Kolekcjonerom

[broneknotgeld]

Rożne rzeczy zbiyrać idzie
Cosik z tego w końcu przidzie?
Kedyś przeca mignie kosa
Dyć trza paczeć dali nosa.

[broneknotgeld]

Fjoł do fjoła tako prawi
-Czowiek niychej nos ubawi.

[broneknotgeld]

Jakby tak poszperać w głowie
To hobbystom kożdy człowiek.

[broneknotgeld]

Idzie nawet rymy zbiyrać
By wystykło tu zaziyrać.

[broneknotgeld]

Zbiyroł filery - tako tyż bywo
Dyć w kożdym dzisioj zaschniynto tinta
Szkryflać niy idzie - ktosik sie dziwo
W tym kolekcyji pierońsko piynta.

[broneknotgeld]

Porcenal zbiyroł roz jedyn istny
Ponoc boł fajans ło to zowistny
Aże popynkoł z wiyrchu i driny
Niy strzimoł tego skiż gorszy gliny.

[broneknotgeld]

Cołke życie bergi zbiyroł
Czynsto na nie tyż zaziyroł
Dyć wom tako szkryfna - wiycie
Dusza skroł we malachicie.

[broneknotgeld]

Ze dziejow Kozow znocie te dziwy?!

Ciga skokała giyrka złomała!

nk.pl/forum/17/977/386
Wojtyła tukej śnik mioł szczyńśliwy!

forum.gazeta.pl/forum/w,28940,53369683,118851737,Re_Kozy.html
Na notgeld ślonski sztela kukała!

www.facebook.com/?ref=home#!/event.php?eid=127085214024497

Numizmatyk

[broneknotgeld]

To ci numizmatyk

Rewrs był anty - awers tyż anty
Kolekcjonowoł z piniyndzy ranty.

[broneknotgeld]

Moj fioł

Forsa licza na biliony
Taki zy mie pomylony
Kolekcjoner co bez tydziyń
Chleba z kyjzom sie niy wstydzi
Zjodbych nawet sucho sznita
Dyć pilnuje mie kobiyta
Bych sie w fiole niy zatracioł
Zdrowiym tego niy przepłacioł
Ło rodzinie durś pamiyntoł
I bez tydziyń i bez świynto
Myśla że tyż wiysz coś ło tym
Na tym dość już - reszta potym.

[broneknotgeld]

Piniondz

Piniondz jest starszy łod krześcijaństwa
Wiela tyż dzisioj znoczy dlo państwa
Jo - numizmatyk czasym sie śmieja
Bo wiym że piniondz to tyż ideja.

[broneknotgeld]

Numizmatyka

Leci mojyj freli czeci tysionc lot
A przeca jo richtig durś jest ze niyj rod.

[broneknotgeld]

Klipa

Niy boł z niego klipa
Chocioż klipom pszoł
Pora w kolekcyji
Prawie takich mioł.

[broneknotgeld]

Złociok

Złociok choć niy złoty
Przeca blyszczy piyknie
Niychej i na potym
Złociokow ci styknie.

[broneknotgeld]

Ło talarze

Strybrym talar sie fest asioł
Aż go dukat roz ugasioł
Bo łon złoty jako słonko
Ech, już talar kajsik błonko.

[broneknotgeld]

Ort

Prawioł kedyś jedyn ort
-Joch je richtig wiela wort
Dyć go talar rzduchnoł z boku
-Pylej w zadek ty boroku.

[broneknotgeld]

To ci drachma

Drachma na obola psioczy
-Juzaś włazisz mi przed łoczy
Nawet niy chca cie rachować
Żech w Grecyji jak krolowa
Mie niy tropiom dymokraty
Kto bez drachmy tyn sagaty.

[broneknotgeld]

Grosz złotkowi co wyjawioł?
-Że niy bydzie sie z niym bawioł
Bestoż wyloz z cołki sety
Złotek stracioł sie - niystety.

[broneknotgeld]

Coś ło notgeldach i tam znojdziecie
pl.wikipedia.org/wiki/Notgeld
Wystyknie kliknońć se yno przecie.

