broneknotgeld 18.03.06, 23:02 Toż witom tu wszyskich Wos piyknie, no i... Inkszych zaproszom w tym do wspołpracy Bych jo niy musioł przegrzywać glacy A wontek pryndko lecioł do przodka I rymym blysła tyż naszo godka. Odpowiedz Link Obserwuj wątek Podgląd Opublikuj
broneknotgeld Re: Fraszki o Niemczech 18.03.06, 23:02 "Oktoberfest" Z wrześniym jednak go fajrujom Dyć chmiel wtedy fest żniwujom Ze dwa tydnie piwo żłopiom Ponoc niy som nic "pod kropom". Odpowiedz Link
broneknotgeld Re: Fraszki o Niemczech 18.03.06, 23:04 Wystawa zdjyńć w niymieckim MSZ (Berlin) Toż nos "piyknie" pokozali Jakby "zimno wojna" dali Widać tako "polsko biyda"? Pała za to dyć trza by dać Komu? -Toż łodpowiydź dom Pała trza dać tym co som Gospodarzym i patronym Chocioż tyż niy yno łonym Ktosik tako to zrychtowoł Ktosik inkszy zdjyńcia dowoł I cuzamyn "polsko klapa" Gańba stanońć tam na szłapach. Odpowiedz Link
broneknotgeld Re: Fraszki o Niemczech 18.03.06, 23:05 Czowiek Heidelberski Czwiek z Heidelbergu piyrszym we Europie Poł miljona rokow na zadek se kopie Dyć przeca we Niymcach trefiyło nom spotkać Takego zocnego ludzkości praprzodka. Lodowce Skuwały lodowce pora razy ziymia Dyć ktosik juz myśloł - "jo to wszysko szczimia". Neandertalczyk Rzeka Neander pewnikym znocie W jeji dolinie Felhof jaskinia Tako tyż sztela praprzodka mocie Zdo sie co jego teroz dziedzina. Odpowiedz Link
broneknotgeld Re: Fraszki o Niemczech 18.03.06, 23:06 Kultura azylsko (Mas d'Azil) Zaś starom drogom co nowe idzie Kolybka inkszo dyć tu se bydzie. Kultura tardynosko (La Fere-en-Tardenois) Zdo sie - tref tako samo durś plecie We mezolicie już my som przecie. Kultura maglemosko (Maglemose - Zelandia) Widać w tych stronach już wiyncy mocy Toż ta kultura przeca z połnocy -Sie na połednie terozki wcisko Czowiek i na tym ździybeczko zysko. Odpowiedz Link
broneknotgeld Re: Fraszki o Niemczech 18.03.06, 23:07 We neolicie Ze myśliwego no i zbiyracza We neolicie momy oracza Co i w zogrodzie gowiydź hoduje Z tym krok do przodka - to forsztelujesz. Urmitz k. Koblyncji Neolityczno zdo sie warownia Wrogow se boli jako i łognia. Gorki lepiom Gorki lepiom w neolicie Ze tych szkorup wiyncy wiycie Jako im se wtedy żyło -Dyć poleku lepi było. Odpowiedz Link
broneknotgeld Re: Fraszki o Niemczech 18.03.06, 23:07 Kultura amfor kulistych We Brandynburgji richtig widoczno Na wschod se cisła pieronym mocno Cołkym zonikła ze neolitym Toż wszysko tako pomiyni przi tym. Kultura pucharow dzwonowych Z Pirenejow tu wandruje Bronz na drodze swoji suje Zdo sie koniec neolitu Toż ło niego już niy pytom. Plymie Ano - rody już łonczyło Ze wodzym na przodku było Tako naczelnikow radom Z dymokracjom co tyż zwadom. Odpowiedz Link
broneknotgeld Bawaria 18.03.06, 23:09 Ponoć Bawaria jest echt niymiecko Ło tym tu godo i małe dziecko Dyć w Niymcach kożdy pszaje landowi Toż i Bawarczyk to zowdy powiy. Odpowiedz Link
broneknotgeld Re: Bawaria 18.03.06, 23:10 Zugspitz Ze Alp niy cołkym gora wysoko W Niymcach na piyrsze miejsce se skoko Ździybko brakuje do czech tysiyncy Dyć to Bawarow wcale niy mynczy. Odpowiedz Link
broneknotgeld Neuschwanstein 18.03.06, 23:12 "Krolewski zamek" Nałoglondoł se bajek łod Walta Disneya? Myśloł - Mom piniyndzy podobnoś za wiela -Toż sie piykny zamek tukej wybudowoł Choć godali ło niym że richtig zwarjowoł Dyć dzisioj Bawarjo asi sie tym cudym Skiż krola Ludwika myni jakby nudy I chocioż przi tymu prawie zbankrutowoł Łon to przeca cołki historyji dowoł. Odpowiedz Link
broneknotgeld Monachium 18.03.06, 23:13 Monachium Co nojgryfniejsze bywo po lecie? Grod nad Izarom w tym recht jest przecie Turystow ciongnom tu richtig krocie Toż Oktoberfest wtedy tu mocie Ludwik princesa Tereska broł Toż przi weselu gest wielki mioł "Theresienwiese" jeszcze niy było Dyć se tu wiela piwa wypiyło I łod tych czasow - chnet dwiesta lot Po lecie Bawar richtig jest rod Słonko se skryło we biyrze złotym Uciechy trza nom - to niy gupoty. "Niymiecki Paryż" "Niymieckim Paryżym" Monachium tyż zwom Cosik mi sie zdowo - inksze zdanie mom. Blik na Monachium Z telewizyjny zoglondnij wieży Atrakcjo piykno możecie wierzyć Przeca z niyj Alpy tyż widać czynsto Bele we lufcie niy było gynsto. Odpowiedz Link
broneknotgeld Bamberg 18.03.06, 23:14 Bamberg Bamberg Frankonii perłom jest przeca Ze bawarskego landu tyż neca. "Rauchbiyr" Yno z Bamberga jest take piwo Dyć niychej wos to wcale niy dziwo Toż recyptura znoł wiek szesnosty Słod przipolony w tym koncept prosty Choć zdo sie jeszcze że cosik wiyncy No to pijymy - niy trza sie mynczyć! Kajzer Hynryk II Kajzer Hynryk II w jedynostym wieku "Rzym" chcioł tu zbudowć - poskopisz czowieku? Choćcioż se dziwujesz dyć dobrze sie stało Przeca cosik z tego do dzisioj łostało. Odpowiedz Link
broneknotgeld Marktl am Inn 18.03.06, 23:16 Marktl am Inn Mało mieścina latoś coś budzi Toż stond se karlus w Watykan kludzi. Odpowiedz Link
broneknotgeld Re: Marktl am Inn 18.03.06, 23:17 Żywiciel Inn Marktl tyż żywioł tako jak niwy Z rzekom i ziymiom czowiek szczyńśliwy. Odpowiedz Link
broneknotgeld Re: Marktl am Inn 18.03.06, 23:19 Gyszeft Gyszeft przestawić na Ratzingera? Profitu z tego może być wiela. Odpowiedz Link
ewa553 obawiam sie Bronek, 19.03.06, 09:42 ze poza Toba i mna nikt tu gwary slaskiej nie rozumie:)))) Odpowiedz Link
broneknotgeld Ewie 19.03.06, 13:16 Możno szkryfnione to jest dlo Ciebie Byś se poczuła jak w ślonskim niebie. Odpowiedz Link
ewa553 Re: Ewie 19.03.06, 16:46 dziynkuja synek, ale co to jest "szkryfnione"??? Pyrsk! Odpowiedz Link
broneknotgeld Re: Ewie 19.03.06, 20:46 szkryfnione, naszkryflane - napisane, (pewno szkryflokym) Odpowiedz Link
dede1 Re: Ewie 20.03.06, 12:30 Kurcze! ja z Lublina i niwiele zrozumialam. Zreszta po pierwszej nie chcialo mi sie juz dalej czytac. Iza Odpowiedz Link
broneknotgeld Lubliniance 20.03.06, 20:51 Po co czytosz? Musu niy ma forum.gazeta.pl/forum/72,2.html?f=28940&w=28119362&v=2&s=0 Chcesz to wlyź na inkszy tymat. Odpowiedz Link
broneknotgeld Re: Ewie 20.03.06, 20:49 Ja, Ewa, dyć tego co sie nakryklo, to przeca żodyn niy poczyto. A jak se cosik szkryfnie to inkszo inszość - przeca wiysz. Odpowiedz Link
broneknotgeld Badenia-Wirtembergia 22.03.06, 09:52 Z Bawarii na zachod pódziesz we tyn land Toż przeca tu Niymiec jakby jedyn rand. Odpowiedz Link
