Gość: Lucek
IP: *.dip.t-dialin.net
12.11.02, 19:24
Babka we mnie się jedna zakochała była to babka toaletowa ,ciągle mnie tam do
siebie wołała, i ciągle mnie ino.
Panie Lucku puć no pan jerunie, jak pan mi sie podobo krystusie wiey pan,
jaki pan pośmywny jerunie w tyj mycce pan tam łazi kurde bele, pan może
zawsze przichodzić do mnie za darmo ,dlo pana som zawsze drzwi łod mojego
haźla
łotfarte.
Je jak by pan tam tak pedzioł z tyj scyny wie pan, co łoni to z tom wódkom
zrobili jerumie dyć to czeba poruszyć tyn problem co łoni to prohibicjo, fto
to co łoni to robiom, co łoni to robiom, dyć tak gorzoła podrożeć, to idzie
łogupieć.
Jak nom sie besto zarobki popsuli jak jo tera wyciongna te tysiąc
łoziemset...., dziennie to wszystko ...... ta z szatni jak narzyko coby sie
dorobić to musi ludziom po kapsach sznupać.
Co łoni to robiom, co łoni to robiom, kaj te czasy co klijynty łostowiali w
kieliszkach, to były czasy, jo dlo mynża zawsze te pół litra śloła dziennie,
jak sie cieszył jak łun mnie całowoł, jak łun mnie kochoł łon bardzo ta wódka
kochoł łun codziennie jom musi mieć, tyn pierun tak jak mnie, a teraz jaki
nerwowy sie zrobił szłapy mu sie trzynsom skond jo mu wezna skond, no fto
łostawi fto? a jak już kelner pierszy, wachuje coby porwać i wyzryć , bo tera
łunym żoden ni naleje nima sie co dziwić, nojwyżyj po pysku, bo ludzie
trzyźwi jak druty ćulać sie nie dadzom.
Co łuni to robiom co? Jakich jo tu miała klijyntów , fto u mnie tu nie
sry ....., nie bywoł tu derechtory, inżyniery oficyry to byli ludzie, a teroz
same hochsztaplery z Sosnowco przelecom przez haziel ino paczom co porwać i
wynieść,
a jo tu kupuja lizułle papiury to kosztuje, Jerunie.
Jo już tu miała dodatkowych klijyntów to już nie przichodzom, kiedyś ta z
tego tołtolotka ino do mnie przichodziła, za darmo! i jo jej trumpfła kiedyś
godom, halo pani Myscyno, jo tu kupuja wszystko roz na miesionc te pora złoty
byście mogli dać ni , łona godo że tu robi ....., no jak kaj łona robi, kaj
robi, łona robi fyrma tołtoloto,a tu jest gastronomia ślonsko, potym dawała
po sto złoty, tera nie przichodzi z doma do kiosku sie kibel prziniesła i tam
cedzi.
Co łoni to robiom , co łuni to robiom dyć to idzie łogupieć, a te nerwy w tyj
robocie kiedyś jo miała awarjo, na fajrant mi się haziel zasztopowoł ,
poleciałach po gulik tałchera,nie prziszoł sama przedichtowałam, prziszłam
taka zmachona kole dwanostej jak mój na mnie rycoł, godo Maryjko ty pieruno
kaj ty łazisz, co kaj jo łaża co ty godosz jo miała awarjo, cicho godom nie
ryc dyć jo ci na chopów nie puda jak mnie już jest sibnonzipzig jahry, i
wlazłach do łużka bo mynżowi sie noleży codziennie cza dać, a łon mi godo
Maryjka punknij sie bo cie haźlym czuć, no krystusie jeszcze mi nigdy tak nie
pedzioł, no co ,co myślisz że jo w parfineryji robia byda mu parfinami wuniać
gupi knebel stary.
A my sie kiedyś kochali je jak myśmy siem kochali łon był za mnom jo była za
nim, fto przed nami nie wiem, tera nerwy i nerwy.
A w robocie jak jo sie kiedyś znerwowała bo miałach awarjo sie kelner z
kelnerkom szczaśli zupa im sie wyloła, jo musiała wzionć szmata iść
poschroniać ida wypukać w babskim nie było wody,
(kokotek drutym łobwionzali pół roku tymu pierunie ni mo fto naprawić),
i poszłach do mynskiego ale tam był klijent łon nie chcioł wylyź i jo mu
klupja,
halo tam proszem wylyź bo jo musza wlyź, a łon nic mnie to wnerwło ze szmaty
mi zaczło kidać, godom może sie łożarty łobalił albo tam glazura mu się
spodobała................?
Ja som takie pieruny pół ściany flizu wydubali .
Właża rań a tu jakby mnie fto w pysk szczelił, a łon do mnie, co ty staro
babo tu chopów podglondosz?
Je jak jo mu nie pizna, z lewej z prawyj, jak jo mu loła jak mnie rynce
boleli .
Ta zupa była z makaronym bo ino nudle w lufcie furgali.
No idź idź , za takie coś to ino idzie zawrzyć takiego świnorza takie coś
kobiecie na służbie pokozać.
Ale tak to ja siem z menżem kochom bardzo siem kochamy, muj mąż teraz
załatwił kobiete,łuna przichodzi do mnie do dom jak jo ida do roboty ale jako
robotno,wszistko mi zrobi łokna pomyje, tepichy wyklupie, wongiel prziniesie
no przecież ja siem nie bendem marasić jak mam inteligentną robotę.
