Kozy

[broneknotgeld]

Kozy

Ano - był żech prawie w Kozach
Spodobała mi sie gmina
Szkryfnońć cosik tu łodwoża
Dyć to zocno jest dziedzina.

[broneknotgeld]

Na Krakow

Ze Bielska na Krakow
Przez Kozy jedziecie
Dyć se niy strachejcie
-Niy pobodom przecie.

[broneknotgeld]

Kozy - cigi

W ślonski godce cigow mianym
Dyć im muster polski dany
Bo to galicyjsko sztela
"Cigi" - tako niy łośmiela.

[broneknotgeld]

W godle

W godle nad gorkom cigow dwie gowy
Toż muster zdo sie taki niy nowy.

[broneknotgeld]

Hrobaczo Łonka (828 m n.p.m.)

Tako se gorka Kozom dziwuje
We dole gryfnie - to jom raduje.

[broneknotgeld]

Żołtym szlakym

Żołtym szlakym ze banhowa
Przez Kozy przyńdziecie
Dźwigać gyry, w gora głowa
Chnet Hrobaczo przecie.

[broneknotgeld]

"U Paniynki"

Żołtym szlakym co we lesie
Na ta przełyncz se wspinomy
Radość w gora wszyskich niesie
"U Paniynki" porzykomy
W Matki Boski pieczy przeca
Richtig z downa - niy rachujcie
Styknie co jo rymy kleca
A wy tako forsztelujcie.

[broneknotgeld]

"Maryjne"

Dyć "U Paniynki" źrodełko bije
"Maryjnym" zwane - jako inaczy?
Człowiek radośni zarozki żyje
Gyry do wiyrchu niesom Hrobaczy.

[broneknotgeld]

Ze Hrobaczy

Cołke Kozy nasze widać
Bielsko-Biała, Czechowice
Oświyńcimiu blik trza by dać
Wszysko zocne okolice.

[broneknotgeld]

Stary kamiyniołom

Dyć stoł za cysorza
Pioskowiec już brali
Dzisioj se niy woża
Tako ida dali.

[broneknotgeld]

W kamiyniołomie

Se na ławeczce zicna ździybeczko
I podziwuja tym Kozom trocha
Pioskowca ani niy wezna deczko
Chocioż pytała ło niego Zocha.

[broneknotgeld]

Pod Hrobaczom

Toż se poszwyndom tu ściezynkami
Tako zrobicie możno tyż sami
By ty przirodzie zocny podziwać
Gowom przi tymu aże fest kiwać.

[broneknotgeld]

Dwor (XVIII w.)

Dwor we Kozach łoko kusi
Stare drzewa przi niym stojom
Historyjo prawić musi
Wiela tym co se niom strojom.

[broneknotgeld]

Izba Tradycji w Kozach

W bibljotyka styknie klupać
Niy trza jyj daleko szukać
Tu pamiontki gminne mocie
Toż dziedzina lepi znocie.

[broneknotgeld]

www.kozy.pl/
Zajta Kozow - se kliknijcie
Tako gaftnońć czasym chciyjcie.

[broneknotgeld]

Na dwoch łonkach po somsiedzku
Dwie cigi se pasły
Trza powiedzieć ło tym dziecku
Toż chyńci mie naszły

Za cigami ludzie prziszli
Wydojić je chcieli
Ze profitym na tym wyszli
Toż i sztela mieli

Rosnom chałpy na polanach
Już som dwie osady
Cigom dziynkuj na kolanach
I niy siyj tu zwady

Bo we Kozach - dziwno sprawa
Kto łostuda kusi
Tego mijo durś zabawa
Cosik w nocy dusi

Prawiom tyż co dusza jego
Ciyngym jakby bodzie
Pewno istny niy wiy tego
-Trza nom żyć we zgodzie.

[broneknotgeld]

Kozy Gorne

Bardzi wiyrchym miyszkać chcieli
Toż se kludzom do ty szteli.

[broneknotgeld]

Kozy Dolne

Pomyszkujom ludzie dołym
Nojzocniejsze to że społym.

[broneknotgeld]

W jedny parafiji

Dwie dziedziny - jedyn farorz
Tako blysło w gowie naroz.

[broneknotgeld]

"Dwie Kozy - dziedzina Zygfryda" (1326)

Jak parafije wizytowali
Tako dziedzina ta mianowali
Toż historyjo Kozy nom jawi
Dzisioj kozianom tyż radość sprawi.

