Eichendorff we śniegu

[kochtschutz]

Śnieg przisuł bezma cołki świat
i taki żech stropjony,
we polu strom,jak palec som,
ze liścio sebleczony.
I jeno wjater gno bez noc
i asty stroma tronco,
a wtynczos szpicom ruszo strom
i mruczy coś na śpjonco.
W śniku łod niego wjosna je,
zdrzodło mu korzyń rosi,
a łon we klajdzie z blumów zaś
Ponboczka chwała głosi.

[rita100]

we polu strom -
i asty stroma tronco -

Sniegiem posypało cały świat,
i taki jestem strapiony
w polu dumny, jak palec sam.
z liści rozebrany.
I tylko wiatr leci przez noc
i ....... ....... strąca.
W śnie od niego wiosna jest,
lustro mu korzeń rosi,
a on w sukience z kwiatów
Pana Boga chwałę głosi.

Czy tak ? :)

[kochtschutz]

cheba ja,niy znom za barzo Eichendorffa,a to zech znodua we Gościu
Niedzielnym.Za uoknym śnieg,bajtle robiom kartki na świonteczny kjermasz we
szkole i tak mi to fajnie pasowauo...Moze wto zno uoryginał po niymiecku?

[kochtschutz]

schlesien.nwgw.de/foto/thumbnails.php?album=573

[kochtschutz]

alech sie romantyczno zrobioua-dyc jo niy cierpia czytac wierszoow!
(a mooj bajtel napisou we zadaniu domowym,ze czyto sie za kara :-)

[rita100]

Tyż nie znom von Eichendorffa. Ale tak jak na Mazurach tak pewnie i na Slonsku
róznie to bywało z ludzmi.
Znam zniemczonego Mazura, który odkrył w sobie polskość i po niemiecku pisał
piękne wiersze, prawie nie znane, ale jakie piękne.
Był to Wojciech Ketrzyński von Winkler.

Frommer Wandrer, der an leichtem Stabe
Durch diese Fluren eilt
Bleibe stehn und giess den Trank der Labe,
Der alle Schmerzen heilt

Pobożny wędrowcze, który o lekkiej lasce
Przez tę oto sień spieszysz,
Pozostań tu i nalej trunku rozkoszy,
Co wszystkie bóle uleczy.

Rychtycznie sia porobziuło romantycznie :)

Ale wrócmy do Eichendorffa, może jakies jeszcze wiersze się jego znajdą

[annak12]

kochtschutz napisała:

> alech sie romantyczno zrobioua-dyc jo niy cierpia czytac wierszoow!
> (a mooj bajtel napisou we zadaniu domowym,ze czyto sie za kara :-)

To samo miałach,mono potymu ,co cza se je boło uczyć na pamiyć,jakes take
patetyczne,niezrozumiałe,zawdy co inkszygo widziałach w nich,niż pani chciała,

[szwager_z_laband]

znaczy miauas niydobro uczycielka

[ballest]

Ubejrzita, uobejrzita, nasze frelki i bajtle swoja romantycznou
nitka uodkrouy!
a jou to muszam za kara czytac;)



niy to bou szpas, te wierszyki som cudowne.

[szwager_z_laband]

kara mosz we ogrodku

[annak12]

ballest napisał:

> Ubejrzita, uobejrzita, nasze frelki i bajtle swoja romantycznou
> nitka uodkrouy!
> a jou to muszam za kara czytac;)
>
>

Tja,chopy niy som takimi twardzielami, za jakich chcieliby uchodzić.Bliknij na
swoje fotki,te wschody i zachody słońca(tak som żeś na nie polowoł),pikne
krajobrazy,...:)
> niy to bou szpas, te wierszyki som cudowne.
>

[ballest]

My tysz momy romantycznou dusza, to je prouwda!

[annak12]

szwager_z_laband napisał:

> znaczy miauas niydobro uczycielka

możliwe,czimała se sztywno programu i odpowiedniej twórczosci.Jak młodo koza
mogła rozumieć,że idzie umierać z usmiechem na twarzy za ojczyzna,kej życie take
piykne boło:)

[szwager_z_laband]

:)

[rita100]

kochtschutz napisała:

> schlesien.nwgw.de/foto/thumbnails.php?album=573

A coły grab (grób)jek wyglonda ?

