Hlywice

[broneknotgeld]

Hlywice

Som te Hlywice wele Knurowa
Niych wos ze tego niy boli gowa

[szwager_z_laband]

tak do przipomniynia powia ino ize we Czechach je tysz dzisiej miejscowosc kero
sie tak mianuje, mogesie se tam nawet urlop zrobic:)

www.tourtrend.cz/objekt.asp?kod=N892

[broneknotgeld]

Ano - dyć po naszy stronie czeske "h" przełazi na "g".
(Bohumin - Bogumin)

[szwager_z_laband]

i jeszcze ta geszichta es zapomniou ze i/y no i ze V/W

[broneknotgeld]

Gliwice

Toż skond miano take zocne?
W historyji my som mocne?

forum.gazeta.pl/forum/71,1.html?f=28940

[olandi1]

Godosz nom sam o Hlywicach,
a som miyszkosz kajś w piwnicach

[broneknotgeld]

We Hlywicach se nerwować?
Jak spokopić mo to gowa?

[olandi1]

Bronek, mom nadzieja żeś już mie poznoł, he hehe
to jo SENIOR lub cantatedeo he he he

[broneknotgeld]

Witej

Toż jak żeś zalogowany
To i Rudzie jakby dany
Z Hindynburgym po somsiedzku
Trza to wiedzieć nawet dziecku.

[broneknotgeld]

Wele Hlywic

Som wele Hlywic Gierałtowice
Co znaczy "giera"? Możno to wiycie?

[rico-chorzow]

Mje josz tysz ftoś kejś przecipnou,
a pane Hawranek dociepnou,
wstydzić siy niy ma CZEGOU,
tak siy we G(H)lywicach GODOU.

[broneknotgeld]

Knur ze gierom żyje w zgodzie
-Bydy niy ma we narodzie.

[szwager_z_laband]

to je nazwa kero jak sie niy myla pochodzi od wuasciciela

[broneknotgeld]

A właściciel skond jom wzioł?
Z "gierom" na "ty" karlus boł?

[rico-chorzow]

Bronek,uoni siy pironym bojom,
do miana swojygo niy stojom;))

[broneknotgeld]

Toż to prawie historyjo
Downo, zocno - niy mecyjo.

[szwager_z_laband]

niywia eli to niyma od miana Gieralt

[broneknotgeld]

Przi Hlywicach giery knury
Czy bujaka widzioł ktory?

[rita100]

Hej, Hliwice, energiczne
miejcie życie :)

[szwager_z_laband]

jo jako stary "energetyk" wia to nojlepiyj :))

[ballest]

Energetyk?? jou tysz jako Energetyk w Zjednoczeniu Przemyslu Ceramicznego
robiou i kazdy kwartal do Warszawy do ministerstwa jeszdziou, ale zawsze tysz
do niemieckiej ambasady!
Tam uech bou znany jak ATA ;)

[rita100]

O kurcze, to widze , że prąd Was nie popieści ;))))
Sami elektrycy ;)

[ballest]

No wiysz, Rita nos nie popiesci, ale moze Ciebie ;)

[rita100]

no nie wiem ale
toną ci co umią plywać
a pieści prąd tych co przy nim majstrują

Raz mnie popieścił, jak wkładałam palce do kontaktu jako dziecko

[ballest]

Ciebie napewnio nie tylko prad popiescil, ale Energetyk to nie Elektryk, to
duza roznica ;)

[szwager_z_laband]

niy Rita jo niyma elektryk, jo je wyuczony energetyk (cieplny), ale tera siedza
przi laserach :))

[rita100]

Alez teraz laserowy świat, ale chyba korki elektryczne potraficie wymienić w
domu ?

[ballest]

Korki to z flaszki wymieniomy, my ale Sicherung tysz wymienic umiymy, a jou bou
Energetyk i uech musiou uobliczac ile energii spotrzebiwani na produkcja cegly
i dachowki ;)

Laband to mosz fajnou robota, my tysz momy lasery ale tylko do spawaniou!

Niedaleko od Frankfurtu jest ale Fa. Singulus, a ta jest najlepszou na Swiecie
w produkcji maszyn produkcyjnych CD i DVD, a tam tysz uzywajom laserow;)

[rita100]

To laserowanie to niebezpieczna praca ? ;)

[szwager_z_laband]

z tego co mi siostra opowiadauo to i we Laband juz taki laser mo bumar, a
robota jak robota, tera momy prawie jedyn nowy laser ze Francyji - szajs do
potyngi, jednak te szwajcarske bouy lepsze :))

no kanadyjczyki tysz sie niy popisali ....

