Knurów

[broneknotgeld]

We chlywiku knurow wiela
forum.gazeta.pl/forum/72,2.html?f=34281&w=30387861
Tym zocniejszo przeca sztela.

[broneknotgeld]

Knurow 1951

Knurow sie stowo w tym roku miastym
Wypiyk se udoł bo z dobrym ciastym.

[broneknotgeld]

Kopalnia "Knurow"

Knurow żywiyła i okolice
Dyć nawet dzisioj to niy som wice.

[broneknotgeld]

KWK "Knurow" 1903-2003

Toż był gyburstag gruby knurowski
Szło drugi sety winszować
Niych lepi leci ciyngym terozki
Trza nom to wszysko szanować.

[broneknotgeld]

Przipomniała prawie głowa
Czas zoglondnońć do Knurowa.

[broneknotgeld]

Urodzony ktoś w Knurowie?
Uraduje se tym czowiek
Jak poczyto ło ty szteli
Byście wkludzić sie tam chcieli?

[broneknotgeld]

Jako se w Knurowie żyje?
Możno ktosik nom łodkryje.

[broneknotgeld]

Ciyngym szkryflom yno jo
Ano - sie tyż Knurow zno.

[broneknotgeld]

Ze Knurowym tu łonaca
Aż przi tymu kurzy glaca.

[broneknotgeld]

15.VI.1903

Gustaw von Velsen kozoł budować
Gruba dlo skarbu pruskego
Trza geldu było na to wydować
Dyć w końcu profit był z tego.

[broneknotgeld]

1903

Dwie szachty zaczli we jednym roku
Dronżyć kaj wongel knurowski
Mieli go przeca ciyngym na łoku
Skarb a niy dopust to boski.

[broneknotgeld]

I kolanijo (1904)

Choć gruba ciyngym jeszcze w budowie
Toż rośnie już kolanijo
Coby mog miyszkać po blisku czowiek
Tako i myńszo mecyjo.

[broneknotgeld]

Knurowski cug (1904-1908)

Kaj gruba bydzie
Toż i cug zdo sie
Chnet tako przidzie
Co glajzy mo sie

Wogel z Knurowa
Dali pojedzie
Skarbu w tym "gowa"
By był na przedzie.

[broneknotgeld]

XII.1905

Piyrszo szachta już zgłymbiono
Kosztowało możno słono
Dyć geld zwroci sie sto razy
Tako jak von Velsen marzy.

[broneknotgeld]

VI.1906

Dyć niy było to za dugo
I skończono szachta drugo
We tym roku już fedrunek
Ze tym radość - niy frasunek.

[broneknotgeld]

Piyrszy wongel (1906)

Ano - we tym roku piyrszy wongel dali
Potym coroz wiyncy ciyngym fedrowali.

[broneknotgeld]

XI.1907

Na Polu Zachodnim
Wiercom szachta nowo
Drapko jednak sztopli
-Za ciynżko sie zdowo.

[broneknotgeld]

VI.1908 - IV szachta

Choć czecio zasuli jednak szworto kopiom
Tako se do wonglo knurowskego dropiom
Przeca Pole Zachod niy śmi czekać dugo
Zdo sie do Velsena łone ciyngym mrugo.

[broneknotgeld]

VII.1908 - Velsen I i Velsen II

Łojca gruby tako pamiyńć zachowano
Co szachty knurowske noszom jego miano.

[broneknotgeld]

Barborka 1908

Już we cechowni Barborka majom
Zowdy bergmony do Niyj rzykajom
Niym zjadom na doł coby fedrować
Toż świynto bydzie sie opiekować.

[broneknotgeld]

Kolanije knurowske 1909

Drugo czecio kolanijo
Niych tu ściongnie familijo
Bergmon co fedruje wiela
Tako rośnie naszo sztela.

[broneknotgeld]

VII.1909

Na czi szychty teroz bergmon już fedruje
Łoziym godzin styknie - łon som tako czuje.

[broneknotgeld]

Sepera 1910

Ło jeronie - toż radocha
I niy yno przeca trocha
Frele już som na seperze
Tako szkryfna tukej szczerze

Nic że ciynżko to robota
Możno keroś straci cnota.

[broneknotgeld]

Już szkolom (1911)

Już przi ty grubie bergmonow szkolom
Coś muszom umieć by zjechać szolom
Fach jest we gowie tako i rynkach
Trza tyż porzykać - niym grubsko mynka.

[broneknotgeld]

Lazaryt "Uniji Bracki"

Toż zaczli stowiać go dlo Knurowa
Coby mog dwiesta ludzi kurować
Z czech grub bergmonom mioł służyć - wiycie
"Knurow" "Dymbiyńsko" no i "Glywice".

[hanys_hans]

Uod 1976 do 1981 na tyj grubie zech fedrowou
A Broonek z rukzakym pewnikym mie tam wachowou

[broneknotgeld]

Zaczoł żech na "Nowym Wiyrku"
Terozki łobrostom szpyrkom.

[broneknotgeld]

III.1912

Już bergmony tu sztrajkujom
Mało geldu w kapsi czujom
Dyć Skarb Pruski twardo stoji
Nawet zwolniać se niy boji.

[broneknotgeld]

1.VI.1912 Dyrekcyjo

Ano - dyrekcyjo terozki stowiajom
Do dzisioj siedziba ciyngym tako majom
Toż niychej na lata im jeszcze wystyknie
"Klockym" przeca niy jest - durś wyglondo piyknie.

