Dobranoc

[broneknotgeld]

Niych karlusom śni sie frela
Co mo z przodu richtig wiela
Frelkom jakoś na łodwyrtka
Wielko niych sie śni sztorc-żyrdka.

[broneknotgeld]

Niych Internet sie Wom śni
I te forum - kere śpi.

[broneknotgeld]

No i do wyrka chyba czas już
Niych Wos prowadzi tam Anioł Stroż.

[broneknotgeld]

W sobota po figlach nocnych
Czowiek zowdy mo syn mocny
Dyć nad ranym niych sie śni
Ripley! Czego? Kożdy wiy!

[broneknotgeld]

Szychta dzisioj jo mom na noc
Bestoż godom już - dobranoc
Dyć Wy posty sam szkryflejcie
Szwongu forum z siebie dejcie.

[broneknotgeld]

Dobranoc teroz pedzieć zaś musza
Bety już na mie czekajom
Humor swoj ździybko sie tyż pobrusza
Bo nowe rymy wołajom.

[broneknotgeld]

Śpijcie zdrowo i spokojnie
Przeca niy som my na wojnie.

[broneknotgeld]

Ślyp zamyko sie terozki
Syn przegoni możno troski
Bestoż już ło betach marza
I do pryka zaroz właża.

[broneknotgeld]

Niych Wom sie prziśni rudzko sztafeta
Watykan - przeca to jeji meta.

[broneknotgeld]

Do mie już minoł prawie tyn piontek
Teroz we betach pociongna wontek
Jutro mom przeca szychta na rano
Trza mieć palica trocha wyspano.

[broneknotgeld]

Teroz ida se pod brauza
Z Internetym robia pauza.

[broneknotgeld]

Już teroz godom tukej dobranoc
Bo zaroz jada arbajtać na noc.

[broneknotgeld]

Ciyrpliwości Wom winszuja
I "dobranoc" zaś tu suja.

[broneknotgeld]

Zaś mie goni nocno szychta
Choc niy jechać woloł bych tam.

[starababa50]

Odpowiydz mi Ty Bronku kochany,
co tysz sie stauo z naszymi "Fraszkami"
We sobota jeszcze byuy tam kaj trza,
a dzisioj juz ich tam wcale ni ma.

starobaba

[broneknotgeld]

Chocioż znikły - jeszcze bydom
Dyć poradzom sie z tom biydom
W inkszy serwer chcom je kludzić
Ty zaś sie niy musisz nudzić
Ślonskich rymow w Rudzie szukej
No i sama wiela wklupej.

[broneknotgeld]

Jo już stond uciykom dyć Wy se szkryflejcie
Na tym forum wiyncyj ze siebie tyż dejcie.

[broneknotgeld]

Niystety
Wołajom już bety.

[broneknotgeld]

Myśla że na dzisioj styknie
I - dobranoc - godom piyknie.

[broneknotgeld]

Dzisioj koniec - "łikynd" mijo
Jutro zaś mi robić trza
Forum jednak sie rozwijo
Teroz godom Wom - pa pa.

[broneknotgeld]

Rymy mi sie kończom
Bestoż już wyłonczom.

[broneknotgeld]

Na dzisioj mi styknie
Przeca było piyknie.

[broneknotgeld]

Mysza mieć fertig - na dzisioj kończa
Jutro w Internet zaś jo sie włoncza.

[broneknotgeld]

Dzisioj jo już robia sztop
Tyn rym to łostatnie - hop!

[broneknotgeld]

Na dzisioj koniec - dość żech nagrzeszoł
I moj diobłanioł sie z tego cieszoł.

[broneknotgeld]

Ida spać bo śpi rodzinka
Dzisioj wiyncy ło godzinka.

[broneknotgeld]

Wiyncyj tu niy byda bawić
Coś na jutro trza łostawić.

[broneknotgeld]

Poleku nabiyrom wprawy
Choć to yno skiż zabawy
Teroz jednak synek siado
No a Bronek pa pa - pado.