fajno godka

[Gość: kaka]

Murzinek Bambo
>W Afryce miyszko Bambo Murzinek
>Blank czorny,mały,lokaty synek.
>Czorno mo matka,łojca czornego.
>Ujka i ciotka,dziadka i kożdego.
>Mo piykno chałpa.By ją zbudować.
>Trza mieć patyki,deski i trowa.
>Bo przeca lepszyj chałpy nie trzeba.
>Jak się rok cały hyc leje z nieba.
>Bestoż to nagie są Afrykany.
>I mało kery je łobleczony.
>Bestoż fest dużo se uszporują.
>Bo czopek,mantli...nic nie kupują.
>Bambo Murzinek,to mądry synek.
>I niy mo w szkole samych jedynek.
>Bo się mądrości wkłodo do głowy.
>W swyj afrykańskij szkole ze trowy.
>W szkole tyj niy ma ławek,tablicy.
>I gimnastycznej sali by ćwiczyć.
>Tam wszyscy afrykańscy szkolorze.
>Maja się od nos troszyczka gorzyj.
>Bo brak im heftów,taszy z książkami.
>Bestoż po piosku piszą palcami.
>Lecz skuli tego tyż fajnie mają.
>Bo im nic do dom nie zadowają.
>Jak już Murzinki w szkole głod mają.
>To przerwa robią i se śniodają.
>Ale niy mają tasz ze sznitami.
>Ani sklepiku ze kołoczkami.
>Głodny Murzinek se w las zaleci.
>By se na drzewie fest pomaszkecić.
>Może se urwać figi,daktyle.
>Lub po banany na drzewo wylyąć.
>A jak go suszy to zamiast Coli.
>Na fest się wielko palma gramoli.
>Kaj sie napije bardzo zdrowego.
>Mlyczka łorzecha kokosowego

[Gość: GOSC]

Jest na banhowie ciynszko maszyna
Rubo jak kachlok – niy limuzyna
Stoji i dycho, parsko i zipie,
A hajer jeszcze wongiel w nią sypie.
Potym wagony podopinali
I całym szwongym kajś pojechali.
W piyrszym siedziały se dwa Hanysy
Jedyn kudłaty, a drugi łysy,
Prawie do siebie nic niy godali,
Bo się do kupy jeszcze niy znali.
W drugim jechała banda goroli
Wiyźli ze sobą krzinka jaboli
I pełne kofry samych presworsztóf
I kabanina prościutko z rusztu.
Pili i żarli, jeszcze śpiywali,
Potym bez łokno wszyscy rzigali.
W czecim Cygony, Żydy, Araby
W czwortym jechały zaś same baby.
W piontym zaś Ruski. Ci mieli życie!
Sasza łożarty siedzioł na tricie.
Gwiozda na czopce, stargane łachy,
Krziwiył pycholem i ciepoł machy.
W szóstym zaś były same armaty,
Co je wachował jakiś puklaty.
W siódmym dwa szranki, pufy, wertikol,
Smyczy maszyna może donikąd.
Jak przejyżdżali bez Śląskie Piekary
Kaj wom to robiom kółka do kary,
Maszyna sztopła! Kufry śleciały
I każdy lotoł jak pogupiały.
To jakiś ciućmok, pijok i łajza!
Ciupnął i ślimtoł sygnał na glajzach.
Mog iść do haźla abo do lasa,
Niy pokazywać tego mamlasa!
Potym mu ale do szmot nakopali,
Maszyna ruszyła, cug jechoł dali.
Bez pola, lasy, góry, tunele,
Dar za sobom samym te duperele
Aż się zagrzoły te biydne glajzy,
Maszyna sztopła i koniec jazdy.

[wilym]

:-)))

blank fajno godka

[peterp]

;-)))))

[Gość: Hanysek]

Pierwsze literackie dziela "narodu" slaskiego... Ogarnia mnie wzruszenie! :-)

[Gość: GOSC]

W Zobrzu, w familoku starym,
Miyszkoł jedyn chop, Hilary.
Mioł on pamiynć pieronowo
I jak yno ruszoł gową,
To dzieje spominoł stare:
- Kiedy piyrszy mioł zygarek,
- Jak konie były na grubie,
- Godoł jak sie piyrze szkubie,
- Kaj utopki w stowie żyją,
- Czamu łożyroki piją,
- Na co były biydaszyby,
- Kiedy rosną wielge grziby
- Kaj król dycki piechty łazi...
...ale kaj se brele wraził,
To Hilary zapomino,
Choć jeszcze mioł je przed chwilą!
Bestoż z niyszczynśliwą miną
Cołko chałpa przeszukuje
I pierońsko pieronuje.
Ale se niy myślcie wcale,
Że w tym poszukiwań szale,
W izbie delówka pozrywo.
Tak to na Śląsku niy bywo!
Wiync co zrobioł nasz Hilary?
A dyć obyczajym starym,
Jak to pobożno duszyczka,
Porzykoł do Antoniczka,
Tego patrona świyntego,
Od wszyskigo zgubionego.
Świynty drapko go wysuchoł
I tak padoł mu na ucho:
Ach Hilary! Ty Gorolu!
Dyć mosz brele na kicholu!

[peterp]

a mo fto jescze to ?

"Uwe i Wili w jednyj stoli wili
Uwe na wiyrchu a Wili......"

[peterp]

Uwe i Wili w jednej stali wili,
Uwe na wierchu, a Wili na dole.
Uwe spokojny nie wadzi nikomu,
a Wili wyrabioł choby we stodole.
To pies, to hazok, ciepoł w nim ryczkami,
Gupioł i tupoł durś trzaskoł drzwierzami.
A kiedy szczylać zaczon z palacpatronów,
A dymu pełno było w cołkim domu
Uwe sie wnerwił i zloz na dół do niego
I pado: Wili, ja nie szczimia tego!
A Wili na to: Co komu to jemu, a jemu to komu,
Ty giździe pieroński, jo se w swoim domu.

Uwe po gowie podropoł sie ino,
Poszoł do siebie i coś medytowoł...
Rano Wili jeszcze na szislongu chrapie,
Naroz mu cosik z gipsdeki na kichol kapie.
Serwoł sie Wili, leci ku górze.
Stuk! Puk! Zamknione!!!
Filuje przez dziura, Herr Jezu, Cała izba we wodzie,
A Uwe se siedzi z wyndkom na bifyju
Was machts du, Uwe ? Jo se fisza łowie
Du bist Idiot, mie kapie na gowe!
A Uwe mu na to: Co komu to jemu, a jemu to komu,
Ty giździe pieroński, jo se w swoim domu.

do tego jeszcze

[peterp]

I na tym by mogli skończyć ta bajeczka,
Ale naroz Wili po schodach kulo dynamitu beczka
Stawio jom pod drzwiami segmentu M-4,
A Uwe na lajerze gro nasze szlagiery
Wili lont hajcnoł, szpryngnyło....
A ...drzwi nie rozwalił.
Uwe chichrac się zaczon i pado:

Ty gupi capie! W naszyj chałpie gipsdeka nie kapie!