szwager_z_laband 24.02.10, 07:05 no to ida na "komputerowo odwykowa";) bowcie sie i chowcie sie! pyrsk! Odpowiedz Link Obserwuj wątek Podgląd Opublikuj
socer-schlesier Re: pauza 24.02.10, 07:53 No to przyjemnego odpoczynku.Laduj akumulatory. Odpowiedz Link
szwager_z_laband Re: pauza 07.03.10, 15:37 na krankolu;) schlesien.nwgw.de/foto/displayimage.php?album=757&pos=2 pozdrowiom i ... pyrsk! Odpowiedz Link
anton_28 Re: pauza 07.03.10, 15:47 to cie ale pokroli i podziubali !!! also zdrowiyj i szkryflej zajs sam! Odpowiedz Link
ballest Re: pauza 07.03.10, 15:47 Dyc Ciebie ani nie idzie samego w doma zostawic, bo zawsze cos naporchosz,!!! Kajs ta rac juzas wraziou? Odpowiedz Link
annak12 Re: pauza 07.03.10, 16:08 ;)) "na odwyku" to nojbezpieczni w kaftanie i bez klamek;)) Laband,niech ci se to dobrze goji. Odpowiedz Link
ballest Re: pauza 07.03.10, 16:27 To jego Baba juzas robota mou ! Ponboczku, za cos jom tak skourou! Odpowiedz Link
sloneczko1 Re: pauza 07.03.10, 17:29 jak mu kostka wykroli to jusz żodyn niy bydzi go kopoł po kostkach;) Odpowiedz Link
bratjakuba Re: pauza 07.03.10, 18:22 szwager_z_laband napisał: > na krankolu;) > > schlesien.nwgw.de/foto/displayimage.php?album=757&pos=2 > pozdrowiom i ... ++++++++++++++++++++++++++++++++++++++++++++++++++++++++++++++= No toż życza Ci rychłego powrotu do zdrowio. Mom nadzieja,że jak sie umisz tym swoim ciyrpiyniym pochwolić to nie je aż tak żle. W przeciwnym razie by było widać wykaligrafowano data na gipsie, Toż jeszcze rouz pomyślnej rehabilitacji. Odpowiedz Link
seppel Re: pauza 07.03.10, 18:30 wyglondo choby Szuapa od Spszedofcy odkurzoczy(Staubsaugervertreter) prziczasnionto Dzwjyrzami ;)) Gute Besserung Uabyndziok! Odpowiedz Link
1fatum Re: pauza 13.03.10, 08:31 Cytatszwager_z_laband napisał: > na krankolu;) > > schlesien.nwgw.de/foto/displayimage.php?album=757&pos=2 > pozdrowiom i ... Ty się ciesz, że doktory nie robiły konkurencji, który pierwszy skończy operację, tak jak rywalizowali podczas szycia. Musiało Cię szyć co najmniej dwóch. Jeden szył zwykłym szwem, a drugi skórnym wypierającym. Masz pojęcie, co by było, gdybyś był w polskim szpitalu? Już nawet w TV o pijanych lekarzach podczas dyżuru mówią wtedy, kiedy mają ponad 2 promille. Wyobrażasz sobie doktora z nożem w ręce, który dla zachowania równowagi, dłonią z nożem opiera się o krocze? Zostałbyś gryfną frelką. Tak, czy inaczej ładnie się doktory sprawiły i niebawem będziesz mógł niejednego "geniusza" skutecznie kopnąć. Nawet nie wypada życzyć powrotu do zdrowia, bo widać, że jesteś zdrowy. Za rok, to i tego cięcia widać nie będzie. Odpowiedz Link
szwager_z_laband Z pamiyntnika szpitalnego od szwagra (1) 13.03.10, 07:47 No to wkoncu poznouch tyn pszibytek! Ostatnioch bou tam jeszcze z mamom, to znaczy jak zech psziszou na swiat. Wtedy mi sie tam nic niy widziauo, bo byli tam same wojoki – znaczy rodziouech sie we tzw „wojskowym szpitalu” we Glywicach. Podobno jak zech psziszou na swiat to zech zaro ryczou - widac juz wtedy wiedziouech ze musza sie od tego wojska „wycfancigowac”;) Ale jak zech tera trefiou do szpitala(?) Podobno wszysko skuli mojyj kobiyty! Toc ona mie tam zawiozua autym i padaua kaj sie mom zameldowac, ale tak ino godajom te co niywiedzom ze mie tam jedyn dochtor