Europa po ślonsku

[broneknotgeld]

"Pionto pora roku" to karnawał tukej
Jak chcesz sie zabawić kaj ińdzi niy szukej.


Ze Chorwacji

Co ze Chorwacji sie przipomino?
Piyńć kun żech płacioł za dobre wino
Ze beki liter mi cołki loli
I sie życzliwie tyż zowdy śmioli

Na zmiana pioł żech biołe czerwone
Kożdy moj dzionek mioł taki koniec
Skiż tego bych tam pojechoł jeszcze
Smak tego wina pamiyntom - wierzcie.

[broneknotgeld]

"Prsutu"

Szinka na surowo ze kyjzom w łoleju
Do tego keliszek rakiji polejom.

[broneknotgeld]

Ło Chorwacji

Ponoć lawyndy i wina krajym
Yno niy pomyl jom ze tym rajym.

[broneknotgeld]

Łod kwietnia

Łod kwietnia do października
Niy trza tukej yno rzykać
Sezon przeca w ty dziedzinie
Toż i wandrus jyj niy minie.

[broneknotgeld]

8 miljonow

Miljony wandrusow gości tu co roku
Dziynki niym dość drapko kraj wyloz ze ćmoku
Co po śmierci Tito Jugosławiom rzońdzioł
Tyn ćmok w końcu ponoć do piekła zabłońdzioł.

[broneknotgeld]

1777 kilometrow

Tela wybrzeżo Chorwacjo mo
Czy jakiś wandrus je cołke zno?

[broneknotgeld]

Wrog?

Ło Janie Pawle powiydz złe słowo
Z Chorwata wrog twoj zaroz sie zdowo
Uznoł im państwo nasz papiyż piyrszy
Bestoż we duszach jejich nojwyrszy.

[broneknotgeld]

Dwa kusiole

Chorwata całuj yno dwa razy
W czecim już bydzie wiela łobrazy.

[broneknotgeld]

66 wysp

Choć wysp zrachujesz tu przeszło tysionc
Tela jest "ludnych" mogbych se przisiońść
Bo cołko reszta bezludno przeca
Trza do inkszego wciepać je neca.

[broneknotgeld]

Chorwacko trojca

Czi mocne trunki Chorwacjo mo
Rakija kożdy we gymbie zno
Dyć dobro przeca i śliwowica
A jak kto woli - ta trawarica.

[broneknotgeld]

Chorwacke wina


Dingac plavac mali
Trza rachować dali?
Już tych win mi styknie
W gowie szumi piyknie.

[broneknotgeld]

Trufle

Trufle we jedzyniu mie tu zodziwiajom
Zdo sie - po Francuzach łoni fest im pszajom.

[broneknotgeld]

"Juha"

Juha ańtopfym tukej niy bydzie
Zdo sie co głod z niyj na wiynkszy przidzie
Drugego danio toż niy łomina
Choć coś za gorko tukej dziedzina.

[broneknotgeld]

Park Narodowy Krka

Wodospady na rzece mie kuszom
Toż w ta strona terozki wyruszom
Toplj jest ze nich podobnoś dość srogi
Toż zamocza sie pod niym jo nogi.

[broneknotgeld]

"Burek"

W cieście miunso zapieczone
Abo kyjza - na tym koniec.

[broneknotgeld]

Perły Adriatyku

Ano wiy kożdy - wyspy Chorwacji
Czy ktosik powiy co niy mom racji?

[broneknotgeld]

Horwacke żupanie

Tako do dzisioj tyn kraj se dzieli
Toż ło żupanach niy zapomnieli.

[broneknotgeld]

Chorwacke klapy

Niymi Chorwacjo przepiyknie spiywo
Możno nikery se tymu dziwo
Dyć ze muzyczkom, pieśniczkom tako
Czowiek i cieszy i czasym płako.

[broneknotgeld]

W Vela Luce

W Vela Luce na korczuli
Klapa kamyń tyż rozczuli
Śpiywo stary śpiywo mody
Toż pieśniczka jest do zgody.

[broneknotgeld]

Kamiynno Chorwacjo

Staro Chorwacjo w kamyniu żyje
Zdo sie co serce jeji durś bije.

[broneknotgeld]

"Wawrzyn"

Ano - drzewo Apollina
We Chorwacji wszyndy rośnie
Stond wesoło ludzi mina
Słonko wito ich radośnie

Zjysz ze kartoflonkom liście
Zło łodgoniom łod czowieka
Tref swoj poznać chcielibyście
Toż jest laur - na co czekać?

[broneknotgeld]

Niy minie

Dusza Chorwacji kryje se w winie
Tako i radość tukej niy minie.

[broneknotgeld]

Jak ze ślubnom

Jak ze ślubnom z winoroślom se Chorwat łobchodzi
Jak na trocha jom łostawi to już mu niy rodzi
Tako wiy że dbać tyż musi ło beczki w pywnicy
W tym lynistwo niy pokusi - sumiynie niy ryczy.

[broneknotgeld]

Oliwka

Ano - rodzicielkom oliwka se zdowo
Choć na duge roki jom kery łostowio
Dyć go zaś prziwito i łobdorzy plonym
Dlo Chorwata matkom co kuko przed domym.

[broneknotgeld]

Hvarsko łoliwa

Jabka w niyj czujesz
Jak posmakujesz.

[broneknotgeld]

Visko łoliwa

Ze rozmarynym
Zdo ci se krzyny.

[broneknotgeld]

Travarica

Travarica z trowom
Dyć se niom niy dowiom
Bo przejrzysz na łoczy
Radość w dusza skoczy.

[broneknotgeld]

SŁawoljub Penkala

Ano tyn Zagrzeb istny rozsławioł
Przeca łon piyrszy filer nom sprawioł
I kugelszrajber tako wynoloz
Niym do Ponboczka na końcu poloz.

[broneknotgeld]

W karnawale burgemajster klucze miasta zdowo
W rynce Mistrza i Królowy bo wiy że to zdrowo
Miesionc łoni tukej "rzondzom" - przebiyrańcow władza
Śmiych zabawa tańcowanie - szczyńście tyż w to wsadza
Tym ta zima przepyndzajom - wiosna prziwołujom
Nowe życie w zocy majom bestoż sie radujom.


14.II. - św. Walyntego

Bajtle fest uciecha majom
W tyn dziyń tyż sie przblykajom
Wielko w mieście jest parada
Pszonie - życie - maszkarada.


Bal maskowy w łostatnio sobota

Za Franca Jozefa tukej lepszo sfera
Zowdy sie bawiyła richtig aż za wiela
Bal w pałacu zocny - u gubernatora
Kończoł sie jak ranno przichodziyła pora

I dzisioj sie bawi chorwacko elita
We maskach - ło miano ich lepi niy pytać
Tako jednak przeca tradycjo im koże
Karnawał sie kończy - pościć trza zaś Boże.


Łostatnio niydziela karnawału

Przebleczony pochod miyndzynarodowo
Wszysko sie raduje bo to przeca zdrowo
Miastym karnawału Europy Rijeka
Trza nom tam pojechać - niy bydymy czekać.

Rijeka

[broneknotgeld]

Jak woło Rijeka
To niy możesz czekać.

[broneknotgeld]

Zadar

Na forum antyczne tukej se podziwej
Bo siyngo tyn Zadar richtig czasow downych
No ja - dyć jeronie już nosym niy kiwej
Wiymy że to konsek Chorwacji cudowny.

[broneknotgeld]

Sibenik

Sibenik łod morza w pelny swoji krasie
Na postoj u przeca tyż zaczimać trza sie.

[broneknotgeld]

Zagrzeb

Toż Chorwacji to stolica
Pokazuje nom dwa lica
Dyć niy lewe ani prawe
Gorne dolne - niyciekawie?

Pula

[broneknotgeld]

Binder w Puli

Karkym amfityjatr rzymski
Kery szczimoł rożne klynski
By se bindrym tym poasić
Cołke miasto jakby krasić.

[broneknotgeld]

Binder gigant

Łoziymdziesiont łoziym metrow był dugi
Dwadziścia piyńć zaś szyroki
Nigdy niy bydzie już taki drugi!
Niy ma z tym leko - boroki!

[broneknotgeld]

Koloseum w Puli

Na Istrii ta Pula koloseum mo
Ciyngym tyntni życiym - tako mi sie zdo
Piyrwyj gladiatory tukej zabowiali
Koncerty festyny - tako leci dali.

Pag

[broneknotgeld]

"Paszke cipke"

Koronki z ty wyspy niy som heklowane
Dyć zdajom sie cudym co przed łoczy dane
Toż blyszczejom niymi tu ludowe szaty
Ołtorz bez koronki zdo sie tyż sagaty.

[broneknotgeld]

We domach

We domach ty wyspy koronki na ścianie
Żol coby na stole były popaprane.

[broneknotgeld]

Zadar 2003

Koronczarki z Pagu przez dwa lata szyły
Czidziści do tego toż tako skończyły
Jak papiyż przijechoł nastoł czas radości
Łobrus wielki dały - na ołtorzu gości
Niych zdobi koronka piotrowo stolica
Ta myśl z zocny wyspy frelom krasi lica.

Hvar

[broneknotgeld]

Maderom Chorwacji ta wyspa jest zwano
Skiż wina i słonka take jeji miano.

[broneknotgeld]

Bogactwo Hvaru

Lawynda rozmaryn i wrzosy
Łoczy tu cieszom i nosy
Dyć asi sie czym? -Winoroślom!
Ze Hvaru niych wina nom doślom!

[broneknotgeld]

Na Hvarze

W Dalmacji nojwiyncy tu słonca
Toż zdo sie co lato bez konca.

Stari Grad

[broneknotgeld]

Stari Grad

To miano niy dziwi wandrusa
Toż wyspy stolica wpiyrw była
Zoglondnońć do Gradu tyż musza
Bo przeca zobytkow tu siyła.

[broneknotgeld]

Twierdza

Niy ku paradzie twierdza tu była
Stolica wyspy miała mieć siyła
I choć Hvarowi piyrszyństwo dała
Ze tym zobytkym przeca łostała.

[broneknotgeld]

Rynek

Renesansowym rynkym sie aszom
Choć i barokym ta sztela kraszom
Ze dalmatyńskich nojwiynkszo przeca
Toż jeszcze jedyn profit do neca.

[broneknotgeld]

Tyjater 1612

Kaj we Chorwacji starszy tyjater
Zdo sie co inkszych łon jakby fater.

Trogir

[broneknotgeld]

Traugarion 385 r p.n.e.

"Koziom wsiom" Greki osada zwali
Dyć wpiyrw se łoni tu osiedlali
Wyspa sie richtig im spodobała
I zdo sie wiela szczyńścio tyż miała.

[broneknotgeld]

Suchom gyrom

Suchom gyrom w trogirze se znojdziesz
Przeca mostym łod lot tukej dojdziesz.

Szybenik

[broneknotgeld]

W Szybeniku

Byda ze tobom naprowdy szczyry
Cie w Szybeniku rozbolom gyry
Łazić po mieście tukej trza wiela
Dyć cie schodami umynczy sztela.

Dubrownik

[broneknotgeld]

Stradun

Po Stradunie se deptom poleku
Już na bombki jo wcale niy czekom
Dyć chca wiedzieć czy richtig żech w raju?
Czy se yno do rymu tak bajom?

[broneknotgeld]

Dubrownik

Czym w Polsce Krakow
Tym Dubrownik tukej
Na połedniu kraju
Nawet go tyż szukej.

Split

[broneknotgeld]

Pałac Dioklecjana

Pałac Dioklecjana w Split se jakby wtopioł
Co niym tukej niy jest - niy byda se tropioł
Dlo mie zdo sie sercym miasta portowego
Tako we pamiyńci łostawia jo jego.

Korczula

[broneknotgeld]

Na Korczuli

Na Korczuli wiela
Pola miano nosi
Czy wandrujom tela?
Historio niy głosi

[broneknotgeld]

Wyspa stolicy nosi se miano?
Czy jyj ze wyspy tako tyż dano?

Vela Luca

[broneknotgeld]

W Vela Luce

W Vela Luce łyk wina jest śpiywym
Zdo sie richtig chorwackim to dziwym
Przetrynujesz se struny głosowe
Niym ci Bachus zaszumi we gowie.

[broneknotgeld]

Śpiywajonco

Śpiywajonco tu wino se pija
Śpiywajonco tyż ciyngym i żyja
Śpiywajonco jest ta Vela Luka
Inkszy taki na darmo mi szukać.

[broneknotgeld]

Wiater z Adriatykym
I chorwacke wino
Śpiywka mi tutejszo
Ciyngym przipomino.

Blato

[broneknotgeld]

Blato

Z Vela Luki zoglondna do Blato
Przeca sztela to tyż niy sagato
Choć łod morza ździybeczko jest dali
Jakiś planow mi to niy łobali.

[broneknotgeld]

Kościoł św Hieronima

Zdo sie inksze zobytki łon gasi
Niy dziwota - niym Blato sie asi.

[broneknotgeld]

Korczula 1254

Rok dlo grodu przezocny
Marco Polo se rodzioł
W wandrowaniu był mocny
Ze Korczuli pochodzioł.

[broneknotgeld]

Starowka

Starowka Korczuli murami łokryto
I łone som piykne - jakby se kto pytoł.

[broneknotgeld]

Katedra św. Marka

Gotyk z renesansym w jyj murach se miyni
W środku Tintoretto no i tyż Bellini.

[broneknotgeld]

Korczulańske tańce

W Vela Luce śpiywym
Tukej tancym zdo sie
Korczulańskim dziwym
Szczyńścio wiyncy mo sie.

[broneknotgeld]

Moreszka...

Moreszka mosztra kumpania
Cie proszom do tańcowania
Ło historyji tyż prawiom
Uczom i wiela zabawiom
Bo w niych zoklynte som przecie
Dalmacjo i średniowiecze.

[broneknotgeld]

Festiwal Turniejow Rycerskich

Zowdy we lato
Wybier se na to
Chocioż rycerzy niy ma już wiela
Dyć blyszczy niymi korczulsko sztela

[broneknotgeld]

Lipiec w korczuli

Na Marco pola festiwal zjedziesz
Radosciom bydzie śpiyw taniec wino
Niych duch wandrusa cie tu prziwiedzie
A potym dugo lipiec wspomino.

Bracz

[broneknotgeld]

Bracz

Wele Hvaru Bracz znojdziecie
Toz ciekawo wyspa przecie.

[broneknotgeld]

Na Korczula

Z wyspy Bracz chciołch bliknońć
Jo se na Korczula
Dyć Hvar jom zasłonio
Niy byda wos fulać.

[broneknotgeld]

"Bol"

"Bol" to gryfno p[laża
Se po niyj połaża
Słonko mie łopoli
Ponboczka trza chwolić.

[broneknotgeld]

"Złoty Rog"

Toż molo natury
Z piosku usypane
U podnoża gory
Ludziom tako dane.

[broneknotgeld]

Vidowo Gora (778 m n.p.m.)

Toz gorka nojwyrszo tu na Adriatyku
Z niyj i ta Korczula za Hvarym już widać
"Złoty rog" na niego terozki pomykom
Kaj mom knipsaparat? Mog mi se tu przidać!

[broneknotgeld]

Se chwol

Jak cie kusi braszke Brol
Toż tyn "złoty rog" se chwol.

[broneknotgeld]

Plaża "Bol"

Zdo sie nojgryfniejszo tukej
Bo kaj ińdzi taki szukej?

[broneknotgeld]

Kompielisko rzymske

Rzymske kompielisko na wyspie Bracz było
Niy cołkym se przeca przed czowiekym skryło
Choć rokow już przeszło setek richtig wiela
Dziwować se idzie na wiekowo sztela.

[broneknotgeld]

Taki kościoł

Świyntego Jana i Teodora
Tysionc lot stoji - wiym to łod wczoraj.

[broneknotgeld]

Kolory wyspy Bracz

Biołym kamiyniym blyszczom se grody
Zielyniom - lasy, modrościom - wody.

Krk

[broneknotgeld]

Krk (409 km kwadratowych)

Toż to nojwiynkszo wyspa Chorwacji
Na kero mostym ze londu wjedziesz
Cudym tyż zdo sie - w tym wiela racji
Życie na Krk se szczyńśliwie wiedzie.

[broneknotgeld]

Na wschodzie wyspy

Na wschodzie wyspy wopiynne skały
Co wiatry bora wieki smagały
Zdajom se w zdrzadło wody tu blikać
Modrościom jeji ło szczyńście rzykać.

Krk

[broneknotgeld]

Krk

Czi litery
Do cholery!

[broneknotgeld]

W Krk

W Krk se latym niy ponudzisz
Mozno dusza nawet zbudzisz
Tu koncerty i wystawy
Tako wiela tyż zabawy.

[broneknotgeld]

Miasto tyż

Krk to wyspa - miasto tyż
Przeca ło tym dobrze wiysz.

[broneknotgeld]

Dycho średniowieczym

Krk durś dycho średniowieczym
Czujesz to w uliczkach ciasnych
Z historyjom mosz uciechy
Bo niy taki terf twoj własny.

Baszka

[broneknotgeld]

Plaża w Baszce

Miejsca dlo chyntnych na niyj wystyknie
Dwa kilometry ciongnie sie piyknie
Do tego ciepło klarowno woda
Piyknie jest tukej - co wiyncy godać?

Jurandvor

[broneknotgeld]

Stare wrota

We kościele świynty Łucji
Znojdziesz take wrota
Co zobytkym piśmiynnictwa
Narodu w tym cnota.

Pag

[broneknotgeld]

Mostym na Pag już drapko przejedziesz
Dyć se niy strachej tukej "ksiynżycym"
Zielyń i złoto jak dali wjedziesz
Tyż modrość wody porachuj przi tym.

[broneknotgeld]

Jugo i bora

Jugo i bora na Pag przilecom
Zowdy podobnoś bol gowy niecom
Szczyńściym niy słychać ło niych we lato
Bo by z turystow była sagato.

[broneknotgeld]

Owce

Ciynżko je tukej nawet zrachować
Wele sztyrdziści tysiyncy beczy
Młyko na kyjza dyć muszom dować
A jagniyńcina tyż niy "łod rzeczy".

[broneknotgeld]

Jagniyńcina

Miynso z natury już jest ziołowe
Nawet prziprowiać niy musi czowiek
Na łogniu yno upiyc je styknie
Toż na ty wyspie żyje se piyknie.

[broneknotgeld]

"Paszki syr"

Łowczo kyjza richtig słynie
W europejski ty dziedzinie.

Istria

[broneknotgeld]

Połwysep Istria kyksym sie zdowo
I we pamiyńci dugo łostowo.

[broneknotgeld]

"Teran"

Istryjski ziymi czerwone wino
Chorwacke czasy mi przipomino.

[broneknotgeld]

Jan Wielki

Na Istrji se rodzioł
By Wenecjo bić
Wolności przewodzioł
We kery chcioł żyć

Toż mu dzisioj tukej
Dynkmale stowiajom
Niyjednego szukej
Bo w zocy go majom.

Motovun

[broneknotgeld]

Mury motovuńske (XIII w.)

Motovuńske mury pamiontkom po wiekach
We kerych na wroga trza było w nich czekać.

[broneknotgeld]

Kościoł św. Stefana (XVII w.)

W Motovunie na ryneczku
Do kościoła zoglondniecie
Trza pokozać go i dzieckom
Toz zobytek zocny przecie.

[broneknotgeld]

Motovuńske lasy

Prawiom co Wenecjo dziynki niym dźwignyli
Piyrwyj wenecjany panami tu byli.

Beram

[broneknotgeld]

Beram

Już za Illirow wioska ta była
Wenecji tyż se kłoniała
I Austryjokom jak mieli siyła
Toż richtig wiela szczimała.

[broneknotgeld]

Beram - na św. Marcina

Na świyntego Marcina budzi se ta wioska
Ano - idzie popić we szteli niy troszka
Bo ze modym winym wroco tukej życie
Toż niy łomijejcie jak już ło tym wiycie.

[broneknotgeld]

Kościoł Matki Boski na Szkriljinach

Freski tu łodkryli z czinostego wieku
Już łod piyrszy wojny dyć je podziwiomy
Wincynta z Rastavy kunszt tako czowieku
Szczyńściym juzaś teroz przed łoczami momy.

Lovran

[broneknotgeld]

Lovran

Kurort ze lauru wzioł swoje miano
Kvarnyńsko Riwiera krasi
Słonko prziwito cie tukej rano
Lovranym przeca se asi.

Lovran

[broneknotgeld]

Lovran

Kurort ze lauru wzioł swoje miano
Kvarnyńsko Riwiera krasi
Słonko prziwito cie tukej rano
Lovranym przeca se asi.

[broneknotgeld]

W Lovran

Toz Stanik Witkiewicz w Lovran se kurowoł
Te miasto przed inksze we Chorwacji stowioł.

Vis

[broneknotgeld]

Wyspa Vis

Ta dalmacko wyspa ciyngym trocha dziko
Bestoz i w sezonie spokoj tu znojdziecie
Chcesz se huchnie bawić to ze Vis uciykosz
Tako se łod downa tukej przeca plecie.

Rovinju

[broneknotgeld]

Na kościele

Na kościele w Rovinju Eufemia durs stoji
Pogoda wskozuje - se Chorwat niy boji
Jako ta statua patrzy w same morze
Za słonko w dziyń cołki dziynkuja ci Boże.

[broneknotgeld]

Ze jaskiń krasowych ta Słowynio słynie
Przeca ich nojwiyncy w tutejszy dziedzinie

[broneknotgeld]

Festiwal Lata
Bych se tam bawioł przez cołke lato
Yno z roboty wyciepnom za to.


Słowyńsko kuchnia

Słowyńsko kuchnia jakby miyszano
Własno im cosik niy była dano
Italio z Austriom tukej we zgodzie
A i madziarsko tyż ze niyj bodzie.

[broneknotgeld]

France Presaren

Tyn poeta narodowy
Na banknocie tolarowym.

[broneknotgeld]

Słowynio - 2004

Illirowie Traki Celty
Tyż Rzymianie i Słowianie
Miszong tu zrobiyli wielki
A i Frankow czas nastanie

We habsburski potym szteli
Dugo ta dziedzina była
Dyć se sami rzońdzić chcieli
Narodowość sie rodziyła

Jeszcze w wieku dziewiytnostym
Z ciynia wyszli se Słowyńcy
Tyż dwudziesty wiek - niyprosty
Teroz jednak nic niy mynczy

Już minyło lot czinoście
Jak se sami tukej rzondzom
Wiedzom ło tym nawet goście
Że we ćmoku niy pobłondzom.

[broneknotgeld]

Jynzyk słowyński

Po prowdzie to jakby "tyglik jynzykowy"
Yno to i ło niym przichodzi do gowy
Dwa miljony ludzi - djalektow sztyrdziści
Wiela swoja godka durś tam przeca piyści.

[broneknotgeld]

Do Unii

Słowynio do Unii bogato se włazi
Bestoż w niyj niywiela Słowyńcow tyż razi

[broneknotgeld]

Krakovo

W Lublanie ta piykno dzielnica - Krakovo
Artystow prziciongo - tako mi sie zdowo.

[broneknotgeld]

Planica

Hopser tukej jest mamuci
Jo ze wiyrcha by żech uciyk.

[builder]

broneknotgeld napisał:

> No i zaś jo musza ciongnońć
> By Europa w Ślonzek wprzongnońć.
>

ty nic niy musisz=ty chcesz i tako je prowda,

[broneknotgeld]

Musza robić jednak som
Dyć se rada ze tym dom.

[broneknotgeld]

Macedonia

Macedonia mało dzisioj
Dyć ło Olku kożdy słyszoł
Wielke ziymie go czekały
Choć łon tyż był cosik mały.

[broneknotgeld]

Bośnia i Hecegowina

Toż czi narody fest tu miyszajom
Nojgorsze możno za sobom majom
Zdo sie - niy bydzie teroz im leko
Czas budowanio ciynżki ich czeko.

[broneknotgeld]

Ciyngym razym jeszcze łażom
Cołki szajdong - sie niy ważom
Belgrad ze Cetyniom w zgodzie?
Coś niy zowdy - jednak bodzie.

[broneknotgeld]

Dwie w jednym zdo sie?
Co z tego mo sie?

Czarnogóra

[broneknotgeld]

Czornogora

Łostatnimi czasy jakby zapomniano
Dyć przeca kraina przez Ponboczka dano
Jako wiela inkszych wszyskim bożym dzieciom
Rymy czornogorske niychej se nom klecom.

[broneknotgeld]

Ze Serbiom ciyngym we tany chodzi
Dyć możno sama chnet se "łodrodzi".

[broneknotgeld]

Czego brak?

Czego zdo sie tu brakować?
-Ziymi co plon moze dować
Ciyngym jakby jyj za mało
W tym mecyjo kraju cało.

[broneknotgeld]

Tara

Nojdugszo rzeka we Czornogorze
Zdo sie ze Pivom we jednym chorze
Toż czamu robisz zdziwione mina?
Jak se połonczom to bydzie Drina.

[broneknotgeld]

Zeta z Moraćom

Zeta z Moraćom prond wiodom szczodry
Lejom se wody w jezioro Szkodry
Do Adriatyku Bojanom zaś
By słodkom wodom te morze paś.

[broneknotgeld]

Sandżak

Za Brdami Sandżaku trocha
Tu Muzułmanow trza kochać.

[broneknotgeld]

Montenegro

Toż Turek gyry tu niy postawioł
Chocioż Bałkanow panym se jawioł.

[broneknotgeld]

Czornogorzec

Łon tyż z gory na cia paczy
Se wyrosnoł toż łonaczy.

[broneknotgeld]

V.2006 - Niypodległość?!

Czarnogory prymier tako
zapowiedzioł
Pewno bydzie łon przi tymu
teroz siedzioł.

Primorje

[broneknotgeld]

"Przimorze" już tu wandrusa ciongnie
We nowe czasy ta sztela wprzongnie.

[broneknotgeld]

Łod Hercegnovi

Łod Hercegnovi aż do Bojany
Szmat ziymi tukej Przimorzym zwany
Szaufynster jakby to Czarnogory
Chyba niy powiy inaczy ktory?

[broneknotgeld]

Boka Kotorsko

Łod Boki Kotorski brzeg richtig jest stromy
Dyć zatoki inkszy wielgi tu niy momy
Hercengovska Risanska Kotorska Tivatska
Sztyry w jedny - skiż tego idzie tyż poklackać.

[broneknotgeld]

290 km

Tela brzegu mo ta sztela
Jak na mały kraik - wiela.

[broneknotgeld]

Adriatyk

Czornogorski adriatyk czysty i fest słony
Idzie se zochwycać tu naprowdy łonym.

[broneknotgeld]

Primorje żyje

Primorje zyje z turysty
Profit z tym zdo sie czysty
I choć plaże tu żwirowe
Dyć se dobrze dychnie czowiek.

Środkowa Czarnogóra

[broneknotgeld]

Czornogorski kras
Środek szteli niych niy straszy
Yno cie zochwyci krasym
Przeca te wopiynne skały
Cudym jakby se nom zdały.

[broneknotgeld]

Doliny i jeziora

Doliny zety no i Moraćy
Wiela jezioro Szkoder tyż znaczy
Ło kerym prawiom że jest krasowe
Toż cosik teroz juz mosz we gowie.

Brda

[broneknotgeld]

Brda - wysoke gory

W ty czyńści kraju wiynksze som gory
Możno połazić po nich chce ktory
W "Przeklyntych" znojdzie nojwyrszy szczyt
Co Gor Dynarskich zocny mo sznyt.

[broneknotgeld]

"Maja kolac" (2528 m n.p.m.)

Nojwyrszom gorom wiedzie granica
Besoż albańske tyż jeji lica.

[broneknotgeld]

"Brdy"

Na wiela pasmow dzielom se "Brdy"?
Możno ktoś szkryfnie - możno ktoś wiy?

Kamenovo

[broneknotgeld]

Kamenovo

"Duge łodzie wikingow" ponoć tu kryńciyli
Toż tym Kamenovym fest se zochwyciyli.

[broneknotgeld]

Kotorski "fiord"

Zdo sie co richtig fiordym zatoka
Ze gor do morza szłoby tu skokać.

Budva

[broneknotgeld]

Budva

Budva żyje z turystyki
Toż łostowcie ździybko grosza
Niych mo dobre w tym wyniki
Dyć niy yno jo wos prosza.

Wyspa św. Stefana

[broneknotgeld]

Wyspa św. Stefana

Nojgryfniejszo w Montenegro
Z żodnom inkszom tu niy przegro.

[broneknotgeld]

Grobla

Krotko grobla do Stefana
Prziszoł tukej żech ze rana
Sie łotwarły bramy wrota
Wloz żech w końcu jo - niycnota.

[broneknotgeld]

Myto

Piyńć euro przi bramie trza stracić
Dyć niy żałuj - se łopłaci.

[broneknotgeld]

Za murami

Cołko wyspa za murami
Zdo sie chcieli być tu sami
Z londu łod sia z morza tyż
Take czasy były - wiysz.

[broneknotgeld]

Źrodełko

Przi bramie źrodełko - napić by se chciało
Wody co łodmłodzo nom dusza i ciało
Dyć jak se jyj szlukna na wyspa tyż wroca
Ze radości jeszcze piosynka zanuca.

Kotor

[broneknotgeld]

W Kotorze

Z Kotoru mury twierdza zrobiyły
Toz łona richtig nad Turkow siyły
Tako tu było przez wiekow wiela
I dzisioj takom zdo sie ta sztela.

[broneknotgeld]

Brama Morsko

Przez Brama Morsko przeloz żech przecie
Kotor jest za niom jak średniowiecze.

[broneknotgeld]

Cypr

Dlo mie Cypr przeca już Azjom był
A dzisioj w Unii ze nami
Europa teroz mo wiyncy siył
Łoni jak my - niy som sami.

[broneknotgeld]

Kedyś krolestwo

Krziżowcy se tukej tako porzońdziyli
Choć by to uczimać coś za słabi byli
Z czasym se łostało koloniom weneckom
A potym na dugo pod władzom tureckom

Wyspa tyż Angolom se w końcu dostała
W sześćdziesiontym roku zaś wolność nastała
I choć Cypr ze tego był naprowdy rod
Po sztyrnostu latach granica se kłod.

[broneknotgeld]

"Wraki" - galoty

Nurkować za niymi niy radza
Styknie jak na dupa wsadza.

[broneknotgeld]

"Commandaria Alasia"

To jest cypryjske dość mocne wino
Kere historio jakby wspomino
Bo ło tym przeca tukej godali
Że sie przez niego w jasyr dostali

Sulejman II tyn Cypr zdobywoł
Skiż "commandarji" - take to dziwo
Richtig pierońsko mu smakowało
Że sie w islamie łodstympstwym stało

Hehe - se znali tu na reklamie
Choć wino leci we gardła same
Możno jest we tym tyż trocha prowdy
Bo jeji "ziorko" w legyńdzie zowdy.


Osioł

Cypryjski osioł mo wiynksze uszy
Bestoż pod wiater łon se niy ruszy.

[broneknotgeld]

Śluby cypryjske

Jak sie żynić to na Cyprze
Frelka tu sie cie niy wyprze
Bo jom skorze Afrodyta
Jak? Trza sie wom ło to pytać?!

[broneknotgeld]

"Cypryda"

Tako tyż tu piyrwyj Afrodyta zwali
Toż Zeusa cerom zrodzonom ze Diony
Cypr miejscym narodzin bogowie dyć dali
Wypszono ta wyspa niy ybno jyj łonym.

[broneknotgeld]

300 dni w roku

Czista dni w roku
Świyci ci słonko
Byś se boroku
Do woli tonkoł

We wodzie modry
Zdo sie cudowny
Cypr dlo cia szczodry
I durś szykowny.

[broneknotgeld]

Londowisko

Ptokow na wiosna i podzim wiela
Toż londowiskym dlo nich ta sztela
Mogom se dychnońć i furgnońć dali
Już sie niy bojom ty morski fali.

[broneknotgeld]

"Meze"

Przed głownym daniym przekonsek tela
Że głod se traci - toż dziwno sztela.

[broneknotgeld]

"Haloumi"

Pokozała mu na migi
Że to kyjza z jeji cigi
Zjod Franc z grilla jom na gorko
Pofiglowoł potym z Dorkom.

[broneknotgeld]

"Zivania"

Toż gorzołeczka jejich gronowo
Zagryźć haloumi dobrze se zdowo.

[broneknotgeld]

"Loukumi"

Syrop z winogron ze pudercukrym
Słodszy niż krepel łoblony lukrym.

[broneknotgeld]

"Halloumi"

Kyjza ze łod cigi mlyka
Ponoć z chopa robi byka.

[broneknotgeld]

"Souvlaki"

Ano - szaszłyki ze cigi tako
Możno cap jakiś za istnom płako?

[broneknotgeld]

Wylazłaś!

Na Cypr wylazła żeś Afrodyto
Kaj uno stompłaś zaroz łokryto
Kwieciym przepiyknym ziymia ty wyspy
Ze pszoniym radość - tako dyć wiysz ty.

[broneknotgeld]

Przi Lunie

Przi Lunie łopłyniesz Skała Afrodyty
Ano - dlo bogini żeś teroz łodkryty.

[broneknotgeld]

Cypr Wyspom Miłości

Piyrwyj tu wiela orgietek było
Bez Afrodyty czy se skończyło?

[broneknotgeld]

Limassol

Se połazikuj tu o ruinach
Kere powstały skiż Apollina
Cypr to tyż przeca jest wyspa słońca
Lato tu jakby niy miało końca.

[broneknotgeld]

Pafos

Niy yno skiż Afrodyty ta miejscowość słynie
Toż katakumb krześcijańskich tyż czowiek niy minie.


Festiwal Afrodyty

Wrzesiyń - bestoż w Pafos teroz dużo gości
Festiwal tu piykny skiż wielki miyłości
Afrodytom miasto i Cypr cołki słynie
Tu sie narodziyła - w ty piykny dziedzinie.

[broneknotgeld]

W Pafos

W Pafos akwarium jest ze fiszami
Z cołkego świata - łoboczcie sami
Sie kolorami swojymi aszom
Łone przi tymu rykym niy straszom.

[broneknotgeld]

Szif piratow

Chcesz mieć na szifie jakeś przigody
Dej pozor - mogom wciepać do wody
Abo w ładowni za kara przimknońć
Byś se już niy chcioł piratom wymknońć.

[broneknotgeld]

Niydaleko Pafos

Niydaleko Pafos farma ze yjzlami
Jak wos coś pokusi treficie tam sami.

[broneknotgeld]

Wele Pafos

Skały Afrodyty prawie tu se kompiom
Choć do nich bogini na muszli niy płynie
Dyć przeca widoku gryfnego niy skompiom
Tako jako wszysko w cypryjski dziedzinie.

[broneknotgeld]

Kto łopłynie

Skały Afrodyty kto dzisioj łopłynie
Jak ze wody wyńdzie rok łostatni minie
Znali tu jednego - wiela razy płynoł
Czy ryby go zjadły? Ze życiym se minoł?

[broneknotgeld]

Larnaka

Wspominom w Larnace świyntego Łazarza
Kaj łon moczoł gyry jo se teroz łaża.

[broneknotgeld]

Nikozja murym se ciyngym dzieli
Ludzie po łobu stronach go chcieli?