broneknotgeld Re: Badenia-Wirtembergia 22.03.06, 09:53 Czi krainy w tym landzie przepiykne znojdziecie Badynio i Szwarcwald - te już znocie przecie Wirtembergia miejscowi ciyngym Szwabiom zowiom Toż na take miano jo tyż tukej stowiom. Odpowiedz Link
broneknotgeld Brackenheim 22.03.06, 09:54 Brackenheim W południowych Niymcach te miasto jest zocne Kaj wino czerwone robiom nawet mocne Winorośl "Lamberger" tukej sie udowo Godajom co łona jest jak ta krolowo Z czinostego wieku już znomy ta sztela Rudolf Habsburg miastu przisłużoł sie wiela Możno tyż lubowoł sie w tutejszym winie Kere ciyngym majom w niymiecki dziedzinie. Muzeum Heussa Heuss Theodor tukej przeca sie urodzioł Swojym piorym łostro we Hitlera godzioł Dyc skrył sie na Ślonsku w małym Gościszowie Historio nom godo że wielki był czowiek We tym NRFie zostoł prezydyntym Dziesiyńć lot kraj czimoł co już niy był "dynty" Niy dziwota tymu że muzeum tu mo Europa pamiynto i nad niym tyż dumo. Odpowiedz Link
broneknotgeld Frankfurt n. Menem 22.03.06, 09:56 Frankfurt Zaroz we gowie mi franfuterki Burczy coś cicho ze brzucha Skiż nich tyn Franfurt tyż przeca wielki Bo dbo ło ciało i ducha. Odpowiedz Link
broneknotgeld Nadrenia-Palatynat i Saara 22.03.06, 09:57 Ren ze Mozelom se tukej płynom Do końca świata tego niy minom A jo wesoło ciyngym mom mina Jak tutejszego wypija wina. Odpowiedz Link
broneknotgeld Re: Nadrenia-Palatynat i Saara 22.03.06, 09:58 Land Katedr romańskich - takim go znocie We Spirze Wormacji te kościoły mocie Moguncjo i Trewir dołożcie do tego Wiela dlo Kościoła znaczyły naszego. Niymiecki Szlak Winny Łoj bych se puścioł jo szlakym tym Na razie musi wystyknońć rym. Dolina Mozeli W Dolinie Mozeli rizling zocny płynie Trza łostać na dugo w ty piykny dziedzinie. Odpowiedz Link
broneknotgeld Nadrenia Północna- Westfalia 22.03.06, 09:59 Wiela tu znojdziesz ludzi ze Ślonska Kierzy ściongnyli do tego konska Tako łod downa już przeca było Zdo sie - niywiela z czasym zmiyniyło. Odpowiedz Link
broneknotgeld Iserlohn 22.03.06, 10:00 Iserlohn Z jegłow i szpyndlikow słynie W cołki niymiecki dziedzinie. Odpowiedz Link
broneknotgeld Kolonia 22.03.06, 10:01 Kolońsko katedra Szejset lot dźwigali W koncu zrychtowali Niychej se niom aszom nojmni druge tela Bo czym bez katedry jest ta miejsko sztela? "Żywo siyła" Z fligow tepichym Kolonia pokryli Yno katedra durś stoła W Niebo wołała - Bydymy tu żyli! Nawet sie łognia niy boła Kaj łona przeca - chnet wszysko łodrośnie W niyj siyła żywo "zaklynto" Czowiek - nadzieja - blikanie ku wiośnie A niy zaś jakeś "memynto". Odpowiedz Link
broneknotgeld Re: Kolonia 22.03.06, 10:02 Mu ulżyło Już dwa tysionce rokow niom rod Zdo sie w ramiona jeji łon wpod Prawiom - Rynowi przi niyj ulżyło Wpiyrw gorzi ze niym podobnoś było. Kolonia 33 r.p.n.e Ciśli w ta strona łostro Rzymiany Chocioz broniyli se fest Germany Tako nad Rynym rodzi se sztela Historio do jyj gyszynkow wiela. Kolonia 50 r.n.e. Sie Agrypina Młodszo w niyj rodzi Co za cysorza Rzymu wychodzi Klaudiusz szczyńśliwy nadaje prawa Miasta rzymskego - toż niy zabawa Stond tyż Koloniom zwać sie już może Rzymskom - tref ze tym wcale niy korze. Odpowiedz Link
broneknotgeld Re: Kolonia 22.03.06, 10:03 Kolonia IV w. Stolicom biskupstwa Kolonia sie stała Krześcijaństwu tako wiela łod sia dała. Krzescijaństwo Z połnocy cysorstwa zdo sie być na kraju Bestoż krześcijany myślom tu ło raju? Dyc stare we nowe sie leko niy miyni Mynczyństwym znaczono przemiana ty ziymi. Seweryn Gereon Urszula Wspomnieć trza te miana Jejich śmierć za wiara Łokwieci se rana Zdo sie już na marach Życiym bogobojnym Świyntości służyli Przikłodym dostojnym Dlo pokolyń byli Z jejich mogił aże Wyrosły kościoły Ponboczek niy karze Z Niymi jest wesoły Chwała tymu światu Za dzieci przezocne Z niych mosz wiela blasku I korzynie zocne. Odpowiedz Link
broneknotgeld Re: Kolonia 22.03.06, 10:03 Wolne Miasto Rzeszy Łod średniowieczo po nowsze czasy Biydom Kolonia Niymiec niy straszy Toż ciyngym rośnie - durś sie bogaci Profity zbiyro rzodko zaś traci. Woda kolońsko (XVIIIw.) Ze Italyji koncept tyn wziyła Se na ty "wodzie" tyż wzbogaciyła Niuchoł ktoś kwiotki na szpyrytusie Toż ze tym jakby kłonioł i tu sie. "Eau de Cologne" Yno jom niy myl z "wodom łognistom" Zdrowi jak gymba przepłokosz "czystom". Odpowiedz Link
broneknotgeld Stuttgart 22.03.06, 10:04 --Ludwigsburg Ze Stuttgartu metrym drapko se tu znojdziesz Przi pałacu tako do zochwytu dońdziesz. Pałac Niymiecki barok w pełny swyj krasie Toż tukej wybrać naprowdy trza sie. "Marhengarten" Łogrod dlo bajtli ze baśni braci Grimm jejich miano - pewnikym znocie Zoglondnońć tukej wom se łopłaci Wiela radości dzieciom tyż docie. Odpowiedz Link
broneknotgeld Re: Stuttgart 11.04.06, 23:35 Chocioż niymiecko to cołkym łonka www.stuttgart.de/sde/menu/frame/top_11021.htm Możno se przido tu tako stronka. Muzeum Mercedes-Benz Tu mosz auta historyjo To dlo Niymca niy mecyjo. Muzeum Porsche Łod Mercedesa łone niy gorsze Pewno zochwyci Muzeum Porsche. Odpowiedz Link
broneknotgeld Re: Nadrenia Północna- Westfalia 22.03.06, 10:05 Łogrod "Wilhelma" Zwiyrza i ziela Tu coś za wiela Toż we Europie tyn łogrod znajom I sie tyż jymu wiela dziwajom. "Mineralbad Lauze" Potoplać se możesz W mineralny wodzie Zdrowie poratujesz -Pokłonisz tyż modzie. Telewizyjno wieża Ze wieży na miasto niy yno se blikniesz Łoczami na Alpy przeca tako mykniesz. Odpowiedz Link
broneknotgeld Stuttgart 24.03.06, 10:00 Stuttgart wyży tyż być miało Dyć z felerym sie wklulało. Odpowiedz Link
broneknotgeld Brema i Dolna Saksonia 24.03.06, 10:01 Piyrwyj w tych ziymiach Sasy miyszkali Toż je po wojnie tako nazwali. Odpowiedz Link
broneknotgeld Brema 24.03.06, 10:02 Roland w Bremie Rycerz Roland na rynku we tym mieście stoji "Muzykantow z Bremy" łon sie nic niy boji We "Freimarkt" mo przeca serce ze piernika Luftbalony czimie - gro mu durś muzyka. "Freimarkt" - 1035 Dyć skiż tego łon jest "frei" Że dlo wszyskich przeca naj Cieszy biydnych i bogatych Tych w pelcmantlach i "sagatych" Chnetko cołke tysionc lot Ze jarmarku kożdy rod. Odpowiedz Link
broneknotgeld Bremerhaven 24.03.06, 10:07 Tako se czasym ciekawie plecie forum.gazeta.pl/forum/72,2.html?f=28940&w=19764660&a=21495082 Ze Bremerhaven szif to jest przecie. Odpowiedz Link
broneknotgeld Hamburg i Szlezwik-Holsztyn 24.03.06, 10:08 Dania z Niymcami durś se spiyrała U sia te ziymie mić przeca chciała Był kedyś nawet plebiscyt tukej Po piyrszy wojnie w historii szukej. Odpowiedz Link