[broneknotgeld]

Zygfryd?

Dziedzic na Kozach richtig ciekawi
Czy ktoś coś wiyncy ło niym wyjawi?

[broneknotgeld]

Zygfrydzie!

Zygfrydzie coś trzimoł te Kozy
Wachuj by nigdy "pod wozym".

[broneknotgeld]

Zamek w Kozach

Szkoda co nic niy łostało
Z raubritterow gniozda tukej
Piyrwyj było dyć niymało
W historyji teroz szukej.

[broneknotgeld]

Kozy Kornicow (1425)

kozy trzimiom Kornicowie
Prawie we piytnostym wieku
We całości czy w połowie
A bo jo to wiym - człowieku?

[broneknotgeld]

Kozy Gierałtowskich (od 1536)

Rod to zocny - przeca słynie
W gornoślonski tyż dziedzinie
Toż niy robcie kwaśny miny
Kozy w ryncach ty rodziny.

[broneknotgeld]

Za kalwina Jakuba Gierałtowskiego

Ech - kalwiny porzońdziyli
Kościoł dlo sie teroz wziyli
Tako majom we niym zbor
Toż utropy pełny wor
Katolikom zrychtowali
Ciynżko było żyć tu dali.

[broneknotgeld]

Kozy Dolne (1636)

Toż se nom Kozy prawie dzielyły
Przi Gierałtowskich te Dolne były
Jeszcze je tukej troszka trzimali
Czy na te Gorne krziwo blikali?

[broneknotgeld]

Kozy Gorne (1636)

Ano Russickich to już dziedzina
Bydzie przełazić z łojca na syna?

[broneknotgeld]

Kozy Dolne (1650-1687)

Toż Kozy Rejow - tych ze Nagłowic
Tako se ło tym terozki dowiydz
Zowdy dlo kozian ze tym radocha
W literaturze pogrzebać trocha.

[broneknotgeld]

W XVIII wieku

Jordany z Krakowa teroz trzimiom Kozy
"Łogrod Jordanowski" ktosik tu łotworzy?

[broneknotgeld]

Kozy 1776

Ponumerowali chałupy we Kozach
Tako żeś już lekci trefioł tu "do woza".

[broneknotgeld]

W XIX wieku

Kluccy teroz dziedzicami
Niy na długo - wiycie sami
Przeca jeszcze we tym wieku
To pomiyni se człowieku.

[broneknotgeld]

Grafy Czecz de Lindenwald

Erbły Kozy grafy Czecz
Zrychtowali "las lipowy"?
Możno ktosik wiy w czym rzecz
Czamu rym tyn wyloz z głowy?

[broneknotgeld]

Piyńć potokow

Piyńć potokow Kozy majom
Czy utopce w nich miyszkajom?
Woda wartko w doł tam spływo
Byda se jyj trocha dziwoł.

[broneknotgeld]

Kozy XIII w.

Princ na óOświyńcimiu "Dwie Kozy" tu trzimoł
Tatar je najechoł dyć władca niy drzymoł
Na prawie niymieckim osadnikow ściongnoł
Tako we robota dlo tyj ziymi wprzongnoł.

[broneknotgeld]

"Duaduscapris"

Kto łacina dobrze zno
Tyn "dwie kozy" w głowie mo.

[broneknotgeld]

Mieczysław II princ Oswiyńcimia (1236-1247)

Wiela osadnikow w te ziymie sprowadzioł
Po tatarski ordzie jakoś se z tym radzioł.

[broneknotgeld]

Dwie Kozy Zygfryda

Wojt niymiecki kaj Dwie Kozy?
Ponym jejich? Jako woży?

[broneknotgeld]

Kozy 1326

Już we Kozach parafijo
Dyć kaj szukać nom plebana?
Dość daleko - toż mecyjo
Z Wilamowic trza do Jana.

[broneknotgeld]

W XIV wieku

W sztyrnostym wieku zamek stoł w Kozach
Tako se szrajbnońć ło tym łodwoża
Mioł aż dwa krzidła, wieża niymało
Dzisioj i śladu dyć niy łostało.

[broneknotgeld]

Lynno czeske

Jan Luksymburczyk ziymia shołdowoł
Pepikom zamek służy i słowo
Bo jejich godka teroz w urzyńdzie
Choć niy na zowdy som we ty grzyńdzie.

