice"
Dyć miejsce podała - teroz Katowice.


Zuzanna

Gruba "Susanne" tu była
Kolonio Zuzia łod niyj sie wziyła
Kaj to jest dzisioj? Mało kto powie
MIejsca poszukej we tym Janowie.

[broneknotgeld]

Katowice - zero głosow

Katowice zero majom
Dyć czy richtig im niy pszajom?

[broneknotgeld]

Przi Katowicach licznik "zerujom"?
A możno latym tam zima czujom?

[broneknotgeld]

Jo na Ruda głosy śla
Katowicom dyć tyż trza.

[broneknotgeld]

Mie ze myjny zlecioł włos
Katowice! Piyrszy głos!

[broneknotgeld]

Jedyn głosik?!

Jedyn głosik honorowy?
Już ło drugim niy ma mowy?

[broneknotgeld]

Robiom se na prowincyjo
Tako z niymi komedyjo
"Dupowate" by ktoś pedzioł?
Inkszy z downa ło tym wiedzioł?

[broneknotgeld]

"2"!!!

Głosow aż dwa razy wiyncy!
To Katowic niy umynczy.

[broneknotgeld]

Łod głosowanio chcom se wymigać
Dyć Katowice trza przeca dźwigać.

[broneknotgeld]

Szkryfna tako - bez łobrazy
Za Sosnowcym wiela razy?
slask.naszemiasto.pl/turystyka/specjalna_pozycja/4461_5407.html?pp=25

[broneknotgeld]

Kaj se rownać do Chorzowa
slask.naszemiasto.pl/turystyka/specjalna_pozycja/4461_5407.html?pp=26
Z tego ino boli głowa.

[broneknotgeld]

Przedłostatnie

Przedłostatnie miejsce majom
Tako ty dziedzinie pszajom.

[broneknotgeld]

Możno Koniakow w końcu przeskoczom
Jak yno szansa tako łoboczom.

[broneknotgeld]

Ze Chudowym se zrownajom
Bydzie dobrze - już niy wajom.

[broneknotgeld]

Co? Se dźwigli?!
W przodek migli?

[broneknotgeld]

Niy - dyć widza. Ciyngym cwaja
katowice.naszemiasto.pl/stolica_regionu/specjalna_pozycja/4461_5407.html?pp=32
Szkoły niy ma a tam baja!

[broneknotgeld]

Przed łoczami mi se ćmi?
Cwaja widza - wiyncy ni!

[broneknotgeld]

"3"

Ano - richtig wiyncy cosik
Dźwigło se ło jedyn głosik!

[broneknotgeld]

"4"!

Katowice już ruszone
Szworty głos dostały łone!

[broneknotgeld]

"7"

Toż siodymka już wskoczyła!
W tym Katowic richtig siyła?

Prozą

[ta_co_sie_ciyngiym_wywroco]

Tego bym nie zrymowała,
a powiedzieć Ci, żech tera zechciała.

Zabudowa urbanistyczna Katowic, Zabrza, Chorzowa, jest zabudową nowoczesną na
skalę światową. Nie są to typowe miasta, jakie się niegdyś budowało. Z
ryneczkiem, ratuszem, centrum i obrzeżach. O tym rozwiązaniu urbanistycznym
pisało się z podziwem w pismach o architekturze na świecie.

[broneknotgeld]

Hmm, Katowice, Chorzów to miasta ło dziewytnastowiecznym rodowodzie.
Podobnie jest ze Zabrzych - te prawie do 1922 roku było nojwiynszkom wsiom we
Europie.

[broneknotgeld]

Oby poleciało drapci
Dyć se bawiom w "koci łapci"
Ciyngym chcom być prowincyjom?
Toż dlo inkszych komedyjom.

[broneknotgeld]

Rym niy topi

Choć niy topi - czy buduje?
Katowicom głosy suje?

[broneknotgeld]

Tu dwanoście tako wiyncy
Niż paluchow u dwoch ryncy.

[broneknotgeld]

"Delikatnie" prawić idzie
Dyć czy głos ze tego bydzie
Katowicom prawie dany?
Jak tam kożdy rozespany.

[broneknotgeld]

Bliży czy dali?
Bele wklupali
Dziedzinie głosy
-Z glacy rwia włosy!

[broneknotgeld]

Głos Katowicom! -Głośno trza wołać
Niyche se dźwignom choćby spod stoła
I dlo dziedziny swoji klikajom
Jak jyj choć ździybko, źdzybeczko pszajom.

[broneknotgeld]

Ciyngym siedym głosow majom
Choc skiż tego tukej wajom.

[broneknotgeld]

Ciyngym siedym głosow majom
Choc skiż tego tukej wajom.

[broneknotgeld]

"9"

Czas jednak niy stoji
Dziewiyńć tako kroji.

[broneknotgeld]

"10"!

Czy radocha z dychom tako?
Czy tu ktosik skiż niyj płako?

[broneknotgeld]

Jakby Katowice erbły głosow tela
Co rachuje wontek - byłoby wesela!

[broneknotgeld]

Niy śmia Rudy tu promować
Katowicom głos trza dować.

[broneknotgeld]

Ech - wybiyrom se nad morze
Jak zaś wroca dej Wom Boże
Setki na te Katowice
Powinszowłoch - tako wiycie.

[broneknotgeld]

"11"

W gora ło tyn jedyn głos!
Bydzie tako jeszcze roz?

[broneknotgeld]

"12"

Tuzin - yno tela?
Czy możno to wiela?

[broneknotgeld]

A teroz już "13"

Do trzinostki podskoczyło
Downo tako niy szarpnyło.

[broneknotgeld]

Dali poleci?

Ponoć trzinostka richtig pechowo
Dali poleci czy se wydowo?

[broneknotgeld]

13/13

Tako se radzom!
Rowno z Czeladziom!

[broneknotgeld]

"13"?!

Ciyngym Katowice stojom
Zlyźć z trzinostki richtig bojom?