[broneknotgeld]

Bateryje koksownicze - 1913

Wongel tukej zdo sie na te bateryje
Toż ze gazym myńsze w tych stronach mecyje.

[broneknotgeld]

"Knurow" - 1914

Wojna swoje robi - z bergmonow wojoki
Ze wonglym utropa - toż idzie spokopić
Przeca dlo zbrojynio tyż jego poczeba
Choć czy trza ty ziymi ze ołowiu nieba?

[broneknotgeld]

IV szachta fertig (1915)

Choć wojna w Europie fertig szachta szworto
Ze tym cołko gruba zdo sie wiyncy worto.

[broneknotgeld]

Knurowski lager (II.1915)

Lager przi grubie toż tukej jyńce
Na ślonski wongel dowajom rynce
Z czasym ich wiela bydzie fedrować
Mus w tym - wrogowi tako siył dować
Ano - niyherske wojynne "prawa"
Tako śmiertelno zdo sie "zabawa".

[broneknotgeld]

200 bab na grubie (1916)

Chopy na wojnie - baby sie zdadzom
Dyć czy fedrować łone poradzom?

[broneknotgeld]

Pokład 405 (2.I.1917)

Życie zoleży łod boski woli
Toż se pochylnio pokładu poli
Śmiertka przi tymu bergmonow kosi
Aż jedynoście dusz zaroz prosi
Pode dźwiyrzami świyntego Piotra
Coby je dlo nich zarozki łotwar

A poparzone podtrute kaj?
Ciynżko wyczimać tyn "ślonski raj"
Co w tych godzinach piekłym dyć stowo
Możesz pomacać - sie niy wydowo.

[broneknotgeld]

Wrocajom z wojska (1917)

Na wschodzie tako mniyj trza wojoka
Toż z frontu wroco - tu musi "skokać"
Przeca "maszyna" wojny światowy
Bez wonglo stanie - kożdy to powiy.

[broneknotgeld]

Sztrajki XII.1918

Wojna skończono - sztrajki na grubie
Ciynżko sie przeca przi wonglu dubie
I wiara myńszo co lepi bydzie
Czy jeszcze do nich zło wiynksze przidzie?

[broneknotgeld]

W lagrze - 24.XII.1918

Z tym dniym już jyńce na doł niy zjadom
Toż lager przeca niy jest paradom
Tako z Godami wolność se wziyli
-Już jyj terozki niy popuściyli.

[broneknotgeld]

I po...

No i po lagrze
Już to niy babrze.

[broneknotgeld]

IV kolanijo 1919

Toż familokow ciyngym przibywo
Niych to nikogo tukej niy dziwo.

[broneknotgeld]

Szachta IV - 1920

Se szachta szworto rozbudowuje
Pole Zachodnie szwong wiynkszy czuje.

[broneknotgeld]

28.VI.1922 "Knurow" w "Skarbofermie"

Toż se granice poprzestowiały
"Skarboferm" profit mo w tym niymały
Polsko francuski tyn gyszeft przeca
Fest bergmońskego chycioł sie neca.

[broneknotgeld]

17.IX.1922 "Pyjter" i "Paweł"

Knurow do Polski teroz włonczony
"Velseny" coś niy sztimujom
Toż nowe miana dali tu łonym
I wongel dali fedrujom.

[broneknotgeld]

"Foch" -1922

Ferdynanda Focha - marszałka zocnego
Miano szachcie "Szworty" tyż dali do tego.

[broneknotgeld]

Knurowsko "Izba Tradycji"

Wele gruby - kaj tyn NOT
Knurow z "Izby" richtig rod
Toż se asi niom szyroko
Chnet muzeum - cieszy łoko.

[broneknotgeld]

Kustosz Bodzio

Ano - w Izbie to figura
Godo - "Knurow niy jest dziura"

[broneknotgeld]

Kamiyń graniczny (1840)

Pola gornicze tako znaczyli
Se łoglondniecie go we Knurowie
Ze ślonski ziymi do Iby wziyli
Cosik łosprowio ciyngym pioskowiec.

[broneknotgeld]

Teodolit (1904)

Toż wiela znaczoł w rynkach miernika
Bez niego mogby czasym porzykać
Tako Ponboczka ło pomoc prosić
Dyć teodolit stykło mu nosić.

[broneknotgeld]

Dwanoście kościołow Burzca

Tela kościołow rzeźbom łozdobioł
Ołtorze znojdziesz w nich jego
Toż tyn knurowski tyż łon łobrobioł
Cyryla i Metodego.

[broneknotgeld]

Cyryl z Metodym

Cyryl z Metodym knurow łokrzciyli?
Na Ślonsku przeca tyz nauczali
Czy we tym konsku ludzie już żyli?
Jako Krystusa forsztelowali?