broneknotgeld Lubeka 24.03.06, 10:11 Na razie linka takego styknie forum.gazeta.pl/forum/72,2.html?f=64&w=15994312&a=19831921 Z czasym Lubeka poleci piyknie. Odpowiedz Link
stary91 Re: Lubeka 24.03.06, 13:13 Königin der Hanse ist sie genannt die Stadt - wo meine Wiege stand, zur Zeiten, als es Feuer regnete, und ich - neugeboren dieser Welt begegnete. Nach Schlesien Mutter mich aus diesem Feuer brachte wo ich zweisprachig aufwuchs, und nun zwei meiner Heimaten betrachte... Stary91 Odpowiedz Link
ewa553 do licha!!!! 24.03.06, 16:58 Cytujac wiersze prosze o podawanie autora! Akurat w tym wypadku mnie to interesuje, Stary. Odpowiedz Link
stary91 Re: do licha!!!! 24.03.06, 17:24 ewa553 napisała: > Cytujac wiersze prosze o podawanie autora! Akurat w tym wypadku mnie to > interesuje, Stary. ---------------------------------------------------------------------------- Przepraszam, ewo - ale to ja jestem autorem tego wierszyka (podpisalem nawet...) Stary91 Odpowiedz Link
ewa553 Re: do licha!!!! 24.03.06, 22:18 sorry, myslalam ze to podpis postu:))))) A juz sobie myslalam: kto ma tak ciekawy zyciorys? Opowiesz kiedys? Odpowiedz Link
stary91 Re: do licha!!!! 24.03.06, 23:45 ewa553 napisała: > sorry, myslalam ze to podpis postu:))))) > A juz sobie myslalam: kto ma tak ciekawy zyciorys? > Opowiesz kiedys? ------------------------------------------------------------- Meine paar Strophen erzählen schon das Wesentliche über mein Leben - ewa553... Ein "interessanter" Lebenslauf ist oft mit einem gewissen Schmerz behaftet, und ein anonymes Forum ist vielleicht doch nicht der richtige Ort, um darin nähere Details auszubreiten. Grüsse :-) Stary Odpowiedz Link
broneknotgeld Re: do licha!!!! 25.03.06, 08:53 Hehe, wszysko piyknie, yno szkoda, że po niymiecku niy umia. Odpowiedz Link
stary91 Re: do licha!!!! 25.03.06, 13:03 broneknotgeld napisał: > Hehe, wszysko piyknie, yno szkoda, że po niymiecku niy umia. ------------------------------------------------------------------ No dobrze - Bronku - Wiec dla ciebie i wersja polska: Königin der Hanse ist sie genannt die Stadt - wo meine Wiege stand, zur Zeiten, als es Feuer regnete, und ich - neugeboren dieser Welt begegnete. Nach Schlesien Mutter mich aus diesem Feuer brachte wo ich zweisprachig aufwuchs, und nun zwei meiner Heimaten betrachte... Stary91 ----------------------------------------------- Krolowa Hanzy nazwane zostalo miasto - ktore moja kolebka sie stalo, w czasach kiedy ogien deszczem spadal z nieba, mnie - noworodkowi ten swiat poznac bylo trzeba. Na Slask Matka mnie przyniosla z tej pozogi gdzie dwujezycznie wyroslem, no i teraz dwie Ojczyzny moimi nazywac moge... Stary91 Odpowiedz Link
broneknotgeld Re: do licha!!!! 25.03.06, 15:37 Piykne dziynki. Po polsku mie wyedukowali. No dyć pryndzy bych spkopioł po rusku niż po niymiecku. Jak jo żech był szkolorzym, to niymiecki w gornoślonskich szkołach zdo sie był zresztom zabroniony. Odpowiedz Link
broneknotgeld Meklemburgia-Pomorze Przednie 25.03.06, 15:40 Miyndzy Odrom a Łabom leży ta dziedzina Tu czasy komuny tyż przidzie wspominać. Odpowiedz Link
broneknotgeld Rugia 25.03.06, 15:42 Przilondek Arkona Ponoć łon Rugia przed morzym broni Dyć czas rachunek dowo niytoni Kredowo skała niy szczimie wody Arkonie z falom brakuje zgody. Odpowiedz Link
broneknotgeld Re: Rugia 25.03.06, 15:43 W Sassnitz Blikej na piykne kredowe ściany Jeszcze brzeg cołkym morzu niy dany. Sassnitz Leży se te Sassnitz we rugijski wyspie Dyć trza tyż pamiyntać że i na połwyspie Kery tu Jasmundu nosi przeca miano Klif z kredy podziwej se tukej co rano. "Tron" Na kredowym klifie tyn "tron" se znojdziecie Pewne że na niego zarozki wyńdziecie Przeca kto tam zicnie krolym Rugii bydzie Dyć czy richtig tako wom we życiu przidzie? Ponoć wiynkze szanse we tym jednak mo sie Jak prosto łod morza wylyźć tukej zdo sie. Odpowiedz Link
broneknotgeld Rostock 25.03.06, 15:43 Rostock - 1161 Nad rzekom Warnow już Rostock stoł Słowiański przeca rodowod mioł Dyć chnetko se to fest pomiyniyło Bo coroz wiyncy Niymcow tu było. Odpowiedz Link
broneknotgeld Re: Rostock 25.03.06, 15:44 W Rostocku W NRD na stoczniach tu se bogaciyli Toż zdowo sie teroz że cosik straciyli Port Port ciyngym jest w ruchu - nojwiynkszy w tych stronach Niy szkryfna ładunku wom tukej we tonach Dyć przeca i promow wiela dali wpływo Rostock se podździgnie - niych to wos niy dziwo. Odpowiedz Link
broneknotgeld Anklam 25.03.06, 15:45 Anklam Kaj rzeka Piana durś wody toczy Tam miasto Anklam możesz łoboczyć W kerego herbie gryf jest na murach Sławne czowiekym co lotoł w chmurach. Odpowiedz Link
broneknotgeld Meklemburgia 25.03.06, 15:45 Jezioro Muritz Zdo sie jakby godali Słowianie Jejich słowo ukryte w tym mianie Dyć jezioro jest wielke jak "morze" Sztorm cie chyci - Bog yno pomoże. Odpowiedz Link
broneknotgeld Krakow 25.03.06, 15:46 Krakow Miast Wisły mo tukej Jezioro Krakowskie Dyć grod ło tym mianie tyż wpiyrw był słowiański Ano - niyzbadane som wyroki boske Krakow jednak mały i niy "wielkopański". Odpowiedz Link
broneknotgeld Darss 25.03.06, 15:46 Połwysep Darss Czi wyspy kedyś to były Cołkym łosobno se żyły Jedna Fischlandym tu zwali Darss Zingst - te były zaś dali "Kraj ryb" w lond jednak se wklejoł Darss drugi był za kolejom Zingst zrobioł to na łostatku Bo ktoś mu pedzioł - gagatku. Wustrow Choć to malutko rybacko wiocha Zdo sie zoglondnońć tukej na trocha Na "pniu słowiańskim" kościoł tu stoji Domki pod trzcinom. -Łogyń niy broji? Odpowiedz Link
broneknotgeld Hiddensee 25.03.06, 15:47 Hiddensee Wiycie - dyć były tu take czasy Jak rosły stare i gynste lasy Wallenstein jednak ze wojskym wloz Łogołociyli z niych wyspa w roz. Grob Hauptmanna Na kerchofie Hiddensee Hauptmanna znojdziecie Choć pszoł łon Ślonskowi tukej pomarł przecie. Odpowiedz Link
broneknotgeld Berlin i Brandenburgia 25.03.06, 15:48 Stolica Niymiec we samym środku Wlyźć tukej pódzie z niyjednom godkom. Odpowiedz Link
broneknotgeld Berlin 25.03.06, 15:49 Kolin i Berlin Kolin i Berlin w jedno sie zloły Z tym jakby szwongu dostały Brandenburg w końcu łostoł se goły Margrabia dwor tu doł cały Odpowiedz Link
broneknotgeld Re: Berlin 25.03.06, 15:50 "Parada Miłości" Dyć piyrszo skiż pszonio parada zrobiyli Niym jeszcze w Berlinie tyn mur łobalyli Wolnościom i sexym wiela sie radujom Ołpy tyż se tymu coś chyntnie dziwujom. Odpowiedz Link