[broneknotgeld]

Se Katowice niy popisały
Trzinoście głosow już bydom miały.

[broneknotgeld]

Na Nikiszu sie zabowisz
katowice.naszemiasto.pl/artykul/515802,odpust-w-katowickim-nikiszowcu-pachnacy-sliwkami,id,t.html
Czymś tyż radość inkszym sprowisz.

[broneknotgeld]

Bydom, niy bydom?
www.dziennikzachodni.pl/artykul/532803,katowice-chca-byc-stolica-mlodziezy-2015-program,id,t.html
W ta strona idom?

[broneknotgeld]

Sztyngs we Szopiynicach
katowice.gazeta.pl/katowice/1,35063,11636433,W_Szopienicach_nie_chca_toksycznego_pagorka.html
To ci okolica.

[broneknotgeld]

Niy ma na sokoły
www.dziennikzachodni.pl/artykul/587893,katowice-nie-ma-mocnych-na-golebie-w-centrum-sokol-za-drogi,id,t.html
Gołombek wesoły.

[broneknotgeld]

Na gyburstag Parkowi Ślonskymu

Taki gyszynk tukej dom
www.facebook.com/photo.php?fbid=328038510604392&set=a.328038437271066.74327.195759197165658&type=1&theater
Dyć żech rod co tela mom.

[broneknotgeld]

Fajer bydzie
www.dziennikzachodni.pl/artykul/637615,147-urodziny-katowic-zostaly-trzy-tygodnie-do-pierwszych,id,t.html
W końcu przidzie.

[broneknotgeld]

Nowe przidzie z wiosnom
www.dziennikzachodni.pl/artykul/723625,o-wyborze-dyrektora-muzeum-slaskiego-zdecyduje-nowy,id,t.html
Kej moiki rosnom.

[broneknotgeld]

Komedyje - rod żech tymu
www.dziennikzachodni.pl/artykul/747733,rozpoczal-sie-vi-katowicki-karnawal-komedii-zobacz-zdjecia,id,t.html
Tako prozom jak do rymu.

[broneknotgeld]

Sie polachali
www.dziennikzachodni.pl/artykul/753449,katowicki-karnawal-komedii-najlepsze-spektakle-wybrane,id,t.html
No i trza dali.

[broneknotgeld]

Kej maglujom
Nikisz czujom
katowice.gazeta.pl/katowice/1,35063,13453649,Kiedys_magiel_byl_jednym_z_najwazniejszych_miejsc.html

[broneknotgeld]

Jasno banka
skuli manka?
www.dziennikzachodni.pl/artykul/778061,katowice-tramwaj-widmo-donikad-wyjechal-na-tory-aglomeracji,id,t.html

[broneknotgeld]

Trza było chlapnońć coby to strzimać
www.dziennikzachodni.pl/artykul/778964,smierc-stalina-i-stalinogrod-to-zrodlo-dobrych-anegdot-czy,id,t.html
Yno we cugu lepi niy drzymać.

[broneknotgeld]

Sie Szopiynice cieszom ze "Strzigi"
Na ta wystawa ponoć wyścigi
www.wiadomosci24.pl/artykul/katowice_narodziny_strzygi_wystawa_malarstwa_sabiny_pason_264371.html

[broneknotgeld]

Ano - prowda w tym
katowice.gazeta.pl/katowice/1,35063,13599838,Smutne_Katowice__Takiej_galerii_miasta_powinnismy.html
Niy yno jo wiym.

[broneknotgeld]

Ech, Giszowiec wielkanocny
www.facebook.com/photo.php?fbid=10151334418285598&set=a.10151334110095598.1073741825.334640635597&type=1&theater
Zdo sie co tam ziomb jest mocny.

[broneknotgeld]

Na "Parada..." sie wybiera
Prawie tyn link wkleja teraz
www.facebook.com/events/499618370073530/

[broneknotgeld]

Tyż ciekawie
Dom tu prawie.

katowice.gazeta.pl/katowice/1,35063,17709113,Niezwykly_pomysl_fotografa__pisanki_pomalowane_w_Katowice.html

[broneknotgeld]

Ja abo niy?
Kto dzisioj wiy?

katowice.gazeta.pl/katowice/1,35063,16849764,Gmach_i_sala__jakich_nie_bylo__Czy_juz_rozmienia_sie.html

[broneknotgeld]

Niychej im sie kulo fest
Kej już na Nikiszu jest.
www.dziennikzachodni.pl/artykul/3402789,centrum-zimbardo-w-katowicach-mlodzi-i-zimbardo-gospodarza-w-nikiszu-zdjecia,id,t.html

[broneknotgeld]

Niebo dropiom?
www.dziennikzachodni.pl/artykul/3455029,fantazje-katowic-o-wiezach-wysokich-na-300-metrow-zdjecia-wizualizacje,id,t.html
Ciyngym kopiom!

[broneknotgeld]

Toż ło Rawie
Dom coś prawie.
katowice.gazeta.pl/katowice/1,35063,16234872,Rawa_na_rynku_odkryta__Taki_widok_juz_sie_nie_powtorzy.html

[broneknotgeld]

Niy byda krył
Perełkom był.

katowice.gazeta.pl/katowice/1,97296,17388506,150_lat_Katowic__Jak_mozna_bylo_zniszczyc_taki_dworzec_.html

Sosnowiec

[broneknotgeld]

Czy tu ktosik tam zaziyro
forum.gazeta.pl/forum/72,2.html?f=264&w=65486394
jak Sosnowiec głosy zbiyro?

[broneknotgeld]

Dynkmal Kiepury

Kiepurze se dziwosz?
Jako łon zaśpiywosz?

[broneknotgeld]

Banhof 1859

Drugo młodośc mu szkryfniono
Za sto rokow tyż niy skono.

[broneknotgeld]

"Helios" - Sosnowiec

Niy mo Sosnowiec teroz kompleksu
Bo se dorobioł już multipleksu.

[broneknotgeld]

"8"

Sosnowiec głosow już łoziym mo
Pewno tyn kliko kto miasto zno.

