sloneczko1 20.10.06, 23:01 jedyn Pan o nicku Kużnik nie może być na Twoim Zeflugu bo miyszko daleko,ale posyło Ci wiersz co som napisoł ;) Odpowiedz Link Obserwuj wątek Podgląd Opublikuj
sloneczko1 Re: do Bronka 20.10.06, 23:03 Zeflik z Glywic. Ze baszty w zomku Cetericz Grof Welczek po łacinie: Zawołoł.Kompanijo ćwicz I stoń sam na dziedzinie, Ożywioł sie grofowski dwor, Slatuje sie rycerstwo, A kożdy mocny niczym tur, Kożdy mo gymba czyrstwo, A grof nerwowo zmiyrzwioł fons Zatrombioł w rog specjalny, I spytoł: - Czy już wszyjscy som? Niech sprawdzi personalny, A kiej sprawdzono ungefer, Rzek tonym zatroskanym: Nojstarszo z moich licznych cer Dojrzała dziś nad ranym, Tu sie na zomku zrobioł szum, szczynk,wrzaski choby w szynku - Kogo dojrzała? - pytoł tłum. Dojrzała do ożynku! A tyn jej chopym bydzie mog, Mienić sie w sposob hardy, Kto napnie tyn prastary łuk Dziwejsie, jaki twardy! Już ktoś wyciongo krzepko dłoń Wierzync, że cyl osiongnie, Biere ta zabytkowo broń, Zapiyro sie i ciongnie, A wtym sie rozlyg głośny trzask... Lud chcioł zawołać "hurra", Ale zawodnik podnios wrzask: - Juj....., pynkła mi ruptura, Terozki drugi stowo w szrank, Naciongnie łuk azaliż ? Dyrgoce cały... stynknoł... bang! I trefioł go paraliż! A grof we gonku blady stoł I było mu niedobrze, A trup sie po marszplacu słoł Tak gynsto choby w "Kobrze"! Toż niż zaczynto serial styp, Wystompioł na aryna Chudawy i kudłaty typ, Niejaki Zeflik Dżynia! Odłożył chlyb, co właśnie żuł, Odchrzonknuł, brzucho wciongnuł, I łuk palcami chycioł wpoł, I ciach! I go naciongnuł!!! Potym łodgyrcnoł, dojod chlyb, Poprawioł zgrzebne gacie, Piykno grofini wzion za łeb I zatrzas sie śniom w chacie!! A grof o mury głowom bioł I głośno biadoł z płaczym: Ktoż wiedzioł,co tyn Zeflik boł Aż takim naciongaczym?? Odpowiedz Link
broneknotgeld Re: do Bronka 20.10.06, 23:17 Jeronie - to jest richtig gryfne - dziynki. Odpowiedz Link
broneknotgeld Re: do Bronka 21.10.06, 22:37 Możno przido se tyn link forum.gazeta.pl/forum/72,2.html?f=34281&w=33925847&v=2&s=0 Ktosik aż ze śmiychu pynk? Odpowiedz Link
broneknotgeld Do Słoneczka 10.10.07, 23:49 Możno jeszcze cosik dosz Wiyncy takich rymow mosz? Odpowiedz Link
broneknotgeld Re: Do Słoneczka 05.10.08, 13:01 Ech, Słoneczko, te darmowe pisymko powiatowe zas bydzie drukować moja rymowanka. Toz prosza - weź jedyn egzymplorz dlo mie. Pozdrowiom. Odpowiedz Link
broneknotgeld Re: Do Słoneczka 02.10.09, 00:31 Sie Słoneczko kedyś zjawi? Na tym forum coś niy bawi. Odpowiedz Link