posuou. Tyn lykorz podobno je nojlepszy u nos w swoim fachu (zarochTO wiedziou, bo miou slonske miano!), ale te frelki co u niego robiom we rejestracji usw, te to bouy darymne i ino mi po nerwach grauy – nic doporzondku z tymi papiorami zauatwic niy poradziouy ... . W kozdym razie porobiyli mi tam fotki, wziynli mi trocha krwi odloli , i jedna modo dochtorka sie mie pytaua jak chca u niyj „usnonc”(eli mo mie” zniyczulic ino na dole” i byda wszysko widziou co symnom bydom wyrobiac, abo chca niywidziec co bydom symnom wyrobiac ) , pieronym fajno boua, ale jo je zyniaty i jyj padou ze spac byda som) Potym psziszli czi dochtory(abo bouo ich cztyry?) i pora siostrow, i padali ze bydom mie kroc kajsik kole drugyj popouedniu i ze tera mom dzwignonc nogawka od galotow bo mi muszom oznakowac noga kero mi majom kroc – bo inaczyj jeszcze mi ta zdrowo noga pokrejom i co by to bouo ... Te dochtory co mi psziszli kryklac po nodze to byli same spiki, i skisz tego chyba ze nimi tela fajnych frelkowino bouo – ja te frelki co tam robiom w tym krankynhauzie to musiouech durch odymie czimac na dystans, durch mie ino seblykac chciauy i take inksze roztomaite gupoty, a jedna to mie potym niydos ze do uozka braua to mi pszed tym i nogi moua – no ale na szczynscie praje w tym momyncie moja kobiyta wlazua do izby ... ... na szczynscie bo kozali mi majtki seblyc i taki nec oblyc zamiast nich, bez kery wszysko widac, a potym oblykli mi take cos co wyglondauo jak fartuszek kery miouech jak bouech blank mauy bajtel to my musieli nosic we pszedszkolu we Laband. Jak tu niy miec stracha ze te „siostry” z tobom jakis gupotow niy porobiom ... ) Praje juzas moja kobiyta poszua wek jak mi dwie „siostry” juzas kozauy wlazywac do uozka ...! Wszysko rozumia ale czamu mie pszedtym wazouy i musiouech tela roztomaitych danych podowac i tela kartkow wypisywac i podpisywac to do dzisiej niywia – mozno cebych potym jake „alimynta” odnich niychiou, abo pierton ich tam wiy ...! Normalnie rozum mi miou stanonc!, ale to wom kedy indziyj juzas szkryfna co symnom tam dalyj wyrobiali, jak mie juzas wypuszczom te siostrzyczki. Narazie Pyrsk! Odpowiedz Link
annak12 Re: Z pamiyntnika szpitalnego od szwagra (1) 13.03.10, 09:20 szwager_z_laband napisał: > Normalnie rozum mi miou stanonc! dobrze co niy serca abo coś inszygo;)) Ci tam skołczom wele Ciebie,nale za nami ci se ckni. Miyj se dobrze! Odpowiedz Link
ballest Re: Z pamiyntnika szpitalnego od szwagra (1) 13.03.10, 11:29 Napisz nom co se stalo, a nie jak Cie te Freelki tam podrywaly !;) Odpowiedz Link
anton_28 Re: Z pamiyntnika szpitalnego od szwagra (1) 13.03.10, 11:49 Jak jusz szkryfloomy uo krankenhausie to jo by tysz chciou moja gyszichta z Regensburg szkryfnoonc: To bou moj drugi ros w krankenhaus, po tym jak zech se urodzioou :) Ale niy bouo tak zle, Doppelzimmer s pounym wyzywiyniym :) TV, telefon... yno internetu jescze brakowauo :) Szwager, te spodnioki i biouy mantel tysz zech dostou jak mie kroli!! A jak psziszuo do uspanio - jo padou ze chca byc pszitoomny - no i napoczou tyn Anesthesist takom dugoom jeguom co boua pod proondym !! dziubac i potym znoud ta rzooua co miou betäubowac - trocha to twauo i niybouo za fajne Potyn pamiyntom jak mie couko prawo stroona tak choby "boua weg" Wrojziyli