Czeladź

[broneknotgeld]

Mie niy wadzi
katowice.naszemiasto.pl/stolica_regionu/specjalna_pozycja/4461_5407.html?pp=22
Głos Czeladzi.

[broneknotgeld]

"7"

Siedym głosow - idzie w góra
Przeca czeladź to niy dziura.

[broneknotgeld]

Czeladź tyż fajruje
www.dziennikzachodni.pl/artykul/652599,750-lecie-czeladzi-miasto-swietuje-zobacz-stare-zdjecia,id,t.html
Zogłymbie raduje.

[broneknotgeld]

"Heksa"

"Heksa" w Czeladzi
richtig fest wadzi?
katowice.gazeta.pl/katowice/1,35063,12449671,Co_zrobic_z_rzezba__czarownicy___Zapachnialo_skandalem.html

Dąbrowa Górnicza

[broneknotgeld]

"44"

Sztyrdziści sztyry! -Wieszcz ło tym prawioł!
Czy se w plebiscyt takowy bawioł?

[broneknotgeld]

"61"

Szejśćdziesiont jedyn - zdo sie to wiela
Jak na Dombrowy Gorniczy sztela.

[broneknotgeld]

"85"

Łoziymdziesiont piyńć już majom
Sety drapko tyż doczkajom.

[broneknotgeld]

"100"?

"Róbta co chceta"
-Bydzie ta seta?!

[broneknotgeld]

"104"

Toast szczyry
-Za sto sztyry!

Będzin

[broneknotgeld]

W herbie

Wrota we murach na łościyż łotwarte
No i pod koronom - toż wiela som warte.

[broneknotgeld]

Kościoł św Trojcy

Kościoł św Trojcy nojstarszy w Byńdzinie
Toż wandrus świontyni niychej tu niy minie
Przeca jako zamek z sztyrnostego wieku
Historyjo niesie moj zocny czowieku.

[broneknotgeld]

Bohaterom Getta Byńdzińskego
22.VIII.2005 - Byńdzin

Dynkmal we siyrpniy w Byńdzinie stanie
Co sie łostało? -Toż pamiyntanie
To grunt z kerego rośnie kultura
Zabraknie?! -Gorzi niż czorno dziura!

[broneknotgeld]

Byńdzin - 225 głosow

Toż przeciyrom teroz łoczy!
Czy Lubliniec grod przeskoczy?

Siemianowice Śląskie

[broneknotgeld]

Siymianowice - tyż zocno sztela
slask.naszemiasto.pl/stolica_regionu/specjalna_pozycja/4461_5407.html?pp=20
Toż nachytajom głosow dość wiela.

Cieszyn

[broneknotgeld]

Cieszyn dzwignoł se ło włos
slask.naszemiasto.pl/turystyka/specjalna_galeria/4461_5407.html
Tako dostoł jedyn głos.

[broneknotgeld]

Zameczek w Błogocicach

Mieszcznin tyn dworek se tukej postawioł
Piastow i Habsburgów tyż łon wiela bawioł
W końcu Stonawskiego sztela już to była
Jakby na wiedyński sznit se łodszczelyła

Za komuny przeca upadło to wszysko
Jakby z tego było jakeś dziwowisko
Przi Joannie Mikarz zaś blasku nabiyro
Coby był przezocny to chyńć jeji szczyro.

[broneknotgeld]

Seledynowo Studnia Czech Braci

Niy wszyskim "nowy" kolor sztimuje
Dyć przez poł wieku czorno durś była
Cieszyn terozki deliberuje
W "zielonym" przeca nadzieji siyła!

Nikerzy jednak jakby po troszku
Chcom być "princesom na ziorku groszku"

[broneknotgeld]

Cieszyn

Leszko Bolko i Cieszko
Se tukej spotkali
Dugo łod sia byli
Zaś rynce podali
Toż niych na pamiontka
Tego wydorzynia
Grod zocny powstanie
Blyśnie tako ziymia.

--

Cieszyn 810

Sie Bolko z Cieszkym tako i Leszkym
Naprowdy wiela cieszyli
Tako we trojka poczyńśli mieszkym
Grod drapko tu postawiyli.

[broneknotgeld]

Wieża Piastowsko (XIV w.)

Z downego zamku se nom łostała
Historio tako jyj to szkryflała
Dzisioj nos cieszy punkt widokowy
No i w tym szczyńście że łon niy nowy.

[broneknotgeld]

Plac Tyjatralny

Prawiom co rynek tu był Cieszyna
Toch se zabłonkoł na ta dziedzina
I tyjatrowi tyż podziwowoł
Bo przeca w łoczach mi tukej stowo.

[broneknotgeld]

Kościoł Jezusowy XVIII w.

Wangelicki kościoł w tym zocnym Cieszynie
Podobnoś nojwiynkszy we polski dziedzinie
Szejść tysiyncy wiernych gynau łon pomieści
Kierzy tu we sercu Jezusa chcom pieścić.

[broneknotgeld]

Cieszyńske trasy

Dlo wandrusow co na kole
Abo tym szłapcugym łażom
Tras tu wiela - niych dziedzina
Tako se pozwiydzać ważom.

--

Zajta Cieszyna se łoglondnijcie
www.cieszyn.pl/
No i łodwiydzić dziedzina chciyjcie.

[broneknotgeld]

Bez banhofa?

Toż polski Cieszyn ciyngym ubogi
A za tom Olzom banhof jest srogi.

[broneknotgeld]

Głosu sztela jest we wercie
Za klikanie dyć se biercie!

[broneknotgeld]

Doszły nie donosy
-Cieszyn mo trzi głosy!

[broneknotgeld]

5 głosow!

Ano, ano - piyńć już prawie
Se rozkulo w ty zabawie.

