Cieszyn x 1200

[broneknotgeld]

2010 - 810 = 1200

Tu byda zbiyroł
cieszyńske fraszki
Aż tysionc dwiesta
-niy skuli łaski.

[broneknotgeld]

Jednymu leko ze tym niy bydzie
Wasz rym ło szteli niychej tyż przidzie
Dwa roki przyńdom - Cieszyn w proficie
Wiyncy radochy - ło tym tyż wiycie.

[broneknotgeld]

Zameczek w Błogocicach

Mieszcznin tyn dworek se tukej postawioł
Piastow i Habsburgów tyż łon wiela bawioł
W końcu Stonawskiego sztela już to była
Jakby na wiedyński sznit se łodszczelyła

Za komuny przeca upadło to wszysko
Jakby z tego było jakeś dziwowisko
Przi Joannie Mikarz zaś blasku nabiyro
Coby był przezocny to chyńć jeji szczyro.

[broneknotgeld]

"Liberum Veto"

Ta restauracyjo w Cieszynie jest znano
Dyć "łod Sasa" jeji dali jakby miano
Chciołbych se skosztować tam te pitne miody
Jak byda w Cieszynie wdepna - niy skiż mody.

[broneknotgeld]

Cieszyński zygor

Codziynnie zygor nakryncać trza
Choć przeca chodzi połtora dnia
Franca Jozefa czasy pamiynto
Tyko beztydziyń tyko we świynto
Możno w niym siedzi jakowoś dusza
Bez keryj Cieszyn niy chce sie ruszać
I zowdy jak tak na wieży bije
Miasto wiy jedno - toż ciyngym żyje.

[broneknotgeld]

Ratuszowy zygor

Stanoł zygor na ratuszu. Cisza - nic niy bije
Dyć zarozki cieszyniokom źle sie jakby żyje
Burgemajster spać niy może - wielgo mo utropa
Trza do tego czasomierza pryndko wołać chopa!

Kaj Legierski? Jezusiczku - "brackego" za wiela
Zaroz cisza nom pobudzi cołko miejsko sztela
Czy zygormistrz już na szłapach? Wsodźcie go pod brałza!
Niych na wieża potym leci ta pierońsko łajza!

Ło jeronie! Burgemajstra rozbolała gowa
Zaroz - cosik jakby słyszy. Bije zaś łod nowa!
Toż ludziska - spoko teroz. Idzie dali grzeszyć
Cieszyn jest uratowany! Trza sie nom fest cieszyć!

[broneknotgeld]

Rotunda św. Mikołaja

Niy niy - to niy som jakeś gupoty
Co na nia blikom - dwadziścia złotych.

[broneknotgeld]

Cieszyn - 1364

Wtedy sie miastym tyn Cieszyn stoł
Dyć swo historio downo łon mioł
Grod był już richtig we VIII wieku
Szmat czasu przeca - dobry czowieku

Toż sie niy dziwej legyńdzie tukej
Lepi w niyj ziorka prowdy poszukej
Cosik nom szymro "Studnia Trzech Braci"
Ze Bolkym Leszkym Cieszkym bogaci.

[broneknotgeld]

Seledynowo Studnia Czech Braci

Niy wszyskim "nowy" kolor sztimuje
Dyć przez poł wieku czorno durś była
Cieszyn terozki deliberuje
W "zielonym" przeca nadzieji siyła!

Nikerzy jednak jakby po troszku
Chcom być "princesom na ziorku groszku"

[broneknotgeld]

Cieszynki

Cieszynkom tyn Cieszyn łod wiekow nom słynoł
Czy richtig terozki już czas jeji minoł?
Toż na Starym Targu rusznikorz już jedyn
I niy mo nostympcy by chycioł se "schedy".

[broneknotgeld]

Jerzy Kurland

Cieszyński rusznikorz co zamek kołowy
Doł zocny cieszynce - ze jego łon gowy
Bestoz go kurlandzkim wszyscy tukej zwali
Dyć i samy szczelbie wiela dziwowali.

[broneknotgeld]

W Ślonskim Zamku Kunsztu i Gyszeftu

Chcom wszyskim pokozać jak cieszynki robić
Toż to bydzie richtig zocny Cieszyn zdobić.

