Powiat Glywicki

[broneknotgeld]

Jak tam wlyźć ze ślonskim rymym?
www.powiatgliwicki.pl/
Możno tukej se dowiymy.

[broneknotgeld]

Prziszło tako mi do gowy
Wontek "muster" - powiatowy.

[broneknotgeld]

Niychej wontek sztele łonczy
Choćby mioł i ktoś nabronczyć
Trocha we tym komedyji
Dyć łon jest skiż promocyji.

[broneknotgeld]

Rożniście gości idzie powitać
forum.gazeta.pl/forum/72,2.html?f=28940&w=41116112&a=41116221
Coby niy musioł se wiela pytać.

[broneknotgeld]

Powiat Glywicki wiela we wercie
Wiyrchym na zajta terozki biercie.

[broneknotgeld]

Żyć aż chce sie!

Godki mało we Glywicach
Dyć niom śpiywo okolica
Cołki powiat ślonski przeca
Ze zocnego richtig neca

Krol Prus piyrwyj go utworzoł
By na Ślonsku wiela wożoł
Toż leciała historyjo
Kaj starostwo niy mecyjo

Znocie Toszek, Pyskowice?
Zocne miasta - we nich życie
Chocioż widać że już stare
Duchym ciyngym przeca jare

Knurow wonglym sie wydźwigoł
Łod roboty nikt niy migoł
Niy za leko zowdy była
Dyć z niyj grodu ciyngym siyła

Kaj Wielowieś i Rudziniec
Sośnicowic tyż rumiyniec
Kuknij tako do Pilchowic
I niy łomiń Gierałtowic

Wszyndy idzie se podziwać
A nojlepi jak po żniwach
Gospodorze tu radujom
Przi koronach poczynstujom
Tym co ziymia darzy, niesie
We powiecie żyć aż chce sie!

[broneknotgeld]

A dyć niy ma cołkym źle
katowice.naszemiasto.pl/artykul/757252,badania-mieszkancy-poprzemyslowego-slaska-zyja-przeszloscia,id,t.html#c579fd383c3580fd,1,3,5
Kej sie nom durś cosik chce.

[broneknotgeld]

Co ło Ślonsku
potrza wiedzieć?
katowice.naszemiasto.pl/artykul/773338,wszystko-co-turysci-chcieliby-wiedziec-o-tym-regionie-ale,id,t.html#237f1b133c6e3247,1,3,5
W naszym kontku
niy trza siedzieć
Chciyj wandrusie coś spokopić
I konszczyczkym Ślonska "łopić".

[broneknotgeld]

Kej pożniwowali
bydom radowali!
www.dziennikzachodni.pl/artykul/986354,pyskowice-najwiekszy-na-slasku-korowod-dozynkowy-hity-queen-i-skaldowie,id,t.html

[broneknotgeld]

Koń w Ostropie
Zowdy w zocy
Cie pokopie?
Kaj mosz łocy?
Wielkanocnom procesyjom
Som raduja - niy łomijom.
www.dziennikzachodni.pl/artykul/3409637,procesja-konna-w-ostropie-ta-tradycja-ma-trzy-i-pol-wieku-zdjecia,id,t.html

"Wiadomości Powiatu Gliwickiego"

[broneknotgeld]

"Wiadomości Powiatu Gliwickiego"

Nojnowszy numer ponoć już wyszoł
Jo na tym nudli niy byda wiyszoł.

[broneknotgeld]

Szrajbli coś w cajtongu prawie
forum.gazeta.pl/forum/72,2.html?f=34281&w=80147294&v=2&s=0
Niy we śniku a na jawie.

Gliwice

[broneknotgeld]

Starostwo powiatu we Glywicach przeca
Toż cosik ło szteli i tukej ukleca.

[broneknotgeld]

Bojkow

W bujakowskim borze Schonwald zrychtowali
Kery nom po polsku Bojkowym nazwali
Cystersy ze Rudow tu gospodorzyli
Niymcow aż z Saksonii we tyn las ściongnyli
Dzisioj to je piykno i staro dzielnica
Co leży na kraju we naszych Gliwicach.

--

Bojkowianom

Z Halymby na Bojkow jeździołch tam a nazod
Bo jo tam na grubie zgazowywoł azot
Doglondołch lodowy wielgachny pieronym
Terozki ta fraszka dedykuja Łonym.

[broneknotgeld]

Gliwicko palmiarnia

Gliwicko palmiarnia to perełka mało
W końcu coś wiynkszego miastu sie zachciało
Inksze pawilony majom tam dostawić
By sie lepiyj ludzie mogli tyż zabawić
Rafom koralowom łoczyska napasom
Rośliny z ciaplyty zachwycom swom krasom
Ponoć za dwa lata bydzie już to wszysko
Powiym że porzykom coby im to wyszło.

[broneknotgeld]

Na "Sośnicy"

Zaś słysza kuranty Bojkowa
Grajom je na kościele
Azot tu musza zgazować
Śniyg mi pod nogi sie ściele

Zyrkom terozki na szachty
Bojkowske - z gruby "Sośnica"
Czekom już końca tyj wachty
Ło piwie myśli palica

Takim chłodzonym we śniegu
Na kerym kloźdać tu moga
Wypioł bych se je z kolegom
I poczynstowoł nim wroga

Bo jak tak siedza "na gazie"
I słysza że bijom dzwony
Myśla że trza w kożdym razie
Pszoć światu - choć zakryncony.

[broneknotgeld]

"Haus Oberschlesien" - "Dom Gornoślonski"

Nojlepszy hotel we tych Gliwicach
Kerym sie richtig szło tu zochwycać
Dyć prziszoł styczyń sztyrdziesty pionty
Ruski ze łogniym wleźli w te konty

Zas po fojerze kikut pozostoł
Kery poleku jednak łodrostoł
Stoł sie dlo Gliwic Urzyndym Miasta
Tako jest dzisioj - tu powiym - basta.

[broneknotgeld]

Zeppelin w Gliwicach

Zeppelin w Gliwicach tyż przeca londowoł
We czidziestym piyrszym poczta tu przijmowoł
Było to w tym mieście jakby wielke świynto
Czy ktoś ło tym jeszcze dzisioj tyż pamiynto?

[broneknotgeld]

Gliwice se ciyngym ponoć łodchudzajom
No i ze tym problym już terozki majom
Bo gliwiczan niy ma tych dwiesta tysiyncy
Pewno Frankiewicza to terozki mynczy

Czech radnych zarozki mu przeca łodpadnie
No i jedyn vice jego tyż se padnie
Godajom że bydzie coś myni piniyndzy
Ano - trza pomyśleć było ło tym pryndzy.

[broneknotgeld]

Gliwice

Stolicom ksiynstwa Gliwice były
Ze handlu brały tyż swoje siyły
Zamek i ratusz mury kajś widzisz
Tu historyji sie niy powstydzisz.

[broneknotgeld]

Kaj Theodor Erdmann Kalide

Choć jego rzeźbami Gorny Ślonsk sie asi
Dynkmalym gliwickim jednak niy "marasi"
Mo być we ruinie tyn cmyntorz hutniczy?
Łon do ślonski duszy tako jakby "ryczy".

[broneknotgeld]

Hlywice

Som te Hlywice wele Knurowa
Niych wos ze tego niy boli gowa.

[broneknotgeld]

Knur ze gierom żyje w zgodzie
-Bydy niy ma we narodzie.

[broneknotgeld]

Chłopek z Hlywic

Chłopek z Hlywic se poradzi
Dyć na Wiejski już paradzi.

[broneknotgeld]

Ze nacjonalnego dziwa
forum.gazeta.pl/forum/72,2.html?f=34281&w=34301684&a=34565100
Wyszła tako ponoć - Gliwa.

[broneknotgeld]

Niy chce Gliwa Niymca!
Niy chce tyż Poloka!
Łostała jyj Kłodka!
Choć żol - trza jyj skokać!

[broneknotgeld]

Ostropa

Za Wojtowom wsiom Ostropa
Karlus ze niyj - kawał chopa
Ponoc tam tyż gryfne frele
Trza zoglondnońć do ty sztele.

[broneknotgeld]

"Idealne miasteczko"

Takim Wilcze Gardło dlo Niymic być miało
W nacjonalny muster z tym im sie wpisało!

[broneknotgeld]

Wilcze Gardło 1937-1941

Rudolf Fischer z Bytomia je zaprojektowoł
Tako pangermański muster tukej dowoł
Coby SA-many w "utopiji" żyli
I na chwała Rzeszy potomstwo płodziyli.

[broneknotgeld]

Trza Glywicom tyż poklaskać
miasta.gazeta.pl/katowice/1,35019,3503116.html
Chcom łodnowiać a niy czaskać.

[broneknotgeld]

Oscar Troplowitz - 95-lecie krymu "Nivea"
9-20.IX.2006 Muzeum w Glywicach

Tako wystawa w glywicki szteli
Coby radocha my z tego mieli
Krym dobry - tako glywicko marka
Dyć używała go już i starka.

[broneknotgeld]

Campasta

Kto campasta ludziom doł?
-Toż Troplowitz tako chcioł.

[broneknotgeld]

Toż se w Glywicom przidzie dziwować
www.um.gliwice.pl/index.php?id=14797/1
Tym kierzy tukej jakby łod nowa

[broneknotgeld]

Glywicke krupy

Niy do krupnioka
-trza bronić murow
I we tych czasach
jak "wyścig szczurow".

[broneknotgeld]

Trza mi wrazić tyn link tukej
www.gliwiczanie.edl.pl/Biografie/biografie.html
Toż se teroz tam pokukej.

[broneknotgeld]

miasta.gazeta.pl/katowice/1,35019,4030719.html
A to ci koncept.

[broneknotgeld]

forum.gazeta.pl/forum/72,2.html?f=57&w=19517235&a=19517235
Ze Trojmiasta tu se wkludzom
I Glywice tako zbudzom.

[broneknotgeld]

Frankiewicz sie trzimie
katowice.gazeta.pl/katowice/1,35019,11812952,Ranking_prezydentow__Frankiewicz_niemal_na_podium_.html
Zdowo co niy drzymie.

[broneknotgeld]

Radujom Glywice!
Czamu? Dyć dowiycie
www.dziennikzachodni.pl/artykul/652677,john-baildon-szkot-ktory-zostal-slazakiem-ma-nowy-nagrobek,id,t.html

[broneknotgeld]

Szkoda co mie tam niy było
www.dziennikzachodni.pl/artykul/672295,zeliwny-piknik-w-gliwicach-czyli-co-laczy-rycerza-z-robotem,id,t.html
Tak czy siak dyć ucieszyło.

[broneknotgeld]

Glywicke krupy

Niy do krupnioka
-trza bronić murow
I we tych czasach
jak "wyścig szczurow".

[broneknotgeld]

W Rudzie "godula"
forum.gazeta.pl/forum/72,2.html?f=28940&w=63237210
W Glywicach "krupa"
Radochy z tego byłaby kupa?!

[broneknotgeld]

Z "krupom" lekci iść przez życie!
Pewno ło tym dobrze wiycie.

[broneknotgeld]

Glywicko Noc Świyntojańsko
22.06.2007

Na góralsko nuta Plac Krakowski prosioł
Folk w Noc Świyntojańsko radość życia głosioł
Aże trzi kapele tako zabowiały
Richtig wiela luftu łone w dudach miały?

[broneknotgeld]

Ech, Glywice!
gliwice.naszemiasto.pl/wydarzenia/744187.html
Jako wice.

[broneknotgeld]

W Świnoujściu uwodzieli
forum.gazeta.pl/forum/72,2.html?f=94&w=65523668
Se dziwujom ślonski szteli?

[broneknotgeld]

Kejby z dzbonka biyrek loła
gliwice.naszemiasto.pl/artykul/597700,przy-rodzinnym-stole-wystawa-eksponatow-z-kolekcji-janiny,id,t.html
Mie by niy trza było wołać.
-

[broneknotgeld]

w tym portalu złodzieji wiela
gliwice.naszemiasto.pl/artykul/599388,skradziony-chlopiec-z-labedziem-wrocil-na-miejsce,id,t.html
Dyć we Glywicach ździybko wesela

[broneknotgeld]

Nad Kłodkom szanty
gliwice.naszemiasto.pl/artykul/616272,do-gliwic-wraca-impreza-szantowa-posluchaj-piesni-morza-juz,id,t.html
Dyć niy bydź anty.

[broneknotgeld]

"Wersal" w Glywicach?
katowice.gazeta.pl/katowice/1,35019,8621750,Prezydent_Gliwic_o_rywalach__rywale_o_prezydencie.html
Możno coś z wica?

[broneknotgeld]

Skusi frela, skusi chopa

forum.gazeta.pl/forum/w,28940,120661467,120661467,GLYWICKO_SZOPKA_NOWOROCZNO_2011.html
Kuknom na "glywicko szopa".

[broneknotgeld]

Glywice blysnom?
katowice.gazeta.pl/katowice/1,101336,9014139,Ola_z__Top_model__bedzie_reklamowac_centrum_handlowe.html
Na wiyrch z niom cisnom?

[broneknotgeld]

"Złoty Durszlak" wom ie marzy?
www.news.warzymy.pl/v/62/gliwice-czekaja-na-kucharzy
Komu prawie tam przidarzy?

[broneknotgeld]

Wspomnieć idzie
katowice.gazeta.pl/katowice/1,35055,9887880,80_lat_temu_w_Gliwicach_ladowal_Graf_Zeppelin.html
Już niy bydzie.

[broneknotgeld]

Szopka we Gliwicach
katowice.gazeta.pl/katowice/56,35019,10871530,W_gliwickiej_katedrze,,4.html
Cieszy nasze lica.