[broneknotgeld]

Żech łostatnio tam zaziyroł
katowice.naszemiasto.pl/stolica_regionu/specjalna_galeria/4461_5407.html
Cieszyn "szostka" już uzbiyroł

[broneknotgeld]

Łeb w łeb Cieszyn z Czynstochowom
slask.naszemiasto.pl/stolica_regionu/specjalna_galeria/4461_5407.html
Tako rym tu ło tym dowom.

[broneknotgeld]

12 głosow

Cieszyn łostro prawie wloz
Zdo sie jakby piyrszy roz.

[broneknotgeld]

"17"

Cieszyn chnetko Ruda ścignie
Tako leci - yno mignie!

[broneknotgeld]

"19"

Prawie teroz żech łoboczoł
Cieszyn Ruda już przeskoczoł!

[broneknotgeld]

"21"

Cieszyn juzaś tako skoko
Erbnoł głosow prawie "łoko"!

[broneknotgeld]

"31"

Doszła dycha
Niy skiż grzycha.

[broneknotgeld]

"41"

I zaś dycha mocie wiyncy
Niy żałujcie tako ryncy!

[broneknotgeld]

"61"

Uradowoł baby, chopa
Gładko przeloz już przez kopa!

[broneknotgeld]

"77"

Dwie siódymki dlo Cieszyna
Ze tym radośniejszo mina!

[broneknotgeld]

"88"

Ano - leci teroz piyknie
Toż do sety tuzin styknie.

[broneknotgeld]

"98"

Jeszcze głosy yno dwa
Cieszynowi setki trza!

[broneknotgeld]

"102"

Ano ja
Już sto dwa!

[broneknotgeld]

"110"

Drugo setka tako idzie.
Kedy Cieszynowi przidzie?

[broneknotgeld]

Brawo Cieszyn! Sto piytnoście!
Drugo seta drapko wroźcie!

[broneknotgeld]

"135"

Sto trzidziiści piyńć Cieszyna
Toż wesoło moja mina.

[broneknotgeld]

Kaj kultura
tyż profity
cieszyn.naszemiasto.pl/artykul/827942,zamek-cieszyn-dostal-prestizowa-nagrode-wipo,id,t.html#48ea7700815d7614,1,3,3
Gowa w chmurach
Bez ciaplyty
Trza brać muster ze Cieszyna
Przeca "bryndy" to niy bryna.

[broneknotgeld]

Szworty Olzy niy łominie
Sie tym cieszom we Cieszynie.

www.dziennikzachodni.pl/artykul/773367,w-cieszynie-bedzie-czwarty-most-na-olzie-zdjecia,id,t.html

Milówka

[broneknotgeld]

Mo Milowka głosy trzi
katowice.naszemiasto.pl/stolica_regionu/specjalna_pozycja/4461_5407.html?pp=21
W gora pódzie - to se wiy.

[broneknotgeld]

Herb Milowki

Serce na strzałach piyrwyj leżało
Teroz przebite? -Co to sie stało?
Na bioły tarczy - chocioż niy krwawi
Niyszczyńście pszonio se we tym jawi?

[broneknotgeld]

Dwie herbowe strzały

Jedne serce a dwie strzały
Możno "drajek" z tego cały.

[broneknotgeld]

Jako cylnie?

Dubeltowo w serce strzylo Eros czasym
Dej pozor - w Milowce ciekawe som wczasy.

Brenna

[broneknotgeld]

Brynna

Ano - jeździoł żech tam z frelkom
Do dzisioj miłościom wielkom
We Brynnicy wykompano
Z tym na cołke życie dano.

[broneknotgeld]

Brynna już mo głosy dwa
Zocno sztela przeca - pra?

[broneknotgeld]

Rym niy dusi
www.dziennikzachodni.pl/artykul/638921,sredniowieczni-wojowie-zapraszaja-do-brennej-bedzie-wielka,id,t.html
Brynna kusi.

Istebna

[broneknotgeld]

Gmina Istebna

"Trojwsiom" gmina tyż mianujom
Niytutejsi se dziwujom.

[broneknotgeld]

Gmina żyje

Żyje muzykom tańcym i śpiywym
Dyć to niy wszyske som jeji dziwy
Lecom po bruclik batym trzaskajom
I Mikołajow korowod majom.

Ustroń

[broneknotgeld]

Okolica

Dwie Czantorie, Groń, Rownica
To Ustronia okolica.

[broneknotgeld]

Niybieskim szlakym na Czantorio

Z ustronio Zdroju cos przez Poniwiec
Przeca ze ciebie niy jest "lyniwiec"
Toż trzi godziny nawet niy przyńdom
Jak twoje gyry na wiyrch jyj wyńdom.

[broneknotgeld]

"Czarcie Kopyto"

Znojdziesz chałpa na Rownicy
Dwiesta rokow w okolicy.

[broneknotgeld]

55 głosow

Łostro idzie!
kaj z tym przidzie?

[broneknotgeld]

Ustroń Zdrojym - chciyjcie klikać
www.dziennikzachodni.pl/artykul/794936,uzdrowisko-ustron-przed-i-wojna-swiatowa-zdjecia,id,t.html
Szło kurować ryjmatyka.

Koniaków

[broneknotgeld]

W Koniakowie

Bez koronki koniakowski czym by sztela była?
Ano - z nici i heklowki idzie jeji siyła.

[broneknotgeld]

Jedyn głos dlo Koniakowa
Rowno jako Czynstochowa.

Lubliniec

[broneknotgeld]

Sztyrnoście głosow - toż szkryfna - bravo!
Lubliniec rośnie - sztela to klawo!

[broneknotgeld]

Princ sztela polubioł
forum.gazeta.pl/forum/72,2.html?f=38695&w=39989623&a=39989623
Oby tref hołubioł.

[broneknotgeld]

Rzeczka

Rzeczka przez Lubliniec niy za wielko płynie
Z Lublinicy mianym - juz tako w dziedzinie.

[broneknotgeld]

Kto Lublińca nie polubi
Pewno duszę swoją zgubi.
--

Liplingym Lubliniec
We ślonski dziedzinie.

--

Pszoniym Lubliniec ktoś ubogaci
Tako i duszy swoji niy straci.

