Przedstawiomy nasze miejscowosci

Frączków

[broneknotgeld]

"Franczigsdorf" (1365)

We historyjo wioska wpisano
Chocioż pomiyni se jeji miano.

[broneknotgeld]

"Franzdorf"

Miano ze czasym tako zmiyniyli
Przeca łod Fryca we Prusach żyli.

[broneknotgeld]

A po wojnie

A po wojnie co sie dzioło?
PGR mioł tu wesoło?
Dyć pałacu niy zniszczyli
Chocioż wiela pomiyniyli.

[broneknotgeld]

We środku

We środku pałac przeca tyż dziwo
Wiela łostało - gowom ktoś kiwo
Na to jak grofy piyrwyj tu żyli
Bogactwa przeca wcale niy kryli.

Jędrzejów

[broneknotgeld]

Jyndrzejow

W sztyrnostym wieku sztela już była
Choć historyjo jakby jom skryła.

[broneknotgeld]

Jyndrzejow XVIII w.

Von Gilgenheimby - ci ze Biechowa
Jyndrzejow czimiom - jejich w tym gowa
Jako i inksze dziedziny tako
Jelyń herbowy przeca niy płako
Yno se trowa sskubie spokojnie
Toż rod rycerski żyje dostojnie.

[broneknotgeld]

Herb familiji von Francken-Sierstorpff

Czego to niy ma we herbie grafow
Pominońć cosik - nachytać gafow

Na wielko tarcza mało wrażono
Tako na dwoje przeca dzielono
Wiyrchym se orłym asi nom ślonskim
Dołym pokrono jakby w trzi konski
Środkowy strzybny a gora-doł
Czorne - to przeca wiy nawet woł

Teroz ło wielki szkryfnońć mi trza
Na sztyry dzieli se tarcza - ja

Dwa jasnomodre ze pasym złotym
Z gory korona - toż niy gupoty
Ze doły wzgorza juzaś se złocom
Czy dlo korony łone pomocom?

Dwa inksze pola tyż trza łopisać
By zaroz nudli na tym niy wiyszać

Ano - czerwone z pasym na skos
Kery sie strzybrzy jak ołpy włos
A na niym asty zielone som
Toż tako ze tym fertig już mom.

Głogówek

[broneknotgeld]

Głogowek 1250

Princ ze Opola zamek tu stowio
Głogowek dźwigo tym przeca
Cołki dziedzinie radości sprowio
Bestoż tyn rym dzisioj kleca.

[broneknotgeld]

Głogowek 1561

Przi Oppersdorffach już jest dziedzina
Bydzie przełazić z łojca na syna.

[broneknotgeld]

Herb reichsgrafow von Oppersdorff

Do ryncow, głow orła
doszło co ze miasta
Winogron ze siyrpym
dyć na tym niy basta
Tarcza w srodku teroz
z kajzerowskim ptokym
Kto przeca reichsgrofym
tyn niy jest borokym.

[broneknotgeld]

Zamek Dolny i Gorny

Z nich podkowa - dziedziniec pomyndzy
Potrza na to tyż było piniyndzy
Dyć tych grofy niy pożałowali
Wiela inksi se im dziwowali..

[broneknotgeld]

Gościnny zamek

Grofy i krolow tukej gościyli
I ludzie kunsztu tyż se trefiyli
Toż niy dziwota - blyszczy dziedzina
Z tym Oppersdorffow tako rodzina.

[broneknotgeld]

Muzeum Regionalne

Wojny światowe przetrzimoł zamek
Toż mury jego ciyngym te same
Dzisioj muzeum we czyńści momy
Z tym historyjo tyż lepi znomy.

[broneknotgeld]

W zamkowy baszcie

Etnografijo w baszcie zamkowy
Ano - se tukej tymu dziwujcie
Dlo Oppersdorffow koncept to nowy?
Dyć take czasy - toż forsztelujcie.

[broneknotgeld]

Oppersdorffy wedle legyndy

Ze Szwajcarji przez Austryjo
Prziszła na Ślonsk familijo
Kery idzie se dziwować
I wysoko richtig stowiać.

[broneknotgeld]

Wpiyrw wele Oławy

Wiela ziymi mieli wpiyrw wele Oławy
Gać im dokłodała splyndoru i sławy
Tako familijo łobrosto w majontki
Ślonsk, Czechy, Morawy - wszyndy jeji kontki.

[broneknotgeld]

Grofy von Oppersdorff

Na Gornym Ślonsku, w Czechach, Morawach
Dziedziny majom - we tym ich sprawa
Tako trza szkryfnońć co trzi linije
Ze jedny wiedom se familije.

Korfantów

[broneknotgeld]

"Fridland"

Ze Fridlandu Korfantow tyn momy
Przeca miano downiejsze tyż znomy.

[broneknotgeld]

W XVII wieku

W siedymnostym wieku Redernow majontek
Niy łostatni rod to co trzimoł tyn kontek.

[broneknotgeld]

W XVIII wieku

Pałac już przebudowany
I park piykny zrychtowany
Toż dziedzice se radujom
Gryfnośc gorom - forsztelujom.

[broneknotgeld]

Von Burghausy


Von Burghausy zamkom pszoli
Tako Ślonzek ło tym wiedzioł
"Trza by rod tyn wiela chwolić"
-Roz historyk mi powiedzioł.

[broneknotgeld]

Sanatorium w pałacu

Z gnatami utropa - tu podkurowali
Jakosik trza było żyć ci przeca dali.

Izbicko

[broneknotgeld]

Izbicko 1295

Toż wioska tukej już przeca była
Rokow jyj tako rachować siyła
Dyć szkryfnońć moga wom małowiela
Bo ło pałacu przeca ta sztela.

[broneknotgeld]

Herb Strachwitzow

Na czerwony tarczy czorno głowa dzika
Kłami w strzybrze blysko - toż trza mi już zmykać.

[broneknotgeld]

Pałac w XIX wieku

Izbicki pałac przebudowali
Dyć go za wiela niy pozmiyniali.

[broneknotgeld]

Po wojnie

Wpiyrw tu Liceum Rolnicze majom
Potym Technikum jest Hodowlane
Tako gowiedzi w Izbicku pszajom
Jak byk zaryczy tu majom ranek.

