klarowanie Kuodki

[szwager_z_laband]

mogecie mi to wyklarowac?

"Analiza dostępnych materiałów pozwoliła określić iż głównym źródłem
zanieczyszczenia Kłodnicy powyżej Gliwic jest zawiesina wprowadzana
do rzeki za pośrednictwem potoku Czarniawka. Jest to zawiesina
mineralna, łatwo ulegająca sedymentacji , która powinna być usunięta
z wód Kłodnicy powyżej wlotu do centrum Gliwic a najlepiej powyżej
ujścia stosunkowo czystych wód Bytomki."

ze zajty
www.ietu.katowice.pl/klodnica/projekty_badawcze/pb3.htm

[ballest]

Ja Laband, mogam ci wyklarowac
Zawiesina mineralna, przypuszczom ze w tym wypadku to jest mul
wynglowy, (stond tysz nazwa potoku, czarniawka); mogom to tysz byc
inne mineraly, jak na przyklad mul z cegielni,
kery ulegou sydymentacji, czyli osiadou na dnie.
Czyli to nic innego jak strach przed zamuleniem, czytej
zanieczyszczeniem Klodnicy i Bytomki.

[szwager_z_laband]

z tym muym to sie zgodzo - kole Kokotka(we Laband) tam kaj boua
pasiyka kole Zakanau tam boua tako sztela kaj my na brzegu latym
zbiyrali tzw "kacze myduo"(tak my na to godali) - to wuasciwie bouo
z tego marasu.


jo ale niyrozumia czymu praje ze tyj Czerniawki to je(?)

[ballest]

"...na lewym brzegu Kłodnicy w rejonie ujścia Czarniawki,

na lewym brzegu Kłodnicy poniżej ujścia Bytomki w rejonie stawu
Cegielnia (na terenie istniejących ogródków działkowych), "

Tam je tysz kajs cegielnia, to tysz moze byc zanieczyszczenia z
Gliny, jak tam cos buduja, bo to tysz je zanieczszczenie mineralne.

[szwager_z_laband]

no tosz mineralne to pou biydy - mysla aleize to optycznie moge
ewyntualnie duza dac.

[ballest]

www.ietu.katowice.pl/klodnica/dokumenty/Fakty/Mapa_zlewni_Klodnicy.jpg

Ta Czarniawka to ten potok przed ujsciem bytomki.
Mineralne to tysz je swinstwo, bo woda jest myntnou!

[anton_28]

Szwager, jak bouech ostatnio w Laband to zech poszou zakanauym na
Kuodka i gynau wtedy boua pszed schleusom wele starych stowoow woda
spuszczono (o dobre 1.5 metra myni), te brzygi to normalnie som
wongel, tako czorno masa. No i wele wielkygo dziyszna bagroma ta
masa wybiyrali i ciepali na kupa. To widziouech ludzi co se tam
psziuaziyli i brali ta czorno masa do miechow i jazda do dom - to
sie musi blank dobrze polic!!

Jo se tak myjsla ze kedys podzie w Laband sie wy Kuodce kompac, ale
kedy?????

Uoni piszom ze Bytomka mo czysto woda?!? w Zobrzu zech widziou
Gegenteil - maras taki som jak wy Kuodce

Od Laband do Dziyszna to je jedna katastrofa, potyn Kuodka wlotuje
do kanaru i wele Puawniowitz zajs z niego wylotuje, ale woda je dali
ciymnozielono i tak je asz do Odry.

Jedyno rzyka co moga pochwolic to je Drama w Peiskretscham, bestosz
maue Dziyszno mo tako czysto woda

No ale, w Polsce chcom sie beweisen, also cza jym dac szansa

[szwager_z_laband]

moja mama je rocznik 44 - i opowiadaua mi ze sie za bajtla jeszcze
kompali!