[broneknotgeld]

Kej Glywice som
To link prawie dom.
gliwice.naszemiasto.pl/artykul/1551201,siedem-cudow-polski-konkurs-national-geographic-travereler,id,t.html#f322a5f096ec3d73,1,3,5

[broneknotgeld]

Lepsze te szokoladowe?
Piyrwyj boły dyć gusowe.
katowice.gazeta.pl/katowice/1,35063,13365487,W_Gliwicach_odlali_z_czekolady_dawnych_wladcow_i_celebrytow.html

[broneknotgeld]

Coby wspomnieć Blandowskiego
Werci kuknońć dyć do tego
www.dziennikzachodni.pl/artykul/965181,wilhelm-von-blandowski-slaski-indiana-jones-z-gliwic-historia-dz,id,t.html

[broneknotgeld]

Przez ta "bachantka" istny coś stracioł
Kunszt gornoślonski dyć ubogacioł!!!
gliwice.gazeta.pl/gazetagliwice/1,95519,15645674,Kontrowersyjna_rzezbe_T__Kalidego_mozna_ogladac_w.html

[broneknotgeld]

Ło Łabyndach co powiycie?
Dyć sie wiela tam dowiycie.
fakty.interia.pl/historia/news-laband-o-s-slaski-przystanek-na-drodze-ku-smierci,nId,1407434

Knurów

[broneknotgeld]

www.powiatgliwicki.pl/dokumenty.php?id=397&dzial=1294
Możno zaczna łod Knurowa
Bo tam znom niyjedna gowa.

[broneknotgeld]

www.powiatgliwicki.pl/dokument.php?dzial=3341&id=5176
Muzykalny djoboł ze Knurowa

W samym poczontku łońskego wieku
Knurow mioł piykno swoja aptyka
Z kery pigulorz żył dyć czowieku
Djoboł go zaczoł zaroz fest tykać

Dom chnet przi zamku kościoł po blisku
Tu łorganista mioł swoja szkoła
Trza se kurować czynsto ludziskom
Choć som we strachu skuli djoboła

Toż tuplowano utropa tako
Gyszeft źle idzie - dusza mynczono
Czort już se cieszoł - aptykorz płakoł
I zdało mu sie że w końcu skono

Szczyńściym nad samom aptykom prawie
Ślusorczyk mody se pomiyszkiwoł
W dziyń ni mog myśleć łon ło zabawie
Nocom na krzipkach czasami grywoł

A że mioł grajfka richtig do smyka
Djoboł pod dźwiyrza jego prziłazioł
Karlus skiż tego czyńści chcioł rzykać
Bies jednak w końcu i tu pysk wrazioł

Drapko mu krzipek smyk w graba dowo
Grif insztrumynta wkłodo do drugi
Dyć recht w tym - wcale sie niy wydowo
Szpon jego wiela zdo sie za dugi

Toż do szraubsztoka wkłodo pazury
Coby ślusorczyk je łofajlowoł
Czy mioł żałować djobelski skory?
Dokryńcioł mocno i niy folgowoł

To ci dopiyro prziszła utropa
Z kopyta wielke iskry leciały
Tako w niywoli teroz u chopa
Wył aże słyszoł go Knurow cały

W końcu łobiycoł dom niy nowiydzać
Że sie doł chycić gańba fest była
Dyć jak krzipkowi nauczka by dać?
-Przeca po jego stronie zło siyła

Nic yno zdybać go trza kajś ińdzi
Tako durś czimoł sie łon Knurowa
Tref w szponie graby karlusa wpyńdzi
Piekło go czeko - jego w tym gowa!

A mioł ślusorczyk lipsta łognisto
Gorko choć chudo jak szczapa łona
Dyć we Szlostauchu woda durś czysto
Lubieli na niym pływać łodkoma

Tako przi stowie bies se pojawioł
Już mioł liplinga do piekła porwać
A dziołcha z kerom dobrze sie sprawioł
Zdo sie terozki chce biesa dorwać

Kece we gorze - doł w cołki krasie
Toż tyn rogaty zaczoł aż skokać
Czamu uciekosz gupi mamlasie?!
Bies tako woło - Niy chca szraubsztoka!

Jest we Knurowie aptyka zocno
Świynto Barbara mo nad niom piecza
Słychać tam krzipki durś porom nocnom?
Czy jo na prożno tako wom kleca?

[broneknotgeld]

Ło Knuroweuszu

Tyn Knuroweusz ze ksiyńcia łaski
Za gryfnym lasym dźwigoł osada
By go czekały tu wiynksze blaski
Dyć na przeszkodzie stanyła zwada

Jurny był karlus przi "piyrszy nocy"
Choć tego prawie żodyn niy bronioł
Wystykło - frelka wlazła mu w łoczy
Zarozki za niom ze twardym gonioł

Cerze łod hexy tyż sie zdorzyło
Co Knuroweusz dopod jom w lesie
Chnet knurowiontko se z tym zjawiyło
No i łostuda - wieść tako niesie

Muter ze bajtlym frela wygnała
Do łojca dziecka gyry jom niesom
Nic że mu wcale dziołcha niy pszała
Koligacyje fatra dyć cieszom

A łon tyż wygnoł - złość matki rośnie
Krew przodkow tako w duszy łodzywo
Z tym go przeklyła - W nastympny wiośnie
ze swoji skory bydziesz sie dziwoł!

Rok drapko minoł - kwiecie zaś sypie
I przeklyntymu tako chce skokać
Knuroweuszu - pieroński gnypie!
Gierow wystyknie dyć dlo guzioka!

[broneknotgeld]

Gliwa

Toż w końcu szkryfnońć wom przeca musza
Jako sie zwała łod hexy cera
Gliwa - już czorno teroz jyj dusza
Dyć radom na to wywar ze chmiela

Gusiok se stracioł zły tref tyż tako
Syn naszy frelki zdrowiuśko chowoł
Piwo warzyła - czowiek niy płakoł
Aże skiż tego sławnom sie stowo

Łoj chmielu zocny - rośnij dziedzinie
Z ciebie napitku trza wiyncy warzyć
Szczyńście ty szteli tako niy minie
Robota zocno - lepszy niy marzyć

Byś był dorodny gnoju ci czeba
Zaś kaj dymbina ajchlami suje
Gusiokow gierow jest "konsek nieba"
Szczyńście w tym Gliwy - to forsztelujesz.

[broneknotgeld]

Szumi las

Wieść tako niesom dymbiyńske lasy
-Był Knuroweusz nasz świniopasym
Kery chcioł wiela frelek łobskokać
Dyć skończoł żywot w skorze guzioka.

[broneknotgeld]

Gliwa za synym codziynnie ślinto
Dyć łon ło matce tyż niy pamiynto
Durś jakby szuko czegoś we lesie
Cosik go ciyngym w gynstwina niesie

Aż roz natrefioł znajomo giera
Ano uklynknoł przed niom se teraz
Czy śmierci szukoł? -Miała prosioki!
W strona istnego niesom je kroki

Gliwo zapłakoł - powod był prosty
Zdo sie łoboczoł braty i siostry
Toż nawet giera to spokopiyła
Do familiji z tym go przijyła

Dziwne te stadko po lasach tyro
Tako kaj dymby czynsto zaziyro
Ze czasym swoja "dziedzina" zysko
Se upodobo jedne chlywisko.

[broneknotgeld]

Glywicki Gliwo

Syn świniopasa Knuroweusza
Doł nom Glywice - to szkryfnońć musza.

[broneknotgeld]

We chlywiku knurow wiela
forum.gazeta.pl/forum/72,2.html?f=34281&w=30387861
Tym zocniejszo przeca sztela

--

Knurow 1951

Knurow sie stowo w tym roku miastym
Wypiyk se udoł bo z dobrym ciastym.

[broneknotgeld]

Kopalnia "Knurow"

Knurow żywiyła i okolice
Dyć nawet dzisioj to niy som wice.

[broneknotgeld]

15.VI.1903

Gustaw von Velsen kozoł budować
Gruba dlo skarbu pruskego
Trza geldu było na to wydować
Dyć w końcu profit był z tego.

[broneknotgeld]

Knurowski cug (1904-1908)

Kaj gruba bydzie
Toż i cug zdo sie
Chnet tako przidzie
Co glajzy mo sie

Wogel z Knurowa
Dali pojedzie
Skarbu w tym "gowa"
By był na przedzie.

[broneknotgeld]

Piyrszy wongel (1906)

Ano - we tym roku piyrszy wongel dali
Potym coroz wiyncy ciyngym fedrowali.

[broneknotgeld]

VII.1908 - Velsen I i Velsen II

Łojca gruby tako pamiyńć zachowano
Co szachty knurowske noszom jego miano.

[broneknotgeld]

VII.1909

Na czi szychty teroz bergmon już fedruje
Łoziym godzin styknie - łon som tako czuje.

[broneknotgeld]

Lazaryt "Uniji Bracki"

Toż zaczli stowiać go dlo Knurowa
Coby mog dwiesta ludzi kurować
Z czech grub bergmonom mioł służyć - wiycie
"Knurow" "Dymbiyńsko" no i "Glywice".

[broneknotgeld]

Bateryje koksownicze - 1913

Wongel tukej zdo sie na te bateryje
Toż ze gazym myńsze w tych stronach mecyje.

[broneknotgeld]

Knurowski lager (II.1915)

Lager przi grubie toż tukej jyńce
Na ślonski wongel dowajom rynce
Z czasym ich wiela bydzie fedrować
Mus w tym - wrogowi tako siył dować
Ano - niyherske wojynne "prawa"
Tako śmiertelno zdo sie "zabawa".

[broneknotgeld]

Wrocajom z wojska (1917)

Na wschodzie tako mniyj trza wojoka
Toż z frontu wroco - tu musi "skokać"
Przeca "maszyna" wojny światowy
Bez wonglo stanie - kożdy to powiy.

[broneknotgeld]

I po...

No i po lagrze
Już to niy babrze.

[broneknotgeld]

28.VI.1922 "Knurow" w "Skarbofermie"

Toż se granice poprzestowiały
"Skarboferm" profit mo w tym niymały
Polsko francuski tyn gyszeft przeca
Fest bergmońskego chycioł sie neca.

[broneknotgeld]

"Sool Knurow" 1892

Pole gornicze ło takim mianie
Urzond przidzieloł Skarbowi
Ze czasym zacznom tu fedrowanie
Dziynkować trza Velsenowi.

[broneknotgeld]

"Sool Knurow" 1892

Pole gornicze ło takim mianie
Urzond przidzieloł Skarbowi
Ze czasym zacznom tu fedrowanie
Dziynkować trza Velsenowi.

[broneknotgeld]

Cechownia

Ano - piyrszo tu stanyła
Z badyhausym prawie była
Tyż kantynom i biurami
Kaj godali ze sztajgrami.

[broneknotgeld]

Maszynownio i kotłownio

Toż przi szachcie tyż być musi
Łognia para niy zadusi
Dyć napyndzo dwie maszyny
No i szola potko driny
Tako samo tyż wyciongnie
Woda z łogniym w jedno sprzongnie.

[broneknotgeld]

6 m

Z takom średnicom szachty borujom
Przi tymu ściany drap łobudujom
By dziury woda niy zolywała
Kero ze iłow wiyrchnich se brała.

[broneknotgeld]

"Mitologijo knurowsko"

Ło kryjolyjo!
www.facebook.com/photo.php?fbid=374913275916915&set=pb.195759197165658.-2207520000.1350029780&type=1&theaterMitologijo?!

[broneknotgeld]

Knurowsko "Izba Tradycji"

Wele gruby - kaj tyn NOT
Knurow z "Izby" richtig rod
Toż se asi niom szyroko
Chnet muzeum - cieszy łoko.

[broneknotgeld]

Kamiyń graniczny (1840)

Pola gornicze tako znaczyli
Se łoglondniecie go we Knurowie
Ze ślonski ziymi do Iby wziyli
Cosik łosprowio ciyngym pioskowiec.

[broneknotgeld]

Dwanoście kościołow Burzca

Tela kościołow rzeźbom łozdobioł
Ołtorze znojdziesz w nich jego
Toż tyn knurowski tyż łon łobrobioł
Cyryla i Metodego.

[broneknotgeld]

Gryfno Madonna ze Knurowa

Świyntego Wawrzyńca kościołek w Knurowie
Jyj gryfnościom blyszczoł - dziwowoł se czowiek
Tako i na muster ty gotycki frelki
We kery kunszt ślonski przeca krył se wielki.

[broneknotgeld]

We miyndzywojniu

We miyndzywojniu znodli cie tako
Uratowali dlo potomności
Byś zaś blyszczała wszyskim jednako
Chocioż w muzeum terozki gościsz.

[broneknotgeld]

Zdeptała szatana

Knurowsko Madonna na miesionczku stoji
Toż piekielnych mocy wcale se niy boji
I gymba djobelsko depto swojom nogom
Złe siyły jyj przeca przenigdy niy zmogom.

[broneknotgeld]

Przi ołtorzu

Przi ołtorzu stołaś w swoji strzybny szacie
Toż wiela knurowian zoglondało na cie
Ło łaska opieki ciyngym tyż rzykało
-Dzieciontka i Ciebie zdo sie durś za mało.

[broneknotgeld]

Gryfno Madonna zaś we Knurowie
Choć zbajtlowano no muster tako
Dyć se raduje terozki człowiek
Już za tom piyrszom niychej niy płako.

[broneknotgeld]

Kej WOŚP potyrajom
www.dziennikzachodni.pl/stronaglowna/354551,knurow-gliwice-sztafeta-juz-biegnie-na-wosp,id,t.html
Dzieciokom dyć pszajom.