Lefkara

[broneknotgeld]

Lefkara

W gorach Troodosu wioska to mało
Świat jyj se jakby zodziwić chciało
Koronki przeca take tu robiom
Zdo sie Europa niymi łozdobiom.

[broneknotgeld]

Lefkaryjske koronki

Cypr koronkami z Lefkary słynie
Toż dzieło kobiyt we ty dziedzinie
Mustrym zodziwi tyż niyjednego
Historio nawet wyczytosz z tego.

[broneknotgeld]

W Lefkarze

Durś nad koronkami siedzom tukej baby
Przeca ciyngym wiyncy rychtować ich trza by.

Mazotos

[broneknotgeld]

W Mazotos

W wiosce kamele park swoj aż majom
Toż se nikerzy tymu dziwajom
Chcom jym na puklu zicnońć tyż tako
Mogom - toż dlo nich przeca jednako.

Agros

[broneknotgeld]

Kościoł św. Mikołaja w Agros

Matka bosko w ty świontyni
Jezuskowi cycka dowo
Macierzyństwo sie niy miyni
Zowdy tako w łoczach stowo.

Agia Napa

[broneknotgeld]

Agia Napa

Agia Napa plażom kusi
Toż zoglondnońć kożdy musi.

[broneknotgeld]

Kamiynne mosty

Wele Agia Napa te mosty znojdziecie
Trza se czowiekowi dziwać tu przirodzie
Pewnikym połazić po nich ździybko chcecie
Coby se przeglondnońć tukej w czysty wodzie.

[broneknotgeld]

"Waterworld"

W Agia Napa jest park wodny
Zdo sie co naprowdy modny
Czy nojwiynkszy we Europie?
Wierzyć mi sie niy chce chopie.

Vouni

[broneknotgeld]

W Vouni

Toż we gorach Trodos wioseczka znojdziecie
Kaj yjzle se czimie "na pyndzyji" przecie
Możesz tukej nawet gowiydź adoptować
Dyć musisz co miesionc ździybko euro dować.

Kouklia

[broneknotgeld]

W Kouklji

Kaj dzisioj wioska na Cyprze leży
Raj zdoł sie piyrwyj - możecie wierzyć
W świontyni tukej łod Afrodyty
Czy mog być jakiś chop niywyżyty?

Dyć cery Cypru pszonie sławiyły
Na zawołanie pontnikow były
Tako bogini ofiarowały
To czego aże za wiela miały.

[broneknotgeld]

Kożdo Cypryjka

Kożdo Cypryjka ołtorzym Pani
Co Afrodytom - toż lygej na ni.

[broneknotgeld]

Tyż Kleopatra

Tyż Kleopatra przeca Cypr miała
Antoniuszowi se łoddowała
Jak Afrodyta na wyspie swoji
Kto pszoniym rzyko czy richtig broji?

[broneknotgeld]

Rzym

Tam kaj siedym gorek stanyła ta Roma
Europejczyk godo - Jo jest tukej w doma
Bo przeca my wiela erbli łod tych Rzymian
Choć legjonow jejich już łod downa niy ma.

[broneknotgeld]

Jezioro Garda

Jezioro Garda se w Alpach leży
Jakby zatoka - idzie w to wierzyć
Co sie we gory wysoke wcino
Fiord ze Norwegii tyż przipomino.

[broneknotgeld]

Jezioro Garda

Ze tego jeziora muster krzipce wziyły
No i możno richtig inaksze by były
Kto sie jednak spyto ło to Berlotti'ego
Jak downo już niy ma na świecie istnego.

[broneknotgeld]

Ferrari

Italyjoka w tym aucie dusza
Piykno - to szkryfnońć przeca tu musza.

[broneknotgeld]

Italyjo

Jako to szłapa Sycyljo kopie?
Toż italyjsko - dej pozor chopie.

[broneknotgeld]

Ćwierć miljona

Ćwierć miljona kilometrow
chnetko kwadratowych
Zdo sie dużo - kożdy przeca
dzisioj tako powiy.

[broneknotgeld]

Połnoc - połednie

Na połnocy mosz rowniny
we alpejskich ramach
Gory tako na połedniu
po Sycyljo sama.

[broneknotgeld]

Apyniny

Toż połwyspu łone "gnatym"
Se poznocie jeszcze na tym.

[broneknotgeld]

"Kultura Villanova"
W czecim tysioncleciu na połwyspie rosła
Przeca do znaczynio jakosik niy doszła
Nic że bronz i nawet ajza już tu znali
Etruski i Greki Italyjo dali.

[broneknotgeld]

VIII w.p.n.e.

Ano ano - coś sie budzi
Coroz wiyncy tukej ludzi
Greki fest kolonizujom
A Etruski u sia czujom.

[broneknotgeld]

800 r.p.n.e.

Skond Etruski tu sie wziyli?
-Zagadka do dzisioj przeca
Swoje "gniozdo" kajś ukryli
Toż myślami roznie leca

Dreptom śladym Herodota
Bo kajś w Azji Myńszy szukom
Choć przi tymu fest sie poca
W Anatolio łostro kukom

Tyż keruja swoje nogi
By zoglondnońć w Fenicyjo
Pewne som archeologi?
-A dyć ciyngym to mecyjo.

[broneknotgeld]

Greki

Toż utropy z niymi niy ma
Spodobała im se ziymia
Kero miała wiyncy niw
Grek w Italji - żodyn dziw.

[broneknotgeld]

Grecke polis

Ano jakby kolanijo
Dyć dlo Grekow niy mecyjo
Przeca wiela zyjmaniyli
Toż se tako przikludziyli.

[broneknotgeld]

Grecko Sycylijo

Wiela tu polis greckich powstało
Nowom Grecyjom se to zdowało.

[broneknotgeld]

Wele Neapolu

Ano - ty sztele jeszcze niy było
Dyć Grekow wiela tu prziciongnyło
Tako Cumae wspomnioł bych tukej
Se nad zatokom je teroz szukej.

[broneknotgeld]

Syrakuzy

Sycylijske Syrakuzy ciyngym w siyła rosły
Toż tu jakby te Atyny do znaczynio doszły
Krew i pot przi tymu wsionkły w italijsko gleba
Na nic wszysko to sie zdało dyć wspomnieć nom czeba.

[broneknotgeld]

Greki w Italyji

Siyłom były grecke polis na połwyspie tako
Dyć co z tego? -Z Italikym zowdy jest jednako
Grek tu plymion niy ujarzmi - niy chyci w niywola
Choć probowoł - toż niy wyszło - za to je pochwola.

[broneknotgeld]

Nauczyli

Greki Italikow wojować uczyli
Toż se na tym drapko i sami natnyli.

[broneknotgeld]

Tyż dali

Kunszt Italikom tyż Greki dali
Choć i Etruskom coś zowdziynczali
Tako z kulturom drapci ruszyło
Co piyrwyj langsam se tu ciongnyło.

[broneknotgeld]

Pismo Italikow

Z greki alfabet tako se wziyli
Bestoż Etruskow w tym przegoniyli
Pismo kultura i wojowanie
Skiż tego drapko coś se tu stanie.

[broneknotgeld]

Toskania i Lacjum

Toskania i Lacjum - Etruskow dziedziny?
Dyć łoni tu prziszli a niy - byli driny
Toż se zakryńciyło historyji koło
Z czego Italikom mogło być wesoło.

[broneknotgeld]

Etruske grobowce

Wiela ło ludzie tym łone prawiom
Łostały take historii skarby
Ano - durś uczom czasami bawiom
Bo kunszt etruski - niy jakeś "garby".

[broneknotgeld]

Na metalurgiji

Na metalurgiji ta Etrurio rosła
Drapko do znaczynio w Italyji doszła
Ano toż Etruski wiela handlowali
Ze takich gyszeftow siyła swoja brali.

[broneknotgeld]

12 miast-państw

Etruski razym cołkym niy żyli
We miastach-państwach dyć se sklupnyli
Kerych dwanoście richtig aż było
Toż wele tego sie to kryńciyło.

[broneknotgeld]

Religijo etrusko

Toż łona miasta-państwa łonczyła
Zdo sie co we tym była ich siyła
Cuzamyn bogow dwunostu czciyli
Tyż skuli tego we zgodzie żyli.

[broneknotgeld]

Handel

Fest se rozwinoł handel z Grekami
Przeca niy byliby Etruskami
By niy mieć w zocy kunsztu łod istnych
Tako i narod niy był zowistny
Tela że chcioł żyć na lepszy stopie
W tym ich poczontek i koniec - chopie.

[broneknotgeld]

W Lacjum

Na Etruskow szlaku co wiod ich do Grekow
Wioszczyna se stoła - wiydz ło tym czowieku
W niyj żyli Latyny stond i Lacjum miano
Historyjo szteli wielko bydzie dano.

[broneknotgeld]

VIII-VI w.p.n.e. Roma

Miasto tu wyrosło
Z latyński wioszczyny
Do znaczynio doszło
Z Etruskami driny.

[broneknotgeld]

V w.p.n.e.

Etruski se tracom pod Galow ciosami
Tako Italiki tyż gowy podnoszom
Trza jeszcze im było wojny ze Grekami
Ano - z tym Etrurii chnet koniec łogłoszom.

[broneknotgeld]

Czy założyli?

Remus i Romulus
Czy Rzym założyli?
Czy w mały wioszczynie
Wpiyrw Etruski byli?

[broneknotgeld]

Z "Eneidy"

Ano - mitologia tyż podobnoś prawi
Trojańczyk Eneasz se w tych stronach jawi
Tako cołke Lacjum we władzy chnet jego
-Możno trza łopytać se Grekow do tego.

[broneknotgeld]

Cwilingry

Gryfno Rea Sylwia z rodu Eneasza
Marsowi tu tako we łoko wleciała
Bog kim przi czowieku? -Ano dobra nasza
Nic że choć westalkom cnota ślubowała

Stało sie - toż tako cwilingry nom jawiom
Śmiertelno we Lacjum herosow już rodzi
Dyć czy sie z inkszymi bajtlami zabawiom?
-Krol Amuliusz drapko przeca im zaszkodzi

Wele brzegu Tybru pociepnońć ich koże
By z głodu pomarli abo łod zwierzyńcia
Zmiynić przeznaczynio jednak już niy może
Wilczyca wykarmi - niy trza i zoklyńcia

Remus z Romulusym tako drapko rosnom
Wele nich Latynow troszka tyż sie zbiyro
Ano se łodmiyni zły tref keromś wiosnom
Założyć osada rodzi sie chyńć szczyro

Kaj wzgorz siedym stoji i orły furgajom
Cwilingry we końcu zakłodajom Roma
Toż "gniozdku" swojymu zarozki fest pszajom
I jejich kamraty tyż tukej som w doma.

[broneknotgeld]

Tarkwiniusz Pyszny

Rzońdzioł krol etruski Romom richtig twardo
Chocioż już Latyny paczom nań fest hardo
Toż utropa jego z chuci sie zrodziyła
Za gwołt na Lukrecji poczuł jejich siyła.

[broneknotgeld]

Lukrecjo

Gańbom jeji życie skiż krolewski chuci
Nic już czci Lukrecji we Lacjum niy wroci
Toż śmierć zocno frelka dlo siebie wybrała
Tako Tarkwiniusza tyż napiyntnowała.

[broneknotgeld]

Wyzwolynie

Toż przeciw Etruskom cołko Roma stowo
Choć niy było leko dyć rada se dowo
Przegoniyli w końcu cudze siyły tako
Już wiyncy niy bydzie tu ze tym jednako.

[broneknotgeld]

Lucjusz Juniusz Brutus

Łojca republiki widzi we niym Roma
Łon tyż to zrychtowoł co wolni som w doma
Toż se mynżym prawym i dzisioj nom jawi
-Śmierć dlo synow zdrajcow - serce yno krwawi

Tako republika wysoko postawioł
Chocioż i niyszczyńście familiji sprawioł.

[broneknotgeld]

Cyncynat

Wodz ze Cyncynata zdo sie ponad dziwy
Toż dlo dobra Romy łopuścioł swe niwy
I krew razym z wojskym przelywoł terozki
By ze Etruskami myni było troski

Roma z Cyncynatym chnetko triumfowała
Wolność dlo Latynow przeca tyż wygrała
Dyć nasz rolnik tako niy dboł ło zaszczyty
Woloł swoje niwy witać durś ze świtym.

[broneknotgeld]

Republika Roma

Łod Etruskow wolno - muster z Grecji chyto
Tako republikom - jakby sie kto pytoł
Toż obywatelski Synat teroz rzońdzi
Choć czynsto sie zdowo co we tym tyż błońdzi.

[broneknotgeld]

509 r.p.n.e.

Już Etruskow w Romie niy ma
Czy spokojno teroz ziymia?
Wpiyrw podbici - zdobywajom
Toż Latyny szwong w tym majom.

[broneknotgeld]

I wojna punicko (264 r.p.n.e.)

Ano Kartagina ze Rzymym se bije
Dran w tym na Messyna - sycylijske miasto
Dlo Rzymian Sycylio skarby swoje kryje
Bestoż se pedzieli - zmiynić prziszoł czas to.

[broneknotgeld]

264-241 r.p.n.e.

Poranoście lot to trwało
Dyć Sycylio Rzymu cało
Widać to po Kartaginie
Co czas jyj świytności minie.

[broneknotgeld]

Korsyka

Toż po Sycylji drapko Korsyka
Zaczła do bogow ze Romy rzykać.

[broneknotgeld]

Sardynio

Na nic sie bronić tyż tukej zdało
Chnetko Sardynio Rzymian tyż cało.

[broneknotgeld]

Galjo podbito

Galjo przedalpyjsko Rzym drapko podbijo
Myńszo ze Galami terozki mecyjo
Zdo sie co Latynom tego już wystyknie
Polyźć aże dali to możno niypiyknie.

[broneknotgeld]

II wojna punicko

Ano - Hannibal wielke mioł plany
Dyć ze ty wojny wyloz przegrany
Nic że przez Alpy przelazły słonie
Toż skory Rzymian przeca niy tonie
Niy dość że armio mu potraciyli
W końcu u niego ze wojskym byli.

[broneknotgeld]

Zama 202 r.p.n.e.

Kartaginy koniec zdo sie
Co te miano nosi - "Zama"
Siyły po tym jake mo sie?
-Toż dlo ziymi prziszoł dramat.

[broneknotgeld]

III wojna punicko

Toż Kartagina jeszcze sie dźwigłą
Po drugi wojnie zaś rosła w siyła
Tako Rzymianom we końcu zbrzidła
Że z czeci wojny już niy dźwignyła.

[broneknotgeld]

Prowincjo Afryka

Po ty łostatni wojnie punicki
Kartagińczyki poszli w niywola
Prowicjo rzymsko już tu na wdycki?
Rzym rosnie w siyła - choć go niy chwola.

[broneknotgeld]

W Romie

Bogactwo se tu z biydotom miyszo
Niywolnik przeca tako durś toni
Rolnik by nudli na tym niy wiyszoł
Dyć głod go czynsto do miasta goni

Toż łon jest przeca obywatelym
Niych latyfundia inksi łobrobiom
Synat plebsowi tako "pościeli"
"Chlyb i igrzyska" - tym go "łozdobiom".

[broneknotgeld]

Latyfundia

Bogocze łod biydnych ziymia skupowali
Wiela i za długi tako samo wziyli
Tonim niywolnikym potym łobrobiali
Toż wele biydoty w zbytku se pławiyli.

[broneknotgeld]

Tyberiusz Grakchus (133 r.p.n.e.)

Wybrany trybunym dlo naprawy państwa
Chcioł ukrocić wiela ze rzymskego draństwa
Jedna kadyncyjo Synat se mu łopar
Przed drugom śmierć znoloz - ano szkoda chopa.

[broneknotgeld]

Gajusz Grakchus - Reformator?

Po śmierci brata roki mijały
Dyć historyjo łobrocic chciały
Terozki Gajusz trybunym w Rzymie
Choć to co stare wcale niy drzymie

Sie reformator z Synatym wadzi
Do wojny w doma to doprowadzi?
Co zdrowsze tako durś wrogow miywo
I lud i Grakcha drapko wykiwo

Toż pódzie karlus śladami brata
Śmierć za starania - tako zapłata
Chyńci trybuna - za mało przeca
By Rzym naprawić - tako wom kleca.

[broneknotgeld]

Gajusz Mariusz

Istny wodz Rzymu z plebsu pochodzioł
Dyć we Afryce urosnoł wiela
Tam do zwyciynstwa Latynow wodzioł
Toż jymu pszoła ta cołko sztela

Z wojskami wrocioł - Rzym teroz jego
Co mu tam Synat i patrycjusze
Śmierć drapko kosi już wrogow jego
Ano - narodzioł dyktator tu sie.

[broneknotgeld]

Lucjusz Korneliusz Sulla

Choć możni - tako prześladowani
Ło pomoc Sulli terozki proszom
Toż zocny wodz tyn tyż łocygani
-Na razie zbawcom go Rzymu głoszom

Mariusz już w grobie - zymsta trwo dali
Bojom sie Sulli fest prowincyje
Wodz wodza tako do cna łobali
Dyć dlo Synatu nowe mecyje

Łobrońcy tako władzy tyż czeba
Jak coś swojego przeca jom chyto
Dyktator nowy ze łaski "nieba"?
A kogo w Romie łon by sie pytoł?

[broneknotgeld]

Koniec republiki

Rzym Sulla tako juchom łoblywo
Że to nikogo cołkym niy dziwo
Co z niym sie kończy już republika
Chnet za cysorzym bydom tu blikać.

[broneknotgeld]

79 r.p.n.e.

Sulla se zmynczoł - toż łodpoczywo
Wojna domowo zaś zbiyro żniwo
Se uspokojo - wspomnieć to musza
Już za Wielkego tu Pompejusza.

[broneknotgeld]

Pompejusz Wielki

Synat przi niymu podźwignoł gowa
Zdomu sie - rzońdzi tako łod nowa
Stond Pompejusza mianujom Wielkim?
Mioł karlus kajsik te duperelki?

[broneknotgeld]

Triumwirat Pompejusza

Wodz sie z rownymi podzieloł władzom
Ano z Cezarym tako z Krassusym
Czi gowy z państwym jakoś se radzom
Toż nawet Synat podwinoł uszy.

[broneknotgeld]

53 r.p.n.e.

Krassusa niy ma! -Co to sie dzieje?
Władza we Rzymie tako i chwieje
Co Pompejusza a co Cezara?
Jowiszu - jako im ześlesz kara?

[broneknotgeld]

Rubikon 49 r.p.n.e.

Galijskimi tryjumfami Cezar umocniony
Przez Rubikon tako przeloz chocioż Synat bronioł
Toż we cołki Italyji już jego legiony
I Pompejusz we utropie bo bydzie go gonioł.

[broneknotgeld]

Pompejusz mały

Wielkim go zwali dyć z Rzymu pitnoł
Cezar legiony z Galiji wiedzie
Pompejusz swojym "szpas" tako wytnoł
Ano - małościom blysnoł na przedzie.

[broneknotgeld]

W Egipcie 48 r.p.n.e.

Kto sie sprzeciwi Cezara woli?
Toż jako oreł już we Grecyji
Dyć Pompejusza wcale niy smoli
Bo niy chce ze niym mieć durś mecyji

Tako na Egipt wojsko pociongnoł
Śmierć sioć w szeregach "Wielkego" wodza
Tam Pompejusza przeca dosiongnoł
Szkryfnońć terozki jo tako moga.

[broneknotgeld]

Ave Cezar!

Rzym zdo sie tako u gyrow jego
Wola Cezara znaczy tu wiela
Wszysko we rynkach terozki jego
Dyć cosik mynczy latyńsko sztela.

[broneknotgeld]

Idy Marcowe (14.III.44 r.p.n.e.)

W Idy Marcowe sie wypełniyło
Co wieszczek tako piyrwyj wywrożoł
I przeznaczyniym Cezara było
Ciosy sztyletow - wszysko co użoł.

[broneknotgeld]

I ty Brutusie?

We grabie "syna" tyż sztylet blyszczy
Tako zapłata Cezar se zyszczy
Ciynżko zrachować te wszyske rany
Koniec niyleki tako mu dany.

[broneknotgeld]

Tref taki dany

Marek Antoniusz ze Oktawianym
Pomszczom Cezara - tref taki dany
Spiskowcy swoje potracom gowy
A potym przidzie triumwirat nowy.

[broneknotgeld]

Drugi triumwirat

Do Oktawiana i Antoniusza
Trza doszlusować tyż Lepidusa
Tako triumwirat nowy we Rzymie
Dyć zaś niyszczyńście jakoweś drzymie

Ze Kleopatry egipski mianym
Bydzie tyn koncept chnet pogrzebany.

[broneknotgeld]

Antoniusz i Kleopatra

W gowie mu zawrocioł Egipt i krolowa
Toż łodstawio na bok Oktawiana siostra
Ano - pszonie czynsto ciepie sie na gowa
Legiony gotowe niy yno na postrach

I Synat popiyro nad Nil ta wyprawa
Co Antoniuszowi na końcu łostanie?
Przeciw woli Rzymu - toż to niy zabawa
Śmierć już dlo ty porki jest jak powołanie.

[broneknotgeld]

Oktawian August

Niy ma Pompejusza - Oktawian Augustym
"Wzniosły" już terozki mianym niy jest pustym
Rzym "republikański" w niym cysorza widzi
A istny brać władza wcale sie niy wstydzi.

[broneknotgeld]

Złoty Rzym

Przi Oktawianie zdowoł sie rajym
August dlo niego ciyngym jest majym
Sztyrdziści jedyn lot tako rzońdzioł
Kto po niym - zowdy już yno błońdzioł.

[broneknotgeld]

Sława Augusta

Wergiliusz go sławioł w swoji "Eneidzie"
Horacy to prawioł - "z niym dobry port przidzie".

[broneknotgeld]

August opokom

Przi jego rzondach Rzym rosnoł w siyła
- Czy wiynkszo bydzie abo czy była?

[broneknotgeld]

Tyberiusz

Pasiyrb Augusta mioł dobre chyńci
Dyć drapko łone minyły
Rzym sie przi niymu wiela umynczy
Toż "złote czasy" już były.

[broneknotgeld]

Śmierć z Capri

W końcu na Capri mioł swoja sztela
Tyberiusz - władca epnego Rzymu
Wyrokow śmierci stond posłoł wiela
Toż niy wyboczom tego istnymu.

[broneknotgeld]

Kaligula

Po Tyberiuszu cysorz zaś mody
Czi lata rzońdzioł jakby do zgody
Dyć tego stykło by dostać bzika
Już trza do niego Rzymianom rzykać
Tako se bogym dlo istnych stowoł
Wiyncy utropy jednak z tym dowoł.

[broneknotgeld]

I po Kaliguli

Jak żył tak skończoł
-Drapko to prziszło
Zdo sie na dobre
Rzymowi wyszło.

[broneknotgeld]

Klaudiusz

Widzioł zza story śmierć Kaliguli
Ze strachu bardzi by chcioł se skulić
Dyć go spiskowcy prziuważyli
Tako za władcy swojego wziyli

Klaudiusz niyrichtig - gupielok prawie
Cysorzym Rzymu - czy to na jawie?

Dyć łon na karku durś gowa mioł
Chocioż se jonkoł - zrobioł co chcioł.

[broneknotgeld]

Klaudiusz Reformator

Choć jonkała - swoje zrobioł
Złych beamtrow tako "dobioł".

[broneknotgeld]

Klaudiusz Zdobywca

Ano - Brytanio już jest przi Rzymie
Chocioż "Zdobywca" podobnoś drzymie.

[broneknotgeld]

Łoj ta Agrypina!

Skończoł Klaudiusz przez swo ślubno
Baba czasym bywo zgubno
Truje tako nom istnego
Skiż Nerona - syna tego.

[broneknotgeld]

Neron cysorzym

Kto dobrze zaczyno czy musie źle kończyć?
Tako z Kaligulom se tu jakby łonczyć
Możno nad karlusym wisi matki zbrodnia?
-By pociongnońć w końcu Nerona aż do dna.

[broneknotgeld]

Śmierć Brytanika

Neron kozoł łotruć brata przirodniego
Mioł w niym konkurynta do zesla swojego?
Tako sie straciyła w Rzymie krew Klaudiusza
Ze tym Agrypina mo czorniejszo dusza.

[broneknotgeld]

Śmierć Agrypiny

Syn na matka swoja tako dźwignoł rynka
Krew z krwi toż se zdowo jednako udrynka
Zły tref zloł se jakby ze tom familijom
A czym to dlo Rzymu? Richtig tragedyjom?

[broneknotgeld]

Roma 64 r.n.e.

Gore - zdo sie miasto to jedna fojera
Ano - już Rzymianow biere fest cholera
Czy richtig to Neron kozoł polić domy?
-Te myśli we gowie to niy yno kromy

I choć chcioł łobwinić ło to przeca inkszych
Małość tako wyszła - już niy mog być wiynkszy
Łod pożaru Rzymu koniec zdo sie blisko
Chocioż ciyngym cysorz w pałacu se miyszko.

[broneknotgeld]

68 r.n.e.

Bunt we Galicji Iberji Afryce
Tako łostuda wielko we Rzymie
Niczym władza Nerona - toż wiycie
Śmiertka nad niym tyż kosa już czimie

Musioł pomoc se machnońć kostuchnie
Swojom rynkom tyn koniec przibliżyć
Czy co gorsze tu ze tym wybuchnie?
Kogo wojsko wydźwignie nojwyży?

[broneknotgeld]

Po śmierci Nerona

Pośmierci Nerona Rzym tonie w łostudzie
W czyje rynce teroz władza tako pódzie?

[broneknotgeld]

Wespazjan Flawiusz

Toż wodz legjonistow cysorzym we Rzymie
Ze tym pokoj nastoł - czas szczyńśliwszy tako
Wojna kajś na krańcach cysorstwa se drzymie
Tu chlyb i igrzyska - jak piyrwyj jednako.

[broneknotgeld]

Z Wespazjanym

Z Wespazjanym spokoj prziszoł
Toż Rzym dobrze na tym wyszoł.

[broneknotgeld]

Domicjan

Syn Wespazjana tako Rzym czimie
Rożno utropa wcale niy drzymie
Tako i Synat rośnie we siyła
Toż polityka jego wrociyła.

[broneknotgeld]

Nerwa

Nerwa cysorzym z Synatu woli
Prawo z tym gorom - czy wojna smolić?
Niy to że cołkym - dyć niy ślintejcie
Te czasy w Rzymie za lepsze biercie.

[broneknotgeld]

"Piyńciu dobrych cysorzy" 96-180

Toż czasy Nerwy Trajana tako
I za Hadriana ciyngym jednako
Antoniusz Pius cysorzym szwortym
Marek Aureliusz tyż cosik worty.

[broneknotgeld]

Poleku prziłazi koniec

Marek Aureliusz pomarł we Rzymie
Dyć za cysorstwym utropa drzymie
Inksze plymiona cisnom granice
Durś niyspokojne to okolice

Tako trza ciyngym sie teroz bronić
I wiyncy ludzi do wojska gonić
Wodzow legionow sodzać na tronie
Zdo sie poleku prziłazi koniec.

[broneknotgeld]

"Obozowi cysorze"

Tako drapko se miyniyli
Wojowali niy rzońdziyli
Czasym Rzumu niy widzieli
Dyć se władzy chytać chcieli.

[broneknotgeld]

Niy baranki

Ze wschodu Persy - z zachodu Franki
Niy som dlo Rzymu jako baranki
Toż wojska ciyngym wiyncy tu trza
A to kosztuje pierońsko - ja!

[broneknotgeld]

Reforma Dioklecjana 286

Podział cysorstwa - kawałki dwa
Toż sie zdowało co było trza
Dioklecjan dlo sia Wschod tako broł
Maximusowi zaś Zachod doł.

[broneknotgeld]

Konstantyn 311

Wojsko cysorzym go łobwołuje
Toz z legjonami do Rzymu ciśnie
Moc we jedności mozno już czuje
Niychej na Wschodzie Maksencjusz skiśnie!

[broneknotgeld]

"Pod tym znakym zwyciynżysz"

Krziż Konstantyna we boj prowadzioł
W jedność cysorstwo sklecić poradzioł
Toż Wschod i Zachod we jego rynkach
Dyć jak uczimać? -Ciyngym to mynka.

[broneknotgeld]

Krześcijaństwo państwowe 324

Z Konstantynym tako krześcijaństwo stowo
Religijom teroz cysorstwa cołkego
Ze tym swoj znak mocy jakby przed sia dowo
Dyć niy uratuje przeca państwa tego.

[broneknotgeld]

Przi Konstantynie

Kościoł idzie w gora toż przi Konstantynie
Tryjumf krześcijaństwa już przeca niy minie
Ty czyńści cysorstwa dyć niy uratuje
Rzym znoczynie traci - jego moc sie suje.

[broneknotgeld]

Konstantynopol 330

Downe Bizancjum - nowo stolica
Tukej Konstantyn keruje lica.

[broneknotgeld]

Rzym 410

Rzym - miasto świata już "na delinie"
Co wielke siyłom zowdy przeminie.

[broneknotgeld]

Alaryk w Rzymie

Krol Wizygotow depto po Rzymie
Toż downo świytność ze tym już minie.

[broneknotgeld]

Sztyry wieki

Sztyry wieki co sie dzioło?
Dyć niy było tu wesoło!
Rożne Goty Longobardy
Niy ciyrpiały już pogardy
Cysorz w Konstantynopolu
-Italyjo jejich wolom!

[broneknotgeld]

W VI wieku

W Konstantynopolu Justynian na tronie
Mioł być rzym perełkom we jego koronie
Toż Belizariusza ze wojskami słoł
Już myśloł co w końcu wszysko bydzie mioł
Dyć na nic sie zdało bo prziszoł lud hardy
Gora tukej bierom teroz Longobardy.

[broneknotgeld]

Longobardy

Lombardio Veneto i Toskanio tako
Drapko jejich były toż wszyndy jednako
Na "duchie" dziedziny teroz podzielone
Dyć to wcale niy był reform tukej koniec.

[broneknotgeld]

"Duce"

Wodz co wojskym rzońdzioł i swojom dziedzinom
Longobardzke mustry drapko tu niy minom.

[broneknotgeld]

Kościoł

Toż Kościoł se jednak dali tu rozwijoł
Ło wiara i wpływy papiyże dyć dbali
Bizantyjski muster poleku zaś mijoł
Ponboczka chwolyli ci co podbijali.

[broneknotgeld]

Papiyż Grzegorz I (589-603)

Rzymianin ze niego richtig mocny w duchu
I u Longobardow zozywoł posłuchu
Szwong krzewiynio wiary przi niymu niy minie
Pokoj niesie miastu i jego dziedzinie.

[broneknotgeld]

Rzym papieski

Choć władza cysorsko w Konstantynopolu
Rzym som chce sie rzońdzić ze papiyża wolom

Basileus myni teroz tukej znaczy
Ano se skiż tego pierońsko łonaczy.

[broneknotgeld]

Bunt papieski 726

Cysorz Leon czcić portrety swiyntych zakazuje
Mo sie tyczyć i Krystusa toż bunt chnet se czuje
Longobardy ze papiyżym - Bizancjum we biydzie
Zdo sie cołkym z Italyji wykludzić se przidzie.

[broneknotgeld]

Rawynna 751

Rawynna już padła - gorom Longobardy
Dyć tyn ichni "duce" ze tym bardzi hardy
Toż papiyż zoglondo terozki ku Frankom
Przeca niy sztimuje być we Rzymie "brankom".

[broneknotgeld]

Pepin Mały 754

Pepin Mały w Italyji
Longobardom łostro wloł
Mieli wiela z niym mecyji
Toż papiyża wspiyrać chcioł

Co Bizancjum kedyś brało
Już terozki czimie Rzym
A że wiyncy by sie chciało
Nowo wojna - tela wiym.

[broneknotgeld]

Karol Wielki

W Italyji syn Pepina
Longobardom rzyndnie mina
Przeca jejich krol w niywoli
I to richtig wiela boli
Że se Karol koronowoł
Na ich władce - dowom słowo.

[broneknotgeld]

Po Karolu Wielkim (814)

Toż se Karol Wielki traci
Ktosik po niym tu bogaci
Czy z tym prziszoł czas fest zły?
Kto łodpowiy? Kto to wiy?

[broneknotgeld]

Sycylijo 827

Zdo sie na rokow aż ćwierć tysionca
Już Saracynom niy skompi słońca.

[broneknotgeld]

Otton I w Rzymie 962

Ano - sie cysorz tukej niy bawioł
I papiyżowi utropa sprawioł
Toż chcioł Rzymowi wskozać czowieka
A niy na inkszych wola durś czekać
Tako poniżo władza duchowo
I swo cysarsko przed istnom stowio.

[broneknotgeld]

Reformy kościelne

Papiyże władza swoja dźwigali
I hierarchiji fest pilnowali
Łostuda wielko stond ze cysorzym
Kery biskupow dować se woży.

[broneknotgeld]

Cysorz Hynryk IV 1072

Arcybiskupa juz doł Milanu
Cysorz pokozoł siyła kapłanom
Dyć go czekała ekskomunika
Jako do Boga terozki rzykać?

[broneknotgeld]

Canossa 1077

Cysorz pokuta tako łodprawioł
I czi dni błagoł ło pojednanie
Tym Grzegorzowi radocha sprawioł
W końcu wyboczoł - dyć co sie stanie?

Zaś w Italyji wojna domowo
Gorom terozki jest Hynryk Szworty
Papiyż w Salermo przed śmiertkom stowo
Zły tref pokozoł kto wiyncy worty?

[broneknotgeld]

Rzym 1122

Papiyskie prawo inwestytury
Już nad cysorskim richtig u gory.

[broneknotgeld]

Normanowie XI w.

Toż italijske ziymie juz znajom
A że wojynce naprowdy pszajom
Chnetko krolestwo jejich tu bydzie
I Saracynow koniec tyż przidzie.

[broneknotgeld]

Robert Guiscard 1050

Kalabrjo podbijo teroz wodz normański
Toż i ze papiyżym łon se dogaduje
Lynnikym Koscioła chocioż wielkopański
Dyć Mikołaj II wnet go koronuje.

[broneknotgeld]

Krol Roger 1130

Siostrzyniec Roberta Sycljo podbijo
Jakosik se radzi ze Saracynami
W Palermo z tym rokym mo koronacyjo
Toż włado terozki łoboma konskami.

[broneknotgeld]

"Normańsko dziedzina"

"Normansko dziedzina" potomnym łostawioł
Wnuk erbnoł po synu korona Rogera
Dyć zły tref krolestwu utropa tyż sprawioł
Jak nastympcy braknie - tron pódzie w cholera.

[broneknotgeld]

Wilhelm II 1189

Z tym władcom krolestwo normańske se kończy
Tako zatracone pod italskim słońcym.

[broneknotgeld]

Miasta - państwa XI-XIII w.

Italyjske miasta-państwa ciyngym rosły w siyła
Choć w tych czasach sie niyjedna wojna przewalyła
Co cysorskie? Co papieskie? -Łostudy durś wiela
Aż dziw biere co przi tymu rośnie miejsko sztela.

[broneknotgeld]

Gwelfy

Gwelfy przi papiyżu stojom
Grzegorz błogosławi
Choć cysorza tyż se bojom
Ponboczek co sprawi?

[broneknotgeld]

Gwelfy

Gwelfy przi papiyżu stojom
Grzegorz błogosławi
Choć cysorza tyż se bojom
Ponboczek co sprawi?