[broneknotgeld]

Kozy 1424

Stanyły Kozy za husytami
Dyć niy na dugo - wiycie to sami
Chnet tu katolik podźwignie gowa
Siył mo durś wiela Kościoł Krakowa
Biskup kacerzom wszysko łodbiyro
I na łodstympcow srogo zaziyro.

[broneknotgeld]

Jan i Mikołoj Kornicze

Majom dziedzice "Besow" tyż miano
Husycki wierze richtig fest pszoli
Toż łostawiyli dziedzinie "wiano"
-"Kocikow" tympić mieczym czy spolić?

[broneknotgeld]

Kalwiński zbor

Ano - we kozach zbor mocno stoł
Jan Gierałtowski w pieczy tyż mioł
Dyć co urosło chnet zatraciyło
Sie kalwinistow nawet polyło.

[broneknotgeld]

Na stos!

Ujyli sie chopy za swojim dziedzicym
Z kalwinizmu słynoł w cołki okolicy
Dwoch ponoć spolyli by postraszyć inkszych
Dyć i Gierałtowski niy stoł sie tu wiynkszy.

[broneknotgeld]

Andrzej Herman (1610)

Rechtorym szkoły we Kozach był
Toż Gierałtowski niy szczyńdzioł siył
Wsporł go - ministrym w zborze krakowskim
Wrocioł se jeszcze na Kozow pioski?

[broneknotgeld]

Na stos!!!

Gierałtowskiego chopy fest broniom
Kalwin łon przeca - stond go przegoniom?
Sługa mieć pona winiyn we zocy
Trza na nich było aż łognia mocy
Tako sie polom w wierze dziedzica
Płaczki schnom drapko jak gorke lica.

[broneknotgeld]

Krzysztof Korytnicki

Ano - Kasztelan ze Wilamowic
Tympioł kalwinow pieronym wiela
Ksiondz go niyjedyn wspiyroł w tym - to wiydz
Zaś katolicko chnet cołko sztela.

[broneknotgeld]

Zbor kalwiński

Przez Russockich założony
Jako dugo go tu momy?

[broneknotgeld]

Kozy 1659

Stanik z Nagłowic zbor likwiduje
Kalwiński wiary w duszy niy nosi
Kto durs jyj trzimie tyn stracha czuje
Już tego ofyn tukej niy głosi.

[broneknotgeld]

Mikołoj Słop z Dymbowca

Zygmunt Korybut tym go nagrodzioł
Że teroz z herbym Kornicow chodzioł
Na Oświyńcimiu był kasztelonym
A kaj Dwie Kozy dziedzicznym ponym.

[broneknotgeld]

"Dwyekozy"

Tako znojdziecie je u Długosza
Niy darmo rymym ło szteli głosza.

[broneknotgeld]

Kozy 1427-1516

Tako Kornicow zocno dziedzina
Przełazi złojca przeca na syna
Ze końcym w istnych dziedzicow traci
Kupić jom może kto sie bogaci.

[broneknotgeld]

Matys Czarnota (1550)

Młyńsko Gora we wsi Kozy
Matys Gierałtowskim sprzedoł
Kto dziedzicym - wiyncy woży
To Czarnota dobrze wiedzioł

Tako wzioł trzidzisci złotych
Dokumynta potwierdzajom
Kajsik stracioł sie już potym
Dyć skiż tego jo niy wajom.

[broneknotgeld]

Drewniany kościołek (1520)

Ano - świontynia tukej stanyła
Ponoć wielgachno wcale niy była
Dyć Kozom styknońć przeca musiała
Jako tyż służyć Bogu na chwała.

[broneknotgeld]

Szkoła w parafiji (1658)

Toż i ło tym sie tyż dowiydz
Sprawioł tako Rej z Nagłowic
Że już szkoła majom Kozy
Z tym dziedzina wiyncy woży.

[broneknotgeld]

Dolne Kozy Reja

Po Gierałtowskich dziedzina Reja
Miała ta wioska w niym dobrodzieja
Owczarnio dźwignoł przi swojim dworze
Na nia i dzisioj bliknońć se możesz.

[broneknotgeld]

Owczarnio (XVII w.)