[broneknotgeld]

Kościoł w Krywałdzie

W knurowskim Krywałdzie ciekawy kościołek
Joch sie nim dziwowoł bo roz żech tam bołech
Dyć jest to budynek po staryj cechowni
Kero kedyś była w tutejszy prochowni

Jak w dwudziestym piyrszym czyńść werku tu szpryngło
To sie wiela ludzi w ta ideja wprzyngło
By ze ty cechowni kaplica powstała
W keryj co dziyń potym załoga rzykała

Z czasym msze robiyli. Kapelon z Knurowa
Łod Wawrzyńca chodzioł liturgio łodprowiać
Potym ze Cyryla no i Metodego
W końcu parafijo wyrosła ze tego

Sześdziesiont lot była to jednak kaplica
A że sie rozrosła cołko okolica
Do rangi kościoła dzwignońć było czeba
Antoni Padewski patronym mu z nieba

[broneknotgeld]

Wito Knurow
forum.gazeta.pl/forum/72,2.html?f=28940&w=41116112&a=41122413
Niy ze dziurow.

[broneknotgeld]

"Pożegnanie lata" w Knurowie
2-3.IX. 2006

We wieczor "Brathanki"
tyn Knurow zabawiom
Tako gorki "koniec"
latu latoś sprawiom.

[broneknotgeld]

Dziyń Regionalny
03.09.2006

Toż w niydziela we Knurowie
Se zabawi richtig czowiek
Szołtysek i "Ślonske Trio"
"Raki" zacznom komedyjo
Folklor tako "Ślonsk" pokoże
Niy siedź w doma - Szczyńść Ci Boże.

[broneknotgeld]

"Sool Knurow" 1892

Pole gornicze ło takim mianie
Urzond przidzieloł Skarbowi
Ze czasym zacznom tu fedrowanie
Dziynkować trza Velsenowi.

[broneknotgeld]

Nigdy niy za wiela wsparcio godki naszy
I mitologijo ślonsko tyż niy straszy
Radzi my jyj przeca
Link kłada do Neca
www.facebook.com/photo.php?fbid=374913275916915&set=pb.195759197165658.-2207520000.1350154637&type=1&theater
Zowdy wiela trzimia tego w swoji taszy.

[broneknotgeld]

Izba Tradycji KWK "Knurow"

Wiyrchym tukej tradycyjo!
Trza niom asić - kryjolyjo!
Cudow wiela
www.facebook.com/media/set/?set=a.517234165018158.1073741850.195759197165658&type=1
Mo ta sztela
Kunszt, robota, komedyjo.

Toszek

[broneknotgeld]

www.powiatgliwicki.pl/dokumenty.php?id=409&dzial=1315&PHPSESSID=fa79dac7170d392f4d88738e432ca8ac

Wpiyrw był powiat tyż toszecki
Wiedzom ło tym nawet dziecki
Że Glywice sie dzielyły
Ze tom sztelom w zgodzie żyły.

[broneknotgeld]

www.powiatgliwicki.pl/dokument.php?dzial=3341&id=5161
Toszek

Łoziym wiekow tymu graf miyszkoł tu zocny
We pobliskich lasach łon lubioł polować
Gon prowadzioł Toszek - pies we łowach mocny
Dyć inksze przi niymu niy śmiały se stować

Roz łodbioł daleko - stracioł swego pana
Pogonioł za dzikym - łapy fest poniosły
Aż trefioł na pełno tych zwiyrzy polana
Tam lochy odyńce w szczympy go rozniosły

Graf nadjechoł w końcu - wzion to co łostało
Pochowoł go we wsi - tyż dynkmal postawioł
No i take miano już miejsce to miało
Toszek przeca swoje i psa imie wsławioł.

[broneknotgeld]

www.powiatgliwicki.pl/dokument.php?dzial=3341&id=5163
Złoto kaczka toszecko

Jak Leopold Gaschin był tu zamku panym
Som we wielkim pryku czynsto niywyspany
Szukoł piykny frelki kero by mu dała
Miyłość i potomstwo wiela yno chciała

Stało sie - mioł ślubno - prziwioz jom z daleka
A piykno tyż była nad zochwyt czowieka
Dyć w Toszku sie łona za dobrze niy czuła
Niy miała gowiedzi keryj ziorno suła

Graf jak sie dowiedzioł kupioł kaczki kury
Gołymbie furgały jak paczołś do gory
Terozki we zamku tela było ptoctwa
Że ludzie pytali - Po co te dziwoctwa?

A wszysko skiż pszonio tyj gryfnyj Gizeli
By dobrze sie czuła we swyj nowyj szteli
Leopold w niyj widzioł wielke szczyńście swoje
Pedzioł - Dom ci dziubku wszysko co jest moje

Na pamiontka tego kaczka podarowoł
Kerom sie tyż tukej niyjedyn dziwowoł
Piyknie jom zrobiyli ze złota szczyrego
Gniozdo srebrne miała i jojka do tego

Była to terozki pamiontka rodziny
Co szczyńście niyś miała w toszecke dziedziny
Jednak niy na dugo wszysko to tak trwało
Ktosik ciepnoł urok - niyszczyńście sie stało

Dyć jednego razu po wielki zabawie
Jak wszyscy na zamku pospali sie prawie
Łogyń buchnoł kajsik - zarozki był wielki
Wiater mu pomogoł - pryndko trowioł belki

Gizela von Gaschin we izbie sie budzi
Chce uciyc ze łognia - na darmo sie trudzi
We strachu sie ciepie na łobroz łod przodka
I schodzi w podziymia głymboko do środka

Ze kaczkom tom złotom uciyko lochami
Juz ledwo mo siyła przebiyrać nogami
Zymdlała i ptoka po drodze straciyła
Jakosik wylazła jak sie łocuciyła

Śmiertelnie zmynczono do grafa dotarła
I jymu na rynkach juz wtedy umarła
A kaczka we lochu do dzisioj kajś leży
Kedyś jom szukali - teroz niy chcom wierzyć

Że to jest legynda nojczyńści godajom
Po prowdzie to przeca pojyńcio niy majom
Jak lochy pod zamkym sie ciongnom daleko
Tyn skarb tam na śmiałka ciyrpliwie durś czeko.

[broneknotgeld]

www.powiatgliwicki.pl/dokument.php?dzial=3341&id=5162
Bioło Dama ze Toszka

We piyrszy dziyń Wielkanocy
Zamek toszecki łobchodzi
Spotkosz jom tu ło połnocy
Szterować freli niy godzi

Bo łona fatra durś szuko
Co pomarł z wielki żałości
We dzwiyrza komnat postuko
Czasym wystraszy tyż gości

Tako tu bywo łod wiekow
Skiż historyji ponury
Kero cie wzruszy czowieku
Choć żeś ze gruby jest skory

Grof srogi zamkym tym włodoł
Gnymbioł poddanych i sługi
"Djoboł" - niyjedyn nań godoł
Taki niy znoloz sie drugi

Wiela skiż niego ciyrpiało
Głod lochy inksze mynczarnie
Na nic to wszysko sie zdało
Ludzie kończyli tu marnie

Dyć grof mioł sługi wiernego
Co dboł ło pana jak umioł
"Dioboł" żył możno skiż niego
Choć małowiela rozumioł

Sługa zaś cera mioł szwarno
Skarb to był jego jedyny
Bez niyj toż życie już marność
Grof niy zastompi rodziny

Zło jednak wielke czychało
Do Gliwic fatra posłali
Panu sie cery zachciało
Jyj łojciec mioł być kajś dali

Dyć frela sie łopiyrała
Choć boła tyż zymsty srogi
Życie za cnota łoddała
Syn wieczny był dlo niyj błogi

Do studni wciepli jyj ciało
Fater znojść cery niy umioł
Ale sie w końcu wydało
Pan błond swoj wtedy zrozumioł

Bo sługa pomarł z żałości
Niym jednak ducha wyzionoł
Klontwa nań ciepnoł we złości
Grof zginoł a zamek runoł

Yno ta dziołcha na bioło
Ciyngym ło wszyskim pamiynto
łojca na murach durś woło
Co roku - jak momy świynto.

[broneknotgeld]

Toszek zamkym słynie
www.zamek.toszek.pl/
Szczyńście go niy minie.

[broneknotgeld]

Toż zajta łod Toszka
www.toszek.pl/
Zoglondnij na troszka.

[broneknotgeld]

Toszek

Już na ty zajcie siedza troszka
Może wyjada z tym do Toszka
Bele niy tam kaj niy ma klamek
Mie by sie marzoł yno zamek.

[broneknotgeld]

Toszecki zamek

W lochach tego zamku znojdziesz złoto kaczka
Choć mie sie coś zdowo że to ta "dziwaczka".

[broneknotgeld]

Stary Toszek

Łoziymset lot już cieszy nos Toszek
Rosł sie poleku jakby po trosze
Piyrwyj siedzibom był kasztelana
Potym w biskupie mieli tu pana.

[broneknotgeld]

Trza karlusa z Toszka
Powspominać troszka
www.nowagazetaslaska.eu/taka-jest-nasza-historia/1253-sir-ludwig-guttmann-toszecki-rycerz-jej-krolewskiej-moci.html

Pyskowice

[broneknotgeld]

www.powiatgliwicki.pl/dokumenty.php?id=401&dzial=1298
Coś w gowie blysko
Założoł Pisko?

[broneknotgeld]

Herb

Dwie wieże na murach
Pewnikym niy dziura.

[broneknotgeld]

W starym pyskowickim ratuszu

Co we tym ratuszu mi sie fest podobo?
Hajziel pod "czinostkom" - wcale niy pechowo.

[broneknotgeld]

Pyskowicko zjawa

Biołom Damom jom tu zowiom
Bo se tako nocom zjawio
Jo wom ło niyj połosprowiom
Czamu strach nom ciyngym sprawio

Se w niymieckich czasach dzioło
Gastaus stanoł w Pyskowicach
Służbie było w niym wesoło?
Mo Szolcowo sroge lica!

Toż wszyskimi poniywiyro
Za harowa licho płaci
Na biydokow źle zaziyro
Bele łona sie bogaci!

Ech, "Germania" w Pyskowicach
Z gospodyni swyj słynyła
Dyć wiedzieli - sekutnica!
Istno tego tyż niy kryła

W końcu śmiertka jom skosiyła
Pani Szolc na marach leży
-Bioło Dama se zjawiyła
W to musicie teroz wierzyć

Na nic ksiondz mogiła kropi
-Dusza błonko kajś po grodzie
Jako żywy to spokopi?
Niychej z bliźnim zowdy w zgodzie

Bo za zło co inkszym sprowi
Może ciynżko pokutować
Bioło Dama ktoś wybowi?
Na jyj grobie z downa trowa.

[broneknotgeld]

Światowy Dziyń Latarniow Morskich
18.VIII.2013

W trzecio niydziela siyrpnia te świynto
Latarniom pszaja - bestoż jo wiym to.

www.facebook.com/events/555937844452251/
Piyrszy roz cosik na Ślonsku bydzie
Świynto latarniow drap tako przidzie.

[broneknotgeld]

Kej pożniwowali
bydom radowali!
www.dziennikzachodni.pl/artykul/986354,pyskowice-najwiekszy-na-slasku-korowod-dozynkowy-hity-queen-i-skaldowie,id,t.html

Sośnicowice

[broneknotgeld]

www.powiatgliwicki.pl/dokumenty.php?id=407&dzial=1313
Sośnicowice podobnoś rosnom
Drapko bo jakby tom zdrowom sosnom.

[broneknotgeld]

Jaki herb?

Ło jeronie - som mi powiydz!
-Jaki tyn herb Sośnicowic?

[broneknotgeld]

Skiż sosny?

Skiż sosny momy Sośnicowice?
Możno coś wiyncy ło tym powiycie.

[broneknotgeld]

W Sośnicowicach wprzod bor sosnowy?
Zdo iże tako - koncept niy nowy.

Gierałtowice

[broneknotgeld]

www.powiatgliwicki.pl/dokumenty.php?id=399&dzial=1296
Rożne som ty gminy dziwy
Prawiom co to cud prowdziwy.

[broneknotgeld]

Po somsiedzku

Z Rudom gmina somsiaduje
Dobrze se w niyj czowiek czuje.

[broneknotgeld]

Beksza

W Gierałtowicach terozki Beksza
Richtig skiż tego łona jest lepsza?
Toż możno ło tym niy wszyscy wiycie
Miały jom piyrwyj Ornontowice.

[broneknotgeld]

W Gierałtowicach
forum.gazeta.pl/forum/72,2.html?f=28940&w=41116112&a=41122640
Wesołe lica.

[broneknotgeld]

Co z tego bydzie?
dom.gazeta.pl/nieruchomosci/1,74335,4033697.html
Kedy to przidzie?

Chudów

[broneknotgeld]

Chudów

Zamek zaś rośnie
Choć był w ruinie
Chnetko radośnie
Chudów zasłynie.

[broneknotgeld]

Chudow Foglarów

W łoziymnostym wieku tyn zamek rozkwitoł
Bo tyż rod Foglarów w te progi zawitoł
Chudow i Paniowki potym Bielszowice
W jejich rynkach były piykne okolice

W końcu wieku jednak dzioło sie już gorzyj
Pożar tyż go trowioł choby dopust Boży
Dugi czas to była wielgachno ruina
Dopiyro łostatnio łodżywać zaczyna.

[broneknotgeld]

Kartoflada 2003

Zaś teroz do siebie zaproszo tyn Chudow
W nojbliższo niydziela - pełno przeca cudow
Pudzie sie pobawić - namioty tam bydom
Bo trza tyż zaradzić jak dyszcze nom przidom

Kartofle nom tukej Sobieski sprowadzioł
Ze Wiednia se wrocoł - we Polsce je sadzioł
Bestoż we Chudowie kartofel jest w zocy
Sproszo na zabawa aż do samyj nocy.