[anton_28]

to miaua richtig freude!!

dzisiej sie w Laband niy ma kaj wykompac, chyba ze w doma :)

na Czechowice na bagry je niby blisko, ale piechty je co dreptac,
Dziyszno mogesz zapomniec, a Puawniowice na ja, take sobie, ale zajs
za daleko.

Also niych te gorole jusz startujom, co Kuodka za 3 lata bydzie
czysto

[szwager_z_laband]

my za bajtla zowdy piechty na "Bagry" szli - najpszod abo "Paulinom"
i potym szosom na Pyskowice, abo tak jak idziesz na Czerwionka drogom
(potym jom wyasfaltowali dopiyro, jak sie niy myla - kedy to bouo??)
i drogom polnom we prawo miyndzy polami zyta we kerym bouy habry i
maki - richtik fajno ta cesta zowdy do nos boua:) - wylazywauo sie
juzas na szosa co leci na Pyskowice ale juz blisko Bagrow(bouy ale
tysz dwa warianty, abo sie szuo od pszodku przez brama abo od zadku
od wsi tysz boua mauo brama.

[ballest]

Za dziecka jak jeszcze jeziora we Plawniowicach nie bouo, to my se w Kanarze
kompali abo w stary kuodce!

[anton_28]

Gynau, Ballest, kedy puawniowicke jezioro zaloli? boua tam jusz
wczejsni woda? Pamiyntom kej mie Opa uosprawiou ize tam droga na
Rudno szua tam kaj tera je wielke.

A kanar to uod razu w dou idzie i som fest kizloki na dnie, dauo sie
tam sicher kompac? z.B taki co puywac niy poradziou niy miou co tam
wuazic, oder?

[szwager_z_laband]

to je ciekawe co godocie - niyznom tego i szkoda ize niyma na tyn
temat jaki opracowan:(

[anton_28]

ta polnou droga znom, bo tam my tysz uaziyli ab und zu, jak sie ze
szkouy uciykuo coby nos niy dojrzeli! a potyn zaroski na "dziko" ze
stroma do wody skokac, bo tam fajnie zaroski guymboko bouo.

Na bagrach to jusz chyba ze 10 lot niy bouech, piechty niy ma siouy
a autym zajs niy mosz go kaj uostawic, pszi drodze za wielke risiko,
wiysz jak niykere gorole na niymiecke tabulki reagujom

[szwager_z_laband]

jo tam bou tera zimom na kiligu i grylu - polecom to na zima !

[anton_28]

bouo to pszes jakijs verein uorganizowane abo tak som s familiom
zejs tam pojechou?

[szwager_z_laband]

som zech zadzwoniou - telefon zech znod we i-necie.

naprowdy mie sie podobauo. Sanie mo na gora 6 ludzi, ale idzie se
porobic rundy na pora ludzi zowdy i wiyncyj bezto ludzi moge byc.
Olytka Ci narichtujom i drzewa mosz wiela chcesz. Wuszt my se sami
wziynli i gorzoua i co tam ino:)

Sanki ciongnonc za saniami niyszuo, bo bouo za mocka guymbokego
sniega! Tyn kulig je na terynie Bagrow ogrodzonym, ale to naprowdy
styknie!

jak bys niyznod telefonu to dej znac a sie postarom!

[anton_28]

jak to zech pszeczytou to mi zajs sie zimy zachciauo!! juzech ros
grillowou bez zima na sniygu i bouo voll cool!!! a kulig to wdycko
ze traktorym we Muldenau my robiyli.

Nic ino 8 miesiyncy poczekac i zaplanuja se zeby dabei byc!! ty
bydziesz latojs tysz jechou??