[broneknotgeld]

Gibeliny

Przi cysorzu stojom tako
Z tym swoj los zwionzali
Czy coś złego im ktoś krako?
Jako bydzie dali?

[broneknotgeld]

Cysorz Fryderyk II (1197-1250)

Chcioł Italjo czimać choć papiyż był przeciw
Toz wojna domowo przez te ziymie leci
Z jego śmierciom koniec - juz przegrano sprawa
Dyć i gibelinom kończy sie "zabawa".

[broneknotgeld]

Sie dzielom

Gwelfy choć wygrali terozki sie dzielom
Ze Czornymi Bioło frakcjo powadzono
Gorom co z papiyżym se lepi pościelom
Bioło choć mo piniondz - jakby teroz kono.

[broneknotgeld]

Dante Alighieri

Dante Alighieri czimoł se z Biołymi
Toz tako wygnany ze floryncki ziymi
Stanoł przi cysorzu bo w niym widzioł siyła
Dyć czy w Italyji łona se liczyła?

[broneknotgeld]

Cysorz Hynryk VII (1308)

Łostatni roz cysorz siyngo Italyji
Niywiela to dało - ciyngym rosnom miasta
Lepi by se czimoł niymieckich mecyji
Toż nic niy wypiecze z tutejszego ciasta.

[broneknotgeld]

W "niywoli awonioński"

Trza sie ło podatek z krolym Francji wadzić?
Jako jego wojskom we Rzymie zaradzić?
Dyć Francuz zarozki jest gowom Kościoła
Awiniońsko sztela richtig jymu pszoła.

[broneknotgeld]

Renesans

W sztyrnostym wieku Renesans prziszoł
Kunszt i nauka dźwigoł we gora
Ze gospodarkom tyż piyknie wyszoł
Toż Italyjo niy jakoś dziura.

[broneknotgeld]

"Czorno Śmierć" 1347

Czy chcioł w ty dziedzinie
mor wszyskich wykosić?
Dyć zły czas przeminie
Trza Ponboczka prosić

Choć ludzi połowa
Po tym w piochu leży
Dzwigo sie łod nowa
Możecie mi wierzyć.

[broneknotgeld]

Humanizm

Humanizm jak prziszoł
Niy łopuści szteli
Dobrze bydzie myszoł
I tako pościeli.

[broneknotgeld]

Republiki miejske (XIV w.)

Bogate miasto se samorzońdzi
Rowne krajowi choć czasym błońdzi.

[broneknotgeld]

Despotie

Kaj republika tam zowdy zwada
Dyć drapko znojdzie se na to rada
-Rzondy we miescie trza dać rodowi
Kożdy despota tako łodpowiy.

[broneknotgeld]

Do 1454

Sie miasta-państwa durś ło to biyły
W swoje dziedziny ziymie garnyły.

[broneknotgeld]

Po 1454

Prziszoł jakby czas pokoju
Sie bogacom już niy w boju.

[broneknotgeld]

Floryncjo 1434

Kosma Medyceusz tu terozki panym
Floryncjo se budzi szczyńśliwszo ze ranym.

[broneknotgeld]

Ferrara - rod d'Este

Rod d'Este Ferrara czimie
Tako miasto nom niy drzymie.

[broneknotgeld]

Werona - rod della Scala

Familijo ze Werony
Miasto jest powolne łonym.

[broneknotgeld]

Rod Viscontich

Rod Viscontich w Mediolanie
Drapko se u władzy stanie
Dyc za twarde graby majom
Toż mieszczany im niy pszajom.

[broneknotgeld]

Mediolan republikom 1447

Jak yno "po mieczu" Visconti pomarli
Se do republiki mieszczany fest garli.

[broneknotgeld]

"Arte della lana"

Cech wełniorzy miasto richtig dźwignoł tako
Zdo sie co niy bydzie już tukej jednako
Stond sukno czerwone - towor eksportowy
Dyć i we gyszefcie majom mocne gowy.

---

Miasto bankerow

Za dużo piniondza do Floryncji wpływo
Inkszym pożyczajom - to chyba niy dziwo.

---

Bankowo stolica Europy

Miasto to terozki bankerow europy
Bogactwym fest blyszczy - niy widać utropy
Tu cechy kupieckie na kunszcie sie znajom
Łozdobiom grod zocnie bo przeca mu pszajom.

[broneknotgeld]

Floryncko katedra

Zdo sie jakby cudym świata
Dyć łostała tu na lata
"Cech wełniany" geld wyłożoł
Wiela we Floryncji wożoł.

--

Katedralno dzwonnica

Giotto projektowoł - jego miano nosi
Do dzisioj tu dzwoni - wiernych na mszo prosi.

[broneknotgeld]

Kosma Medyceusz (1434)

Toż Floryncjom banker włodo
Złoto kupcom wiela godo
Tako rosnie rod Medicich
W Italyji richtig świyci.

[broneknotgeld]

Medyceusze

Kosma i Wawrzyniec dokłodajom chwały
Miastu sie wydowo co świat tukej cały.

[broneknotgeld]

Akadymjo Platońsko

Nowo akadymjo we Floryncji majom
Toż filozofowi istnymu tu pszajom.

[broneknotgeld]

Kondotierka

Miasta sie bogacom i prowadzom wojny
Dyć kupiec to przeca karlus jest spokojny
Wystyknie co siyngnie łon po geld na wojsko
A dlo najymnika wojynka już swojsko.

[broneknotgeld]

Kapitan Francesco Sforza

Połojcu do wojny mioł wielko smykałka
Niy było w Italji dyć wiynkszego śmiałka
Nojpiyrw łon Milano swojym wojskym wspiyroł
Potym zaś Wenecjo - tam wiynkszy geld zbiyroł
Aże wzioł za ślubno Viscontiego Blanka
Niy rachowoł wcale z niom doczekać manka.

[broneknotgeld]

Francesco Sforca 1450

Z Mediolanu republika
Sforca niy chcioł ło to rzykać
Toż sie ksiyńciym som mianowoł
Przi Viscontich jakby stowoł
Ślubno Blanka z tego rodu
Gorom wodz tyn - to wom godom.

[broneknotgeld]

Tyn Mediolan

Toż teściu Visconti we końcu umiyro
Z tym na republika Mediolan zaziyro
Sworza niy popiyro - idzie na wygnanie
Ciyngym jednak bliko co sie teroz stanie

Zaś kupce se kiepsko zaczyli tu rzońdzić
Po republikańsku prziszło im pobłondzić
-Kto miasto łoblygo i biere je głodym?
forum.gazeta.pl/forum/72,2.html?f=28940&w=19764660&a=37719781&s=7
Kondotiera znocie - już ksiyńciym do zgody.

[broneknotgeld]

Traktat w Lodi 1455

Sworza tako przirychtowoł
Co piyńć szteli go zawiyro
Pokoj Italyji dowoł
Intyncyjo była szczyro.

[broneknotgeld]

Liga Włosko

Mediolan ze Floryncyjom
Rzym ze zocnom Wenecyjom
Tyż cuzamyn z Neapolym
Dbajom by żyć ze pokojym.

[broneknotgeld]

Italyjski pokoj

Chnetko lot sztyrdziści
Miasta w siyła rosły
"Złoty wiek" to ziści
Kaj we końcu doszły?

[broneknotgeld]

Koniec XV wieku

"Liga Włosko" sie rozkłodo
Pokoj z tym stracony
Wojna - tako wiela godo
Niy zowiszcza łonym.

[broneknotgeld]

Karol VIII w Italyji

Toż krol Francyji wloz tu ze wojskym
Zdoł sie nikerym nawet i swojskim
Chwoloł go przeca Savonarola
Dyć chnet umynczy francusko wola.

[broneknotgeld]

Fornovo 6.VII.1495

Naprzeciw Francuzow już Gonzaga stoji
Wojska mi liczniejsze tako sie niy boji
Dyć możno skiż tego Italjo przegrano
Ze tym na niyszczyńście już cołkym wydano.

[broneknotgeld]

Karol I 1530

Karol teroz władcom Cysorstwa Rzymskego
Cołko Italyjo w pokłonie do niego
Tako Hiszpanijo przez połtora wieku
Tukej hegemonym - wiydz ło tym czowieku.

[broneknotgeld]

Przi Austryji

Po hiszpański ty mecyji
Italijo przi Austryji
Zdo sie być Habsburgow wianym
Taki tref na dugo dany.

[broneknotgeld]

Napoleon 1796

Toż po austryjocki nocy
Z niym ta sztela biere mocy
Republiki durś sie mnożom
Czas pokoże wiela wożom.

[broneknotgeld]

Italyjo 1799

Ano - tako Austryjoki
Tu wrocajom ze tym rokym
Ruski we tym pomogajom
Republikom dyć niy pszajom.

[broneknotgeld]

Śmierć wolności?

Neapol se bronioł przed niywolom dugo
Czy z tym łodwet srogi dlo sia tako strugoł?
Zaś marzynie w duszy jakosik łodrodzi
Karbonariusz przeca już po ziymi chodzi.

[broneknotgeld]

Karbonariusze

Zdo sie co łoni duchym wolności
Tako mi ło tym szkryfnońć nojprości.

[broneknotgeld]

Italyjo wolno?

Toż Napoleon zaś tukej wroco
Ruski Austryjo dyć łopuściyli
Choć to prziłazi z francuskom mocom
Jednak przi tymu wolniejsi byli.

[broneknotgeld]

"Risorgimento"?

Po Kongresie Wiedyńskim cołkym stare wroco
Dyć Italyjoki niy godzom sie z "nocom"
Jednym republika wielgachno se marzy
Inkszym zaś krolestwo. -Co tref tu przidarzy?

[broneknotgeld]

Wiosna Ludow w Italyji

Wpiyrw konstytucyje były "hasłym ludu"
Dyć doszło przi tymu tyż prawie do cudu
Wojska austryjocke drapko uciykajom
Karola Alberta durś na karku majom
Zabrakło w tym wsparcio jednak łod papiyża
Dlo Habsburgow ciyngym tu łotwarte dźwiyrza.

[broneknotgeld]

Karol Albert Sabaudzki 1848/1849

Loł wpiyrw Austryjoka - dyć co mu to dało?
Abdykacjom kończoł ta wojynka cało
Sabaudio z Piemontym jednak ciyngym wolne
Ło los swoj terozki już cołkym spokojne.

[broneknotgeld]

Wenecjo 1848/1849

Niy chcom Austryjokow - Wenecjo sie broni
Dyć w końcu i łona atakow niy szczimie
Nic że cołkom duszom za wolnościom goni
Niy czas jeszcze na to - toz juzaś ktoś drzymie

[broneknotgeld]

Republika Rzymsko 1848/1849

Giuseppe Mazzini prym w ty szteli wiedzie
Ze niym Garibaldi tyż cołkym na przedzie
Bo łobronom miasta tu przeca dowodzi
Jego zocny karcie klynska niy zaszkodzi.

[broneknotgeld]

3.VII.1849 Rzym

Francuzy we Rzymie - kończy sie wojaczka
A Garibaldiymu łostała tułaczka.

[broneknotgeld]

Giuseppe Mazzini

Toż "Młode Włochy" istny zrychtowoł
Za zjednoczyniym kraju durś stowoł
Rzymsko przegrano we Wiośnie Ludu
Go niy złomała - doczekoł cudu.

[broneknotgeld]

Giuseppe Garibaldi

Łon "piyrszom szablom" Risorgimenta
Inksi mu mogli deptać po piyntach
Dyć choć niy było wcale z tym leko
Wiedzioł - Italjo wolności czeko.

[broneknotgeld]

Hrabia Cavour

W małym Piemoncie zdowoł sie wielki
Wolność dlo niego niy duperelki
Nawet w łorkestrze grywoł Europy
-Sie niy wystraszoł krymski utropy.

[broneknotgeld]

Na wojna z Austryjom

Na wojna z Austryjom Piemont tyż pociongnoł
Napoleon III Cavoura w to wprzongnoł
Dyć jak w końcu prziszoł po tym czas pokoju
Wyszło co Francyjok Włocha jakby zgnojoł

Modena z Toskaniom princow dostać miały
Choć "droga piemoncko" same wybiyrały
Co mioł Cavour robić? Jako protestować?
Uno urzond ciepnońć - przestać prymierować!

[broneknotgeld]

W "dwa łognie"

Jakby w "dwa łognie" wziońć Italyjo
-Możno sie skończy cołko mecyjo.

[broneknotgeld]

5.V.1860 - Genua

Tysinc "czornych koszul" z Genui wypływo
Sie Garibaldiemu cołko połnoc dziwo
Ze gorstkom wyruszo podbijać połednie
Przeciwko Burbonom! -Wygro czy polegnie?!

[broneknotgeld]

Garibaldi na Sycyliji

Iskrom łod kery wolność wybuchła
Ze niom na wyspie wielke powstanie
Toż wieść radosno tyż drapko gruchła
Palermo nasze! Ci chnet sie stanie?!

[broneknotgeld]

Neapol 7.IX.1860

Już i Neapol Garibaldiego
Wiktoria wiedzie pewno istnego
Chcom być cuzamyn Italijoki
Niy ma Burbonów - toż niy boroki.

[broneknotgeld]

Teano

Wiktor Emanuel prziszoł pod Teano
Tyż Garibaldiemu chyntka była dano
By powstańcze wojsko ze piemonckim razym
Włochy majom krola - niy czimiom urazy!
Chocioż przeciw tymu jeszcze papiyż w Rzymie
Siyły zjednoczone na dziesiyńć lot wszczimie.

[broneknotgeld]

Krolestwo Włoch

Ciyngym bez Rzymu jest papiyskiego
Kery pilnujom durś Francyjoki
Dyć se doczkajom we końcu tego
I bydom razym Italyjoki.

[broneknotgeld]

Krolestwo Włoch 1970

Sudan Francyji klynska zgotowoł
Toż Italyjok ło rzym zaś stowo
I włoske w mojsko miasto zdobywo
Ze Watykanu papiyż se dziwo
Tela doczesny władzy łostało
Szczyńściym duchowy niy ubywało.

[broneknotgeld]

"Młode Włochy"

Wiktor Emanuel cołke Włochy czimie
Dyć konstytucyjo mo w poszanowaniu
Choć w dymokracyji tyż utropa drzymie
Polityker po to by wiela cyganioł?

[broneknotgeld]

Wioło chłodym

Ze Francyji chłodym wioło
Było tako niywesoło
Łodmiyniyło sie z Niymcami
No i tyż Austrio-Wyngrami.

[broneknotgeld]

Włochy Francesca Crispiego
(1887-1891, 1893-1896)

Jest konserwatysta tukej za prymiera
W kolońje łobrosnońć chcom te Włochy teraz
Erytreja drapko istnym już poddano
Dyć we Etjopiji niy zbudzom sie rano.

[broneknotgeld]

Etjopijsko Adwa

Toż Italyjoki plama tukej dali
Tako Abisyńji niy zawojowali
Crispi ze tym skończoł kadyncyjo swoja
Dyć chopom terozki lekci iść do woja.

[broneknotgeld]

Wojna turecko-włosko 1911/1912

We proficie Italyjo
Dodekanez i Libijo
Tako już okupowane
Siyłom jednak były brane.

[broneknotgeld]

Dodekanez

Dodekanez włoski
Dlo Grecyji troski.

[broneknotgeld]

Neutralność 2.VIII.1914

Austryjo na Serbjo śle swoja armijo
Sie Italyjokow ło nic niy pytajom
Tref dobry dlo istnych - niy jakoś mecyjo
Ze neutralnościom wszyscy tu zgodzajom.

[broneknotgeld]

Włochy 1915

Toż se łodmiyniyło - z Francjom i Anglijom
Teroz Italjoki cuzamyn już bijom
Dyć se cosik kiepsko z wojynkom radziyli
We Alpach dość wiela krwi swoji straciyli.

[broneknotgeld]

Po piyrszy wojnie światowy

Choć Włochy zwyciynstwo głośno łotrombiyły
Na swojich aljantach richtig zawiedzione
Ze profitow małych ciyngym grymasiyły
Toż na inksze drogi zakryncom chnet łone.

[broneknotgeld]

10.IX.1919 Traktat w Saint-Germain

Toż ze tym traktatym rachujom profity
Trydynt i Adygi konsek im sie dostoł
Triestym sie cieszom jeszcze richtig przi tym
No i tako fertig - szkryfna tukej prosto.

[broneknotgeld]

"Kulawo wiktoryjo"

Tako tu koniec wojny widzieli
Zyszczyli myni niżby mieć chcieli.

[broneknotgeld]

Po wojnie

Toż po wojnie Italyjo
Jakby cołko tonie
Z gospodarkom durś mecyjo
Jaki bydzie koniec?

[broneknotgeld]

Narodowo Partjo Faszystowsko

Jak w kraju gorzy - partyjo rosnie
Italyjokom prawi ło wiośnie
Ze kerom przidzie dobrobyt siyła
Bele by łona u władzy była.

[broneknotgeld]

28.X.1922 "Marsz na Rzym"

"Czorne koszule" cisnom do Rzymu
Rzond Facty ze tym mo dymisyjo
Toż sie udało Mussoliniymu
Władza terozki - już wiycie czyjo!

[broneknotgeld]

30.X.1922 Rzym

Wiktor Emanuel ta teka prymiera
Tko Mussoliniymu już we rynce teraz.

[broneknotgeld]

Wybory 1924

Toż faszysty bierom wiela
Jejich zdo sie prawie sztela.

[broneknotgeld]

Duce 24.XII.1925

Prymier ze rzondym wysoko stoji
Parlamynt jymu tyż niy podskoczy
Krol możno yno sie durś niy boji
Dyć zdo sie jakby ślepnoł na łoczy.

[broneknotgeld]

Państwo faszystowske

Partjo przewodniom siyłom narodu
Toż niy znosiyła inkszego smrodu
Opozycyjo z tym wykosiyła
We Italyji potyngom była.

[broneknotgeld]

Benito Mussolini

Partjo faszystowsko tyn istny założoł
Z niom sie w Italyji na wiela durś wożoł
Nacyjo zmynczono tako mog prowadzić
Bo utropom rożnym chcioł jakby zaradzić.

[broneknotgeld]

Narodowo Partyjo Faszystowsko

Mussolini partyjo wiod prosto do władzy
Te "czorne koszule" wcale niy ze sadzy.

[broneknotgeld]

"Czorne koszule"

"Czorne koszule" widziołżeś w Rzymie
Ponoć w nich faszyzm do dzisioj drzymie.

[broneknotgeld]

Gospodarka

Gospodarka przi faszyzmie jakby w przod ruszyła
Zdo sie nawet co Italjo spokojniejszo była
Cugi już se niy spoźniajom myńsze bezrobocie
Dyć na dugo czy wystyknie ludziom takich pociech?

[broneknotgeld]

Libijo

Toż trza imperium juzaś budować
Libijo włosko - ło tym jest mowa
Ścisnoł jom Duce po faszystowsku
Zdo sie wolności już ani troszku.

[broneknotgeld]

Etjopijo 1935

Cysorske marzynie?
Faszyzm mo sumiynie?
Tako Etjopijo
Duce zaś podbijo.

[broneknotgeld]

"Pakt stalowy" 22.III.1939

Duce ze Hitlerym taki pakt zawiyro
Ze nazizmym faszyzm cołkym już we parze
Jedyn na drugego radośnie spoziyro
Jak roki przeminom historjo to zmaże.

[broneknotgeld]

Grecyjo

Klynskom już Grecyjo była
Duce chcioł pokozać siyła
Dyć by rady tam niy dali
Niymcy za to se zabrali.

[broneknotgeld]

We Afryce

Zdo sie coroz gorzy
W Afryce Połnocny
Ze Afrika Korpsym
Duce tyż niy mocny.

[broneknotgeld]

Sycyljo 1943

Sycyljo cołkym stracono latym
No i aljanty niy skończom na tym
Chnet na połwysep wojska pocisnom
Mussoliniego marzynia prysnom.

[broneknotgeld]

"Tiramisu"

Z Italyji rod swoj wiedzie
Kery region z tym na przedzie?
Ponoć durś se ło to wadzom
I dońść prowdy niy poradzom.

Rzym

[broneknotgeld]

137

W końcu doszli z tym do zgody
Co richtig Hiszpańske Schody
Nojgryfniejsze som w Europie
Dyć tam gyrow niy złom chopie!

[broneknotgeld]

Retła gyńś richtig jakowoś Roma?
-Boch tako słyszoł piyrwyj we doma.

[broneknotgeld]

Z Villi Borghese

Z Villi Borghese wylecisz w gora
Dziwuj sie Romie choć żeś we chmurach
Toż zowdy yno w dobro pogoda
I uwionzany - tako przigoda.

[broneknotgeld]

Wieczne Miasto

Możno niy wieczne dyć wiekow tela
Już za tym grodym a przed - tyż wiela.

[broneknotgeld]

Miasto Duszy

Ano - mo miasto dusza antyku
I nowszych wiekow - toż za to rzykom
Coby już ciyngym nad Tybrym było
Tako i wiecznie naprowdy żyło.

[broneknotgeld]

Palatyn

Na Palatynie Romulus siedzioł
Roma tyn istny zakłodoł
Możno bych ło tym nawet niy wiedzioł
Dyć Remus tako mi godoł.

[broneknotgeld]

Świontynia Kybele

Tako jom znojdziesz na Palatynie
Płodności wschodnio bogini
Obrzondek jeji niychej cie minie
Dyć chuć se nigdy niy zmiyni.

[broneknotgeld]

Pales

Ano - bogini rzymskich pasterzy
w opiece miała - musicie wierzyć
Zocny Palatyn zdo sie skiż tego
że tu widziała z nich niyjednego.

[broneknotgeld]

Niyjedyn

Niyjedyn pastyrz na Palatynie
Rzykoł do Pales - swoji boginie.

[broneknotgeld]

"Pałac"

Ze Palatynu miano pałacu
Tukej na sztele takowe patrzom
Aże z antycznych czsow prastarych
Tako te wzgorze inkszy jest miary.

[broneknotgeld]

Na Palatynie

Rzymske pałace na Palatynie
Gryfnie blyszczały we ty dziedzinie
Co nojzocniejsze tukej se cisło
Tako cysorske tyż drapko prziszło.

[broneknotgeld]

"Domus Augustiana"

Toż miano godo - "Augusta sztela"
By ło tym szkryflać szło richtig wiela.

[broneknotgeld]

"Casa di Liwia"

Ślubnom Augusta ta Liwia była
Tako se tukej izb dorobiyła
A jejich wystroj do dzisioj cieszy
Chciałoby ździybko se tu pogrzeszyć.

[broneknotgeld]

Znakym tego miasta gondola być może
Bo przeca już teroz niy spotkomy doże.

[broneknotgeld]

Dzwonnica św. Marka

Ponoć z niyj Wenecjo cołko se łoglondniesz
Dyć łokym kanału żodnego niy siongniesz.

[broneknotgeld]

Kusiol na moście

Na "Moście Westchniyń" kusiol mu dała
Już sie wydowo chocioż niy chciała.

[broneknotgeld]

Wenecke gondole

Wenecke gondole bardzi droge bydom
Dyć chyba turysty do drobnych niy przidom.

[broneknotgeld]

Na Moście Westchniyń w Wenecji

Dosz frelce tukej kusiola
I jeji już twoja wola.

[broneknotgeld]

Werona

Dom Julki z balkonym ponoć tukej stoji
Pod kerym Romeo pioł do freli swoji
Źle sie to skończyło - przeca wiysz pieronie
Lepi pszoć sie w łożku - dyć niy we Weronie.

[broneknotgeld]

Cycuszek halany

Mo Julia w Weronie cycuszek halany
Kto pszaje tyn wierzy - tref lepszy chnet dany
Ze kerym mu lipsta dowo cołko siebie
Dyć wtedy na ziymi jest lepi niż w Niebie!

[broneknotgeld]

Sie blyszczy!

Blyszczy se ty Julii durś cycuszek prawy
Ponoć i przi ślubny tyz wiyncy zabawy
Możno do Werony latoś zarajzuja
Z tym "roki miodowe" - dobrze forszteluja?

[broneknotgeld]

Chce dać!

Pohalołch Julia we prawy cycek
Dyć lewom rynkom chce dać po tycie!

[broneknotgeld]

Dom Julji

Ano - muzeum z niego zrobiyli
Dyć czy liplingi w tych murach byli
Na posong frelki ze bronzu kukom
Pohalom cycek - pszonio poszukom.

[broneknotgeld]

Grob Julji

We św. Franciszku krypta łoglondniecie
W kery naszo Julia mo spać snym wieczystym
Mitym dlo Werony łona zocnym przecie
Dyć pszonie jest tukej czymsik łoczywistym.

[broneknotgeld]

Do grobu Julji

Mode panny we Weronie tukej zoglondajom
Ano - Julji ślubne kwiotki drapko tyż dowajom
Coby im ze swojim chopym richtig se szczyńściyło
Jo łod siebie tyż se szkryfna - chca by tako było.

[broneknotgeld]

"Sposo"

Znaczy tela co "pon młody"
-Kaj Adyga tako płynie?
Na "S" ciśnie swoje wody
Przi Weronie - ty dziedzinie!

[broneknotgeld]

Tako powstała Werona

Adyga górce tukej fest pszoła
Że richtg płynońć dali niy chciała
Bogini Diana tako zawroła
Aże ta woda drapko kopała

Toż trza se dali wybrać Adydze
Choć zakolami wrocać już chciała
W jeji pamiyńci dyć wszysko bydzie
A tu Werona z czasym powstała.

[broneknotgeld]

Piyrszy sztudynt richtig po Bolonii chodzioł
Tu sie uniwerek Europy narodzioł.

[broneknotgeld]

Krziwo wieża

Krziwo wieża tu stanyła
Możno ździybko se popiyła
A terozki fest sie boji
I tako dziwacznie stoji.

[broneknotgeld]

Ze Pizy

Krziwo dzwonnica ze pizy znocie?
Dyć Krziwom Wieżom jom nazywocie.

[broneknotgeld]

"Luminaria"

W czyrwcu "Świyntym Światła" Piza zaś rozblyśnie
A mie tam niy bydzie - żol se w gowa ciśnie.

[broneknotgeld]

Asyż

Świynty Frańcik tyn Asyż we świecie rozsławioł
Niyjedyn skiż niego sie wiela poprawioł
Pszoć tymu co żyje łon zowdy nauczoł
We tym recht choć przeca niyjedyn tyż buczoł.

[broneknotgeld]

Poznoł świat genueńczyka
Jak łodkrył ta Hameryka.

[broneknotgeld]

Cortina d'Ampezzo

Zimom Dolomity kuszom
Tu ło śniyg sie boć niy muszom
Włoch stolica to zimowo
To niy yno mie sie zdowo.

[broneknotgeld]

Sycyljo

Czym Sycyljo richtig we tym świecie słynie?
Ano tym że tukej lepi być w "rodzinie"
Choć niy yno do sia żeś jest "Cosa Nostra"
Dyć zaroz przed tobom "inkszy" tukej mo strach.

[broneknotgeld]

Sycylio

To nojwiynkszo wyspa na Środziymnym Morzu
Dyć łod sia tyż jeszcze bych cosik dołożoł
Nojepniejszy region to Italyjokow
We kerym historio se widzi co kroku.

[broneknotgeld]

Ło Etnie

Kuźnia Wulkana to zowdy była
Przeca i dzisioj znomy ta siyła
Czi lata tymu jak gruchnoł lawom
Richtig wystraszoł tych co tu bawiom.

[broneknotgeld]

Włodo Sycyljom

Łod zowdy Etna Sycyljom włodo
Som przeca widok tako nom godo
Wiyrch nawet latym śniegym zodziwio
Dyc jak wybucho ziymia se kiwo
A lawa wszysko po drodze niszczy
Zabiyro tako co czowiek zyszczy.

[broneknotgeld]

Etna buduje

Z zostygły lawy domy stowiajom
Toż ze wulkanu durs wiela majom
A ziymia przi niym plon zocny rodzi
Jest dobrodziejstwym - pedzieć se godzi.

[broneknotgeld]

"Trinakria"

Gowa kobiyty z czema nogami
Krzidła i wynże nosi do tego
Sycylijczykow łona niy mami
Dyć se tu cieszom ze godła tego.

[broneknotgeld]

Etna 3340 m.n.p.m.

Nojwiynkszy wulkan cołki Europy
Przinosi wyspie wiela utropy
Dyć dziynki niymu tyż se tu żyje
Zowdy dwa końce miywajom kije.

[broneknotgeld]

Cug "Circumetnea"

Na glajzach łobjedziesz Etna nałokoło
Krater dość daleko toż gwizdosz wesoło.

[broneknotgeld]

Sycylijsko krew

Roztomajcie wymiyszano
Wpiyrw fynickom przeca dano
Greckom - potym italijskom
Szłoby szkryfnońć - bizantyjskom
Tyż arabskom i normańskom
Niym francuskom wpiyrw hiszpańskom
Kropki włoski w niyj być muszom
Mało - dyć se niy zaduszom.

[broneknotgeld]

Palermo

Przez czi tysionclecia ludzie tukej żyli
Podobnoś i piyrwyj tyż szczyńśliwi byli.


Panoramos

Tako Hellyny te miasto zwali
Dyć niy za wiela ło nie tu dbali
W ciyniu Syrakuz i Selinuntu
Choć możno lepi - to szkryfna wom tu.


Palermo 831

Saracyny miasto terozki zdobyli
Toż miano Balharmu niychej wos niy zmyli
Bo przeca stolicom jest tu emiratu
Łoziymset meczetow zdo sie tom zapłatom.


"Medyna Zachodu"

Rowny Kordobie se Balharm zdowo
I przi Kairze wyglondo zdrowo.

Syrakuzy

[broneknotgeld]

Jaskinia "Ucho Djonizjusza"

Wielke naprowdy mioł istny ucho
Dyć czy terozki kogoś wysłucho?

Katania

[broneknotgeld]

Katania

Z czornego bazaltu i biołego tufu
Te miasto dźwignyli kedyś po wybuchu.

[broneknotgeld]

Katania 1693

Etna życie dała - toż zdo sie zabrała
Katania dyć drapko tyż łodbudowała
Terozki barokym se asi te miasto
Zista gryfnie wyszła bo zocne tu ciasto.

[broneknotgeld]

Katania 729 r.p.n.e.

Jako grodowi roki rachować?
Wiela przi niymu może se schować.

Noto

[broneknotgeld]

Noto Antica 1693

Koniec ty szteli wulkan zrychtowoł
Dyć nowe Noto drapko tyż stowo.

[broneknotgeld]

Noto

Z biołego tufu mustrym baroku
Noto se dźwigo na kożdym kroku
Toż drapko wszysko łodbudowali
I dlo łokrasy Sycylji dali.

[broneknotgeld]

Środziymnomorze tu sie łonczyło
Jakby ze środkym Europy
Ze jedny strony se im szczyńściyło
Ze drugi były utropy.

[broneknotgeld]

Capri

Godajom że łona Giewont przipomino
Co z wody chce wylyźć i se durś wypino.

[broneknotgeld]

Tyberiusz

Tyn se tu ukrywoł przed spiskowcow nożym
W Rzymie nań czychali - tukej jednak pożył
Do "Villi Jowisza" zoglondnońć bych chcioł
Kaj Tyberiusz ponoć uciechy fest mioł.

Adriatycko Riwiera

[broneknotgeld]

Adriatycko Riwiera

Cesenatico Rimini Riccione
We lato nigdy niy som uśpione
Wiela sie dzieje wtedy na plaży
Przijedź bo po co mosz yno marzyć.

San Mauro Mare

[broneknotgeld]

Ferragosto w San Mauro Mare

Piytnosty siyrpnia - toż Wniebowziyńcie
Tu wielki fajer - mocie pojyńcie?
Wino za darmo sie wtedy leje
I pełnom gymbom czowiek se śmieje
We mieście ludzi teroz nojwiyncy
Dyć to zodnego w świynto niy mynczy.

[broneknotgeld]

"Passagiata"

We wieczor se słonko już tu cołkym skryło
Zdo sie co poł miasta na szpacyrze było
I wszyscy w tym czasie wcinali te lody
Na zdrowiu niy bydzie przeca tako szkody.

[broneknotgeld]

Kemping "Rubicone"

Tyn kemping w San Mauro mo tyż swoja plaża
I za drogi niy jest bestoż ło niym marza.

[broneknotgeld]

Kemping "Green"

Moga tu przijechać z psym
Szkryfna bo to przeca wiym
Z niym wybiera se na plaża
"Fido Beach" - tam se łaża.

Borghi

[broneknotgeld]

Borghi

We Borghi farorz na festyn woło
Zowdy przi tymu tukej wesoło
Koncert zabawy i loteryjo
Z gowy wyleci kożdo mecyjo.

San Leo

[broneknotgeld]

W San Leo

Podobnoś tukej w twierdzy był Dante
Cagliostro tako znoł mury sam te.

Lognano

[broneknotgeld]

W Lognano

Ciongnie Lognano mie ludzie złoci
Bo kaj ciekawsze targi staroci?

Toskania

[broneknotgeld]

Toskania

Krainom zobytkow Toskania jest zwano
Dyć sie som przkonej czy dobre to miano.

[broneknotgeld]

Toskańske wina

Toskańske wina - brinello chianti
Toż jo zarozki godom - avanti.

[broneknotgeld]

"Rassegna del Chianti"

W drugim tydniu września Toskania świyntuje
Przeca "świynto wina" fest sie tu fajruje
Te chianti bych spijoł cołki tydziyń prawie
I nawet niy wiedzioł - we śnie czy na jawie?

[broneknotgeld]

Toskania

Ponoć ta kraina
mustrym włoskim stoji
Na samiuśkim wiyrchu
-spadnońć se niy boji!

[broneknotgeld]

Łojczyzna chianti

Ano - se chianti czerwiyni w łoczach
Winko przezocne tyż śni po nocach
Z toskańskich winnic słonkym halane
Cudym natury nom tako dane.

[broneknotgeld]

Italijski jynzyk

Z italijskich djalektow toskański na przedzie
Ze "Boskom Komediom" Dante nom go wiedzie.

Piombino

[broneknotgeld]

Z Piombino

Z Piombino na wyspy se szifym popłyna
Taki atrakcyji jo przeca niy mina.

Elba

[broneknotgeld]

Na Elbie

Co z tego ze biołe plaża?
Durś we ciźbie po niyj łaża!

[broneknotgeld]

Ech - wlazło tam
forum.gazeta.pl/forum/72,2.html?f=28940&w=19764660&a=46215459
Wielki tyn kram.

[broneknotgeld]

"Bella"

Ano - kożdymu se gryfno zdo
Dyć łod natury ta krasa mo.

[broneknotgeld]

Perła Wenery

Pynknoł Wenerze łancuch z perłami
Elba ze niego - to wiycie sami.

[broneknotgeld]

223,5 kilometrow kwadratowych

Jak na wyspa tego styknie
Pozwiydzomy co tu piykne.

[broneknotgeld]

Łoziym gmin wyspy

Łoziym szteli w ty dziedzinie
Toż łostuda ich niy minie
Jak sie razym trza dogodać
Burgemajstow ciynżko zgoda.

[broneknotgeld]

Elba - Muzyczno Wyspa Europy

Elba we wrześniu muzykom żyje
Dyć tukej jednak se niy zawyje.

