fizymatynta II

[broneknotgeld]

Lepi połne łożko mieć
Coby niy trza yno chcieć.

[broneknotgeld]

Jak sie w niyj podszkolisz
To cosik łobolisz.

[broneknotgeld]

Cosik ło tym cicho
Wontek ledwo dycho?

[broneknotgeld]

Tak czy siak, tu wiyrchym fraszka
Forum jako cud-igraszka.

[broneknotgeld]

Tam dobrze kaj rymy
Ło tym tukej wiymy.

[broneknotgeld]

Łonacyła z niym?
Czy jo richtig wiym?

[broneknotgeld]

Kulo sie do przodka
Bo ciongnie je godka.

[broneknotgeld]

Joch kartofle strugoł ino
Teroz marzy mi sie wino.

[broneknotgeld]

Ślonske Trojmiasto
To take "ciasto"
Kaj cichych niy ma
Tako tam ziymia.

[broneknotgeld]

Lepi niy spać cołki dziyń
Bo we nocny straszy ciyń.

[broneknotgeld]

Toż se chnetko powrożymy
Coś nowego zaś dowiymy.

[broneknotgeld]

Sie przeciw gripie niy byda szczypioł
Jod mi wystyknie i to coch wypioł.

[broneknotgeld]

Lepi bez łostudy żyć
No i biyrek czynsto pić.

[broneknotgeld]

Sowizdrzoła Ksiynga momy
Nowe rymy zaś tam domy.

[broneknotgeld]

A mie wnerwio to bez przerwy
Że Internet niy mo werwy
Ze komorki dyć go mom
Już ślimoka tego znom.

[broneknotgeld]

Na tym wontku mało "grzesza"
Dyć jak czytom tyż sie ciesza.

[broneknotgeld]

Prawom rynkom ledwo klikom
Maść durś wciyrom no i rzykom
Coby boleć mie przestała
Tyż do biyrka by sie zdała

Lewom kufel źle sie trzimie
Jak przi tymu chnet już drzymie
Biyrek moga porozlywać
Niym mi gowa zacznie kiwać.

[broneknotgeld]

Naszy godce

Godko - tyś była, żeś jest i bydziesz
Boś dlo Ślonzoka jak chlyb codziynny
Łon z tobom w życie łod bajtla idzie
I prawie bez to dlo cudzych inny

Godko - żeś w duszy frelki, karlusa
Jak familijo, plac i kamraty
Dyć zowdy bydziesz serca nom ruszać
Bez ciegie Ślonzok zdo sie sagaty

Godko ty ziymi - szumisz we lesie
Przi wodzie bulkosz, ze wiatrym tyrosz
Zdo sie co wszysko cie wiyrchym niesie
Jak ślonske słowa cuzamyn zbiyrosz

Godko - żech słyszoł cie uślimtano
Ktoś niy spokopioł czamuś we zocy
Ech, jo chca z tobom być już we rano
I bez dziyń cołki, aże do nocy

Z miesionczkym tako chciyj rzońdzić, prawić
Morfeusz ciebie wysłucho przeca
Jak jo ci pszaja moga wyjawić
Kej śnik, kej jawa - za tobom leca

Bez ciebie niczym by ślonskość była
Bez ciebie czowiek tukej borokym
We duszach naszych czynsto sie kryłaś
Czas jednak w przodek iść herskim krokym

Terozki prawie nom wygryfniejesz
Kunsztym rozblyśniesz, w ćmok zablyndujesz
Tref szczyńściym darzy - sie roześmiejesz
Wiela ci pszaje - recht w tym co czujesz.

[broneknotgeld]

Kurde bele - łoncyli
I sie kajsik zaś straciyli.

[broneknotgeld]

Jedni fora zamykajom
a tu ciyngym rym szkryflajom
A tu ciyngym radość gości
Gratuluja! Pomyślności!

[broneknotgeld]

Lepi z nami porymować
Niż we raji kajsik stować.

[broneknotgeld]

Kurde bele - sie radujcie
A przi tymu porymujcie.

[broneknotgeld]

Po to forum nasze jest
Coby sie radować fest.

[broneknotgeld]

Lepszy rym łod apruziny
Szkoda trzimać w duszy driny.

[broneknotgeld]

Kurde bele - kto markotny?
Dyć Sowizdrzoł zowdy psotny.

[broneknotgeld]

Niy majom nic
Taki to wic.

[broneknotgeld]

Mono jako flondra chyca
I rym ło niyj tyż sie sklyca.

[broneknotgeld]

Powieczerzej drap
Bo bez Ciebie knap.

[broneknotgeld]

Jasno widza prziszłość forum
Jak niy braknie nom humoru.

[broneknotgeld]

Siyły niy łostatnie
Zdrowie niych dostatnie.

[broneknotgeld]

Lepszy szamponiok jest łod dyszczoka
Tyn i tyn niy mo nic ze trujoka.