[broneknotgeld]

Gierałtowscy w Chudowie

Dzwigli tyn Chudow - tego sie dowiydz
Ci Gierałtowscy ze Gierałtowic
Ich Jan ze Paniow zamek fundowoł
Sto lot z okładym rod tu panowoł.



Foglerowie

Mikołaj Fogler zamek w Chudowie
Zamiynioł w pałac - taki był czowiek
W końcu i tyn rod łopuścioł włościa
A w murach wiater gonioł fest gościa.



Franc von Bally

Za von Ballyego zaś prziszła wiosna
Sztela piykniała i jakby rosła
Klontwa durś jednak jakoś wisiała
W silwester spoloł sie dyć bez mała

Łod tego czasu wszysko w ruinie
Ale historio jeszcze niy minie
Teroz Fundacjo łodbudowuje
Chudow zaś Ślonzek piyknie promuje.

[broneknotgeld]

Chudow - 1845

Aleksander von Bally tu browar postawioł
Ło kerym historio jakby zapomniała
Pon przi własnym piwie gości swojich bawioł
Choć już zaboczyli ło tymu bezmała

Dyć jednak terozki we gymbie tyn browar
Chocioż yno jego fundamynta majom
Pewnie by sie cieszoł chudowski piwowar
Że pamiontki po nim jednak poznowajom.



Husyty w Chudowie

Husytom sie zamek łopiyroł chudowski
Dlo Ślonska ich wojska to był "dopust Boski".

[broneknotgeld]

"Izba Łod Starki w Chudowie"

Zrychtowała to tukej nom Organiścioczka
Ze Chudowa przeca nojpiyrszo Ślonzoczka
W stary szkole izby jako piyrwy blyszczom
Chudowianie na tym przeca yno zyszczom.



Wieża

Wieża zamku w Chudowie łodremontowano
W piwnicy "muzeum" połoglondać idzie
Na gorze latryna piyknie zrychtowano
Dyć jak wos tam nadrze - z tego nic niy bydzie.

[broneknotgeld]

www.zamekchudow.pl/
Ta zajta tyż se tukej przido.

[broneknotgeld]

www.powiatgliwicki.pl/dokument.php?dzial=3341&id=5164
Bioło Dama z Chudowa

Graf ze Chudowa we Czechach bawioł
Tam poznoł tyż zakonnica
Ło jyj urodzie kożdy durś prawioł
-"Gryfne niy yno som lica"

Prziszło ze tego pszonie im wielke
Frelka z zakonu uciekła
Za nic przeszkody były w tym wszelke
Razym niy boli sie piekła

W Chudowie cicho sie już pobrali
Dyć radość krotko ich była
Ślubno choroba pryndko powali
Kostucha do sia jom wziyła

Rycerz pochowoł jom we Orzeszu
Żył som we srogi żałości
Wiedzioł że przeciw Bogu fest zgrzeszoł
W duszy niy chowoł łon złości

Dyć co sie dzieje? W nocy przichodzi
Do zamku przepiykno zjawa
Strach z pszoniym jakoś sie razym godzi
Choć to już niy jest zabawa

Co noc doglondo chopa swojego
Na droga jednak narzeko
Bo gynstym lasym łazi do niego
Wiy że łon na nia tyż czeko

Dyć graf nad duchym sie ulitowoł
Tunel kopali mu sługi
Tym jakby znak swyj miłości dowoł
Aż do Orzesza jest długi

Choć z downych wiekow historio cało
Godajom ło tym w Chudowie
I Bioło Dama tu zno niymało
Niyjedyn widzioł jom czowiek

Bo wieczno jeji przeca pokuta
Do dzisioj łazi po murach
Słychać tyż czasym smutnawo nuta
Co traci sie kajsik w dziurach.

[luna-a]

I kartoflem, i zakonnicą pięknolicą, i zamkiem się wsławia...
I najważniejsze, że Broneknotgeld notgeldy aktualnie tam wystawia.
I właśnie dla Niego, jak owa dama, jam w poświatę srebrną skąpo odziana
snuję się zwiewna po komnatach. Strzegę skarbów bronkowych do samego rana...

auuu!

[broneknotgeld]

Toż se notgeld pewni czuje
Jak go Luna tam wachuje.

[broneknotgeld]

Ktoś se pyto?
forum.gazeta.pl/forum/72,2.html?f=28940&w=41116112&a=41116235
-Chudow wito!

[broneknotgeld]

VII Jarmark Średniowieczny w Chudowie 12-15.VIII.2006

Chnet cołki tydziyń Chudow se bawi
Radości wiela nom wszyskim sprawi
Tako niych blysnie we naszy gowie
-Uciechy szukej zowdy w Chudowie!

[broneknotgeld]

Chudów
www.esil.pl/index.php?g=galerie&el=50&PHPSESSID=ff5899ded7fc82041c6831fab0540402
Pełyn cudow.

[broneknotgeld]

Chudow - Kartoflada
10.09.2006

Prawie dzisioj Kartoflada
We Chudowie fest parada
Sośnierz mo nominacyjo?
Czy dwojako komedyjo?

[broneknotgeld]

"Za krola Stasia"
3.V.2007 godz.15.00

We Chudowie dyć - łoj Boże
Chcom tyjater mieć na dworze.

[broneknotgeld]

Muszketery we Chudowie!
6-7.VI.2009

Co se lyngnie komuś w gowie?
Muszketery we Chudowie?!
Trzech czy sztyrech zrachujecie?
We tyn weekynd tam kukniecie?

[broneknotgeld]

Balony i drachy
02.08.2009 Chudow

Bydom w Chudowie tymu dziwować
Jako te drachy furgajom
Ze niydzieliczkom przeca radować
Anong do tego fest majom.

[broneknotgeld]

Żech przikuloł sie z Chudowa
Choć loł dyszcz - raduje gowa.

www.dziennikzachodni.pl/artykul/3541801,jarmark-sredniowieczny-na-zamku-w-chudowie-zobacz-zdjecia,id,t.html

[broneknotgeld]

Czamu Meluzyna we Chudowie wdycki
Te karlusy szczypiom za jyj sage cycki?

www.facebook.com/media/set/?set=a.691917890883117.1073741952.195759197165658&type=3&uploaded=3

[broneknotgeld]

We Chudowie tyn sie piekli
Kery wlejzie do ty "Tekli".

www.facebook.com/media/set/?set=a.691884507553122.1073741948.195759197165658&type=3&uploaded=5

[broneknotgeld]

Skarbnik we Chudowie niy yno mie dziwo
Kej po blisku gwizdosz zarozki ci kiwo.

www.facebook.com/media/set/?set=a.691893027552270.1073741950.195759197165658&type=3&uploaded=4

[broneknotgeld]

Choć inaczy kusi
Knipsnońć styknońć musi.

www.facebook.com/195759197165658/photos/pb.195759197165658.-2207520000.1408288154./691393354268904/?type=3&theater

Przyszowice

[broneknotgeld]

W Przyszowicach (2004)

Pałac Raczkow remontujom
Szczyńściym latoś zaś łon blyśnie
Los sie nad niym jakby ujon
A i park urodom "tryśnie".

---

Przyszowice 1305

Toż majom ponoć siedymset lot
Z czego niyjedyn jest tukej rod
Zocny gyburstag - idzie se bawić
Żdziybko tyż duszy radości sprawić.

[broneknotgeld]

To niy wice!
forum.gazeta.pl/forum/72,2.html?f=28940&w=41116112&a=41122250Przyszowice!

[broneknotgeld]

Trocha potu kosztowało
forum.gazeta.pl/forum/72,2.html?f=28940&w=26212038&a=26212671
Dyć na rajza se zebrało
Ano teroz tako wiycie
Goszczom notgeld Przyszowice.

[broneknotgeld]

serwisy.gazeta.pl/kraj/1,34309,3874503.html
Niy "łod świynta"
Trza pamiyntać.

[broneknotgeld]

Przyszowicki zamek

Niy łod dzisioj - przeca wiycie
Aszom zamkym Przyszowice.
www.facebook.com/media/set/?set=a.517181671690074.1073741849.195759197165658&type=1

Paniowki

[broneknotgeld]

Na krziżowce we Paniowkach "Carlsberga" durś lejom
Dyć nikierzy sie przi tymu aż po duńsku śmiejom.

[broneknotgeld]

"Werona"

W Paniowkach richtig teroz "Werona"
Julka tam czeko na ancymona
Kery Romea ponoć mo miano
Sama spać idzie - wstowo spłakano.

[broneknotgeld]

Paniowki prawiom
forum.gazeta.pl/forum/72,2.html?f=28940&w=41116112&a=41122819
Tako se jawiom.

Pilchowice

[broneknotgeld]

www.powiatgliwicki.pl/dokumenty.php?id=400&dzial=1297&PHPSESSID=007179a7666582113c49dea7d25af3a6

Pilchowice

Skond Pilchowice miano se wziyły?
-Ano ze myszy co tukej były.

[broneknotgeld]

"Mauseberg"

Jest po blisku Mysio Gora
A niy jakoś jeji dziura.

[broneknotgeld]

Było we Hlywicach richtig myszow wiela
Bestoż sprowadziyli jejich tympiciela
Chatynka mu dali tam kaj Pilchowice
Mysio Gora jego - toż terozki wiycie.

[broneknotgeld]

"Pylchowycz" 1437

W rynkach rycerza teroz Mikosza
Raciborskego princa był sługom
Toz tako teroz yno donosza
Co łon niy bydzie jednak tu dugo.

[broneknotgeld]

Familijo von Reisnitz

W siedymnostym wieku już sztela czimali
W końcu Pilchowice Wengerskym sprzedali
Kosztowało wszysko sto siedym tysiyncy
Zdo sie richtig wiela - dyć grafa niy mynczy.

[broneknotgeld]

Pilchowice 1837

Rok źle zapioł sie dlo Pilchowic
Kaj prawa miejske? -Tako łodpowiydz
Na powrot wioskom teroz se stały
I już miejskości niy łodzyskały.

[broneknotgeld]

Graf Anton Wengersky (1788)

Za jego czasow Rybnik sprzedany
Dyć Pilchowiece ciyngym łon czimoł
Ze jego woli tu fundowany
Kościoł - toż przeca istny niy drzymoł.

[broneknotgeld]

Parafijo Pilchowicko 1335

Nuntius Galhardus poswiadczoł tako
Co w Pilchowicach kościoł już stoł
Mały drewniany - dyć to jednako
Z tym Ponboczkowi czowiek tu pszoł.

[broneknotgeld]

We Smolnicy

We Smolnicy tyż kaplica
Co farorza widzi lica
Aże sztyry razy w roku
Łod Pilchowic to na boku.

[broneknotgeld]

Stwoszowy krucyfiks?

Richtig krucyfiks Stwosz wyrychtowoł?
Dyć kto by dzisioj świadectwo dowoł?
Jak som niy łostoł se w Pilchowicach
Tela co prawi to okolica.

[broneknotgeld]

"Kary koń i dzida"

Koń kary szczyńście grafowi przinios
Ze kłymbowiska zmij tako wynios
Jeździec mioł dzida ku swy łobronie
Koń wiela szczimoł dyć prziszoł koniec.

[broneknotgeld]

Coś ło Pilchowicach tako tu szrajbnione
www.elvish.org/gwaith/slask/pilchowice.htm
Dyć z rymowankami wcale tyż niy koniec.

[broneknotgeld]

www.powiatgliwicki.pl/dokument.php?dzial=3341&id=5169
Pilchowianom

Karego konia we godle mocie
Czamu? -Historio pewnikym znocie
Tako i dzida za niym widzicie
Kerom tyż bronioł grof swoje życie.

[broneknotgeld]

"Kary koń i dzida"

Koń kary szczyńście grafowi przinios
Ze kłymbowiska zmij tako wynios
Jeździec mioł dzida ku swy łobronie
Kon wiela szczimoł dyć prziszoł koniec.

[broneknotgeld]

"Czi dymby"

Piyrwyj czi dymby stoły we lesie
Pilchowiczany je znały
W strona Smolnicy kerego niesie
Toż tam wytrzyszczoł durś gały

Co tu sie dzioło dość wiekow tymu
W niyszczynsny ziymi glywicki
Coby łopisać niy styknie rymu
Dyć powspominać trza wdycki

Coś poł Europy już wojnom żyło
Ponboczka kożdy mioł w gymbie
A przeca życie wiela straciyło
Wojoki to niy gołymbie

Wojska Mansfelda tyndy wrocały
Wiela po drodze łupiyły
Na wiynksze miasta tyż porywały
-Glywice se łobroniyły

Fest okolica z tym uciyrpiała
Choć protestancko tyż była
Wojna nikomu niy folgowała
A łostro kosa durś tnyła

Na pilchowickich włościach pułk stoji
Skarbczyk przi niymu jest zocny
Ciongnońć go dali cosik sie boji
Wodz jejich niy był już mocny

Jak "czi korony" te dymby w lesie
Znak to dlo Szwedow szczyńśliwy
Z tym swoja kasa wojok tam niesie
A przeca jyj był pragliwy

Że tu se wroci kożdy rachowoł
Ze wiynkszom siyłom najedzie
Zabiere wszysko co piyrwyj schowoł
Z bogactwym bydzie na przedzie

Dyć tref niy zwoloł już wiyncy na to
Drzewa skarb wielki czimały
W zły czas ta sztela zdo sie sagato
-Łone dać tego niy chciały

Podobnoś nawet wiela szukało
Jednak niczego niy znodli
Przeklynte miejsce sie wydowało
Krew kożde złoto upodli

Coś na Rzyketce lyniwie pływo
Dymbow już nawet niy szukej
Przeca to godoł jakiś "podziwok"
Bestoż po gowie se klupej.