[broneknotgeld]

Toscana-Elba Cup "Trofeum Lockman"

Dlo zyjmanow w lipcu zowdy
Te zawody tu rychtujom
Wiela umiom - tu naprowdy
Se dowiedzom i poczujom.

[broneknotgeld]

Niy ma tonio

Ponoć nic tam niy jest tonie
Jak zlondujesz we sezonie.

[broneknotgeld]

Wszysko tu mocie

Łod plażowanio po sporty wodne
Znojdziesz tu wszysko co dzisioj modne
Tyż paralotnie trakking i konie
Yno że drogo richtig w sezonie.

[broneknotgeld]

Park Narodowy Archipelagu Toskańskego

Dyć to dlo wyspy prowdziwym skarbym
Jakeś wieżowce niy som jyj garbym
W zocy co gryfne chocioż i małe
Niychej im szczyńści na wieki całe.

Portoferraio

[broneknotgeld]

Do Portoferraio

Do Portoferraio promym se dopłynie
Bele niy zapomnisz wlyźć tam we Piombinie.

[broneknotgeld]

Portoferraio

Ze modrości morza wito wyspa zielym
Na promie se czujesz choby jaki jelyń
Kery jakby chuł już nojgryfniejsze łanie
Do portu zowitosz - co sie z tobom stanie?

Florencja

[broneknotgeld]

Most Złotnikow

Stoji we Floryncji z sztyrnostego wieku
Nojstarszy we mieście - przeca wiysz czowieku
Do dzisioj tu kupisz droge świycidełka
Mie łone niy nyncom - niych leżom w pudełkach.

[broneknotgeld]

Kosma Medyceusz (1434)

Toż Floryncjom banker włodo
Złoto kupcom wiela godo
Tako rosnie rod Medicich
W Italyji richtig świyci.

[broneknotgeld]

"Arte della lana"

Cech wełniorzy miasto richtig dźwignoł tako
Zdo sie co niy bydzie już tukej jednako
Stond sukno czerwone - towor eksportowy
Dyć i we gyszefcie majom mocne gowy.

[broneknotgeld]

Miasto bankerow

Za dużo piniondza do Floryncji wpływo
Inkszym pożyczajom - to chyba niy dziwo.

[broneknotgeld]

Bankowo stolica Europy

Miasto to terozki bankerow europy
Bogactwym fest blyszczy - niy widać utropy
Tu cechy kupieckie na kunszcie sie znajom
Łozdobiom grod zocnie bo przeca mu pszajom.

[broneknotgeld]

Floryncko katedra

"Cech wełniany" geld wyłożoł
Wiela we Floryncji wożoł
-Zdo sie jakby cudym świata
Dyć łostała tu na lata.

[broneknotgeld]

Katedralno dzwonnica

Giotto projektowoł - jego miano nosi
Do dzisioj tu dzwoni - wiernych na mszo prosi.

[broneknotgeld]

Katedralno kopuła

Staraniym Brunelleschiego
Wielbi Boga Wszechmocnego.

[broneknotgeld]

Partio gwelficko

Partio gwelficko miastym rzodziyła
Siyłom piniondza wspiyrano
Przi niyj Floryncjo dyć rozkwitnyła
Jakby gryfniejszo co rano.

[broneknotgeld]

Zocne życie

Floryncyjo zocnie przi pokoju żyje
Rzemiosło rozkwito - czynsto tu świyntujom
Kunszt blyszczy niyszczyńscie se po kontach kryje
Prziszły "złote roki" - tako teroz czujom.

[broneknotgeld]

Medyceusze

Kosma i Wawrzyniec dokłodajom chwały
Miastu sie wydowo co świat tukej cały.

[broneknotgeld]

Wawrzyniec Wspaniały

W jego ryncach Floryncyjo zdo sie plastelinom
Rada Miejsko tyż se jakby medycejskom stała
Dyć co bydzie jak Wawrzyńca ziymske czasy minom?
Czy we rodzie władza ciyngym tako jak ta skała?

[broneknotgeld]

Bibljotyka floryncko

Kupioł po Niccolim Medyceusz ksionżki
I świyntego Marka doł je zakonowi
Bibljotyki koncept był we tym niywonski
Toż Medicich dzieło - kożdy tako powi.

[broneknotgeld]

Akadymjo Platońsko

Nowo akadymjo we Floryncji majom
Toż filozofowi istnymu tu pszajom.

[broneknotgeld]

Wawrzyniec poeta

Ano Wawrzyniec i wiersze pisoł
Kożdy je chwoloł - nudli niy wiyszoł.

[broneknotgeld]

Koniec Medicich

Po Wawrzyńcu Wspaniałym rod Medicich gaśnie
Syna z Floryncyji wygoniajom właśnie
Nowo konstytucjo zarozki tyż majom
No i już despotom w ty szteli niy pszajom.

[broneknotgeld]

Kolybka

Dante, Boccacio, Petrarka
Toż ta Floryncjo niy szparka
Jynzyka kolybkom zdo sie
Co zocne zowdy tu mo sie.

[broneknotgeld]

Stolica Toskanii

Łod medycejskich już czasow
Siył ty Floryncji niy gaszom.

[broneknotgeld]

We dolinie

We dolinie rzeki Arno
Niy była Floryncjo marno
Blyszczy kunsztym i terozki
Choć zobytki to tyż troski.

Siena

[broneknotgeld]

Ponoć

Ponoć Siena kuchniom słynie
Możno mie to niy łominie.

[broneknotgeld]

Siena

Ze Floryncjom zowdy jest porownywano
W Toskanii za drugo łod wiekow stowiano.

[broneknotgeld]

"Palio"

Sienyńske palio - konie rajtujom
Na rynku tako kantow niy czujom.

[broneknotgeld]

Palio di Siena

W sienyńskim palio i koń wygrywo
Jak dorajtuje - kogo to dziwo?

[broneknotgeld]

W XIV wieku

W sztyrnostym wieku już sienyńczyki
Se tu pierońsko gniyli
Konie i yjzle a nawet byki
Bywało - życie traciyli.

[broneknotgeld]

Siena 1590

Toż princ Toskańji rozkazoł tako
By palio na Campo było
Richtig to lepi choć niy jednako
Terozki nic se niy skryło.

[broneknotgeld]

Plac Campo

Jak epno muszla we Siyny środku
Przi palio ślypia i jo tam potkom.

[broneknotgeld]

Palio

Fana wyścigu tego nagrodom
Nojlepszym kunsztym sztrajchniono
Z jedwobiu tako - jeszcze wom godom
Palio łod wiekow niy kono.

[broneknotgeld]

Dwa razy w roku

Dwa razy palio se tu łodbywo
W lipcu i siyrpniu toż nich niy dziwo
Że i turystow zoglondo wiela
Ze palio rośnie sienyńsko sztela.

[broneknotgeld]

"Contrade"

Dzielnice Siyny w tym konkurujom
Siedym nojstarszych zowdy być musi
Dyć trzi do tego tyż doszlusujom
Se rowno dycha na palio brusi.

[broneknotgeld]

Sztyry dni zabawy

Przed kożdym palio - to czowiek wiy
Festyn we Siynie na sztyry dni
Konie rajtować tako probujom
Rycerze cechy zaś paradujom
Tańce i śpiywy wino uciychy
Niych łodpuszczone bydom ich grzychy.

[broneknotgeld]

Procesyjo Świyc

Siyna do katedry ściongo
W procesyjo tako wprzongo
Palio bydzie poświyncone
Niym na Campo ruszom konie.

[broneknotgeld]

Wieczerzo na lufcie

Na dziyń przed wyścigym tako wieczerzajom
Tradycyji downy przeca tukej pszajom
We kożdy "contrade" dyć przeca łosobno
Toż dzielnica Siyny z uciechy tyż zgobno.

[broneknotgeld]

W cołki Siynie

W cołki Siynie wieczerzajom
Stoły tu na placach majom
Abo i na sztrasach nawet
Niy przejedziesz wtedy prawie.

[broneknotgeld]

Dlo wandrusa

Ech - ta prowda szkryfnońć musza
To niy cołkym dlo wandrusa
Za wieczerzo trza mu płacić
Tym "contrade" ubogacić.

[broneknotgeld]

Wielko Mszo

W dziyń wyścigu mszo na Campo
Z rana wszysko se szykuje
Trza łoglondnońć richtig sam to
W lufcie szpana aż tańcuje.

[broneknotgeld]

Renesansowo parada

To co Siyna mo zocnego
Dokupluje tyż do tego
Kolorowo i bogato
Sztela przeca niy sagato.

[broneknotgeld]

Słono

Campo zdo sie pympkym świata
Trza za balkon płacić w ratach?
Stoć we łoknie tyż kosztuje
Gyszeft taki - forsztelujesz?

[broneknotgeld]

Na Campo

W środku placu "plebs" już stoji
"Patrycjusze" na balkonach
Dzwon we sercu ton se stroji
Palio ruszo - idzie skonać!

[broneknotgeld]

Palio ruszo

Ze Torre del Mangia dzwon konie słyszały
Ano - zadki jejich poczuły szpicruty
Tako pohalane drapko rajtowały
Trzi razy po placy w połtoryj minuty.

[broneknotgeld]

Wyścig Palio

Ślecieć ze konia czy z niym wywalić
Toż zycie zdo sie szczyńściym łocalić
Sie szpicrutami jeźdźcy smagajom
Niy yno konie pryngi z nich majom
Palio - dzielnicy w tym honor wielki
I dlo czowieka niy duperelki.

Monteriggioni

[broneknotgeld]

Monteriggioni

Czy średniowiecze tukej stanyło?
Wszysko jest take jak piyrwyj było?

San Gimignano

[broneknotgeld]

San Gimignano

San Gimignano jak średniowiecze
Zwiydzać pewnikym ta sztela chcecie
Wysoke wieże tukej zodziwom
Zdo sie - z daleka wandrusom kiwiom.

Liguria

[broneknotgeld]

Liguria

Czy łona caluśko Riwierom jest yno?
Z Morzym Liguryjskim tako sie fest spino.

[broneknotgeld]

"Pesto"

Liguryjsko zołza tako
Tukej kuchnia niy jednako
Dyć te pesto "ze niczego"
Gorść bazylji weź do tego
Z włoski pinii tyż łorzecha
I łoliwek na pociecha.

[broneknotgeld]

Genua

Genueńsko jest zatoka
Trza Genui wiyrchym skokać
I Ligurii być stolicom
Za to sztrofy niy policzom.

[broneknotgeld]

"Cinque Terre"

Piyńć wiosek zdo sie wisi na skale
Z morza dopłyniesz - z londu chnet wcale
Dyć se zoglondnońć tu richtg werci
W gowie łostanie do samy śmierci.

[broneknotgeld]

"Via del'Amore"

Wykuto w skale nad samym morzym
Te "Cinque Tere" droga dyć łonczy
Czy skuli pszonio aż tela woży?
Tu sie zaczyno i już niy kończy.

Portofino

[broneknotgeld]

Ło Portofino

Ło Portofino tyż szlager momy
Śławy Przibylski miasteczko znomy.

[broneknotgeld]

Umberto Eco

Umberto Eco tyż szkryfloł tako
-Serce na wiyrchu w tym Portofino
Rożnie to widać dyć w tym jednako
-Tu sie ło pszoniu niy zapomino.

[broneknotgeld]

W Zatoce Paraggi

Tu sie potoplosz we ciepły wodzie
Przeca niy bydziesz ze tym po szkodzie
Yno dej pozor na glony czasym
Rzodko je widać dyć spieprzom wczasy.

[broneknotgeld]

Ano recht

Ano recht we tym - te Portofino
Jakoś se potym niy zapomino.

[broneknotgeld]

Kościoł San Giorgio

Niy yno słonko niy yno morze
Kościoł zodziwić tyż cie tu może.

[broneknotgeld]

"San Fruttuoso"

Jak ździybko zmynczy słonko i woda
Czasu ci na to niy bydzie szkoda
Toz te opactwo zocnościom słynie
We liguryjski cołki dziedzinie.

[broneknotgeld]

Po zatoczce

Po zatoczce se popływom
Na miasteczko tako dziwom
Richtig widza że jest małe
Dyć jak bonbon zdo sie całe.

Genua

[broneknotgeld]

Genua

Genua piyrwyj potyngom była
Połowom morza jakby rzońdziyła
W tym mieście-państwie flota armijom
Dyć dzisioj tako już tu niy żyjom

[broneknotgeld]

Krzysztof Kolumb

Ano - Genua światu go dała
Choć możno potym i żałowała.
-
forum.gazeta.pl/forum/71,1.html?f=28940

[broneknotgeld]

"Aquarium"

Paczysz na natury cud
Fisze z rożnych morskich wod
Tako inksze tyż stworzynie
Ruszy ludzi z tym sumiynie?
By podwodny świat łochronić
Przed złym naszym tako bronić.

San Remo

[broneknotgeld]

Festiwal w San Remo

Cosik dlo ucha dlo łoka tyż
Festiwal przeca - dobrze to wiysz.

[broneknotgeld]

Kasyno

Jak w Monte Carlo geld tukej stracisz
Chocioż ci zdo sie że ubogacisz.

[broneknotgeld]

"Corso Matteotti"

Cosik z "Monciaka" w Sopocie mo
Yno kaj molo? Kto je tu zno?

[broneknotgeld]

"Riwiera Kwiotkow"

Wele San Remo jest tako sztela
Kwiotkow hodujom tu richtig wiela
Geld dobry z tego dyć wyciongajom
Bestoż i we tym uciecha majom.

La Spezia

[broneknotgeld]

La Spezia

"Zatoka Poetow" - sztela tyż manujom
Łod czasow Petrarki tu rymy fest sujom.

Rapallo

[broneknotgeld]

Do Rapallo

Piniondz tu ciongnie i polityka
Biydok se może yno porzykać.

Loano

[broneknotgeld]

Loano

Tukej na starowce zicna se w kafejce
Toż winka mi drapko terozki podejcie
Promynady plaży już mi cołkym styknie
Toż ze lampkom wina życie leci piyknie.

[broneknotgeld]

Plaża w Loano

Dwa kilometry - tu richtig dugo
Plaża w Loano do frelek mrugo
Dyć jo już słonku niy dowom rady
Palmy mie kuszom ze promynady.

Piemont

[broneknotgeld]

"Risorgimento"

"Risorgimento" prziszło z Piymontu
Ideje tego do dzisioj som tu.

[broneknotgeld]

Sabaudzko dynastjo

Sabaudzko dynastjo Włochy połonczyła
Dyć skiż drugi wojny krolestwo straciyła.

Turyn

[broneknotgeld]

Turyn 1861-1865

Tako se zawołom - och!
Turyn był stolicom Włoch!

[broneknotgeld]

Turyn

Turyn "fiatami" niy yno blyszczy
Miano stolicy zimowy zyszczy
Przinojmni na czas ty Olimpiady
Tako być musi i niy ma rady.

Kalabria

[broneknotgeld]

Kalabrio

Kalabrio połwyspym połwyspu wiynkszego
Ano - konsek świata to italijskego.

[broneknotgeld]

Za Basylikatom

Za Basylikatom Kalabrio już widać
Możno se to komuś może nawet przidać.

[broneknotgeld]

Piyńć prowincji

Ano - we Kalabrji piyńć prowincji mocie
Costa Viola, Reggio i Tauro poznocie
Locride se śmiejom do wos tako lica
Toż niy zapomnijcie - jest tyż Grecanica.

[broneknotgeld]

Nad Morzym Tyrryńskim

Toż Morze tyrryńske wandrusa pokusi
Tukej zowdy istny zoglondnońć se musi
Gryfny brzeg skalisty i zobytkow wiela
Richtig to ciekawo italijsko sztela.

[broneknotgeld]

W Kalabrji

W Kalabrji kończom sie Apyniny
Narciarzy w zima wesołe miny.

[broneknotgeld]

W Sila i Aspromonte

Dlo narciarzy raj tu zimom
Dyć jo nartow w doma ni mom.

[broneknotgeld]

Nad Morzym Jońskim

Wiyncy luzu tu na plaży
Te wybrzeże mi sie marzy.

[broneknotgeld]

Latym w kalabryjskich gorach

Niy chcesz sie nad morzym smażyć
Gory blisko - Po co marzyć?
Tyż w jeziorach znojdziesz woda
Chytej rukzak - czasu szkoda.

[broneknotgeld]

"Enotria"

Take miano piyrwyj miała
Ta Kalabrio - na jyj chwała
Znaczy to - "Kraina Wina"
Radośniejszo zaś mom mina.

[broneknotgeld]

Kalabryjske winnice

Na wybrzeżu cos z tym marnie
W gorach znojdziesz dyć winiarnie
We nich wszysko byś łostawioł
I przi winku co dziyń bawioł.

[broneknotgeld]

Kalabrii chcecie se podziwować
www.meteowebcam.it/index.php?page=calabria
Dyć niy musicie zaroz tam stować.

Elba

[broneknotgeld]

Elba

Jest nojwiynkszo z wysp toskanskich
Ponoć tako nojgryfniejszo
Dyć to niy jest rym cygański
Yno prowda tyż dzisiejszo.

Termoli

[broneknotgeld]

Termoli

Nad Adriatykym tako Termoli
Ciyngym we morze se wcino
Kto tam zoglondnie zowdy pochwoli
I chciołby wrocać durś ino.

[broneknotgeld]

Zamek

Zamek w Termoli tako znojdziecie
Fryderyk II go dźwignoł
W morze zoglondać se tukej chcecie
Czas drapko leci - już mignoł.

[broneknotgeld]

Katedra w Termoli

Małe te miasto dyć cud katedra
Zodziwio swojom gryfnościom
Zdo sie dlo ducha jako ta fedra
Czy w niyj se drogi nom proszczom?

[broneknotgeld]

Isole Tremiti

Z Termoli łodkom se tam popłyniesz
Grot na tych wyspach dyć niy łominiesz.

Lombardia

[broneknotgeld]

Lombardio

W połnocnych Włoszech ta prowincyjo
Toż przeca niy jest to komedyjo.

[broneknotgeld]

Co łostało?

Longobardow miano dziedzina wspomino
Co po nich łostało? Czy richtog to ino?

Como - jezioro

[broneknotgeld]

Como

Nojgrufniejsze w Italyji
Te jezioro mocie?
Niy ma we tym komedyji
Pewno je już znocie.

[broneknotgeld]

Jezioro Como (414 m)

Jedne z nojgłymbszych jezior w Europie
Piyrwyj zatokom podobnoś było
Dyć stond do morza daleko chopie
Toż ciynżko mi sie w to uwierzyło.

[broneknotgeld]

Villa Balbianello

Z roztomajtych willow łona nojgryfniejszo
Zdo ci sie bajkowo - cołkym niy dzisiejszo.

[broneknotgeld]

W "Gwiezdnych Wojnach"

Willa Balbianello z "Gwiezdnych Wojyn" znom
Tym wiynkszo radocha ze istny jo mom.

[broneknotgeld]

Villa Sarbolloni

Ech - by se tukej pomiyszkać chciało
Geldu trza jednak richtig niymało.

[broneknotgeld]

W Las Vegas

Ponoć Villa Sarballoni tam se skopiowali
Dyć co z tego jak jeziora i gor niy zabrali.

[broneknotgeld]

Villa Carlotta (XVIII w.)

Kto pomiyszkiwoł tu yno latym?
Pewne co richtig był łon bogaty.

[broneknotgeld]

Kolekcyjo rzeźb

Cie Villa Carlotta rzeźbami zodziwi
We jeji łogrodzie tyż żeście szczyńśliwi

[broneknotgeld]

Jezioro Como

Jako widelec - ło niym tu prawiom
Ci co dychajom tu i tyż bawiom.

[broneknotgeld]

Łobsione miasteczkami

Como łobsione jest miasteczkami
Dyć malutkimi - poznocie sami
Piyrwyj jezioro je kuplowało.

[broneknotgeld]

Łobsione miasteczkami

Como łobsione jest miasteczkami
Dyć malutkimi - poznocie sami
Piyrwyj jezioro je kuplowało
Ston kożdy łodka mo tu choć mało.

[broneknotgeld]

Pozyjmanić

Tu pozyjmanić by mi sie chciało
-Niy yno czasu mom na to mało.

[broneknotgeld]

Prziciongo

Politykow i aktorow te Como prziciongo
Tako człowiek se we jego historyjo wprzongo.

Como

[broneknotgeld]

Miasto Como

Miasto se mianym swym podzielyło
Ze tym jeziorym co piyrwyj było.

[broneknotgeld]

Ratusz w Como (XIII w.)

Niy dość że stary to i pisiaty
W bioło-różowo-siwość bogaty.

[broneknotgeld]

"Torra del Comune"

Ze wysoka se poblikosz
Na te cuda - możno rzykosz.

[broneknotgeld]

Za Mussoliniego

Za Mussoliniego sztrasa w skale kuli
Faszyzm tyż budowoł - niy yno chcioł bulić.

[broneknotgeld]

W Como

Alessandro Volta w Como pomiyszkiwoł
Se prowom fizyki richtig istny dziwoł.

Ballagio

[broneknotgeld]

Ballagio

Cie łoczaruje promynadami
Tu na spacyrze niy bydźcie sami.

[broneknotgeld]

W Ballagio

Tu kafejki promynady
Trza se dychnońć - niy ma rady.

Varenna

[broneknotgeld]

Varenna

Widać co Varenna portowo se żyje
Dyć i ze turystow ździybeczko utyje.

[broneknotgeld]

Ruiny zamku (XI w.)

Wele Varenny zamku ruiny
Dyć trza zoglondnońć do ty dziedziny.

Lecco

[broneknotgeld]

W Lecco

W Lecco muzeum jest Manzoniego
Ktoś możno czytoł pisorza tego?

[broneknotgeld]

Plac Alessandro Manzoniego

Ano se Manzoni we Lecco urodzioł
Choć po placu swojim jeszcze łon niy chodzioł
Przeca tyż rozsławioł takowo dziedzina
Bestoż łona widzi w niym zocnego syna.

[broneknotgeld]

Dynkmal Manzoniego

Na niym z "Narzeczonych" scyny
-Ciekawostkom ty dziedziny.

Umbria

[broneknotgeld]

Umbrio

Prawiom co Umbrio richtig jest mało
Przeca przepiykno zdo sie wom cało.

[broneknotgeld]

Gaje oliwne, gryfne łogrody
Umbrji dziwuje se stary, młody.

[broneknotgeld]

Piyrwyj

Piyrwyj Etruskow była dziedzinom
Dyć skiż Latynow te czasy minom.

Perugia

[broneknotgeld]

Perugio

Stolica Umbrji - grod to przezocny
Już za Etruskow łon był tu mocny.

[broneknotgeld]

W etruski lidze

Dwanoście grodow ta liga miała
Perugio wtedy tyż rozkwitała.

[broneknotgeld]

"Perugino" - Pietro Venucci

Malyrz italijski renesansu doby
Tu żył no i tworzoł bo kaj ińdzi szło by.

[broneknotgeld]

Festiwal Szokolady

Zowdy z październikym we Perugii mocie
Smak ty szokolady tyż zapamiyntocie.

Asyż

[broneknotgeld]

Asyż

Perugio Umbrji stolicom
Dyć ze Asyżym tyż se tu liczom.

[broneknotgeld]

Rozsławioł

Świynty Franciszek Asyż rozsławioł
Żył tu , nauczoł, dobrociom bawioł.

[broneknotgeld]

Zakon Franciszkanow

Asyż kolybkom zakonu przeca
Świynty Franciszek ze tego neca.

[broneknotgeld]

Choć Szwajcarii w Unii niy ma
Przeca to tyż dlo niyj tymat.

[broneknotgeld]

Ktoś podpowiado - se fraszczka szczel
Zdo sie to możno tyn Wilhelm Tell.

[broneknotgeld]

Sztyry

Niymcy Francjo Italyjo
Zdo sie - włażom w Szwajcaryjo

Sztyry nacyje razym we zgodzie
Jedyn drugego wcale niy bodzie.

[broneknotgeld]

Szwajcario

Zdo sie nom szokoladowo
Geld tyż zaroz w łoczach stowo
Zygor wancki tu niy cisnom
Toż Szwajcario ludzie wyśniom

[broneknotgeld]

Noc Muzeow - Lozanna 25.IX.04

Niy styknie ci czasu by wszyske łoglondnońć
Dyc se we Lozannie werci we to wprzongnońć
Miyndzy muzeami autobus kursuje
Z karnetym połdarmo - teroz forsztelujesz?

[broneknotgeld]

Se wadzom

Genewa z Lozannom ło Leman se wadzom
Jeziorym Genewskim już teroz go zowiom
Zowdy ci co wiynksi jakosik sie radzom
Przi tymu myńszego ździybeczko choć dowiom.

[broneknotgeld]

Lozańsko katedra

Podobnoś w Szwajcarii łona nojgryfniejszo
Asi sie niom przeca Lozanna dzisiejszo
Toż i jo pochwola za to zocno sztela
Yno schodkow na nia zdo sie mi za wiela
Bo niym do portalu zońda przecudnego
Gyry umynczone już mom skuli tego.

[broneknotgeld]

Drewniane schodki

Do katedry wiedom w gora
Jest ich tukej połno fura
Nawet niy chce sie rachować
Nogi myncza! Po co gowa?!

[broneknotgeld]

Ze dzwonnicy katedry

Nocny strażnik ze dzwonnicy
Ciyngym te godziny rycy
Toż widzicie - dzisioj tako
Jako piyrwyj - durś jednako.

[broneknotgeld]

Muzeum Sztuki Prymitywny

Dziwej se jak żeś niy chory
Tukej same "nikifory".

[broneknotgeld]

Pierre de Coubertin w Lozannie

Ano se tukej Pyjter przikludzioł
Ruch olimpijski karlus łobudzioł
Bestoż Lozanna jego stolicom
We cołkim świecie ze tym sie liczom.

[broneknotgeld]

1915-2005 (90-lecie)

Miyndzynarodowy Komitet Olimpijski

Toż tela lot tymu Komitet tu prziszoł
Oby już nikt na tym nudli se niy wiyszoł.

[broneknotgeld]

Muzeum Olimpijskie

Olimpijskie jest muzeum
W parku ło tym mianie
Niych niy bydzie mauzoleum
Sport to życio branie.

[broneknotgeld]

Dynkmal - muzeum

De Coubertina muzeum zdo sie
Ideja grofa na wiyrchu mo sie.

[broneknotgeld]

Lozanna

Jezioro Lemańske z Lozannom se pieści
Ło tym w rożne strony ciyngym lecom wieści.

[broneknotgeld]

Leman

Leman pszaje fest Lozannie
Ciyngym chce być przi ty "pannie".

[broneknotgeld]

W starożytności

Lazły przez Alpy tyny legjony
Toż sztimowała Lozanna łonym
Ze tym ta sztela poleku rosła
I do znaczynio jakegoś doszła.

[broneknotgeld]

1536

Berno Lozannom zaczło se rzońdzić
Zdo sie pobito - z tym bydom błońdzić
Toż cołki Vaud se z tego burzy
Wolność niyjedyn z czasym tu wroży.

[broneknotgeld]

Berno - Lozanna

Berno-Lozanna - wojna domowo
Vaud skuli tego pod broń tyż stowo.

[broneknotgeld]

Republika Lemańsko 1798

Z tym cołko władza Berna se traci
Wolność Lozanna dyć ubogaci.

[broneknotgeld]

Kanton Vaud

Toż Napoleon zarzońdzioł tako
Niy republika - kanton jednako
W Konfederacji Szwajcarski łon
I nikt niy powiy mu tam tyż -won!

[broneknotgeld]

Rodan

Rodan w Leman wody wlywo
Alpom łon se tukej dziwo
Bliko tako na Lozanna
Richtig gryfno to jest "panna".

[broneknotgeld]

Szac

Leman Lozanny szacym sie zdowo
Niy yno mie sie tako wydowo
Niyjedyn gowom przi tymu kiwo
Dyć to żodnego tukej niy dziwo.

[broneknotgeld]

Miasto słońca

Na połedniowym zboczu se leży
Z tym wiela słońca - możecie wierzyć
Dyć sie przeglondo jeszcze w Lemanie
Widzi tyż słonko i kiwie na nie.

[broneknotgeld]

"Liryki Lozańskie"

Se tu Mickiewicz naszkryfloł tela
Bo zochwyciyła go tyż ta sztela.

[broneknotgeld]

"Palais de Rumine"

W środku Lozanny muzea znojdziesz
We histotyjo łodległo dojdziesz
Cobyś za wiela se niy łonaczoł
Wszysko cuzamyn w jednym pałacu.

[broneknotgeld]

Biskupstwo Aventicum (VI w)

Stolec biskupi w Lozannie z tym
Grod ciyngym rośnie - to dobrze wiym.

Vaud

[broneknotgeld]

Niy byda żałowoł

Lemańsko dziedzina wnoroślom słynie
Degustacjo wina niychej mie niy minie
Toż piwniczki zocny poszukom na stoku
Niy byda żałowoł przeca tego kroku.

[broneknotgeld]

Czerwone i biołe

Wino czerwone i tako biołe
Z niymi w Vaud życie ciyngym wesołe.

[broneknotgeld]

Kaj ińdzi niy ma

Win z Vaud podobnoś kaj ińdzi niy ma
Cołkym je spijo ta zocno ziymia?

[broneknotgeld]

Lotschental

Ta dolina łod świata chnet łodciynto była
Toż w jeji dialekcie richtig wielko siyła
Choć poskopić ciynżko go inkszym Szwajcarom
Dyć se go durś czimiom - niy jest jakomś marom.

Wallis

[broneknotgeld]

Kedyś tukej

Kedyś bydło paśli i drzewo rombali
Z toworym przez Alpy tyż se "przeprowiali"
A dzisioj ze czego richtig profit majom?
Ano - turystyce wiela tukej pszajom.

[broneknotgeld]

Lotniarstwo

Lotniarstwo we Wallis
złoty okres mo
Krzideł aż za wiela
tukej mi sie zdo.

[broneknotgeld]

"Gruyere"

Ło tako kujza
kożdy tu woło
Toż jyj "prziprowom"
alpejske zioło.

[broneknotgeld]

Dzwonki

Dzwonki pamiontkom nom sie zdowajom
Durś tukej krowy "na słuch" szukajom?

[broneknotgeld]

We Wallis

Znojdziesz sie we Wallis na szlaku prastarym
Co przez Alpy wiedzie do ty Italyji
Toż kanton tyż ze tym wiynkszy zdo sie miary
Yno trza zoglondnońć nom do historyji.

[broneknotgeld]

Sztyrotysiynczniki

Aż sztyrdziści siedym gor takich zrachujesz
Toz wysoki kanton - chyba forsztelujesz.

[broneknotgeld]

Dufourspitze 4634 m n.p.m.

Niy yno we Wallis szpica to nojwyrszo
W cołki Szwajcaryji łona jest nojpiyrszo.

[broneknotgeld]

Matterhorn 4478 m n.p.m.

Zdo sie jakby "z glasu gora"
Czynsto zniko szpic we chmurach
Niydostympno łośnieżono
Przi niyj głos we gymbie kono.

[broneknotgeld]

Rodan

Rodan przez kanton alpejski płynie
Cuda łoglondniesz w jego dolinie
Toż ze tym rokym zwiydzej ta sztela
A se zodziwisz naprowdy wiela.

[broneknotgeld]

Cugym

Cugym z Rodanym se tukej jada
Glajzy mie wiedom w tunele mosty
Z łokyn podziwom jo Alp parada
Na gryfno rajza knif taki prosty.

[broneknotgeld]

Tako se dzieli

Skuli junzyka kanton se dzieli
Francuski zachod - germański wschod
Tako w szwajcarski bywo dyć szteli
Toż niy buduje jom jedyn lud.

Wallis

[broneknotgeld]

Sezon turystyczny

We gorach sezon rok cołki trwo
Zimom narciarzy ta sztela mo
Latym wandrusow do sia durś kusi
Zdo sie co tako być już tu musi.

Champery

[broneknotgeld]

Champery

W dolinie Illiez ta sztela leży
Rajym sie zdowo możecie wierzyć.

[broneknotgeld]

Champery

[broneknotgeld]

Zimom i latym

Zimom som połne tu nartostrady
Sie z tym Szwajcary dowajom rady
Latym zaś jeżdżom durś na "góralach"
I geld tyż siejom tako po halach.

Champery

[broneknotgeld]

Wspinaczka

Kto sie wyspinać lubi pościanie
Tyż we Champery swoje dostanie
I niy ma ze tym utropy wcale
Gyszeft trza robić nawet na skale.

Champery

[broneknotgeld]

Gorom młodzi

Ze jednym jednak kożdy sie zgodzi
W dolinie Illiez gorom som młodzi.

Dolina Herens

[broneknotgeld]

Dolina Herens

Ta starszych kusi i familije
Możno spokojni sie we niyj żyje
Zdo sie co bardzi sielsko jest tukej
Jak tako lubisz w dolina klupej.

Dolina Herens

[broneknotgeld]

Widoki

Z szokolady "milki" tukej mosz widoki
Zdo sie co pakujom jom ciyngym świstoki.

Dolina Herens

[broneknotgeld]

Krowy

Krowy na halach w kwiotkach se pasom
W tle łostre turnie lynkliwych straszom
Dolina Herens tako sie jawi
To niy reklama co ciyngym bawi.

Dolina Herens

[broneknotgeld]

Dyć jak wolisz

Dyć jak wolisz sie ścieżkom wybier prosto w gory
Świstok yno gwizdnie - zodziwi se ktory.

Aigle

[broneknotgeld]

Zamek

W dolinie Rodanu zamek stoji stary
Z kamiynia go dźwigli bestoż bioło-szary
Łogromne mo mury we niych wieże mocne
Dyć niym tam se dońdziesz to richtig tyż zocne
Że idziesz do niego przez piykne winnice
Ze kerych tyż słynom tukej okolice.

Zermatt

[broneknotgeld]

Zermatt

Wele Matterhorna te miasto se leży
Czy pympkym Europy? Szłoby tymu wierzyć.

[broneknotgeld]

Dlo alpinistow

Dlo alpinistow pympkym dziedzina
Zocniejszy w Alpach podobnoś ni ma.

[broneknotgeld]

W Zermatt

Mo Zermatt dlo mnie tyn feler srogi
Na moj portmanyj zdo sie za drogi.

[broneknotgeld]

Na Matterhorn

W Zermatt tyn Matterhorn niyjednego kusi
Jak se nań zoglondniesz to aże cie dusi.

[broneknotgeld]

Francyjo jak wino kożdymu smakuje
Bo tyż tu nojwiyncy se go produkuje
Zaś lawyndom wonio podobno łod zowdy
Parfin tukej krolym - wiela we tym prowdy.

[broneknotgeld]

"TGV"

Nojgibszy w Europie teroz cug francuski
Polski jest przi tymu jak na grubie wozki.

[broneknotgeld]

22 regiony

Na tela regionow se Francyjo dzieli
Szkryfna byście ło tym już teroz wiedzieli.

[broneknotgeld]

96 departamyntow

Do sety brakło naprowdy mało
Richtig tych sztyrech se już niy chciało?

[broneknotgeld]

77 miljonow

To niy Francyji liczba ludności
Tela łodwiydzo jom rocznie gości
Nojbardzi w świecie wandrusow ciongnie
Możno i ciebie kedyś w to wprzongnie.

[broneknotgeld]

12 miljonow

Paryż - aglomeracyjo
Tela ludzi - toż mecyjo.