mi suchawki na ueb i padali jako Musik mie majoom dac - jou padou - Deutsche Volksmusik - Chefarzt padou - kein Problem!! Potyn mie we ty pywnicy dali wiyjzli, pieronym zimno bouo !! Powiejsiyli taki zielony forhang pszed uebym cobych nic niy widziou i pujsciyli musik. jo ale i tak prawie wszysko mitkriegowou, i suyszou ta bohrmaschina co mie we kojsci wiertali. Po dwa godzinach bouo vorbei - i zawiyjzli mie na zimmer - couki pomaranczowy z taki wody cojom mie pomazali POTYN POU ROKU PAUSE !!! Po tym poou roku nazot na krankenhaus i diesmal zech se zdecydowou na vollnarkose!! Pamiyntom ze tako mauo maska mie dou na gymba i padou Gute Nacht !! Potyn sie budzam, zajs ta pomaranczowou farba, gorduo boli pieronym chobych kilo lodoow na ex zjoud!! co je los??? dwa dnie zech czyjzwiou !!! i jak jusz bouo ijs do dom, to padali ize niy mogam autym jechac - no i cza bouo na autobus stouc We autobusie jakojs mie luftu brakowauo, obwohl uokna do mola pouotwiyrane - no i coros wiyncy zech se pocic zacznoou i w uebie se krynciouo!!! Musiouech wylyjs dwa pszistonki wczejsni bo myjslouech ze sjadam!! Chyciou zech se ty ruki uod pszistonku i dychou jak dampflok!! poleku piechty zech se zawlyk do dom i pod na pryk! Also tera jusz wiym, ze niy byda jusz wiyncy vollnarkose brou Odpowiedz Link
ballest Re: Z pamiyntnika szpitalnego od szwagra (1) 13.03.10, 12:03 Jou jeszcze we Krankenhausie nie lezou, bo urodziou uech se w doma we Plawniowicach, a uot tego czasu jak w Krankenhausie uech bou, to yno chorych uodwiedzic, ale se zawsze cos wydarzyc moze, skuli tego se pieronym Kramkenhauzu bojam. Odpowiedz Link
gryfny Re: Z pamiyntnika szpitalnego od szwagra (1) 13.03.10, 13:29 czymej sie i pacz do dom,gibko Odpowiedz Link
sloneczko1 Re: Z pamiyntnika szpitalnego od szwagra (1) 13.03.10, 19:43 ciekawe po co te necowe galotki tym chopom dali;) może sie boli,że co inkszego im przez przipadek wyżnom? Ballest nic sie niy boj krankenhauzu w doma tysz ludzie umiyrajom niy yno tam:) Odpowiedz Link
szwager_z_laband Re: Z pamiyntnika szpitalnego od szwagra (2 i 3) 15.03.10, 09:26 No tosz tera wom powia troszyczka jak to mie te sioszczyczki we tym „…….hauzie“ pflygowauy. Jo musiou tam pszinsc blank guodny i czekac cztyry godziny aze mie do takego uozka weznom( ze kerym mie potym woziyli po tym coukym „......Hausie”) – za dugo zech sie ale niy broniou, to ino godom cobyscie mie zle niy zrozumieli;) Jak juz zech bou sebleczony usw to juzas pora godzin mie w tym uozku mynczouy i ani nic jesc niy dauy – dopiyro kajsik kole pou czwortyj po pouedniu psziszua jedna modo i fajno sioszczyczka i mi padaua ze mo do mie zuo wiadomosc. To co do niyj bouo zue to do mie bouo ale super dobre, bo mi padaua ze dzisiej mie kroc jeszcze jednak niy bydom, bo mieli pora „ inkszych” delikfyntow(tak jo sie som juz mianowou!) o kerych musieli sie pszodki „troszczyc”, bo to byli „wypadki specjalne” – hm ... (?) = juz se zaro forsztelowouech co z nimi tam tysz wyrobiac musieli !! No i ta „siostra” sie mie pyto eli chca tera cos pomaszkycic , ale jo jyj padou ze juz poczekom na kolacjo, i niych mi lepiyj kawa psziniesie. Za pou minuty psziniosua mi couki dzbonek kawy i sie do mie fajnie usmiychua, a jo bou tak” snerwowany” pszesto ze zech wypiou jedna szolka ino