[broneknotgeld]

Testamynt Welzla (1793)

Toż podskarbi welzel pomarł we Rybniku
Możno i piniyndzy niy było bez liku
Profit fundacyjo dyć z nich mieć musiała
Kero cos zocnego by tu zrychtowała

Grof Wyngersky forsy mioł ty dopilnować
Talarki po zmarłym na lazaryt dować
Dyć zdo sie co prziszło to wszysko w złym czasie
Srybro istny wydoł po czyńści i na sie.

[broneknotgeld]

Grof Wyngersky w ciynżkich czasach (XVIII/XIX)

Zdało sie co istny prawie bankrutowoł
A tu trza wypłacić tako donacyjo
Piyrwyj se tym wspomog teroz niydomogoł
Niy yno dlo grafa prowdziwo mecyjo

Przeca szpital jakoś muszom tu postawić
Przi niymu tyż klasztor bonifratrow zocnych
Trza sie aże sońdzić chocioż to niy bawi
Braciszki niy szczyndzom siył i starań mocnych.

[broneknotgeld]

Blysły Pilchowice
Już pewnikym wiycie.

gliwice.naszemiasto.pl/artykul/dozynki-wojewodzkie-w-pilchowicach-oficjalnie-rozpoczete,2395657,artgal,t,id,tm.html

Stanica

[broneknotgeld]

www.powiatgliwicki.pl/dokument.php?dzial=3341&id=5165
Cudowne źrodło stanicke

We Pilchowicach jest tyż Stanica
Za niom źrodełko cudowne
Wiy ło tym cołko ta okolica
Bajajom legyndy downe

Princ Raciborza tu przed wiekami
Błonkoł stanickim se borym
Wilki go chciały rozszarpać kłami
Jeszcze do tego był chory

Dyć to źrodełko znoloz ze wodom
Łostatkym siył sie jyj napioł
Zdrowy szczyńśliwy wrocioł łon do dom
Zwiyrz żodyn go niy ucapioł

W Stanicy coś tyż inkszego prawiom
Jak chyńć mosz nagło na picie
To cie te wody wcale niy zbawiom
Na łodwrot - skończysz już życie

Rożnie godajom ło źrodła cudzie
We zocy ciyngym je majom
Niyjedyn bez to po woda pódzie
Choć możno yno jo bajom.

[broneknotgeld]

We Stanicy z Wielkim Szwortkym

We Stanicy dzisioj fakle
www.dziennikzachodni.pl/artykul/547833,wielki-ogien-w-stanicy-kolo-knurowa-to-plona-fakle-zdjecia,id,t.html
Wylyź na dwor niy bez jakle
Hajcnij wielko dość fojera
Jezus do cia idzie teraz.

[broneknotgeld]

Polom mietły!

Ano, z Wielkim Szwortkym sie mietły polyło
www.dziennikzachodni.pl/artykul/547833,wielki-ogien-w-stanicy-kolo-knurowa-to-plona-fakle-zdjecia,id,t.html
Tako we Stanicy łod wiekow dyć było
Dzisioj gospodorze po polach z tym łażom?
Ech, ponoć nojwyży we fojera wrażom.

[broneknotgeld]

Fakle znocie?
www.sferatv.pl/aktualnosci/ruda-slaska/3931-fakle-wielkanocny-ludowy-rytual.htmlPamiyntocie?

[broneknotgeld]

Żur żyniaty abo niy?
Coś Stanica ło tym wiy.
slonskogodka.com/sz/2013/07/01/ii-festiwal-zuru-w-stanicy/

[broneknotgeld]

Fakle jako zowdy
W Stanicy - naprowdy.
www.dziennikzachodni.pl/artykul/3407001,wielki-czwartek-w-stanicy-fakle-2014-zdjecia,id,t.html

Rudziniec

[broneknotgeld]

www.powiatgliwicki.pl/dokumenty.php?id=406&dzial=1312
Rudziniec se lasym chwoli
Godło take richtig woli.

[broneknotgeld]

Godło Rudzińca

Godło Rudzińca lasym porosto
Tako wom szkryfna terozki prosto.

[broneknotgeld]

Z autobany

Zwiydza se Rudziniec prawie z autobany
Dyć kusi mie zjechać jak widza te Łany.

Taciszów

[broneknotgeld]

Taciszow

Czym Taciszow w Polsce słynie?
-Dzwony robiom w ty dziedzinie!

[broneknotgeld]

200 rokow

Dwiesta rokow w ty rodzinie
Fach przezocny - niych niy minie
Kto Felczyński - ludwisorzym
Tako richtig wiela woży.

Widowo

[broneknotgeld]

Widowo

Fojermany słowiom sztela
To ci powiy kożdo frela
Jak se karnom po Widowie
Aże jom przeszywo mrowie.

[broneknotgeld]

Ze Rudzińca mało mom
Możno kedyś wiyncy dom.

Wielowieś

[broneknotgeld]

www.powiatgliwicki.pl/dokumenty.php?id=408&dzial=1314
Wiela wsi a jedna kosa
Toż ło wiyncy tukej prosza.

[broneknotgeld]

Wielowieś

Kosa w godle jest Wielowsi
Niy trza szukać kosy po wsi.

Powiatowe kamraty

[broneknotgeld]

Toż niyhersko by to było
Jakby rymow nom zbraknyło
Ło powiatach tych partnerskich
"Kreis" we kożdym kraju herski!

Powiat Freiberg

[broneknotgeld]

www.powiatgliwicki.pl/dokument.php?dzial=3188&id=4664
Freiberg kamratym
Prawie że bratym.

[broneknotgeld]

Toż kamratym "kreis" ze Niymiec
Sztama ze glywickim czimie.

[broneknotgeld]

Link na take rymy dom
forum.gazeta.pl/forum/72,2.html?f=28940&w=19671960
Przeca tu łod downa som
Rożne wontki czasym nyncom
Bestoż "Ślonsko fraszka Niymcom".

Hrabstwo Denbighshire

[broneknotgeld]

www.powiatgliwicki.pl/dokument.php?dzial=3190&id=4671
Walijsko sztela
Znaczy tu wiela.

[broneknotgeld]

Toż na walijski tekst dowom link
www.powiatgliwicki.pl/dokument.php?dzial=3190&id=4670
Jak żech poczytoł toch aże zmiynk.

[broneknotgeld]

Walijske hrabstwo kamratym tako
Toż trza mieć w zocy wszyskich jednako
Se zoglondnymy nojpiyrw w Walijo
Niy forsztelujcie co komedyjo.

Walia

[broneknotgeld]

Waljo niy Angljom - niy Waljom Angljo
Tako ta wyspa jest unikalno.

[broneknotgeld]

"Eisteddfod" - festiwal poezji walijski

Z niym co walijske durś se łodrodzo
Walijczyk z gowom we chmurach chodzo.

[broneknotgeld]

Czerwony smok

W herbie Cardiff smok takowy
Dyć we Walji łon niy nowy.

[broneknotgeld]

Normany

Tysionc lot minyło - łodeszli Rzymiany
W końcu zamek tukej stowiajom Normany
Co stoji do dzisioj choć z czasym sie miyni
Historio niy mijo dyć walijski ziymi.

Powiat Pucki

[broneknotgeld]

www.starostwo.puck.pl/starostwo/index.pl
Powiat Pucki na połnocy
Z morza biere wiela mocy
Tu gryfności jego wskoża
Niy łod dzisioj dyć se woża.

[broneknotgeld]

Puck ze Glywicami cuzamyn trza czimać
Yno niy mogymy przi tymu zaś drzymać.

[broneknotgeld]

Wiosna na humbaku do nos przipłynyła
forum.gazeta.pl/forum/72,2.html?f=35303&w=39369725&a=39669634
Choć zdo sie co ździybko se jednak spoźniyła.

[broneknotgeld]

"Rymowanki Powiatu Puckiego"

Choć po ślonsku naszkryflane
Przeca Ziymi Pucki dane.

[broneknotgeld]

"Zopucko"

Tako Kaszuby zwom Kympa Pucko
Dlo nich to zowdy było Zopucko.

[broneknotgeld]

Szczyńśliwo siodymka

Hel Jastarnia Kosakowo
Krokowa Władysławowo
Miasto Puck i tako "wioska"
Szczyńścio znojdziesz tu niytroszka.

[broneknotgeld]

Wielke Morze

Nad "Wielkim Morzym" dziedzina leży
Sami to wiycie - niy czeba wierzyć.

[broneknotgeld]

Szłoby we Pucku notgeld wystawić
forum.gazeta.pl/forum/72,2.html?f=28940&w=30472454&v=2&s=0
Ździybko radochy tym istnym sprawić
Przeca mom komplet "biletow" szteli
W dwudziestym roku łone tam mieli.

[broneknotgeld]

Powiat pucki -"infoeko"
www.infoeko.pomorskie.pl/powiaty/puck.htm
Zajta ta na ciebie czeko.

Kaszubsko sztela

[broneknotgeld]

Co kaszubske pucke tako
Toż niy bydzie ktoś tu krakoł.

[broneknotgeld]

Biblio po kaszubsku

Nowy Testamynt wydany majom
Teroz za Stary już se chytajom.

[broneknotgeld]

"Plińce"

Ze "plińcow" na Helu aże mie brzuch boli
Plackow kartoflanych - jak ktosik z wos woli.

[broneknotgeld]

"Dux Slavorum et Cassubie"

To miano Gryfici mieli łod Barnima
Kaszuby łostały choć princow już niy ma.

[broneknotgeld]

Kaszubom to dobrze

Kaszubow jest myni dyć dobrze sie majom
Łoni swoji godce ciyngym przeca pszajom.

[broneknotgeld]

Biskup Mirry

Mo biskup Mirry Kaszubow w pieczy
Niych se niy zdowo co yno dzieci.

--

Gbur

"Gbur" na Kaszubach to niy przezwisko
- Gospodorz dobry co czimie wszysko.

[broneknotgeld]

Smyntek

Tego djobła yno na Kaszubach znojdziesz
Dej pozor - niy dowej jymu swoji duszy
Bo do zatrocynio z niym poleku dojdziesz
Dyć w końcu do piekła som bydziesz chcioł ruszyć.

[broneknotgeld]

"Piekłe kro"

Łod fiszy ikra z cebulom razym
Niych se na maśle źdzybko przismaży
Potym posolić popieprzyć tyż
Dyć ze żymłami drapko to zjysz.

[broneknotgeld]

Kaszubski wontek
forum.gazeta.pl/forum/72,2.html?f=28940&w=25004645&v=2&s=0
Trza dać w tyn kontek

[broneknotgeld]

W końcu

Ponboczek w końcu stworzoł Kaszuby
Doł to co Mu sie łostało
Czowiek skiż tego tukej niy ruby
Dyć czy kto godo że - mało?

[broneknotgeld]

Niypobożny?

Niypobożny Kaszub bywo?
-Pewno yno richtig dziwok.

[broneknotgeld]

Hymn

Hymn Kaszuby tyż swoj majom
Dyć kaszubski ziymi pszajom.

[broneknotgeld]

Serce Kaszub

Kaj te serce kaszub bije?
Czy se w Kościerzynie kryje?
We Kartuzach - ktosik prawi
W Wejherowie tyż se jawi?

Se Kaszuby ło to wadzom
Dyć cuzamyn tyż paradzom
We tym przeca jejich gowa
Coby rzykać durś łod nowa.

[broneknotgeld]

Tabaka żołto

Niom kichol yno halany leko
Bestoż niyjedyn mocniejszy czeko.

[broneknotgeld]

Purtkowe krzipce

Purtkowe krzipce - purtkowe granie
Sie wybierecie w Kaszuby na nie?

[broneknotgeld]

Światowy Dziyń Latarniow Morskich
18.VIII.2013

W trzecio niydziela siyrpnia te świynto
Latarniom pszaja - bestoż jo wiym to.

www.facebook.com/events/555937844452251/
Piyrszy roz cosik na Ślonsku bydzie
Świynto latarniow drap tako przidzie.

Powiat Pucki - historyjo

[broneknotgeld]

Ostrowo (V tysionclecie p.n.e.)

Toz trza se cofnońć naprowdy wiela
Co archeolog przeca poradzi
Jego łopata łodkryła sztela
Czy ta nojstarszo? Idzie se wadzić

Dyć niych to bydzie - mie cołkym styknie
Wele Ostrowa zocne pradzieje
Tako zacznymy szkryflać tu piyknie
Ło ziymi kero se do nos śmieje.

[broneknotgeld]

W XII wieku

Puck kasztelańskim terozki grodym
We władzy princa gdańskego
Potrza Pomorzu siyły i zgody
Tyż mocny rynki do tego.

[broneknotgeld]

Przi cystersach

Ano przi cystersach już se Puck bogacioł
Osadom targowom dyć drapko łon stowo
Zdało sie princowi co dwor na tym stracioł?
-Tako za dziedzina Starzyno im dowo.

[broneknotgeld]

Puck 1309

Ze Pomorzym Gdańskim Puck w rynkach Krziżakow
Starosta rybicki we niym urzynduje
Sztela rosła dali - niy wadzioł w tym zakon
Przeca zamek tukej i mury rychtuje.

[broneknotgeld]

W krziżacki komturji gdański

W komturji gdański Puck znaczoł wiela
Tako tu za nich już wdycki
Toż jakby morza wachuje sztela
Tukej starosta rybicki.

