Jak chop z babom

[broneknotgeld]

"Niy bydziesz grzeszoł myślom mowom i uczynkym"
Dyć przeca niy jest żeś małym synkym
Myślom grzeszymy tukej morowo
No i robiymy ze tego - słowo
Słowo zaś było tyż na poczontku
Cobych niy stracioł ze tego wontku
To co my tukej durś sie szkryflomy
To łaska kero łod Niego momy
Na swoj łobrozek Łon nos tyż stworzoł
I koncek SŁOWA w łebie położoł
W tym cudzysłowiu som słowa klechy
Jak tyś jest boski to i twe grzechy

[broneknotgeld]

Sexfraszki

Fraszki z sexym to jest to
Co mi w duszy czynsto gro
Rym sie jakoś som tak suje
Powiym że mi to sztimuje.

[broneknotgeld]

Dyć wiosna tukej jest choby lato
Frelki se chodzom chnetko sagato
Jak widza jake łone som szwarne
To wiym że żyja tu niy na marne.

[broneknotgeld]

Koziorożec

Wiym że koziorożec to jest "pies na baby"
Afrodyzjok z rogu utrzeć chyba trza by
Yno wirtualnie miołby go na łebie
A proszek by pomog chopiskom w potrzebie.

[broneknotgeld]

Wiym jo jak pomogo piwo
Moja ślubno tyż sie dziwo
W środku nocy ustymp moj
I do gory siko h..
W doma niy mom pisuara
Mynczy mie ta nocno "mara"
Frela moja zaś sie śmieje
Wiy co sie po piwie dzieje.

[broneknotgeld]

Dyć mie już kusi yno te łoko
Serce już teroz mi tak niy skoko
Co w doma - styknie na moja chuć
Frelkom niy godom - Podź zy mnom podź

Durś jednak siedzi mi cosik w jaźni
To już jest sprowka tyj wyobraźni
Że nawet leci mi sex we rymach
Bo myśla ło tym - Tyż boski tymat.

[broneknotgeld]

Szkoda że tukej niy momy metra
Bo frelki myni już chodzom w getrach
Ta Merlin Monrou teroz wspominom
I cug co piyknie klajd i podwinoł.

[broneknotgeld]

Wiater nom prziwieje ciepły
By zaś ciuchy dziołchy ściepły
Pympkym piyknie zablyszczały
A chopom wylazły gały.

[broneknotgeld]

A mie durś ślubno szczypie w kościele
Jak sie łoglondom na piykne frele.
Gorzyj jak w nocy niy chce rozgrzeszyć
Wtedy sie musza we śnie pocieszyć
I zaś sie mszo śni we tym kościele
Yno że wtedy sago som frele.

[broneknotgeld]

Niy yno rymy bierom we spaniu
Dyć czynsto kończy sie na szkryflaniu
Wychodzi potym coś pod "Sexsłowa"
Pryndko zbereźno fraszka gotowa.

[broneknotgeld]

Rymy lecom mi jak chcom
Dyć sie rada z nimi dom
Te sprośniejsze mie tyż bawiom
Choć niczego niy naprawiom
No a fraszka mo być śmiyszno
I niych bydzie - jak tak wyszło.

[broneknotgeld]

Jo Rydzykowi naszkryfloł ło tym
Że tu Sodomy lejom sie poty.

[broneknotgeld]

Fela

Usnoł żech kedyś w nocka na feli
I piyknie śnioł żech ło nowy freli
Mało ucieszołch sie tom słodyczom
Niy wierć ty feli! - sztajger zaryczoł.

[broneknotgeld]

W tym czasie jeszczech czupryna mioł
Alech już wtedy cebulki grzoł
Bez to żech myśloł ło seksie czynsto
Wylozły kudły co rosły gynsto.

[broneknotgeld]

We piontek przi poście
Śledzie jedzom goście
A jo do ciynżki roboty
Wcinom se yno szproty.

[broneknotgeld]

Festiwal

Dzisiejsze życie tyż mie zachwyca
Festiwal sexu we Katowicach
Przewioło jakoś ta ślonsko wioska
Wiyncy Europy momy zaś troszka.

[broneknotgeld]

Zaś dzisioj bydzie mi cołkym ciepło
Jak ślubno w doma zrobi zaś piekło
Ciepnie sie wy mie może garkoma
Tak wesolutko byda mioł w doma.

[broneknotgeld]

Nudelkula

Nudelkula to broń honorowo
Chocioż żony tak lubiom niom straszyć
Jedno wiedzom - jak rypnońć niom zdrowo
To na amyn chopa idzie zgasić.

[broneknotgeld]

Ze tryningu w rynkach krzepa
Mo przeca kożdo przilepa
Jak sie mocno chyci chopa
Czasym je z tego utropa.

[Gość: starobaba]

Bronku, Tys jest niymozliwy,
co to tu wyrobiosz za dziwy!!!
Kamratow zes w "IGRASZKACH-FRASZKACH" zbyu
Wracej nazot, tam kas przed tym byu!!!

[broneknotgeld]

Witom Cie we naszy Rudzie
I tu i tam z czasym pódzie
Teroz byda tu figlować
Tam sie trocha moga schować

Serwer zmiyniać majom w planie
Poczekom co sie z tym stanie
A na razie gorom Ruda
Cołkym sie już stond niy póda.

[broneknotgeld]

Jak po łobiedzie myja noczynie
Wdycki przichodzi na mie natchniynie
Do łeba cisnom sie rymy same
Dyć jo już lubia te pomywanie
Mycie tych garow teroz igraszka
Bo zawsze przi tym rodzi sie fraszka
Teroz zmywarka sprawa to marno
Już bych jom niy chcioł nawet za darmo
W rymach by było u mie ubogo
A ta ideja dzisioj mi drogo.

[broneknotgeld]

Cipce w koronce richtig jest piyknie
Tela jo powiym i niych to styknie.

[broneknotgeld]

Ło frelce se myśla - jary
I dzionek niy jest już szary.

[broneknotgeld]

I ło tych stringach ze Koniakowa
Zaroz kudłato mom z tego gowa.

[broneknotgeld]

Koronkowe stringi

To taki piykny stroj wieczorowy
Pewnie sie przido na bal maskowy

[broneknotgeld]

Przeca kożdo Heksa tyż worto jest nieba
Bo zawsze jest ciepło wtedy kedy czeba.