Kamień Śląski

[broneknotgeld]

Kamiyń Ślonski 1104

Grod Krziwoustego już se tukej stoł
Piast na ślonske ziymie przeca pozor doł.

[broneknotgeld]

Kamiyń Ślonski 1591

Mikołoj Strzela tyn Kamiyń chycioł
Dyć niy na długo tref tako klycioł.

[broneknotgeld]

Wacław Kaldenborn

Mo we niym kamiyń tako dziedzica
Czy ze tym zmiyni se okolica?

[broneknotgeld]

Magdalyna Engelburg von Larisch

Grafini pogożno - rzyko do świyntego
Toż Jacek-Hiacynt tukej był rodzony
Tako se niy dziwcie terozki ze tego
Że jyj pałac zdo sie być dlo Niego domym.

[broneknotgeld]

Hiacynt von Strachwitz (1858)

Ano - z niym pałac przebudowany
Trza wspomnieć go tyż i tako
Na wiela rokow ciyngym nom dany
Choć czasym ktoś bydzie płakoł.

[broneknotgeld]

Dom Dziecka

Upaństwowiony bajtlom już służy
Chocioż tym grofom tref życie burzy
Śmiych dzieci szczyńście niesie dziedzinie
Dyć to ze czasym tyż tukej minie.

[broneknotgeld]

Łodbudowa 1990-1994

Kurio Biskupio zgliszcze kupuje
Tako i pałac łodbudowuje
Świyntego Jacka zaś w niym kaplica
Ołtorz jyj erbli w Siestrzechowicach.

Krapkowice

[broneknotgeld]

Krapkowice 1294

Princ opolski krapkowicom prawa miejske dowoł
Pewno piyrwyj już w tym grodzie na zamku se stowoł.

[broneknotgeld]

Krapkowice 29.IX.1582

Cysorz Rudolf sprzedoł miasto i zamek grafowi
Se mieszczany dziwowali teroz Roedernowi
Dyć trzi roki chnet przełażom - tref pechowo ściele
Jan Joachim głowa kładzie na wieki w kościele.

[broneknotgeld]

Łodbudowali

Roederny zamek łodbudowali
I Krapkowicom pomrzić niy dali
Dyć to co piyrwyj se niy wrociyło
Jakosik myni wszyskego było.

[broneknotgeld]

Herb familiji von Haugwitz

Na czerwony tarczy czorno głowa tryka
Rogi jego złote - toz niy trza go tykać.

[broneknotgeld]

Karol Wilhelm von Haugwitz (1769)

Z tym rokym grof Haugwitz kupioł Krapkowice
Piyrwyj ze Bykowa wele Oleśnice
Po Roedernach tako se trzimie dziedzina
Dyć we końcu pomarł - łostawioł dlo syna.

[broneknotgeld]

Niy dbali?

Ło krapkowicki zamek niy dbali?
Po lazarycie co tukej dali?
Manufaktura po prowdzie była
Kero dlo Ślonska sukno robiyła.

[broneknotgeld]

Krapkowice 1888

Zamek wyremontowany
Za siedziba rodu dany
Dyć już pewno ło tym wiycie
Kończom ślonske se Haugwitze.

[broneknotgeld]

Po wojnie

Ano - przez wojna zamek podupod
Uciyrpioł wiela dyć niy skiż gupot
W końcu go przeca tu remontujom
Niychej se inksi tymu dziwujom.

Otmęt

[broneknotgeld]

Otmynt

W średniowieczu Strzele tyn Otmynt trzimali
Pewnikym już łoni zamek zbajstlowali.

[broneknotgeld]

Strzałowie herbu Kotwicz

Z Gornego Ślonska rod w Polsce znany
Niyjedyn konsek ziymi im dany.

[broneknotgeld]

Barbara von Kolditz

Dowo ślubno Łukaszowi
Sztyrech synow- toż ród zdobi
A do tego tyż dwie cery
Czy szczyńśliwszy fater kery?

[broneknotgeld]

Buchty herbu Odrowonż

Rycerz morawski bioł se z poganym
Wons z konskym gymby dyć łoderwany
Łostoł mu tako we rynce potym
Z tym znak herbowy - to niy gupoty.

[broneknotgeld]

Otmynt 1608

Pomarł Joachim - Otmynt w żałobie
Ślubno przi jego stoji se grobie.

[broneknotgeld]

Otmynt 1608

Pomarł Joachim - Otmynt w żałobie
Ślubno przi jego stoji se grobie.

[broneknotgeld]

Tymplariuszy?

W trzinostym wieku tu se kryńciyli
Dyć czy panami Otmyntu byli?
Zdo sie legyndom to yno przeca
Tako trza wrazić do tego neca.

[broneknotgeld]

Zamek w XIX wieku

Już widać co zamek se tukej zatracioł
Grofow czynsto miynioł no i niy bogacioł.

Karczów

[broneknotgeld]

Schenewicz-Schoenwitz-Karczów

Toż se zmiyniało miano ty szteli
Chocioż niy wszyscy tego tu chcieli.

[broneknotgeld]

Fryderyk Leonard Konrad von Tschirsky (1785)

Jorgel pomarł - teroz tako
Pasiyrb tukej gospodorzy
Z dworym bydzie niyjednako
Zdo sie - Karczow wiyncy woży.

[broneknotgeld]

Karczow 1818

Major von Arnstead chycioł dziedzina
Tako niy przyńdzie z łojca na syna.

[broneknotgeld]

Już Webera (1859)

Tako Karczow już Webera
Fach u niego durś ryntiera
Na trzi roki w ty dziedzinie
Toż czas jego drapko minie.

[broneknotgeld]

Fryderyk von Wichelhaus

Pon na Naroku i Skarbinowie
Dlo syna kupioł majontek
Zdo sie bogaty ze niego człowiek
Wiela doł marek za kontek.

[broneknotgeld]

Kriukow +7.XII.1941+

Zginoł na froncie Bernard we zima
Tako w Karczowie istnego ni ma.

[broneknotgeld]

Po wojnie

Po wojnie pałac ty ziymi służy
Choć na państwowym ciynżko mu użyć
Dyć se niy stracioł - ciyngym w Karczowie
Łoko niym cieszy tu zocny człowiek.