[broneknotgeld]

W Prusach Krolewskich

Z pokojym toruńskim tako se już stało
Polska łodzyskała ze tym dyć niymało
Aż czi wojewodztwa- tyż przeca pomorske
Z cołkom Ziymiom Puckom kaj ryboki dziorske.

[broneknotgeld]

Za Zygmunta Starego

Ano krol polski myśloł ło flocie
Co na Bałtyku siyłom być miała
Ze kaprow tukej mioł trocha pociech
Potyngom morskom Polska se zdała?

[broneknotgeld]

Za Stefana Batorego

Gdańsk se krola niy chcioł słuchać
Flota pucko dyć łod czego?
Trza w gdańszczanach stympić ducha
I łod buntu łodwiyść tego

Ernest Wejher był starostom
Toż tam niyroz słoł okrynty
Choć Gdańsk zdobyć niy jest prosto
I Batory tyż niy świynty.

[broneknotgeld]

1635

Władysławowo Kazimierzowo
Na Helu rosnom tako dwa forty
Dyć ze tym rokym pokoj sie stowo
Koncept krolewski niywiela worty.

[broneknotgeld]

Starostwo pucke 1678

Już łod gdańszczan wykupiome
Juzaś cieszy łoko krola
Som starosta we koronie
Toż Jan III! -Co mom fulać?

Chcioł Sobieski czimać morze
Siyła w tym Rzeczpospolity
Blyszczy na Europy dworze
Dyć czy już łostanie przi tym?

[broneknotgeld]

Za Sasow

A dyć za Sasow było niyleko
I ziymia pucko zdało sie czeko
Choć Przebendowscy już jom czimali
Źle historyjo kulo se dali.

[broneknotgeld]

Puck 1808

Skiż reformy pruski czeba teroz ślintać
Ło downy świytności jako tu pamiyntać?
Starostwa już niy ma - grod zdoł sie za mały
Dyć tyż podupado poleku łon cały.

[broneknotgeld]

Kreis 1887

Ze tym rokym - to wom powiym
Puck zaś miastym powiatowym.

[broneknotgeld]

Port wojynny

Ano jak za krolow zaś Puck we tych szatach
Był we wolny Polsce dyć nojpiyrszym portym
Jak Gdynia urosła prziszły gorsze lata
Zdało sie co richtig myni tyn grod worty.

[broneknotgeld]

Powiat Pucki 1954-1975

Ano za komuny Puck zaś powiatowy
Ze tym we proficie - kożdy tako powiy
Se tu szporty wodne piyknie rozkulajom
A i wczasowicze ziymi pucki pszajom.

[broneknotgeld]

"Norda"

Czi gminy miejske a wiejske sztyry
We ziymia pucko niych niesom gyry.

Powiat Pucki

[broneknotgeld]

"Pucyfik"

Take miano żech roz słyszoł
Jak nad "Małe Morze" prziszoł.

Powiat Pucki - rajza

[broneknotgeld]

Z Choczewa do Pucka PKSym

Przez Lublewko na Puck jada
Tako rajza to parada
Wito mie krokowsko gmina
Przeca zocno tyż dziedzina.

[broneknotgeld]

Biołogora

We Biołogorze kościołek bioły
Chocioż malutki zdo sie wesoły.

[broneknotgeld]

Ferma

Ferma wiatrakow widać na prawo
Serce se cieszy toż szkryfna - brawo.

[broneknotgeld]

Brzyno

Cosik mi se przipomino
Karli my se przez te Brzyno
Tyż kapliczka na przistanku
Bydzie tako bez ustanku?

[broneknotgeld]

We Wierzchucinie

Krziż na rozstaju we Wierzchucinie
A dali juzaś kapliczka
Ze tym nom droga wesoło minie
Tako tyż śmiejom se liczka.

[broneknotgeld]

Stanoł we Lubkowie

Stanoł we Lubkowie
Wloz tam jedyn czowiek
Wystyknie za wszysko
Toż frela - zjawisko.

[broneknotgeld]

We Odargowie

We Odargowie kapliczka stoji
Jak inksze - sztoki mo dwa
Autobus wroco do drogi swoji
Na Puck dyć jechać nom trza.

[broneknotgeld]

Sulicice

Tukej zas kapliczka nowo
Yno "jednopoziomowo".

[broneknotgeld]

Zespoł Szkoł Ponadgimnazjalnych

Zespoł Szkoł znojdziesz we tym Kłaninie
Niychej rolnictwo tu niy zaginie.
-

Lipowom alejom

Lipowom alejom z Kłanina jedziecie
Za gminom Krokowa se tako znojdziecie.

[broneknotgeld]

Staro kapliczka

Staro kapliczka z cegły czerwony
Tako bogaci starzyńske strony.

[broneknotgeld]

Gnieżdżewo

Elektrownie wiatrowe na wietrze se kryncom
Za Łebczym znojdziecie - dyć wcale niy nyncom
Na konto Gnieżdżewa jo je porachuja
Bo już se terozki dziedzinie dziwuja.

[broneknotgeld]

Widać

Łoj - zatoka teroz widać
Toż we Pucku drapko byda.

[broneknotgeld]

Wybroł Sowizdrzoł sie na Kaszuby
Tam chcioł go zdybać roz purtek gruby
W nosie niy gmyroł
Fest za niym tyroł
Dyć drapci copnołby kogoś z Kuby.

Puck

[broneknotgeld]

Muzeum Rybołowstwa

Muzeum take na Helu szukej
Kaj piyrwyj kościoł tam teroz klupej
Nałdki dziwej tyż zabytkowe
Siedymset lot już pływoł tu czowiek.

[broneknotgeld]

Prastary Puck

Archeolog godo - Tyn Puck jest leciwy
Soldy bizantyjske przeca tukej znodli
Ze szostego wieku - toż naprowdy dziwy
Tako w historyjo głymboko aż bodli.

[broneknotgeld]

Puck 1348

Kasztelanio ze osady
A miasto w tym roku
Puck urosnoł niy skiż zwady
Yno "krok po kroku".

[broneknotgeld]

Morski pont

Na Pyjtra i Pawła tyn pont se łodbywo
Toż ze helskich portow łodzie wypływajom
Ze środka zatoki kuter pucki kiwo
I tako do portu cuzamyn wpływajom

Do fary na suma stond już cołkym blisko
Procesji chorongwi Puck se co rok dziwo
We świynto patronom kłoniajom sie nisko
Zowdy teroz tako we ty szteli bywo.

[broneknotgeld]

Prawiech był w Pucku - ździybko go znom
Fajno pamiontka ze tego mom
Tyn werk PZM tu kedyś mocny
-Kupiołch z ćwierćwieczo se medal zocny.

[broneknotgeld]

Pucki łodpust 1981

Tradycyjo downo
Z tym rokym se wroco
Procesjo szykowno
I zabawa nocom.

[broneknotgeld]

Puck 1.VII.1656 - 2006

Puck łoblygajom! Szwedom niy dować!
Do broni tako mieszczanom stować
Z morza i londu rady niy dadzom
I z historyjom dzisioj niy wadzom.

[broneknotgeld]

Do Pucka latoś musza zoglondnońć
I we te forum jakosik wprzongnońć.

[broneknotgeld]

Pucke starostwo

Na żołto-modro łobsztrajchowane
Ślonske kolory tyż take przeca
Toż jakby wele duszy mi dane
Choć z pomorskego ta sztela neca.

[broneknotgeld]

Ring łod stolyma?

Na kamyniu ring wielgi - zdo sie łod stolyma
Dyć niym ponoć morzu zaślubiono ziymia

Tabulka - toż widać niydowno to było
Jaszcze i sto rokow nawet niy minyło

Ze kamynia bolek drewniany wystowo
Na kerym i miano prymasa tyż stowo

W szejśćdziesiontym piontym po tym ślubie roku
Glymp zaś kropioł morze! Skuli "wojny" ćmoku?

[broneknotgeld]

Popiersie gen. Hallera

Paweł Fakowski pomnik fundowoł
Fyrma "Abruko" sponsorowała
Szwechowicz rzeźbioł - kunszt swoj w to dowoł
"Dlo Ciebie Polsko - na Twoja chwała".

[broneknotgeld]

Domb papieski

Bydzie łon Pucka tukej łozdobom
Portowi tako szczyńście prziniesie
Wiela ku tymu już teroz robiom
Tego winszować ty szteli chce sie.

[broneknotgeld]

Towarzystwo Upiynkszanio Pucka

Jest we mieście - tako wiycie
Sztela ze tym we proficie.

[broneknotgeld]

Leśniewo

Puszcza darżlubsko wszyndy dokoła
Toż i Leśniewo trza już prziwołać.

[broneknotgeld]

"Perła nad perłami"
www.miasto.puck.pl/index2.html
Zoglondnijcie sami.

[broneknotgeld]

Dyć mo Puck Rytro tyż za partnera
www.rytro.sacz.pl/
Tako wklejony tyn lik już teraz.

Partnerske Rytro

[broneknotgeld]

Rytro

W dolinie Popradu kaj Beskid Sondecki
Rytro we galotach - niy czimie sie kecki.

[broneknotgeld]

Zamek Teodora Świebodzica?

Prawiom co go wzniyśli z woli Świebodzica
Kerego pamiynto trocha okolica
Bo przeca paniskym był łon richtig możnym
Toż zamek na szlaku mog być nawet wożny.

[broneknotgeld]

Rytro 1385

Krolowa Jadwiga ze szacym dość starym
Jechała przez Rytro sie spotkać z Madziarym
We Spiszu sie ponoć wesoło witali
Szwager tyż w koronie toż zafajrowali.

[broneknotgeld]

Wcale to niy jakoś sztuczka
www.cieszyn.pl/
Cieszyn tyż partnerym Pucka.

[broneknotgeld]

Link kamrata tu znojdziecie
www.miasto.puck.pl/
Po to jest Internet przecie.

Partnerski Cieszyn

[broneknotgeld]

Zameczek w Błogocicach

Mieszcznin tyn dworek se tukej postawioł
Piastow i Habsburgów tyż łon wiela bawioł
W końcu Stonawskiego sztela już to była
Jakby na wiedyński sznit se łodszczelyła

Za komuny przeca upadło to wszysko
Jakby z tego było jakeś dziwowisko
Przi Joannie Mikarz zaś blasku nabiyro
Coby był przezocny to chyńć jeji szczyro.

[broneknotgeld]

Ratuszowy zygor

Stanoł zygor na ratuszu. Cisza - nic niy bije
Dyć zarozki cieszyniokom źle sie jakby żyje
Burgemajster spać niy może - wielgo mo utropa
Trza do tego czasomierza pryndko wołać chopa!

Kaj Legierski? Jezusiczku - "brackego" za wiela
Zaroz cisza nom pobudzi cołko miejsko sztela
Czy zygormistrz już na szłapach? Wsodźcie go pod brałza!
Niych na wieża potym leci ta pierońsko łajza!

Ło jeronie! Burgemajstra rozbolała gowa
Zaroz - cosik jakby słyszy. Bije zaś łod nowa!
Toż ludziska - spoko teroz. Idzie dali grzeszyć
Cieszyn jest uratowany! Trza sie nom fest cieszyć!

[broneknotgeld]

Seledynowo Studnia Czech Braci

Niy wszyskim "nowy" kolor sztimuje
Dyć przez poł wieku czorno durś była
Cieszyn terozki deliberuje
W "zielonym" przeca nadzieji siyła!

Nikerzy jednak jakby po troszku
Chcom być "princesom na ziorku groszku"

[broneknotgeld]

W Ślonskim Zamku Kunsztu i Gyszeftu

Chcom wszyskim pokozać jak cieszynki robić
Toż to bydzie richtig zocny Cieszyn zdobić.

[broneknotgeld]

Jezusowy "kościoł łaski" w Cieszynie

Jest "kościoł łaski" w zocnym Cieszynie
We tym uciecha kero niy minie
Dyć co sie dzieje tam z łorganami?
Łod lot se mynczom ze kornikami
Tako trza bydzie remont im zrobić
Dołożyć blasku - niy drapko dobić
Choć to kosztuje toż przeca wiycie
Z jejich muzykom miasto w proficie.

[broneknotgeld]

Jarmark Ksionżyncy -XIV-XVII w.
"zamkowe Spotkania z Historiom"
1-2.07.2006 Wzgorze Zamkowe

Tako wyrychtujom na wzgorzu zamkowym
Pewno se pojawi tam i princ takowy
By juzaś porzońdzić tom cieszyńskom sztelom
Humorym mieszczanom jak kwapym pościelom.

[broneknotgeld]

Euroregionym stond reskiyrujom
forum.gazeta.pl/forum/72,2.html?f=28940&w=44175531
Na euro bardzi przez to rachujom.

[broneknotgeld]

Cieszyn 810

Sie Bolko z Cieszkym tako i Leszkym
Naprowdy wiela cieszyli
Tako we trojka poczyńśli mieszkym
Grod drapko tu postawiyli.

[broneknotgeld]

Cieszyn 1920

Choć Olza piyrwyj przeca łonczyła
Teroz granica to podzielyła
Polski po jedny Czeski po drugi
Tako już łod sia przez czas dość dugi.

[broneknotgeld]

Wieża Piastowsko (XIV w.)

Z downego zamku se nom łostała
Historio tako jyj to szkryflała
Dzisioj nos cieszy punkt widokowy
No i w tym szczyńście że łon niy nowy.

[broneknotgeld]

Ksionżnica Cieszyńsko

Tu nojcynniejsze w cołkim regionie
Som starodruki - tako niy koniec
Bo historyjo we nich spisano
Potomnym ze tym na zowdy dano.