[broneknotgeld]

Zimno - ciepło

Zimny Atlantyk - ciepłe Środziymne
I fraszka ślonsko jeszcze łodymnie.

[broneknotgeld]

Normandio

Kusi Normandio ciyngym kyjzami
I jabłecznikym - toż wiycie sami.

[broneknotgeld]

Bretonio

Piyrwyj region echt-celtycki
Dyć łostało coś na wdycki.

[broneknotgeld]

Alzacjo
Stond ruda ajzy Francjo bogaci
Dyć wiela razy Alzacjo traci.

[broneknotgeld]

Lotaryngio

Tukej Joanna se urodziyła
Kero Francyji łobrońcom była.

[broneknotgeld]

Turyńjo

W Turyńji zamki no i łogrody
Ciyngym zdowajom se "piyrszy wody".

[broneknotgeld]

Loara - 1020 km

Nojdukszo rzeka Francyji przeca
Na zamki przi niyj niy styknie neca.

[broneknotgeld]

Galowie

Plymiona celtycke tu prawie łod zowdy
We kerych Francuzy przodkow swojich majom
Toż idzie se asić tym dzisioj naprowdy
Co we nich poczontku swojego szukajom.

[broneknotgeld]

Massalia (ok.600 r.p.n.e.)

Grekom te wybrzeże richtig sztimowało
Tako ze Galami tu se handlowało.

[broneknotgeld]

Rzymski protektorat 121 r.p.n.e.

Marsylske wybrzeże we Latynow rynkach
Chnetko i Prowansjo zacznie tako kwynkać
Rzym we siyła rośnie - narody podbijo
Niy tropi tym przeca co dlo nich mecyjo.

[broneknotgeld]

Juliusz Cezar w Galji

Czy skiż Cezara Rzymiany wszyndy?
-Ze wojskym swojym Galjo podbijo
Wercyngetoryks choć bronioł grzyndy
Dyć przegroł tako - toż tragedyjo.

Tako kraj jego - Rzymiany wszyndy

[broneknotgeld]

Pod Rzymianami

Pod panowaniym Rzymian durś byli
Dyć Galjo ciyngym zdało sie - rosła
Na handlu przeca wiela zyszczyli
Sztela we przodek ze tym tyż poszła.

[broneknotgeld]

Lyon

Lyon w Galiji uros nojbardzi
Mianym stolicy możno niy wzgardzi
We prowincyji zdo sie nojpiyrszym
Choć czas pokoże co niy nojwyrszym.

[broneknotgeld]

Lutetia Parisorum

Za rzymskich czasow kaj nurt Sekwany
Małe miasteczko stanyło
Wiek złoty bydzie jymu tyż dany
Ło jakim wpiyrw se niy śniyło.

[broneknotgeld]

III-V w.n.e.

Ludy barbarzyńske cisnom na ta sztela
Zrachować je tukej zdało by sie wiela
Franki i Burgundy tako samo Goty
Wandale Alany i inksze huncwoty.

[broneknotgeld]

W połowie V wieku

Nojwiynksze huncwoty z Attylom se ciśli
Dyć krotko to trwało i źle na tym wyszli.

[broneknotgeld]

V-VI w.n.e.

Z Kornwalji i Walji Bryty przipłynyli
Na cołkim połwyspie se tu osiedlyli.

[broneknotgeld]

Soissons 486

Toż Chlodwig krol Frankow Rzymian tukej bije
Dziedziny som jego - niy jakeś niczyje
I chocioż trza bydzie durś swojego bronić
Z Francyji Chlodwiga żodyn niy przegoni.

[broneknotgeld]

Tolbiac 496

Aleman richtig tukej pobity
Dyć Chlodwig yno rośnie zaś przi tym.

[broneknotgeld]

Krzest Chlodwiga 496

Tako krzest Chlodwig przijoł z tym rokym
"Francia" już państwym istnego
Stolicom Paryż - tyż z jego krokym
Czas Merowingow do tego.

[broneknotgeld]

Poitiers 732

Toż majordom merowiński Francyjo łobroni
Muzułmanow ze ty ziymi pod Poitiers przegoni
Łod Karola Młota wyńdzie wielko dynastyjo
Dlo mamlasow Merowingow yno tragedyjo.

[broneknotgeld]

Pepin Krotki (714-768)

Jako fater majordomym - zły tref Childeryka
Merowingow ze niym koniec - mogom yno rzykać.

[broneknotgeld]

Pepin - krol Frankow

Z Childerykym kończom - Pepin krolym Frankow
Longobardow pobioł jak jakiś barankow
A co jejich było łoddoł papiyżowi
Monarcha przezocny - Kościoł tako powiy

[broneknotgeld]

Nawrocoł pogan

Pogan Karol Wielki ponoć mieczym krzcioł
Coby coroz wiynkszy tron cysorski boł.

[broneknotgeld]

Karol Wielki

Ołpa majordomym
Krolym Frankow łojciec
A istny cysorzym
Toż se mu dziwojcie.

[broneknotgeld]

Cuzamyn

Co piyrwyj łosobno terozki cuzamyn
Frank German Rzymianin - jednak niy na amyn
Dyć w końcu zabraknie Karola Wielkego
Chcom być zaś se łod sia - fest ciongnom do tego.

[broneknotgeld]

Menton - Lazurowe Wybrzeże

Kedyś w Grimaldich władzy z Monako
Potym Francyjo to wziyła
Dlo Menton było przeca jednako
Dyć łone swoja mo siyła.


Świynto Citrony w Menton

To tukej kedyś pramatka Ewa
Co hapła w Raju prziniosła
Piykno gałonzka citrony drzewa
Piyrszo we Menton wyrosła

Miasto ze tego downo słynyło
Zocny to owoc Europy
We dziewiytnostym wieku tak było
Cytrus łodbiyroł utropy

Teroz to dzieje sie w karnawale
Świynto Citrony tu majom
Coś brak jyj - dyć to niy mynczy wcale
Z Hiszpanii se sprowadzajom.


Cytrusowo parada

Ze cytrusow tukej figury budujom
Potym te parady w czi niydziele idom
A co niy łognije ludziskom "wysujom"
- No tak co roku bo turysty przidom.


Karnawał cytrusow

Citron z apruzinom czi tydnie krolujom
Tako tukej było już przed drugom wojnom
A że ćwierć Europy tyn zwyczaj fest ujon
Ło zyski w tym czasie sztela jest spokojnom.


Apruzinowy "Disneyland"

Tako we tym roku Monton se pokoże
Do tego dodejcie "lazurowe" morze
Choć to niy jest lato yno jeszcze zima
Monton swoje zrobi - niy zeżre ich tryma.

(fraszki zeszłoroczne)

[broneknotgeld]

Krol Karnawału Nicejom rzońdzi
Dyć po dwoch tydniach na stos zabłońdzi
Szczyńściym co roku majom inkszego
Latoś se znojdli "Klonowanego".



Festiwal Kwiotkow

Karnawał bez kwiotkow w Niceji niy wyńdzie
A w dziyń festiwalu to łone som wszyńdzie
Nojpiykniejsze jednak na wozach tu znojdziesz
Aroma w kicholu że ślepy tyż dojdzie.

[broneknotgeld]

Nicea

Nicea z Monako ździybeczko se wadzi
-Kery szteli bardzi wszyscy tukej radzi?

[broneknotgeld]

"Promenade des Anglais"

Ech - se połazić przi samy plaży
W gryfny Nicei - to mi sie marzy.

[broneknotgeld]

Wizytowka

Dlo Nicei - promynada
Ano niy ma to przesada.

Lazurowe Wybrzeże

[broneknotgeld]

Wybrzeże

Czy wybrzeże richtig tako lazurowe?
Czas by se przekonoł ło tym w końcu czowiek.

[broneknotgeld]

Lazurowe Wybrzeże

Łod Marsylji do Monako
Zowiom tukej brzeg jednako.

[broneknotgeld]

Już w XVIII w.

Francyjoki i Angliki już tukej dychali
Ponoć inkszym tyż nacyjom za przikłod dowali.

[broneknotgeld]

"Lazurowe Wybrzeże" Liegearda

Francuski pisorz szkryfnoł te miano
Tako żech wspomnioł se dzisioj rano
Toż już na wieki po niym łostało
Jakby to yno - przeca niymało.

[broneknotgeld]

Francusko Riwiera

Ano - trza szkryfnońć ło tym mi teraz
Idzie Wybrzeże zwać tyż - Riwiera.

Villefranche-sur-Mer - Lazurowe Wybrzeże

[broneknotgeld]

Villefranche-sur-Mer

Malutke miasto wele zatoki
Kerymu lecom szczyńśliwie roki.

[broneknotgeld]

Cytadela 1557

piyrwyj łobronie szteli słuzyła
Roki minyły - na nic jyj siyła
Terozki miasto krasi zobytek
Ze cytadeli ciyngym pożytek.

[broneknotgeld]

Starowka

Sie po starowce poszpacyrować
I wiekom tako tukej dziwować
Chocioż prziciongo morze i plaża
Po historyji jo rymym łaża.

[broneknotgeld]

Zatoka Villefranche-sur-Mer

Nojgryfniejszo to zatoka?
Se łopytej teroz łoka
Prawiom tako dyć nikierzy
Mozno trza im richtig wierzyć.

[broneknotgeld]

Fort Monte Alban

Zoglondo z wysoka tyn fort na zatoka
W lazurowo woda niy chce mu se skokać.

[broneknotgeld]

Willa Eltona Johna

Wele Fortu Alban willa jego mocie
Możno se z Eltonym kedyś tyż spotkocie.

[broneknotgeld]

Na wzgorzu "Viaigrier"

Tina Turner tukej bawi
Jeji willa se nom jawi.

Monaco - Lazurowe Wybrzeże

[broneknotgeld]

Monako

Ksiynstwo na dystrykty sztyry se nom dzieli
Tako jego władcy pewnikym mieć chcieli.

[broneknotgeld]

Dystrykt Monako

Toż niy yno se wydowo
Jakby sztela to rzondowo.

[broneknotgeld]

Dystrykt Monte carlo

Hazard i ekonomika
Do piniondza trza tu rzykać.

[broneknotgeld]

Dystrykt "La Condamine"

Port w Monako żyje przeca
Toż w tyn dystrykt teroz leca.

[broneknotgeld]

Dystrykt Fontvieille

Dyć i werki tu znojdziecie
Przemysłowy dystrykt przecie.

[broneknotgeld]

Monte Carlo

Łone jest nojbardzi znane
Tu kasyna wito ranek
Kaj rachujom już profity
"Noc hazardu" wielbiom przi tym.

[broneknotgeld]

Grand Prix Monaco

Formuła 1 Monako zno
Wila radochy z wyścigow mo.

[broneknotgeld]

Francusko Alzacjo mo wiela ze Ślonska
Ciyngym tu ktoś inkszy chcioł być jeji panym
Taki los już bywo granicznego konska
Niy yno Alzacji przeca był pisany,

[broneknotgeld]

Bociek

Winiorze godajom że wszysko skiż flaszek
Kere som "wysmukłe jako boćki nasze"

[broneknotgeld]

Obernai - Świynto Wina - 15.VIII.04

Toż mom terozki coś smutno mina
Niy bydzie mie tam na Świyńcie Wina
A chciołbych popić i se zabawić
Latoś niy pódzie jednak tak sprawić.

[broneknotgeld]

Katedra

Katedra w Strasburgu mo miara Europy
Czista lot jom przeca budowali chopy
Dyć stanyło tukej richtig piykne cudo
Możno kedyś do niyj zajrzeć mi sie udo

Se alzacke wino w tyj intyncji pija
Bo przeca we Unii już terozki żyja
W ty flaszce zamknione słońce ze Francyji
Niebo w gymbie - w uszach jakby dzwiynki cyji.

[broneknotgeld]

"Mało Francjo"

W Strasburgu se Niymcy ze Francjom miyszajom
Dyć starowka - serce jakby tego miasta
Łod lot "Małom Francjom" tukej nazywajom
"Upiykła" sie łonz z alzackego "ciasta".

[broneknotgeld]

Starowka

Starowka tutejszo "dziedzictwym kultury"
UNESCO chce chronić strasburske te mury.

[broneknotgeld]

Asterix

W Bretanii znoł żech Gala jednego
Kery Rzymianom loł mocno
Dyć dzisioj niy ma już tam istnego
Choć sztela ciyngym jest zocno.

[broneknotgeld]

Bretania

Piyrwyj prawiyli - to koniec świata
Dyć dzisioj wybrać se richtig trza tam.

[broneknotgeld]

Richtig?

Richtig Bretonia u mie na stole
jak po bretońsku wcinom fandzole?

[broneknotgeld]

Megality

Megalitow w Bretanii se trocha znojdziecie
Ze celtyckich czasow czy starsze tyż przecie?

[broneknotgeld]

"Crepes" - naleśniki

Zdo sie to bretońske danie
Mom smak richtig teroz na nie
Ze cebulkom i grzibami
Te nojlepsze - zjydzcie sami.

[broneknotgeld]

Naleśniki na słono

Na słono tyż lubia
je ze kyjzom żołtom
Bretoński szpecyjoł
za kery coś dom tu.

[broneknotgeld]

Ajerkuchy na słodko

Ze dźymym karmelym abo marmoladom
ZE śmietonkom tako no i czekoladom
Toż nawet podadzom go i ze lodami
Dyc na słodko niy chca - zjydzcie se go sami.

[broneknotgeld]

"Creperies"

Ajerkucharni w Bretanii wiela
Zdo sie co niymi kwitnie ta sztela.

[broneknotgeld]

Bretońske klify

Klify bretońske dzikościom kuszom
Niyjedne serce sroge poruszom.

[broneknotgeld]

Bretoński domek

Z czego nojczyńści? Tako se spytom
Som tyż łodpowiym. Ano - z granitu.

[broneknotgeld]

Bretońske wyspy

Ciynżko zrachować - zdo sie tysionce
Miyni sie na nich przecudnie słońce
Francuz co żyje se dość bogato
Miywo i wyspa z domkym na lato.

[broneknotgeld]

Bretończyk

Toż łon niy cołkym zdo sie Francuzym
Jynzyk bretoński ciyngym mu słuzy
I w Celtach przodkow swojich durś widzi
Sie historyji tako niy wstydzi.

[broneknotgeld]

Pieśniczki

Bretońske pieśniczki ło ziymi ty prawiom
Tradycyji uczom choć przi tymu bawiom.

[broneknotgeld]

Francuski zyjman

Francuski zyjman - niy chca cyganić
Se przi Bretanii lubi zyjmanić
Toż tyn połwysep Mekkom mu zdo sie
Łon inksze sztele może mieć w nosie.

[broneknotgeld]

1/3 brzegu

Jedna czecio brzegu łod cołki Francyji
To jest tyn połwysep z mianym Bretaniji.

[broneknotgeld]

Latarnie morske

Zdo sie bretońskim som łone znakym
We kożdym porcie niy bele jakim
W niych historyjo tako legyndy
Znane w Bretanii chocioż niy wszyndy.

[broneknotgeld]

Sól

Piyrwyj Bretaniji sol profit dowała
Dzisioj "solom" tukej turysta bezmała.

Pont Aven

[broneknotgeld]

W Pont Aven

Stond se wywodzi malarsko "szkoła"
Co do Gauguina ciyngym chce wołać.

[broneknotgeld]

Postimpresjonizm

Paul Gauguin muster takowy stworzoł
Kunszt swoj na nowe tako łotworzoł
Choć inksi jakby go naśladujom
Zdo sie co ducha Bretanii czujom.

[broneknotgeld]

Szampanio

Czym ta Szampanio w świecie durś słynie?
Szampan sie robi we ty dziedzinie!
Kaj ińdzi niy śmi - tu yno może
Za te "bombelki" dziynki Ci Boże.

[broneknotgeld]

Prowansjo

Jaśmin roże i lawynda
Na Prowansji rosnom grzyndach
Teroz żeście "som już w doma"
Stond ty Francji jest aroma.

[broneknotgeld]

Prowansjo jakby malarskim cudym
Kunszt tukej blyszczy i niy ma nudy.

[broneknotgeld]

Ziołami słynie

Ziołami Prowansjo we Francyji słynie
To pewnikym wiycie juz ło ty dziedzinie.

[broneknotgeld]

Lato w Prowansji

Rozmarynym, tymiankym, lawyndom ci wonio
Ziołami powito choć możno niy tonio.

[broneknotgeld]

We fiolecie

Niym lawynda z pol zebierom
Cołko sztela se fioleci
Nojgryfniejszo pora kerom
Se te zioło tukej kwieci.

[broneknotgeld]

Mont Ventoux (1912 m.n.p.m.)

Gora zaczyno se lawyndowo
Jakby tyż żyła na tym fiolecie
Tako nikerym sie tu wydowo
Co łona świynto skiż tego przecie.

[broneknotgeld]

Mont Ventoux

Dlo Prowansalczyka ta gora jest świynto
Niychej kozdy wandrus tyż ło tym pamiynto.

[broneknotgeld]

Petrarka na wiyrchu

Ponoć łon piyrszy Mont Ventoux zdoboł
Dyć czy naprowdy inkszych w tym pobioł?

[broneknotgeld]

Kraina malyrzy

Kunszt swoj w Prowansji czynsto brusiyli
Niym w końcu światu go wyjawiyli.

[broneknotgeld]

Pastis

Pastis we Prowansjo chopy popijajom
Prawiom co skiż tego bardzi frelkom pszajom.

[broneknotgeld]

Prowansalsko sjesta

Ano - sie zdowo tukej nom świynto
Toz po połedniu kożdy pamiynto
By se spokojnie w doma pokimać
Jak słonko nisko - żol dali drzymać.

[broneknotgeld]

Broszka z cykadom

Prowansalsko pamiontka se tako kupicie
Bez cykad w dziedzinie jakby inksze życie
Możno i przi sieście wnerwio te cykanie
Dyć bez tego zdo sie co niyszczyńście stanie.

[broneknotgeld]

Prowansalczyk

Cieszy sie radościom życia
Jodłym i tym co do picia
Dobro małe go raduje
Tako tyż szczyńśliwym czuje.

[broneknotgeld]

Miod lawyndowy

Ło Prowansji wiela powiy
Zowdy tyż miod lawyndowy.

[broneknotgeld]

Lody

Lody lawyndowe
Polubi tu czowiek.

[broneknotgeld]

St. Paul

Godajom - yno Prowansji wiocha
Jo chciołbych pożyć se tukej trocha.

[broneknotgeld]

We Vence

Witold Gombrowicz bywoł tu z Ritom
Bestoż se tukej ło nich łopytom
We kamiynicy piykny miyszkali
Z balkona Vence tyż podziwiali.

Aix-en-Provence

[broneknotgeld]

W Aix-en-Provence

W Aix-en-Provence Cezanne se rodzioł
Tyż po ty dziedzinie ze sztalugom chodzioł.

[broneknotgeld]

100 rocznica śmierci

Cezanne tu pomarł rowno sto lot tymu
W łobrozach durś żyje - trza dziynkować jymu.

[broneknotgeld]

"Sainte Victoire"

Z pracowni Cezanne na ta gora blikoł
Toz niyroz na płotnie pyndzlym do niyj rzykoł
Picasso tym mustrym tako czarowany
Zamek blisko kupioł - widok był mu dany.

[broneknotgeld]

Aix-en-Provence

Prowansji piyrwyj zocno stolica
Tako do dzisioj krase mo lica.

[broneknotgeld]

Targi Aix-en-Provence

Targi tukej kolorowe
Kwiotki frukty i warzywa
Aże se zakryńci w gowie
Tu i ziołom trza durś dziwać.

[broneknotgeld]

Mulin Rogue

W dziewiytnostym wieku kankan sie tu rodzioł
Dyć inkszych atrakcji bez liku tyż mieli
Dość dugo podobno ze scyny niy schodzioł
Karlus co pierdzyniym umioł rozweselić.

[broneknotgeld]

W Berbes

Na Paryża tym przedmieściu
Se Dakarka gryfno pieścioł
Dyć alfonsa miała draba
Ze Algieru fest Araba.

[broneknotgeld]

Montresor

Ksawery Branicki zamek kupioł tukej
Bestoż konska Polski tyż jakby se szukej
A i wioska cołko zowdy gryfno była
Ty swoji urody dzisioj tyż niy skryła.

[Gość: nata]

Jeroonie,
jak tu ładnie i równiutko w rządku
aż strach tu co szkryfnońć
by Bronkowi nie zmoncić porządku
:-)))

Pozdrawiam Cię Bronuś!

[broneknotgeld]

Toż witej Naato - przi ty robocie
U mie tyż przeca jest wiela pociech.

[broneknotgeld]

"Kallyste"

"Nojgryfniejszom" już Greki ta wyspa nazwali
Jak kolonio Alialia tukej zakłodali.

[broneknotgeld]

Drzewo korkowe

Dyć możno przidom tu take czasy
Że na Korsyce korkowe lasy
I dlo nich tukej niy braknie wina
Przi kerym zowdy wesoło mina.

[broneknotgeld]

Piykno Wyspa

Jak Europa w miniaturze
Z morza wspino se ku gorze
Choć nikierzy tako prawiom
-Pon Bog se Alpami bawioł
I mu konsek wlecioł w morze
-Toż Ci dziynki za to Boże.

[broneknotgeld]

Monte Cinto (2710 m.n.p.m.)

Do Ponboczka zdo sie wspino
Brakło jakby - ino ino
Te ździybeczko - tako gora
Tu nojwiynkszo - znikła w chmurach.

[broneknotgeld]

"Gowa Maura"

Toż Korsyki znak prowdziwy
Znojdziesz go na wyspy fladze
Coby być tu sprowiedliwy
Szkryfna - wziyli ku łodwadze.

[broneknotgeld]

Na wybrzeżu

Na wybrzżu tukej strażnice fortece
Co przed Arabami bronić miały przecie
Dzisioj te zabytki som wyspy łokrasom
Korsyka bogacom - nikogo niy straszom.

[broneknotgeld]

Dynkmale Napoleona

Jako je zrachować
W korsykańskich sztelach?
Liczb niy byda dować
Szkryfna yno - wiela!

[broneknotgeld]

Monka kasztanowo

Jodosz jom we wieprzowinie
Bo se pasom na niyj świnie.

[broneknotgeld]

Chlyb umrzikow

Z rodzynkami łorzechami
Skosztujecie pewno sami
Po niym dyć niy czeko truła
Bardzi śmiertka mo z tym ruła.

[broneknotgeld]

Z monki kasztanowy

Z monki kasztanowy wiela wypiykali
Dyć dzisioj do kyksow yno bierom dali.

[broneknotgeld]

Kyjza "broccin"

Dlo Korsykanina ta kyjza "miod w gymbie"
Jak jyj niy pochwolisz bydziesz mioł po zymbie.

[broneknotgeld]

Niypodległo Korsyka?

Toż by tukej richtig chcieli
Niy być we francuzki szteli
Yno sami sobom rzońdzić
Nawet jakby mieli błońdzić.

[broneknotgeld]

Na wysokim klifie miasto zbudowali
Szczyńściym co do morza sie łone niy wali.

[broneknotgeld]

Z Bonifacio

Z Bonifacio Napoleon na Sardynio ruszoł
Ze wojskami francuzkimi Italyjo kruszoł.

[broneknotgeld]

Z Bonifacio

Z Bonifacjo Napoleon na Sardynio ruszoł
Dyć daleko ze wojskami płynońć stond niy musioł.

[broneknotgeld]

Na skalistym brzegu

Na skalistym brzgu Bonifacio leży
Blisko do Sardyńji - możecie mi wierzyć.

[broneknotgeld]

Wele Bastii zoglondnij do polski misyji
Ze spaniym i jodłym niy ma tam mecyji
Werci sie posiedzieć tu choć pora dni
Do morza tyż blisko. Piyknie - to sie wiy.

[broneknotgeld]

Ajaccio

Wiedzie te miasto prym na Korsyce
Dyć ło tym wszyscy to przeca wiycie.

[broneknotgeld]

W Ajaccio

Kaj niy blikniesz - Bonaparte
Richtig miasto tego warte?

[broneknotgeld]

Toż se niy ma czamu dziwać
Yno gowom tako kiwać.

[broneknotgeld]

Dycho Ajaccio

Dycho Ajaccio Napoleonym
To profit niesie tyż przeca łonym.

[broneknotgeld]

Cysorz w Ajaccio?

Jak Napoleon erbnoł korona
Zdo sie zaboczoł co tu był w doma
Cysorz w te strony już niy zowito
Czy ło Ajaccio w Paryżu pyto?

Corte

[broneknotgeld]

Corte

Duch niypodległości tukej se narodzioł
Przeca prawie w Corte Paoli z niym chodzioł.

[broneknotgeld]

Pascal Paoli

Powiod łon Korsyka ku niypodległości
We sercach do dzisioj zdo sie tu wiynkszości.

[broneknotgeld]

Corte 1755

Zgromadzynie Narodowe Paoli wiod prosto
Ze tym kożdy Korsykanin niypodległość dostoł.

[broneknotgeld]

Corte stolicom Korsyki

Tu konstytucyjo państwa uchwolono
Tu niypodległości nojzocniejsze łono
Tako se niy dziwcie co stolicom Corte
Przeca miasto richtig tego było worte.

[broneknotgeld]

Prawo korsykańske

Ze niypodległościom idom nowe prawa
W Corte już niy bydom wyndecie bić brawa
Ech - ta tradycyjo wytympić niyleko
Tym bardzi że państwo niyszczyńście chnet czeko.

[broneknotgeld]

Uniwersytet w Corte

Paoli uczelnio tu zocno założoł
Choć łojca już niy ma - uniwerek dożoł
Po czasy dzisiejsze i duch we niym gości
Kerego zwać mianym trza niypodległości.

[broneknotgeld]

Dynkmal Paoliego

Dynkmal Paoliego we Corte widzicie
Pszoł istny Korsyce jakby ponad życie.

Calvi

[broneknotgeld]

Calvi

Na brzegu Korsyki te miasto znojdziecie
Pewnikym zoglondnońć w ta dziedzina chcecie.

[broneknotgeld]

W Calvi

Możno wos zodziwi w Calvi cytadela
Legji Cudzoziymski do dzisioj to sztela.

[broneknotgeld]

Krzisztof Kolumb

W Calvi Krzisztof Kolumb richtig se narodzioł?
Tako tyż za bajtla po dziedzinie chodzioł?

Lotaryngia

[broneknotgeld]

Lotaryngia

Ksiyńciym Lotaryngii był Leszczyński Stanik
We Polsce łon krolym dyć tukej wygnany
Mog se z łaski ziyńcia swojom mitrom cieszyć
A możno na starość i ździybko pogrzeszyć.

[broneknotgeld]

Wygnaniec

Wygnoł tu Lasa Sas ze Rosyjom
Toż Stanik Nancy we rynce przijon.

Nancy

[broneknotgeld]

Leszczyński w Nancy

W historyjo Nancy Las se piyknie wpisoł
Nudli na Poloku nikt tukej niy wiyszoł
Kultura i sztuka blysła dyć przi niymu
Niy darmo tyż dynkmal wystawiyli jymu.

[broneknotgeld]

Rynek

Rynek fest wdziynczny jest Leszczyńskiymu
Swo gryfność przeca zawdziynczo jymu
We zocy Nancy miano mo jego
Zowdy wspomino dobrze istnego.

[broneknotgeld]

5.II.1766

Dlo Leszczyńskiego pechowy dziyń
Starośc już kładła na niego ciyń
Dyć se zapoloł łon łod komonka
Wlecioł do niego - pomarł we mynkach.

Langwedocja

[broneknotgeld]

Langwedocja

Toż we Francyji tako kraina
Prawiom co richtig piykno dziedzina.

[broneknotgeld]

Szukej ty Langwedocyji
Prawie wele Hiszpaniji.

[broneknotgeld]

Niyroz pokoże

Langwedocyji Środziymne Morze
Niyroz wschod słońca gryfny pokoże.

Carcassonne

[broneknotgeld]

"Carcaso" I w.n.e.

Rzymiany Carcaso se tukej dźwignyli
W Galiji panami przeca w końcu byli.

[broneknotgeld]

Wizygoci VI w.n.e.

Toż po Rzymianach tu Wizygoci
Fortyfikacje rozbudowali
Frankom łoparli se moji złoci
Ale Arabom rady niy dali.

[broneknotgeld]

Carcassonne 724

Już Saracyny ta sztela majom
Za podboj Frankow z tym se chytajom?
Możno i tako by im trefiyło
Jakby Pepina u nich niy było.

[broneknotgeld]

Franki w Carcassonne 759

Ano - skiż Pepina Frankow teroz sztela
Twierdza w jejich rynkach rozwijo sie wiela.

[broneknotgeld]

Katarzy XII/XIII w.

W Langwedocyji ta schizma rośnie
"Czystych" w tych rokach tu wiela
Z Ponboczkym chcieli żyć se radośnie
We duszy szukać wesela

Heretykami ich przezywajom
Bo ksiyndzow słuchać niy chcieli
Dyć coroz wiyncy w tym braci majom
-Tref zły utropom pościeli.

[broneknotgeld]

"Czysty"

"Czysty" - katar
Cosik zatar
Prowdy szukoł
We grob klupoł.

[broneknotgeld]

"Katar"

Widać z miana
"Czystym" był
Szukoł Pana
Z cołkich siył

Czy go znoloz?
Mi sie zdo
We grob poloz
-Take dno.

[broneknotgeld]

Hrabia Tuluzy

Hrabia Tuluzy katarow wspiyroł
Na jejich wiara tako zaziyroł
Toż w Carcssonne mieli stolica
Czy ze tym "czysto" tyż okolica?

[broneknotgeld]

Krucjata

Papiyż Innocynty łogłoszo krucjata
-Niychej na ty ziymi zatraci sie katar
Co łod Saracyna gorszy sie być zdowo
Kto z Rzymym tyn drapko do szeregu stowo

Armijo urosła na czista tysiyncy
Do broni niy brakoło wcale istnym ryncy
Ze łogniym i mieczym we Ponboczka imie
Zdo sie wyloz djoboł - już wcale niy drzymie

Płacz Langwedocyjo na dziesiyńciolecia
Kaj Szymon de Montfort zapomnij ło dzieciach
Toż wzniycoł pożary by gasić je krwiom
Wiynkszego "rzeźnika" czy jo richtig znom?

[broneknotgeld]

"Rzeźnik" w Langwedocyji

Zabić katolika czy yno katara?
Jymu by sie chciało richtig ło to starać?
Podobnoś to godoł swojym wojskom wdycki
-Ponboczek som pozno czy jego duszyczki.

[broneknotgeld]

Szymon de Montfort

Niy darmo nosioł "Rzeźnika" miano
W Langwedocyji loł krew co rano.

[broneknotgeld]

W Bezires

Tu sie katary niy łobroniyli
Dyć przeca wszyscy zycie straciyli
Ze heretykym katolik tako
Do wrot u Pyjtra klupie jednako
Grod se bez mieszczan prawie łostowo
Kto historyjo szkryfnie mu nowo?

[broneknotgeld]

Łobrona Carcassonne 1209

Tysionce katarow sie w twierdzy schroniyło
Wojsko wicehrabi tako jom broniyło
Dyć przi gorkim lecie dwa tydnie to trwało
Bo wody zabrakło i na mor se brało

Toż sztela poddali we Montforta rynce
Chocioż ze tym bydom tukej w inkszy mynce
Roger de Tranceval istnych niy łobronioł
Som dlo sia z tym teroz już śmiertka przigonioł.

[broneknotgeld]

Montfort w Carcassonne

Wicehrabiom som terozki
Wzmocnio mury twierdzy broni
Z synym Trancevala troski
Bo chce zdobyć co rod chroni.

[broneknotgeld]

Skarb katarow

We Langwedocyji krziżowcy szukali
Kaj twierdza Montsegur tyż przeca niy znodli
Dyć przez wieki całe tu ło tym bajali
Tako co katarom go istni niy skrodli.

[broneknotgeld]

Carcassonne 1247

Krol Francyji terozki Carcassonne panym
Szwong do rozbudowy ze tym nowy dany.

[broneknotgeld]

Carcassonne 1355

We wojnie stuletni niyzdobyte miasto
Edward niy poradzioł - jakby inkszy czas to
Tela że piechota przedmiyście spolyła
Czym inkszym se przeca tu niy pochwolyła.

[broneknotgeld]

Carcassonne 1849

Mury sie przez wieki cołkym wykruszyły
W końcu wybulone już by przeca były
Bo tako w tym roku zrobić przikozali
Dyć rejwach był wielki coby ratowali

Pomnik historyji - przezocno forteca
Miałaby se stracic z francuskego neca!
Toż cołko nacyjo na to niy zezwoli
I chocioż koszt wielki - łodbudować woli!

[broneknotgeld]

Dzisioj Carcassonne

Dzisioj Carcassonne rekonstrukcjom prawie
Dyć zdo ci sie tukej coś niy jest na jawie.

[broneknotgeld]

Eugene Viollet-le-Duc

W dziewiytnostym wieku architekt tyn zocny
Pokozoł tyż tukej co w kunszcie jest mocny
Toż renowacyjom cołkom reskiyrowoł
Nowe Carcassonne potomnym z tym dowoł.

[broneknotgeld]

Nojwiynkszo forteca

Europy nojwiynkszo to forteca piyrwyj
Yno mi skiż tego jynzyka niy wyrwij.

[broneknotgeld]

W Carcassonne

W Carcassonne jakbyś średniowieczym dychoł
Yno dej se pozor cobyś niy zakichoł
I tako tyż cofnoł we jakiś wiek stary
Jeronie - dyć możesz być tukej katarym.

[broneknotgeld]

Dubeltowe mury

Twierdza łobwiedziono murami dwa razy
Szturmym niy zdobyto? -Czy richtig bez skazy?

[broneknotgeld]

Jako zrachować?

Jako tu zrachować wieże barbakany?
Czy kedyś czas na to tyż mi bydzie dany?

[broneknotgeld]

Hiszpanio sztyrech jynzykow

Hiszpański tu wszyńdzie - tyż w zocy baskijski
Kataloński jeszcze no i galisyjski.

[broneknotgeld]

"Paella"

Czego do ryżu tukej niy wsadzom?
Ło te dodatki sie czasym wadzom.

[broneknotgeld]

Rzymsko prowincjo

Rzymiany prziniyśli Iberom łacina
Co sie rozwinyła tu w jynzyki sztyry
Bestoż niy trza dzisioj tego wypominać
Że z mieczym ich tukej prziwlokły tyż gyry.

[broneknotgeld]

Krzest Hiszpanii - 578

Za Rekareda krola sie stało
Mioł wizygocko Hiszpanio cało
Dyć prziszły potym czasy Allaha
Trza ło kościoły było sie strachać.

[broneknotgeld]

Tartesos

Możno nojstarsze miasto to tukej
W Bibliji ło niym cosik poszukej.

[broneknotgeld]

200 lot

Aż dwiesta lot trwało co Scypion tu zaczoł
Rzym sie we Hiszpanii wiela tyż bogacioł
Cezar i Oktawian resztki jyj podbiyli
Po germańske czasy rzymianie rzońdziyli.

[broneknotgeld]

Al-Andalus

Omajjady z Damaszku nojpiyrw tu rzońdziyli
Potym Abbasydzi co w Bagdadzie byli.