Kopice

[broneknotgeld]

Kopice

Pod Grodkowym te Kopice
Ło tym dyć pewnikym wiycie.

[broneknotgeld]

Kanonika Baltazara von Neckerna (1531)

Kanonik katedry ze Wrocka
W Kopicach niyjedna był nocka
Choć na mszo daleko mu jechać
Majontek tyż przeca pociecha.

[broneknotgeld]

Hynryk Kaspar von Sierstorpff (1783)

Tyn grof - se wcale to niy wydowo
Jaky łod nowa pałac zbudowoł
Z Opola Rudolpf kunsztym wzbogacioł
Ze klasycyzmym przeca niy stracioł.

[broneknotgeld]

"Pałac na wodzie"

Wele trzech stawow we epnym parku
Blyszczoł se pałac łod tych co karku
Zegnońć dlo biydnych niy żałowali
Choć we Kopicach "cud" zrychtowali.

[broneknotgeld]

Kopicko palmiarnio

Palmow i inkszych drzew z ciepłych krajow
Tela wielgachnych tu rosło
Że ci sie zdało jakbyś był w raju
Ech - na zatrata dyć poszło.

Minkowskie

[broneknotgeld]

Minkowskie Daniela Hessa

Niym te Prusy Ślonsk podbiyły
Te dziedziny Hessa były
Mioł tu dwor i folwark tako
Przi Austryji Hess niy płakoł.

[broneknotgeld]

Niy doczkoł (+1773+)

Niym pałac fertif wojok umiyro
Ze lauby jeszcze yno zaziyro
Na to co chnetko dokończom piyknie
Tela radości dyć mu wystyknie.

[broneknotgeld]

Graf von Henneberg

Cera łod Seidlitza majontek sprzedała
Toż Hennebergowi sztela sztimowała.

[broneknotgeld]

Karol Aleksander von Wartensleben (1851)

Łod Prittwitza kupioł tyn istny dziedzina
Co piyrwyj Seidlitza raduje mu mina.

[broneknotgeld]

Pałac dzisioj

Ciyngym stoji - krasi sztela
Choć mo rokow richtig wiela.

Łubowice

[broneknotgeld]

Łubowice

Wele Odry na gorce piyrwyj pałac stoł
To co se łostało kto by dzisioj chcioł?

[broneknotgeld]

Eichendorffy

Z Zerbow w Brandynburgji na Ślonzek se kludzom
W siedymnostym wieku przeca tukej budzom.

[broneknotgeld]

Jakub von Eichendorff (1636)

Rotmistrz cysorki ślubno se biere
Łod alchymika wele Opawy
Ponoć fest gorkość w Jakubie were
Dyć dzieci niy mioł ze ty zabawy.

Rożnów

[broneknotgeld]

Rożnów - Rosen

"Rosen" - miano z rołzow przeca
Toz przed wojnom richtig było
Bestoż tako wom ukleca
Co we Polsce - se straciyło.

[broneknotgeld]

Rożnow XVIII w.

Rożnow podzielony
Tref tyż tako plecie
Choć dziedzina znomy
Niy szkryfnymy przecie.

[broneknotgeld]

Rod von Ebenow

Familijo to "bojowo"
Kożdy ze niyj w wojsku stowo?
Generałow wiela mieli
Von Ebeny tako chcieli.

Moszna

[broneknotgeld]

Zamek w Mosznej

Tiele-Wincklerow to był zakontek
Tako perełka jak nad Loarom
Mioł blyszczeć przeca ślonski majontek
Graf sie już ło to dobrze postaroł

Kajzer tu z Franckym lubioł polować
Bo lasy pełne były zwierzyny
Zamek gryfniejszy chcioł durś sie stować
Blyszczeć bogactwym naszy dziedziny

Dzisioj mosz forsa - tyż tu przikulej
By wykurować se słabe nerwy
Przidziesz do zdrowia ale niy fulej
Groszym trza sypnońć by nabrać werwy.



• Re: Moszna
broneknotgeld 26.10.03, 16:19 + odpowiedz


W Mosznie

W Mosznie se idzie tyż porajtować
Piyknym habetom se podziwować
Kere podobno som pełnyj krwi
Co kożdy koniorz przeca tu wiy.

[broneknotgeld]

Ze Opola

Ze Opola do Moszny wybier se w niydziela
Łoczy tu napasiesz - przeca cudno sztela.

[broneknotgeld]

W Mosznyj

W Mosznyj se idzie tyż porajtować
Piyknym habetom se podziwować
Kere podobno som pełnyj krwi
Co kożdy koniorz przeca tu wiy.

--
Zamek w Moszny

Toż ty dziedziny perełka tako
Z radości możno byś nawet płakoł
Bo zdo sie dziwym ze bajki zocny
Czy princ zbajstlowoł go jakiś mocny?
A możno wianym gryfny freliczki
Ech - aże potrza mi teroz ryczki
Bych se mog zicnońć i podziwować
Dyć ponoć potym niy chce sie stować.

[broneknotgeld]

Stary pałac 1863

Hubert Thiele-Winckler kupioł pałac w Mosznyj
Dyć jeszcze był mały no i barokowy
Zmiynio se niy skuli nowiny radosny
Dyć tako trefiyło co stanoł chnet nowy.

[broneknotgeld]

Kanały w Mosznyj

Piyrwyj radości wiela z nich było
Dzisioj se tako nawet niy śniyło
Łodkom żeś zwiydzoł ty Mosznyj stawy
Było przi zamku wiyncy zabawy.

[broneknotgeld]

Park w Mosznyj

Alejki do lasu nos tukej wywiedom
Piyrwyj już to było i dzisioj tyż tako
Dyć przeca cie zbojcom zarozki niy sprzedom
Kajś se potraciyli toż żodyn niy płako.

[broneknotgeld]

Herb Thiele

We modrym polu na rynka zbroja
Tako trzi rołzy - żodno niy moja.

Namysłów

[broneknotgeld]

"Nametzlof"

Niychej wspomni teroz głowa
Take miano Namysłowa.

[broneknotgeld]

Namysłów 1040

Wedle tradycyji tako ło tym prawiom
Dzieje Namysłowa z tym rokym se jawiom
A że grod graniczny zdo sie bardzi zocny
Z czasym mury dońdom i zamek fest mocny.