Dźwignoł owczarnio Rej wele dwora
Dziwajom na nia se niy łod wczora
We Rumuniji znojdziecie inkszo
Z zobytkym wioska zdowo sie wiynkszo.

[broneknotgeld]

Z owczarni słynom

Ano - z owczarni te Kozy słynom
Sie zodziwicie zocnom dziedzinom.

[broneknotgeld]

Kozy (XVIII w.)

Spytek Jordan folwark stowio
Rośnie ta dziedzina zdrowo
Stajnie, chlywy i szworoki
Dyć Jordany niy boroki.

[broneknotgeld]

"Austryjocke porzondki"

Chałpy ponumerowali
I "cysorka" Kozom dali
Cesta wiodła ze Krakowa
Do Cieszyna - ło niyj mowa.

[broneknotgeld]

Kozy 1772

Jako patrzeć na Poloka?
Już trza słuchać Austryjoka
Jako tych Polokow fulać?
Co cysorza to niy króla.

[broneknotgeld]

Kozy 1776

Władza tako nakozała
Chałpy niych numery majom
Ordnung zaprowadzić chciała
Czy tu chopy na to wajom?

[broneknotgeld]

W czasach Konfederacji Barski

Konfederaty we Bioły stoli
Toż se we Kozach tych istnych boli
Choć kamratami pona Jordana
Trza było kwater, łowsa i siana
Ze tym biydniała ciyngym dziedzina
Chop tukej miywoł niytyngo mina.

[broneknotgeld]

Kozy 1768-1771

Konfederatow oboz we Kozach
Wele folwarku dziedzica tako
Czy ciga ze tym "prziszła do woza"
Se Jordan cieszoł a ktosik płakoł.

[broneknotgeld]

Wangeliki uciykajom (1770)

Ciynzko wangelikom sie we Kozach żyło
Skiż konfederatow jeszcze gorzi było
Toż w nocy po cichu stond se wykludzajom
Wsparcie łod dragonow ze Prus we tym majom

Ślonzek we proficie - Ziymia Pszczyńsko tako
Dziedzina kozińsko mozno po nich płako
Bo zdowo sie słabszo teroz zocno sztela
A czas ciyngym niesie utropy dość wiela.

[broneknotgeld]

Szkoła Ludowo (1792-1795)

Staraniym dziedziczki szkoła budowano
Dzieciom gospodorzy ku nauce dano
Toż Matylda Jordan richtig światły duszy
Cosik z tym na lepsze sie we Kozach ruszy.

[broneknotgeld]

W czas napoleoński

W czas napoleoński tyfus i cholera
Głod - toż kromka chleba sie skarbym zdo teraz
Armje maszyrujom - z tym utropa idzie
Jak już wszysko przyńdzie pewno lekci bydzie.

[broneknotgeld]

320 chałup (1845)

Jakby niy patrzeć Kozy urosły
Dyć do znaczynio wiynkszego doszły
Miszkańcow bydzie chnet dwa tysionce
Jaśniyj dziedzina rozblyszczo słońce.

[broneknotgeld]

Kozińske młyny (XIX w.)

Ponoć aże sztyry monka tukej mloły
Jejich koła ruszoł wody nurt wesoły
Bestoż ziorno zwożom nawet i somsiady
Skiż taki roboty niy bydzie dyć zwady.

[broneknotgeld]

Po śmierci Karola Jordana

Po śmierci Karola Kozy podzielone
Miyndzy dzieci, wdowa, krewnikow z daleka
Chnet na licytacji pokozom sie łone
Nowy dziedzic przidzie - dugo niy trza czekać.

[broneknotgeld]

Józef Karol Humborg (1857)

Kupiec Kozy erbnoł - geldu mioł za tela
Posłuchu w dziedzinie bydzie ze tym wiela.

[broneknotgeld]

Kozy Kluckich

Klucki sie z cerom Humborga żynioł
Toż jako dziedzic tukej wypłynoł
Ślubno we wianie kozy mu wnosi
Dyć niy na dugo - historjo głosi.

[broneknotgeld]

3 tartaki (XIX w.)

Tli na pile dechow wiela
Dźwigli z tym niyjedna sztela
Drzewa tukej niy brakuje
Toż niyjedyn se buduje.

[broneknotgeld]

7 karczmow (1856)

Po czym poznosz kozianina?
Mo we knajpie tyngo mina!
Toż na łostro tu se bawi
Z majchrym czasym tako jawi.

