Chorzów

+Lidia Ropolewska+

[broneknotgeld]

Lidia Ropolewska
Chorzów

Izba Rzymieślniczo niy yno w żałobie
Lidia Ropolewska przeca leży w grobie
Dyć we tym Chorzowie jyj salon gryfności
Łozdobioł durs sztela - se szkryfna nojprości

Zły tref a niy gołomb już stanoł na drodze
Przi tym wiela ludzi ukrziwdzioł tyż srodze
Coż - czowiek rożniście se ło życiu myśli
A przeca kto inkszy je za nos tyż kryśli.

[broneknotgeld]

Ech - rocznica drapko idzie
Pamiyńć w ludziach długo bydzie.

[broneknotgeld]

Ano - we pamiyńci momy
Za duszyczki porzykomy.

[broneknotgeld]

Powspominali i porzykali
Ciyngym trza teroz ze tym żyć dali.

[broneknotgeld]

katowice.naszemiasto.pl/wydarzenia/692165.html
Ano - niych i taki link tukej bydzie.

[broneknotgeld]

Dzisioj i gołomb żałobnie grucho
Minuta ciszy zdo sie za głucho.

[broneknotgeld]

Chnetko mijajom prawie dwa roki
jako pod dachym legli boroki.

[broneknotgeld]

Ech - tyn Chorzow se wspomino
Pamiyńć nom łostała ino.

[broneknotgeld]

Świyczki dzisioj świycić trza
Ku pamiyńci tako - pra.

[broneknotgeld]

Ech - trzi roki tymu było
Wiela z nich by dzisioj żyło

[broneknotgeld]

Trza durś pamiyntać

Trza durś pamiyntać - bestoż to pisza
Piyńć rokow tymu chnetko sie stało
Kej tragedyjo grzychym tyż cisza
Wszysko co szkryfna dyć zdo sie mało

Trza durś pamiyntać hala targowo
Chorzow, gołymbie, śmierć, mroz, ciyrpiynie
Bergmon-ratownik do akcji stowo
Wiyrchym - choć z dołu jego korzynie.

[broneknotgeld]

Sie stowiyli

Stowiyli "do boju" z "Bytomia" karlusy
Ze pobliskich grubow wsparcie wartko idzie
"Holmatro", "Salgitter" - złomowisko ruszy?
Ze czasym i mrozym w szranki stanońć przidzie

Rynce chnet grabiejom, dyć ludzi ratujom
Choć siyły niyrowne - śmierć wiela skosiyła
Łod sia dali wszysko - ech, ciyngym żałujom
Tych przi kerych wieczność przed niymi kryńciyła.

[broneknotgeld]

Komorka zwoni!

Komorka zwoni - nikt niy łodbiyro
Czy śmiertka w łoczy komuś zaziyro?
Komorka zwoni - jako jom słyszom?
Pod śniegym, ajzom - koniec jest ciszom?

Baterio siado drapko na mrozie
Komorka zwoni - łodbieresz Boże?!
Czy zwonek retnie? Ratownik przidzie?
Czy we czowieku durś dusza bydzie?

Komorka cichnie - życie tyż tako
Gołomb wyfurgnoł z duszom jednako.

[broneknotgeld]

W piontek piyńć rokow jak to sie stało
wiadomosci.gazeta.pl/Wiadomosci/1,80273,9003257,Bedzie_pozew_zbiorowy_poszkodowanych_w_katastrofie.html
Ano - niyszczyńścio richtig niymało.

[broneknotgeld]

Gołomb

Gołomb znakym jest pokoju
Tako łonym i Duch Świynty
Mom se tropić fraszkom mojom
W kery słabość "ludzki piynty"?

Lepi być ze gołymbiami
Gowa trzimać durś wysoko
Łone życio janiołami
Niych furgajom se wysoko

Dyć je widać nad Chorzowym
Trza ze duszy swoji patrzeć
Tela dzisioj yno powiym
Wrona coś zowistnie kracze
www.dziennikzachodni.pl/artykul/747977,kolejny-pozew-zbiorowy-ws-katastrofy-hali-mtk,id,t.html
Skond straszydło se tu wziyło?
Dziub mo jak łod śmiertki kosa
Ano jest jako i było
Choć gołymbia w sercu nosza.
forum.gazeta.pl/forum/w,28940,35809810,,Chorzow.html?v=2

[broneknotgeld]

Ech, wspominać niy ma leko
Niych już nigdy kajś niy czeko
Ze kostuchom krew na mrozie
Niy doświodczej tako Boże.

www.dziennikzachodni.pl/artykul/9316838,rocznica-mtk-krzysztof-mejer-bylismy-wtedy-przerazeni-to-byl-czas-proby,id,t.html