Muzykalny djoboł ze Knurowa

[broneknotgeld]

W samym poczontku łońskego wieku
Knurow mioł piykno swoja aptyka
Z kery pigulorz żył dyć czowieku
Djoboł go zaczoł zaroz fest tykać

Dom chnet przi zamku kościoł po blisku
Tu łorganista mioł swoja szkoła
Trza se kurować czynsto ludziskom
Choć som we strachu skuli djoboła

[broneknotgeld]

Toż tuplowano utropa tako
Gyszeft źle idzie - dusza mynczono
Czort już se cieszoł - aptykorz płakoł
I zdało mu sie że w końcu skono

Szczyńściym nad samom aptykom prawie
Ślusorczyk mody se pomiyszkiwoł
W dziyń ni mog myśleć łon ło zabawie
Nocom na krzipkach przepiyknie grywoł

[broneknotgeld]

A że mioł grajfka richtig do smyka
Djoboł pod dźwiyrza jego prziłazioł
Karlus skiż tego czyńści chcioł rzykać
Bies jednak w końcu i tu pysk wrazioł

Drapko mu krzipek smyk w graba dowo
Grif insztrumynta wkłodo do drugi
Dyć recht w tym - wcale sie niy wydowo
Szpon jego wiela zdo sie za dugi

[broneknotgeld]

Toż do szraubsztoka wkłodo pazury
Coby ślusorczyk je łofajlowoł
Czy mioł żałować djobelski skory?
Dokryńcioł mocno i niy folgowoł

To ci dopiyro prziszła utropa
Z kopyta wielke iskry leciały
Tako w niywoli teroz u chopa
Wył aże słyszoł go Knurow cały

[broneknotgeld]

W końcu łobiycoł dom niy nowiydzać
Że sie doł chycić gańba fest była
Dyć jak krzipkowi nauczka by dać?
-Przeca po jego stronie zło siyła

Nic yno zdybać go trza kajś ińdzi
Tako durś czimoł sie łon Knurowa
Tref w szponie graby karlusa wpyńdzi
Piekło go czeko - jego w tym gowa!

[broneknotgeld]

A mioł śusorczyk lipsta łognisto
Gorko choć chudo jak szczapa łona
Dyć w Szlostauchu woda durś czysto
Lubieli na niym pływać łodkoma

Tako przi stowie bies se pojawioł
Już mioł liplinga do piekła porwać
A dziołcha z kerom dobrze sie sprawioł
Zdo sie terozki chce biesa dorwać

[broneknotgeld]

Kece we gorze - doł w cołki krasie
Toż tyn rogaty zaczoł aż skokać
Czamu uciekosz gupi mamlasie?!
Bies tako woło - Niy chca szraubsztoka!

Jest we Knurowie aptyka zocno
Świynto Barbara mo nad niom piecza
Słychać tam krzipki durś porom nocnom?
Czy jo na prożno tako wom kleca?

[broneknotgeld]

Muzykalny djoboł ze Knurowa

W samym poczontku łońskego wieku
Knurow mioł piykno swoja aptyka
Z kery pigulorz żył dyć czowieku
Djoboł go zaczoł zaroz fest tykać

Dom chnet przi zamku kościoł po blisku
Tu łorganista mioł swoja szkoła
Trza se kurować czynsto ludziskom
Choć som we strachu skuli djoboła

Toż tuplowano utropa tako
Gyszeft źle idzie - dusza mynczono
Czort już se cieszoł - aptykorz płakoł
I zdało mu sie że w końcu skono

Szczyńściym nad samom aptykom prawie
Ślusorczyk mody se pomiyszkiwoł
W dziyń ni mog myśleć łon ło zabawie
Nocom na krzipkach czasami grywoł

A że mioł grajfka richtig do smyka
Djoboł pod dźwiyrza jego prziłazioł
Karlus skiż tego czyńści chcioł rzykać
Bies jednak w końcu i tu pysk wrazioł

Drapko mu krzipek smyk w graba dowo
Grif insztrumynta wkłodo do drugi
Dyć recht w tym - wcale sie niy wydowo
Szpon jego wiela zdo sie za dugi

Toż do szraubsztoka wkłodo pazury
Coby ślusorczyk je łofajlowoł
Czy mioł żałować djobelski skory?
Dokryńcioł mocno i niy folgowoł

To ci dopiyro prziszła utropa
Z kopyta wielke iskry leciały
Tako w niywoli teroz u chopa
Wył aże słyszoł go Knurow cały

W końcu łobiycoł dom niy nowiydzać
Że sie doł chycić gańba fest była
Dyć jak krzipkowi nauczka by dać?
-Przeca po jego stronie zło siyła

Nic yno zdybać go trza kajś ińdzi
Tako durś czimoł sie łon Knurowa
Tref w szponie graby karlusa wpyńdzi
Piekło go czeko - jego w tym gowa!

A mioł ślusorczyk lipsta łognisto
Gorko choć chudo jak szczapa łona
Dyć we Szlostauchu woda durś czysto
Lubieli na niym pływać łodkoma

Tako przi stowie bies se pojawioł
Już mioł liplinga do piekła porwać
A dziołcha z kerom dobrze sie sprawioł
Zdo sie terozki chce biesa dorwać

Kece we gorze - doł w cołki krasie
Toż tyn rogaty zaczoł aż skokać
Czamu uciekosz gupi mamlasie?!
Bies tako woło - Niy chca szraubsztoka!

Jest we Knurowie aptyka zocno
Świynto Barbara mo nad niom piecza
Słychać tam krzipki durś porom nocnom?
Czy jo na prożno tako wom kleca?

[broneknotgeld]

Dlo kustosza ze Knurowa
forum.gazeta.pl/forum/72,2.html?f=28940&w=24453322&a=33390530
We tym jego przeca gowa.