broneknotgeld Re: Berlin 25.03.06, 15:52 Dwanoście dzielnic Dwanoście dzielnic - Berlin Zachodni Żyło se ludziom tu przeca godni A co za murym sie kedyś dzioło? -Ano niy było wcale wesoło Dyć to już przeszłe terozki czasy Zdo sie stolica jedny jest krasy Ossis łod Wessis daleko niy som Jeszcze roz rymym yno zamiyszom. Brama Brandynbursko Mioł kedyś Berlin sztyrnoście bram Jedna łostała sie teroz sam Toż niy tak downo Berlin dzielyła A dzisioj zdo sie nowo w niyj siyła. Zjednoczynie Niymiec Zdo sie ta brama symbolym tego Na dziyń dzisiejszy styknie kolego. Odpowiedz Link
broneknotgeld Re: Berlin 25.03.06, 15:53 Dzieło Schadowa Kwadryga z Nike - dzieło Schadowa Dźwignij se wyży karlusie gowa Wiktoriom zowiom jom tyż nikerzy Dyć to ganc-egal możecie wierzyć. Nike wygrała Jak kwadryga z Nike na brama wrocała Schinkel wiyniec z orłym i ajzynkrojc dowo Terozki to richtig już na Prus jest chwała W kerych chyńć do glorii zdo sie ciyngym nowo. Brama Brandynbursko 1815 To historyjo ty bramy zno Tu defilada - po Waterloo Prusy radościom sie zachłysnyły Napoleońske jarzmo ściepnyły.. Odpowiedz Link
broneknotgeld Re: Berlin 25.03.06, 15:54 Reichstag 1884-1894 Rosnoł parlamynt Niymiec w tych latach Godali - Bismarck to jego tata Cysarstwo zdo sie tyż richtig sławioł Wcale niy naskwol tako se "bawioł". Reichstag 1918 Z balkonu tukej to łogłosiyli Że w republice bydom se żyli "Weimar" w Reichstagu zaczoł se przeca A Wiluś uciyk ze tego neca. Reichstag 22.II.1933 Pożar - nojgorszy zdo sie tu dziyń We cołkich Niymcach bronotny ciyń. Odpowiedz Link
broneknotgeld Re: Berlin 25.03.06, 15:54 Plac Poczdamski We miyndzywojniu pympek stolicy Zdo sie na cołko Europa rycy Źle mu sie dzioł w tym NRD Teroz łod nowa pympkym być chce "Sony" We połokryngu wieżowcow siedym Przeca niy styknołby im tu jedyn Siyła w tym widać - niy yno zdo sie Reszpekt przi tymu naprowdy mo sie. "Deimler Benz" Wyglondo jakby mało dzielnica Toż wielko fyrma - wielko stolica. Odpowiedz Link
broneknotgeld Re: Berlin 25.03.06, 15:55 "Złoto Elza" Łoziym mo metrow - stoji dyć dumnie Ciyngym w Berlinie na ty kolumnie W kery jest chwała pruskich wojokow I gańba wrogow - zdo sie borokow. Na "Wielki Gwioździe" Na "Wielki Gwioździe" "Elza" stanyła Wpiyrw przi Reichstagu przeca tyż była A wszysko ponoć to skiż mecyji Łod Austrio-Wyngrow, Danii, Francyji. Przeca bogini wygrany wojny W zocy jak ciyngym czas niyspokojny Se na nia blikosz ło tym pamiyntej Czasy pokoju som richtig świynte. Kolumna Zwyciynstwa Choć richtig blyszczy "Elza" we gorze Zoglondosz teroz co tu "na murze" Postać Bismarcka we ślyp se ciepiesz I ciyngym wojna - aż z tego hepiesz. Odpowiedz Link
broneknotgeld Re: Berlin 25.03.06, 15:56 Charlottenburg 1695 Fundnoł Fryc ślubny tukej pałacyk Choć piyrszy muster ciynżko złonaczyć Dyć cosik ciyngym przeca zmiyniali Na koniec w rynce Schinklowi dali. Wielki Elektor - 1700 Fryderyk Wilhelm posong durś mo tu Schulter na koniy tako posadzioł Ano - po wojnie wrocajom go tu By zaś se Berlin niym poparadzioł. Dzisiejszy Charlottenburg Skiż wojny chnetko cołko ruina Dyć zaś niymiecko zdobi dziedzina Piyknie go przeca łodbudowali Wiela roboty w to jednak dali. Odpowiedz Link
broneknotgeld Re: Berlin 25.03.06, 15:57 Taki "zomb" Po starym kościele wieża se łostała By ło drugi wojnie nom przipominała. Kościoł Pamiyńci Kajzera Wilhelma I Piyrszy kajzer nowych Niymiec W świontynia se wpisoł Czy to był dlo niego wiyniec? Ktoś coś ło tym słyszoł? "Silos dusz" Eiermann dźwignoł po nowy modzie Wiernym tyn "silos" by żyli w zgodzie Jak w ulu tukej terozki zdo sie Czy ze piszczoły zaroz coś mo sie? Odpowiedz Link
broneknotgeld Re: Berlin 25.03.06, 15:58 KeDeWe Fest nom richtig wloz do gowy Tyn Zachodni Dom Handlowy. Szolom Szolom ze glasu se tukej jedziesz Zdo sie do raju cie łona wiedzie Dyć to jest yno tyn KeDeWe Bez geldu psinco - chocioż sie chce. Na łostatnim sztoku Kusi cie w KeDeWe tyn łostatni sztok Piykny z niego Berlin w dziyń i jak już ćmok. Odpowiedz Link
broneknotgeld Re: Berlin 25.03.06, 15:58 Muzeum Prehistoryczne Charlottenburga krzidło zachodnie Coś pokazuje dzisioj nom godnie. Muzeum Egipskie Tu Nefretete gościa powito Niyjedyn przeca ło nia se pyto. W Muzeum Egiptu Hehe - toż przeca to forszteluja Że gościom-mumiom se tu dziwuja. Odpowiedz Link
broneknotgeld Re: Berlin 25.03.06, 15:59 "Alex" Tyn plac był sercym Berlina Wschodniego Był jest i bydzie - brakło istnego. 1805 Dwiesta lot tymu car Aleksander Gościoł u krola pruskego Możno zawadzi tukej twoj wander Plac miano nosi istnego. Alexanderplatz - 4.XI.1989 Poł miljona ludzi na placu stanyło NRD se potym już pryndko skończyło. Odpowiedz Link
broneknotgeld Re: Berlin 25.03.06, 16:00 Rathaus Przi fontannie z Neptunym Rathaus tu znojdziecie "Czerwonym" go zowiom - skuli cegły przecie. Rathaus 1869 We inkszym stulu go zbudowali Zdo sie - niy dlo Berlina Muster z Wenecji możno zabrali Doża by kwaśno mioł mina. "Kamiynno Kronika" Historio Berlina nikogo niy gryzie Jak se jom łoglondo na kamiynnym fryzie Kery tukej krasi tyn "ratusz czerwony" Toż kronika miasta terozki już znomy. 1991 Dyć teroz wiycie co ze tom datom Berlin z jednego już magistratu We burgemajstra czimany rynkach Hehe - niy godej że to jest mynka. Odpowiedz Link
broneknotgeld Re: Berlin 25.03.06, 16:01 "Nikolaiviyrtel" Zdo sie to nowom "starowkom" miasta Toż za komuny jom wzniyśli Z enerdowskego jeszcze durś ciasta Tako historio se kryśli. W 750-lecie Berlina "Starowka" dźwigli przi gyburstagu Już tu niy widać ze wojny "szlagu". Miano dzielnicy Świynty Mikołoj użyczoł miana Nad ludźmi czuwo tukej łod rana. Odpowiedz Link
broneknotgeld Re: Berlin 25.03.06, 16:01 Izba Ludowo NRD Czy jeszcze stoji? Zbulić to mieli Tela azbestu przeca niy chcieli. "Ballast der Republik" "Palast" czy "Ballast"? -Ciekawo fraga Skiż historyji niy mynczy zgaga? Kaj Pałac Kajzera? Pałac Kajzera z downa tu stoł Co szram po wojnie dość wiela mioł Niy naprowiali yno szpryngnyli Izba Ludowo tu postawiyli. Odpowiedz Link
broneknotgeld Re: Berlin 25.03.06, 16:02 Wyspa Muzeow Toż Fryderyk Wilhelm III Chcioł kultura tako "sklecić" By na wyspie jedny była Tym stolica sie asiyła. "Altes Muzeum" Richtig nojstarsze łone tu było Ze mustru Schinkla tako se wziyło Wito wos kolumn aż łoziymnoście Gibko do środka dyć przeca włoźcie Ze wojny piyknie łodbudowane W niym zaś antyczne rzeźby som dane Tako łobrozow tyż galeryjo Choć z niom łosobno zdo sie mecyjo. Odpowiedz Link
