Jorg Łokradziony

[broneknotgeld]

Znak to czasu! Znak rowności!
Tako niych przi Rondzie gości!

Czy Polska złodziejstwym stoji?
Kto sie kraść tu cosik boji?

[broneknotgeld]

Mo mieć Ziyntek muster nowy
Niy trza na to tyngi gowy
By spokopić - to być musi
Tako widać co nos dusi.

[broneknotgeld]

Złomiorz mioł artysty dusza
Tako lepi - szkryfnońć musza.

[broneknotgeld]

Cosik we nocy słyczać tam było
Krzidła machały wietrzysko wyło
I zdo sie jakby jakeś ślintanie
Możno popłakoł se duch-powstaniec?

Zowdy już bydzie to ło połnocy?
Czy richtig miejsce w beboka mocy?
Toż nawet krykom go niy przegonisz
Dyć jako wtedy richtig łobronisz?

[broneknotgeld]

Utropa Hefajsta

Dyć na Hefajsta prziszła utropa
Zmiynk mu - żol jakby we wekslach chopa
A Afrodyta durś we poczebie
Na ziymi tako jako i w niebie

Toż sie jyj ślubny na Ślonsk zabłonkoł
Hermes doradzioł by w Rawie tonkoł
Ciuliczek co go łostatnio zwodzioł
To go niy retło choć w szlomie brodzioł

Szczyńściym przi krzidłach na Jorga bliknoł
Zarozki kryja mu tako wytnoł
Przimierzoł - kurde, richtig pasuje!
Hehe - bogini jom teroz czuje!

[broneknotgeld]

"Jorgowo Kryka"

Dlo tych co lubiom pierońsko brykać
Niychej nogrodom "Jorgowo Kryka".

[broneknotgeld]

Kryka znodli

Na złomowisku kryka już znodli
Czym mie pierońsko przi tymu bodli?
Chcom jom Jorgowi wprowiać łod nowa
Zdo sie w tym teroz jakosik zmowa

Kurde - w Anglyji z krymski harmaty
Krziże rychtujom - a to nom braty
Możno tym mustrym u nos tyż tako
Medale zrobiom - kryce jednako.

[broneknotgeld]

Złomiorzowi

Możno karlusie krolym żeś polskim
Ze ajzynzigom zdosz mi sie swojski.

[broneknotgeld]

Medal Jorga

Komu prziznać piyrszo sztuka?
Złomiorzowi - niy trza szukać
Toż zasługa w tym jest jego
Trza nogrodzić fest istnego.

[broneknotgeld]

Młodszy

Jorg młodszy zdo sie bez kryki swoji
Niych na dwoch gyrach przi krzidłach stoji.

[broneknotgeld]

Z kryki fujara

Jakby ze kryki fujara zrobić
Przeca istnego mogłaby zdobić
Możnoby zagroł coś na ni tako
Jak w "Parku Ziyntka" ktosik zakrako.

[broneknotgeld]

No dyć już tako - mo nowo kryka
By wele Spodka mog se posmykać.

[broneknotgeld]

"Polak potrafi"

Sie przekonomy co kryka szczimie
Ta nowo - już utwardzono
Czy richtig siyła w Polokach drzymie?
Kto zaś robota wykono?

[broneknotgeld]

Ktoś wele Spodka zaś postukuje
Strach ło połnocy tako se czuje
Cider mi ło tym prawie powiedzioł
Co widzioł Jorga kery tam siedzioł.

[broneknotgeld]

Pieśniczka Jorga

Ło moja kryko
Ty żeś ze spiży
Już ci tu karlus
Jakiś ubliżoł
Co za komuny
By żył z roboty
Możno złomiorzym
Niy jest z gupoty

Ło kryko moja
Mom cie zaś nowo
Bydziesz łostatnio
Czy mi sie zdowo?
Bo czasy dziwne
Teroz nastały
Jo żech tu wielki
A tnie mie mały.

[kutz.kazimierz]

kochom B.N. !
BRAWO!!!

[broneknotgeld]

Trza ślonski fraszce naprowdy pszoć
forum.gazeta.pl/forum/71,1.html?f=28940
I ło stolica jeji sie boć
Szkryfnońć kejniykej na forum cosik
Tako dołożyć swoj zocny "grosik".