Gryfno Madonna ze Knurowa

[broneknotgeld]

Gryfno Madonna ze Knurowa

Świyntego Wawrzyńca kościołek w Knurowie
Jyj gryfnościom blyszczoł - dziwowoł se czowiek
Tako i na muster ty gotycki frelki
We kery kunszt ślonski przeca krył se wielki.

[broneknotgeld]

Knurowsko Madonna (ok.1420)

Ano - freliczka dworkom se zdowo
Ze fraucymeru ślonski princesy
Mustrym gotyku gryfności stowo
-Że ze Knurowa trza nom sie cieszyć.

[broneknotgeld]

Możno?

Złocone berło - strzybno korona
Zdo sie Piastownom możno jest łona
Łaska Dzieciontka i kunszt natury
Rozświytli nawet we ćmoku mury.

[broneknotgeld]

We miyndzywojniu

We miyndzywojniu znodli cie tako
Uratowali dlo potomności
Byś zaś blyszczała wszyskim jednako
Chocioż w muzeum terozki gościsz.

[broneknotgeld]

Przi jubileuszu

Przi jubileuszu zocnego Knurowa
I Gryfny Madonny jaśniejszo zaś gowa
Z Dzieciontkym na rynce świyntość pokazuje
Kożdy knurowianin tako forszteluje.

[broneknotgeld]

Zdeptała szatana

Knurowsko Madonna na miesionczku stoji
Toż piekielnych mocy wcale se niy boji
I gymba djobelsko depto swojom nogom
Złe siyły jyj przeca przenigdy niy zmogom.

[broneknotgeld]

Madonna - Ślonzoczka

Na Śonsku powstała toż tako powiycie
Że Ślonzoczkom łona przez duge swe "życie"
W uśmiychu jyj poznać wszyske nasze frelki
Dyć we kożdy dziołsze kunszt natury wielki.

[broneknotgeld]

Wroco do Knurowa

Choć kopiom dyć tako wroco do Knurowa
Dugo jom niy było - mo być zaś łod nowa.

[broneknotgeld]

Przi ołtorzu

Przi ołtorzu stołaś w swoji strzybny szacie
Toż wiela knurowian zoglondało na cie
Ło łaska opieki ciyngym tyż rzykało
-Dzieciontka i Ciebie zdo sie durś za mało.

[broneknotgeld]

Tyś cerom

Tyś cerom ty ziymi
W opiece miyj matki
No i tako samo
Wszyske jejich dziatki.

[broneknotgeld]

Gryfno Madonna zaś we Knurowie
Choć zbajtlowano no muster tako
Dyć se raduje terozki człowiek
Już za tom piyrszom niychej niy płako.

[broneknotgeld]

"Matka Piyknego Pszonio"

Take miano nosić bydzie
Ta figurka we Knurowie
Radość wiynkszo ze niom przidzie
To wiy tukej kożdy człowiek.

[broneknotgeld]

Majym w Watykanie

Ano - majym w Watykanie
Papiyż cosik tyż dostanie
Dwie figurki świyńcioł bydzie
Jedna dyć na powrot przidzie
Drugo kopia na gyszynka
Już łostanie w Jego rynkach.

[broneknotgeld]

Ło Knuroweuszu

Tyn Knuroweusz ze ksiyńcia łaski
Za gryfnym lasym dźwigoł osada
By go czekały tu wiynksze blaski
Dyć na przeszkodzie stanyła zwada

Jurny był karlus przi "piyrszy nocy"
Choć tego prawie żodyn niy bronioł
Wystykło - frelka wlazła mu w łoczy
Zarozki za niom ze twardym gonioł

Cerze łod hexy tyż sie zdorzyło
Co Knuroweusz dopod jom w lesie
Chnet knurowiontko se z tym zjawiyło
No i łostuda - wieść tako niesie

Muter ze bajtlym frela wygnała
Do łojca dziecka gyry jom niesom
Nic że mu wcale dziołcha niy pszała
Koligacyje fatra dyć cieszom

A łon tyż wygnoł - złość matki rośnie
Krew przodkow tako w duszy łodzywo
Z tym go przeklyła - W nastympny wiośnie
ze swoji skory bydziesz sie dziwoł!

Rok drapko minoł - kwiecie zaś sypie
I przeklyntymu tako chce skokać
Knuroweuszu - pieroński gnypie!
Gierow wystyknie dyć dlo guzioka!

[broneknotgeld]

Z Knuroweusza guzioka mocie
"Knur-guz" go Niymce tyż mianowali
Inksze przigody jego poznocie
Tako bydziecie forsztelowali
Co ziymia naszo pamiyńć mo swoja
Wystyknie klynknoć prziłożyć ucho
Trza mi to szkryfnońć bo już se boja
Że Ślonzok dusza bydzie mieć gucho

[broneknotgeld]

Gliwa

Toż w końcu szkryfnońć wom przeca musza
Jako sie zwała łod hexy cera
Gliwa - już czorno teroz jyj dusza
Dyć radom na to wywar ze chmiela

Gusiok se stracioł zły tref tyż tako
Syn naszy frelki zdrowiuśko chowoł
Piwo warzyła - czowiek niy płakoł
Aże skiż tego sławnom sie stowo

Łoj chmielu zocny - rośnij dziedzinie
Z ciebie napitku trza wiyncy warzyć
Szczyńście ty szteli tako niy minie
Robota zocno - lepszy niy marzyć

Byś był dorodny gnoju ci czeba
Zaś kaj dymbina ajchlami suje
Gusiokow gierow jest "konsek nieba"
Szczyńście w tym Gliwy - to forsztelujesz.