[broneknotgeld]

Namysłow 1293

Konrad oleśnicki teroz w Namysłowie
Na zamku tu władzom a niy inkszy człowiek.

[broneknotgeld]

Namysłow 1360

Ano - trza szkryfnońć ło tym radośnie
Zamek wielgachny tu teroz rośnie
Ze woli krola łon murowany
Dziedzinie tako w obrona dany.

[broneknotgeld]

Namysłow 1461

Chocioż tron czeski ciyngym se kiwo
Wrocek Namysłow jednak zdobywo.

[broneknotgeld]

Przez wojna trzidziestoletnio

Roz łod Szwedow - roz cysorza
Skiż ty wojny traci wiela
Rymym tego niy pokoża
Jak przi tymu ciyrpi sztela.
--

Namysłow 1657

Po wojnie Namysłow zaś se tako dźwigo
Mury łodnowione zamek połotany
Twierdza aże tako we łoczach nom migo
Czy tref niyzdobyty bydzie jyj tyż dany?
--

Namysłow 1676

Wrocławiany joannitom zamek przekozali
Czy se bydom Namysłowym fest łopiekowali?

[broneknotgeld]

We piyrszo wojna ślonsko

We wojna ślonsko był łoblygany
Dessau se mynczoł yno trzi dni
Kapitulowoł Goetz tu przegrany
Austrio niy wygro ty wojny, niy.
--

Namysłowski zamek w Prusach

Podupodo zamek w Prusach?
Magazyny - szkryfnońć musza
Tako kasa tyż wojskowo
Joannitom być niyzdrowo
Bo se zakon tukej straci
A starosta ubogaci.
--

Herb joannitow

Strzybny krziż maltański na tarczy czerwony
Aż ośmioszpicaty - tako rozwidlony
Osiym błogosławiyństw przeca łobrazuje
To niy joannita yno forszteluje.

[broneknotgeld]

Zamkowo studnia (1600)

Toż ta studnia ciyngym stoji
W maszkarony durś se stroji
Na klumnach baldach mo
Mokre dzisioj jeji dno?

Narok

[broneknotgeld]

"Naroć"

"Naroć" - tela co danina
Płać choć przi tym kwaśno mina.

[broneknotgeld]

Von Beessow XVII-XVIII w.

W Beessow familiji zocny
Narok stowo se dość mocny
Dwor wyrosnoł przi folwarku
Majom głowy dyć na karku.

[broneknotgeld]

Majorat Lewin Brzeski

W tym majoracie Narok znojdziecie
Tako dziedzina Beessow jest przecie.

[broneknotgeld]

Narok 1783

Major von Sauerma już Narok kupuje
Tyn co w sadowicach tyż gospodaruje
Toż niy w ryncach Beessow - miyniom se dziedzice
Roztomajte przidom - pewnikym to wiycie.

[broneknotgeld]

43 170 talarow (1858)

Tela yno potrza by se Narok kupić
Tonio - dyć go niy szło przeca wiyncy łupić
Yno coby kwitnoł geld jeszcze dołożyć
Szczyńściym chcioł se na to jednak ktosik wożyć.

[broneknotgeld]

Fredrich von Wichelhaus

Richtig drapko leci czasym życio wajzer
Tako już uszlachcioł Wichelhausa kajzer
Bo wiedzioł w Berlinie co łon region dźwigoł
Werciyło se mynczyć choć niyjedyn migoł.

[broneknotgeld]

Fryc von Wichelhaus 1919

Pomarł Fryderyk - Fritz mo dziedzina
Toż przeczoł Narok z łojca na syna.

[broneknotgeld]

Narok I.1945

Se Wichelhausy z Naroku kludzom
Front drapko tyndy przekuloł
Ruski pałacu tyż niy łobudzom
Toż bych wos yno łofuloł.

[broneknotgeld]

Na miyszkania

Na miyszkania PGRu "rozparcelowali"
Dyć co yno poniymiecke tymu mało pszali.

Niemodlin

[broneknotgeld]

Niymodlin

Na prawie niymieckim niy był lokowany
Toż słowiańskim mustrym do dzisioj nom dany.

[broneknotgeld]

Niymodlin gore! (1552)

Ech - ze tym richtig wielko utropa
Zgoroł Niymodlin zdo sie w cołkosci
Ślintanie słychać baby i chopa
Dyć trza se bydzie zebrać do gorści.

[broneknotgeld]

We wojnie trzidziestoletni

Szwedy łoblygali go aże dwa razy
Toż juzaś ruiny zdowoł se łobrazym.

[broneknotgeld]

Niymodliński park

Park wele zamku zdowoł sie mały
Dyć przeca gryfnie wyglondoł cały.

[broneknotgeld]

Herb von Praschmow

Ze konskym czachy rogi jelynia
Złocom se w modrym - tako nadmiynia.

[broneknotgeld]

Po 1945

Ano po wojnie Polska tu momy
Teroz liceum w pałacu
No i niszczeje - to przeca znomy
Słono te mury zapłacom.

Nysa

[broneknotgeld]

Nysa XI w.

W jedynostym wieku na handlu wyrosła
Tako do znaczynio drapko tukej doszła.

[broneknotgeld]

Nysa 1245

Po Tatarach se tukej wiela pomiyniyło
Prawym magdyburskim teroz miasto żyło.

[broneknotgeld]

Herb nyski

W polu czerwonym strzybne lilije
Szejść ich zrachujesz - pewno wiysz czyje.

[broneknotgeld]

Pałac biskupi (1620)

Ano - zaczli go bajstlować
Czas wojynny niy pomogoł
A i Wazy trza pochować
Pomarł kiery reskiyrowoł

Lot sztyrdziści przeszło tako
Niym podźwigli co być miało
Bo i biskup w końcu płakoł
No i Nysie tyż se chciało.

[broneknotgeld]

Sekularyzacjo 1810

Toż zaś pałac niy biskupi
Państwo tako Koscioł łupi
Wiela sekularyzuje
A tu sond już urzynduje.

[broneknotgeld]

Pałac 1947-48

Coś przi niymu bajstlowali
Dyć niy stykło geldu dali
Czeko czasow tako swojich
By se jeszcze roz wystrojić.