[broneknotgeld]

Lubliniecki notgeld

Lubliniecki notgeld ajzynkrojca nosi
Ło pamiyńć dlo ofiar piyrszy wojny prosi
Niy dziwej sie jednak że mo z ajzy krziż
To jest ślonski order - chyba ło tym wiysz.

[broneknotgeld]

"Lubiyło mu sie miasto zbudować"

Princ opolski Władysław gon wiod czynsto tukej
Toż i skuli tego grodu teroz szukej
Bo jak zwiyrz ubity trza i zafajrować
Polubioł te strony - idzie forsztelować.

[broneknotgeld]

We herbie

We swojim herbie piyńć gwiozdek majom
Kere grodowi blyszczom na szczyńście
Lubliniczanie tako mu pszajom
Jak tu zoglondniesz mosz inksze wyńście?

[broneknotgeld]

Konstanty Damrot (1841-1895)

Dała go Ślonskowi
ziymia lubliniecko
Dyć czy dzisioj to wiy
kożde ślonske dziecko?

[broneknotgeld]

Kokotek

Jest w Lublińcu i we Rudzie
Tyn Kokotek ku łostudzie?
U nos ze zbojeckim mianym
Lublińcowi jako dany?

[broneknotgeld]

Wymyślacz

Czy te miasto wymyślone?
Niym se zaczło prziszoł koniec?

[broneknotgeld]

W dziewiytnostym wieku

W dziewiytnostym wieku ponoć skuli bany
Lubliniec łobudzioł se jakby ze ranym
Cug z Olesna szoł tu na Tarnowske Gory
Z Opola do "Czewy" - wspomni pewno ktory.

[broneknotgeld]

Przi Macierzy

Dyć Lubliniec przi Macierzy
forum.gazeta.pl/forum/72,2.html?f=59&w=44388370&v=2&s=0
Niom Silesio - tako chce żyć.

[broneknotgeld]

35 głosow!!!

Niy popuści na dichtongu?
Mo Lubliniec wiela szwongu!

[broneknotgeld]

70

Siedymdziesiont - richtig wiela!
Łostro w gora idzie sztela!

[broneknotgeld]

197 głosow

Chnetko dwiesta
Bydzie fiesta!

[broneknotgeld]

Głosujecie na Lubliniec?
Niy skiż gańby mo rumiyniec!

[broneknotgeld]

Głosujecie na Lubliniec?
slask.naszemiasto.pl/turystyka/specjalna_galeria/4461_5407.html
Gryfnie leci ty dziedzinie!

[broneknotgeld]

302

Toż zaklackać richtig trza!
Głosow tako trzista dwa!

[broneknotgeld]

O pierombol - trzista trzi!
Niychej ło tym forum wiy!

[broneknotgeld]

342!

Durś Lubliniec łostro idzie!
Ciyngym druge miasto bydzie?

[broneknotgeld]

"816"

Byda jakby tu za gońca
Lublińcowi trza tysionca!

[broneknotgeld]

Chorzow durś Lubliniec goni!
Czy niy sprzedo miejsca toni?

[broneknotgeld]

Chorzow go ciśnie!
Lubliniec piśnie?

[broneknotgeld]

"1002"

Ano - moga przisionc
Prziszoł już tyn tysionc!

[broneknotgeld]

"1176"

Piyknie leciało
Już szwongu mało?

[broneknotgeld]

Trza rumiyńca
dlo Lublińca?
gliwice.naszemiasto.pl/artykul/611050,joanna-bak-wystartuje-w-wyborach-na-burmistrza-lublinca,id,t.html

[broneknotgeld]

Lubliniec niy dziura
www.dziennikzachodni.pl/artykul/789725,plura-mamy-prawo-mowic-po-slasku-popieram-mieszkancow,id,t.html
Wspiyro poseł Plura.

Bielsko-Biała

[broneknotgeld]

Możno dońdzie do łostudy?
slask.naszemiasto.pl/turystyka/specjalna_galeria/4461_5407.html
Bielsko-Biało niży Rudy?!

[broneknotgeld]

Głosow piyńć - jakby na piontka
Toż zaś rym dom - na pamiontka!

[broneknotgeld]

"6"

Szostka jako w "Toto"
Bielsko wiyrchym loto?

[broneknotgeld]

6 głosow!

Niy łostuda
-Goni Ruda!

[broneknotgeld]

"7"

Bielsko-Biało - głosow siedym!
Kaj te czasy jak był jedyn?

[broneknotgeld]

"10"

Dycha już mo Bielsko-Biała!
W przodek bydzie z tym leciała.

[broneknotgeld]

"16"

Dwa razy łoziym tako zebrała
Dzwigo se w gora ta Bielsko-Biała?

[broneknotgeld]

"17"

Pewno se ucieszy cało
Idzie w gora Bielsko-Biało.

[broneknotgeld]

"21"

Łoczko prawie
W ty zabawie.

[broneknotgeld]

"22"

Jako dwa asy
Na nowe czasy.

[broneknotgeld]

Bielsko gryfnieje
bielskobiala.gazeta.pl/bielskobiala/1,88025,11301867,Kaplica_z_grobami_ksiazat_Sulkowskich__PANORAMA_.html?bo=1
Zdo sie aż śmieje.

[broneknotgeld]

Poradza spokopić
co trza sie tym tropić
bielskobiala.gazeta.pl/bielskobiala/1,88025,13517845,Bolek_i_Lolek_lysieja__Tak_wlasnie_dzialaja_wandale.html

Zabrze

[broneknotgeld]

Momy już zabrzańsko sztela
slask.naszemiasto.pl/turystyka/specjalna_pozycja/4461_5407.html?pp=27
Głosow chyci pewno wiela!

[broneknotgeld]

Ło cholera!
Lubiom zera?!

[broneknotgeld]

Prawie żech na zajta wloz
Erbło Zabrze jedyn głos!

[broneknotgeld]

Wiyrchym leci - czy se zdo?
Już dwa głosy Zabrze mo!