[broneknotgeld]

Czy na ta Gliwa godali Hliwa?
Ważne że gryfno była z niyj dziywa!

[broneknotgeld]

Gliwo

Swoje zowitka miano mu dała
Coby ło fatrze niy myśloł tako
Wiela radości ze syna miała
Szczyńśliwe roki lecom jednako

Gliwo wyrosnoł i chmiel uprawioł
Ze tym we gyszeft matki se wprzongnoł
Roz mu w dymbinie gusiok se zjawioł
Kery go jakby do sia prziciongnoł

W łostympy leśne wywiod głymboko
Kaj swoje lyże i giera mioła
Z jeji pomocom na Gliwa skoko
Jucha czerwono richtig fest loła

Karlus jest ranny - gusiok ubity
Majchrym co matka podarowała
Giera z przichowkym łostała przi tym
Dyć se na wander tako wybrała.

[broneknotgeld]

Szumi las

Wieść tako niesom dymbiyńske lasy
-Był Knuroweusz nasz świniopasym
Kery chcioł wiela frelek łobskokać
Dyć skończoł żywot w skorze guzioka.

[broneknotgeld]

Trza by se spytać

Trza by Szumilas teroz sie spytać
Przeca knurowsko to jest kobiyta
Ło ta legynda zocny dziedziny
Ze "wiejski" tako łona "rodziny".

[broneknotgeld]

Pewno se ktosik tymu już dziwo
Jako to dali było ze Gliwo
-Poranionego bol zdo sie niesie
Aż ołma hexa spotyko w lesie

Toż wnuka zielym wykurowała
I historyjo łopowiedziała
Ze kery karlus spokopioł tela
By chcieć mieć djobła za przijociela

Tako se błonko po okolicy
Kto go napotko ze strachu rycy
Jakby za życio tyn Gliwo gnioł
-Dyć łojcobojcom przeca łon boł!

[broneknotgeld]

Gliwa za synym codziynnie ślinto
Dyć łon ło matce tyż niy pamiynto
Durś jakby szuko czegoś we lesie
Cosik go ciyngym w gynstwina niesie

Aż roz natrefioł znajomo giera
Ano uklynknoł przed niom se teraz
Czy śmierci szukoł? -Miała prosioki!
W strona istnego niesom je kroki

Gliwo zapłakoł - powod był prosty
Zdo sie łoboczoł braty i siostry
Toż nawet giera to spokopiyła
Do familiji z tym go przijyła

Dziwne te stadko po lasach tyro
Tako kaj dymby czynsto zaziyro
Ze czasym swoja "dziedzina" zysko
Se upodobo jedne chlywisko.

[broneknotgeld]

Kaj spotkoł

Kaj Gliwo spotkoł drugi roz giera
Gierałtowice richtig som teraz.

[broneknotgeld]

Chlywisko

Kaj te chlywisko? -Wele Kłodnicy
Prawiom co w gliwy tyż okolicy
Toż niychej teroz już wos niy dziwo
Że cosik znaczoł tyn istny - Gliwo.

[broneknotgeld]

Glywicki Gliwo

Syn świniopasa Knuroweusza
Doł nom Glywice - to szkryfnońć musza.

[broneknotgeld]

"Literacko po naszymu"

Zowdy łostatnim wtorkym miesionca
Kej poł na pionto je po połedniu
Dlo ślonski godki z tym wiyncyj słońca
Gynau we zgodzie ze przepowiedniom

Gierałtowicko giera wieszczyła
Kajś wele Chlywic czy Bujakowa
Iże we godce bydzie fest siyła
Kej tinty chyci - blyśnie ze nowa!

Zdo, teroz prawie prziszły te czasy
Momy etniczno literatura
Trzimie sie zocny, dyć swoji sztrasy
Roz na wiyrch pylo, a roz we gora!

www.facebook.com/events/730492997004611/?context=create&previousaction=create&ref_dashboard_filter=upcoming&source=49&sid_create=1303292013#

[broneknotgeld]

"Pożegnanie lata" w Knurowie
2-3.IX. 2006

We wieczor "Brathanki"
tyn Knurow zabawiom
Tako gorki "koniec"
latu latoś sprawiom.

[broneknotgeld]

"Salkat"

Zagro knurowsko tako kapela
Pewno łoklaskow zebiere wiela.

[broneknotgeld]

"Human Drive"

Toż se istnych posuchocie
Z "końcym lata" tako mocie.

[broneknotgeld]

"Universe"

Powspominać se tyż idzie
Z "Universe" dobrze bydzie.

[broneknotgeld]

"Princess"

Stare przeboje łod "Queen" zagrajom
I my i łoni radocha majom.

[broneknotgeld]

Dziyń Regionalny
03.09.2006

Toż w niydziela we Knurowie
Se zabawi richtig czowiek
Szołtysek i "Ślonske Trio"
"Raki" zacznom komedyjo
Folklor tako "Ślonsk" pokoże
Niy siedź w doma - Szczyńść Ci Boże.