[broneknotgeld]

Plac Tyjatralny

Prawiom co rynek tu był Cieszyna
Toch se zabłonkoł na ta dziedzina
I tyjatrowi tyż podziwowoł
Bo przeca w łoczach mi tukej stowo.

[broneknotgeld]

Kościoł Jezusowy XVIII w.

Wangelicki kościoł w tym zocnym Cieszynie
Podobnoś nojwiynkszy we polski dziedzinie
Szejść tysiyncy wiernych gynau łon pomieści
Kierzy tu we sercu Jezusa chcom pieścić.

[broneknotgeld]

Kościoł Maryji Magdalyny (XIII w.)

Na Dominikański świontynia znojdziecie
Ze czasow piastowskich ciyngym blyszczy przecie
Princ Przemysław Noszak tu mo tumba swoja
-Cieszyńsko Mateczko niychej trwo cześć Twoja.

[broneknotgeld]

Cieszyńske trasy

Dlo wandrusow co na kole
Abo tym szłapcugym łażom
Tras tu wiela - niych dziedzina
Tako se pozwiydzać ważom.

[broneknotgeld]

Nawet jak se rymym grzeczy
To tyż przeca CIeszyn cieszy.

Jastarnia

[broneknotgeld]

"Borowsko Bliza"

W Jastarni-Borze łona stanyła
Geld prawie słali z Francyji
Szifom pomocno w tych czasach była
Z niom myni tu tragedyji.

[broneknotgeld]

"Borowsko Bliza" 1939

Szkoda wieży
Już szpryngniono
Zdo sie Polska
Ze tym kono.

[broneknotgeld]

Bliza na Gorze Szwedow 1936

W ty szeli tako latarnio drugo
W czidziestym szostym stanyła
Ze tym "Borowsko" już nom niy mrugo
Ta przeca jom zastompiyła.

[broneknotgeld]

Co łostało?

Niy cołkym wieża zdemontowali
Toż niyciekawe świadectwo dali
Zdo sie to straszyć dzisioj w ty szteli
A możno tako mieć tukej chcieli?

[broneknotgeld]

Jedna łostała

Ze sztyrech blizow jedna łostała
Czy ta Jastarnia pecha z tym miała?

[broneknotgeld]

"Róża Wiatrów"

We "Róży Wiatrów" rybok to prawioł
Co piyrwuyj richtig czyńści tu bawioł
Dyć z kozdym piwym razym wypitym
Mi sie zdowało jakbych był przi tym.

[broneknotgeld]

Merki w Jastarni

Toż przez wakacje geld swoj tu majom
Merkym go tako dyc nazywajom
Ryboki merkym sprzynt swoj znaczyli
Teroz piniondze take wybiyli.

[broneknotgeld]

"3 merki"

Nominał jedyn a we wymianie
Rowno trzi złote za to dostaniesz.

[broneknotgeld]

Kurde bele - sie dziwuja
www.dziennikzachodni.pl/artykul/3317578,niesamowite-zjawisko-lodowe-kule-na-plazy-w-jastarni-zobacz-wideo,id,t.html
Dyć kulami tyż raduja.

Hel

[broneknotgeld]

"Stary Hel"

W downych wiekach miasto bogate tu było
Dyć sie im we grodzie coś za dobrze żyło
Tako rozpuściyli se richtig miyszczanie
We gowach już yno ciyngym używanie

Toż morze ich srogo za to pokorało
W jedna noc "Hel Stary" se do sia zabrało
Setki rokow przeszły - zapomnieć niy idzie
Przi Zielonych Świontkach wspomnisz ło ty biydzie

Miasto sie we morzu wtedy ukazuje
Dyć borokym rybok kery zanurkuje
Widokym skuszony ty mokry dziedziny
Ponoć już na zowdy łostanie tam driny.

[broneknotgeld]

Na Hel

Na Hel z deskom i żagelkym
Przi wiaterku choć niywielkim
Tu dlo windsurferow raj
Prawiom co te morze - naj!

[broneknotgeld]

Hazardzistom

Bałtyk hazardzistom służy
Trza mieć szczyńście by se użyć.

[broneknotgeld]

Kaszubsko prażnica

Smażonka na alu
Zdo sie żeś na balu
Aż chce sie tańcować
I frelkom coś dować

[broneknotgeld]

Fokarium w Helu

Łostatnie foczki tu sie łostały
Dyć piyrwyj jejich Bałtyk był cały
Możno im jeszcze czas taki przidzie
Co morze domym na powrot bydzie.

[broneknotgeld]

"Ksyne z pulkami"

Kartofle w mundurkach i flaki ze ala
Krucafuks - coś zaroz przi tymu łobala.

[broneknotgeld]

"Stary Hel"

W downych wiekach miasto bogate tu było
Dyć sie im we grodzie coś za dobrze żyło
Tako rozpuściyli se richtig miyszczanie
We gowach już yno ciyngym używanie

Toż morze ich srogo za to pokorało
W jedna noc "Hel Stary" se do sia zabrało
Setki rokow przeszły - zapomnieć niy idzie
Przi Zielonych Świontkach wspomnisz ło ty biydzie

Miasto sie we morzu wtedy ukazuje
Dyć borokym rybok kery zanurkuje
Widokym skuszony ty mokry dziedziny
Ponoć już na zowdy łostanie tam driny.

[broneknotgeld]

"Hael"

Dlo Duńczyka to był - hok
Niym Hel w miejskość zrobioł krok.

[broneknotgeld]

"Gyńsi kark"

Pedzioł mi na Helu smark
Co mo gowa gyńsi kark.

[broneknotgeld]

Na prawie lubeckim

Na prawie lubeckim miasto Hel stanyło
We ksiynstwie pomorskim dyć cosik znaczyło
Już piyrwyj osada Wikingi tu znali
Dyć wyglondo na to co miano jyj dali.

[broneknotgeld]

W średniowieczu

W średniowieczu na śledziach tyn Hel se bogacioł
Tran tu wytopiali - tyż na tym niy tracioł.

[broneknotgeld]

Nowo Hela 1430

Z tym rokym zyszczy już miejske prawa
Dwie Hele w kupie - to ci zabawa.

[broneknotgeld]

Nowo Hela 1572

Łogyń trowi Nowo Hela
Niy podźwignie se już tela
By ty Stary wlyźć w parada
Z tym niy grozi tukej zwada.

[broneknotgeld]

Hel 1872

Czista lot lymu pożar Hel trowioł
Aże do teroz purtek go dowioł
Toż prawa miejske z tym rokym stracioł
Tako uciyrpioł a niy wbogacioł.

[broneknotgeld]

Bliza piyrwyj?

Jeszcze niym tu piyrszo bliza zaświyciyła
Zapolali łogyń na wieży kościoła
Mozno sie skiż tego świontynia spolyła
Szify za daleko by na pożar wołać.

[broneknotgeld]

Helsko bliza 1667

Staro bliza wypolono - nowo wnet stowiajom
Niychej w nocy i ryboki na Hel se wrocajom.

[broneknotgeld]

Bliza 1826/27

Ano już bliza jest murowano
Przeszło styrdziści metrow dźwigano
Blask ze niyj lecioł mil siedymnoście
Łolyj z rzepoku polom jyjmoście.

[broneknotgeld]

Bliza 1926

Łolyj ze rzepoku na nafta zmiyniyli
Ciekawe czy dali ze tym zablyńdziyli.

[broneknotgeld]

Bliza 1942

Dziesiyńć metrow łod ty stary
Nowo bliza teroz stowo
Dyć to niy som jakeś czary
Wcale se nom to niy zdowo.

[broneknotgeld]

Hel

Na samym końcu "łogona krowy"
Hel se nom zicnoł - niych kożdy to wiy.

[broneknotgeld]

Sie kończy

Sie "krowi łogon" kończy tym Helym
Jako zolyty winny weselym.

[broneknotgeld]

Dziwa prawiom

Richtig prastaro osada była
Dziwa tu ło niyj dyć prawiom
Ponoć jom richtig woda zemyła
A duchy durś se z niyj jawiom.

[broneknotgeld]

Łod Balbina

Łod Balbina se zaczyło
Foka tu wykurowali
Tako jom przizwyczjyło
Że i ańcla tyż prziznali.

[broneknotgeld]

"Heel" - piekło

Dlo Wikingow piekło richtig zimnym było
Możno stond se miano dziedziny nom wziyło.

[broneknotgeld]

Estonki

Czi foki z Estońji na Hel przipłynyły
Zdo sie z tym do życio jakby powrociyły
Tako Ania Ewa no i tyż Agata
Cieszom tukej wszyskich niy yno skiż lata.

[broneknotgeld]

400 tysiyncy

Co roku łodwiydzo sztyrysta tysiyncy
Te helske fokarium - pewno je to mynczy.

[broneknotgeld]

Skuli ciebie

Jeszcze z poczontku łońskego wieku
Siwych fok wiela tu żyło
Dyć skuli ciebie przeca czowieku
Chnet cołkym se to skończyło.

[broneknotgeld]

Wiela?

Wiela modych foczek we Bałtyk puściyli?
Pewnikym dokładnie se to policzyli
Zdałoby se wiedzieć dyć łopytać - kogo?
Czy to tajymnica jakosik jest srogo?

[broneknotgeld]

Kaj "krowski łogon" poszpacyrujom
www.gazetakaszubska.pl/19649/bity-ze-stradu-kaszubskie-zwyczaje-na-helu
Pewno przi tymu tyż uradujom .

Rozewie

[broneknotgeld]

Rozewie

Już we średniowieczu światło tu blyszczało
Droga tym na morzu tako wskozywało
Cosik ło tym przeca Kaszuby godajom
Choć dowodow na to szkryfnionych niy majom.

[broneknotgeld]

Drugo bliza rozewsko

Jak już we Czołpinie bliza postawiyli
To i na Rozewiu drugo zbudowali
Terozki se blaskym jejich niy mylyli
Przeca skuli tego wszysko zdublowali.

[broneknotgeld]

Bliza Wzorków 1920-1985

Tu familijo Wzorków se czimie
Yno bez wojna inaczy
We jejich ryncach bliza niy drzymie
I na Pomorzu coś znaczy.

[broneknotgeld]

Rozewske buki

Durś chcom zasłonić światło ty blizy
Bestoż se rosnom coroz to wyży
Ty historyji pewno niy znocie
Tako dyć ło tym tu poczytocie

--------------------------------

We czas "potopu" wszysko se dzioło
Jak Szwedy tukej wylondowali
Niy było w Polsce richtig wesoło
Wiela jyj przeca niyszczyńścio dali

Po blisku Puck se pierońsko bronioł
Wojska szewdzkego było tu wiela
Dyć jedyn oddział tukej zagonioł
Kaj latarnika wtedy już sztela

Z blizy jak zowdy szło światło w morze
Istny swojego fachu pilnowoł
Ze tym niyszczyńście prziszło - moj Boże
Toż se im borok wrogym wydowoł

Blask blizy mog być nawet sygnałym
Kery by wysłoł jakiś łodsieczy
Na nic se jego godki im zdały
-Co trza go nawet przeca ty keczy

Toż rapierami chopa zażgali
Na łoczach lipsty co jymu pszoła
Z tym klontwa jeji na siebie brali
Srogo bo przeca śmierć jom łogrzoła

Tako jak stoli w drzewa już miyniom
Liście ze palcow bukowe rosnom
Szłapy se w ziymi drapko korzyniom
Do dzisioj szumiom ło tym ze wiosnom

Światło laterny durś chcom zadusić
Podobnoś wtedy klontwa złomano
Dyć czy zło w dobro idzie łobrocić?
-Deliberuja nad tym co rano.

[broneknotgeld]

Muzeum Latarnictwa

Dyć te muzeum tu tyż znojdziecie
Bestoż trza zwiydzać ta sztela
Blizow we Polsce trocha jest przecie
Dowiysz se ło nich tu wiela.

[broneknotgeld]

Rozewie 1978

Cylindra se dorobiyła
Łoziym metrow podźwignyła
I laterna cołkym nowo
To niy yno mie sie zdowo.

[broneknotgeld]

Pomorski zobytek 1972

W registrze zobytkow pomorskich znojdziecie
Tako dlo potomnych trza łostawić przecie
Choćby i wygasła - ze Rozewiym bydzie
Na zatrata nigdy niych istno niy przidzie.
-

[broneknotgeld]

Rozewie satelitarne

Tako w Rozewiu jako w Dźiwnowie
Mo satelita blizy we "gowie"
Niy yno szify ze tym znojdziecie
Świat w przodek leci bo ciyngym chcecie.

Osłonino

[broneknotgeld]

Piwo z Osłonina

Downiyj tyn majontek skiż biyra tyż znali
Lepsze łod angelskich - tym se dziwowali
Dyć Anglik dwor czimoł - zwali go Gibsone
Toż "słońce ze chmielu" było tu warzone.

[broneknotgeld]

Legynda z Osłonina

Kaj wysoki brzeg jest ty Pucki Zatoki
Ponoć śpiom we zbrojach kaszubske wojoki
Kedyś se łobudzom - na Gdańsk pokerujom
Czas jeszcze niy prziszoł - Kaszuby to czujom

Rycerze to przeca pomorskego ksiyńcia
Co chcom być świodkami regionu poczyńcia
Kery choć przi Polsce tyż som by sie rzońdzioł
I niy skiż wszyskego we Warszawie błońdzioł.

Rzucewo

[broneknotgeld]

Rzucewo Wejherow

Ernest Wejher kupioł - Jan erbnoł po fatrze
Zamek i aleja lipowo skiż niego
Historyjo przeca tego już niy zatrze
Majontek ze klucza był wejherowskiego

Zaś Jakub z Wejherow - pan na swojim grodzie
Se łod Radziwiłłow wzioł za ślubno frela
Toż po śmierci jego Rzucewo we rodzie
Tym litewskim było chocioż małowiela

[broneknotgeld]

Rzucewsko aleja

Marysiyńka Sobiesko czista lip sadziyła?
Niy ma sie co wadzić - prowda inkszo była.