broneknotgeld Re: Berlin 25.03.06, 16:03 Staro Galeryjo Narodowo Z Altes Museum już tu łobrozki? Przeniyśli? -No to koniec ich troski Toż galeryjo blyszczy jak nowo Kunszt durś przed łoczy wandrusom dowo. "Bodesmuseum" Ciyngym w remoncie - trza jeszcze czekać Rzeźbom niymieckom bydzie urzekać. Kunszt bizantyński Kunszt bizantyński w "Bodesmuseum" Jak yno remont tu skończom Ano tu wspomnij tyż "basileum" Historiom ludzie se łonczom. Odpowiedz Link
broneknotgeld Re: Berlin 25.03.06, 16:03 Z Bramy Brandynburski po Plac Aleksandra Na "Unter den Linden" niy weźmie cie chandra Piyrwyj elektory tyndy se kulali Bo przeca z uciechom łoni polowali. "Unter den Linden" Za Fryca Wielkego sadziyli te lipy By żodyn niy pedzioł że łoni som klipy. Skiż wojny Skiż wojny ta droga richtig uciyrpiała Enerdowsko władza jom łodbudowała Na szejśdziesiont metrow nawet poszyrzyła Defilada tukej niyjedna ciongnyła. Odpowiedz Link
broneknotgeld Re: Berlin 25.03.06, 16:04 "Kronprinzenpalais" Nastympca tronu tu rezydowoł Miano łostatnio dyć se straciyło "Unter den Linden" - pałac se zdowo Choć te co piyrwyj zocniejsze było. Narodowo Galeryjo Sztuki Nowoczesny (1919) Jak już kajzera w Niymcach niy było "Weimar" wystawioł tu galeryjo "Posztrajchowane" na nowy muster Przi hitlerowcach dyć ściany puste Bo nowo moda niy dlo nich przeca "Niy z niymieckego łona jest neca". "Prinzessinpalais" Cery Fryderyka Wilhelma III Pryndko se wkludziyły do pałacu tego Czi frele to wiela i na krola zdo sie Dyć jak łod sia były mog je mieć we nosie. Odpowiedz Link
broneknotgeld Re: Berlin 25.03.06, 16:05 Uniwersytet Berliński Wpiyrw to był pałac łod Fryca brata Hynryk mioł miano i wielko "chata" Dyć potym Humboldt krola uprosioł By uniwerek nowy łogłosioł. Uniwersytet im. braci Humboldtow Wiluś - filolog i dyplomata Mioł geografa przeca za brata Co Alexandrym na krzcie nazwali -Łoba zaś miana uczelni dali. Odpowiedz Link
broneknotgeld Re: Berlin 25.03.06, 16:05 "Forum Fridericianum" Wielkego Fryca tako ideja Knobelsdorff kunsztym jyj służoł Jo sie ze tego wcale niy śmieja Rzymskego mustru dyć użoł. "Staatsoper" Nadworny architekt łod Wielkego Fryca Pokozać w Operze chcioł mu Romy lica Razym ze monarchom gmach tyn projektowoł Co krol - co Knobelsdorff w te gmaszysko dowoł? Katedra św. Jadwigi Fryc chcioł świontyni rożnistych wiar W tym był za drapki - to yno czar Jednak katedra tu wybudowoł I katolikom jom podarowoł. Odpowiedz Link
broneknotgeld Re: Berlin 25.03.06, 16:06 Muzeum Guggenheima Piyrwyj bank tukej teroz muzeum A w środku zdo sie jakby "liceum" Na kunszt se dziwosz tyn nowomodny Niy zowdy jednak richtig pogodny. Rusko ambasada Wielko - na miara ty NRD Ło kery dzisioj godome - be. Na Unter den Linden Na Unter den Linden i dzisioj lip wiela Łod Fryca Wielkego asi sie tym sztela. Odpowiedz Link
broneknotgeld Re: Berlin 25.03.06, 16:06 "Prenzlauer Berg" Piyrwyj Kreuzbergym był "Wschodu" Dzisioj tyglikym narodu Stare ze nowym zmiyszane Tako na łoczy nom dane. Synagoga w Prenzlauer Berg Cudym to zdo sie Berlina Łostała z wojny jedyna I kirkut stary tu majom Tymu se dzisioj dziwajom. Zaś modny Prenzlauer Berg zaś modny se stowo Dyć tu zabawisz czasym niyzdrowo To awangardy jakby "misz-masz" A możno yno jakowyś "gwasz". Odpowiedz Link
broneknotgeld Re: Berlin 25.03.06, 16:07 "Checkpoint Charlie" Hamerykony przi Ruskach stoli Ło swoja strefa ciyngym sie boli Łostała wieża dlo wartownika I bilbord coby se nań poblikać. "Żelazno kurtyna" "Zelazno kurtyna" niy ajzom stanyła Zimny lod - choć gorko tyż czasami była. Muzeum Muru Berlińskiego W Europie muzeum może być ło murze Dyć jo wola chiński bo grom w inkszym chórze. Odpowiedz Link
stary91 Slask 25.03.06, 18:49 "Es war, als hätt' der Himmel Die Erde still geküsst, Dass sie im Blütenschimmer Von ihm nun träumen müsst. Die Luft ging durch die Felder, Die Ähren wogten sacht, Es rauschten leis' die Wälder, So sternklar war die Nacht. Und meine Seele spannte Weit ihre Flügel aus, Flog durch die stillen Lande, Als flöge sie nach Haus." (Joseph von Eichendorff,"Mondnacht") -------------------------------------------------- Bylo jakoby Niebo Ziemie cicho ucalowalo, Coby cala w kwiatach Jeno o nim snic musiala. Po wietrze szlo przez pola, Klosy lekko kolyszac, Las cicho szumiac wolal, Jakze gwiezdna byla noc. A skrzydla swe dusza moja Szeroko rozwinela, I poleciala przez kraine cicha, jakby do domu leciec chciala. (Joseph von Eichendorff, "Noc ksiezycowa") ----------------------------------------------------- (tlum.:Stary91) Odpowiedz Link
broneknotgeld Re: Slask 25.03.06, 21:49 Piykne, jakbyś to wciep na forum stolicy fraszki (link w sygnaturce), to byś mie jeszcze bardzi ucieszoł. Odpowiedz Link
broneknotgeld Brandenburg 28.03.06, 21:15 Brandenburg "Brenna" - tak piyrwyj miejscowośc zwali Na wyspie w nurcie Haweli Wiela z Niymcami tu wojowali Wspomnij - jak bydziesz w ty szteli. Odpowiedz Link
broneknotgeld Re: Berlin i Brandenburgia 28.03.06, 21:16 Brandynburske dziedziny Toż miyndzy Odrom Szprewom Hawelom Se brandynburske dziedziny ścielom Jak na zachodzie tu jeszcze niy ma Dyć zdo sie - inkszy to jakby tymat Styknie że łonki tukej i lasy Jezioro czynsto dołoży krasy Niymcy juz wiyncy majom w tym troski By wygryfniały tutejsze "pioski". Odpowiedz Link
broneknotgeld Poczdam 28.03.06, 21:19 "Poztupimi" 933 Zwoł sie piyrwyj "Pod Dymbami" Rosnol tu ze Słowianami Dyć jak prziszli tukej Niymcy Tyn grod cosik fest sie mynczy Choć zapomniany zdo sie łon był Toż jeszcze dońdzie do swojich siył. "Raj na ziymi" Fryderyk Wilhelm - ksionże elektor Chcioł "raj na ziymi" zrobić w tych stronach Łogrodym mioł być tu kożdy hektor Wele pałacow piyknie tu konać. Odpowiedz Link
broneknotgeld Re: Poczdam 28.03.06, 21:20 Poczdam Dzisioj stolicom landu wschodniego Przeca łod downa perłom tu był Zaś klara blyszczy bardzi dlo niego Gryfnieje no i nabiyro siył. Na Starym Mieście Na Starym Mieście po drugi wojnie Jakoś niy było zowdy spokojnie Se enerdowske klocki wadziyły Z tymi domami co piyrwyj były. W latach dwudziestych Był tu Babelsberg na miara cudu Richtig podobny do Hollywoodu. Odpowiedz Link
broneknotgeld Re: Poczdam 29.03.06, 21:54 "Wyspa Przijaźni" Na Haweli wyspa tako Z kamracyniym durś jednako Dyć po parku se połazisz Niym gyry do łódki wrazisz. Dynkmal na Starym Torgu Wpiyrw władcow pruskich widzioł żeś tukej Toż architektow terozki szukej Knobelsdorff Gontard Persius i Schinkel Był "demoludow" w NRD winkel. Odpowiedz Link