[broneknotgeld]

Łapło Zabrze głosy trzi
Idzie w gora - to sie wiy.

[broneknotgeld]

Toż se richtig rozkulali
Prawie sztyry głosy dali.

[broneknotgeld]

Łoziym!

Zabrze łoziym głosow mo!
W przod poleci - mi sie zdo.

[broneknotgeld]

8 głosow

Łeb w łeb ze Sosnowcym idze!
Jako jutro prawie bydzie?!

[broneknotgeld]

Zabrze głosow sknyrzy?
Mogłoby być wyży.

[broneknotgeld]

"9"

Łapło Zabrze już dziewiontka
Zdo sie jako w kartach "wziontka".

[broneknotgeld]

"12"

Tuzin Zabrze głosow mo
Niychej wreszcie łostro gro.

[broneknotgeld]

"13"

Czy trzinostka jest pechowo?
Zabrze niychej wyży stowo!

[broneknotgeld]

"15"

Wiyncy głosow zaś ło dwa
Tympo dźwignońć jednak trza.

[broneknotgeld]

"22"

Zabrze niy płako
Dwie dwojki tako!

[broneknotgeld]

"40"

Sztyry dychy wyklikali
Ciynżko pociś jednak dali.

[broneknotgeld]

"42"

Sztyrdziści dwa głosy!
Toż to niy donosy.

[broneknotgeld]

"Skarbnik"?

"Skarbnik" mogby być?
katowice.gazeta.pl/katowice/1,35063,13301286,W_Zabrzu_powstaje_nowe_radio__Nagroda_za_nazwe.html
Potrza ze niym żyć
Jest geld "skarbnikowy"
I koncept "marszowy"
"Skarbnik" - biyr postawia!
Zocno we tym sprawa.

[broneknotgeld]

"Zabrze żąda dostępu do morza!"

Zobrze chnet sie chyci morza?!
Jo laternom blysnońć woża
Zdo co "Bliżyj Nieba"
Wodom gichnońć trzeba?
Kaj waserturm blik położa!

www.facebook.com/AsocjacjaMBP18/photos/a.482128675169737.1073741825.427827820599823/532583353457602/?type=3&theater

Chorzów

[broneknotgeld]

Możno bliknie keroś głowa
slask.naszemiasto.pl/turystyka/specjalna_pozycja/4461_5407.html?pp=25
Tyż we zajta co Chorzowa.

[broneknotgeld]

"23"

Chorzow fest do przodka ciśnie
Bo som żdżałe teroz wiśnie.

Mysłowice

[broneknotgeld]

Zdo sie jakby jakeś wice
slask.naszemiasto.pl/turystyka/specjalna_pozycja/4461_5407.html?pp=27
Zero głosow?! -Mysłowice?

[broneknotgeld]

1 głos dlo Mysłowic

Na poczontek jedyn styknie
Dyć se bawić idzie piyknie.

[broneknotgeld]

1138

Bolek Krziwogymby dziedzina podzieloł
Ziymia mysłowicko wtedy przi Krakowie
Ślonzek i "syniorat" nojstorszymu ścieloł
Na Władysławowy krotko jednak głowie.

[broneknotgeld]

Mieszko II Spaśny (1230-1246)

Kazik I w grobie
Mieszko po niym stoji
We tych czasach wszysko
Tatarow se boji.

[broneknotgeld]

Leszek

Syn Przemysława - princ tu łostatni
Co ze krwi Piastow tako rodzony
Toż we potomkow niy był dostatni
Erbnoł to szwager - tela dyć znomy.

[broneknotgeld]

Familijo Ottona z Pilicy

Wojewoda sandomierski krola był kamratym
Ano przeca tyn Jagiełło niy poprzestoł na tym
Ottonowo jego potkom - do krztu go trzimała
No a cera wojewody w koncu Włodka miała
We alkiyrzu jako ślubno chocioż już był stary
Dyć prawiyli coś dworzany że przi freli jary.

[broneknotgeld]

Wacław princ rudzko-rybnicki

Z Maciejym Korwinym wdoł se we wojynka
Dyć tym ziymie swoje wystawioł na mynka
Mysłowice bestoż tako zastawione
Princa zaś niy czekoł tyż szczyńśliwy koniec

Ze krolym przegrano - zesłany do Kłodzka
Niyjedna go czeko we hereszcie nocka
Śmierć we końcu retnie ze srogi niywoli
Wspomniynie istnego możno ździybko boli.

[broneknotgeld]

Przi Turzonach (1517)

Familijo ze Krakowa
Co w bogactwo łopływała
W Mysłowicach jako głowa
"Państwo Pszczyńske" dyć trzimała.

[broneknotgeld]

"Myślimice"?

Możno se tako nojdowni zwały
W tym pomyślunek przeca niymały.

[broneknotgeld]

Mysłowice

Ta dziedzina po Mysławie
By se tako zwała prawie?

[broneknotgeld]

Torg w Mysłowicach (1301)

Niymiecki historyk cosik ło tym prawioł
Inkszym niywyraźnie dyć tyn torg se jawioł.

[broneknotgeld]

Mysłowicki pleban (XIII w.)

Tako farorz mysłowicki
Już w trzinostym wieku zwany
Toż ściongejcie przed niym mycki
Niy na darmo łon plebanym.

[broneknotgeld]

Adam i Jan Bodzantowie (XV w.)

Dzierżysława syny przeca
Przi Bodzantach Mysłowice
Toż se dali z rymym leca
Ło tym tako teroz wiycie.

[broneknotgeld]

Jan Turzon 1528

Brat Aleksego w gyszefcie wielki
Kuźnice gruby i inksze werki
We jego rynce złoto sypały
Richtig profiy zawsze dowała

Jan Turzon ukrod dyć Wenecjanom
Kunszt z kerym kukfer tyn wytopiano
Umioł ze strzybrym dować se rady
Stykło ołowiu i koniec zwady

Toż se niy dziwcie - mnożoł majontek
Tako tyż kupioł tutejszy kontek
We kerym gruby ajzy już były
A możno inksze skarby se kryły.