Prószków

[broneknotgeld]

"Żołto ruda"

Bajajom ło tym łod downa tako
Co "żołto ruda tu dobywali
Dyć czy ze złotym łona jednako?
Możno coś inksze tym mianowali.

[broneknotgeld]

Herb rodu Proskowskich

Tarcza na dwoje w pionie dzielono
Mo strona bioło - mo tyż czerwono
Na nich podkowy chnet skuplowane
Po jedny w polu tako podane
Bioło kaj czerwiyń - czerwono w bieli
Tako wom szkryfna byście wiedzieli.

[broneknotgeld]

Grof Jerzy Krzysztof Proskowski (1678)

Rod Proskowskich mioł w niym głowa
Toż se wiela niy dziwujcie
Familijo - ło tym mowa
W grofy idzie - forsztelujcie.

[broneknotgeld]

Zamek spolony!

Ano - przi wojnie trzidziestoletni
Szwedy w Proszkowie tyn zamek polom
Dyć se podźwignie - ło to tyż wetni
Proskowscy swoja dziedzina chwolom.

[broneknotgeld]

Proszkow 1763

Grof Leopolld w ty dziedzinie
Mo manufaktura
Pamiyńć ło tym niy przeminie
Proszkow to niy dziura

Już na zamku fajans robiom
W piecach wypolajom
Gryfnie tyż do tego zdobiom
Szkorupom tym pszajom

Toż se niy trza dziwać z tego
Co we świecie słynie
Dzbonek kunsztu przezocnego
Niychej to niy minie.

[broneknotgeld]

Zamek 1783

Z manufakturom zamek sprzedany
Skarb Pruski teroz tu cołkym panym
Fajans tyn Proszkow dyć długo sławi
W cołki Europie se przeca jawi.

[broneknotgeld]

Gore! (1853)

Se werk fajansy we zamku poloł?!
Już go niy dźwigli bo Skarb łosmoloł.

[broneknotgeld]

Zakład Rolniczy

Wpiyrw se szkoła tako zwała
Wiela szwongu przeca miała.

Otmuchów

[broneknotgeld]

Otmuchow 1155

We bulli papieski już ło niym szkryfnyli
Zdo sie był tu piyrwyj niym biskupy byli.

[broneknotgeld]

Zamek Otmuchow 1284

Zamek murowany już na gorce stoji
Mury jego mocne? Se wrogow niy boji?
--

Otmuchow 1285

Biskup ze Wrocka - tyn Tomasz II
Myśloł se bronić tu przez czas dugi
Klontwom Probusa piyrwyj łobłożoł
Drapko spokopioł na co to wożoł

Zamek zniszczony, fosa zasuto
Tako se hepło pierońsko mu to.

[broneknotgeld]

Zamek wykupiony

Z ronk kacerzy wykupiony
Zaś mioł służyć do łobrony
Stowo se biskupiom twierdzom
Dyć czy wrogi przed niom pierdzom?

[broneknotgeld]

Za Karola Ferdynanda Wazy (1638)

Syn łod krola i brat tako
We tych murach dyć niy płako
Zamek przebuduje z nowa
Mo do tego istny głowa.

[broneknotgeld]

Sekularyzacjo 1810

Biskup ze Wrocka juz tu niy zicnie
Dyć zamek prozny - jako rozkwitnie?

[broneknotgeld]

Zamek w Otmuchowie (1923-1935)

Zamek w tych rokach zaś przerobiajom
Hotel w niym jakby terozki majom
Co richtig cieszy zowdy wandrusa
Ańcja se we niym wynajońć musza.

[broneknotgeld]

FWP na zamku

Co znaczom wczasy
w ty szteli naszy?
Zamek w ruinie!
Czy zły tref minie?

[broneknotgeld]

Na końskich schodach

Koniym zajechołś se tu na sztok
Yno niy godej co to był ćmok.

Pokój

[broneknotgeld]

"Carlsruhe"

W Borze Stobrawskim dziedzina rośnie
Princ Karol bliko na nia radośnie
Bo mo być tako jako se śniyła
Tam kaj polana we lesie była.

[broneknotgeld]

Carlsruhe 1747

Wirtymbersko-oleśnicki princ tu pałac stowio
Jakby tym Stobrawskim Borom tako perła dowo.

[broneknotgeld]

Pałac princa

Pałac princa w środku stoji
Wszysko inksze wele niego
Łon dziedzina tako stroji
Że niy widzisz co inkszego.

[broneknotgeld]

Georg Ludwig Schirrmeister

Brandynburgio istnego do dzisioj mo w zocy
Kunszt baroku w Carlsruhe z niym nabiyroł mocy
Kaj plac łośmioeki pałac stanoł w środku
Łoziym "kawalierow" tyż tu niy z przipodku.

[broneknotgeld]

Eugeniusz Fryderyk August ks. Wuerttemberg-Oels

Kawalerji pruski przeca generałym
Skiż Napoleona w utropie niymały
Dyć dożył wolności - co pruske we gorze
Niychej Francyjoki we żałobnym chorze.

[broneknotgeld]

Bad Carlruhe?

Dzisioj zodziwi możno te miano
Dyć piyrwyj kurort budzioł se rano
Do studni tako zaproszoł gości
Ech - zmarnowali! Richtig to złości.

Racibórz

[broneknotgeld]

Raciborz 1000

Soł już Raciborz tu ze wojami?
Czy wtedy bronioł przed Pepikami?

[broneknotgeld]

Niy zdobyli tukej zamku pierońske Tatary
Tako zdo sie co był richtig niypośledni miary.

[broneknotgeld]

Ugoda Raciborsko (1287)

Hynryk Probus łoblygoł biskupa
W Raciborzu - niyszczyńścio z tym kupa
Dyć niy zdoboł w tym czasie łon grodu
Zaniychali łostudy - wom godom.

[broneknotgeld]

Przi Przemyślidach Opawskich (1340-1521)

Dugo z Opawom tako cuzamyn
Aż z Walyntynym powiedzom - amyn.

[broneknotgeld]

Państwo Raciborskie" (1642)

Dziedzina cołko tako z tym rokym
Pod Oppersdorffa terozki łokym.