[broneknotgeld]

Docie tymu wiary?

forum.gazeta.pl/forum/w,261,85303498,85303498,Talary.html
Ciynzko ło "talary".

[broneknotgeld]

Ło "Skarbniku" co powiycie?
zabrze.naszemiasto.pl/artykul/541032,zabrze-ma-swoje-dukaty,id,t.html
Dlo bergmonow jako życie?

[broneknotgeld]

Skarbniki

Dyć "skarbniki" pewno znocie
www.mmsilesia.pl/11414/2010/8/20/zabrze-i-kopalnia-guido-maja-swojego-dukata-zdjecia?districtChanged=true
Skuli "Guido" w Zabrzu mocie.

[broneknotgeld]

Wystawa "Banknoty zastępcze Śląska 1914-1924"

Toż zaproszom na wystawa

www.facebook.com/event.php?eid=127085214024497
Kej echt-ślonsko - zocno sprawa.

[broneknotgeld]

"Flesz historii"

www.tvp.pl/vod/audycje/historia/flesz-historii
Dzisioj ło notgeldach idzie?
Trza pokukać jako bydzie.

[broneknotgeld]

Wystawa notgeldow na Ficinusie
30.06.2012 - Industriada

Ciga notgeldom se podziwała
Przi tymu Francka Maja wspomniała
Z niom niy wzbogacioł
Dusza zatracioł
Cigo, pierono - mie ora brała!

[krzysiuus]

Polecam serwis z ogłoszeniami numizmatycznymi.
koolekcje.pl/

Filatelista

[broneknotgeld]

Ło filateliście

Dugo szukoł taki szparki
Kaj by niy wcis już brifmarki
Znoloz w końcu - do cholery!
Włazi razym ze klaserym!

[rita100]

Kalser, klaser na klaserze
a w nich dużo znaczków się zbierze

[broneknotgeld]

Z brifmarkami rożnie bywo
Dyć mie tukej nic niy dziwo.

[broneknotgeld]

Francek zbiyrać chcioł brifmarki
Toż zapytoł swoji starki
Czy po ołpie coś łostało
Łona na to - Jo! Niymało!

[broneknotgeld]

Epitafium filatelisty

Jak już wszyske zymby stracioł
I gyjbisym szolka gracioł
Na brifmarki zaczoł kukać
W nich pociechy jakby szukać

Toż kancerow włon niy znosioł
Chwała zombkow tako głosioł.

[broneknotgeld]

Za brifmarka z Mauritiusa
Łoddoł istny djobłu dusza.

[broneknotgeld]

Kancery

Kancery zbiyrać - we tym radocha
Na nic brifmarki wysztiglowane
Ktosik sie dziwo tymu niytrocha
-Dusze tyż czynsto skancerowane.

[broneknotgeld]

Skiż brifmarkow


Mioł klaserow połny szrancek
Tym sie asioł zowdy Francek
Roz pokozoł wszyske Anie
Chcioł poderwać jakby na nie
Wiycie jako to skończyło?
-Sie cuzamyn im już żyło.

[broneknotgeld]

Sprzedom brifmarki skancerowane
I na czerwono posztymplowane.

[broneknotgeld]

Ze brifmarkow sprzedom zymby
Sie przidadzom i do gymby.

[broneknotgeld]

Mie sztimuje
wiadomosci.gazeta.pl/wiadomosci/1,114871,16287708,Polska_ma_najpiekniejszy_znaczek_pocztowy_na_swiecie_.html
Dyć raduje.

[broneknotgeld]

"Stanisław Wieczorek - pro memoria"

Gimnazisty podziwajom
Stanika zapamiyntajom.

www.facebook.com/media/set/?set=a.727117600696479.1073741978.195759197165658&type=3&uploaded=12

[broneknotgeld]

Szczyńśliwy filatelista

Kej mo kasa, czas i zdrowie
To szczyńśliwy z niego czowiek.

