do Hanysa

[laband]

sam przipomna te kerys jeszcze niydou:

Biouo dama ze starego zomku we Szauszy

Szausza to je jedna ze wsiow kere lezom niydaleko ode Glywic i kero mo tysz
jedna swoja legynda, kero sie potym zresztom w zycie obrucioua.
Bouo to downo tymu jak jeszcze "Pony" ze Szauszy we starym zomku miyszkali.
Zomek tyn postowiyli we roku 1781 a juz niydugo potym straszoua tam ta biouo
dama. Niykere niychcieli wierzyc ize ona tam naprowdy miyszko, tym sie ona
tysz zowdy za kara pokozywaua i ich straszoua. Bou roz dwiesta lot tymu
jedyn francuski oficyjer kery we tych napoleonskich fojnach trefiou do
szauszy i tam miou spac. Tyn Francyjok za pierona niychciou wierzyc we
ta "biouo dama" i sie podsmiywou kej mu o niyj rozprowiali przi jodle. Kej
juz se pojod to poszou do odniego izby we tym starym zomku i chciou sie
prawie legnonc, a tu naroz drzwiyza sie roztwiyrajom i stowo we tyj izbie
tako biouo mara. Ta mara to boua ta biouo dama, a miaua na gowie taki biouy
caun, choby gardina, i obleczono boua blank coukym po biouymu. Tyn francuski
oficyjer zaro uapsnou pistoula i szczelou we nia, ale kula ino sie pokulaua
po izbie i legua kole klajdu od biouyj damy. On, tyn Francyjok, juzas nic
ino za szabla uapsnou i chciou niom machnonc, ale naroz mu sie ino gryf we
rynce ostou, a szabla lezaua juzas, tak jak kula od pistouli tysz, kole
biouyj damy. Francyjok sie zrobiou blady jak kyjza i sie obalou, bo dostou
hercklekotow i hercszlagu.
Potym to ino policmajstry i syndzie wynodli ize to niy boua zodno mara ino
pokojowka ze zomku kero chciaua dac nauczka tymu wojokowi ze Francyji. A
boua ona tako szprytno i wysu'a przodki proch ze pistouli i rozmontowaua
tysz szabla kero Francyjok ostowiou lezec we izbie.
Tak to je ze niydowiarkami, kere niywierzom we mary i "bioue damy". Tyn
zomek mogecie se obejzec na obrozku kery namalowou inkszy wojok we 1810
roku, kerymu bouo Höcker i kery go namalowou tak coby bouo widac i okno ze
tego cimra we kerym miyszkou tyn wojok ze Francyji. Potym postowiyli we
Szauszy nowy zomek i jakos sie ta "biouo dama" stracioua. Mozno sie jyj tyn
nowy zomek wiyncyj podobou i sie tam przekludzioua, pieron wiy.

Pyrsk!

"Im Kieferstädtel" i inksze

[laband]

"Im Kieferstädtel im kreise Gleiwitz saß einmal ein alter Mann rauchend am
Wasser und fischte; er hatte aber bei seiner Tätigkeit kein Glück. Da kam der
Wassermann herzu und bat ihn, er möge ihm ein Weilchen die Tabakpfeife borgen;
dafür wolle er ihm beim Fischfang helfen. Der Alte lieh dem Wassermann die
Pfeife. Zum Lohne führte ihn der Wassermann an eine Stelle des Teiches, wo er
in kurzer Zeit sehr viele Fische fing. Während der Wassermann bei der reichen
Beute Wache hielt, holte der Fischer einen Handwagen und eine Wanne herbei.
Darauf gab der Wassermann dankend die Pfeife zurück und verabschiedete sich
vom alten, der seine Last vergnügt nach Hause fuhr."

To bou krotki tekst ze "Volkssagen aus Oberschlesien" ze serii "Zickfeldts
Sagenhefte"(wydane we roku 1938).