i reszta douech inkszym chopom co tam byli i wyglondali mi na fest „zaawansowanych delikfyntow” ... No ja, w kozdym razie jo sie gibko oblyk i poszou do mojyj kobiyty wszysko jyj opedziec co to zech sie „naciyrpiou” bez tyn czas jak mie tam ostawioua samego w tyj izbie u tych sioszczyczkow! Jak zech psziszou nazod to juz na mie czekauy te gryfne frelki na kere sie tam godo „sioszczyczki” i mi juzas kozauy wlazywac do uozka ... . Jo juz ze strachu to ino myslou o tyj nocy co mie tam czeko i ani bezto niy pamiyntom co zech dostou do maszkycynio na kolacjo. Ale w miyndzyczasie trocha zech sie miyj bou, bo we mojyj izbie jeszcze dwoch inkszych „delikfyntow” bouo i my se mogli nawzajym pomogac we tym obyciu ze sioszczyczkami;) , a te o nos dbauy i na wieczor i we nocy, a co bouo po jasnoku to juz ani niy spominom ... , nawet TV nom nasztalowauy i suchawki na gowa wraziouy, no i co my ino bez cufal na taki knefel pszicisli to zaro jedna psziszua/abo i dwie!) nos obsugiwac = to my te knefle daleko odsia osuwali coby nos to pieronstwo niy kusiouo!!! I tak zech dotrwou do rana na drugi dziyn ...! Jak se od tych sioszczyczkow trocha odpoczna, to sam juzas kukna, a tera ... Acha!, tyn jedyn „delikfynt” we mojyj izbie tyn chrapou a chrapou, i jo musiou na niego gwizdac coby pszestou – to pomagauo, a tyn drugi co bou snami we tyj izbie sie ino smiou piernik jedyn)) Coby mi tysz za dobrze niy bouo to jedna gryfno frelka psziszua mi dac szpryca na wieczor – ale nic niy bolauo, choc myslouech ze mozno lepiyj poudowom trocha i ona mie popszaje jak bydzie wodziec jak jo „ciyrpia” ) Ps Acha, jeszcze cos waznego!, kole uozka powiesili mi te „frelki” jakos kaczka!!! No normalnie rozum stowo!!! Dalyj bydzie juzas ... ------------------------------------------- Na drugi dziyn to juz mie nic pomoc niy moguo, zaroski z rana dostouch szpryca potym tabletka, no i juzas mi tako gryfno frelka nogi moua. Pojesc mi niy dali bo to je zabroniono jak cie pszeca samego na stou bierom. Potym symnom jechali w tym uozku w siyni, no i jeszcze we takim srogim raumie kaj bouy boxy na uozka we kerych pszigotowywali mie i inkszych delikfyntow na wjazd ze uozkym do salow/sali kaj nos/mie mieli kroc. Czuech sie jak Niki Lauda na starcie we F1, he,he! Padali mi ze po tyj tabletce coch jom uyknou to byda szczynsliwy – a jo juz se myslou ze wiyncyj szczynsliwy jak z tymi sioszczyczkami to byc niy byda!, ale jo niy bou po niyj ani szczynsliwy ani niyszczynsliwy, mie ino czas leciou dziesiync razy szybciyj, i tak tysz za sekunda(abo i dwie) jechali juz symnom tera do takyj izby kaj boua pieronym srogo lampa, i mie pod niom zaparkowali ze tym moim uozkym. Jak sie niymyla(a jakos zle to se pszipominom) to mie dali na tako wonsko choby lyzanka, jakes plaskate choby knefle mi na klacie popsziklejali, trocha cos mi tyn lykorz co tam bou godou(ino juz niywia co on fulou ...) i ino dalyj pamiyntom jak mi tako maska na gymba dowou, i dalyj film mi sie urwou ... Nic mi sie niy sniouo i mom potym kajs 3 godziny pszerwa w zyciorysie, ale jak zech sie obudziou to jakos dziwnie chciouech wstoc i jeszcze smiyszniyj niy poradziouech sie wiela podniys = co zech sie podnosiou to zech klacnou nazod na uozko, i tak wiyncyj razy. Za kozdym razym jak zech sie podnosiou