[broneknotgeld]

"Ślonski Szmaragd"

Dostoł go Buzek - wiycie już ło tym
Toż ta nagroda to niy gupoty
Dyć go "łodebroł" łon ze Kijowa
Bo wybiyrali tam "piyrszo gowa".

[broneknotgeld]

"Ślonsko Nike"

"Slonsko Nike" podobnoś zaś w Cieszynie stanie
Chocioż niy we gowie dzisioj wojowanie
Czy bestoż straciyła po drodze broń bioło?
Utropa? -Dyć mie z tym zdo sie durś wesoło.

[broneknotgeld]

Jezusowy "kościoł łaski" w Cieszynie

Jest "kościoł łaski" w zocnym Cieszynie
We tym uciecha kero niy minie
Dyć co sie dzieje tam z łorganami?
Łod lot se mynczom ze kornikami
Tako trza bydzie remont im zrobić
Dołożyć blasku - niy drapko dobić
Choć to kosztuje toż przeca wiycie
Z jejich muzykom miasto w proficie.

[broneknotgeld]

Cieszyńske łorgany

Czas swoje robi i kornik tako
Z łoziymnostego wieku łorgany
By dali grały tukej jednako
Remont poczebny! Bydzie im dany?

[broneknotgeld]

"Kościoł Łaski" 1709

Dlo wangelikow ździybko "łaskawy"
Cysorz zezwoloł tu na budowa
Tolerancyji w tym koncek sprawy
Reformacyji lekciejszo gowa.

[broneknotgeld]

Cieszyn

Leszko Bolko i Cieszko
Se tukej spotkali
Dugo łod sia byli
Zaś rynce podali
Toż niych na pamiontka
Tego wydorzynia
Grod zocny powstanie
Blyśnie tako ziymia.

[broneknotgeld]

Cieszyn 810

Sie Bolko z Cieszkym tako i Leszkym
Naprowdy wiela cieszyli
Tako we trojka poczyńśli mieszkym
Grod drapko tu postawiyli.

[broneknotgeld]

Ksiynstwo Cieszyńske XIII-XVII w.

Cieszyńske Piasty tukej rzońdziyli
Se za stolica ta sztela wziyli.

[broneknotgeld]

Ksiynstwo Habsburgow

Ano rod zocny tako i sztela
W cołkym cysorstwie tyż znaczy wiela.

[broneknotgeld]

Cieszyn 1920

Choć Olza piyrwyj przeca łonczyła
Teroz granica to podzielyła
Polski po jedny Czeski po drugi
Tako już łod sia przez czas dość dugi.

[broneknotgeld]

Zajta Cieszyna se łoglondnijcie
www.cieszyn.pl/
No i łodwiydzić dziedzina chciyjcie.

[broneknotgeld]

Gora Zamkowo

Tako przed łoczy kożdymu stowo
Dała poczontek Gora Zamkowo
Grodzisko tukej w dziesiontym wieku
Zwiydź se ta gorka - yno poleku.

[broneknotgeld]

Wieża Piastowsko (XIV w.)

Z downego zamku se nom łostała
Historio tako jyj to szkryflała
Dzisioj nos cieszy punkt widokowy
No i w tym szczyńście że łon niy nowy.

[broneknotgeld]

"Wieża Ostateczny Obrony"

Ty niy zwiydzicie
-cosik widzicie.

[broneknotgeld]

Wieża Przibramno (XIII/XIV w.)

Na rekonstrukcjo jeji bliknijcie
Jeszcze se wrocić przeca tu chciyjcie.

[broneknotgeld]

Cosik ło zamku tam poczytocie
www.zamekcieszyn.pl/www/
Jak se na ekran ta zajta docie.

[broneknotgeld]

Plac Tyjatralny

Prawiom co rynek tu był Cieszyna
Toch se zabłonkoł na ta dziedzina
I tyjatrowi tyż podziwowoł
Bo przeca w łoczach mi tukej stowo.

[broneknotgeld]

Tyjater im. A.Mickiewicza

Fellner i Helmer projektowali
Toż neobarok ty szteli dali
Cołkym w niym muster wiedyński widać
Rym ło tym taki bestoż trza mi dać.

