Poezja slonsko i inkszo.

[Gość: Szwager]

Mom mauo propozycja, jak kery(o) mo jakes konski o Slonsku abo po slonsku,
to mozno by je sam wciep. Proponuja konsek sie juzas pobowic poezjom.

[Gość: Szwager]

Siwo mgliczka

Siwo mgliczka han w groniczkach
Na miedzy przisiadla
I lociyro z czepca rose,
Gembiczka jej zbladla.
Czepiec szumny z pajeczyny
Tkany drobniuteczko,
Jakla w kwiotki, lonta szaro,
Szatka bieluteczko.
Lobleczono jak stareczka,
Kluczko sie podpiyro,
Kumalusku idzie na dol,
W dziedzine spoziyro.
Idzie dalyj az do legu
Klabniki przikrywac,
Coby zdazyc przed sloneczke,
Roso je obmywac.
Rose w putni mo przi sobie,
Hute sie uwijo,
Bo juz han nad Jarzebato
Sloneczko wyziyro.
Jak sloneczko zaswiycilo,
Loblysklo groniczki,
Stracila sie jakla, czepiec,
Ni nma siwej mgliczki.



Kery(0) zgodnie kaj tak godajom?

[ballest]

Szwager jou to juz kejs szkryflou, ale sprobujam jeszcze roz!
"Jak jou szou z karczmy do dom
a tam sie chuwik kalou
a jou myslou , ze to szwager
przy niym sie uwalou
a chuwik sie przewrociou
szturchnou mnie ryjokiem
a jou dobry jak do szwagra
przykrou kapudrokiem"

[Gość: Szwager]

A znosz to?

Jak sie Julik opiou
Wsadziou palec w popiou
Jak miele tak miele
Tym palcym w popiele

[meg_s]

Gość portalu: Szwager napisał(a):

> Kery(0) zgodnie kaj tak godajom?

musi w Beskydach ;-)

[ballest]

Meg w Wisle !!!

[meg_s]

ballest napisał:

> Meg w Wisle !!!

a Wisła niby gdzie

[Gość: Szwager]

Ja mocie oba prawie, to je ze konca Beskidu Slonskego a gynau to ze wisuy.

Potym juzas jaki konsek dociepna.

[Gość: ballest]

Meg tysz trefioua, ale jou lepi cylnou!
Nastympnym razym napiszam z Europy !:-)

pyrsk
ballest

[meg_s]

kurcze, jaki zarozumiały ;-) - teraz i tak mi nie uwierzycie, ale wiedząc gdzie
Szwager był chciałam napisać "Wisła", (jeszcze ta "Jarzębata") ale potem
przypomniałam sobie jak "miejska" robi się sama Wisła i zboczyłam w okolicę

[Gość: Szwager]

No to mozno jeszcze jedyn konsek ze tyj okolicy:

Chlebiczek

W starej jizbie na stole wydrzite kartacze do biola,
Lezy chlebiczek - co go reka mamulki w dziyzce zarobiala.
Pelno jizba woni swiyzego chlebiczka,
Co mo dwie skorki - jak niesie piesniczka.
Jedna ze spodku co sie w nio puko,
Z wyrchu co sie blyszczy je kminkym posuto.
Jak mamulka chlebiczek napoczenali,
Dycki go prawo reko z wyrchu przezegnali.
To bol ten szacunek, nauka za mlodzi,
Ze sie chlebiczek roz do roka rodzi.
A jakby tez nielopatrznie skibki konsek spadlo,
Z wdziecznosci sie na nio pocalunek kladlo.
Bo byly to czasy, kiedy sie rzykalo,
Naszego powszednigo z wiaro przijmowalo.


Prowda co piykne?

[Gość: Szwager]

Starzikow naszych mowa

Kamienisto jak ziymeczka
Jak strumyczkow jek mrukliwo
Jako poszum jedli hyrno
Jako biyda
Tak wstydliwo

Rosla z nami tu wiekami
Byla w nas i nami byla
Panskej gemby nie kalala
Jeny z nami
W zgodzie zyla.

[Gość: Szwager]

a sam jedyn fragmynt kerych konsek przerobiou na moje:

Juz niy slimto niy stynko
Godka co w zapuzniyniu trwoua
Wszyndzie stowo sie tera
Do modych serc sie dostoua.

(naszo godka)

[Gość: Rumcajs]

Szwagierku! Po kroplach chmielowych stajesz sie taki nostalgicznie-
refleksyjny... ;o)))

[Gość: Szwager]

Aaa, widza ize tysz dostous smaki!

No to PYRSK!!!

[Gość: Szwager]

www.echoslonska.com/0307/IGRASZKI-FRASZKI.htm

[Gość: Szwager]

A to jedyn konsek od jednego Utopka:

Slonski kwiotek

Na tym naszym czornym Ślonsku,
Tak jak wszyndy kwitnom kwiotki!
Ale nikaj niy treficie,
Takij piyknyj jak tu godki.

To łona mie prziwitała,
Jak na Boży Świat żech prziszoł!
Starka z mamom tak godały,
Od nich piyrszy żech jom słyszoł.