[broneknotgeld]

Już ło czeci

Już ło czeci po połedniu
Marsza zagro nom łorkestra
Bydzie lepi niż we Wiedniu
Toż niy yno trombka fesztra
Prawi - Knurow tym rozruszom
Marżoretki tyż pokuszom.

[broneknotgeld]

"Sool Knurow" 1892

Pole gornicze ło takim mianie
Urzond przidzieloł Skarbowi
Ze czasym zacznom tu fedrowanie
Dziynkować trza Velsenowi.

[broneknotgeld]

"Solanki Knurowskie"

Na "tysioncu" wiela soli
Łodwiertami wykozali
Dyć se Knurow tym niy chwoli
Zdroj niy bydzie z niego dali.

[broneknotgeld]

Majontek Knurów

Gwidon Frenzel dziedzina sprzedowo
Skarb tu gruba chce drapko budować
Wongel przeca jak złoto se stowo
Toż skiż szachty trza ziymia borować.

[broneknotgeld]

100 000 marek (1903)

"Krolowy Luizie" geld taki prziznali
Bydom we Knurowie szachta już wiertali
Bo trza przeca wonglo ciyngym coroz wiyncy
Skarb Pruski skiż tego jakby głośni jynczy.

[broneknotgeld]

6 miljonow marek (1903-1912)

Tela na ta gruba geldu planowali
Rokow prawie dziesiyńć bydom budowali
Porachować piyrwyj dobrze umioł człowiek
Miljony z profitym zwrocom se w Knurowie.

[broneknotgeld]

9 665 700 marek (1904-1913)

Piyrwyj 6 miljonow dyć we gora poszło
Chnetko do diesiyńciu już trozki doszło.

[broneknotgeld]

Cechownia

Ano - piyrszo tu stanyła
Z badyhausym prawie była
Tyż kantynom i biurami
Kaj godali ze sztajgrami.

[broneknotgeld]

Wieża cechowni

Ech - ta wieża zygarowo
W łoczach dyć do dzisioj stowo
Dzwon z niyj dzwoni na bergmona
Czas na szychta - niy spać w doma!

[broneknotgeld]

Szatnio

Przi badyhausie szatnio w cechowni
Do dzisioj tako - niy yno downi.

[broneknotgeld]

Maszynownio i kotłownio

Toż przi szachcie tyż być musi
Łognia para niy zadusi
Dyć napyndzo dwie maszyny
No i szola potko driny
Tako samo tyż wyciongnie
Woda z łogniym w jedno sprzongnie.

[broneknotgeld]

Kuźnio z warstatym

Kaj ta kuźnio ze warstatym
Znojdziesz sztromu agrygaty
Napyndzane tyż parowo
Wonglym trza hajcować zdrowo.

[broneknotgeld]

Połtora hektora

Tako powierznio gruby w Knurowie
Dwie wieże szachtow zbudowoł człowiek
I wszysko inksze co potrza było
Reszta na dole se już ukryło.

[broneknotgeld]

6 m

Z takom średnicom szachty borujom
Przi tymu ściany drap łobudujom
By dziury woda niy zolywała
Kero ze iłow wiyrchnich se brała.

[broneknotgeld]

Ech ta kurzawka! (I szachta)

Trza łobudować wpiyrw tubingami
Pierściynie wciskać w ziymia prasami
Aże zmierzyli metrow sztyrnoście
Głymbi zaś kopać - se wyłobroźcie.

[broneknotgeld]

Przi drugi szachcie

Przi drugi szachcie wiynkszo utropa
Kurzawka bardzi umynczy chopa
Niy szło dichtować nijak ty dziury
Se tela wody cisło do gory
Że drapko wszysko to zasypali
Bo im kotłownio mogło łobalić.

[broneknotgeld]

1.II.1904 (II szachta)

Zaś se chytajom głymbić szyb drugi
Niym skały dońdom minie czas długi
Ćwierć setki metrow we szejść miesiyncy
Zdało se przi tym - szkatuła jynczy.

[broneknotgeld]

I po kurzawce

I po kurzawce - chycić trza bory
łodstrzelić kamiyń - hajer niy chory
Śleper ładuje - wio drapko w gora
Chnet dwiesta metrow mo kożdo dziura.

[broneknotgeld]

Szachta I (243,3 m)

Ech - przi karbonie zaś ciśnie woda
Dyć som głymboko - geldu niy szkoda
Trza tch tubingow - pompa w ruch idzie
W sztyry miesionce z tym fajrant bydzie.

[broneknotgeld]

Szachta I - 462 m (18.XI.1905)

Fajrant z wiercyniym - trza łobudować
Fertig chnet prawie - czas wongel dować.

[broneknotgeld]

Szachta II (216 m)

I tu woda we karbonie
Ze postympym dyć niy koniec
Choć trza przerwać borowanie
Drapko hajer dali stanie
Bo robota pociś trza
Przeca siyngnom w końcu dna.

[broneknotgeld]

Szachta II - 462 m (14.V.1906)

Ano - z majym to se stało
Wykopano dziura cało
Z tym dwie szachty we komplecie
Kyns roboty w ziymi przecie.

[broneknotgeld]

2 554 331 marek

Dwa i poł miljona z hokym
Te dwie szachty kosztowały
Fedrowanie niy jest skokym
Toż wydatek był niymały.