[broneknotgeld]

Była

Była wele Hlywic
Zocno wieś wojtowo
Dyć zehlywiczała
To mi sie niy zdowo

[rita100]

Była
Była wele Hliwic
małe jezioreczko
i urocze bajoreczko
w niej Utopki sie kąpały
i robiły sobie kawały :)

[broneknotgeld]

Roz sie utopek przemiynioł w knura
A glywiczanin go gonioł
Tako do wody doł w końcu nura
Kto ścigoł ponoć utonoł.

[broneknotgeld]

Roz sie utopek przemiynioł knura
A glywiczanin go gonioł
Tako do wody doł w końcu nura
Kto ścigoł ponoć utonoł.

[ballest]

Boua kouo Glywic powstanczou OSTROPA
Dzisiej jak to wspomniesz, to dostajesz kopa.

[rita100]

Ale nie tutaj, bo tu możesz
pisać jak tylko przy klawiaturce bedziesz :)

[broneknotgeld]

Ciyngym w Hlywicach majom ta Kłodka
-Jednak utopka ciynżko napotkać.

[broneknotgeld]

Chłopek z Hlywic

Chłopek z Hlywic se poradzi
Dyć na Wiejski już paradzi.

[broneknotgeld]

Toż to niy ma jakiś bajer
We Hlywicach dzisioj fajer
Tako wszyskim tu donosza
Co gospodorz chycioł kosa.

[broneknotgeld]

We Hlywicach chlywik pusty
Bydzie roczek mało tusty.

[broneknotgeld]

Jake som nowe hlywicke wieści?
Knur już terozki ta giera pieści?

[broneknotgeld]

Ze nacjonalnego dziwa
forum.gazeta.pl/forum/72,2.html?f=34281&w=34301684&a=34565100
Wyszła tako ponoć - Gliwa.

[broneknotgeld]

Niy chce Gliwa Niymca!
Niy chce tyż Poloka!
Łostała jyj Kłodka!
Choć żol - trza jyj skokać!

[szwager_z_laband]

Bronek ta wersja, jedna z poru) godo ale o mynskim mianie a niy zynskim:)

[broneknotgeld]

Toż wiym terozki czamu skokała
Bo pszoć inaczy (łon-łona) chciała!

[broneknotgeld]

Ze transwestytom tyż ta utropa
Podrywosz baba - wymacosz chopa!

[szwager_z_laband]

te miano je Gliwo

[broneknotgeld]

Godosz take ze niym dziwo
Coś podpisoł istny Gliwo?
Papior łostoł se z epoki?
Czy zmyślyły go guptoki?

[szwager_z_laband]

tak jak padouch, to je ino jedna z wersji kere na tyn temat som znane.

[broneknotgeld]

No i tu sie z Tobom zgodzom, tela, że mie te Hlivice bardzi se zdowajom
prowdopodobne.

[szwager_z_laband]

kozdymu moge sie cos inksze spodobac:)

[broneknotgeld]

Prawdopodobiyństwo to jednak cosik inkszego niż podobanie sie.
Wyraźnie widać, że teorio "chlywicko" może nikerym sie niy podobać i bestoż być
pomijano, a to już prowadzi do połprowdy czyli cygaństwa.

[szwager_z_laband]

czymu godosz ze pomijac?

ps

[szwager_z_laband]

Prawie prawdopodobiynstwo, wedug moich danych, badacze okreslajom sam od nazwy
pytronomicznyj pochodzynie nazwy glywice i Knurow. Ale idzie wedug mie tysz na
tyn temat dyskutowac:)

[broneknotgeld]

Ano idzie, już choćby skiż tego, że ludzie brali miana łod gowiedzi.
Bestoż Knurowicz mog se mianować tako skiż knurow kere hodowoł abo skiż tego,
co był jurny jako tyn knur.

[broneknotgeld]

Jak te knury hodowoł, to pewnikym i w Knurowie.
No dyć możno szło niy ło knury yno ło knurowiynta.

[szwager_z_laband]

idzie i tak spekulowac:)

[szwager_z_laband]

a idzie i tak:

" W tym miejscu należy powiedzieć kilka słów o etymologii (pochodzeniu) nazwy
miasta. Knurów to nazwa słowiańska i prawdopodobnie wywodzi się od pierwotnego
właściciela tej osady, Knura (Knurów to osada Knura czyli Knurów majątek). Jest
więc to nazwa dzierżawcza. Właściciele Knurowa na przestrzeni wieków bardzo
często się zmieniali. W 1575 roku zanikło nazwisko pierwszych właścicieli
(Knurowskiego, Lańskiego, Wilczka)."

to na zicher znosz bo je to ze i-neca:)

[broneknotgeld]

Jeronie - dyć to jest "w koło Wojtek".
Przeca jo nikaj niy szkryfnołch co knury założyły ludziom osada.
Werci se jednak podeliberować nad tym, czamu ktosik zwany był na tyn przikłod
Knurym.