[broneknotgeld]

Epitafium filatelisty

Wpiyrw brifmarce zombki zjod
Potym skuli tego pod.

Filokartysta

[broneknotgeld]

Przed piyrszom wojnom tako z tym było
katowice.gazeta.pl/katowice/56,35019,10870682,Przedwojenne_kartki_z_zyczeniami_sa_naprawde_piekne.html
Ech, adresata richtig cieszyło.

[broneknotgeld]

Noworocznie tyż sie bawiom
katowice.gazeta.pl/katowice/56,35019,10870682,2,,2.html
Śniegym suło - tako jawiom.

[broneknotgeld]

Możno Mikołoj zły czas już czuł
katowice.gazeta.pl/katowice/56,35019,10870682,3,,3.html
Że jakiś taki do strachu boł.

[broneknotgeld]

Ze Carskego Sioła
katowice.gazeta.pl/katowice/56,35019,10870682,4,,4.html
Istny mioł tam "szkoła"?

[broneknotgeld]

Przez wojna było
katowice.gazeta.pl/katowice/56,35019,10870682,5,,5.html
Komu tam biyło?

[broneknotgeld]

"Z ziymi włoski do polski"
katowice.gazeta.pl/katowice/56,35019,10870682,6,,6.html
Napis bardzi nom swojski.

[broneknotgeld]

Co po szampanie
karlus dostanie?
katowice.gazeta.pl/katowice/56,35019,10870682,7,,7.html

[broneknotgeld]

Tośka dostała
katowice.gazeta.pl/katowice/56,35019,10870682,8,,8.html
Potym ślimtała.

[broneknotgeld]

Kolyndować zdrowo
katowice.gazeta.pl/katowice/56,35019,10870682,9,,9.html
Tako na ludowo.

Filumenista

[broneknotgeld]

Filumenista

Filumenisty niy trza sie boć
To karlus kery "światłu chce pszoć"
I choć sztrachecli teroz coś mało
Z nich abcybildrow fest by sie chciało.

[broneknotgeld]

Filumynistom

Abcybildry łod sztrachecli
Zdały im sie nojgryfniejsze
Ło fojercojg roz sie wetli
Że te hobby niy dzisiejsze

Dyć durś żyje - ktoś to zbiyro
Choć jak piyrwyj już niy kusi
Czowiek na to tyż zaziyro
Jak "a" powiy i "b" musi.

Birofil

[broneknotgeld]

Kapsle z piwa

Idzie se na nie wiela podziwać
Dyć jo bych woloł wypić te piwa.

[broneknotgeld]

I biyrdekle czynsto kuszom
Choć w te hobby som niy ruszom.

[broneknotgeld]

Za co Ecik znod sie w piekle?
Zbiyroł kapsle i biyrdekle
Dyć ze piwa co som pijoł
-Żodny knajpy niy łomijoł!

[broneknotgeld]

Byda zyrkać
Chytom biyrka.
katowice.gazeta.pl/katowice/1,134004,14520042,Milosnicy_piwa_nie_moga_sie_doczekac_soboty__W_Parku.html
Prost!

Falerysta

[broneknotgeld]

Link na razie taki styknie
forum.gazeta.pl/forum/72,2.html?f=28940&w=40160713
Niychej tam se kulo piyknie.

[broneknotgeld]

Cosik stoji
Czy se boji?

[broneknotgeld]

Faleryście

Śnik ło łorderach miywoł co nocy
Zdało sie jakby go aż straszyły
Piernik jak yno łotwiyroł łoczy
Gaftoł czy som tam kaj wczoraj były.

[broneknotgeld]

Dwa łorły ślonske?

Legły dwa łorły ślonske we trowie?
www.facebook.com/photo.php?fbid=461272017281040&set=a.461259567282285.1073741826.195759197165658&type=3&theater
Dyć we czas taki dziwuje czowiek
Roki leciały
Łone łostały
Coby powstanie wspomnieć majowe.

[broneknotgeld]

Pamiontkom pszajom
www.muzeumprl-u.pl/
Dyć jo niy wajom.