[broneknotgeld]

Krolestwo Asturii (ok.720)

Asturio krolestwym se tukej łostała
Z czasym i Galicjo do sia tyż zabrała.


Leon (914)

Asturio z Galicjom no i tym Leonym
Cołkym piykne państwo wykroło se łonym.

[broneknotgeld]

Almanzor

Jak zabrakło Almanzora
Na Arabow prziszła pora
Toż był tym "niyzwyciynżonym"
Po niym źle sie wiodło łonym.

[broneknotgeld]

Almorawidzi

Do Andaluzji z Afryki prziszli
"Taify" chnet wszyske zgarnyli
Po krześcijański niy było myśli
Zaś wiyncy sie tukej biyli.

[broneknotgeld]

Aragonia rośnie

Aragonia rośnie w siyła
Balearow se chyciyła
Langwedocji Sycyliji
Wszysko w jedny familiji
Saragossa pympkym jeji
Ziymie do sia ciyngym kleji.

[broneknotgeld]

Walyncjo

Region i prowincjo se tu zowie tako
Dyć gryfno stolica przeca tyż jednako.

[broneknotgelt]

Piyknie sie sam tyn wontek plecie,
byda sie wciepowoł tu moje ecie-pecie

[broneknotgeld]

O - podrobka z "t" na końcu
Zdo sie - grzeje w cudzym "słońcu".

[broneknotgelt]

Som żeś podroba z d na końcu,niy?
Słońce za chmurom -to sie wiy.

[broneknotgeld]

Prawie 800 rokow

Osiymset rokow byli tu prawie
Dali arabsko kultura
Zdo ci sie dzisioj żeś niy na jawie
Jak łazisz we Maurow murach.

[broneknotgeld]

Hiszpania

Łod Europy jakby tako łoddzielono
Zdo ci sie rozkwitać - czym tyż ucieszono.

[broneknotgeld]

"Kaj ińdzi"

Niy w Hiszpaniji bestoż "kaj ińdzi"
Sie żywot ktosik jakosik pyńdzi.

[broneknotgeld]

Te gory

Po Szwajcaryji Hiszpanio gorom
Zdo sie ześ tukej blisko tym chmurom
Przeca niy yno te Pireneje
-Kraj se do Sierrow rożnistych śmieje.

[broneknotgeld]

"Iberia"

"Ziymia Rzek" - te miano dali
Ci co ze Afryki prziszli
Rzekom se tu dziwowali
Bo z pustyni przeca wyszli.

[broneknotgeld]

Meseta

Środek Hiszpańji za suchy latym
A zimom mroźny - ze wiatru baty.

[broneknotgeld]

W jaskini Altamira

Historio sztuki tu sie zaczyno
Niych czowiek ło tym niy zapomino.

[broneknotgeld]

Celtybrowie

Na połnocy Celtow szukej
Dyć za Iberami klupej
We dzidziny ty połednie
Co przi istnych tyż niy blednie.

[broneknotgeld]

"Castros"

Celty zasiedlali forty
Ze nich wojok wiela worty
Najymniki tyż w tym fachu
-Prawiom co niy znali strachu.

[broneknotgeld]

W galotach

Piyrszy łazioł Celt w galotach
Po niym inksi - niy gupota.

[broneknotgeld]

Ze ajzom

Ze ajzom Celt żył we zgodzie
I nigdy niy był po szkodzie.

[broneknotgeld]

Ibery

We bronzie srybrze i złocie
Ibery se rozkochali
Kunszt jejich pewno poznocie
Przeca potomnym go dali.

[broneknotgeld]

Fynicjany w Iberyji

Tu metali rożno ruda
I Iberow z tego cuda
Fynicjanow to kusiyło
Wiela kupcow przipłynyło.

[broneknotgeld]

Gadir (Kadyks)

Nojzocniejsze fynicke już miasto
Drapko rosło bo dobre tu ciasto.

[broneknotgeld]

Z Tyru

Z Tyru do Gadiru pruły morze statki
Handel tako kwitnoł - ze niego dostatki.

[broneknotgeld]

Z Kadyksu

Z Kadyksu do Tyru - kukfer srybro złoto
Przeca Iberyjo we zbytku aż mo to.

[broneknotgeld]

Greki w Tartessos

Aże do Tartessos wiatry roz przignały
Ano - tref szczyńśliwy i profit niymały
Czy tam Fynicjanow przed niymi niy było?
Czy yno bogactwo przed istnymi skryło?

[broneknotgeld]

Empuries i Meinake (VII w.p.n.e.)

Z połednia dziedziny grecke kolanije
Kultura niy minie tako Iberyje
Kero ze Grekami we Europa idzie
Toż ibero-grecko chnetko tukej bydzie.

[broneknotgeld]

Dama z Elche

Iberyjsko princesa w kamyniu wykuto
Jakby mustrym greckom zdo sie zrychtowano
Dyć i łozdobiono klejnotami suto
Ze rynki artysty na wieki nom dano.

[broneknotgeld]

Kadyks (VI w.p.n.e.)

Tu bogactwo radość życio
Z tancerkami chyńć popicio
Inkszych uciech richtig tela
Że rozpustnom zdo sie sztela.

[broneknotgeld]

Tartessos (VI w.p.n.e.)

Ponoć inksze miasta morne
W Iberyji te wytworne
Prawa mo szkryfnione w rymach
Zocniejszego richtig niy ma.

[broneknotgeld]

Tartessos - Tarszisz?

Biblijne Tarszisz w Tartessos mocie?
Toż świynto ksiynga wszyscy tyż znocie
Jonasz do szteli ty ponoć płynoł
Dyć wieloryba jednak niy minoł.

[broneknotgeld]

"Hispania"

W semicki godce znaczy "ukryty"
Idzie "daleki" tyż myśleć przi tym
Takom poznali sztela Rzymiany
Aże do dzisioj momy z tym mianym.

[broneknotgeld]

Iberyjsko kość

Miyndzy Kartaginom a Rzymym ta "kość"
Tako dwie nacyje mynczy jedna złość
Nic że tyż Ibery za wolnościom stojom
Jak sie dwie potyngi na wojny durś zbrojom.

[broneknotgeld]

Po I wojnie punicki

Piyrszo punicko wojna przegrano
Czy ta dziedzina Iberom "dano"?
Tako choć krotko lżyj im zaś było
Ze Hamilkarym to se skończyło.

[broneknotgeld]

Hamilkar Barkas

Hamilkar Barkas zaś w Iberyji
Mieli z niym tukej wiela mecyji
Kartagińczykom kto opor dowoł
Zdo sie przed śmierciom jakby z tym stowoł.

[broneknotgeld]

Barcelona

Na cześć Barkasa przeca jyj miano
-Hamilkarowi kłonio se rano.

[broneknotgeld]

Cartago Novo

Toż Kartagina miasto te stowio
Wyrosto piyknie Cartago Novo
We Kartagenie dzisioj je mocie
Konsek historji tako już znocie.

[broneknotgeld]

Iberowie Kartaginie
Pszoć niy mogli wiela
Dyć nadzieja w nich niy ginie
Na wolniejszo sztela

Choć we grubach trza harować
I w armiji służyć
Gowy dźwigać chcom łod nowa
Swobody tyż użyć.

[broneknotgeld]

Hannibal

Syn Hamilkara z Cartago Novo
Rzym chce pokonać - se mu wydowo
Że elefanty mieć w armji styknie
I z tym Latynow jakosik łyknie

Tako ruszyła wielko armijo
Już jest za niymi cołko Galijo
Wysoke Alpy z zadku łostały
A pod Kannami Rzym zdoł sie mały

We Italiji Kartagińczyki
Niyroz miyszajom Rzymianom szyki
Nic to że bitwy rożne wygrali
Przeca sie w końcu stond wycofali.

[broneknotgeld]

Gowa Hazdrubala

Hannibala szwager wpod w rynce Rzymianom
Toż Kartagińczykom jako se łodpłacić?
Wciepli do obozu gowa łodrombano
Coby se strachali że mogom tyż stracić.

[broneknotgeld]

Empuries 218 r.p.n.e.

Scypion Afrykański Starszy ze wojskym londuje
Tako Rzym ze Kartaginom tyż tukej wojuje
Hannibal Latynow łoji w jejich Italyji
Toż tu wojska majom myni - słabsi w Iberyji.

[broneknotgeld]

Cartago Novo 209 r.p.n.e.

Scypion postympy robi w ty wojnie
Miasto już podbioł! -Czy śpi spokojnie?
Dyć to niy koniec wojynki jego
Krwi wiyncy czeba niym dopnie swego!

[broneknotgeld]

Gadir 206 r.p.n.e.

Gadirym rzondzom w końcu Rzymiany
Kartagińczykom zły tref z tym dany
Hannibal z Lacjum do dom se wroci
Rzym Kartagina w gruzy łobroci.

"Camino Grande"

[broneknotgeld]

"Camino Grande"

Toż "Wielko Droga" godno Ślonzoka
Po myńszych niy trza nom teroz skokać.

"Camino Grande"

[broneknotgeld]

"Buen Camino"

"Dobry drogi" ci winszuja
Dyć ze rymym som wandruja.

"Camino Grande"

[broneknotgeld]

Wyściskejcie świyntego za mie na ołtorzu
Boch se yno rymym iść w wander łodwożoł
Na Portyku Chwały palce tyż położcie
Wspomnijcie se fraszka - ze niom hołd tam złożcie.

[broneknotgeld]

Compstela - campus stellae - pole gwiazdy

Teodomira gwiozda prowadzi
W pole z kerego wzyscy my radzi
Toż tukej prochy Jakuba znoloz
Bez blysku z nieba som by niy poloz.

[broneknotgeld]

W pont

W pont do Composteli ciyngym wiela chodzi
Czynsto to pomogo - rzodko kedy szkodzi.

[broneknotgeld]

Trza mierzyć

Dyć trza siyły mierzyć
Niy yno zamiary
Mog pontu niy przeżyć
Kto chory i stary.

[broneknotgeld]

Saint Jean Pied de Port

Toż pont zacyno sie we Francyji
Możno z tym bydzie wiela mecyji
Droga ci zd sie jakby bez końca
Piechty poczeba nojmni miesionca.

[broneknotgeld]

800 kilometrow

Zrob kilometrow co dziyń czidziści
A Compostela w końcu sie ziści.

[broneknotgeld]

W refugio

W schronisku pontnikow łodpocznom ci gyry
A jutro zaś w droga - dońść zamiar mosz szczyry.

[broneknotgeld]

Przez Pireneje

Przyńść Pireneje - widoki piykne
Dyć tropić trza sie czy formy styknie
Do Roncesvalles droga cie wiedzie
Zdo sie - Ponboczek kajsik na przedzie.

[broneknotgeld]

W Pampelunie

W Pampelunie cie byki niy skuszom
Toż pontniki chnet dali iść muszom
Za plecami Navarry stolica
Zachod słońca rozświytlo ci lica.

[broneknotgeld]

W Estelli

Styl tukej romański z gotykym se zlywo
Dyć wandrus za wiela i na to niy dziwo
Przespać se porzykać i w droga zaś dali
Pont niy po to przeca by se dziwowali.

[broneknotgeld]

Na Wielkim Pedronie

Galeryjo pontnikow stoji na tym szczycie
W niych przeca i siebie jakby łoboczycie.

[broneknotgeld]

Puenta La Reina

Przez Agra most wiedzie cie stary romański
Gszynk dlo pontnikow krolewski i Pański.

[broneknotgeld]

Irache

W Irache klasztor se przipomino
Z kokotka ponoć tu leci wino
Toż niych ugasi łone pragniynie
Zdo ci sie take tyż łodpoczniynie.

[broneknotgeld]

Kastylia - Leon

Kastylia-Leon - przez "żołte morze"
Wiedziesz "złocistom" drogom mie Boże
Durś kukurydza i słoneczniki
W zbożowych łanach tracom se bliki.

[broneknotgeld]

Burgas

W Burgas katedra kusi urodom
Tukej se dychniesz - łobmyjesz wodom
Choć krotko pauza - siyły zebieresz
I w wander dali swo muszla bieresz.

[broneknotgeld]

Leon

Krolewske miasto teroz cie wito
Chyś umynczony nawet niy pyto
Toż dugo droga już jest za tobom
Niych Leon ulży fest twojym nogom.

[broneknotgeld]

"Gryfno Leontynka"

Gotykym francuskim katedra se miyni
Witrażami tako - nojwiynksze na ziymi.

[broneknotgeld]

O Cobreiro

W tutejszym kościele we sztyrnostym wieku
Ło cudzie prawiyli dość strasznym - czowieku

Ksiondz był niydowiarkym - msze jednak łodprowioł
Dyć roz na ołtorzu kelich z winym stowioł
A łone se w łoczach jakby zaburzyło
I zdo sie w Krew Pańsko tako przemiyniyło

Chycio hostio w rynce - dzwignoł - co sie stało?
Toż czimoł terozki w niych Jezusa Ciało
Cud dlo niydowiarka - cud dlo inkszych tako!
Dlo tych co wierzyli łostało jednako.

[broneknotgeld]

Po Celtach

Kamiynno chata słomiany dach
Staryńko łona że aże strach
We takich piyrwyj Celty miyszkali
Łostała coby my pamiyntali.

[broneknotgeld]

W Astordze

Gaudi w Astordze kunszt swoj łostawioł
Toż przi pałacu tukej zabawioł
Takom biskupa perłom łozdobioł
Jake łon yno naprowdy robioł.

[broneknotgeld]

Świynty Jakub

Świynty Jakub z composteli na koniu rajtuje
Maurow tako łostrym mieczym po karkach "czynstuje"
Ano - czas był rekonkwisty na ty ziymi srogi
Wspomnij ło tym we katedrze kaj cie wiedom nogi.

[broneknotgeld]

"Finisterra"

"Koniec Ziymi" dlo pontnika - szaty z drogi poli
W oceanie sie łobmywo - wrocić w nowych woli
Stary "pomarł" - zdo sie tako teroz czowiek "nowy"
Ważne to co ze Ponboczkym ciyngym żyć gotowy.

[broneknotgeld]

Rzeka Turia

We Walyncji do morza piyrwyj uchodziyła
Tyż przez nia ciyrpieli bo miała swo siyła
Bestoż "obwodnicom" jom w końcu puściyli
Tako przed powodziom se już łobroniyli.

[broneknotgeld]

"Las Fallas" 19.III

W te świynto po mieście figury łobnoszom
Z papioru zrobione ło łogyń se proszom
Dyć bydzie z nich w końcu tyż tako fojera
W noc świyntego Zefla uciecha mo sztela.

[broneknotgeld]

Sewilla

Andaluzji jest stolicom
Co arabske - tu zochwyco
Na Giralda se dziwuja
Muezina wyczekuja
A tam przeca teroz dzwon
Krześcijański dowo ton.

[broneknotgeld]

Hispalis

Fenicjany downiyj Sewilla tak zwali
Tym tyż jakby miano ty Hiszpanii dali.

[broneknotgeld]

Don Juan

Sewilski hidalgo w cołkym znany świecie
Z Tirsa de Moliny szkryflanio jest przecie
Wiela nom Hiszpanio łod sia ciyngym dowo
Dyć trza mieć to w zocy - tako mi sie zdowo.

[broneknotgeld]

W Sewilli

W Sewilli łoglondnij se tyż ta corrida
Jo se coś wypija - potym do cia przida.

[broneknotgeld]

Sewilsko katedra

Dwie wiynksze yno w świecie znojdziecie
Ta we Hiszpanii piyrszo jest przecie.

[broneknotgeld]

Katedralny ołtorz

Jak kamiynica ołtorz wysoki
Tako co miywo nojmni czi sztoki
Do tego cołki aż kapie złotym
Czi i poł tony - wiela roboty.

Andaluzja

[broneknotgeld]

W tablao

Ano - we flamenco se tukej wsłuchuja
Na cygańsko nuta Andaluzjo czuja.

[broneknotgeld]

Sjesta (14.00-18.00)

Sjesta po połedniu - wszysko już zamknione
Szczyńściym że tyn spokoj to jeszcze niy koniec.

La Mancza

[broneknotgeld]

Wiatraki

Wiatraki w La Manczy do dzisioj łostały
Czy ło Don Kichocie łone pamiyntały?

[broneknotgeld]

Don Kichot

Don Kichot z La Manczom zlywo se we gowie
Po to go tyż majom by pamiyntoł czowiek.

Jerez de Frontiera

[broneknotgeld]

Bodegi w Jerez

Łoj we tych piwniczkach i chłodek se czuje
Dyć wiela tych beczek tukej leżakuje
Jakby szpunt tak łodbić i winka skosztować
Wiyncy niż na proba chcom ci yno dować.

[broneknotgeld]

"Sherry"

"Sherry" z Jerez we gardło leja
Zowdy przi tymu tyż se łośmieja.

[broneknotgeld]

Grenada

Mauretańskom sztukom do dzisioj raduje
Choć już żodyn Arab tukej niy kroluje.

[broneknotgeld]

Prowincjo Grenada

Wiosnom i na podzim jechać tam nojlepi
Pogoda mosz tako że aże cie krzepi.

[broneknotgeld]

Trzcina cukrowo

Trzcina cukrowo w Grenadzie rośnie
Rum z niyj skosztuja - bydzie radośnie.

[broneknotgeld]

Costa Tropical

Znojda kaj niykaj i z piosku plaża
Dyć po kamyniach czyńści tu łaża.

[broneknotgeld]

Zamek

Czym dlo Krakowa dzisioj jest Wawel
Tym dlo Grenady Alhambra prawie.

[broneknotgeld]

Sztyry pałace

Sztyry pałace w jedno se zloły
Choć czasy tukej rożniste wioły
Take łostały do dzisioj cuda
Przi kerych wcale niy mynczy nuda.

[broneknotgeld]

Pałac Karola V

Take "czi grosze" tu krześcijańske
Chocioż ciekawsze som te sułtańske.

[broneknotgeld]

Grenada 1492

Maurow już tukej terozki koniec
Som we hiszpański richtig koronie
W kery niy czeko ich dobry tref
Dlo muzułmana to richtig pech.

[broneknotgeld]

Flamenco

W grotach Sacromonte dziwej se na taniec
Niy to co turystom przed łoczy jest dane.

[broneknotgeld]

Kaplica krolewsko

Kaplica krolewsko w katedrze znojdziecie
Arcykatolicko para tukej przecie
Już na wieki wiekow pospołu legnyła
Dyć wpiyrw zbudowali Hiszpaniji siyła.

[broneknotgeld]

"Generalife"

Gryfniejsze pałace czy tako łogrody?
Dyć wyrosły jakby skiż arabski mody
Miały muzułmanom rajym se wydować
Bestoż im sie chciało piyknie wyszykować.

[broneknotgeld]

Albaicin

Ciyngym arabsko to jest dzielnica
Tu muzułmanka zakrywo lica.

[broneknotgeld]

Po plaży na narty
Tukej to niy żarty.

[broneknotgeld]

We Sierra Nevada

We Sierra Nevada jakby w Alpach zdo sie
Tela że po blisku i plaże dyć mo sie.

[broneknotgeld]

Czym kusi?

Czym jeszcze kusi dzisioj Grenada?
Ano gorami Sierra Nevada
W kerych i wiosnom śniyg gruby leży
Raj dlo narciarzy - możecie wierzyć.

[broneknotgeld]

Pico de Veleta - 3392 m.n.p

Ano toż gora cołkym wysoko
Tako przed łoczy ciyngym nom skoko.

[broneknotgeld]

W gorach Sierra Nevada

Zdo mi sie jedna wada w tym srogo
Że we tych gorach richtig jest drogo.

[broneknotgeld]

Ze Velety

Ze szpicy Velety jako zjechać w doł?
Tras tu coś za wiela - skołowany boł
Bestoż gokrzesełko i na doł zabrało
Tako se "na nartach" pojeździoł niymało.

[broneknotgeld]

Latym?

Po Sierra Nevada łazikować latym
Jak dlo mnie tyż piyknie - bestoż byda na tym.

[broneknotgeld]

Niy widziołś

Niy widziołś Grenady
Tuś na nic niy blikoł
Tako niy ma rady
Bydziesz ło to rzykoł.

[broneknotgeld]

Alhambra

Alhambra nad miastym łod wiekow goruje
Zdo sie co i dzisioj ty szteli kroluje.

[broneknotgeld]

Genil

Możno miana rzeki hiszpański niy znocie
Dyć w jeji dolinie ta Grenada mocie.

[broneknotgeld]

Do Grenady

Wela wandrusow ta sztela ciongnie
Dyć jest se czymu dziwować
Cie do swojego "fan-klubu" wprzongnie
Słonko już świyci - czas wstować


Dyć tu zobytki przeca czekajom
Uciechy ducha i brzucha
Hiszpanie radość we sercu majom
Trza yno ździybko se wsłuchać.

[broneknotgeld]

Tako blyszczy

Tako blyszczy tyż Grenada
Blikosz we Sierra Nevada
A jak Costa del Sol wolisz
Tyż se sztela istno chwolisz.

[broneknotgeld]

"Illiberis"

We ty okolicy wpiyrw rzymsko osada
Niym se pojawiyła ta naszo Grenada.

[broneknotgeld]

Grenada Zirydow

Beduińskich Zirydow stolicom ta sztela
Możno niy nojwiynkszo dyć znaczy już wiela.

[broneknotgeld]

Ibn Ahmar 1236

Ze Saragossy emir wygnany
Teroz Grenada stolicom jego
Czas pomyślności tako jyj dany
Chocioż zowiszczom nikerzy tego.

[broneknotgeld]

Emirat Grenady

Łostatnie krolestwo Maurow we tych stronach
Piyknie rozkwitnyło i niy chciało konać.

[broneknotgeld]

Do Grenady

Ze Andaluzyji ciongli do Grenady
Ci co krześcijanom niy dowali rady
Emirat Nasrydow nojpiyrw se bogacioł
Choć we końcu przeca tyż wszysko utracioł

[broneknotgeld]

Nojbogatszo Grenada

Grod to nojbogatszy richtig we Europie
Choć go krześcijanin skubie i kajś kopie.

[broneknotgeld]

Emir Boadbil 1492

Łostatni emir - już tu Hiszpany
Klucz grodu w rynce istnych jest dany
Choć se Boadbil richtig uślintoł
Tu dlo Arabow ziymia niy świynto.

[broneknotgeld]

"Niy umisz se bronić toż jak baba ślintej
i ło swoji gańbie do końca pamiyntej"

Tako emirowi matka powiedziała
Jak se krześcijanom Grenada poddała.

[broneknotgeld]

Krolowa Izabela w Alhambrze

Ze salo tronowy zamku rozkozała
Coby ta Hiszpanio już Żydow wygnała
Co na rekonkwista geld swoj wyłożyli
Toż przi tymu przeca wszysko tu straciyli.

[broneknotgeld]

We Alhambrze

We Alhambrze tako hiszpańsko krolowa
Geld swoj postawiyła na Kolumba gowa
By popłynoł istny prosto do Indyji
Choć z tego tyż wiela potym tragedyji.

[broneknotgeld]

Biskupstwo Grenady

Dyć niy było na to rady
Trza biskupa dlo Grenady
By arabske wymiot konty
Ło co jakeś tukej wonty?

[broneknotgeld]

Uniwersytet 1526

W arabskich czasach kwitła nauka
Dyć jyj i teroz idzie tu szukać.

[broneknotgeld]

Alhambra

"Czerwono Wieża" - znocie to miano
Siedziba władcow downy Grenady
Do podziwianio tako nom dano
Kunsztym nojpiyrszo - w tym niy trza zwady

Przeca niyjedyn tu prziwandrowoł
By na Alhambra blikać z podziwym
Tako świadectwo tyż swoje dowoł
Co jest arabskim cudym prowdziwym.

[broneknotgeld]

Alhambra Nasrydow

Z czinostego wieku nasrydow to cudo
Połwyspu nojwiynkszo perełka arabsko
Tako zocniejszego znojść ci sie niy udo
Choc duch rekonkwisty położoł tu łapsko.

[broneknotgeld]

Durś kusi

Grenada turystow Alhambrom durś kusi
Chcesz poznać Hiszpanio zoglondnońć tu musisz.

[broneknotgeld]

Alhambra heresztym

Ano - z czasym to sie stało
Dlo krześcijan tego mało
Toż ze twierdzy hereszt robiom
Tym Grenady dyć niy zdobiom.

[broneknotgeld]

W dziewiytnostym wieku

W dziewiytnostym wieku hereszt tu se traci
Zobytek łodnowio - Grenada bogaci
Prawie juzaś blyszczy jako piyrwyj było
Choć chwały downiejszy już se niy wrociyło.

[broneknotgeld]

Światowe Dziedzictwo Kultury UNESCO 1984

Tako UNESCO Alhambra dźwigo
Zobytek chronić nikt se niy migo
Dzisioj Hiszpanio zamkym se asi
Przeca Grenada nojbardzi krasi.

[broneknotgeld]

Alkazaba - zamek

Ta Alkazaba na samy gorze
Alhambry konsek nojstarszy
Inksze śpiywajom we jeji chórze
Czy gro im paradynmarszym?

[broneknotgeld]

Kto na zamku

Kto na zamku w kozie siedzioł
Tyn ło świecie nic niy wiedzioł
Toż tu hereszt był dość dugo
Choć inaczy dzisioj mrugo.

[broneknotgeld]

Niży Alkazaby

Niży Alkazaby już same pałace
Co w kunszcie chcom ścigać se jedyn przed drugim
Łogrodnika widzisz czynsto przi łopacie
Toż se napaś łoczy - dzionek jeszcze dugi.

[broneknotgeld]

"Sala de Mexuar"

Tu łobradowoł krolewski rzond
Tako wyroki tyż dowoł sond.

[broneknotgeld]

"Patio de Mexuar"

Wpiyrw tu seraj przeca był
Chopu ze tym dowoł siył
We tym szczyńście dyć emira
-Niy mynczyła jakoś ździra.

[broneknotgeld]

W "Patio de Mexuar"


Hurysow czasy jak już minyły
To tu audiyncje krolewske były
Woda w fontannie cicho pluskała
Sztela szczyńśliwo - tela wiedziała.

[broneknotgeld]

"Sala de la Barca"

Mo "gipsdeka" muster łodzi
Dyć to chyba ci niy szkodzi.

[broneknotgeld]

"Sala Mozarabow"

Choć krześcijany - W Grenadzie żyli
Se z Arabami tyż kamraciyli.

[broneknotgeld]

Sala Krolow

Toż bogactwo - blikej w gora
Alhambra niy jakoś dziura.

[broneknotgeld]

"Sala Dwóch Sióstr"

Dwie siostry jako kamiynne płyty
Zdo sie żeś w ulu znoloz i przi tym.

[broneknotgeld]

"Patio de los Leones"

Ech - tu fontanna zodziwio lwami
Kerych dwanoście - rachujcie sami.

[broneknotgeld]

Pałac Karola V (XVI w.)

Toż w niym hiszpański renesans blysnoł
Karol podatek z Maurow wycisnoł
Coby te cudo tukej postawić
Krziż mo wygrywać - tako se jawi.

[broneknotgeld]

W Pałcu Karola V

Dwa muzeja se w niym mieszczom
Toż we szteli ty niy wieszczom
Mosz tu archeologijo
I łobrozow galeryjo.

[broneknotgeld]

"Generalife"

Ano - Alhambry tukej łogrody
W kerych emiry dychali
Jak już ze słonkym niy było zgody
Tukej sie z ciyniym witali.

[broneknotgeld]

"Generalife"

Ano - Alhambry take łogrody
W kerych emiry dychali
Jak już ze słonkym niy było zgody
Tukej sie z ciyniym witali.

[broneknotgeld]

"Santa Maria de la Encacarnacion" (XVI-XVIII w.)

Richtig katedra epno jest tukej
Prawiom - na miara Grenady
Tako i do niyj se tyż zaklupej
Bo strojno aż do przesady.

[broneknotgeld]

W Grenadzie

W Grenadzie po Maurach niywiela łostało
Alhambra to cudo - dyć kaj ińdzi mało.

[broneknotgeld]

"Albacin"

Yno to ciyngym arabske zdo sie
Dzielnica jejich dość dugo była
"Z tym krześcijanom grali na nosie"
-Tako nargila w ucho szepnyła.

[broneknotgeld]

Katedra "Capilla Real"

Izabela z Ferdynandym
Tu do dzisioj leżom
Jedność teroz richtig kandy?
-Łoni w nia durś wierzom.

Almuńecar

[broneknotgeld]

Almuńecar

Piyrwyj tukej Fenicjany
Potym prziszli tyz Rzymiany
Maury to już "małe piwo"
Miastu dzisioj zdo sie dziwo.

[broneknotgeld]

Castillo de San Miquel

Toż niy yno tela po Maurach łostało
Dyć i taki zamek to już jest niymało.

Salobreńa

[broneknotgeld]

Salobreńa

Miasto na gorce se rozłożyło
We wiyrchu arabski zamek
Kogo w niymjeszce cołkym niy było
Niychej to bydzie mu dane.

[broneknotgeld]

Z zamkowego wzgorza

Z zamkowego wzgorza na morze se kukom
Dyć Sierra Nevada tyż łoczami szukom.

Motril

[broneknotgeld]

Motril

Łod morza dali
Dyć tyż "na fali".

[broneknotgeld]

San Virgen de la Cabeza

Tukej cudowno figurka majom
Kery w Grenadzie wiela tyż pszajom.

[broneknotgeld]

Majorka

Wnerwić cie może abo zochwycić
Toż pora rymow czeba mi sklycić.

[broneknotgeld]

"Cuevas del Drach"

Podziymnymu światu se wiela podziwosz
Nawet po jeziorku tyż łodkom popływosz
Nic ci już niy grozi - dyć piyrwyj boroka
Żol było jak spotkoł majorskego smoka.

[broneknotgeld]

"La Tomatina" (25.VIII)

Zarozki po wojnie fieta w Buńol była
Na cześć ich patrona Luisa Bertrama
-Ponoć jakoś frelka karlusa rzduchnyła
Na sztand z tomatami - to ci wyloz "dramat"

Wnerwiony fest swojich kamratow łobciepoł
Tyż łoni łoddali mu wszysko z nawionzkom
Za szkody zapłacioł bo biydy niy klepoł
Dyć za rok to samo sie stało w tym konsku

Tako tref przidarzoł nowo tradycyjo
Kero przi ty fieście terozki co roku
Tomatowo tukej jakby batalijo
W ancugu niy wyłaź przi tymu boroku.

[broneknotgeld]

Barcelona

Klejnot Katalońji - jyj nojwiynkszy port
Łod wiekow dziedziny stolicy był wort
Dyć tako se miasta historio leciała
Widać wola bosko tyż nad tym czuwała.


"Sagrada Familia"

Katedra do dzisioj mozolnie budujom
Co Gaudi tu zaczoł dokończyć chcom jednak
Jyj widok kożdego tu przeca tyż ujon
Jak jo na nia blikom ze zochwytu bledna.

[broneknotgeld]

"Casa Mila"

Znojdziesz tukej coś prostego?
Spytej ducha se Gaudiego.

[broneknotgeld]

Muzeum Dalego

W tym miasteczku Dali se przeca narodzoł
Miano Salwadora na krzcie dostoł tukej
Stond sie surrealizm jak gdyby wywodzioł
Wariat był czy gyniusz? Chcesz wiedzieć - zaklupej.

[broneknotgeld]

Malaga

Miasto Picassa i Banderasa
Andaluzyjsko jak gdyby "klasa".

[broneknotgeld]

Fiesta San Isidoro

Dziewiyńć dni se bawiom w stołecznym Madrycie
Tukej jest hiszpańske te wesołe życie
Szczimujom to prawie do rana biołego
A potym robota źle idzie skiż tego.

[broneknotgeld]

Świynty Rok (2004)

Latoś zaś Jakuba wypadnie w niydziela
Bestoż wszyscy wiedzom że momy rok "świynty"
Pontnikow se znojdzie tukej richtig wiela
Ze radościom przidom choć we blazach piynty.


"Campus stellae" - "pole gwiazd"

Gwiazdy dyszczym spadły na grob apostoła
"Tu mocie świyntego" - jakby chciały wołać.

[broneknotgeld]

Festyn

Przed Świyntym Jakuba we nocy se bawiom
W fojerwerkach przi tym katedra durś blyszczy
Tańce i uciechy życie lekszym sprawiom
Niych wszysko co dobre im sie tukej zyszczy

Dyć potym procesjo wielko tukej zowdy
I mszo z kadzidłami we pamiyńć sie wcisko
Toż pontnik tu chciołby aż łostać - naprowdy
Niyjednymu wiara wystyknie za wszysko.

[broneknotgeld]

Toledo

Po Rzymianach wdepli tukej Wizygoci
Kierzy za stolica Toledo łobrali
Dyć skiż muzułmanow zaczyli se "pocić"
W końcu je wyznowcom Allaha poddali.

[broneknotgeld]

Toledo

Arabso-żydowske tukej stare miasto
Widać co poźniejsze "krześcijańske ciasto"
Uliczki wonziutke słonkym wyhalane
Toż ze downych wiekow nom tako som dane.

[broneknotgeld]

Widać co nad miastym ciyngym łon goruje
Dyć twierdzom był przeca - do dzisioj to czuje.

[broneknotgeld]

Niy wajo

Hehe - Toledo nad tym niy wajo
Że se legnyło przi rzece Tajo.

[broneknotgeld]

Toledańsko katedra

Piyrwyj muezzin chwoloł Allaha
Nios se głos jego po miasta dachach
W końcu świontyniom z krziżym być prziszło
Ano historio - na to tu wyszło

Dzisioj katedra muzeum tako
Ze świontyniami tukej jednako
Wiela wystykło yno przerobić
By mogły dali ta sztela zdobić.

[broneknotgeld]

Monstrancjo z Toledo

Ze dwiesta kilo złota kutego
Na mszy sie ciynżko zabrać do tego
Dyć roz we roku z niom jest mecyjo
Na Boże Ciało - jak procesyjo
Na kero zowdy jom wyciongajom
Szczyńściym co radość z tego fest majom.

[broneknotgeld]

Kadyks

Kadyks to przeca port atlantycki
Downiyj był zocny i tako wdycki.

[broneknotgeld]

Kordoba

Chocioż muzułmańsko minyła już doba
Widać że stolicom ich była Kordoba.

[broneknotgeld]

"La Mezquta"

Piyrwyj wielki meczet miała ta Kordoba
Podobnoś zajmowoł aże dwa hektary
Tysionc czista kolumn - w tym jego łozdoba
Łostało łoziymset - dyć to niy som czary.

Wyspy Kanaryjske

[broneknotgeld]

Wyspy kanaryjske

Ło czym zamarzysz choć żeś już stary?
Łodpowiydź tako szkryfna - Kanary!

[broneknotgeld]

Niy yno

Niy yno kanarkym te wyspy durś słynom
-Przeca som ciekawom na wodach dziedzinom.

[broneknotgeld]

7 wysp

Siedym cudow - wysp tyż siedym
A jo przeca yno jedyn
Dyć łonaczyć sie niy byda
I na kożdo z rymym przida.

Lanzarote

[broneknotgeld]

Lanzarote

Malocello Lancelotto - zyjman genuyński
Wyspa łodkrył co sie zdowo jakby łogniym klynski
Porachować tukej ciynżko te wszyske wulkany
Dyć i tak sztela "łokrzciyli" Lancelotta mianym.