To nojlepszy ślonski kwiotek!
Idzie pedzieć - Rzecz to Świynto!
Kery tukej sie urodziył,
Cołki życie jom pamiynto.

Naszo piykno Ślonsko godko,
Keroś wieki nom przetrwała!
Kwitnij dalij moja złoto,
Co byś dycki tu łostała!

[Gość: Szwager]

Narod ganc zbzikowol, na nic niymo czasu,
ani robic w polu , ani jis do lasu.
Nalokolo widzisz starych, mlodych, dzieci
jak na skret karczyska, kazdy kansi leci.
Pomalu chlop z baba, w te hronskim pospiechu,
nie beda miec czasu, w nocy robic grzechu.

to je fragmynt od slonskich Go'roli ze kole Wisuy.

[Gość: Szwager]

Downoch niy bou na "Slonskich Igraszkach", a tam take piykne konski sie
pokozauy:

"Spacyr po miescie, bez paryzola
kropelki dyszczu za kragel lecom,
cicho lisciami szumi topola,
miyndzy drzewami latarnie swiycom"

chybach dosc wiernie to zacytowou.

[Gość: Szwager]

I tego samego autora dosuownie:

"Bo słonko tak cudnie zza liści przeświyco
jak lampka górniczo zza sztompli kotary
Bo juzaś natura nektaru słodyczom
zalotnie wystawio kwieciste puchary.

I ptoków spiywanie co rano cie budzi
nim słonko do łokiyn zaglondnie zalotnie
i cięgiem spotykosz przijaznych ci ludzi
Wiync Bogu za wszystko podziynkuj stokrotnie."

Prowda izy piykne

[Gość: Szwager]

"godajom że nos jeszcze niy ma
i nigdy niy bydzie
godajom że wymyśleli my samych siebie
jakby nos za mało
na tyj umynczonyj planecie było
godajom - a larmo jest wielkie
i kiedy tak suchom tego
ida na kerchow
siadom przi grobie uojca
i uosprawiom mu uo tym wszystkim
a po tym ida do dom
i elkeruja się to
może uoni majom racja
i jo już całkym zgupioł"

[hanys_hans]

Graj muzyczko graj
jutro moomy fraj
A po jutrze zajs´ do szkouy,
Co by z nos niy byuy wouy.

[Gość: Moje miyjsce na Zi]

Moje miyjsce na Ziymi

Kraina kaj hołda krajobraz łoszpeco,
kaj drzewa sadza całunym okrywo,
kaj promiyń słońca bez dymy przeświyco,
kaj brudno rzeka smutnie w dal odpływo.

Kaj prawi ludzie, kierzy wieki całe
Ślonskie tradycje jak skarb przechowujom,
na przekór obcym, kierym się wydaje
co Ślonsk to w sercu ino starzi czujom.

Cos mie tu trzimie jakby na kotwicy,
Kajkolwiek jestech to chca tukej wracać.
I niy zowiszcza tym, co kaś w stolicy
Mogom się miyndzy sławnymi łobracać.

Tu moje przodki leżom pochowane,
starzik i starka razym, kole siebie.
Czekajom teroz tak jak przykozane
Na tref łostatni, kiery bydzie w Niebie.

I choć som landy na świecie gryfniyjsze
Tu jest mój heimat, niy zmiynia go za nic.
Mało ojczyzna, to mi nojmilyjsze,
Teroz w Europie, kiero niy mo granic.

Kiyks
(ze Myslowic)

[Gość: paryzol]

spacer po mieście, bez paryzola
kropelki dyszczu za kragiel lecom,
cicho liściami szumi topola,
miyndzy drzewami latarnie swiecom

Po Mysłowickim rynku dostojnie
lipcowy wieczór pomału kroczy,
odchodzi w ciszy, bezto spokojnie
mogiymy dyszczym sie zauroczyć.



Roz, dwa, trzi, śtyry - próba klawiatury,
juz ni ma hicy, cosik pyrsko z góry,
niebo chmurami szczelnie zaciągnione
nad klawiszami rynce ustawione.

Dyszcz kropelkami błyszczy jak diamynty
spływajonc strużkom miyndzy fundamynty
miłości moi. Ach przidź na spotkanie
bo czekom..... Idzie mi pisanie?

Roz dwa, roz, próba - to hica! Godołech!
ino sie skończyła rymy połapołech.
Teroz moga ukłodać słowa rymowane
i posyłać na forum kaj bydom czytane

[Gość: Szwager]

Handszuiczki

Handszuiczki, handszuiczki
Wiela to juz lot
Kejch je z jednym palcym nosiou
Dzisio rod bych juzas znod
Handszuiczki, i zas ouma prosiou
Coby fajne mi usztrikowaua
Take nowe, kolorowe
Abo mamie codziyn od niyj "krod"
Coby miec te co palcow majom piync
Tak spominom w handszuiczkach
Nosz za bajtla swiat
Couki z wouny sztrikowany
On bou ciepuy, on bou swojski
Bo couki od oumy i couki od mamy.