[broneknotgeld]

Raciborz 1784

Baron von Wilczek we Raciborzu
Z tym rokym richtig nojwiyncy wożoł.

[broneknotgeld]

Łodbudowali

Dyć przeca dość drapko zaś łodbudowali
Jeszcze do browaru coniyco dodali
Piwo raciborske na zamku warzone
Zocniejsze z tym było i w cynie niy słone.

Ujazd

[broneknotgeld]

Ujazd (XIII w.)

Torg we Ujeździe juz richtig zocny
Tako grod dźwigli naprowdy mocny.

[broneknotgeld]

"Prokurator"

Ano - za biskupa łon tu gospodarzoł
Dboł by princ kościoła mioł to co se marzoł.

[broneknotgeld]

Mikołaj Kochcicki 1609

Ksiynstwa nyskego starostom był
Dyć i tu chciołby sprobować siył
Tako se chycioł Ujazdym rzońdzić
Już do Lublińca niy chcioł zabłondzić

[broneknotgeld]

Grof Karol Joachim Mettich (1666)

Anna Kochcicko w mogile leży
Ziyńć tukej rzońdzi - możecie wierzyć
Dyć możno ździybko dziedzica mynczy
Bo jom wypuści chnetko ze ryncy.

[broneknotgeld]

W pruskich czasach

Zdo sie garnizonym Ujazd w pruskich czasach
Huzarow tu wiela - stond i miasta krasa.

Opole

[broneknotgeld]

Zamek opolski

Princ Kazimierz zamek stowio
Przi Odry przeprawie
Ku łobronie tako dowo
Przeca niy zabawie.

[broneknotgeld]

Zamek 1283

"Palatium" princ Bolek wystawioł se nowe
Z "donżonym" bo przeca mioł bronić to czowiek.

[broneknotgeld]

"Dom Wysoki"

W sztyrnostym wieku zamek dźwignyli
Jedyn sztok yno mu dołożyli.

[broneknotgeld]

Zamek 1557-1566

Toż se nasz zamek zaś dropie w gora
Dyć nigdy przeca niy bydzie w chmurach
Choć tako krzidła ło sztok dźwignyli
Czy bezpieczniejsi we murach byli?

[broneknotgeld]

Przi wojnie trzidziestoletni

Richtig łoblygany - przeca niyzdobyty
Stykłoby terozki łostać yno przi tym
Dyć wiela uciyrpioł - trza nom to pamiyntać
Dlo Opola jakby potym z niego "piynta".

[broneknotgeld]

Zamek 1838-1855

Wszysko se miyni - już niy jednako
Nikt skuli murow przeca niy płako
Zasuto fosa tracom se wały
"Szlosspark" ze tego tukej niymały

Zamek terozki łodpicowany
Jako perełka miastu z tym dany
Idzie se teroz richtig niym asić
I historyji zocny niy gasić.

[broneknotgeld]

Zamek Gorny

Z końcym sztyrnostego wieku
Drugi zamek tu stowiajom
Ksiynstwo dzieli se człowieku?
Wielko z tym utropa majom?

Cieszyn

[broneknotgeld]

Euroregion Ślonsk Cieszyński
22.IV.1998

Gminy polske ze czeskimi
Cuzamyn w niym momy
Łoziym rokow już to wiymy
Łod sia cosik domy.

[broneknotgeld]

Zameczek w Błogocicach

Mieszcznin tyn dworek se tukej postawioł
Piastow i Habsburgów tyż łon wiela bawioł
W końcu Stonawskiego sztela już to była
Jakby na wiedyński sznit se łodszczelyła

Za komuny przeca upadło to wszysko
Jakby z tego było jakeś dziwowisko
Przi Joannie Mikarz zaś blasku nabiyro
Coby był przezocny to chyńć jeji szczyro.

[broneknotgeld]

Seledynowo Studnia Czech Braci

Niy wszyskim "nowy" kolor sztimuje
Dyć przez poł wieku czorno durś była
Cieszyn terozki deliberuje
W "zielonym" przeca nadzieji siyła!

Nikerzy jednak jakby po troszku
Chcom być "princesom na ziorku groszku"

[broneknotgeld]

Jezusowy "kościoł łaski" w Cieszynie

Jest "kościoł łaski" w zocnym Cieszynie
We tym uciecha kero niy minie
Dyć co sie dzieje tam z łorganami?
Łod lot se mynczom ze kornikami
Tako trza bydzie remont im zrobić
Dołożyć blasku - niy drapko dobić
Choć to kosztuje toż przeca wiycie
Z jejich muzykom miasto w proficie.

[broneknotgeld]

Cieszyn 810

Sie Bolko z Cieszkym tako i Leszkym
Naprowdy wiela cieszyli
Tako we trojka poczyńśli mieszkym
Grod drapko tu postawiyli.

[broneknotgeld]

Cieszyn 1920

Choć Olza piyrwyj przeca łonczyła
Teroz granica to podzielyła
Polski po jedny Czeski po drugi
Tako już łod sia przez czas dość dugi.

[broneknotgeld]

Wieża Piastowsko (XIV w.)

Z downego zamku se nom łostała
Historio tako jyj to szkryflała
Dzisioj nos cieszy punkt widokowy
No i w tym szczyńście że łon niy nowy.

[broneknotgeld]

Plac Tyjatralny

Prawiom co rynek tu był Cieszyna
Toch se zabłonkoł na ta dziedzina
I tyjatrowi tyż podziwowoł
Bo przeca w łoczach mi tukej stowo.

[broneknotgeld]

Ksionżnica Cieszyńsko

Tu nojcynniejsze w cołkim regionie
Som starodruki - tako niy koniec
Bo historyjo we nich spisano
Potomnym ze tym na zowdy dano.

[broneknotgeld]

Kościoł Jezusowy XVIII w.

Wangelicki kościoł w tym zocnym Cieszynie
Podobnoś nojwiynkszy we polski dziedzinie
Szejść tysiyncy wiernych gynau łon pomieści
Kierzy tu we sercu Jezusa chcom pieścić.

[broneknotgeld]

Kościoł Maryji Magdalyny (XIII w.)