broneknotgeld Re: Poczdam 29.03.06, 21:54 Brama Brandynbursko Ano - dyć tako w Poczdamie tyż Na Brandynburgio szło sie niom - wiysz. "Bassinplatz" Dlo Holyndrow stanyła w Poczdamie dzielnica Dyć pieronym mokro była okolica Przidoł sie tyn basyn bo pozbiyroł woda Szło chałupy stowiać kaj wpiyrw yno szkoda. Kościoł Francuski Knobelsdorff tyn kościoł w Poczdamie wystawioł Niyjedyn hugynot przeca tukej bawioł Francuzy tyz łod sia wiela dali miastu Swoji ich wygnali - dlo nich lepszy czas tu. Odpowiedz Link
broneknotgeld Re: Poczdam 29.03.06, 21:55 Kwartał Holynderski W niymieckim Poczdamie a niy w Holandyji Aszom sie fest dzisioj - niy ma z tym mecyji. Nowo Brama (1755) Możno dzisioj se wydowo Że niy cołkym łona nowo Ćwierć tysionca lot mo przeca Bestoż ło tym cosik kleca W niyj tu piyrszy "neogotyk" Niy - to wcale niy gupoty Jakby szkocki zamek zdo sie Take myśli tukej mo sie. Brama Myśliwsko Jeger w zocy mo te wrota Gon jelynia - niy robota Kero by go umynczyła Przeca z tego łon mo siyła. Mury miejske (XVIII w) Te mury miejske skiż tego stowiali Że czynsto wojoki dezerterowali. Odpowiedz Link
broneknotgeld Re: Poczdam 29.03.06, 21:56 "Bez utropy" "Sanssouci" se blyszczy francuskim rokokym W niym komnat dwanoście kere Fryc mioł w zocy Był w nich zowdy władcom a nigdy borokym Zdo sie jakby tukej nabiyroł w sia mocy. Jak Fryc z Volteirym Dyszkurs ze Volteirym wiod Fryc przecz czi lata Na koniec czekała go tako zapłata -Do komnaty mistrza powkludzoł papugi I afy - toż zdo sie był to czas za dugi. W Sali Koncertowy W Sali Koncertowy krol na flecie grywoł Podpod tu kto richtig se tymu niy dziwoł? Odpowiedz Link
broneknotgeld Re: Poczdam 29.03.06, 21:56 Uparty młynorz Krzidła wiatraka czasym furczały Kamiynie młyńske tyż szterowały Fryc bestoż monka zakozoł mloć A młynorz ani myśloł se boć I pozwoł krola w końcu przed sond Hehe - bliknijcie na wiatrak stond. Młyn-wiatrak Toż ze starego replika nowo Dyć historyjo przed łoczy dowo I pokazuje jak piyrwyj mloli Ci co sie krola ponoć niy boli. "Neue Kammern" Tu goście Fryca pomiyszkiwali Czy na pejzaże już se dziwali? Po prowdzie niy wiym - dyć mie to styknie Że stary Poczdam widać tu piyknie.. Odpowiedz Link
broneknotgeld Re: Poczdam 29.03.06, 21:57 "Nowy Pałac" Toż w niym tyż ślonsko jest historyjo Fryc se radowoł skiż końca wojny Przegrała w końcu cołkym Austryjo Ło Ślonsk przi Prusach był już spokojny. Fryderyk Wielki Siedmioletnio wojna ło Ślonsk wygroł przeca Po niyj go już wciepli do tych "Wielkich" neca Nowy Pałac w Poczdamie skiż tego postawioł W niym tyn krol terozki richtig czynsto bawioł. Sala Grotowo Richtig z niyj miała być jakby grota Co sie we wodzie głymboko skryła Krolewski kaprys abo gupota Dyć wprowno rynka jom łozdobiyła. Sala Marmurowo W Nowym Pałacu nojwiynkszo z sal Łodbył se tukej niyjedyn bal Terozki prozno zdowo se nom Fryderycjańske czasy kaj som? 12 statuł Dwanoście statuł z marmuru tukej W niych elektorow nojwiyncy szukej Cezara tako tyż i Karola Dlo Konstantyna Wielkego rola I ło Habsburgu niy zapomnieli Rudolf statuła dostoł w ty szteli. Odpowiedz Link
broneknotgeld Re: Poczdam 29.03.06, 21:58 Babelsberg Wpiyrw to grod tukej cołkym łosobny Dyć Poczdam zdoł sie bardzi zasobny I do sia tako Babelsberg garnie Przeca przi niymu tyż niy ma marnie. W Nowawes W Nowawes piyrwyj tkacze miyszkali Ze Czech tu prziszli i swoje tkali. Park Babelsberg Hawela w Tiefersee teroz se rozlywo Przi tymu park zocny nikogo niy dziwo. Odpowiedz Link
broneknotgeld Re: Poczdam 29.03.06, 21:58 Filmopark Babelsberg UFA z Hollywoodym szła tukej w zawody Stond "Błynkitny anioł" ty nojpiyrszy wody Dyć wygrała przeca w końcu Hameryka Teroz kinomany do niyj idom rzykać Dzisioj se łostała z downych lot pamiontka Radochy dlo bajtli w tym tukej na piontka Toż przijedź - dzieciskom uciechy dej tela Przeca ciyngym stoji w Poczdamie ta sztela. "Świat Horroru" We ty downy "Ufie" take widowiski Przi tymu se nawet geld godziwy zysko. "Prinz Eisenherc" W "średniowiecznym" zamku czeko cie przigoda Szkoda że niyrichtig - jeronie dyć szkoda. Odpowiedz Link
broneknotgeld Re: Poczdam 29.03.06, 21:59 Cecilienhof 1913-1917 Choć świat se colki toploł we wojnie Tyn pałac rosnoł tukej spokojnie Schultza-Naumburga dzieło w tym było Z woli kronprinca jednak stanyło. 55 kominow Tela w Cecilienhofie zrachyjesz Czamu? -Toż tego niy forsztelujesz. Poczdam 1945 Wielko Trojka mo tukej ta konferyncyjo Dlo Cecilienhofu wcale niy mecyjo. Odpowiedz Link
broneknotgeld Saksonia-Anhalt 30.03.06, 17:07 Nastympny Niymcow konsek ciekawy Byda mioł ze niym trocha zabawy Toż jak harcować mi kedyś przidzie We gorach Harcu nojlepi bydzie. Odpowiedz Link
broneknotgeld Re: Saksonia-Anhalt 30.03.06, 17:09 Kalte i Warme Bode Kalte Bode - Warme Bode Ciepłe z zimnym trza pomiyszać Życie moje już niy mode Dyć tu jeszcze cosik zgrzysza. Odpowiedz Link
broneknotgeld Re: Saksonia-Anhalt 30.03.06, 17:09 "Rammelsberg" Wele Goslaru pod Rammelsbergym Grubie sie idzie dziwować Niy była łona tu nigdy cwergym Srybło musiała durś dować Trwało to ponoć lot prawie tysionc Zamkli jom ćwierć wieku tymu Dzisioj "dziedzictwym" to moga przisionc I cosik szkryfnońć do rymu. Odpowiedz Link
broneknotgeld Wernigerode 30.03.06, 17:10 W Wernigerode Z "fachwerku" stare Wernigerode Lepi wyglondo niż cołkym mode. Odpowiedz Link
broneknotgeld Quedlinburg 30.03.06, 17:11 Quedlinburg Quitilo warownia postawioł Łod niego miasto te miano mo Łon "dobrze godoł" - tako sie jawioł Harz historyjo ło niym ta zno. Odpowiedz Link
broneknotgeld Goslar 30.03.06, 17:11 Goslar Po prowdzie dzisioj mieścina mało Nojlepsze lata minyły Stolicom Niymiec sie być zdowało Ło tym tyż przeca my wiymy Pałac cysorza łostoł do dzisioj Gotyku piykno pamiontka Ło "Rzymskich" Niymcach świat wtedy słyszoł Trza Goslarowi dać - piontka. Odpowiedz Link
broneknotgeld Thale 30.03.06, 17:12 "Tale" z Laurastrasy znom W pamiyńci te łonki mom Dyć ło inksze idzie tukej Thale w gorach Hartzu szukej Toż tam na "Hexsentanzplatzu" Ździybko żech se połonaczoł Goniyła mie Baba Jaga Alech woloł młodszo zgaga. Noc Walpurgii Thale cug stary wtedy witajom Ciuchcia go ciongnie jak z bajki jakiś Mugole jednak niy wysiodajom Heksy dioboły i inksze strachy. Odpowiedz Link