[broneknotgeld]

Z Koz "Kozoki"

Stond karlusy niy boroki
Kożdy wiy ze to "Kozoki"
Jak sztacheta w ryncach trzimie
To se budzi w niym co drzymie.

[broneknotgeld]

Cug do Kynt (1887)

Glajzy z Bioły aż na Kynty
Cugi na nich to niy "piynty"
Banom znojdziesz se w Krakowie
Toż dziedzina dźwigo czowiek.

[broneknotgeld]

Kamiyniołom 1880

Co drobne na cesty abo bany sztreki
Co grube tym chałpy dźwigajom na wieki
Przi kamiyniołomie z końmi tyż robota
Tako łod pyńdziałku aże po sobota.

[broneknotgeld]

Kozy Czeczow 1887

Marszałek bielski kupioł dziedzina
Po niym to przyńdzie wszysko na syna
Z tom familijom Kozy urosnom
-Łobudzom jako życie ze wiosnom.

[broneknotgeld]

Marian Czecz

Po rodzicielach tu gospodorzy
Dziedzic we Kozach durś wiela woży
Do drugi wojny bydzie już tako
A potym wiycie - czowiek zapłako.

[broneknotgeld]

Luftkolejka w Kozach (1910-1912)

Trza kamiyni coroz wiyncy
Koń przi tymu sie umynczy
I furmonkom przewoz drogi
Linom lepi - koncept srogi
Dyć kolejka chnet stowiajom
Na banhofie przekłodajom
We wagony cugu prawie
Śnik sie zdo im być na jawie.

[broneknotgeld]

Luftkolejka 1912-1973

Luftkolejka tu linowo
Ciyngym wiela łod sia dowo
We jyj ciyniu jakby żyli
Dyć jom w końcu wybulyli.

[broneknotgeld]

"Kejby ciga niy skokała
giyrki by niy połomała"

Po platanie ciga skoko
Kej gałynzie niywysko
Dejcie pozor - już zleciała
-Tam se giyrka połomała!

[broneknotgeld]

o uwierzyć dyć w to moga
Platanowi żech se dziwoł
Niy trza mi tyż dyndrologa
Bych na "ja" przi tymu kiwoł.

[broneknotgeld]

Nikierzy tyż prawiom inaczy:

"Żol umiyrać kejś niy kuknoł
Na tyn platan - osmym cudym!"
Jo bołch cicho - żech niy bluknoł
No bo zy mie karlus z Rudy.

[broneknotgeld]

Żech sie zbudzioł dzisioj ranym
I śnik wspomnioł co ze nocy
Szkryflołch fraszki pod platanym
- W duszy jakby wiyncy mocy.

[broneknotgeld]

broneknotgeld napisał:

> Żech sie zbudzioł dzisioj ranym
> I śnik wspomnioł co ze nocy
> Szkryflołch fraszki pod platanym
> - W duszy jakby wiyncy mocy.
kozy.vot.pl/galeria/2010/11/16/oswietlenie-platana-i-dworku/

[broneknotgeld]

Karol Wojtyła - kej roz tam muknoł
Pod tym platanym w trowie zielony
Ponoć we śniku po cichu bluknoł
- "We Watykanie rady se domy".

[broneknotgeld]

Nojstarszy platan we Polsce cały
www.kozy.gmina.pl/zabytki-w-kozach/
Kejś śnik miołch ło niym - richtig niymały.

[broneknotgeld]

broneknotgeld napisał:

> Nojstarszy platan we Polsce cały
> www.kozy.gmina.pl/zabytki-w-kozach/
> Kejś śnik miołch ło niym - richtig niymały.
>
"Platan 2010"

Niy darmo w Kozach "Platana" mojom
I nojzocniejszym tako dowajom
Niymi dziedzina tyż słynie przeca
Ło tym rym ślonski chca kłaść do Neca.

[broneknotgeld]

Ło "wozie" szkryfna tyż skiż parady
Kej wele niego cigi som ślady.

[broneknotgeld]

broneknotgeld napisał:

> Ło "wozie" szkryfna tyż skiż parady
> Kej wele niego cigi som ślady.
>
Ciga wele drabinioka
Kyśtykała - toż boroka
Napochała przi platanie
A niy w jakiś Rudzki Kanie
forum.gazeta.pl/forum/w,28940,23613936,23613936,Kana_rudzko_niy_galilejsko.html

[broneknotgeld]

Giyrka ciga
Połomała
To ci "strziga"
Kaj skokała?
Ano, ano - po platanie
Czeko ciga kurowanie.

