balakwasty II

[broneknotgeld]

Mono te hiby
Yno na niby.

[broneknotgeld]

Bele yno przi koksioku
Niy stoć ciyngym kajś na boku.

[broneknotgeld]

Połonacoł, połonacoł
Dyć i bez to w końcu stracioł.

[broneknotgeld]

Ponoć kedyś jedna frela
Łonacyła fest Hajnela.

[broneknotgeld]

Mie sie łeb telepie
Jak ktoś w pukel klepie.

[broneknotgeld]

Łod filongu krepli
Robi mi sie ciepli.

[broneknotgeld]

A jo sie tym starom
Czy dom rady garom.

[broneknotgeld]

Łod śladzia ości
Keryś sie prości.

[broneknotgeld]

Abo ja abo i niy
Kto tam richtig istno wiy?

[broneknotgeld]

Grzeszymy tu wiela
Bestoż rośnie sztela.

[broneknotgeld]

Lepi robić
Niż durś zgobić.

[broneknotgeld]

Popioł kajsik sujom
A tukej rymujom.

[broneknotgeld]

Sie niy domy
Bo szwong momy.

[broneknotgeld]

Lepi w doma siedzieć
Niż ciś na niydźwiedzie.

[broneknotgeld]

Kurde bele - torta jycie
A jo puchna - pewno wiycie.

[broneknotgeld]

Fyrlo sie do przodka
Jak nom leci godka.

[broneknotgeld]

Sie marasić tym niy byda
Po swojymu sztrasom ida.

[broneknotgeld]

Kopiom gupieloki
Wiyncyj niż ciućmoki.

[broneknotgeld]

Posty wciepała
Niy cukrowała.

[broneknotgeld]

Jajca laknyli
Potym łopiyli.

[broneknotgeld]

Sto lot i trocha
klynczeć na grochach?

[broneknotgeld]

Łod zdechły rybki
Niy boł za gibki.

[broneknotgeld]

Kurde bele - prosty włos
Prawie mi ze myjny zloz.

[broneknotgeld]

Kurde bele - zaś tu kukom
po gorzołce jednak blukom.

[broneknotgeld]

Kurde bele - już mie majom
Sie do rymu yno wajom.

[broneknotgeld]

Kurde bele - ze starości
Szkryfna tako tu nojprości.

[broneknotgeld]

Niy kipnij - dej pozor
Zaroz przidzie dozor.

[broneknotgeld]

Łod suchego chleba
Tyż se dychnońć trzeba.