[broneknotgeld]

Jadwiga Salamonówna

Cera Katarzyny w miasteczku łostała
Tu swoj dwor do śmierci przeca bydzie miała.

[broneknotgeld]

Pańsko łostuda

Miyndzy krewnymi ciyngym łostuda
Se Mieroszewski z Kamieńskim sondzi
Majom prawniki ze niymi cuda
Recht chce mieć kożdy - na swojim rzońdzi.

[broneknotgeld]

Józef Mieroszewski
(ordynat 1755-1768)

Burgrabiom zamku był wawelskiego
Łowczym łynczyckum jeszcze do tego
Na Mysłowicach zaś ordynatym
Styknie rachować - łostana na tym.

[broneknotgeld]

Aleksander Mieroszewski

Siodmy już ordynat - majorat szczyńśliwy?
Ech dzioły se przi niym roztomajte dziwy
Podobnoś za wiela w Krakowie balowoł
Z roku na rok tako biydniejszy se stowoł
W końću wyszło na to - żył prawie na krycha
Czy przidzie łodpuścić mu takego grzycha?

[broneknotgeld]

"Czerwono Ksiynga" (1590-1767)

Ano - se łostała
do potomnych tako
Kto ździybko poczyto
Możno tyż zapłako.

[broneknotgeld]

Brama Bytomsko

Na Bytom wiodła - se niy wydowo
Dwor za niom widać - kościoł tyż stowo.

[broneknotgeld]

Downy browar

Ano przi Przymszy stoł downy browar
Czy go prowadzioł zocny piwowar?

[broneknotgeld]

Stow "Golok"

Już dośc daleko na połnoc przeca
Tam kaj Szabelnio terozki leca.

[broneknotgeld]

Zamek

Za Bytomskom Bramom na gorce se stoji
Ło miejsko dziedzina mozno trocha boji
Kedy podźwigniony? Chciyjcie mi powiedzieć
No i komu piyrwyj prziszło w zamku siedzieć?

[broneknotgeld]

Kamiynica wójtowo (1857)

Zgorała dyć drapko
Zaś łodbudowano
Zdo sie co na wieki
Mysłowicom dano.

[broneknotgeld]

Mysłowice 1587

Ech - zły rok to dlo Mysłowic
Skiż armiji - se to dowiydz
Habsburg mioł być krolym Polski
Dyć utropa z jego wojskym
Mysłowice spustoszone
I po czyńści wypolone.

[broneknotgeld]

Marysia Opaczkówna (XVII w.)

Słynie Marysia w dziedzinie z krasy
Karlusow wiela prziciongo tako
Bo kaj gryfniejszo łod freli naszy?
Skiż niyj niyjedyn ślypia wypłako

Dyć tym niyszczyńście we końcu kludzi
Kaj Jana Białka zamordowali?
We chałpie frelki! Już se niy zbudzi
Marysia tako na sond zabrali

Na nic jyj płaczki! Na nic łobrona!
Już wystawiono w klotce dymbowy
Gańba dlo frelki niym przidzie konać
I kat se chyci jyj gryfny głowy.

[broneknotgeld]

Hamernik Walenty Roździeński

Znocie tego hamernika
W kuźnicy zdoł sie rzykać
Dyć robocie swoji pszoł
Mało kery tak jom znoł.

[broneknotgeld]

Sie sońdzioł

Sońdzioł sie Walynty ze Salamonowom
Choć łona dlo niego była zwiyrzchniom głowom
Bestoż princ na Pszczynie musioł cosik pedzieć
A że kuźnik przegroł - tako poszoł siedzieć.

[broneknotgeld]

Olbrycht Strumieński

Z Mysłowic istny pochodzioł przeca
Chocioż do Balic za niym poleca
Kaj u Firlejow rzondcom we dworze
Już gospodorzyć przi fiszach może

Z tego zasłynoł - zarybioł stawy
Skiż geldu przeca a niy zabawy
I ksionżka ło tych rybnikach spisoł
W cołki Koronie żeś ło tym słyszoł.

[broneknotgeld]

Piyrszo mysłowicko gruba 1788

Już tu z tym rokym wongel kopali
Chocioż niywiela ufedrowali.

[broneknotgeld]

Mysłowicko aptyka (1828)

Pigulorz Fengier w rynku łotworzoł
Trza dyć se czymsik kurować
Choć grosz dlo ludzi tu wiela wożoł
Medykamyntow żałować?

[broneknotgeld]

Mysłowice 1815

To co ze Pszczynom pokuplowało
Jakby na darmo teroz se zdało
Toż jo se nawet ło to niy pytom
Już Mysłowice jako "Kreis Bytom".

[broneknotgeld]

Do Wrocka 1846

Z Mysłowic do Wrocka już jedziesz po glajzach
Możno na Szczakowa tyż kusi cie rajza?

[broneknotgeld]

Mysłowice 21.VIII.1683

Przi Moście Krakowskim krola powitały
Cołke Mysłowice - Sobieskego znały?
Farorz błogosławioł wielgachno armijo
Choć som marsz pod Wiedyń to niy komedyjo.

[broneknotgeld]

Dr. Hauser (1900-1919)

Burgemajstra tego znocie?
Nic ze Niymca we niym mocie
Dyć do wojny miasto rośnie
Moga szkryfnońć to radośnie.

[broneknotgeld]

Elektrownia miejsko (1913)

Staraniym miasta tukej stanyła
Sztrom Mysłowicom potrzebny przeca
Niyjedna byrna se rozblysnyła
-Tako przi kery jo rymy kleca.

[broneknotgeld]

"Sokoł" w Mysłowicach (1903-1905)

Blysnoł "Sokoł " w Mysłowicach
- toż przi Niymcach okolica.

[broneknotgeld]

Burgemajster Radwański

Z miana Polok - Niymiec z duszy
Dyć za Przymsza łon niy ruszy.