[broneknotgeld]

Pałac w Rzucewie

W Rzucewie łod nowa pałac trza budować
Architekt z Berlina styl Tudorow doł
Do dzisioj se tymu idzie fest dziwować
Bo przeczimoł wojny - szczyńście take mioł.

[broneknotgeld]

"Zamek Jana III Sobieskiego"

Piyknie kajsik dzwoni - dyć w kerym kościele?
Pałac łod Belowow wziyli we hotele.

Celbowo

[broneknotgeld]

Redeneckerowie

W Gdańsku na piwie zbiyli majontek
Choć niy był we tym jakiś wyjontek
Tyż skuli tego - tako se zdowo
Pryndko kupiyli tyn dwor Celbowo.

Sławutówko

[broneknotgeld]

Stary Młyn

Młyn na Gisdepce łod von Belowa
Jakby pod ziymia chcioł se już schować
A przeca piyrwyj ciyngym mloł zboże
Co ze niym bydzie? -Przidać se może.

[broneknotgeld]

Gustaw von Below (1855-1940)

Toż na bezrok bydzie sto piyńdziesiont lot
Jak muter rodziyła a fater był rod
We młodości wiela karlus sztudiyrowoł
Potym w dyplomacji pruski "arbajtowoł"

Ambasadorowoł przeca we Lizbonie
Tako samo w Sofii choć na tym niy koniec
Przeca w Watykanie potym dali służoł
Niym pomarł to jeszcze coś von Below użoł.

Władysławowo

[broneknotgeld]

Ścieżka rowerowo

Z Chałup do Juraty przejedziesz na kole
Dyć ścieżka pociongnom do Władysławowa
Zic cie niy umynczy - rowno jak na stole
Burgemajster Drzeżdżon dowo za to gowa.

[broneknotgeld]

14 plaż we gminie

Władysławowo plażami słynie
Znojdziesz kajś wiyncy w polski dziedzinie?
We samym mieście przeca aż sztyry
Toż tam pewnikym zatoplosz gyry.

[broneknotgeld]

Ze wsi miasto

Wielko Wieś tu piyrwyj była
Niym sie w miasto łodmiyniyła.

[broneknotgeld]

II.1920 Wielgo Wieś

Generał Haller tyż tu ślubowoł
Polska z Bałtykym tako kuplowoł
Ciekawo porka dyć wiycie przeca
Szajdong niy tropi kej plażom leca.

[broneknotgeld]

Skiż pułkownika Bagińskiego

Oficyjerowi Armji Jasnomodry
Tyn kont z nowa polski wydowoł sie szczodry
Geld mioł toż hektorow tu kupioł dość trocha
Ano - toż terozki cołkym "jego brocha".

[broneknotgeld]

Hellerowo

Bagiński co jego drap tako mianowoł
Gyszeft dyć wypoloł i letnisko stowioł.

[broneknotgeld]

Władysławowo

Niym se drugo wojna tukej rozkulała
Wielgo Wieś już miano cołkym nowe miała.

[broneknotgeld]

Władysławowo 1963

Ze gminy miasto - tako już wiycie
Kulać inaczy zdo szteli życie
Skiż turystyki drapko rozkwitnie
Szczyńściym rybokow cołkym niy wytnie.

[broneknotgeld]

Za Gierka w modzie

Dyć niychej dzisioj wos to niy bodzie
Władysławowo za Gierka w modzie
Choć fiszow łowiom durś tukej wiela
Skiż wczasow sławno bardzi ta sztela.

[broneknotgeld]

Władysławowo XX/XIX w

Na przełomie wiekow, tako tysioncleci
Zdo sie co tyn kurort aże wiyrchym leci
Plażow niy brakuje, zbytkow tyż dość wiela
Chcesz sie poużywać zoglondniesz w ta sztela
We sezonie luda richtig wiela gości
Znojdziesz cosik dlo sia, niy łodjedziesz w złości.

[broneknotgeld]

Władysławowo 1963-2013

Tako "Abrahama" miasto zafajruje
Poł wieku z prow swojich sie przeca raduje
Piyrwyj wioskom było - Wielgo Wieś jyj miano
W Polsce port rychtujom zdo sie jako wiano
Ze portu dyć przeca już "Władysławowa"
Mo siyła by dzwigać sie ciyngym ze nowa
We komunie przeca jako "raj ryboka"
Kery z czasym łazi tyż we inkszych zokach
Dzisioj kurost - zdo sie letnikow stolica
Rozkwito w sezonie cołko okolica.

[broneknotgeld]

Na Abrahama

Na Abrahama radości wiela
Kej Abrahama - chlapna za sztela.

[broneknotgeld]

Dom Ryboka

Socrealizmu mustrym stowiany
Jako latarnio portowi dany
Toż niych niy dziwo wieża wysoko
Wluźcie tam coby radować łoko.

[broneknotgeld]

Stolica fiszy

Stolica fiszy - czy jest? Czy była?
Władysławo wpiyrw brało siyła
Ze portu, z kutrow, z rybokow sieci
A jako dzisioj ty szteli leci?

[broneknotgeld]

Cyntralny Ośrodek Szportu

Blysło szportym tu Cetniewo
Szło już w prawo czy we lewo?
Komu olimpiada marzy
Mozno ibong tu przidarzy.

[broneknotgeld]

Aleja Gwioz Szportu

Ano - łod kościoła sie ciongnie ku plaży
Niyjednymu gwiozda na niyj mieć dyć marzy.

[broneknotgeld]

Festiwal szportu

W czas siyrpniowy ta impreza
Trefisz gwiozdka szportu? -Wierza
Kej aleja swoja majom
Szteli ty niy darmo pszajom.

Rekowo

[broneknotgeld]

Pałac w Rekowie

Niyherski dzisioj tyn pałac tukej
Piyrwyj z niym tako niy było
Na przedwojynno kartka pokukej
Blyszczoł w Rekowie aż miło.

Mechowo

[broneknotgeld]

Mechowo 1300

Radysław z Darżlubia - toż se niy wydowo
Cystersom oliwskim sprzedoł te Mechowo
Tako z historyjom sie wioska witała
Wieki fest kulały a łona durś trwała.

[broneknotgeld]

"Z pruskego muru"

Z pruskego muru świontynia drugo
Możno niy stoła tyż tukej dugo
Opat Rybiński tym se fest wsławioł
Że czeci kościoł tukej wystawioł.

[broneknotgeld]

Mechowski dwor

Piyrwyj pewno był we krasie
Zaniydbany ło tym czasie
Po von Bronke dyć erbniony
Tako dzisioj podniszczony.

[broneknotgeld]

Ksiondz kanonik Bolesław Witkowski

Richtig dugo istny był tu za farorza
Możno skuli tego Bolkow teroz wiela
Posłowoł łon nawet - se szkryfnońć łodwoża
W czasach kedy prusko była cołko sztela.

[broneknotgeld]

Jan Dzieżdżon 1937-1992

Donatowo go witało - Mechowo żegnało
Dlo wypszony Ziymi Pucki zrobio łon niymało
Zdo sie jako "krol kaszubski" bogactwo łostawioł
Dziynki niymu cołki Polsce tyn region se jawioł.

[broneknotgeld]

Darżlubske Buki

Rezerwat taki kaj wieś Mechowo
Buk co mo sto lot tu niych se schowo.

Krokowa

[broneknotgeld]

Krokowa

Czornym szlakym z "Grot Mechowskich"
Trefisz tukej kaj Krokowskich
Ciyngym stiji gryfny zamek
Nogi niesom cie tam same.

[broneknotgeld]

Krokowa 1285

Grodek rycerski Crockau tu mioł
Z wsi nałokoło tyż cosik broł.

[broneknotgeld]

Szkryflom prawie ze Halymby
Niy łopoloł żech fest gymby
Słonko glacy niy spolyło
Tako nad tym morzym było

Dyć żech zwiydzioł nowo gmina
Wpiyrw Krokowow to dziedzina
Teroz w puckim jest powiecie
Ech - Krokowa gryfno przecie!

Ło niyj rymym szrajbnołch cosik
Tako swoj dołożoł grosik
Do promocji zocny szteli
Możno czytać bydom chcieli.

Żarnowiec

[broneknotgeld]

Szkoła we Żarnowcu 1909-2009

W sto rokow szkoły wesołe lica
Łodrestaurujom downo tablica?

[broneknotgeld]

Leśniewo

Puszcza darżlubsko wszyndy dokoła
Toż i Leśniewo trza już prziwołać.

Leśniewo

[broneknotgeld]

Leśniewo

Tako żech mioł szkryfnońć wyży
Jako teroz jest już niży.

[broneknotgeld]

Kościoł w Leśniewie 1892

Toż wangeliki go budowali
Tref tako sie kulnoł tukej
Że katolikom służy łon dali
A protestantow kaj szukej?

[broneknotgeld]

TOW "Gryf Pomorski" 1941

"Gryf Kaszubski" ciongnie inksze zbrojne grupy
Terozki w "Pomorskim" cuzamyn do kupy.

[broneknotgeld]

Domatowo

Domatowo jezioro swoje mo we zocy
Bielawa zodziwi dyć niyjedne łoczy
Kaj łabońdź se lyngnie wyspa tam znojdziecie
Niy z biołości ptoka te miano jest przecie.

Domatowo

[broneknotgeld]

Kaj "bielawy"?

Bielawy tam zowdy kaj smok pod ubity
Torfowisko przeca ze bestyji juchy
Z sierści mech se robi richtig drapko przi tym
Dyć czy sie tu znodli kedyś take zuchy?

Potworowi łoni mogliby dać rady
Co ponoć i łogniym bor darżlubski poloł
Ło to roz Kaszuby wziyli se do zwady
Joch widzioł stolyma - bestoż żech ich smoloł.

[broneknotgeld]

Smyntek djobłym

Djobła nikerzy w niym dzisioj widzom
Tako sie jego naprowdy wstydzom
Tam kaj niywola łon sie pojawio
I jeszcze wiyncy utropy sprawio.

[broneknotgeld]

"Dutki ziemskie brzeskie" 1402

Piorym łod Kaszuby te "akta" szkryfnione
Widać w nich zaczontek dyć przeca niy koniec
Ty godki kaszubski w tutejszy dziedzinie
Toż łona na wieki im tako niy minie.

[broneknotgeld]

Świecino

[broneknotgeld]

Świecino 1281

Cysterki z Żarnowca erbły te Świecino
Tako jejich teroz ta wioseczka ino.

[broneknotgeld]

Świecino 1462

Toż zapisało sie w historyji
Dunin Krziżakow pobioł na gowa
Bo choć z tym było wiela mecyji
Tu huf mocniejszy powonioł trowa.

[broneknotgeld]

Świeciński dynkmal 1962

Piyńćset lot minyło jak bitwa tu wrała
Strona polsko słabszo dyć Krziżakow bije
Dynkmal wystawiony bo pamiyńć łostała
Ziymia historyji swoji tyż niy kryje.

[broneknotgeld]

"Bożo Stopka"

Jest taki kamyń wele Świecina
"Anielskom Stopkom" tyż zwany
Toż prawi ło niym cołko dziedziny
Co z Boży łaski jest dany.

Wierzchucino

[broneknotgeld]

Cosik mi sie przipomino
Chnet z rocznicom Wierzchucino
Toż na bezrok pewno przidzie
Wiela fajrowanio bydzie.

[broneknotgeld]

Wierzchucino 1257

Princ Świyntopełk klasztorowi ta wioska nadowo
Sie Żarnowiec z tym bogaci - do świytności stowo
Wierzchucina historyjo ze tym zaś zaczyno
Tako niychej i rym ślonski ło tym przipomino.
--

Ano trza

W krokowski gminie te Wierzchucino
Trza ło dziedzinie coś szkryfnońć ino.
--

Wierzchucino 1257 - 2007

Trzi ćwierci tysionca rokow już istnieje
Toż niy trza se wadzić ło te downe dzieje.

[broneknotgeld]

Wierzchucino - 750-lecie

Na gyburstag niy prosiyli
Dyć fajeru mi niy trzeba
Historyjo - moji mili
Zdo sie jako konsek chleba.

[broneknotgeld]

Wierzchucino 1363

Se prawym chełmińskim już dziedzina rzońdzi
Toż zdowo se lepsze i myni z tym błońdzi.

[broneknotgeld]

Wierzchucino 1772

Sekularyzacjo - krol dekret wydowo
Tako z nowym panym Wierzchucino stowo
Skarb pruski chnet folwark tyn puści w dzierżawa
Kto majontek chyci? -Kedyś wom wyjawia.

[broneknotgeld]

Kaplica świynty Rozaliji

Niychej cie tam wiedom kroki
Toż kapliczka na trzi sztoki
Z niyj patronka patrzy z troskom
Dali Jom nad Matkom Boskom
Sygnaturka zaś nojwyży
Szworty września zdo sie bliży
Zas przed nocom se rozdzwoni
Mor ze Wierzchucina goni?!

[broneknotgeld]

4.X. godz. 20.00

Do świynty Rozali we tyn dziyń spiywajom
Łod połtoryj wieku we zocy jom majom
Toż ze Wierzchucina łodeszła cholera
Skuli jeji wsparcio - szkryfna tako teraz.

[broneknotgeld]

Gimnazjum we Wierzchucinie

Toż Wierzchucino zdo sie dość mocne
Majom gimnazjum richtig tu zocne.