[szwager_z_laband]

mosz recht - mosz cos na temat starego okreslynia "Knur"?

ps

sam by nom dialektolog mozno sie przidou do pomocy:))

[broneknotgeld]

Hehe - niy wymogej łodymnie za wiela.
Możno richtig trza by sie dialektologa łopytać.

[broneknotgeld]

Zoglondnij se możno do jakiś wspołczesny popularny monografii Gliwic.
Cosik ło pochodzyniu miana miejscowości możno znojdziesz - yno co?

[szwager_z_laband]

prawie to zrobiouech, i tak jak godom som roztomaite wersje, a dane
statystyczne o kerych Ci sam spominom pochodzom ze pozycji autora kerymu je
Idzi Panic(Wydawca Muzeum Slaskie w Katowicach) "Historia osadnictwa w
ksiestwie opolskim we wczesnym sredniowieczu", do tego moga polecic "Handbch
der hstorischen Stątten - Schlesien", no i pou mojyj biblotyczki - miyndzy
inkszymi czitomowo i rubo geszichta Slonska. Wybocz ale wszyskich titli sam
podowac niy byda, bo za mocka tego by bouo.

[broneknotgeld]

Hehe - Szwager, jo tego niy sprowdza. Do niymiecki literatury niy zoglondom.
Wystyknie mi, jak szkryfniesz, że we wszyskich twojich ksionżkach w kerych
wspominajom ło pochodzyniu miana Gliwice i ty "chlywicki" teorji sie niy pomijo.
Som żech zoglondnoł yno do popularny monografii Gliwic wydany za komuny - tam
tego niy ma.

[szwager_z_laband]

a je tam ta o podmokuym terynie ze okreslynia kerego tysz ta nazwa wele jednyj
z wersji mo pochodzic?

bo we takyj ziymi swinie lubiom ryc, i spotkouech sie ize to stond ta
nazwa "Chlywiska" kerom sie okreslauo podobno teryny dzisiejszych Starych
Glywic - a tam miaua byc najprowdopodobniyj piyrszo osada o tyj nazwie i
dopiyro z tamtond przeniesiono/zauozono dzisiejsze Glywice:)

[broneknotgeld]

No widzisz, jakby niy paczeć, potwierdzo tako teoryjo pochodzynie pośrednio łod
gowiedzi.

[szwager_z_laband]

dlo mie niy, abo niy koniecznie:)

[broneknotgeld]

Zresztom, piyrwyj świnie howało sie jakby na poł-dziko, toż słowo "chlyw" mogło
mić szyrsze znaczynie.

[szwager_z_laband]

widza ize nojwiyncyj Ci i te Hlywice przipasowauy :)

a czamu odrzucosz inksze wersje?

[broneknotgeld]

To niy cołkym tako.
Ta mi sie zdo nojbardzi prawdopodobno i to wszysko.
Niy jest to moja teoryjo - mondrzejsi ło tym szkryflali, no i znano jest łod
downa. Niy mie rozsondzać kero teoryjo jest prowdom. Zdo mi sie co dzisioj
żodyn tego na zicher niy bydzie mog stwierdzić.
Prowda jest tako że som rożne teorie.
Zaś stwierdzynie take jak w poście Rity:
"Twierdzenie Beno Nietschego zostało zweryfikowane przez niemieckich i polskich
językoznawców..."
- zdo mi sie prowadzić do niyprowdy.

[szwager_z_laband]

no ja, ciekawe ale je pogodac tak czi tak na tyn temat - my niy som szpece to
se mogymy ini powouywac na inkszych:)

Widza ize mosz jakes szczegolne ciongotki do Knurowa(?)

[broneknotgeld]

Ano, możno i mom.
Przeca wspomniołch we ikszym wontku, co w Knurowie sklep wprowadzioł do
obiegu "rabatmarki" na muste notgeldow samorzondu. Tego żech
jest "nodgeldomaniak" dyć se nigdy niy wyprza.

[szwager_z_laband]

na zicher źes tam robiou abo miou jako lipsta - prziznej sie:))

[broneknotgeld]

Niy, łostatnio lipsta toch mioł z Halymby
Wiyncy niy szkryfna bo żol mi gymby.

[szwager_z_laband]

:))

muszom byc gryfne frelki na tyj Halymbie!

[broneknotgeld]

Musisz przijechać połoglondać.

[szwager_z_laband]

moja by mi ale daua:))

[broneknotgeld]

Jo przeca niy wontpia w to, że Twoja Ci dowo.
Czy by Ci halymbianka dała to już inkszo inkszość.
Joch sie z tym trocha namynczoł.