[broneknotgeld]

Insurekcjo Majowo 1921

Ano - prziszła noc majowo
Polske z rana Mysłowice?
Tako ze tym se już stowo?
A co potym? -Sami wiycie!

[broneknotgeld]

Fabryka mebli (1925)

Se Marcin Robak grunt kupioł tukej
Z Mysłowic mebli we Polsce szukej.

[broneknotgeld]

Choć w zima trefiyło
Szpasu trocha było
gazetamyslowicka.com/wydarzenia/region/2013/04/anszlus-wiyrchniego-slonsko-do-altrajchu-abo-do/

Racibórz

[broneknotgeld]

Mo Raciborz głosow tysionc
katowice.naszemiasto.pl/stolica_regionu/specjalna_pozycja/4461_5407.html?pp=18
Na to prawie moga przisionc.

[broneknotgeld]

Do Raciborza trza wybrać mi sie
Przeca łod downa już tako śni sie.

[broneknotgeld]

"2024"

Ano - przeszło dwa tysionce!
Tyn Raciborz jako słońce!

[broneknotgeld]

Raciborza nikt niy ścignie
Trzi tysionce chnetko mignie.

Tychy

[broneknotgeld]

Prawie jak żech dzisioj wloz
slask.naszemiasto.pl/turystyka/specjalna_pozycja/4461_5407.html?pp=24
Tychom przipod piyrszy głos!

[broneknotgeld]

Radocha mom!
slask.naszemiasto.pl/turystyka/specjalna_pozycja/4461_5407.html?pp=24
Tychy już som!

[broneknotgeld]

Wytnom z Tych?
forum.gazeta.pl/forum/72,2.html?f=322&w=65745612
Bydzie grzych?

[broneknotgeld]

Tychy sztyry głosy majom
Toz jo wcale juz niy wajom.

[broneknotgeld]

"30"

Majom Tychy
już trzi dychy!

[broneknotgeld]

"62"

Rosnom Tychy
Niy za grzychy.

[broneknotgeld]

"73"

Tychy lecom - to sie wiy!
Prawie siedymdziesiont trzi!

[broneknotgeld]

"96"

Tako do sety!
Trza im podniety?

[broneknotgeld]

Do sety

Sztyry głosy jeszcze trza
Tychom werci se dać pra?

[broneknotgeld]

W tym moj grzych
żech niy z Tych?

[broneknotgeld]

Kurde bele - łon boł z Tych
Tam niy słepać piwa - grzych!

[broneknotgeld]

Tychy gryfnie świycom w nocy
katowice.gazeta.pl/katowice/1,35019,8891951,Najpiekniej_w_wojewodztwie_slaskim_swieca_sie_Tychy_.html
Możesz w Tychach napaś łoczy.

[broneknotgeld]

"Bombon"

Ano, ano - piyknie!
www.dziennikzachodni.pl/artykul/690583,teatr-z-tychow-slaska-godka-dla-pniokow-krzokow-i-ptokow,id,t.html
Wiy kery tam kliknie.

[broneknotgeld]

Co piwowar zaś uwarzy?
"Tyske" - przeca czowiek marzy
Za tym słonkym
Biyrka dzbonkym
Toż to niychej wom przidarzy.

www.facebook.com/media/set/?set=a.737963872945185.1073741992.195759197165658&type=1

[frelka_gryfna]

To jakowaś loteryja,
czy też Twoja fantazyja?

[broneknotgeld]

Tako se to forszteluja
slask.naszemiasto.pl/turystyka/specjalna_artykul/638882.html
Toż plebiscyt popromuja.

[frelka_gryfna]

Na Pszczynę oddaję swój głos honorowy,
bo w zamku Zbrojownia i Salon Dębowy.
I nie dość tego, Linda w tym zamku
grał nie na nerwach, lecz na całego.

[broneknotgeld]

Ano, ano - zocno Pszczyna
Głosy zbiyro ta dziedzina.

[frelka_gryfna]

Mojim zdaniem,
letnie stolica regionu,
nie może być w miastach Zagłębia rejonu.
Tam som same szkody.
Takie wielikie, jak do nieba schody.

A Bytom okrutnie strzaskany.
Byłach tam. Stan jego je opłakany.

[broneknotgeld]

Im ło wojewodztwo idzie
Toż niych jako chcom już bydzie.

[broneknotgeld]

Ech - plebiscyt tyn promuja
slask.naszemiasto.pl/turystyka/specjalna_galeria/4461_5407.html
Rymy ło dziedzinach suja
Dyć kontmanow tako szukom
Kierzy zy mnom tyż zaklupiom.

[broneknotgeld]

Dyć skiż Rudy tako broja
forum.gazeta.pl/forum/72,2.html?f=28940&w=64704066
Łona już na zowdy moja.

[gryfna_frelka]

Zadrą w mym sercu
są właśnie Gliwice.
Dlatego głos oddaję
nawet na Mysłowice.

[broneknotgeld]

Mysłowice se ucieszom
Możno nawet ździybko zgrzeszom.

[gryfna_frelka]

Forum gliwickie
boja się nawet otworzyć.
Bo nie wim, kogo
jo tam moge zoczyć.

[broneknotgeld]

Niy trza se strachać
Jakegoś gacha.

[gryfna_frelka]

"Stara miłość nie rdzewieje"?
No ni wim,
skąd terazki wiatyr wieje.

[broneknotgeld]

Jako "za młodu"
ciyngym ze wschodu?

[gryfna_frelka]

Dyć zawsze od morza wiatyr wieje.
A ja wolę przepastne knieje.

[broneknotgeld]

Frelka se leży
We Białowieży?

[rita100]

W Białowieży na wieży
leży sobie Jerzy

[broneknotgeld]

Ponoć som Jerzy
W to już niy wierzy.

[cymanon]

Nie było lata,
nie ma stolicy.
Za przyszłe lato,
trza modlić się już w zimnej kaplicy.

[broneknotgeld]

Durś mo stolica
Wesołe lica.