[broneknotgeld]

Dyrechtor IV Inspekcji Gorniczy (1.X.1904)

Ano - już gruba mo dyrechtora
Otton von Velsen jeszcze do wczora
Był kerownikym na ty budowie
Teroz nojpiyrszym zdo sie w Knurowie.

[broneknotgeld]

Gustaw i Otton von Velsen

Co ujek zaczoł bratanek skończoł
Ryńsko-westfalski rod w tym se łonczoł.

[broneknotgeld]

Cyntrala sztromu (1905)

Dwa tysionce z hokym
Mo Voltow szpanongu
Dyć niy łognondniecie
Tego we fasongu
Na doł poślom myńszym
Aże sztyry razy
Miyniom to trafokym
Wiyncy se niy marzy.

[broneknotgeld]

Wiynkszo kotłownio (1905)

Pary wiyncy ciyngym trzeba
Dyć ze gara a niy nieba
Idzie tymu se dziwować
I do kotłow fest folować.

[broneknotgeld]

IV kwartał 1906

Na wschod i zachod przekopym idom
Piyrsze pokłady w zosiyngu bydom
Tako i wonglo ufedrowali
Pora tysiyncy ton chocioż dali.

[broneknotgeld]

Knurowske szachty (1906/1907)

Piyrszym mo iść wydobycie
Dyć na razie - ano wiycie
Wydobywczym tyn szyb drugi
Bydzie tako na czas długi?

[broneknotgeld]

Poziom 450

Na wschod i zachod fedrować chcieli
Z tym piyrszy wongel na wiyrchu mieli.

[broneknotgeld]

Ze sztromwerkow (1907)

Ze sztromwerkow bierom siyła
Gruba bez niyj by niy była
Teroz sztromu dyć wystyknie
Łodwodniynie leci piyknie
Luftu wiyncy podowajom
Kaj już wongel wybiyrajom.

[broneknotgeld]

Z Huty Glywice

Huty Glywice wieża szybowo
Drapko w Knurowie terozki stowo
I maszynownio tako na para
Trza tyż kotłowni bo siyła wgarach.

[broneknotgeld]

Z Huty Glywice

Huty Glywice wieża szybowo
Drapko w Knurowie terozki stowo
I maszynownio tako na para
Trza tyż kotłowni bo siyła w garach.

[broneknotgeld]

Kotłownia (1907/1908)

Przi drugi szachcie kotłowni trzeba
Komin wysoki jakby do nieba
Dyć tu maszyna jest wyciongowo
Niy na sztrom przeca yno parowo.

[broneknotgeld]

Sepera (1908/1909)

Z "Knurowa" wongel potrza sortować
Wypłokać grysik i miał do tego
Z kynsow nojbardzi cieszy se głowa
Dyć szkoda tracić tyż coś myńszego.

[broneknotgeld]

A na dole

A na dole drapko prujom
Wyntylacji poziom gryzom
W wydobywczym już fedrujom
Do pokładow wonglo idom.

[broneknotgeld]

Poziom 450

Toż wgryzajom se w pokłady
Potrza wonglo - niy ma rady
Ciyngym wiynksze wydobycie
Dlo ty gruby we tym życie.

[broneknotgeld]

Poziom 350

Trza na dole luftu wiela
Bestoż poziom tyn borujom
Szkryfna ło tym yno tela
Wongel niży dyć fedrujom.

[broneknotgeld]

Łodwodniynie

Ano - woda durś na grubie
Bergmon we pokładach dłubie
Dyć by to pozalywało
Szczyńściym se - wyplompowało.

[broneknotgeld]

Nowy badyhaus ze cechowniom (X.1908)

Łoziymdziesiont brauzow prawie
A dlo sztajgrow wannow siedym
I cechownio tu na jawie
Epny z tym budynek jedyn.

[broneknotgeld]

Pola gornicze (1908)

Pola gornicze juz wyznaczone
Piyńć przinoleżnych Gierałtowicom
Sztyry Knurowa - dyć to niy koniec
Bo piyńć pisane tyż Szczygłowicom.

[broneknotgeld]

30,7 kilometrow kwadratowych

Jest co fedrowac pod ziymiom tako
Pol aż sztyrnoście - Skarbnik niy płako
Bele na dole mu niy gwizdali
Kunsztym bergmońskim tyn wongel brali.

[broneknotgeld]

Pyndzom chodniki

Pyndzom chodniki ciyngym na dole
Nowych pokładow tako siyngajom
Toż wyciongajom wongel ze szole
Dobry poczontek - przeca niy wajom.

[broneknotgeld]

Ratownictwo kopalni "Knurow" (1907)

Toż ratownictwo juz se rychtuje
Choć gruba ciyngym tako buduje
Trza aparaty miec łoddychowe
Coby pod ziymiom ratowoł człowiek
Przed skisłym luftym , matowom tako
Łogniym, zawałym - tref zły jednako
I niyroz bergmon stowio z tym życie
Paciyrzo mało - to przeca wiycie.

[broneknotgeld]

Ratownictwo kopalni "Knurow" (1907)

Toż ratownictwo już se rychtuje
Choć gruba ciyngym tako buduje
Trza aparaty miec łoddychowe
Coby pod ziymiom ratowoł człowiek
Przed skisłym luftym , matowom tako
Łogniym, zawałym - tref zły jednako
I niyroz bergmon stowio z tym życie
Paciyrzo mało - to przeca wiycie.

