Powitania

[madohora]

Witom cie Bronek
W pochmurny dzionek

[broneknotgeld]

Czy to prowda że jak środa
to na świecie mo być zgoda?
Dziyń Papieski jutro przeca
Czy z polskego yno neca?

[broneknotgeld]

Toż i piontek - chnet sobota
Już niy tropi fest robota
Trza pomyśleć w co sie bawić
Duszy tyż radości sprawić

W weekynd lekci leci życie
Niy łod dzisioj ło tym wiycie
Lekci nawet sie rymuje
I szczyńśliwszym czowiek czuje.

[broneknotgeld]

Toż - dziyń dobry - przi sobocie
Chyńć do spanio jeszcze mocie?
Jo na Wiyrek se wybiyrom
Mom dziyń wolny choć potyrom.

[broneknotgeld]

Hej - w niydziela pojaśniało
Richtig gryfnie - tak być miało
Blyszczy słonko podzimowe
Toż raduje se niym czowiek.

[broneknotgeld]

Coś popsuła sie pogoda
Ech, babiego lata szkoda
Dyć dlo duszy gorki rym
Jako słonko - jo to wiym.

[broneknotgeld]

Blyszczy słonko przi niydzieli
Tref nom tako szczyńście ścieli
Toż radować sie tym trzeba
Jest na ziymi konsek Nieba.

[broneknotgeld]

Na podzim

Podzim ciyngym gryfny momy
Z rana mgłami szczodrze darzy
W liściu gyry utoplomy
Czy czas godow już sie marzy?

-

[broneknotgeld]

Jak to dobrze wolne mieć
Niy jak zowdy - yno chcieć
Ze pyńdziałkym se raduja
Skuli tego coś zrymuja.

Pozdrowiom ze stolicy ślonski fraszki.

[broneknotgeld]

Wtorek zdo sie jak niydziela
Szrajbna ło tym małowiela
Dziewiyńdziesiont lot po wojnie
Świyntujymy dyć spokojnie

Na nic bal co we Warszawie
Kaj łostuda ło to prawie
Prymiyr w porze z prezydyntym
Pokazujom polske piynty

Ech - se ciesza słonkym z rana!
I dniym wolnym - toż "łoj dana"!
Życiym swojim tu w pokoju
Trombkom co niy wróży boju

Trza pamiyntać ło ofiarach
Koniec wojny niesie wiara
Na szczyńśliwe nowe życie
Tym se cieszyć idzie - wiycie.

[broneknotgeld]

Choć pochmurno fest na dworze
Jo Wom godom tu - Szczyńść Boże.

[broneknotgeld]

We piontek

Piontek już richtig listopadowy
Kto kuknie na dwor tyż tako powiy
Dyć niy trza tropić se nom pogodom
Słonko we duszy - tako Wom godom
Mo tyn kerego cieszom durś rymy
W stolicy fraszki ślonski to wiymy.

[broneknotgeld]

Co mom godać przi sobocie?
Trza zapomnieć ło robocie?
Prawie dzisioj jo mom fraj
Bogbych szkryfnońć coś dlo jaj
Choć skiż tego tyż rymuja
Dzisioj szczyńścio Wom winszuja
I nadzieji we potrzebie
-To bajlagom jest na chlebie.

[broneknotgeld]

We ta niydziela listopadowo
Niychej se jaśni na dworze zdowo
Pogoda ducha w portal rym niesie
I pszoć bliźniymu niy yno chce sie.

[broneknotgeld]

Wtorek mrozym śmioł postrachać
Zmarzły rano w halbkach gyry
Po połedniu trza se lachać
I łotworzyć flaszka z biyrym.

[broneknotgeld]

Kajsik zima se już budzi
Przeca rymow niy wystudzi
Choć by prziszło przi ty środzie
Kloźdać z niymi i po lodzie.

[broneknotgeld]

Ździybko na dworze terozki bioło
Dyć czy skiż tego bardzi wesoło?
Prziroda tako znak przeca dowo
Że już ze śnika zima nom wstowo.

[broneknotgeld]

We ta noc bioło
Witom wesoło.

[broneknotgeld]

W pyńdziałek pozdrowiom
Piyrszy co zimowy?
Rymy radość sprowiom
Ktosik tako powiy.

[broneknotgeld]

Sie zaczyno grudziyń prawie
Kolyndami i Adwyntym
Możno spotko Wos na jawie
Nawet tyn Mikołoj Świynty

Do Dzieciontka brif piszecie?
Spełnio wszysko ze Godami
Zdrowio, szczyńścio - jako chcecie
Niych łobsypie gyszynkami.

[broneknotgeld]

Witom Wos rymowo
No i barborkowo.

[broneknotgeld]

Drapko rochtig tyn czas leci
Zaś pyndziałek se nom kleci.

[broneknotgeld]

Witom sie przi środzie
Czy bydzie po wodzie?

[broneknotgeld]

"Jak po łogyń" żech tu wloz
Dyć se witom piyrszy roz
Kukna jeszcze poźno w nocy
Niym we śniku zamkna łocy.

[broneknotgeld]

W końcu żech już po robocie
Toż na forum szukom pociech.