broneknotgeld Naumburg 30.03.06, 17:13 Naumburg Katedra Pyjtra i Pawła tukej W niyj Regelindy naszy tyż szukej Cera Chrobrego durś uśmiychniynto Czy Ekkeharda jeszcze pamiynto? Naumburg 1432 Husyty Tabor wiydli w te strony Z niymi była Prokop niyzwyciynżony ż Naumburg ciyrpioł skiż oblynżynio Dyć se łodezwoł tyż głos sumiynio Toż bajtle fatrom uciykły tukej I przi Prokopie ich zaroz szukej Wszyskim se gymby fest ześlintały Tako Husytow chnet ubłogały Cud stoł se jakby - historio piśnie Za swo łodwaga dostały wiśnie Naumburg se łostoł niyponiszczony To wydarzynie czczom dzisioj łoni. "Świynto wiśni husyckich" Zowdy we czyrwcu Naumburg radosny Bo bajtle wiśnie kedyś dostali Z poczontkym lata - ze końcym wiosny Wspomnom Prokopa i pódom dali. Odpowiedz Link
broneknotgeld Turyngia 30.03.06, 17:14 Jak fyniks z popiołu tu se łodrodziyła W zjednoczyniu Niymiec biere swoja siyła. Odpowiedz Link
broneknotgeld Re: Turyngia 30.03.06, 17:15 Las Turyński Las Turyński to gory - nic że cosik małe Dyć do dzisioj piykne - zielone chnet całe Na wschodzie przełażom we Gory Łupkowe Werci se zoglondnońć jak ciekawy czowiek. Piyrwyj Piyrwyj tukej gwarki rudy dobywali Dyć dzisioj by yno na darmo kopali Zdo sie co świytności czas downo miniony Przeca to jest piykne co jeszcze niy znomy Bestoż Las Turyński turysty prziciongo Łod nowa w historio tych ziym jakby wciongo Miasteczkom co z osad bergmonow powstały Wspomino te jejich "czi grosze" do chwały. "Rennsteig" Droga graniczno to piyrwyj była Nikierzy "miedza" w tym widzieć wolom Toż skiż turystow dzisioj łodżyła Co sie tutejsze widoki chwolom. Na szlaku Kaj byś tu yno te "R" niy znoloz Wiysz że na "Rennsteig" żeś chopie poloz. Odpowiedz Link
broneknotgeld Bad Frankenhausen 30.03.06, 17:16 Bad Frankenhausen Jak mosz dzieci chorowite Z niymi tukej se zawitej To dlo bajtli uzdrowisko Wiyncy zdrowio szkrab twoj zysko. Odpowiedz Link
broneknotgeld Erfurt 30.03.06, 17:17 Erfurt We państwie Frankow Erfurt już był Fest mu biskupstwo dodało siył Stond krześcijaństwo poszło w Słowiany Dyć miecz miast krziża czyńści był dany. "Furt" "Furt" to "brod" przeca - na rzece Gera Ło mianie wiyncy wiymy już teraz. Odpowiedz Link
broneknotgeld Weimar 30.03.06, 17:18 Weimar Piyrwyj małego ksiynstwa stolica Kery sie richtig łośmioły lica Do dwoch poetow w Europie wielkich Toż jejich dzieła niy duperelki. Odpowiedz Link
broneknotgeld Gotha 30.03.06, 17:18 Gotha 1775 Ponoć piyrszy w Niymcach tyjater we Gotha Kaj aktor mioł etat - dyć to niy gupota. Gotha 1818 Tukej rechtory handlu uczyli Toż piyrszo szkoła handlowo W Gotha - dyć prosza tego niy mylić Niymiec sie tyczy te słowo. Gotha 1821 By zaś te "piyrsze" przed łoczy dować Ubezpieczalnio chcieli zrychtować. Justus Perthes Łon wydawnictwo w Gotha założoł Z kerego piykne atlasy Gyszeft sie kryńcioł - toż tego dożoł I dzisioj niy brak w tym klasy. Adolf Stieler Toż piykny atlas tako zrychtowoł Że Perthesowi geld zocny dowoł No i rozkryńcioł sie gyszeft tyn Już w łoziymnostym wieku - to wiym. Odpowiedz Link
broneknotgeld Jena 30.03.06, 17:19 Uniwersytet - 1789 W tym czasie Schiller tu rechtorowoł Ze historyji wykłady dowoł Bestoż niy zdziwi nikogo teraz Że uniwerek z mianym Schillera. "Carr Zeiss Jena" Wdziynczno być Jyna może Zeissowi To kożdy w Niymcach przeca ci powiy Ze czech karlusow kożdy tu rod Carl Zeiss, Ernst Abbe i Otto Schot. Ernst Abbe 1840-1905 Z Eisenach do Jeny prziszoł sztudiyrować Zdo sie tu optyka łon zaczoł "budować" Dzieloł sie ze światym co wykoncypowoł Tako swoja wiedza ciyngym inkszym dowoł. Carl Zeiss 1816-1888 Toż jego żywiołym była mechanika Bez niyj jak bez rynki ta cołko optyka Z warsztatu małego chnet fyrma niczego Abbe doł teorio kunszt jednak istnego. Otto Schott 1851-1935 Chymik kery wiedzioł czym richtig jest szkło I jako je robić coroz lepsze szło Bez niego niy wszysko by sie tu udało Łod sia doł ty Jynie przeca tyż niymało Odpowiedz Link
broneknotgeld Eisenach 30.03.06, 17:20 Eisenach Z czego Eisenach łod wiekow słynie? Ano z Wartburga - niych to niy minie Prince Turyngii już przed wiekami Zdobiyli zamek jakby gwiozdkami. Walter von der Vogelweide (XII w) Podbioł łon Wartburg jak cołke Niymcy Tydziyń go słyszeć - nic niy umynczy Śpiyw ze poezjom jego - Toż cudo Inkszym dyć tako sie już niy udo. Martin Luter Co ze Wartburgym zwionzało Lutra? -Spokojniejszego tu czekoł jutra Princ po kryjomu gościna dowoł A łon Biblijo przetuplikowoł. Georg Philipp Telemann 1681-1767 Wiela tu karlus nakomponowoł Eisenach dugo sztelom był jego Dyć na Wartburgu kapelmajstrowoł Już niy zapomnom tukej istnego. Odpowiedz Link
broneknotgeld Oberchof 30.03.06, 17:21 Oberchof - 1470 Już we tym roku tukej dychali Ci co przez gory te wandrowali. Oberhof (XIX-XX w) Kurde - terozki to już niy szpas Zdo sie że prziszoł nartow tu czas Dlo Oberhofu dobry to tref Pulsuje ze tym w niym nowo krew. Skocznie w Oberhofie Oberhof zimom skoczniami stoji Sto lot tu "hopsrom" chnetko sie kroji. Odpowiedz Link
broneknotgeld Saksonia 30.03.06, 17:21 Dowom Saksonia tukej na końcu Dyć niychej land tyn leci ku słońcu. Odpowiedz Link
broneknotgeld Re: Fraszki o Niemczech 30.03.06, 17:23 Rudawy - Ercgebirge Srybło w tych gorach nojpiyrw łodkryli Potym za inksze rudy se wziyli. Fichtelberg Nojwyrszo w Niymcach wschodnich to gora Choć se Rudawy niy kryjom w Chmurach Dyć trza mieć w zocy tutejsze smreki We mianie nawet skryte na wieki. "Oberwiesenthal" "Wysoko dolina pokryto łonkami" Czy to prowda dzisioj? -Zoglondnijcie sami Ston banom linowom wygodnie wjedziecie Na wiyrch Fichtelbergu - werci sie wom przecie. Odpowiedz Link
broneknotgeld Rathen 30.03.06, 17:24 Rathen Dzisioj tu piykne jest uzdrowisko Zdrowio niyjedyn wiela łodzysko "Baszta" Do "Baszty" zońdziesz z Rathen szłapcugym Z niyj na "Szwajcario" blik bydzie dugi. 700 schodow Zdo sie ze ze "Baszty" za dużo tego Toż żeś we "Dołach Szwedzkich" kolego. "Ratin" Toż grod warowny piyrwyj tu stoł Pozor na Łaba ciyngym łon mioł. Gorne i Dolne Gorne po lewy Dolne po prawy Z promym na Łabie trocha zabawy Dyć rzeka skrynco tu malowniczo Rathen pokoże ci piykne lico. Odpowiedz Link
broneknotgeld Lipsk 30.03.06, 17:24 Lipica Osada słowiańsko Lipica tu była Z lipy swoje miano przepiykne se wziyła Niymce jom podbiyli - grod wybudowali Bestoż se ło Lipsku pogodomy dali. Lipsk - 1165 Ponoć z tego latoś richtig Lipsk jest rod Łoziymset sztyrdziści mo miasto już lot. Odpowiedz Link