[broneknotgeld]

Toż historykom coż poczońć tako?
Chlyw , giery, knury, bujak jednako
Se przi "wojtowy wsi" uchowało
Gowiydź bogactwym - tu jyj sie pszało!

[szwager_z_laband]

Bronek piyrszo zapisano i znano wersja nazwy miejscowosci Knurow je ze okole
1300 roku(swiadomie niy okreslo sie jyj dokuadniyj/tyndyncje idom ale na 1305
rok - kedys my o tych datach sam juz szkryflali) i boua Cnurowicz. Tak ze
widzisz ize sam najprawdopodobniyj nazwa pochodzi od persony:)

Dalyj odnotowane boua we roku 1447 - Knauersdorf.

Knurow tak jak Kriewald(1458 Criegewald, 1626 Grundwald) nalezy, tak jak znany
Szywaud, do grupy na tzw "niymieckim" prawie zakuadanych osad okreslanych od
sposobu zabudowy po polsku "łańcuchówka" a po niymiecku "Waldhufendorf".

[broneknotgeld]

Hehe - pewnikym tyn Knurowicz mioł jurne knury we chlywiku, toż wszyskie giery
łostro sie prosiyły, no i chlywow trza było coroz to wiyncy.

[dialektolog]

Ale po czesku "h" i "ch" to bardzo różne dxięki, więc bym Gliwic od "chlywa" nie
wywodził.
Ale etymologie wierszowana to gatunek ciekawy i wart podtrzymywania.

[rita100]

Dialektolog, całkiem inaczej pisze w linku Śląskim i prosze Cie przychyl się do
roważań Bronka i naukowców niemieckich. Czyżby byli w błędzie ?

[broneknotgeld]

Hehe - Rita, tego sie niy "wyprosi" (krucafuks yno mie źle niy zrozum, choć som
my w Hlywicach).

[gliwa1]

Gliwa do usług !

[rita100]

Ależ niespodzianka
mit pękł jak bańka
Gliwa nam się ukazała
i się nawet dopisała
Trudno teraz nie powiedzieć
i nic o niej nie wiedzieć ;)

[broneknotgeld]

Zgniyły Gliwa

Ponoć Glywice założoł Gliwa
Richtig był zgniyły? -Toż z niym do chlywa!
Niych se przi gierach i knurach pasie
Gleiwitz - to miasto we piyrszy klasie!

[szwager_z_laband]

musiou bych juzas posznupac, bo jak sie niy myla ro som jakes bakterie abo
jakes flyje(abo cosik w tym rodzaju) co tysz sam idzie przirownac do tych
zgnilokow - znosz to?

[rita100]

To jak jest ?
Kto zalożył Hliwice - Gliwo czy Gliwa ?

Moja teoria jest taka ;) - Knur przyszedł do Gliwy i mieli synka Gliwo

[broneknotgeld]

Rita, jak wierzyć szpecom łod średniowieczo to miano Gliwo, czy tyż Gliwa było
richtig na Ślonsku popularne. Możno prawie tako jak w dzisiejszy Polsce
Kowalski i wszyske pochodne.
Rokita tyż se Maria mianuje, a przeca sie tym jakosik niy tropisz.

[rita100]

No tak , ale trzeba przydzielić rolę dla Gliwy i dla Gliwo, jaką spełniali w
Hliwicach :)

[szwager_z_laband]

jo o Gliwie nic niywia ale Gliwo jak pado Bronek, a co sie dowiedziou od
szpecow od sredniowiecza, bouo popularne - tak ze podejzywom, Bronek poleku
przeuazi na moja zajta:)

[broneknotgeld]

Szwager, niy tak cołkym, bo przeca ciyngym chca podźwignońć
wersjo "piyrwotno". To, że autorytety terozki jom pomijajom niy mo dlo mnie
aże takego znaczynio. Poruszomy sie przeca w sferze podaniowo-mitologiczny. Na
swoj sposob jakoś nawet jom wspołtworzymy. Trza sie cieszyć tym co jest i że te
forum skiż tego jest tyż tworcze.

[szwager_z_laband]

mosz recht - zgodzom sie z tym cos padou, ino idzie sie nawet wadzic sam o te
pojyncie "wersja piyrwotno". Abo?

[broneknotgeld]

Hmm - mie sie zdo, co w literaturze piyrwyj pojawiyła sie wersjo "chlywy-
chlywisko", potym "Gliwo", a na końcu "gliwy".
Ta piyrszo zdo mi sie jakby miejscowo, a nastympne już take bardzi "narodowe".
Dlo mnie ta piyrszo bezto jest nojbardzi "ślonsko".