Powitania

[broneknotgeld]

Czas styczniowi godo - szlus
Toż lutymu przilyźć mus.

[broneknotgeld]

Rok Bawoła?

Ponoć "Rok Bawoła" momy
Kery jakby krowom zdo sie
Nawet w Chinach ze tym kromy
Gospodarce gro na nosie.

[broneknotgeld]

Dyszcza wiela przi niydzieli
Luty jak listopad zdo sie
Czy już śniegym niy pościeli?
Zagro tako nom na nosie?

[broneknotgeld]

Jeszczech dzisioj zdonżoł wlyźć
Choć niywiela byda plyść.

[broneknotgeld]

10 luty

Luty se ustrzeloł "dycha"
Prawie z Jackym i Elwirom
Coś zrymuja niy skiż grzycha
Na "profile" pozaziyrom

Coroz bardzi rok dojrzywo
Straci zima, wiosna przidzie
Wartko leci czas - niy dziwo
Szczyńściym "naszo-klasa" bydzie.

[broneknotgeld]

Walyntynkowo
=====================

Żymły z lubczykym

Żymły z lubczykym we Chełmnie piekom
Toż ze Walyntym na nie poczekom.


Nojgryfniejszo z Chełmna frela
Do kusiola - czy to wiela?
Zamiost wstyngi orderowy
-Koncept taki wloz do gowy.


Relikwio

Koncek czachy łod Istnego
Ta "Relikwio Walyntego"
W Chełmnie dzisioj se znojdziecie
Toż stolicom pszonio przecie.


Relikwiorz 1630

Kedy Walynty do Chełmna "prziszoł"?
Ponoc niy wiedzom tu tego
Dyć tyn relikwiorz piyknie im wyszoł
I czczom tu ciyngym Istnego.


Ołtorz - XVIII w.

Ołtorz Walyntego we farnym kościele
Toż radość ze pszonio miyszkańcom łon ściele.


Polske "Miasto Zakochanych"

Z łaski Walyntego tyn prziwilej dany
Toż momy we Polsce "Miasto Zakochanych"

[broneknotgeld]

Walyntynkowo
=================

Ślubny wyśla walyntynka
Serce tyż we jeji rynkach
Gorke, zocne i na długo
Jakby rołzom do mie mrugo.


Dyć bez pszonio jake życie?
Ech - możno i sami wiycie.


Ano - bez pszonio pustyniom życie
Na kery słonko yno durś poli
Tako terozki frelki tyż wiycie
Lipsta liplinga niy może smolić.


Pszonie skarbym naszy duszy
W zocne życie trza z tym ruszyć.


Ano - styknie ciyngym pszoć
By se przestać złego boć.


Wino czerwone zamiost piernika
Koncept mi taki prziszoł do gowy
Do Walyntego niy trza mi rzykać
Karlus już zy mie przeca niy "nowy".

[broneknotgeld]

Kutz gyburstag swoj fajryje
Sto lot w Sejmie ktoś winszuje
Dyć Niemena wspomna tyż
Czamu? Pewno dobrze wiysz.

[broneknotgeld]

Siedymnosty luty
Niy jest mrozym skuty
Śniegym jednak darzy
Choć niy kożdy marzy.

[broneknotgeld]

Witom w Tusty Szwortek
Gurt mi pynk ze portek.

[broneknotgeld]

Przi sobocie po robocie
potrza roztomajtych pociech?

[broneknotgeld]

Mrozik przi niydzieli trzimie
Dyć te forum już niy drzymie
Rymym je rozhajcujymy
Sie przi tymu pośmiejymy.

[broneknotgeld]

"No i jako przi pyńdziałku?"
-Sie zapytoł jedyn wałkoń
Niym mu knajpa łotworzyli
By na kaca biyr wychylić.

[broneknotgeld]

Witom "śledziowo"
Popić trza zdrowo.

[broneknotgeld]

Ślypiym srogo ponoć łypia
-Hasiym glaca za to sypia
Wielki Post dlo duszy moji
-Czy przi tymu cosik zbroji?

[broneknotgeld]

Tyż se teroz witom
Ło weekynd niy pytom
Dwie szychty przedymnom
-Ze pukla niy symnom.

[broneknotgeld]

Przi marca niydzieli
Rym tyż se nom ścieli.

[broneknotgeld]

W drugi dziyń marca
potrza już garca?

[broneknotgeld]

Łod sztresu epnego
Już niy mog "tyn tego".

[broneknotgeld]

3 marca

Kunegundy we dziyń trzeci
Możno prawie drapko zleci
I spokojnie na tym forum
Dyć niy braknie nom humoru.

[broneknotgeld]

Ze rymym radocha
Życie leksze trocha.

[broneknotgeld]

Już robota za mnom jest
Bestoż se raduja fest
Kajsik kukna coś poczytom
Wiela postow? Tyż łopytom.

[broneknotgeld]

Byłch w robocie dzionek cały
Teroz tukej wlepiom gały
Postow w rymach przibywało?
Dużo nowych czy coś mało?

[broneknotgeld]

Przi pyńdziałku z mianym Kaśki
Niypotrzebne som zdrowaśki
Bo karlusy frelkom pszajom
Ło tym wcale jo niy bajom.

[broneknotgeld]

Na Benedykta

Co Benedykt dzisioj prawi?
Jako sie we marcu jawi?
Dyszcz, śniyg i ździybeczko łońca
Zima zdo sie bliży końca.