[goscgosc]

broneknotgeld napisał:

> Na Krakow
>
> Ze Bielska na Krakow
> Przez Kozy jedziecie
> Dyć se niy strachejcie
> -Niy pobodom przecie.
>
Na Kluczbork

Z Rudy do Kluczborka
jedziesz kawał Ślaska.
Miniesz Chocianowice,
piękne okolice!
Ze Sląska na Kluczbork, przez kozy jedziecie
za ogrodzeniem Ojców Sercanów kozy najdziecie.

forum.gazeta.pl/forum/72,2.html?f=26289&w=27621873&a=53914475

[broneknotgeld]

Cigi mlyko zdrowe majom
Tako im nikierzy pszajom.

[broneknotgeld]

Ze witek

Mikołoj ze witek. Betlyjka tyż tako
We Kozach przi Godach niych żodyn niy płako.

[broneknotgeld]

Przez Piosek

Przez Piosek se z Bielska do Kozow zaś kulom
Pustyni niy widza - tako tyż niy fulom.

[ma_kimono]

Koza jo w doma mioł.
Teraz też takom bym chcioł.

[broneknotgeld]

Roz wele woza
forum.gazeta.pl/forum/72,2.html?f=28940&w=8263622&a=73070486
Spotkoł cap koza.

[broneknotgeld]

Dobre w Kozach cigow mlyko
Toż niyjedyn ło nie rzyko.

[koza.podkuta]

Koza do kozy,
tak gadała:
niepotrzebna
ta nauka cała.
Ja nie tylko
na krzywe drzewo skaczę.
I zobacz:
ono się śmieje,
wcale nie płacze.

[broneknotgeld]

Ciga roz zasztrajkowała
Mlyka wcale niy dowała
Tako skiż starego capa
Prziloz mody - sztrajku klapa.

[broneknotgeld]

Roz karlusa ciga bodła
Chnet se umasorza znodła.

[broneknotgeld]

Piyńć potokow

Piyńć potokow Kozy majom
Czy utopce w nich miyszkajom"
Woda wartko w doł tam spływo
Byda se jyj trocha dziwoł.

[broneknotgeld]

Coś ło tych Kozach
www.kozy.pl/index.php3?wiecej=tak&menu=domkultury
Niy wele woza

[broneknotgeld]

broneknotgeld napisał:

> Coś ło tych Kozach
> www.kozy.pl/index.php3?wiecej=tak&menu=domkultury
> Niy wele woza
domkultury.kozy.pl/

[broneknotgeld]

"Duszonki" se zjycie?
domkultury.kozy.pl/
Ze Kozow - dyć wiycie.

[broneknotgeld]

Z rana Kozy popromuja
Teroz już niy narojbruja.

[broneknotgeld]

"Kozami" w Kozach jeszcze niy płacom
Dyć cosik ło tym możno łonacom
Kej sie notgeldom ślonskim dziwujom
kozy.vot.pl/aktualnosci/2011/01/11/wystawa-banknotow-ze-zbiorow-bronislawa-watroby-w-/
Choć cysaroki - tym tyż radujom.

[broneknotgeld]

Toż zaproszom na wystawa
www.facebook.com/event.php?eid=127085214024497#!/event.php?eid=127085214024497
Kej echt-ślonsko - zocno sprawa.

[broneknotgeld]

Notgeldy coś wożom
www.sitbb.pl/rozrywka/17_905.html?data=2011-01-12
Toz linki se mnożom.

[broneknotgeld]

Kuknoł żech tam z notgeldami
Mom ło Kozach tyż rymami.

[broneknotgeld]

Ze dziejow Kozow znocie te dziwy?!
Ciga skokała giyrka złomała!
nk.pl/forum/17/977/386
Wojtyła tukej śnik mioł szczyńśliwy!
forum.gazeta.pl/forum/w,28940,53369683,118851737,Re_Kozy.html
Na notgeld ślonski sztela kukała!
www.facebook.com/?ref=home#!/event.php?eid=127085214024497

[broneknotgeld]

Zaś żech wczoraj boł we Kozach
Ciga zaprzong tam do woza
Dyć niy dyrgły sztyry koła
Trza habeta boło wołać

Ech ta ciga - co poradzi?!
Gyra złomie, rog kajś wsadzi
Dyć dojono - tym sie asi
Tako w zocy majom nasi.