[broneknotgeld]

100 wulkanow

Sto wulkanow z hokym
Zliczysz - dyć cholera
Możesz se potracić
Przi czistu kraterach.

[broneknotgeld]

Lanzarote 1312

Lancelotto we tym roku
Do wyspy dopłynoł
Możno by jom i po ćmoku
Na wodzie niy minoł.

[broneknotgeld]

"Ogniste Wzgorze"

Take piyrsze miano miała
Fojerom se tu zdowała
Niy krył czynsto jom i ćmok
A z Afryki mały "skok".

[broneknotgeld]

El Golfo

Ryb niy ma w jeziorze
Zielone z alg może.

[broneknotgeld]

"Ksiynżycowy krajobraz"

Toż "Gwiezdne wojny" tukej kryńciyli
"ksiynżyc" na ziymi tako chyciyli
Bo Lanzarote w tym sztimowała
Cołko wulkanym zdo sie bezmała.

[broneknotgeld]

Czorne plaże

Chcesz czornym plażom wiela se dziwać
Na Lanzarote trza by ci bywać.

[broneknotgeld]

Cesar Manrique

Piyrszy budowoł domy na lawie
Z niym Lanzarote gryfniała prawie
Łogrod i rzeźby - z lawy jaskinia
Cud jego rynki - zdanio niy zmiynia.

[broneknotgeld]

El Jardin de Cactus

Kanaryjski łogrod
We kerym tysionce
Kaktusow zoglondo
Se zowdy na słońce.

[broneknotgeld]

II zwrotka

Manriqua rynkom
Łon wyrychtowany
Tym kunsztym se asi
Zowdy podziwany.

[broneknotgeld]

Narodowy Park Timanfaya

Na ziymia zdo sie piekło wyłazi
Gorko że aże ciynżko tu łazić
Naloć kajś wody styknie w szczelina
Gejzer mosz z tego - ździwiono mina?

[broneknotgeld]

"Restauracyjo Djobła"

Dania tu w ziymi warzom i piekom
Toż se na łobiod ździybko poczekom.

[broneknotgeld]

7 km

Tunel ze wulkanu - nojdugszy na świecie
Na ty Lanzarote naprowdy znojdziecie.

[broneknotgeld]

Na miesionczku?

Na miesionczku tako bywo?
Wszysko tukej cie zadziwo!

Teneryfa

[broneknotgeld]

Teneryfa

Nojwiynkszo łona z "Kanarow"
Łodkryje wiela ci czarow.

[broneknotgeld]

Łogrod - pustynia

Połnoc ty wyspy łogrodym
Połednie zdo sie pustyniom
Możno niy było tu zgody
Jako "porzońdzić" dziedzinom.

[broneknotgeld]

El Teide

Hiszpańsko gorka nojwyrszo
I ze wulkanow tu piyrszo.

Gran Canaria

[broneknotgeld]

Gran Canaria

Mini kontynynt na oceanie
Wszysko po trochu sztela dostanie.

[broneknotgeld]

Las Palmas

Stolicom Kanarow tyż ta wyspa blyszczy
Bezto łona cosik piyrszo zowdy zyszczy.

[broneknotgeld]

Gran Canaria

Toż oceanu gryfno to cera
Co chcecie - na niyj jest wszysko
Możno ktoś chciołby wybrać sie teraz
Geld straci a szczyńście zysko.

[broneknotgeld]

"Mini"

Niychej Ponboczek nic tu niy miyni
Gryfny "kontynynt" - tela że "mini".

[broneknotgeld]

Pozielono

Na dwa "kawałki" dzielom wulkany
Połedniu słonka blask wiynkszy dany
Dyć jako bywo tu na połnocy?
Ano - jom dyszczyk czyńści pomoczy.

[broneknotgeld]

Na Gran Canarii

Na Gran Canarii palmy i sosny
Ze bananami razym by rosły.

[broneknotgeld]

"Pozo de las Nievas"

Toż trza zoglondnońć tyż przeca w gory
Na szczyt nojwyrszy wlejzie se ktory
Już niy wybuchnie łogniym łon przeca
Choć ze wulkanow tyż jest ci neca.

[broneknotgeld]

Ścieżka

Ścieżka we gorach na skalny ścianie
Lepi porzykać - zło sie niy stanie.

[broneknotgeld]

"Barrancos"

Wielke wonwozy - pozor trza dować
Na cołkym kraju lepi niy stować.

[broneknotgeld]

Na połnocy

Na połnocy mie wito winnica
Toż zarozki na trunek tyn licza
Se skosztuja tutejsze kasztany
Apruziny i gryfne banany.

[broneknotgeld]

W łogrodkach

ielynina w łogrodkach
Na łokrongło rośnie
Jak zimy niy widać
Zapomnisz ło wiośnie.

Maspalomas

[broneknotgeld]

Wele Maspalomas

Wele Maspalomas mosz złocisto plaża
Na "Plaja de Ingles" wybrać jo se marza
Ze poczontkym roku - możno w styczniu prawie
Piosek, ciepłe słonko - jeszcze niy na jawie.

[broneknotgeld]

"Playa de Ingles"

W kynsie siedym kilometrow złota
Se tako szkryfna - to niy gupota.

[broneknotgeld]

Ze pukla

Ze pukla kameli wydmom se dziwujesz
Sahara to niy jest - ocean durś czujesz.

Puerto Rico

[broneknotgeld]

Puerto Rico

Przi Puerto Rico już widza skały
Co w oceanie by se kompały.

Puerto de Mogan

[broneknotgeld]

Puerto de Mogan

Puerto de Mogan na skale rosło
Do oceanu jednak tyż doszło.

Teror

[broneknotgeld]

Teror

Mo te miasteczko urody wiela
I we zobytki bogato sztela.

[broneknotgeld]

"Nuestra Senora del Pino

Łobroz prziciongo tukej pontnika
Do Matki Boski przi niym porzykać
A że i kościoł przepiykny zdo sie
Zaroz tyż radość we duszy mo sie.

Agaete

[broneknotgeld]

Agaete

Agaete se legło w dolinie
Niych uroda ty szteli niy minie
Apruziny citrony banany
Niychej zowdy plon dobry im dany.

Las Palmas

[broneknotgeld]

Las Palmas

Stolica wyspy - miasto portowe
Ze tym co stare miyszo sie nowe.

[broneknotgeld]

Las Palmas 1502

Krzisztofa kolumba Las Palmas gościyła
Tu gubernatora siedziba dyć była.

[broneknotgeld]

"Santa Catalina"

We parku Las Palmas zocnie sie zabawisz
I ciału i duszy uciecha tym sprawisz.

La Palma

[broneknotgeld]

La Palma

Ze wysp na świecie
Nojwyży leży
Jak tu bydziecie
Niy trza już wierzyć.

[broneknotgeld]

"Ruta de Vulcanos"

"Droga Wulkanow" - na szpacyr niy
Dyć pewno kożdy ło tym już wiy.

[broneknotgeld]

"Serce"

La Palma z fligra sercym sie zdowo
Chyńci do zycio tyż wiyncy dowo
Tukej banany figi migdały
Zdo sie - dlo ciebie jakby raj mały.

Fuerteventura

[broneknotgeld]

Fuerteventura

Żołto z piosku ciyngym bywo
Ze Sahary wiater zwiywo
I na wyspa czynsto suje
Czy jyj richtig to sztimuje?

[broneknotgeld]

Dlo surferow

Dlo surferow raj jest tukej
Im kaj ińdzi go niy szukej.

[broneknotgeld]

Na Fuerteventurze

Na Fuertewenturze nojgryfniejsze plaże
Kanaryjskich cudow żodyn tu niy zmaże.

Gomera

[broneknotgeld]

Gomera

Hipisow łona niydowno była
Tu podziwiali natury siyła.

[broneknotgeld]

Gwizdać na Gomerze

Zowdy czowieka chyntka tu bierze
Pogwizdać wiela se na Gomerze
Czy jednak ludzie spokopiom to?
Po ślonsku gwizdać umia dyć jo.

[broneknotgeld]

"Garajonay"

Toż na Gomerze park narodowy
W kerym zoglondniesz na gaj bobkowy.

Hierro

[broneknotgeld]

Hierro

Zdo sie ciepło łona dali
Dyć i jyj bydymy pszali
Bo w spokoju tu dychomy
Sztresu cołkym już niy momy.

[broneknotgeld]

"Sabinas"

Na rowninie wiater hulo
Jałowcami torgo wiela
Toż niy byda wos tu fuloł
Zdo sie dziko cołkym sztela.

[broneknotgeld]

"Ecomuzeo de Guinea"

Epnym jaszczurom se tu podziwej
Yno za wiela na nie niy kiwej.

Asturia

[broneknotgeld]

Asturia

Dobro na lato bo tu zielono
Bardzi dyszczowo za to mniyj słono.

[broneknotgeld]

Ksiynstwo Asturji

Sie autonomijom swojom richtig cieszy
Prawiom co tu czowiek nawet myni grzeszy.

[broneknotgeld]

W Asturji leje

W Asturji leje zdo sie nojczyńści
Dyć za to rośnie tu wszysko gyńści
Niy trza ci leżeć plackym na plaży
Lepi po gorkach gryfnych se łazi.

[broneknotgeld]

Jak umynczy

Jak na połedniu słonko umynczy
Asturia zaroz we gowie brzynczy.

[broneknotgeld]

"Curadillo"

Toż sztokfisza to dziedzina
Dorsz do słonka robi mina
By go piyknie wysuszyło
Asturyjczyk zjy aż miło.

[broneknotgeld]

"Nassos"

Pułapka na ośmiornice
Gupie łone - przeca wiycie
Za żarciym se istno wciśnie
Dyć uciecha jeji pryśnie
Yno rybok jest wesoły
Toż szpecyjał mo na stoły

[broneknotgeld]

Dynkmal konia asturyjskego

Zwiyrz tyn symbolym Asturji przeca
Toż do dynkmalu konia jo leca.

[broneknotgeld]

"Costa Verde"

Morze Kantabryjske Asturio łobmywo
Toż wybrzeże take pewnikym niy dziwo.

[broneknotgeld]

Asturyjske konie

Dziko wyposane po zboczach gor goniom
Dyć w końcu przed lassym se tyż niy łobroniom
Roz do roku przeca w doliny ściongane
Jakosik skiż tego muszom być chytane.

[broneknotgeld]

Asturio

Z połnocy hiszpańsko Asturio cie wito
Dyć gryfno tyż przeca - trza tu szkryfnońć mi to.

[broneknotgeld]

"Picos de Europe"

"Szczyty Europy" - park narodowy
Leko niy wyńdzie terozki z gowy
Gory wonwozy rzeki doliny
Niydźwiedzie spotkosz tu nawet driny.

[broneknotgeld]

Enol i Ercin

Ciongnom we te gory wandrusow jeziora
Toż i wom zoglondnońć przidzie na nie pora.

[broneknotgeld]

"Covadonga"

Sanktuarium w skalny grocie
Take cudo tu poznocie
W niym figurka Matki Boski
Co z dziedziny zbiyro troski.

[broneknotgeld]

Covadonga 722

Sie muzułmany w te strony ciśli
Tu poginyli - dali niy prziszli.

[broneknotgeld]

Matka Bosko Asturyjsko

Matka Bosko Asturyjsko w pieczy mo dziedzina
Toż za ziymiom tom se wstowio zowdy tyż u Syna.

Cudillero

[broneknotgeld]

Cudollero

Rybacke miasteczko nad zatokom leży
Z wysoka gryfnieje - mozecie mi wierzyć.

[broneknotgeld]

Jak amfityjater

Jak w amfityjatrze tu domki na stokach
Na "Marina" paczom se wszyske z wysoka
Tako tyż ryneczek kery w zocy majom
Niy ma co sie dziwać - swoji szteli pszajom.

[broneknotgeld]

"Lonja de pescado"

Na torg rybny zoglondniecie?
Tu ryboki rzondzom przecie!
Ponkle abo ośmiornice
Roztomajte ichnie fisze
W wielkim mocie dyć wyborze
Wszysko co nom dowo morze.

[broneknotgeld]

Latarnia w Cudillero

Stoji nad klifym mrugo we morze
Toż szifom tako blaskum pomoże
Coby sie w ćmoku niy potraciyły
Możno do portu nawet wpłynyły.

[broneknotgeld]

Jesus Casaus

Toz se pomarło już malyrzowi
Dyć jego pyndzel wiela ci powiy
Łon Cudillero na płotno kłod
Tukej zamiyszkoł - był z tego rod.

[broneknotgeld]

"Capilla del humillarado"

Ano - nojstarszo tukej kapliczka
Już wiek czinosty paczoł w jyj liczka
Toż cołke miasto dbo ło nia wiela
Jak jyj zabraknie straci se sztela?

[broneknotgeld]

Kościoł ś. Pyjtra

Małom katedrom tukej go zowiom
Dyć jo cygaństwa wom niy łosprowiom
Tyn świynty Pyjter miasta patronym
Wieki leciały - durś służoł łonym.

[broneknotgeld]

"Pixueto"

Djalekt asturyjski ciyngym pamiyntajom
W Cudillero przeca we zocy go majom.

[broneknotgeld]

Cudillero

Port nad kantabryjskom wodom
Asturyjski - to wom godom.

[broneknotgeld]

W Cudillero

W Cudillero zjysz popijesz
Żeś nad morzym to użyjesz.

Oviedo

[broneknotgeld]

Dynkmale Oviedo

Dali, Botero, tako Urculo
Kunszt swoj w nie kładli - niy byda fuloł
Oviedo ze tym bardzi nom blyszczy
Możno i wiyncy dynkmali zyszczy.

[broneknotgeld]

Zwiydzej Oviedo

Oviedo zwiydzać szłapcugym trzeba
Tu se niy karniesz do środka "nieba".

[broneknotgeld]

Kościoł Santa Maria del Naranco

Preromański kościoł w Oviedo znojdziecie
Z dziewiontego wieku tukej stoji przecie.

[broneknotgeld]

Kościoł San Miquel de Lillo

Drugi kościoł preromański
Lud w Oviedo niy pogański.

[broneknotgeld]

Oviedo

Ano - jest oviedo Asturji stolicom
Toż tako dziedziny nojpiyrszom tyż świycom.

[broneknotgeld]

Miasto pomnikow

Chciołbyś je widzieć - niy szczimiom gyry
Dynkmali tukej przeca sto sztyry.

[broneknotgeld]

Dynkmal Woody Allena

Toż jego dynkmal tukej znojdziecie
I nikaj ińdzi na cołkim świecie.

[broneknotgeld]

Dynkmal emigranta

Wroco do kraju już ze koframi
Co go tu spotko? -Powiydzcie sami.

Cangas de Onis

[broneknotgeld]

Cangas de Onis

Richtig Asturji piyrszo stolica
Tako ło szteli w końcu coś sklyca.

[broneknotgeld]

Rzymski most

Nad rwoncom rzykom kładli Rzymiany
Most co do dzisioj dziedzinie dany.

Colunga

[broneknotgeld]

Colunga

Kości dinozaurow tu czynsto znojdujom
W Colunga muzeum toż se im dziwujom.

[broneknotgeld]

"Wybrzeże Dinozaurow"

Umiom w Asturji sprzedać te kości
A nasz Krasiejow durś musi pościć.

[broneknotgeld]

Cabo de Roca

Cabo de Roca - Europy koniec
Dali som fale i yno łone
Dyć jak żeś jednak juz tukej jest
Se Portugaliom naciesz tyż fest.

[broneknotgeld]

Algavre

Miyndzy Wincyntym a Antonikym
Tyn region nadmorski leży
Jakby na końcach take pomniki
Przeca możecie mi wierzyć.

[broneknotgeld]

Chcesz zachod słońca podziwiać piyknie
Toż Portugalio do tego styknie.

[broneknotgeld]

Teroz Portugalio

Jeszcze niy tak downo koloniami żyła
A teroz we Unii rośnie jeji siyła.

[broneknotgeld]

Fado

Portugalczyk zowdy fado mo we zocy
Dyć sie niyjednymu przi niyj pocom łoczy
Jak jeszcze popijesz we knajpie pocztowy
Nastroj ty muzyki som włazi do gowy.

[broneknotgeld]

Ferdynand Magellan

Wszyscy wiymy czamu mo swoja cieśnina
Tu żodyn mu tego niy chce wypominać.

[broneknotgeld]

Lizbona

Tam kaj Tag se kończy Lizbona zaczyno
To mi cos przi Wiśle jakby przipomino.

[broneknotgeld]

Mało Portugalio

Mało Portugalio kolonije miała
Dyc downo minyła już ta jeji chwała

[broneknotgeld]

Miasto Odysa?

Miasto Odysa - legynda prawi
Toż se nikerym Lizbona jawi
Rowno ty Romie łod Eneasza
Wierzyć - niy wierzyć? -Utropa wasza.


Lizbona

Odyseusz se błonkoł dość dugo po morzach
Toż ta historyjo szkryfnońć se łodwoża
Bo tu przeca piyrwyj ktosik ło tym prawioł
Co władca Itaki w tych stronach zabawioł

Wele ujścio Tagu siedym gorek stoło
Wandrusom na wodzie niy było wesoło
Toż nikerzy tukej se już łosiedlyli
Tako nom Lizbona zdo sie założyli.


Siedym lizbońskich wzgorz

Siedym wzgorz zrachować - jako by to było?
Świyntych Wincentego Andrzeja i Rocha
Jorga Katarzyny tyż se dołożyło
Chagas i Santana - niy brakuje trocha.

[broneknotgeld]

Zamek św. Jorga

Maury tukej go stowiali
Choć tako niy mianowali
Katoliki se zdobyli
-Wiela ło tym dyć prawiyli.


Brama Marcina Moniza

Wszyscy znajom brama
z popiersiym Moniza
Śmierć w niyj przeca znoloz
-wojowoł dlo "krziża".


1147

Maury łoblynżone w zamku se czimali
Jeszcze na "wycieczki" groźne wybiyrali
Roz łoni wrocali a Moniz przi wrotach
Choć go posiekali mści se ich gupota
Bo z zawarciym bramy ździybko se spoźniyli
I już katoliki dran ze niymi byli.

[broneknotgeld]

Zamek św. Jorga

We szesnostym wieku prziszło take miano
Z Anglijom przimierze Portugalji dano
Krol Manuel I - w to mogecie wierzyć
Pedzioł -"Niych patronym bydzie świynty Jerzy".


Zamkowe harmaty

Harmatom na zamku idzie se dziwować
Yno niy poszczyleć - dyć po co wojować?


Wandrusom

Wandrusom tyn zamek podobo sie zowdy
Choć w świyntości Jorga ponoć mało prowdy.

[broneknotgeld]

"Se"

Romański portal z dwiyma wieżami
Gryfno katedra - wiycie to sami
Wpiyrw muezzina było tu słychać
Dyć Maury downo przestali dychać.


W XIV wieku

Tymu co romańske gotyku dodali
Bo wtedy absyda tu dobudowali
Terozki w katedrze dwa mustry już widać
Wystykło na szczyńście - rym ło tym trza by dać.


Katedra 1755

Tyn rok zdo sie jakby dlo Lizbony erom
Na jego wspomniynie dreszcze dzisioj bierom
Skiż trzyńsiynio ziymi kipniynto stolica
Toż i ta katedra mo szczaskane lica
Szczyńściym że jom z czasym tu łodbudowali
Do downy świytności jednakoż niy dali.

[broneknotgeld]

1755

Przed i po utropie - dlo Lizbony era
Trza tyż ło tym szkryfnońć cos na zajcie teraz
W drugim tysincleciu tych czyńśiyń czinoście
Dopiykło fest miastu dyć se wyłobroźcie
W tym nojgorszym roku piekło zdo sie było
Jak se cołke miasto przi tymu zbulyło.

[broneknotgeld]

10 minut

Ćwierć tysionca rokow tymu
Dziesiyńć minut trwało
Dusz szterdziści aż tysiyncy
Ze ziymi zabrało.

[broneknotgeld]

Dynkmal - 1 listopad 1755

Kościoł karmelitow tako we ruinie
Pamiyńć ło utropie niychej tu niy minie.

Madera

[broneknotgeld]

Madera

Na Atlantyku tako ciepniono
Ze Portugaljom przeca niy kono.

[broneknotgeld]

Prawiyli

Prawiyli - Ponboczek tu świata doł koniec
Kto zyjmanioł dali tyn życie mioł tonie.

[broneknotgeld]

Skończoł?

Ponboczek z tom wyspom skończoł co zbajstlowoł?
Jo bych za to gowy po prowdzie niy dowoł.

[broneknotgeld]

Drapko stworzono

Ponboczek drapko Madera stworzoł
I zdo sie jakby niydowno
Toż dlo ty wyspy wiela Łon wożoł
Bo richtig tako cudowno.

[broneknotgeld]

Na wulkanie

Wyrosła na Oceanie
Za to dziynki ci wulkanie.

[broneknotgeld]

Jao Goncalves Zarco 1418

Portugalski zyjman już na Porto Santo
Dyć jeszcze niy wiedzioł co przidzie i dran to.

[broneknotgeld]

Jao Goncalves Zarco 1419

Ano - zaś zyjman w te strony płynie
Tako se znoloz w nowy dziedzinie
Madera łodkrył - tela już wiycie
Z tym Portugajli zaczło tu życie.

[broneknotgeld]

Madera

Z portugalskego "drewnym" mianujesz
Przeca zielono - toż forsztelujesz.

[broneknotgeld]

"Madera"

Winym swojim dzisioj słynie
Nojzocniejszym w ty dziedzinie.

[broneknotgeld]

Po wyspie

W rajza szłapcugym se wybierecie
Na wszyske cuda wyspy blikniecie
Tako wom rajym Madera zdowo
I we pamiyńci zowdy już stowo.

[broneknotgeld]

Prawiom

Prawiom co zowdy świyci tu słonko
Choć ktosik gyry w ciaplycie tonko
Pogoda miyni se drapko tukej
Toż paryzola zowdy tyż szukej.

[broneknotgeld]

"Atlantycki łogrodek"

Zielyń jakby na wulkanie
Co stracony w oceanie.

[broneknotgeld]

"Wyspa wieczny wiosny"

Ciepło porno i zielono
Przeca take wiosny łono.

[broneknotgeld]

"Perła Atlantyku"

Ano - richtig tom perełkom
Kero dusza uraduje
Po co mynczyć wodom wielkom?
Dyć tu w raju se poczujesz.

[broneknotgeld]

Po burzy

Po burzy luft zowdy swiyży
Jakby u Edynu dźwiyrzy.

[broneknotgeld]

Wino madera

Ech - już łod wiekow robiom te wino
Kere durś wyspa ta przipomino
Procynt mo dobry i zdo sie wieczne
Dyć czy dlo gowy richtig bespieczne?

[broneknotgeld]

Piyrwyj

Piyrwyj madera na szify brali
Jak rejs był dugi richtig jyj pszali.

[broneknotgeld]

Wygrzono madera

Madera wygrzono tako wyleżano
Cudym zdo sie wyspy - wspominosz co rano
I siyngosz jak yno pod rynkom jom mosz
Czy coś zocniejszego na tym świecie znosz?

[broneknotgeld]

Sie niy złoctuje

Sie flacha madery nigdy niy złoctuje
Dugo niychej leży bo lepi smakuje.

[broneknotgeld]

"1772"

Moga terozki ło tym poklachać
Ze tego roku durś czimiom flacha
Jakby jom wypiś - ale by było
Zobytek tako jednak straciyło.

[broneknotgeld]

Madera - Malmsey

Z "Malmsey" we gymbie wiela słodkości
Tako niy dlo mnie - szkryfna nojprości.

[broneknotgeld]

Madera - Bual

W tym już zatonkać jo gymba moga
Przeca madera darym łod Boga.

[broneknotgeld]

Madera - Verdelho

Takim winkym niy postrasza
Połwytrawne - dobra nasza.

[broneknotgeld]

Madera - Sercal

Cołkym wytrawne - dlo mnie radocha
Toż se napija wina niy trocha.

[broneknotgeld]

Strelicjo krolewsko

Symbolym wyspy kwiotek se zdo
Tukej strelicjo dyć kożdy zno.

[broneknotgeld]

Czorne plaże

Ano - take mo Madera
Choć niy aże jako tera.

[broneknotgeld]

Cabo Girao

Chnet nojwiynkszy klif na świecie
Forsztelujesz - drugi przecie.

[broneknotgeld]

580 m.n.p.m.

Jakby ze klifu skoczyć do morza
Dyć se to zrobić jo niy łodwoża.

[broneknotgeld]

Kolumb na Maderze

Ano - miyszkoł tu trzi roki
Chcioł na cukrze se dorobić
Marne w handlu jego kroki?
Lepi Indje jakeś zdobyć?

[broneknotgeld]

Princ polski

Ponoć princ polski jakiś tu zginoł
Kaj klif nojwiynkszy blisko podpłynoł
Dyć prawie kawał wlecioł we morze
Szif poszoł na dno tako - moj Boże.

[broneknotgeld]

Władysław III Warnyńczyk???

Ano - w tych czasach to prawie było
Jak "princa z Polski" tu zatopiyło
Ciała pod Warmiom przeca niy znodli
Aże tu szukać - na to niy wpodli.

[broneknotgeld]

Sisi na Maderze

Cysarzowo Sisi tu pomiyszkiwała
Niy zowdy ze Wiednia przeca panowała.

[broneknotgeld]

Karol Habsburg na Maderze

Łostatni cysorz tako niy dziwo
Że na Maderze wiela przebywoł.

[broneknotgeld]

Gorski raj

Kto po gorach lubi łazić
Tyn Maderze bydzie pszoć
Dyć inkszego moze zrazić
Bydzie se jyj trocha boć.

[broneknotgeld]

"Lavandes"

Setki kilometrow kanałow znojdziecie
Połedniu se woda przido tukej przecie
A połnoc Madery na ibrich mo przeca
Toż sztucznie keruje w drugo strona "neca".

[broneknotgeld]

Pico Ruivo (1862 m n.p.m.)

Nojwiynkszo gora Madery mocie
Ze niyj w ocean se podziwocie
Żeście na wyspie - ło tym już wiycie
Jako sztimuje wyspiorza życie?

Funchal

[broneknotgeld]

Funchal

Piyrszo osada wyspy Madera
A dyć stolicom jeji i teraz.

[broneknotgeld]

Na wzgorze Monte

Trza tu kolejkom na wiyrch wyjechać
Dyć se niy urwie - niy mosz z tym pecha
A trza łoglondnońć stolica w krasie
Tako wycieczka zowdy na czasie.

[broneknotgeld]

Amfityjater

Tako z gory Fuchnal widzom
Dyć se w dole tym niy biydzom.

[broneknotgeld]

Kościoł Nossa Senhora de Monte

Bioło czorny zdo sie prawie
Blyszczy jakby niy na jawie
Na bazalcie śniyg pokładli?
Jako szkryfnońć ło tym snadni?

[broneknotgeld]

Łogrod botaniczny

Ano i łogrod tukej znojdziecie
To wzgorze Monte niyłostre przecie
Idzie na Fuchnal piyknie se dziwać
I Ponboczkowi rynkom pokiwać.

[broneknotgeld]

Kaj w Europie?

Kaj w Europie take sanie
Kere pyndzom po wulkanie?

[broneknotgeld]

Z Monte na saniach

Pierucha - przeca jo niy cygania
Idzie se zjechać z Monte na saniach
Niychej cie wcale łone niy straszom
Jak bazaltowom na doł mknom trasom.

[broneknotgeld]

Na torgu w Fuchnal

Na torgu w Fuchnal durś se dziwocie
Owocom kerych prawie niy znocie.

[broneknotgeld]

W porcie

"Santa Maria" w porcie do dzisioj cumuje?
Zrobiono na muster - przeca forsztelujesz
Jakby niy to yno co jyj motor dali
Byłaby jak piyrwyj na tutejszy fali.

[broneknotgeld]

Józef Piłsudski na Maderze 1930/31

Toż i Zefla tu przez zima
Ta Madera ugościyła
Prziszło Fuchnal ze niym szczimać
Trzi miesionce - czasu siyła.

[broneknotgeld]

"Mało Lizbona"

Tako i ło Fuchnal prawiom
Choć se mozno mianym bawiom.

Santa Cruz

[broneknotgeld]

W Santa Cruz

Ano - fligrym wylondujesz
Dyć se zdowo że wodujesz
Pas w ocean aż wyłazi
Yno niychej cie niy razi.

Curral das Freiras

[broneknotgeld]

Curral das Freiras

Wioska zakonnic w środku Madery
Skond łone tukej? Powiy mi kery?

[broneknotgeld]

W XVI wieku

W szesnostym wieku stanyła wiocha
Strach w tym dopomog richtig niy trocha
Przed piratami siostry se skryły
Cnota i życie tako chroniyły.

[broneknotgeld]

W wiosce zakonnic

W wiosce zakonnic spokoj i cisza
Tu oceanu w nocy niy słysza
Świat do wyścigu codziynnie stowo
Tu se poleku żyje i zdrowo.

[broneknotgeld]

Lagos

Dlo zyjmana tukej raj
"Marina" jest przeca naj
Wszyskich jeszcze kusi plaża
Jo tyż ło niyj se pomarza.

[broneknotgeld]

W Lagos

W Lagos cie zodziwiom skały
Durś by łone se toplały
Trza przegonić je ze wody?
-Niy ma na to ponoć zgody.

[broneknotgeld]

Lagos stolicom

Lagos stolicom Algawre było
Ano - ze faro se pomiyniyło
Jakosik teroz ta sztela śpi
Możno to lepi? Kto richtig wiy?

[broneknotgeld]

Vilamoura

Kurort niy na kapsa moja
Wydać euro se tu boja.

[broneknotgeld]

Carrapateira

Dziko plaża znojdziesz tukej
Piyknym kwieciym łobsypano
Dyć gryfniejszy już niy szukej
Ta łod Boga jest nom dano.

[broneknotgeld]

Aljezur

Bliknij na mauretański tu zamek
Choć dzisioj yno ruina
Lata świytności były mu dane
Historio idzie wspominać.

[broneknotgeld]

Fatima 1917

Nojgorszy rok to był piyrszy wojny
W Fatimie czas sie zaczimoł
Choć region biydny dyć był spokojny
Możno Ponboczek tu drzymoł

Cosik we maju jednak sie stało
Ze wiary zowdy jest siyła
Światło dzieciokom se ukozało
Bolesno Matka w niym była

Przez piyńć miesiyncy - durś czinostego
W to samo miejsce wrocała
Znak taki łaski wielki łod Niego
Tu Matka Bosko być chciała

Ło Rodzicielko Wielko w Boleści
Miyj już w opiece nos zowdy
A tych co ciyrpiom chciyj łaskom pieścić
Ze wiarom lżyj im - naprowdy.

[broneknotgeld]

Porto

Duero tukej kończy swoj bieg
Dyć bardzi winym nyńci tyn brzeg.

[broneknotgeld]

Już lord Byron...

Już lord Byron ło Sintrze piyknie przeca prawioł
Jak był w Portugalji to tukej tyż bawioł
Teroz jest Światowym Dziedzictwym Kultury
Na tym te miasteczko poszło fest do gory.

[broneknotgeld]

Terceira

To ciekawo wyspa w azorski dziedzinie
Ze "fiestow" ulicznych łona ciyngym słynie.

Algavre

[broneknotgeld]

Miyndzy Atlantykym a Gwadianom leży
Tyn region Algavre - możecie mi wierzyć
Portugalji gryfne to połednie przeca
Tako se niy dziwcie że wetkom do neca.

[broneknotgeld]

"Piri-piri"

Kura na łostro po kawalontku
Kupisz se tukej we kożdym kontku.

[broneknotgeld]

Do Faro

Do Faro z Warszawy dolecisz już fligrym
Tako we Algavre se zjawisz ze biglym.

[broneknotgeld]

Pole golfowe

Zdo sie te Algavre tyż polym golfowym
Dlo Anglikow bestoż już niy czymsik nowym
Tako we te strony zjyżdżajom chmarami
By se tu wymiyszać jednak ze Niymcami.

[broneknotgeld]

Plaże

Plaże Algavre som atrakcyjom
Ze nich miejscowi lepi se żyjom.

[broneknotgeld]

W zatoce

W skalny zatoce pioszczysto plaża
Ło tym w tych stronach niy yno marza.

[broneknotgeld]

Do Vilamoury

Do Vilamoury łod Hiszpaniji
Szyroke gryfne plaże se ciongnom
Ze słonkym nigdy niy ma mecyji
We radość życio łone cie wprzongnom.

[broneknotgeld]

Łod Vilamoury

ŁOd Vilamoury na zachod dali
Wybrzeże bardzi skaliste
Plaże w zatoczkach tu pochowali
Dyć niebo i morze czyste.

[broneknotgeld]

Klif Algavre

We złotym słonku i łon se złoci
Wandrusow kusi durś po dobroci.

[broneknotgeld]

W Algavre

I tukej kościołki flizami se blyszczom
Z azulejos tako Łask Boskich nom zyszczom.

[broneknotgeld]

"Cataplana"

Czego we tym jodle niy ma?
Dlo kuchorza zocny tymat
Dyć mi rondel już rychtuje
To żech głodny forszteluje.

[broneknotgeld]

Cabo de Sao Vicente

"Koniec świata" znojdziesz tukej
Już kaj ińdzi go niy szukej
Dyć tu fertig ze Europom
Dali djobły yno topiom.

Faro

[broneknotgeld]

Faro

Stolica prowincji radośnie cie wito
Zarozki ło euro jednak se łopyto.

[broneknotgeld]

Żodyn ło to sie niy staro
Jako znojdzie se we Faro
Fligrym dyć dolecieć styknie
Tako pewno bydzie piyknie.

[broneknotgeld]

Piyrwyj

Piyrwyj tu byli te Fenicjany
Potym se znodli przeca Rzymiany
Dyć i Arabow chnet pokusiyło
Ponoć w tych czasach tyż zocne było.

[broneknotgeld]

Faro 1755

Jako cołko sztela te Faro zniszczone
Zdało sie nikerym co świata z tym koniec
Zaczynsło fest ziymiom - wszysko we ruinie
Dyć przeca se dźwignie - co złe tako minie.

Lagos

[broneknotgeld]

Trza by Lagos było tukej
forum.gazeta.pl/forum/72,2.html?f=28940&w=19764660&a=20294405
Dyć i tam se tyż pokukej.

Calela Velha

[broneknotgeld]

[broneknotgeld]

Calela Velha

Piyrwyj wioska z forym była
Dyć już na nic jego siyła.

[broneknotgeld]

W Caleli

Domy tukej bioło-modre
Słonko zdo sie tyż za szczodre
Z klifa morzu se dziwujcie
Jako Hajnel Zyjman czujesz?

Silves

[broneknotgeld]

Silves

Jak chcesz se dychnońć ździybko łod plaży
Możno te Silves ci sie zamarzy.

[broneknotgeld]

Zamek

W Silves cie zamek Maurow zochwyci
Blik z niego na ta dziedzina
Możno i ło tym fraszka ktoś sklyci
Jo to terozki łomina.

Tavira

[broneknotgeld]

Tavira

Rzeka Gilao pszaje grodowi
Piyrwyj w bogactwie - dzisioj coś dowi
Choć możno wrocom lata świytności
Trza coby było tu wiyncy gości.

Vilamoura

[broneknotgeld]

Vilamoura

Tyn kurort z marinom dlo geldu wiynkszego
Toż do portmaneja niy siyngom mojego.

