Naszo godka

[broneknotgeld]

Skiż Dnia Ksionżki
Ślonske konski
wiadomoscirudzkie.pl/aktualnosci/zobacz/1898

[broneknotgeld]

Toż sie dzioło
zgpiekary.pl/ii-swieto-slaskiej-godki-2013/
Tyż wesoło.

[broneknotgeld]

Pszociel zowdy miyłośnikym
Dyć kuknijcie tam choć blikym.

www.wiadomoscirudzkie.pl/wiadomosci/rozrywka-i-kultura/oto-kolejni-przyjaciele-slaskiej-godki,9790

[broneknotgeld]

"Szczyńść Boże" sie straci?
www.dziennikzachodni.pl/artykul/878634,szoltysek-slaskie-szczesc-boze-na-powitanie-warszawianka,id,t.html
Ponboczek "zapłaci"?

[broneknotgeld]

Kej ciekawe
dom tu prawie
www.facebook.com/stefan.gluck.1/posts/494812413918426

[broneknotgeld]

Przed rokym tako
www.dziennikzachodni.pl/artykul/569827,za-uznaniem-jezyka-slaskiego-stoi-silna-reprezentacja,id,t.html
Ciyngym jednako?

[broneknotgeld]

XIV Zeflug Pszocieli Ślonski Fraszki i Rymowanki

Zdjyńcia som - powspominomy
plus.google.com/photos/118282640143805274037/albums/5881269642490340465
Po to tyn link tukej momy.
plus.google.com/photos/118282640143805274037/albums/5882392957693260849

[broneknotgeld]

Godka dlo Ślonzoka - życie
www.facebook.com/GodceNaszy
Toż pewnikym polubicie.

[broneknotgeld]

Ech, Głubczyce!
opole.gazeta.pl/opole/1,35086,14059476,Pokazali_nasza_najcenniejsza_ksiege__WIDEO__ZDJECIA_.html
Co powiycie?

[broneknotgeld]

Cosik kupluje, cosik już dzieli
Niy wszyjscy wniosek podpisać chcieli?
www.nowiny.rybnik.pl/artykul,31555,do-rady-europy-wplynie-dzisiaj-wniosek-napisany-po-slasku.html

[broneknotgeld]

Plura godki fest sie trzimie
www.dziennikzachodni.pl/artykul/974784,top-10-najglosniejszych-ludzi-slaska-1-duda-2-pieta-3-gorzelik-ranking-dz,2,7,id,t,sm,sg.html#galeria-material
Tak czy siak - Rolwaga drzymie.

[broneknotgeld]

Petycjo Ślonsko

Czy petycjo tam poleci?
www.facebook.com/events/630823456948141/
Co tref godce z tym ukleci?

[broneknotgeld]

Jeszcze niy ma za niyskoro
www.nowiny.rybnik.pl/artykul,32914,oberschlesien-8211-tu-gdzie-sie-spotkalismy.html
Ślonsko dusza zdo sie choro
Dyć durś grzeje
-Sie łośmieje
I zawoło - "Stroć sie zmoro!"

[broneknotgeld]

Pokonferujom, pokonferujom
Czy ślonsko godka tym rozszwyngujom?
Mie co w Warszawie
Niy tropi prawie
Kej po naszymu limerykujom.
www.kaszubi.pl/wydarzenia/wydarzenie/id/521

[broneknotgeld]

Link tukej prziszpyndlikuja
katowice.gazeta.pl/katowice/1,35063,14969134,Znamy_najdluzsze_slaskie_slowa__Maja_po_24_litery.html
Godkom naszom durś raduja.

[broneknotgeld]

We rok welunku sie łobudziyli?
Richtig we końcu coś spokopiyli?
Mi zdowo - niy
Dyć kto ich wiy?
Głosy Ślonzokow bydom traciyli?

www.dziennikzachodni.pl/artykul/3413925,slaski-jezykiem-czy-gwara-sejmik-slaski-zaapeluje-o-ochrone-dialektow-i-gwar,id,t.html

[broneknotgeld]

www.facebook.com/photo.php?fbid=638862752855298&set=a.286426508098926.66494.195759197165658&type=1

[broneknotgeld]

Czym żeś dlo Ślōnzoka?