broneknotgeld Drezno 30.03.06, 17:25 Piyrwyj Słowiańsko osada rybacko tu była I brod przez ta Łaba - w niym tyż jakby siyła Drezno 1216 W dziesiyńć lot po wzmiance piyrszy Prawa miejske grod już mo Lata lecom - chnet nojwyrszy We Saksonii łon sie zdo. "Okres augustyński" 1694-1763 Miasto rozkwitło richtig w tych czasach A Polska słabła ciyngym przi Sasach Dyć co tam - Drezno zdowo sie boske Gryfnieje bardzi niż miasta włoske. August Mocny Znało go Drezno - znała Warszawa Niyjedna przeca z niym popijawa "Zelter" przi tymu do gowy bioł Bestoż czasami pomysł tyż wzioł Kery sie zocny możno mu zdowoł Dyć kończoł potym richtig niyzdrowo. Odpowiedz Link
broneknotgeld Re: Drezno 30.03.06, 17:26 M.D.Poppelmann 1662-1736 Architekt kery Drezno wzioł w rynce Wielko swo sztuka przed łoczy dowoł Rosło przepiyknie - niy w jakiś mynce Łon jego tworcom - tako sie zdowo. Balthazar Permoser 1651-1732 Czym barok w rzeźbie bez Permosera? Myśla że niczym - tako cholera Łon "krolym" Drezna w tych czasach zdo sie Durś dłuto jego we łoczach mo sie. Gottfried Semper (XIX w) Z Akadymiji Architektury Drezno łon stowioł ciyngym do gory Jego projektu tyn gmach opery Syn sie wzioł za nia - to niy som bery. "Floryncjo nad Łabom" Tako przed wojnom te Drezno zwali W sztyrdziestym piontym jednak przestali Nalot bombowy jak "koniec świata" Zdo sie co miasto w gruzach przez lata Dyć przeca dźwigło sie - zaś tu nowe Na duge lata niychej jest zdrowe. Odpowiedz Link
broneknotgeld Re: Drezno 30.03.06, 17:27 Johann Friedrich Bottger Za fatra mioł Johann majstra mynniczego Dyć jymu marzyło sie cosik inkszego Po co pigulorza w Berlinie praktyka? Toż ciyngym alchymii chciało mu sie tykać Już klachy leciało co srybne dwa groszki We złote zamiynioł bo mioł jakeś proszki Yno władca pruski se ło tym dowiedzioł Trza mu było zmykać - już na koniu siedzioł I znoloz sie pryndko we saski dziedzinie Chocioż los paskudny tyż go tu niy minie Zaroz wpod we rynce Augusta Mocnego Jak zowdy na złoto richtig pazernego Na nic jego mynki - nadarymne to to Prziznoł sie krolowi że niy wyńdzie złoto Dyć prowda na psinco jakby mu sie zdała Niywola na zamku ciyngym przeca trwała Bo kaprys krolewski teroz dlo łodmiany Życzoł se łod niego gryfny porcelany Dali trza sie mynczyć - to już niy gupoty Bottger zdo sie gasnońć łod taki roboty Cud jednak tyż prziszoł - wschod skapitulowoł Porcelana władcy alchymik już dowo Na kery Saksonio se teroz wzbogaci Toż za te szkorupy złotym trza jyj płacić. 1709 Zdo sie to jakby rok łod Bottgera Mo porcelana Saksonia teraz. Odpowiedz Link
broneknotgeld Re: Drezno 30.03.06, 17:28 Most Augusta (1731) Ze tego mostu kery na Łabie Ta gryfność Drezna tyż przeca widać Mioł August Mocny siyła we grabie Dyć kunszt tyż w zocy - prowda trza by dać. Odpowiedz Link
broneknotgeld Re: Drezno 30.03.06, 17:29 Katedra Trojcy Świynty 1738-1755 Barok niymiecki z włoskim zmiyszali Na taki muster jom zbudowali Wieża mo piykno - richtig wysoko Łona naprowdy cieszy nom łoko. "Włosko Wioska" Katedra dźwigli Italyjoki Ze "Włoski Wioski" mieli dwa kroki Saski pioskowiec zdoł sie im "glinom" Świodectwa kunsztu niychej niy minom. "78" Posongi świyntych ciynżko zrachować Jak se pomylisz zacznij łod nowa Zdo sie ich tukej jakby za wiela Asi sie niymi jednak ta sztela. Odpowiedz Link
broneknotgeld Re: Drezno 30.03.06, 17:30 Odbudowa katedry 1962 Coby niy pedzieć ło NRD Przeca łod nowa stowiać jom chce Na zapomniynie niy jest skazano Zaś tukej stoji - blyszczy co rano Do chwały Pana te Drezno woło W cołki djecezji ze niom wesoło. 1980 Dekretym papieskim katedrom se stała Drezdyńsko-miśniyński djecezji bezmała Tako nasz Jan Paweł Dreznu sprowioł radość Niyszczyńścia już przeszły - we tym jakby zadość. Łorgany Silbermanna Se w katedrze na nie teroz dziwujecie Piyrwowzor na zowdy zniszczony już przecie Dyć kunszt Silbermanna i tako zochwyco Ucho uraduje rozjaśni tyż lico. Odpowiedz Link
broneknotgeld Re: Drezno 30.03.06, 17:30 Semperoper 1878 W Dreźnie radocha - łodbudowano Zaś ku uciesze muzy jest dano Opera blyszczy na poł Europy Fyniks co wyloz z łognia utropy. Semperoper 1945 Ano - ze dreznym i łona leży Dyć łodbudujom choć trudno wierzyć Tymu kto widzioł wszysko we gruzach Kaj bomby lecom tam niczym muza. Krol Jan (1801-1873) Wele opery mosz krola Jana Zdo sie Dantego jakby kompana "Bosko Komedio" łon tuplikowoł Doł po niymiecku czy mi sie zdowo? Odpowiedz Link
broneknotgeld Re: Drezno 30.03.06, 17:31 "Herkules Saxonius" Tak August Mocny karlusa zwoł Kery we rynce cołki świat mioł Ciyngym w Cwingerze go przeca widać Choć inksze miano możno trza by dać. "Nimfy w kompieli" Bych se połoglondoł je Ze nimfami niy ma źle Dyć dymony i satyry W ślypiach podziw majom szczyry Kunszt w tym wielki Permosera Prza go wspomnieć przeca teraz. 40 dzwonkow Sztyrdziści dzwonow - tyn kurant znosz? Toż porcelana miśniyńsko mosz. Odpowiedz Link
broneknotgeld Re: Drezno 30.03.06, 17:32 "Kreuzkirche" - 1900 Kościoł se łostoł po drugi wojnie Świynty Krziż widać go chronioł Do dzisioj stoji se tu spokojnie Niy czeba by ktoś go bronioł. Drezdyński Chor Św. Krziża Jedyn z nojzocniejszych zespołow dzieciyncych We cołki Europie richtig dobrze znany Tu głos swoj trynuje - kościoła niy zmynczy Przeca se tym cieszom wszyske jego ściany. Odpowiedz Link
broneknotgeld Re: Drezno 30.03.06, 17:32 "Gewandhaus" Sukiynnice były w łoziymnostym wieku Teroz z tego hotel - przezocny czowieku. Landhaus 1770-1776 Klasycystyczny muster mioł piyrszy Dyć niy skiz tego zdowoł sie wyrszy W niym władze landu przeca siedziały Posłuch we kraju po krolu miały. Muzeum Historyczne Miasta Drezna Landhaus leg w gruzach - łodbudowali Toż tu muzeum takowe dali. Odpowiedz Link
broneknotgeld Re: Drezno 30.03.06, 17:34 W Katedrze Drezdyński 49 Wettynow W krypcie ich znojdziesz wele ołtorza Tela jo szkryfnońć yno se woża. Serce Augusta II Mocnego Ciało już na zowdy Polokom łostało Dyć serce Wettyna tu prziwandrowało Saksoński stolicy krol nojbardzi pszoł Choć korona polsko na gowie swyj mioł. Ciyngym "żyje" Ło sercu krolewskim nikerzy to prawiom Że łone we urnie jakby ciyngym żyje Pryndke bicie słychać jak se frelki jawiom Łoj z Augustym Mocnym miałyby mecyje! Toż możno i dobrze że los tako sprawioł Co ciało krolewske łod urny daleko Ze urny by wyloz i z frelkom zabawioł Przeca serce bije - zdo sie na to czeko! Odpowiedz Link