to juzas take fajne frelki mi godauy ze mom sie legnonc i durch mi co jakis czas zadowali komiczne pytania – jak sie mianuja, itp ... Sucho miouech tera we gymbie jak by mi tam piosku nasuli, no i padouch do takyj jednyj sioszczyczki coby mi daua trocha wody – ona mi daua tela co kot napukou tyj wody, tak ze zech ledwo co uyknou. Jak zech szluknou ta kropla wody to mi sie ale niydobrze zaro zrobiouo i padom im ze mi je niydobrze. Zaro mi dali pod gymba tako mauo miska co wyglondaua choby nyrka. Heftowac alech niy heftowou i za pora minut juz mi bouo lepiyj. Jeszczech piytnoscie minut tam polezou i zawouoech jedna sioszczyczka coby mie juz zawiyzli do izby bo juz zech je normalny i sie wiyncyj tak „maszkytnie” niy czuja jak pszedtym) Acha!, no i couki czos jedna siostra durch szkryflaua jak jo sie zachowywou – mozno chciaua mojyj kobiycie wszysko opedziec ...(?) - pieron jom tam wiy ... Tak tysz mie zawiyzli do izby, juzas mi moje uozko zaparkowali tam kaj zech z nim bou pszedtym i te dwa inksze „delikfynty” co w tyj izbie symnom miyszkali zaro sie mie pytali jak bouo. Jo opedziou im co pamiyntom i zech juzas usnou ... Dalyj bydzie juzas ... ------------------------------------------------ a sam cos co mi podciep R.Starosta: www.youtube.com/watch?v=2V4bDIUxcDQ no to PYRSK! szwager_z_laband Odpowiedz Link
gryfny Re: pauza 16.03.10, 14:40 szwagier ty na chorobowym a sam warzom maszkiety roztomaite wiadomosci.gazeta.pl/Wiadomosci/1,80708,7661565,Polscy_Tatarzy_czekaja_na_ksiecia_Karola__Szykuja.html Odpowiedz Link
szwager_z_laband szpital od szwagra ( 4 ) 16.03.10, 20:28 We naszyj izbie we tym szpitalu to bouo nos 3 chopa no a „oberdelikfynt”we izbie to bou taki jedyn oupa co kedys robiou szkolynie trocha wiyncyj jak piyrszo hilfa i bezto na wszyskim sie znou – no i ze bou nojstarszy to mu sie to nalezauo. Wszyske my mieli krone nogi tak ze choby ino to juz nos czimauo cuzamyn do kupy i jedyn drugymu pomogou jak cza bouo. Nasze sioszczyczki bouy naprowdy wszyske grzeczne i piykne tak ze czuli my sie tam richtik dobrze i nic nom niy brakowauo. Mieli my tysz bezuchy od roztomaitych inkszych abtajlongow, a to nos sie pytali kaj na Kur (sanatorium) chcymy jechac, pokozywali nom jak momy uazic z krykami na prostym i na schodach i take inksze roztomaitosci nom klarowali. Roz mie chyciyli jak zech probowou isc po izbie bez kryki(to znaczy skokouch na jednyj nodze) i musiouech se trocha nasuchac, a roz jak mi taki szlauch ze nogi wyciongli i zech potym wstou to zech sie wystraszou, bo pouno krwi mi sie wylouo na ziymia za jakis czas ze tyj dziorki kaj bou pszedtym tyn szlauch i od tego momyntu bouech czi dni „bohater roku” do tych dwoch inkszych delikfyntow ze mojyj izby. Ale lykorz mi padou ize to je normalne i niymom sie co martwic, bo to sie zdarzo. No tosz tera zech musiou zaczons richtik uazic z tymi dwoma krykami i czuech sie jak jaki inwalida wojynny) Lykorze sie zmiyniali co kwila, tak ze krou mie chyba jakis Bougar, asystowou Rus, psziuaziyli i jedyn Polok i Nimiec i pieron wiy kto tam jeszcze ... No to musza tera narazie skonczyc o tych „krykach” bo mie juzas bierom ... Ps Cos do posmionio: www.youtube.com/watch?v=t1CqcE5UmxM www.youtube.com/watch?v=TJ7QOtchT58 pyrsk do niywia kedy! Odpowiedz Link