[broneknotgeld]

Po wypadku

Po wypadku we Francyji
Ratownictwo drapko rośnie
Czy trza wiyncy tragedyji?
Szczyńścio bergmońskego proście
Dyć niy yno przeca w Bogu
Gwarek mo nadzieja widzieć
Som kamraty co pomogom
Na ratunek kożdy idzie.

[broneknotgeld]

Ratowniczo drużyna

Niy był ratownik cołkym sagaty
Mioł na ty grubie już aparaty
Sztyry "Draegery" stykły z poczontka
Czy już sprowdziyły se tu na piontka?

[broneknotgeld]

W ratowniczy służbie

Cyntralno Stacjo kursy prowadzi
Toż ratownikow szkolom w zawodzie
Kto ze "Knurowa" wiela poradzi
Gruba se dźwigo - niy chce być w szkodzie.

[broneknotgeld]

Roz we tydniu

Roz we tydniu ludzi szkolom
By se radzić we utropom
Aparaty swoje chwolom
Do kamratow tyż dokopiom.

[broneknotgeld]

1500 ton na szychcie

Tysionc piyńćset ton na szychta
Przez sepera przyńść musiało
Niym se nafty spoli szlichta
Sort drobniejszy wypłokało.

[broneknotgeld]

Na seperze

Na seperze ruszt Karopa
Wongel w taśmy tkoł Korneta
Mniyj roboty tu dlo chłopa
Niy tkej kynsow do bereta.

[broneknotgeld]

Sepera z płoczkom 1909-1914

Choć we tych rokach tyż usprowniano
Dyć przeca grubie nowo chnet dano
Kero przi piyrszy szachcie wystawiom
Tako ty richtig koniec chnet jawiom.

[broneknotgeld]

Kopalniano bana

Glajzow gruba miała wiela
Poranoście torow - tela
Banhof, tako przesuwnice
Cug dyć jakby dowo życie.

[broneknotgeld]

Droga ze wiaduktym (1910)

Ano - już nowo droga tu wiedzie
Niy yno cugym przeca dojedziesz
Szejść metrow prawie tako szyroko
Rowno że koło kary niy skoko.

[broneknotgeld]

Przi holcplacu (1910)

Przi holcplacu kuźnio nowo
Warstat mechaniczny stowo
Tako samo dlo stolorzy
Bo tyż drzewo wiela woży.

[broneknotgeld]

Fojerwera (1910)

Ano - już bezpieczni teraz
Jak na grubie fojerwera
Łogyń wiyrchu chnet ugaszom
Chocioż gorko - se niy straszom.

[broneknotgeld]

Pokład H (405) - 1911

Wongel z pokładu juz wybiyrajom
Toż wydobycie swoje dźwigajom
Przez pora rokow fest tu fedrujom
Do cugow wonglo wiela wsypujom.

[broneknotgeld]

Na wschod

Na wschod łod szachtow bogate złoża
Wongel do tego dość płytko leży
Toż Velsen pedzioł - Na to se woża
Zmiyniomy plany - chciyjcie mi wierzyć

Trza ciś w ta strona - se aże prosi
By wpiyrw wyciongnońć co niy głymboko
"Trzista piyńćdziseiont" poziom łogłosić
Tyż wydobywczym - w przod gruba skoko.

[broneknotgeld]

Poziom 250

Na wschod łod szachtow poziom chnet - wiycie
Sto metrow nizy szło wydobycie
A tyn by luftu niy brakowało
Przeca pod ziymiom czynsto go mało.

[broneknotgeld]

Hala maszyn 1912/1912

Tu piyrwyj kompresor w baraku drewnianym
Epnom halom tako chnet łobudowany
Maszyny parowe, kompresorow pora
Już we środku majom - lepi jako wczora
Na dokłodka jeszcze trafoki, prondnice
Siyły potrza grubie - przeca ło tym wiycie.

[broneknotgeld]

Hala maszyn 1911/1912

Tako w tytule wyży być miało
Zaś chochlikowi miyszać se chciało.

[broneknotgeld]

Nowo wyntylacjo (1912)

Ano - bez luftu jako fedrować?
Trza go durś wiyncy na doł podować
Przi szachcie piyrszy z nowa stowiajom
Wyntylatory - dwa take majom
Dyć maszyn nowych dlo nich tyż trza
I tako pary durś wiyncy - ja.

[broneknotgeld]

Potrza wody

Ech - potrza wody ciyngym na grubie
Sie dyrekcyjo po głowie szkubie
Do picio, mycio i ty kotłowni
Niy było leko ze tym tyż downi.

[broneknotgeld]

Ze "Szlostaucha"

Ze "Szlostaucha" zrobiom para?
Dyć i ło to trza se starać
Coby dna niy było widać
Wiyncy wody jako by dać?

[broneknotgeld]

Dlo płuczki

Przi seperze płuczka majom
Toż ło łoda dlo niyj wajom.

[broneknotgeld]

Ze Potoka Gierałtowickego

Ze potoka bierom woda
Jeji jakby myni szkoda
Wiedzom to Gierałtowice
Już terozki wy tyż wiycie.

[broneknotgeld]

Dlo koksowni (1914)

Ze potoka woda brali
Gorki koks niom polywali.