[kochtschutz]

o ile se przipominom, na tym kirchofie lezy rodzina Eichendorffa i cheba nawet
do końca niy je wiadomo wto kaj-tak bou uon zdewastowany.Tam je ale wiyncyj
takich bildoow ze wierszami-piyknie to sie czyto na swiyżym lufcie i we tak
zacnym uotoczyniu...
Eichendorff i jego kobita som pochowani we Nysie
www.eichendorff-zentrum.vdg.pl/historia.html

[bratjakuba]

kochtschutz napisała:

>...Moze wto zno uoryginał po niymiecku?

Winternacht

Verschneit liegt rings die ganze Welt,
Ich hab’ nichts, was mich freuet,
Verlassen steht der Baum im Feld,
Hat längst sein Laub verstreuet.

Der Wind nur geht bei stiller Nacht
Und rüttelt an dem Baume,
Da rührt er seinen Wipfel sacht
Und redet wie im Traume.

Reszty nie przepuściyła cenzura.

[szwager_z_laband]

wiysz ze tablica ze tym konskym(wierszym) od eichyndorffa jo se
downo tymu tysz knipsnou:)

to sie nazywo cufal:)

i kedys downo tysz zech sie bawiou w odniego poezje:

Wieczor

Kej sie traci ludzke larmo
Ziymia szumi marzynioma
Piykno drzewow sucho godki
Hercklekotow stou sie czas
Cos downego - dziwny zol
Letni dyszcz na wieczor wonio
Spomniynioma z tamtych lot

(na podstawie J. von Eichendorf
Szwager)

[kochtschutz]

Fajnies to napisou-kiej tak dalyj poodzie to zacznam czytac wjersze.
Ino cos mi tukej niy pasujom te hercklekoty-jak tam beu we oryginale?

[rita100]

Nie powiecie mi, jak tłumaczyć te zdania ? Szukałam w słowniczku forumowym, ale
tych wyrazów nie ma.

we polu strom - w polu szron ?
i asty ? stroma tronco - ?

[szwager_z_laband]

we polu strom - w polu drzewo

asty - galezie

dalyj juz chyba wiysz:)

[ballest]

Rita, - szron, to je wlasciwie zamarznientou rosa.

[szwager_z_laband]

to je ino na podstawie :)

[kochtschutz]

pytom uo te herchlekoty,bo to moje zboczenie zawodowe.
podejrzewom,ze jymu we uorginale(wtorego dalyj niy znom)chodziouo uo "bicie
serca"ew. przipieszone skulis wzruszynio.A hercklekoty to cheba raczyj ciynzko
choroba-arytmia,ale moga sie mylić.Niy znom zodnego dochtora coby dowou
rozpoznania po naszymu, a szkouda...

[szwager_z_laband]

musiouch bych poszukac kery to bou "konsek"(wiersz) kery mie
zainspirowou, ale jo to tak uzou jak Ty to sam padauas w dynsie
wzruszynia:)

My wdoma hercklekoty godali jak ktos sie abo wzruszou abo znerwowou
i go serce pikauo abo szybciyj mu bezto biouo:)

[kochtschutz]

Gdy nowy dzionek wstaje,

W oparach ziemia lśni

I ptaki znów śpiewają,

Aż serce w Tobie drży:

Przemija wtedy cały

Posępny ziemski czas

I rodzisz się wspaniały

I młody jeszcze raz.

[kochtschutz]

Wenn es beginnt zu tagen,

Die Erde dampft und blinkt,

Die Voegel lustig schlagen,

Dass dir dein Herz erklingt:

Da mag vergehn, verwehen

Das truebe Erdenleid,

Da sollst du auferstehen

In junge herrlichkeit!

[kubiss]

Zal mi was :-(
Serio ..... :-I

[ballest]

Danke Kochtschütz, DANKE

[sloneczko1]

:) tyj wiosny to jeszcze sniyg lezy na jego grobie