"Eine Frau verhext Kühe

Ein Schüler erzählt:
Mein Großvater war in Gottschütz, einem Dorfe nahe bei Tost. Als er an einem
Karfreitag morgens um 5 Uhr nach Hause ging, sah er, wie eine Frau sich etwas
am Feldkreuze zu schaffen machte. Beim Näherkommen merkte er, daß sie mit dem
Beinen nach oben und dem Kopfe nach unten am Kreuze emporkletterte. Am Fuße
des Kreuzes standen drei Eimer, die mit dünner, blauer Milch gefüllt waren. Da
mein Großvater die Frau erkannte, rief er sie beim Namen und fragte, was sie
hier mache. Die Frau sagte: >>Heute hab ich mich gerächt. Die Kühe meiner
Nachbarsleute werden von nun an keine Milch mehr geben. Das sage ich dir, weil
du mich gefragt hast. Wenn du mich aber verrätst, bist du in drei Tagen eine
Leiche!<< Dann sprang sie vom Kreuze herunter, warf die drei Eimer um, so daß
die Milch auf die Erde rann, und verschwand. Tatsächlich gaben die Kühe der
Nachbarsleute von diesem Augenblick an keine Milch mehr. Mein Großvater kannte
den Grund, aber er durfte darüber nicht sprechen."


"Der Kirchbau in Hohenlieben

Das Dorf Hohenlieben im Kreise Gleiwitz hat ein Ober- und ein Niederdorf Im
Niederdorfe lebte einst ein Stellmacher, der oft fluchte und auf den lieben
gott schimpfte. Damals wollte man im Niederdorfe eine Kirche bauen. Das Holz
und die steine waren schon angefahren. Am nächsten Tage sollte mit dem Bau
begonnen werden. als aber die Handwerker ankamen, suchten sie vergeblich nach
den Balken und Ziegelsteinen. Diese lagen auf einem freiem Platze im
Oberdorfe. Mühsam wurden die Baustoffe zurückgeschafft, aber am nächsten
Morgen lagen sie wieder im Oberdorfe. Da erkannten die Leute, daß Gott die
Kirche nicht im Niederdorfe, sondern im Oberdorfe haben wolle, und meinten,
daß der böse Stellmacher daran schuld sei.
So kam die Kirche ins Oberdorf."

O Achimie i Utopku

[laband]

"Niydaleko starego mosta Zakanauym, prawie tam kaj sie kedys jedna dziouszka i
syneczek utopiyli miyszkou se roz jedyn blank stary utopiec, na kerego wszyske
godali ajnfach Utopek. Miou on moda kusic bajtli coby sie tam uaziyli toplac
we wodzie. Ouma padaua, co jak boua blank mauo i smarkato dziouszka, to go roz
nawet uwidziaua jak skoczou do wody i zamiyniou sie we ynta. Inksze godajom co
widzieli go i miou zawsze obleczono tako maszkytno czerwono choby cypelmyca,
kero wisiaua mu na papla i durch kapaua z niyj woda. Jak sie bouo samym to go
szuo podobno niykedy uwidziec jak sie przemiyniou we czerwono ynta, abo jak mu
sie chciauo to we konia abo gouymbia. No to miyszkou on tam we trowie zaro
kole brzega i kole tego starego mosta. Juz niywiedzieli co z nim zrobic coby
sie wykludziou. Roz ale prziszou Zakanau jedyn chop, kerymu bouo Achim i kery
miou moda godac durch >>peronie<<, do gospody na piwo i opedziou co u nich we
wsi robiyli kej skludziou sie do nich do rzeki jaki utopiec. To je ale juzas
blank inkszo geszichta, a godo ona, co utopca cza chycic jak je burza i padze,
ino musi byc wiyncyj chopow, bo utopce som fest slizgate i ciynzko je uczimac.
Jak je burza i padze to wylazujom te utopce na brzeg i spinajom sie na lipy
coby uomac gauynzie. No to jak go juz we tako burza sie chyci, to cza go
okryncic sznurom, kero dziouchy muszom uplysc ze bastu ze modyj lipy. On
takego sznorka niyporadzi ajnfach urwac i poli go to tak dugo aze blank go
spoli i couki sie zrobi suchy. Beztosz tysz jak kajsik kole wody rosnom mode
lipy to majom zawsze pouomane gauynzie, to je robota utopcow, one je ze
strachu uomiom. A u nos Zakanauym to juz ani jedna lipa kole Kuodki niy
rosnie! No ja, inkszo rzecz ze ani bajtlom na mysl niy przidzie tam sie isc
kompac i zodyn tysz juz downo utopcow niywidziou. A tyn Utopek to musiou sie
dowiedziec chyba, co jedyn Achim we gospodzie uabyndziokom opedziou i som sie
straciou, bo zodyn go wiyncyj niy widziou. A tego Achima to niydowno jeszcze
szuo we gospodach na coukim Gornym Slonsku trefic, poznocie go potym co durch
godo pieron, pieronske abo pieronym. No tosz to by bouo tela.

Pyrsk!