[broneknotgeld]

Ksionżnica Cieszyńsko

Tu nojcynniejsze w cołkim regionie
Som starodruki - tako niy koniec
Bo historyjo we nich spisano
Potomnym ze tym na zowdy dano.

[broneknotgeld]

Kamiynica Budnowskich

W Ksionżnica Cieszyńsko ich pamiyńć wpisano
Przeca bibliotyce kamiynica dano.

[broneknotgeld]

Kościoł Jezusowy XVIII w.

Wangelicki kościoł w tym zocnym Cieszynie
Podobnoś nojwiynkszy we polski dziedzinie
Szejść tysiyncy wiernych gynau łon pomieści
Kierzy tu we sercu Jezusa chcom pieścić.

[broneknotgeld]

Bibliotyka Bogumiła Tschammera

Inkunabuły tu, rynkopisy
Mogbyś poczytać w dostojny ciszy
Larmo niy przidzie nawet do gowy
Kościoł to przeca jest Jezusowy.

[broneknotgeld]

Kościoł Maryji Magdalyny (XIII w.)

Na Dominikański świontynia znojdziecie
Ze czasow piastowskich ciyngym blyszczy przecie
Princ Przemysław Noszak tu mo tumba swoja
-Cieszyńsko Mateczko niychej trwo cześć Twoja.

[broneknotgeld]

Muzeum Drukarstwa

Na Głymboki to znojdziecie
Niy ukrywo se tu przecie
Druk łod czasow Gutynberga
Wielko sprawa - niy dlo cwerga.

[broneknotgeld]

Cieszyńske trasy

Dlo wandrusow co na kole
Abo tym szłapcugym łażom
Tras tu wiela - niych dziedzina
Tako se pozwiydzać ważom.

[broneknotgeld]

Zajta Cieszyna se łoglondnijcie
www.cieszyn.pl/
No i łodwiydzić dziedzina chciyjcie.

[broneknotgeld]

Rotunda św Mikołaja

Jedna z nojstarszych we Polsce świontyń
Dyć na "dwudziestce" znojdziecie
Ślonske korzynie tako to som tyż
Czy to se forsztelujecie?

[broneknotgeld]

Bez banhofa?

Toż polski Cieszyn ciyngym ubogi
A za tom Olzom banhof jest srogi.

[broneknotgeld]

Na "Zaksynberku"

Na Zaksynberku wille i parki
Dyć czy znojdziecie tu jakeś starki
Kere by Polska fest wspominały
I jako przi niyj naprody miały.

[broneknotgeld]

"Sachsenberg"

"Sasko Gorka" w Czechach leży
Nawet Olza już w to wierzy.

[broneknotgeld]

Na górkach

Chałpy na stokach gorek stanyły
Toż se nadeptosz po tym Cieszynie
Zowdy widoki gryfne z nich były
Co piyrwyj teroz no i niy minie.

[broneknotgeld]

W dolinie Bobrowki

W dolinie rzeczki werki znojdziecie
Szczyńściym malutke wszyske tu przecie
Bestoż Cieszyna niy gaszom tako
Za blokowiskym tyż nikt niy płako.

[broneknotgeld]

Sie asi

Sie kamiynicami stary Cieszyn chwoli
Co wiekowe krasi - nowomodne smoli.

[broneknotgeld]

Cieszyńsko "pokuta"

W czaskim Cieszynie ksiondz jyj niy dowo
Policaj sztrofa tako wystowio.

[broneknotgeld]

Żech se wspomnioł ło Cieszynie
To mie chyba niy łominie.

[broneknotgeld]

Cieszyn 810-2010!!!

Ech - gyburstag zocny grodu!
Skuli tego rymym godom
Fraszek ło niym szkryfna tela
Wiela rokow mo ta sztela.

[broneknotgeld]

Jedno już terozki wiym
Ciynżko bydzie skończyć z tym.

[broneknotgeld]

Cieszyn latoś już fajruje
Cołki region sie raduje.

[broneknotgeld]

Kej żeś w Cieszynie
www.dziennikzachodni.pl/fakty24/354713,tradycyjne-jaselka-w-cieszynie-to-fenomen,id,t.html
To niy łominiesz.