Godko – czym żeś dlo Ślōnzoka?

Łobdeptanōm i łoplutōm

Godko – czym żeś dlo boroka?

Piyntōm z szułōw już wyzutōm?



Piyrwyj Niymcōm żeś wadziła

Tōż ciōngnyło ku polskości

Dyć kej władza sie zwyrtnyła

Z tobōm zaś niy było prości



Godko z dōma, godko z placu

Trza nōm było cie ukrywać

Dzisioj ciynżyj kej cie macōm

Kej na „ja” chca ci pokiwać



Kej sie pytosz – Jako bydzie?

- Czy cie trza dlo ślōnski duszy?

- Lepszy czas kejś dlo cia przidzie?

- Melodyjōm Polska ruszysz?



Łoj – sie niy trop – wiosna przeca!

Dwa registry – ślōnskość rośnie

Żeś jest ze naszego neca

Czas we przodek lyźć radośnie!



Co sie tlyło – rozhajcuje

Chnet dziedzina zaś rozgrzeje

I diaspora uraduje

Dlo ślōnskości wszyndy dnieje



Chocioż „gwarōm” cie mianujōm

Swoje wiysz, ze kolan dźwigasz

Kejś spokopiōm? Forsztelujōm?

Literacko już niy migosz



Co szkryfniōne na papiōrze

Co we Necu tyż czytajōm

Na wiyrch ciśnie cie, ku gōrze

Tōż ci ciyngym bardzi pszajōm



Godko – czym żeś dlo Ślōnzoka?

- Kwiyciym zocny ślōnski duszy!

- Cudym ucha! –Cudym łoka!

Recht! – Kto zno cie, pedzieć musi.

[broneknotgeld]

Kej nom godki niy wywioło
I we szkole tako dzioło.

rudaslaska.com.pl/i,po-slasku-festiwal-malych-ojczyzn-lokalnych,200274,1010844.html

[broneknotgeld]

Zjedzom coś na Ficinusie
No i poczytajom tu sie.
www.facebook.com/media/set/?set=a.672541919461744.1073741883.427827820599823&type=3&uploaded=5

[broneknotgeld]

Ślonzok pomiyndzy

Ślonzok pomiyndzy, dyć niy ma leko
Czy złe już było? Czy ciyngym czeko?
Ślonzok pomiyndzy - Niymcym, Polokym
Czy w przodek pódzie już herskim krokym?

Ślonzok na Ślonsku teroz myńszościom
Sie dwie nacyje podobnoś złoszczom
Iże chce yno być tym Ślonzokym
Ani niy Niymcym, ani Polokym

Pomiyndzy niymi lyźć w przod - zabawa?
Rzduchajom z lewa, rzduchajom z prawa
I zdo czasami na to czekajom
By yntka zrobioł - wcale niy bajom

Ślonzok pomiyndzy. Szczyńście? Utropa?
Ciynżko łodpedzieć, bestoż spokopia
Iże kejniykej poradzom stracić
I złym przi tymu dusza zagracić

Ślonzok pomiyndzy - jako kuplować
Czorne ze biołym - co wiyrchym dować?
Kej etniczności broniom nacyje
Pomiyndzy niymi durś tragedyje?