[szwager_z_laband]

jak co to dom znac:)

polecom wuszt co sie miauje kielbasa czosnkowa - richtik dobry je we
zima na gryla i niyma drogi;)

a gorzoua to ta nowo czorno dymbowo - dzisiej tysz niyj
flaszka "pynknie" (wyglondo to jak woda ze Kuodki ale smakuje chyba
lepiyj:)))

[anton_28]

no to jo sie pisza i czekom na nachricht uot Ciebie !!

czoskowy wurst - ros go joduech na grillu wele Puawniowitz na stary
autobahnie - ale to downo bouo

a ty gorzouy niy znom - u nos bydzie Finlandia sie loua

ach... miouech Ci spomniec uo trowce :))

[szwager_z_laband]

ja pamiyntom ale to we lato dopiyro!
:)

ta Dymbowo znosz - tera je tako dymbowo czorno, jak bydziesz we
Glywicach to na zicher znondziesz:)

co do tego kuliga to oni Ci wszysko rozhajcujom usw i je srogi ruszt
na ketach i na kouowrotku tak ze ino korblujesz jako chcesz wysokosc
od ognia - potym ale hajcowac musicie same, no i je to ino jak sie
niymyla do 22.00 :(

jak lubisz rajtowac to wiym ize po drozkach we uabyndzkim lesie
mogesz se juz rajtowac i zowdy znondziesz mie we knajpce pszi
kortach/jak zech tam praje je;)

oni tam majom konie i namiot do rajtowania

[szwager_z_laband]

"tam" to znaczy na Bagrach, ale ta trasa kaj mogesz na koniu jezdzic
idzie aze pod korty we Laband!

[anton_28]

jak sie o 22 Uhr konczy to niy je problym! flaszka biera mit i
piechty do Laband, po lesie - fajny abenteuer!!!

rajtowac zech jeszcze niy cwiczou, ale padajom ize po uorzartymu do
konia lepi niy poduazic

kule jak jo downo na kortach niy bou!! jeszcze za bajtla z synkym
uot Kobzika (cukernik z Laband) my uaziyli sie grac uczyc, na piwo
my byli za mode!! ale za to tera sie moga napic

nic, uciekom na feier!!

[szwager_z_laband]

no to pyrsk!

;)

[cirano]

Wiycie chopcy, to jes richtig wkurzajonco sprawa z tym wpuszczaniym kopalnianych
szlomow do czyściutkich kedyś wod. Te szlomy niszczom couko fauna we wodzie,
niesom śmierć. W latach jeszcze 60-tych gruby siymianowicke, nikiszowske,
"Staszic" na Giszowcu presowały brikety z tego szajsu po małyj technologicznyj
przerobce, bou spokoj i piniondze. Potym uznały gorolske pany, że to sie niy
uopłaci i zaczli te szlomy kaj sie dało walić. Stawy, jeziorka, rzeki, wszysko
potruli w imie lynistwa, typowo polskij tympoty i krotkowzrocznego myślynio.
Heute sind sie meistens nicht mehr zu retten

[ballest]

anton_28 28.03.09, 10:51 Odpowiedz
Gynau, Ballest, kedy puawniowicke jezioro zaloli? boua tam jusz
wczejsni woda? Pamiyntom kej mie Opa uosprawiou ize tam droga na
Rudno szua tam kaj tera je wielke.
JA, tam bouy nasze pola czytej uot Frejnow, a te jezioro powstauo w latach 60'
a wczesni tam wody nie bouo, bo my zawsze piechty do Niewieszy kolo Tochterbach
szli!

[ballest]

mialo byc Tosterbach

[szwager_z_laband]

mom rozumiec ize ta Czerniawka taki szlam ze gruby mo?

[ballest]

Ja w Czerniawce jest szlam wynglowya albo ceglany, tak to
interpretujam!

[anton_28]

wszyske wielke miasta co lezom nad rzykom to se mogom tom rzykom
pochwolic: z.B Frankfurt, Köln, Hamburg, Regensburg usw... A
Gleiwitz tysz by moguo miec taki Vorzeigefluss - Kuodka, yno ze sie
uo niygo niy staro! teroski zodyn obcy (Ausländer) nic dobrygo by
niy padou jak byjs go na Wilhelmstrasse na moscie postowiou i kozou
se Kuodka uobejrzec i te stare autoreifen driny...