[broneknotgeld]

Kaj kultura
tyż profity
cieszyn.naszemiasto.pl/artykul/827942,zamek-cieszyn-dostal-prestizowa-nagrode-wipo,id,t.html#48ea7700815d7614,1,3,3
Gowa w chmurach
Bez ciaplyty
Trza brać muster ze Cieszyna
Przeca "bryndy" to niy bryna.

[broneknotgeld]

Chocioż gryfnie
Krotko w czasie
www.dziennikzachodni.pl/fakty24/396488,szlak-magnolii-zaprasza-do-cieszyna-mapka,id,t.html
Recht - toż kichniesz
Na ty sztrasie
Dyć kej tym napasiesz łoczy
"Śnik magnolji" przidzie w nocy.

[broneknotgeld]

Coś ło ZUSie
Przido tu sie

www.gazetacodzienna.pl/index.php?p=wwiad&id=6426

[broneknotgeld]

Cieszyn sie cieszy
gazetacodzienna.pl/artykul/gospodarka/zamek-cieszyn-z-dofinansowaniem-od-slaskiego-urzedu-marszalkowskiego
Tako niy grzeszy.

[broneknotgeld]

Szpacyr po Cieszynie
www.dziennikzachodni.pl/artykul/676233,szpacyrkiem-po-cieszynie-nasze-miasto-goralo,id,t.html
Niych cie niy łominie.

[madohora]

Jak będziesz w Cieszynie
To cię nie ominie:)

forum.gazeta.pl/forum/w,49353,139533434,139533434,Jarmark_w_Cieszynie_.html

[madohora]

A jak dobrze się "ustawisz";)
Może i tutaj się zabawisz

forum.gazeta.pl/forum/w,49353,139592837,139592837,Spotkanie_z_poezja.html
--

[madohora1]

Msza w Rotundzie

Uwierz mi niezapomniane to jest przeżycie
Gdy w Rotundzie uklękniesz przy góralskiej muzyce
I chociaż chłód murów w plecy ci wieje
To w sercu i duszy coś budzi nadzieję
--

[madohora1]

Piastowska Wieża

Wzniosła się nad Cieszynem, gdzie Zamkowe Wzgórze
Cały świat podziwiasz gdy jesteś na górze
Widzisz w dole miasta i kościelne wieże
A to co zobaczyłeś z sobą gdzieś zabierzesz

[madohora]

Do pod brązowym jeleniem

Dom pięknie wyremontowany
Lecz niestety puste w nim są ściany
Tak się dzeje bo nie ma właściciela
Dotknęła go jakaś klątwa czy inna ch...

[broneknotgeld]

Pastwisk we Cieszynie
gazetacodzienna.pl/artykul/kultura/krotka-historia-pastwisk
Żodyn niych niy minie.

[broneknotgeld]

Szkoda godać - dyć utropa
bielskobiala.gazeta.pl/bielskobiala/1,88025,13256736,Ukradli_tablice_pomordowanych_Zydow__Trafila_na_zlom_.html?bo=1
Przidzie zaś po glacy dropać.

[broneknotgeld]

Pamiyńć ło Londzinie
www.dziennikzachodni.pl/artykul/753317,zamiast-kazania-wspominali-ksiedza-londzina-posla-i,id,t.html
Na zowdy w Cieszynie.

[broneknotgeld]

Szworty Olzy niy łominie
Sie tym cieszom we Cieszynie.

www.dziennikzachodni.pl/artykul/773367,w-cieszynie-bedzie-czwarty-most-na-olzie-zdjecia,id,t.html

[broneknotgeld]

Coś cieszyńskego?
bielskobiala.gazeta.pl/bielskobiala/1,88025,13520954,Magda_Gessler_zrobila_rewolucje_w_Cieszynie.html
Doczkali tego?

[broneknotgeld]

Ślonsk Cieszyński zdo sie w biydzie?
Capło mocno "Podbeskidzie"?
www.dziennikzachodni.pl/artykul/792360,podbeskidzie-dziala-na-autonomistow-jak-czerwona-plachta-na,id,t.html
Czeski Cieszyn możno "kupi"?
Co - sie zdo tyn koncept gupi?
Zdrowko Białej! - Wiyrchym przidzie?

[broneknotgeld]

Sie braty trefiyli
Cieszyn założyli.

www.facebook.com/groups/332939560673928/posts/1405550563412817/