Ślonzok pomiyndzy - dyć szkryfna prawie
Iże terozki rośnie - na jawie!
Setki tysiyncy som GUS rachuje
To co pomiyndzy już Polska czuje

Ślonzok pomiyndzy - a we diasporze?
Wsparcio z ty strony dej doczkać Boże
Wsparcie diaspory by sie przidało
Bele ze duszy niy łodziyrało

Pomiyndzy - flance ślonskości rosnom
Zdo - przez rok cały, niy yno wiosnom
Pomiyndzy - slonskość niychej rozkwito
Czech, Niymiec, Polok ze nami wito

Wito radośnie, wito jak brata
Profit w tym przeca - niy jakoś strata
Dyć trza tyż tego coby my sami
Czuli sie richtig echt Ślonzokami!

www.facebook.com/events/543857922381211/?fref=ts

[broneknotgeld]

"Czorne wiersze"

Jako feta z gruby
kunsztym łobrobione
Czorne łostaniecie
aże po som koniec

Czorne, toż niy biołe
-zdo co ciyngym take
Choć przeca ze ćmokym
wcale niy jednake

Czorne jako wongel
-zawarte w niym słonko
Łogrzeje kej filer
we tincie utonkosz

Czorne jak robota
bez łokiyn, bez nieba
Przi kery sie czynsto
przeżegnać nom trzeba

Czorne wiersze nasze
-tymu niy dziwejcie
Dyć niymi ze duszy
godka wiyrchym dejcie

Czorne - richtig z ziymi
ślonski wyrostajom
Czorne, gorke, nasze
Ślonzoki im pszajom

Dyć przi czornych wierszach
ze kolan dźwigomy
Ponboczku - dziynkuja
z wolny woli momy

Ze słowa piyrszego
z Twoji iskry przeca
Szczyńść Boże - wiersz czorny
szmaragdow niy skleca.

www.facebook.com/events/818102978252949/?ref_dashboard_filter=upcoming

[broneknotgeld]

Godko

Godko – zdo co kwitniesz
Choć Polska niy pszaje
Z duszy nōm niy citniesz
Kajś we inksze kraje

Kej Ślōnsk dlo Ślōnzoka
Ciyngym wiyrchym stoji
Niy puści cie w zokach
Dyć – wiōnkym ôbstroji

„Lipstōm” dlo karlusa
Dlo dziołchy żeś „szacym”
Szkryfnōńć tako musza
Przeca niy inaczy

Zowdy nos radujesz
Kej słychać cie z rana
Zdo iże tańcujesz
Zocne twoje miana

Kej i rzōńdzić możesz
Kej możesz i prawić
Tyś jak słowo Boże
Kere śmiy wyjawić

Iże u poczōntka
U kolybki było
Iże w ślōnskich kōntkach
Ofyn, choć kejś kryło.
 
www.montes.pl/montes_/index.php?option=com_content&view=article&id=288&Itemid=816

[broneknotgeld]

Tōż insurekcyjo – gynau jynzykowo!
We ty III RP niy ôd dzisioj stowo!
Emancypujymy!
Jynzyk wydźwignymy
Nawet jak niy widzi sie to POPiSowo.

www.slazag.pl/poslanka-nowoczesnej-slaski-powinien-byc-jezykiem-regionalnym-ale-to-nie-oficjalny-postulat-koalicji-obywatelskiej

[madohora]

Jako mo być śląsko godka

katowice.wyborcza.pl/katowice/7,35063,28710433,jako-mo-byc-slonsko-godka-list-czytelnika.html?disableRedirects=true

[broneknotgeld]

www.slazag.pl/when-i-go-to-the-club-i-wanna-hear-slonsko-godka-nauka-jezyka-slaskiego-w-domu-z-tymi-narzedziami-to-mozliwe

[broneknotgeld]

Na tyn 2026 rok!
__
Jo ze ty „zofy” czytōm to prawie
Coś medykuja tyż ô ty sprawie
Już na pyndzyji
Zdo – bez mecyji
Godka niych kwitnie jak śnik na jawie
__
„Lokalnymu dyskursowi wiynszuja tego, żeby przestali go dyktyrować pynzyjōniścio, co myślōm, że na zofie po Teleexpressie kludzōm bez mobliniok wielko polityka.”
www.slazag.pl/grzegorz-kulik-powiynszowania-na-nowy-rok-co-nom-latos-los-prziniesie