[broneknotgeld]

Klub Luisa Figo

Sztela istnego tu fuzbalera
Drinka se kupia - no niych cholera.

[broneknotgeld]

Na Iberyjo żech se zapyńdzioł
A ło ty Malcie nic niy naglyńdzioł
No toż terozki nadrobia to
Sztela ciekawo - jak wom sie zdo?

[broneknotgeld]

Malta

Mało wysepka na wielkim morzu
A przeca ważno dlo inkszych
Na nia Ponboczek palec położoł
We łoczach punkt stoł sie wiynkszy

Pewno skiż tego kościołow tukej
Tela co dni w cołkym roku
We nich historii wyspy tyj szukej
Niy zabocz zrobić tam kroku.

[broneknotgeld]

Megalityczne świontynie

Skond łone tukej? To ci pytanie
Możno Atlanci stowiali na nie
Konsek to richtig jejich jest świata
Los im zgotowoł tako zapłata.


Hypogeum

Piyńć tysiyncy lotek te grobowce majom
Historyje swoje pod ziymiom skrywajom.

[broneknotgeld]

Archipelag

Malta Gozo Comino - niy som tu bezludne
Choć możno sie zdowo że to skały nudne.

[broneknotgeld]

Po maltańsku

Jako Maltańczyka spokopić mi przidzie?
Chnetko po arabsku godka jego idzie.

[broneknotgeld]

"Papeye Village"

Filmy dlo dzieci tukej kryńciyli
Ku ich radości tyż łostawiyli
Tako bajtlowi rajym se zdowo
Potrza - toż dali żyje z tym zdrowo.

[broneknotgeld]

Krolestwo słonka

Ano - na Malcie zowdy już tako
Tunezjo blisko toż z tym jednako.

U nas... ośnieżone marzenie

[luna-a]

Teraz pora na buzujący kominek i lampeczkę winka...
Do tego ciepły szal, bamboszki. Cieplutka rodzinka.
Gdyś samotny- wełniany pled, swetr,puchowa pierzyna.
Nieustępliwie Jesień chłodami ŚWIĄT się dopomina.
;b!
Cóż, ośmieszyłam się tym ośnieżonym marzeniem?
;b?
Ale Królestwo Słonka to już letnie wspomnienie...

hihi!

-
b!
_
forum.gazeta.pl/forum/71,1.html?f=26289

[broneknotgeld]

Toż na Malta zdo sie czas
Bydzie chyba tam "w sam raz".

[broneknotgeld]

"Golden Bay"

Prawiom co na Malcie nojgryfniejszo plaża
Toż i jo se ło niyj ździybeczko pomarza.

[broneknotgeld]

Malta

Archipelag mały - na niym państwo take
Chocioż ze Europom przeca niy jednake.

[broneknotgeld]

Wyspa Kalipso

Richtig ta nimfa tu se miyszkała
W Odyseuszu fest zakochała
Był u niyj w gościach przez siedym lot
W końcu łodpłynoł - dyć serce skrod.

[broneknotgeld]

Wyspa - muzeum

Malta muzeum zdo ci sie cało
Richtig zodziwi choć przeca mało.

[broneknotgeld]

Malta XVI-XVIII w.

Kawalerom Maltańskim wyspa dobrze służy
Turkom se łoparła - niy mogli jyj użyć.

[broneknotgeld]

Maltańske wiatroki

Wiela ich do dzisioj stoji
Tako kraszom ciyngym wyspa
Wiater w krzidłach już niy broji
Toż w nich możesz nawet przispać.

[broneknotgeld]

Bitwa z Turkami 1565

Turki nic tu niy zdziołali
Swoje trupy nazod brali
Dyć na bitwy ty pamiontka
Co rok festyn w Malty kontkach.

[broneknotgeld]

La Valetta

Nad uliczkami wiszom balkony
Pewnikym na kark niy spadnom łonym.

[broneknotgeld]

"Ściyńcie św. Jana Krzciciela"

Łobroz Caravaggia taki tu znojdziecie
Piyrwyj we katedrze wystawiony przecie
Terozki muzeum katedralne krasi
Dyć se cołko Malta kunsztym jego asi.

[broneknotgeld]

Pałac Wielkich Mistrzow Zakonu

W La Valetcie zwiydzić trza
Toż bez tego tu niy idzie
Zodziwiyni żeście - ja?
Był, dyć jest i dali bydzie.

[broneknotgeld]

Kolekcyjo broni

Kolekcyjo pałacowo
We pamiyńci ciyngym stowo
Mieli czym ta Malta bronić
Krew we cynie była toni?

[broneknotgeld]

Mdina

Ze czasow Fenicjan te miasto sie wiedzie
Dyć przed La Vallettom było tu na przedzie.

[broneknotgeld]

Comino

"Modro Laguna" na wyspie Comino
Raj środziymnomorski jakby przipomino.

[broneknotgeld]

"Haggis"

Co we Szkocji jedzom? "Haggis" - dyć boroki
Niy wiedzom że nasze to przeca krupnioki.

[broneknotgeld]

Mur Hadriana

Na niym był koniec prowincji Rzymu
Dali se legie niy wcisły
Choć probowały zaradzić tymu
Dyć zowdy źle na tym wyszły.

[broneknotgeld]

Angliki

W Brytańji Anglikow ponoć ćwierci czi
Reszta yno w jedny - to już kożdy wiy.

[broneknotgeld]

Brytyjski fuzbal

Dyć łon na wyspie sie ty narodzioł
No i Anglikow tyż jakby godzioł
Po prowdzie - czyńści to było "jakby"
No i ze tego wyszło im "rugby".

[broneknotgeld]

Wele ty Brytańji ta Europa leży
Trza yno przepłynońć se Kanał Angelski
Tako Anglik godo - dyć i w to tyż wierzy
Przi tyju - bo nastroj wtedy miywo sielski.

[broneknotgeld]

"Lager"

Pinta letniego cołkym lagera
Mie niy pokusi - ani cholera.

[broneknotgeld]

SAS

"Siyły szpecjalne" w dzisiejszym czasie
Som ponoć yno w tym jejich SAS-ie.

[broneknotgeld]

Szkocjo

Erikom łod zowdy piykno Szkocjo słynie
Tukej torfowiska nojwiynksze w dziedzinie.

[broneknotgeld]

Połnoc Brytanii

Połnoc Brytanii - toż Szkocjo - wiycie
Ciyngym surowsze tu majom życie.

[broneknotgeld]

Szkot

We kecce w kratka ciyngym Szkot łazi
Tukej to przca wcale niy razi
Kto wdziywo keca zdowo se lepszym
Niychej już żodyn ło tym niy pieprzy.

[broneknotgeld]

"Nessie"

Możno jest a możno niy ma?
Dyć niy pożałuja ryma.

[broneknotgeld]

Piktyjske kamiynie

Znojdziesz je na Szkocji wschodzie
Downe czasy pamiyntajom
Jak Rzymianin Pikta bodzie
Historyjo - jo niy wajom.

Higslands

[broneknotgeld]

Higslands

Połnocno szkocjo - ziymia Górali
Tu nawet owce widzisz na hali.

[broneknotgeld]

Grempiany

Gory niywielke dyć przeca piykne
Yno mi dyszcza na dugo styknie.

[broneknotgeld]

Gory Kaledońske

Zdajom se ciongnońć aż po Orkady
Dyć czy przedeptać je domy rady?

[broneknotgeld]

Jezioro Loch Ness

Ech - przeca wiycie
Z potwora życie
Ze Nessie take majom profity
Że już łostanom na zowdy przi tym.

[broneknotgeld]

"Grey Crains of Camster"

Megalityczne szkocke kamynie
Jak kopce dyć fest masywne
Co downych ludzi we nich durś drzymie
Dzisioj sie zdo nom to dziwne.

Eilean Donan

[broneknotgeld]

"Eilean Donan"

Zamek ponury - miejsce to znocie
We "Niyśmiertelnym" tyż podziwiocie.

[broneknotgeld]

800 rokow tymu

Kaj fiord Loch Duich wcisko se wodom
Zamek stowiajom - tako wom godom
Przed Wikingami mioł tukej bronić
Toż se przeglondoł we modry toni.

[broneknotgeld]

Eilean Donan (XVII w.)

Anglik Szkotowi zaszkodzioł tako
Zamek wysadzioł - niych istny płako.

[broneknotgeld]

W XX wieku

łodbudowali tyn zamek szkocki
Niy chciołbyś spyńdzić w niym jedny nocki
Z wody wyrosto cołkym surowy
Ciarki przez pukel włazom do głowy.

[broneknotgeld]

Przed ćmokym

Niym na dworze cołkym cima
Straszne zdowo sie zamczysko
Przenocować chyntnych ni ma?
Widok styknie dyć za wszysko.

[broneknotgeld]

Za piyńć funtow

Za piyńć funciokow
Tyn zamek zwiydzisz
Skuli widoku
Tako se biydzisz

Napasiesz łoczy
Tym co na dworze
Niym doczkosz nocy
Dziynki ci Boże.

Invereve

[broneknotgeld]

Invereve

Połnocno Szkocjo czym jeszcze słynie?
Łogrod przecudny we ty dziedzinie
Połwysep ziymiom jest posypany
Tako przirodzie we władza dany.

[broneknotgeld]

Skiż Golfsztromu

Skiż Golfsztromu łogrod jakby nowym rajym
Takom egzotykom se jednak niy najym.

Drumnadrochit

[broneknotgeld]

Drumnadrochit

Z Nessie miasto jakby żyje
Braknie stwora to zawyje.

[broneknotgeld]

"Nessie"

Co w legyndzie jest ze prowdy?
-Pytać idzie tu już zowdy.

[broneknotgeld]

Potwor potworym
Dyć pełne wory
Geldu przinosi
Ło pamiyńć prosi.

[broneknotgeld]

Zamek Urquhart

Niy yno potworym przeca Loch Ness słynie
amek se przeglondo w ty modry dziedzinie
Toż trza tyż na niego nom tako dziwować
Nessie teroz idzie nawet i pochować.

John O'Groats

[broneknotgeld]

John O'Groats

Samo połnoc Szkocji - widok na Orkady
Toż trefić tu potrza - niy ma na to rady.

[broneknotgeld]

Ze klifu

Ze klifu se tukej na skały podziwosz
Z wody wyrostajom - tako im pokiwosz.

[broneknotgeld]

Bliza w John O'Groats

Jako i nesze - choć klif wysoki
Blysko rybokom - bez niyj boroki
Możnoby w nocy se potraciyli
Dyć dziynki blizie zły tref przeżyli.

Inverness

[broneknotgeld]

Inverness

Połnocny Szkocji tako stolica
Łodkrywo swoje ciekawe lica
Prowdziwe miasto we ty dziedzinie
Toż je pewnikym tyż niy łominiesz.

[broneknotgeld]

Zamek Cawdor

Zamek Cawdor - pamiyntocie?
We Inverness dyć go mocie
A co wiedźmy wywrożyły?
-Przed Makbetym dyć łodkryły!

[broneknotgeld]

Niy był

Dyć niy był Makbet nigdy w Cawdorze
Szekspir nom tako przeca niy jawi
A wspominajom go tu - moj Boże
Jako pon zamku tego se jawi.

[broneknotgeld]

Zamek ponury

Ano - tyn Cawdor zdo sie ponury
Ze downych wiekow duchy prziciongo
Jak ołowiane tu lecom chmury
Zdo sie we horror i ludzi wprzongo.

Findhorn

[broneknotgeld]

Findhorn

Downiyj kemping bajtli-kwiotkow
Kierzy niy lubieli klotkow
Toż se tukej raj swoj znodli
-Familijom możno skrodli.

Dunrobin

[broneknotgeld]

Pałac princow Sutherland

Pałac jako nad Loarom
Zdowo sie we Szkocji marom
Wieże dachy koronkowe
Richtig zodziwiony czowiek.

[broneknotgeld]

189 komnat pałacu

Tela rachujom - se wyłobroźcie
Wiela pokożom? - Dyć siedymnoście.

Speyside

[broneknotgeld]

"Speyside"

Region co szkockom łod wiekow słynie
Toż rozglondnymy se w ty dziedzinie.

[broneknotgeld]

Szkocko

Słod jynczmiynny, drożdże, woda
Szkocki sie niy napić szkoda.

[broneknotgeld]

Londyn

Londyn - tyglik narodowy
Łon już swoji niy mo gowy.

[broneknotgeld]

Londyńczyk

Niy z angelski wyspy londyńczyk co czeci
Dyć wszysko sie jakoś po brytyjsku kleci
Możno skiż tych busow - durś przeca czerwonych
Sznit łod tego miasta jakby chytoł łonych.

[broneknotgeld]

20 miljonow wandrusow

Co roku zoglondo wandrusow tu wiela
Toż i jo ze rymym wlyźć sie tyż łosmiela.

[broneknotgeld]

1/3

Jedna czecio londyńczykow
Niy z wyspy pochodzi
Toż "goroli" tu bez liku
Zaczło już to szkodzić.

[broneknotgeld]

7 miljonow

Siedym miljonow tu miyszko z hokym
Siedym miljonow coś mo we duszy
Siedym miljonow ze kożdym rokym
Ponoć we nowy Londyn chce ruszyć.

[broneknotgeld]

600 tysiyncy

Do Allaha tu rzyko aż szejset tysiyncy
Zdo sie co tyn Londyn meczetami jynczy
Dyć cocik sie miyni - prziszło ze dżihadym
Czy bydom musieli Arabom dać rady?

[broneknotgeld]

W katedrze św. Pawła

Możno i spotkosz tu wiernych garstka
We ty katedrze - jakby z naparstka
Ze anglikanow tela łostało?
Kerym sie jeszcze porzykać chciało.

[broneknotgeld]

Meczet na Brick Lane

Hugynotow wpiyrw świontyniom
Potym sztela metodystow
w synagoga chnet przemiyniom
W końcu Allah se mog prziś tu.

[broneknotgeld]

"London pride"

"Duma Londynu" w kuflu se złoci
Toz ło tym mieście coś pedzieć mo ci.

[broneknotgeld]

Woda z Tamizy

Richtig w tym prowda co czasym prawiom?
Ci co wypijom zaś se tu zjawiom?

[broneknotgeld]

Żydzi w Londynie

Żydzi w Londynie som tysionc lot
William Zdobywca był ze nich rod.

[broneknotgeld]

Piyrwyj

Piyrwyj w Londynie Rzymiany byli
Dyć tu za wiela poswawolyli
Możno Budyka ło tym coś powiy
Jak łodebrali majontek wdowi
Jako popsuli dwie jeji cery
Rzym dlo niyj zdo sie kawał cholery

Toż se krolowa mścić mogła wiela
Łogyń nawiedzioł londyńsko sztela
Nic to że w końcu z Rzymym przegrała
Krolewsko wola dyć pokozała
Choć armio jeji tako pobiyli
Żywom Budyki przeca niy wziyli

W truciźnie honor i wolność znodła
Toż śmierciom swojom Rzym tako bodła.

[broneknotgeld]

Dynkmal Budyki

Na rydwanie stoji i poganio konie
Przi niyj tyż dwie cery ło zhańbionym łonie
Jyj gniyw jeszcze bydom legjony pamiyntać
Pokoże co słabość niy jeji to piynta

Toż dzisioj wandrusie na dynkmal zoglondnij
Kaj Most Westminsterski krolowo ta wspomnij
Niy yno Big Benym te miejsce fest blyszczy
Z Budykom two głowa historio ta zyszczy.

[broneknotgeld]

Lombardzki Bank

Piyrszy bank w Londynie
Łod Italijokow
Drapko czas tu minie
Już nadrobiom kroku.

[broneknotgeld]

Italyjoki we Londynie

Poł wieku tymu w Soho se znodli
Toż po swojymu zaś Londyn bodli
Z niymi te miasto modom zarzońdzi
Profit mo z tego - tako niy błońdzi.

[broneknotgeld]

York

Nojwiynkszo katedra naprowdy jest tukej
Wiynkszy w cołki Unii na prożno se szukej.

[broneknotgeld]

Miyndzynarodowy Festiwal Tyjatralny w Edynburgu

Po drugi wojnie Edynburg blysnoł
Sztukom co łonczy - niy dzieli
W sztyrdziestym siodmym se tako "wyśnioł"
Do dzisioj robiom co chcieli.

[broneknotgeld]

Miyndzynarodowy Festiwal Ksionżek
14-30.VIII.04 Edynburg

Że mie tam niy ma - biere cholera
Bych se dziwowoł "ludziom filera"
Czi setki spotkań im zrychtowali
Czy my jakegoś Poloka dali?

[broneknotgeld]

"Millitary Tattoo" 6-28.VIII.04

Pokazy musztry świata cołkego
Na zamku zowdy te cuda
Nawet Chińczykow wciongli do tego
Yno niy godej że nuda.

[broneknotgeld]

Stratford

"Łabońdź ze Avonu" se tukej urodzioł
W ksiyngach parafialnych tyż to zapisali
Po uliczkach miasta z kolegami chodzioł
A w Avonie pewno sie czasym kompali.

[broneknotgeld]

Leeds


Downiyj stolica przemysłu przeca
Naukom handlym rozrywkom rośnie
"Jak Katowice z naszego neca"
-Chciołbych naszkryflać richtig radośnie.

Dla niecierpliwych....

[hepik1]

...oczekujących na dalsze fraszki o Europie,pragnę ulżyc i poinformować -one już
są dostępne w internecie i nie musicie czekac na ich przeklejenie.Wystarczy kliknąć:
forum.gazeta.pl/forum/72,2.html?f=261&w=8718330&wv.x=2&s=8
i już możecie sie udać na wycieczkę "Z Notgeldem po Europie."

[broneknotgeld]

Łoj, trolololu - poprow sie.

Walia

[broneknotgeld]

Waljo niy Angljom - niy Waljom Angljo
Tako ta wyspa jest unikalno.

[broneknotgeld]

Po walijsku

Po walijsku umiom godać
Tukej to niy yno moda.

[broneknotgeld]

Dubeltowo

Dubeltowo godka leci
Wiedzom ło tym nawet dzieci
Tako miana tuplowane
Prawym Walji som tyż dane.

[broneknotgeld]

"Eisteddfod" - festiwal poezji walijski

Z niym co walijske durś se łodrodzo
Walijczyk z gowom we chmurach chodzo.

Cardiff

[broneknotgeld]

Cardiff

Stolicom Walji piyńdziesiont lot
Kożdy Walijczyk ze tego rod.

Cardiff

[broneknotgeld]

"Caerdydd"

Sto lot prawa miejske czimie
Tako dugo już niy drzymie.

[broneknotgeld]

Czerwony smok

W herbie Cardiff smok takowy
Dyć we Walji łon niy nowy.

[broneknotgeld]

Fort 75 r.n.e.

Rzymiany tu prziszli i fort wystawiyli
Tako dlo cysorza te ziymie podbiyli.

[broneknotgeld]

Cardiff gościyło krola Artura
Toż to niy była jakosik dziura
Za Lancelotym stond w morze płynoł
Niym gniyw skiż zdrady ślubny przeminoł
Tukej doł władza w rynce Mordreda
Kery go zabioł by capnońć scheda.

[broneknotgeld]

Normany

Tysionc lot minyło - łodeszli Rzymiany
W końcu zamek tukej stowiajom Normany
Co stoji do dzisioj choć z czasym sie miyni
Historio niy mijo dyć walijski ziymi.

[broneknotgeld]

Radio Red Dragon

Se posłuchej radyjoka
Co ze czerwonego smoka.

[broneknotgeld]

Zielone Cardiff

Czista czidziści parkow łogrodow
Ciynżko zrachować tako wom godom
Toż sie za wiela już niy dziwejcie
Tymu coch szkryfnoł wiara dyć dejcie.

[broneknotgeld]

Irlandia

Ze zielonych pastwisk cołko wyspa słynie
Szmaragd to prawdziwy w Europy dziedzinie
Zachodnie wybrzeże we fiordach i klifach
Ta Irlandia zowdy werto bydzie grzycha.

[broneknotgeld]

Koń

Koń tyj wyspy piyknym znakym
Łon w Irlandii znaczy wiela
Wyścigym niybelejakim
Żyje przeca cołko sztela.

[broneknotgeld]

Irlandzke cmyntorze

Na tych starych zowdy jest celtycki krziż
Plecionkom zdobiony - pewno ło tym wiysz.

[broneknotgeld]

"Lerna"

Tako ta wyspa Greki nazwali
Bo przeca do niyj już żeglowali.

[broneknotgeld]

Irlandczyk

Piegowaty i ryszawy
Zowdy pryndki do zabawy
Takich jest nojwiyncy tukej
Choć we świecie tyż ich szukej.

[broneknotgeld]

I po "saksach"

Irlandczyk na "saksy" juz jeździć niy musi
Robota u siebie przeca fest go kusi.

[broneknotgeld]

Co godać?

Ze świyntym Patrykym ktoś Irlandjo zwiedzi
Yno co mo godać potym na spowiedzi?

[broneknotgeld]

Firbolgi

Przed Celtami Firbolgi na Irlandji żyli
Dyć tako mocniejsi tu istnych podbiyli.

[broneknotgeld]

Ok. 500 r.p.n.e.

Celty sie na wyspa w tych czasach wkludziyli
Ze niymi epoka tu ajzy nastała
Toż już po swojymu Irlandjom rzońdziyli
Kero siyła ze tym na droga swo brała.

[broneknotgeld]

Z epoki bronzu

z epoki bronzu tu megality
Wyspa ta piyrwyj spiżym słynyła
Dyć niy łostali istni tu przi tym
Ajza z Celtami rzondy se wziyła.

[broneknotgeld]

W czasach rzymskich

Podboje rzymske jom łominyły
Chocioż legjony po blisku były
Dyć siył już brakło by stanońć tukej
Tako Irlandji przi Celtach szukej.

[broneknotgeld]

"Tuatha"

Krolestwa celtycke - zdo sie ich tu tela
Że ciynżko zrachować - richtig tego wiela.

[broneknotgeld]

150 krolestw

Sto piyńdziesiont krolestw
Jako plasterm miodu
Kożdy panym u sia
Tela yno godom.

[broneknotgeld]

W federacyji (V w.n.e.)

Rod O'neill wybioł se nad inkszymi
Arcykrolewski zdo sie terozki
Kaj wzgorze Tara tron jejich - wiymy
Dyć wnet nadyńdom tu inksze troski.

[broneknotgeld]

Wzgorze Tara

Toż stond te krole nad Irlandyjom
Rzondzom - choć ciyngym to jest mecyjom
Brakuje istnym jakby cysorza
Choć arcykrola trza tyż powożać.

[broneknotgeld]

"Złoty Wiek"

"Złoty Wiek" prziszoł jak Rzym upodo
Irlandjo blaskym niy ćmokym godo
Zdo sie kolybkom nowy kultury
Kunszt i nauka dźwigo do gory
Ze tym we zgodzie teologijo
Trojca ta czimie koalicyjo.

[broneknotgeld]

Niywolnik świyntym

Niywolnik z Waliji
Tukej łodsprzedany
Tako w Irlandyji
Umynczoł se z panym

Uciyk w świat daleki
Francjo Italyjo
Gory lasy rzeki
Wander niy mecyjo

Dyć na ściyżkach swojich
Durś spotykoł Boga
Bestoż se niy chwoli
Postawić zaś noga
W irlandzki dziedzinie
Krziż tu wszyskim niesie
Co łon do - niy minie
Toż szkryfnońć to chce sie

Trza po ślonsku chwolić
Świyntego Patryka
Cud to jego woli
Zaczyli tu rzykać.

[broneknotgeld]

Irlandjo 432 r.p.n.e.

Juzaś we Irlandji Patryk noga stowio
Jakby nowom erom se to tukej zdowo.

[broneknotgeld]

Krześcijaństwo

Krześcijaństwo Irlendzke rośnie klasztorami
Zdo sie co w nich richtig ty dziedziny siyła
Łobrodziyła ziymia podobnoś mnichami
Chocioż przed Patrykym pogańsko se była.

[broneknotgeld]

17.III. Świyntego Patryka

Zielono wyspa i take piwo
Toż już we Polsce tyż to niy dziwo.

[broneknotgeld]

Irlandzke manuskrypty

Manuskrypty szkryflali mnichy po klasztorach
Dokłodali tako coś do tego dwora
I chocioż niywiela ze tych ksiong łostało
Dyć jak na te czasy to i tak niymało.

[broneknotgeld]

Trza dać pozor na Patryka
Bo na Ślonsku zacznie brykać.

[broneknotgeld]

Normany w Irlandji

Na Irlandjo Normany durś se wyprowiali
Dyć ze ty dziedziny łup wielki tyż brali
Krole skarby chowali czynsto po klasztorach
Niywiela to dało jak prziszła zło pora.

[broneknotgeld]

Osady normańske

Kajniykaj na brzegu osiedli Normany
Dyć kraj tyn niy bydzie im nigdy poddany.

[broneknotgeld]

Braian Boru

Som siebie irlandzkim "Karolym" mianowoł
Przidomek mioł "Śmiały" toz se niy wydowo
Że by mu i "Wielki" spasowoł tyż piyknie
Utropa w tym yno że życio niy styknie.

[broneknotgeld]

Clontafr 1014

Wojska Briana Boru Normanow pobiyły
Choć krola starego cosik niy broniyły
Tako we namiocie żywot swoj zakończoł
Tyn co Irlandyjo zdo sie cołko łonczoł.

[broneknotgeld]

Richard lord Pembroke

Jako sprzimierzyniec wloz do Irlandyji
Bestoż tu tyn Norman myni mo mecyji
I zaczoł se "podboj" jakby pokojowy
Kaj miecz niy poradzioł tam trza było gowy.

[broneknotgeld]

"Strongbow"

Ano lord Pembroke był tyż "Mocnym Łukym"
Łod sia jeszcze szkryfna co wcale niy tukym
Normany z Celtami chnet wspołpracowali
Siyła zdo sie z tego jakby wiynkszo brali.

[broneknotgeld]

Hynryk II Plantagenet w Irlandji

Tako krol angelski pozowiścioł czegoś
I juz w Irlandyji som wojska istnego
Ze tym sie zaczyła nojwiynkszo utropa
Niyszczyńściym tu była dlo baby i chopa.

[broneknotgeld]

Hynryk II Plantagenet

Toż krol Angliji już wylondowoł
Chcioł dlo sia zgarnońć dziedzina
Kto przeciw niymu bydzie tu stowoł?
Zwyciynsko teroz mo mina.

[broneknotgeld]

Angelsko

Angelsko tako wyspa na wieki
Choć siyła tyż przi baronach
Jakby na tronie sypane ćwieki
Tako już bywo w tych stronach.

[broneknotgeld]

Irlandzke barony

Irlandzke barony same chcom se rzońdzić
Co krolow angelskich jakby pokurczone
Tako Hynryk VIII pedzioł im -"Niy błondzić"
Zdało sie że ze tym samowładzy koniec

Ziymia mieli łoddać w krolewske włodanie
Łon zwrocić jom istnym - dyć ze łaski swoji
Toż bunt na tyn rozkaz terozki nastanie
Szmaragdowo wyspa nowom wojnom stoji.

[broneknotgeld]

Za Elżbiety I

Już tu jeji łojciec yno z wojskym rzońdzioł
Chocioż mu godali co we tym pobłońdzioł
Za czasow Elżbiety czas tyż niyspokojny
Irlandjo umynczom aże sztyry wojny.

[broneknotgeld]

Za Jakuba I

Krol Anglikow Szkotow tyż tu z wojskym bywoł
Hardości baronow ponoc fest sie dziwoł
O'Neilla pokonoł w bitwie pod Kinsale
Dyć na tym utropa niy kończy se wcale

We hrabstwa Ulsteru (krolestwa downego)
Kolonistow wsadzioł - kalwinow do tego
Taki był poczontek niyszczyńścio ty ziymi
Kere trwo do dzisioj - przeca ło tym wiymy.

[broneknotgeld]

Portadown 1641

Toż katoliki tukej powstali
Dlo protestantow pogrom szykujom
Tysionce życie z tym postrodali
Z czasym se jednak istnym łodkujom.

[broneknotgeld]

"Wielko Rebeljo"

We Anglji katu krol łoddoł gowa
Tukej rebeljo rośnie łod nowa
Toż Cromwell z wojskym drapko wyruszo
"Czowiek ze ajzy" - krew go niy wzruszo.

[broneknotgeld]

"Ironside" ("czowiek ze ajzy")

Śmierć we Irlandji sieje fest gynsto
Na nic powstańcom ich cołke mynstwo
Toż lord protektor sie z tym niy smoli
Ginie co czeci tukej katolik.

[broneknotgeld]

Karol II

Krol angelski choć katolik
Zgoda religijno woli
Protestantow tu popiyro
Z tym nadzieja tyż łodbiyro
Tukej sprawie katolicki
Bydzie tako już na wdycki?

[broneknotgeld]

Jakub II

Toż wedle krolewski woli
Gorom mo tu być katolik
Dyć zabraknie wnet Jakuba
Protestantom zaś na chluba.

[broneknotgeld]

Boyne 1690

Wilhelm Orański Jakuba bije
Zaś protestantom lekci se żyje.

[broneknotgeld]

Wilhelm III Orański

Dlo Irlandczykow z niego gnymbiciel
Łod protestanta co mogli czekać
Toż rzymski wiary nawet tympiciel
Lepi za woda wielko uciekać.

[broneknotgeld]

Irlandzko wiynkszość

Irlandzko wiynkszośc - ta katolicko
Musi myńszości kłoniać se nisko
Gorom tu przeca te protestanty
Bestoż niyjedyn durś bydzie - anty.

[broneknotgeld]

Wydziedziczani

Antykatolicke prawa
Protestantow bogaciyły
Irlandczykom niy zabawa
Tracom dyć poleku siyły

Ziymi majom coroz myni
A do tego rozdrobniono
Kedy se utropa zmiyni?
Irlandyjo - toż ty konosz!

[broneknotgeld]

Katolicko szlachta

Katolicko szlachta - choć sama gnymbiono
Dziyrżawcow durś dusi - chłop z głodu już kono
Szmaragdowo wyspa wyżywić niy umi?
Czy ktoś tu biydoka naprowdy rozumi?

[broneknotgeld]

Z głodu

Z głodu chłop do bandy idzie
Kto rabuje w myńszy biydzie
A że szlachty niynowidzi
"Fachu" tego se niy wstydzi.

[broneknotgeld]

17 marca

W dziyń Patryka tukej wielgachno parada
Dublin łoszaleje - to niy ma przesada
Bo lubiom sie bawić na wyspie zielony
Kaj tyż w taki kolor patron łobleczony.



Rosanne Davison

Cera łod de Burgha parada łotworzy
Szkoda że w Dublinie mie wtedy niy bydzie
Jyj tytuł Miss Świata tyż coś tukej woży
Możno jednak we śnie frela do mie przidzie.

[broneknotgeld]

"Brazen Head"

"Mesingowo gowa" - pub nojstarszy tukej
W Dublinie "Temple Bar" - tam ty knajpy szukej
Piwa poszło wiela - loli rok za rokym
Jak te lata zliczysz - siedymset ze hokym.

[broneknotgeld]

Zamek

Nojstarszy zamek anglo-normanow
Stanoł tu - stoji tyż dzisioj
Po prowdzie yno to wiela ścianow
Ruina - tako żech słyszoł.


Wyścigi

Ciekawe tukej wyścigi konne
W kerych rajtujom siostry zakonne.

[broneknotgeld]

Wele Corku

Wele tego miasta zamek Blarney stoji
Na mury tam wylyźć sie żodyn niy boji
By kusiol dać berdze - jak chce wiela godać
Ze synsym - to musza terozki tyż dodać.

[broneknotgeld]

Europejsko Stolica Kultury 2005

Latoś krolowom tukej kultura
Cork - niy irlandzko to przeca dziura
Kożdy coś znojdzie dlo sia terozki
Z tym we "stolicy" myni jest troski.

[broneknotgeld]

Browar

Browar we Kilkenny warzy piwo zocne
A miasto knajpami tyż richtig jest mocne.

Killarney

[broneknotgeld]

Hrabstwo Kerry

Połedniowo-zachodni wyspy kawalontek
Werci se zoglondnońć we ciekawy kontek.

[broneknotgeld]

"Kerrymen"

Autochton wesoły zdo sie tukej zowdy
Pewno ze dyszczami mu humor prziłazi
Mało majom słonka - trza szkryfnońc dlo prowdy
Dyć niychej to gości jednak tyż niy razi.

[broneknotgeld]

Park Narodowy Killarney

We środku parku miasto z tym mianym
Tydziyń tam spyńdzić niychej ci dany.

[broneknotgeld]

Islandio

Kurde - to przeca richtig daleko
Ziymia gejzerow tyż na nos czeko
Zdo mi sie w piykne sagi bogato
Dyć niy godejcie że jest sagato.

[broneknotgeld]

"Runtur"

"Weekend" w Islandji - rajza po barach
Beleś niy wrocioł z tego na marach.

[broneknotgeld]

"Duchowo" Islandjo

Wyspom władajom elfy i gnomy
Na kontynyncie tela niy momy
Łotworzysz uszy na sagi stare
Toż we Islandji łone durś jare.

[broneknotgeld]

"Hakari"

Miynso rekina zgniyłe ździybeczko
Nojlepi zapij je gorzołeczkom.

[hruby]

Widze,ze zdominowales watek/nie masz z kim gadac to gadasz ze soba

[hepik1]

To jest misja a nie gadanie z sobą.Tyle,że nikt Notgelda nie rozumie;))

[broneknotgeld]

Do wspołpracy fraszkom prosza
Tako "credo" swoje głosza
Co? -Że inksi niy szkryflajom?
-Toż przinojmni poczytajom.

[Gość: euruś]

Cza chopu pomóc ciongnonć
bo sie może zapomnonć

[broneknotgeld]

Ano dziynki, dziynki
Za pomoc łod rynki

[putativus]

witom i o zdrowie pytom;)

[broneknotgeld]

"Poza Światym" we Europie
Dyć mie wcale to niy dropie.

[broneknotgeld]

Wontek piyknie se rozkrynco
Choć nikogo niy przinynco
Coby zy mnom szkryfnoł cosik
Doł Europie tako "grosik".

Debreczyn

[broneknotgeld]

Debrezun (XIII w.)

Ano - już była tukej osada
Szłoby to szkryfnonć - normalno wiocha
Dyć ło korzynie niy idzie zwada
Yno trza poznać korzynie trocha.

[broneknotgeld]

Wszysko piyknie dyć tyn wontek
W archiwum znojdzie kontek.

[broneknotgeld]

Do 2500 z niym dokulom
Sztopnie tako - jo niy fulom.

[broneknotgeld]

Tako bydzie z tym utropa
Że poślimto se Europa.

[broneknotgeld]

Sztopnie chnetko nom tyn wontek
A to przeca zocny kontek.

[broneknotgeld]

Dzisioj abo jutro przidzie
Dyć czy forum z tym we biydzie?!

[broneknotgeld]

Trza rozkulać wontek drugi
Co niy bydzie chnet za długi.

[broneknotgeld]

Dyć i tego bydzie żol
Se Europo fraszka chwol.

[broneknotgeld]

Możno ktosik bydzie ślimtać
Że był wontek trza pamiyntać.

[broneknotgeld]

Z kerym postym haltnie tako?
Już roz wyszło nom jednako.