Na Dominikański świontynia znojdziecie
Ze czasow piastowskich ciyngym blyszczy przecie
Princ Przemysław Noszak tu mo tumba swoja
-Cieszyńsko Mateczko niychej trwo cześć Twoja.

[broneknotgeld]

Cieszyńske trasy

Dlo wandrusow co na kole
Abo tym szłapcugym łażom
Tras tu wiela - niych dziedzina
Tako se pozwiydzać ważom.

[broneknotgeld]

Zajta Cieszyna se łoglondnijcie
www.cieszyn.pl/
No i łodwiydzić dziedzina chciyjcie.

[broneknotgeld]

Bez banhofa?

Toż polski Cieszyn ciyngym ubogi
A za tom Olzom banhof jest srogi.

[broneknotgeld]

Na górkach

Chałpy na stokach gorek stanyły
Toż se nadeptosz po tym Cieszynie
Zowdy widoki gryfne z nich były
Co piyrwyj teroz no i niy minie.

Brenna

[broneknotgeld]

Brynna

Ano - jeździoł żech tam z frelkom
Do dzisioj miłościom wielkom
We Brynnicy wykompano
Z tym na cołke życie dano.

Istebna

[broneknotgeld]

Gmina Istebna

"Trojwsiom" gmina tyż mianujom
Niytutejsi se dziwujom.

[broneknotgeld]

Gory i lasy

Gory i lasy bogactwym gminy
Toż niy łomijej taki dziedziny.

[broneknotgeld]

Gmina żyje

Żyje muzykom tańcym i śpiywym
Dyć to niy wszyske som jeji dziwy
Lecom po bruclik batym trzaskajom
I Mikołajow korowod majom.

Koniaków

[broneknotgeld]

Koniakowie

Bez koronki koniakowski czym by sztela była?
Ano - z nici i heklowki idzie jeji siyła.

Haźlach

[broneknotgeld]

We Haźlach ktoś płako?
Niych niy bydzie tako.

Kończyce Wielkie

[broneknotgeld]

Kończyce Wielke

Kończyce Wielke to Haźlach gmina
Sztela rozsłwaio tako dziedzina.

--

Nad Piotrowkom

Nad Piotrowkom te Kończyce
Tako teroz już treficie.

[broneknotgeld]

Jerzy Fryderyk Wilczek

Ksiynstwu Cieszyńskymu istny marszałkowoł
Toż pałac w Kończycach zocniejszy z tym stowioł
Choć czowieka niy ma - co dźwignoł łostało
Yno w inksze szaty se poprzeblykało.

[broneknotgeld]

Grafini Gabriela von Thun und Hohenstein

Łostatnio dziedziczka na ziymiach kończyckich
Co jom okolica "dobrom paniom" zwała
Niy mogła pałacu se czimać na wdycki
Dyć komuna prziszła - dobra łodebrała.

[broneknotgeld]

Kościoł św. Michała Archanioła

Mo Archanioł w pieczy ta świontynia
Bo chocioż drewniano przeca ciyngym stoji
Tako tyż i krasi kończycko dziedzina
Niy yno po myśli przeca to jest moji.

Zamarski

[broneknotgeld]

Kościoł św Rocha w Zamarskach

Se podziwejcie terozki trocha
Na ichnich kościoł św. Rocha
Wieży kościelny starszy niy szukej
Z cieszyński ziymi łona jest tukej.

Dębowiec

[broneknotgeld]

W herbie

Domb w jeji herbie
Miyndzy kłosami
Toż podziwejcie
Se gminie sami.

[broneknotgeld]

Knajka

Gora Chełm ta Knajka dała
By jom Wisła w końcu brała
Dyć Dymbowca niy łominie
Do profity ty dziedzinie.

[broneknotgeld]

Wele Knajki

Wele Knajki rybne stowy
Ano - niy skuli zabowy
Z szesnostego wieku przeca
Durś bogactwym tego neca.

[broneknotgeld]

Stare Dymby

Wele Knajki rosnom richtig dymby stare
Z czista rokow majom - tako niy som jare.

[broneknotgeld]

Wele Knajki

Wele Knajki rybne stawy
Toż bogactwo ry dziedziny
Złoto rybka? -Niy ma sprawy!
Niy rob chopie taki miny.

[broneknotgeld]

Dymby

Wele Knajki dymby rosnom
Se zielyniom tu ze wiosnom
A na podzim tako krase
Ano - cuda to som wasze.

[broneknotgeld]

Warzelnio

Sol jodo-bromowo z ty szteli dowajom
Przeca borowiny takowy dość majom.

Skoczów

[broneknotgeld]

Plosoczek

Skoczowski utopek miano mo Plosoczka
Ano nad Bładnicom dej pozor we nocka.

[broneknotgeld]

Franc Jozef we Skoczowie

W Skoczowie Franc Jozef bryczkom se przejedzie
Nojbliższom sobotom łon tukej na przedzie
Toż na Kaplicowce maszketow skosztuje
Możno i poddanych niymi poczynstuje.

[broneknotgeld]

Gmina Skoczow

Miasta yno niy rachujcie
-sołectwa tyż przeca
Ich cuzamyn - forsztelujcie
dycha aże z neca.

[broneknotgeld]

Skoczowski ratusz 1797

Dwiesta rokow z hokym tyn ratusz już stoji
Dyć piyrwyj i hereszt mieli we niym prawie
Wyremontowany czasu se niy boji
Choć go Skoczow niy mo przeca ku zabawie.

[broneknotgeld]

Muzeum Parafialne św. Jana Sarkandra

Tu se dowiycie ło świyntym Janie
-Na wieży łon ratuszowy
Kto we Skoczowie - niychej przistanie
I ło Sarkandrze coś dowiy.

[broneknotgeld]

Kościoł skoczowski 1447

To jedno pewne - już tukej stoł
Dyć jako miasto zły tref go broł
Czy był tym piyrszym co sie wypoloł
Chocioż Ponboczka grod wiela chwoloł?

[broneknotgeld]

Trzeci kościoł

Tyż w Skoczowie wangelicki
Przeca tako niy na wdycki
Dyć cysorza usłuchali
Katolikom go łoddali.

[broneknotgeld]

Pionto świontynia

Pionto świontynia trza tu zrachować
Pobudowano cołkym łod nowa
Stoji do dzisioj - sztela nom krasi
Niychej se Skoczow kościołym asi.