[broneknotgeld]

W Kozach platan jako dziwo
Z drzew we Polsce łon wygrywo.

[broneknotgeld]

Godo ktoś na migi?
www.slaskie.pl/strona_n.php?jezyk=pl&grupa=10&art=5693&id_menu=
W Kozach meczom cigi?

[broneknotgeld]

Tako prawie
www.slaskie.pl/strona_n.php?jezyk=pl&grupa=10&art=5693&id_menu=
Przi zabawie.

[broneknotgeld]

Na Nikiszu przi Balkanie
www.dziennikzachodni.pl/artykul/682523,slaska-koza-zywicielka-bohaterka-wystawy,id,t.html
Richtig ciga już niy stanie?

[broneknotgeld]

Stoji ciga wele woza
Jo żech mioł notgeldy w Kozach
Wiym coniyco ło platanie
bielskobiala.gazeta.pl/bielskobiala/1,88025,13251406,Platan_z_Koz_Europejskim_Drzewem_Roku__Zobaczymy.html
Niych w Europie wiyrchym stanie.

[broneknotgeld]

Wsparcie bydzie
www.facebook.com/photo.php?fbid=399290370155148&set=a.392977734119745.95876.392791440805041&type=1&theater
Wiyncy przidzie.

[broneknotgeld]

Platan w Kozach dobrze znom
www.facebook.com/razemdlaplatana
Bestoż w zocy richtig mom.

[broneknotgeld]

Platan w konkursie!

Jutro sztartuje
www.dziennikzachodni.pl/artykul/751805,platan-z-koz-moze-zostac-europejskim-drzewem-roku,id,t.html
Tako raduje.

[broneknotgeld]

"Kejby ciga niy skokała
giyrki by niy połomała"

Po platanie ciga skoko
Kej gałynzie niywysko
Dejcie pozor - już zleciała
-Tam se gyrka połomała!

Jo uwierzyć dyć w to moga
Platanowi żech se dziwoł
Niy trza mi tyż dyndrologa
Bych na "ja" przi tymu kiwoł.

www.facebook.com/razemdlaplatana

[broneknotgeld]

Platan małopolski
tvnmeteo.tvn24.pl/informacje/ciekawoski,49/platan-z-koz-powalczy-o-europejski-tytul,74858,1,0.html
Dyć mi zdo sie swojski.

[broneknotgeld]

Chnetko głosow dwa tysionce
www.treeoftheyear.org/?lang=pl
Dyć poczontki to - niy końce.

[broneknotgeld]

We Kozach

Szlak Papieski dyć tam majom
No i platanowi pszajom.
www.treeoftheyear.org/?lang=pl

[broneknotgeld]

Eger tyż do przodka gno!
www.treeoftheyear.org/?lang=pl
Ścignie Kozy czy sie zdo?

[broneknotgeld]

Chocioż Eger broji
I Kozom niy stoji.

[broneknotgeld]

Ździybko żol kej drugi
www.dziennikzachodni.pl/artykul/773089,platan-z-koz-drugi-w-konkursie-na-europejskie-drzewo-roku,id,t.html
Prowadzioł czas dugi.

[broneknotgeld]

Trocha brakowało
www.domkultury.kozy.pl/aktualnosci/art/89/
Wygrać niy udało.

[broneknotgeld]

Sie pobiyli
Dyć przeżyli.

www.dziennikzachodni.pl/artykul/3489127,kozy-bitwa-sredniowiecznych-rycerzy-bylo-ostro-zdjecia,id,t.html

[broneknotgeld]

Kej we Kozach dnieje
Djosek już niy śmieje.

[broneknotgeld]

Coniyco ło Kozach
Stojom wele woza?

[broneknotgeld]

Kozy
****
Mono Kozy wos ciekawiōm?
Cigi im we herbie jawiōm!
Trza by kuknōńć?
Rymym bluknōńć?
Małopolsko sztela cało
Mi niy wadzi – żech wesoły
Stamtōnd jeżdżōm durś do Bioły
Bioło-Belsko
Dlo nich „sielsko”
Małopolski przeca szkoły.