[broneknotgeld]

Krziż Papieski 1985

Na Kaplicowce Krziż tako stoji
Z Muchowca go tu skludziyli
Stoł papiyż pod niym w dziedzinie moji
Toż trza se przed niym pochylić.

Wilamowice

[broneknotgeld]

Wilamowicki zamek (XVI w.)

Czym sztela blyszczy? -Dyć dobrze wiycie
Zamkym se aszom Wilamowice.

[broneknotgeld]

Kościoł Świynty Trojcy (1865)

Na gruntach Górnioka stanoł kościoł zocny
Wiarom wangelikow łon do dzisioj mocny
Se neogotykym we dziedzinie asi
Toż Wilamowice ta świontynia krasi.

Ochaby

[broneknotgeld]

Stadnina w Ochabach

Ano - Ochaby stadninom słynom
Niychej dni jeji tukej niy minom.

[broneknotgeld]

Kościoł św. Marcina (1810)

Majom Ochaby w zocy Marcina
We tym kosciele ciyngym rzykajom
Dyć mom terozki wesoło mina
-Czy i gyńsinie w ty szteli pszajom?

Ustroń

[broneknotgeld]

Okolica

Dwie Czantorie, Groń, Rownica
To Ustronia okolica.

[broneknotgeld]

Niybieskim szlakym na Czantorio

Z ustronio Zdroju cos przez Poniwiec
Przeca ze ciebie niy jest "lyniwiec"
Toż trzi godziny nawet niy przyńdom
Jak twoje gyry na wiyrch jyj wyńdom.

[broneknotgeld]

"Czarcie Kopyto"

Znojdziesz chałpa na Rownicy
Dwiesta rokow w okolicy.

[broneknotgeld]

Dom Zdrojowy

Ano - prziwito cie Dom Zdrojowy
Czy po dwoch tydniach bydziesz jak nowy?

Niyrodzim

[broneknotgeld]

Niyrodzim 1439

We piytnostym wieku już ta wioska
Tako hostoryjo ło niyj nom prawiyła.

[broneknotgeld]

Kościoł św. Anny 1769

Goczałkowski w Niyrodzimiu tyn kościoł fundowoł
Coby tukej Ponboczkowi cześć człowiek łoddowoł.

[broneknotgeld]

Kościoł św. Anny

Toż gryfny zobytek tyn kościoł drewniany
Stanoł pod wezwaniym Samotrzeci Any
Tako na ołtorzu Jeji łobroz tukej
Starszy niż świontynia toż se nań pokukej.

Zebrzydowice

[broneknotgeld]

Gmina Zebrzydowice

Nad rzekom Piotrowkom znojdziecie ta gmina
Przi granicy czeski cieszyńsko dziedzina.

Kończyce Małe

[broneknotgeld]

Kończyce Małe 1305

Ano - tyż znomy tako dziedzina
Że stond biskupio jest dzieciyńcina.

[broneknotgeld]

Zamek Czelow (1538-1656)

Dwor przi Czelach
Rośnie wiela
Toż tu zamkym z czasym stowo
Jest do dzisioj - se niy zdowo.

Wisła

[broneknotgeld]

Wisła 1615

We cieszyńskich ksiyngach ło Wiśle szkryfnyli
Toz tyn rok pewnikym za poczontek wziyli
Dyć jo i ze tego byda richtig rod
Jak fety dożyja na sztyrysta lot!

[broneknotgeld]

Wisła 1962

Grod - toż prawa miejske zyszczoł
Ze tym bardzi tyż zablyszczoł.

[broneknotgeld]

Wisła

W dolinie Wisły dziedzina leży
Wielko jest richtig - możecie wierzyć
Mo kolaniji tela cuzamyn
Żech se tam stracioł - choć niy na amyn.

[broneknotgeld]

Chyntka prysła

Szłapcugym zwiydzić caluśko Wisła
Jakosik na to chyntka mi prysła.

[broneknotgeld]

Kościoł wangelicki 1838

Pyjtra i Pawła miano se nosi
Wiara w Krystusa ty szteli głosi
Choć Ślonsk Cieszyński tyż wangelicki
Dyć krześcijański przeca na wdycki.

[broneknotgeld]

Muzeum Beskidzke

We stary karczmie Wisły znojdziecie
Kurort historji kłonio se przecie
Tukej wspomnicie dochtora Hoffa
I zodziwicie tyż możno trocha.

Goleszów

[broneknotgeld]

Herb Goleszowa

Pokrziżowane snopki z widłami
Goleszow tako - już wiycie sami.

[broneknotgeld]

Jeziorko "Ton"

Toż w Goleszowie znojdziesz jeziorko
Kaj ze uciechom potonkosz kije
Zdo sie coś szczyńścia żeś chycioł ziorko
Se we ty gminie radośni żyje.

[broneknotgeld]

Narciarske hopsry

Wele jeziorka co "Ton" tu zowiom
Tako se hopsry narciarske jowiom
Małysza zaroz tukej niy bydzie
Dyć niy wiadomo kto z czasym przidzie.

Cisownica.

[broneknotgeld]

Izba Regionalno "U Brzeziów"

Co tutejsze tako se schroniynie znodło
We Izbie "U Brzeziow" tradycyji "jodło".

Chybie

[broneknotgeld]

Czy koszom?

Czy we Chybiu ryby koszom
jak se ślubne ło nie proszom?

[broneknotgeld]

Rezerwat Przirody "Rotuz"

Tu rosiczki rośnie wiela
Co se ścigo ze Żabami
Dlo kopruchow to tyż sztela
Futer dobry - wiycie sami.

[broneknotgeld]

Kościoł Krystusa Krola 1930

Choć kościołek niy za stary
-Historyjo pszaje
Matki Boski sanktuarium
-To niy jakeś baje.

Strumień

[broneknotgeld]

Strumiyń

Nad Wisłom se leży ta strumiyńsko gmina
Miasto Strumiyń dźwigo nom ślonsko dziedzina.

[broneknotgeld]

Kościoł św. Barbary 1790

Toż barokym nom se asi
Z gryfny wieży dzwoniom dzwony
I cebula istny krasi
Podziwejcie tu se łony.