Wontek papieski

[broneknotgeld]

Toż Jan Paweł sie raduje - 19.04.2005 19:13
Jymu pewno to sztimuje
Miyndzy Polskom a Niymcami
Trza nom być durś Ślonzokami.

[broneknotgeld]

Toż Jan Paweł sie raduje
Już fertig "konklawe"
Znak Dycha Świyntego czuje
Cołki Ślonzek prawie.

[broneknotgeld]

Jymu pewno to sztimuje
Ratzinger na tronie
Niych Europa wiwatuje
Kościoł nom niy tonie.

[broneknotgeld]

Miyndzy Polskom a Niymcami
Znak Ponboczek dowo
Niychej wiara jest ze nami
Dusza w światłość stowo.

[broneknotgeld]

Trza nom być durś Ślonzokami
I czimać se tego
Niy som my w Europie sami
-Znak Ducha Świyntego

[broneknotgeld]

Sztyry razy głosowali - 20.04.2005 19:09
Toż papiyża wybiyrali
By "Urbi et orbi" pedzioł
Kto? -Duch Świynty downo wiedzioł.

[broneknotgeld]

Sztyry razy głosowali
Trefiyło na Bawarczyka
Łon pociongnie wszysko dali
Wiela niy zezwoli brykać?!

[broneknotgeld]

Toż papiyża wybiyrali
Pryndko bioły poszoł dym
Ratzingera tako dali
Ło tym już łod wczoraj wiym.

[broneknotgeld]

By "Urbi et orbi" pedzioł
Światu rynkom błogosławioł
Ponboczek pewnikym wiedzioł
Kto Watykan bydzie sławioł.

[broneknotgeld]

Kto? -Duch Świynty downo wiedzioł
Benedykta trza Europie
Przi robocie bydzie "siedzioł"
Trza go wspiyrać w ty "utropie".

[broneknotgeld]

"Nie lękaj się" - tako pedzioł - 21.04.2005 17:46
Jan Paweł II - jakby już wiedzioł
Po Niym Benedykt stanie se w raja
Powiy - Europo przeca ci pszaja.

[broneknotgeld]

"Nie lękaj się" - tako pedzioł
Tyn co już łodszoł tymu co prziszoł
Na watykański nastympny "przedzioł"
-By ubogacioł a niy namiyszoł.

[broneknotgeld]

Jan Paweł II - jakby już wiedzioł
Że trza nom bydzie "benedyktyna"
Kery by po Niym na tronie siedzioł
Ło krześcijańsko fest dboł rodzina.

[broneknotgeld]

-Po Niym Benedykt stanie se w raja
-Świynty naprawioł zakonne życie
"Rzykej - rob wiela" to niy som jaja
Na Ślonsku downo dyć ło tym wiycie.

[broneknotgeld]

Powiy - Europo przeca ci pszaja
Dlo cia rzykanie - dlo cia robota
Niychej niy bydzie już nigdy haja
Z niydzieli kożdy aż po sobota.

[broneknotgeld]

"Zezwola by Łon mnom kerowoł" - 25.04.2005 16:21
We ćmoku drogowskaz tyż dowoł
Niych zowdy mie wiedzie do dobra
Joch mały dyć Łon w tym sie zdo Brat.

[broneknotgeld]

"Zezwola by Łon mnom kerowoł"
By droga pokozoł mi swoja
Choć bergi przed łoczy mi dowoł
Jo tego se richtig niy boja

Toż wiym - to łod Niego mi dane
Czowieka Kościoła w tym dola
Trza ło tym pamiyntać co ranek
Niych dzieje sie durś "Twoja wola".

[broneknotgeld]

We ćmoku drogowskaz tyż dowoł
Kaj lepsze jest jutro powiedzie
W tym poncie se byda hartowoł
Bo blyszczy świotełko na przedzie.

[broneknotgeld]

Niych zowdy mie wiedzie do dobra
Toż życio mojego ideja
Choć zdo sie codziynnie ta "kobra"
Jo pszaja i bestoż sie śmieja.

[broneknotgeld]

Joch mały dyć łon w tym sie zdo Brat
Co zowdy swo rynka mi podo
Niy powiy - Benedykt toż "rozbrat"
Nikomu Łon tako niy godo.

Lekcje papieskie

[broneknotgeld]

Poleca ze tym se za "Gazetom"
Na zajtach szkryfła je przeca
Możno dlo inkszych bydzie podnietom
Jo zaś rym wciepna do neca.

[broneknotgeld]

Zdo sie wyboczy mi duch papieża
Co pszoł nom wszyskim pospołu
-Moje felery - w to jo durś wierza
I po swojymu tu wołom.

Prawa czowieka

[broneknotgeld]

I tyn w utropie nojwiynkszy
Zdo sie na cołke dnie życia
Jest skiż Ponboczka nojwyrszy
Za Janym Pawłym to klyca.

[broneknotgeld]

Godność

Czowiek we zocy ta godność mo
Za to że jest kimś - coś w duszy gro
Dyć niy skiż tego co capnoł w rynce
Godność wartościom nawet we mynce

To krześcijanom zowdy trza wedzieć
Nojwyrszy zesel kaj idzie siedzieć
Czasym i niży ryczki być może
Na kery biydok zicnoł - moj Boże.

[broneknotgeld]

"Wyrośniynty"

Czowiek "wyrosnoł" nad cołko gowiydź
Som dlo sia dobrym - jeronie to wiydz
Niywiela znaczy co niy we duszy
A godność zdo sie świat cołki ruszyć.

[broneknotgeld]

Na Swoj łobroz Bog mie richtig wyrychtowoł
Krystus krwiom łodkupioł - dyć wiela jyj dowoł
"Synym w Synu" czowiek - durś we Duchu Świyntym
Z wolnom wolom zdo sie do świyntości "wziyntym"

Toż niych mie pognymbić tukej nikt niy woży
Ponboczkowi chcecie utropy dołożyć?
Kto mojom godnościom pomiotać by chcioł
Bydzie na sumiyniu Łojca w Niebie mioł.

[broneknotgeld]

Czowieka za dobro biercie
Łon przeca zowdy we wercie
Godności mu niy łodbiyrać
Trza durś na niego zaziyrać
Ze pszoniym - jakby na siebie
Niych widzi Tyn co jest w Niebie

Bliźni nom zowdy dyć rowny
W tym koncept przeca jest głowny
Gańbom bliźniego poniżyć
Toż trza nom do sia se zbliżyć
By razym żywot wiyść w zgodzie
Brat brata niychej niy bodzie.

[broneknotgeld]

Ze rownościom

Moja godność ze rownościom
Zowdy mo iść w zgodzie
Prawa inkszych mie niy złoszczom
Trza pływać w ty wodzie

Wszysko w jednym garcu zdo sie
W kerym żur warzymy
Jak te pszonie w sercu mo sie
Z Ponboczkym żyjymy.

[broneknotgeld]

Ło godności papiyż prawioł richtig wiela
Toż niych godno bydzie naszo ślonsko sztela
Jakby Łon mi jakoś rynka poprowadzioł
Z naukami Jego lepi bych se radzioł.

[broneknotgeld]

Gańbom bliźniego poniżyć
Toż trza nom do sia se zbliżyć
By razym żywot wiyść w zgodzie
Brat brata niychej niy bodzie.

[broneknotgeld]

Toż naszo godność zowdy we wercie
Przed nia niczego wyży niy biercie
Choć "co cysorske" czasym jom niszczy
Dyć grzychym yno jak coś w tym zyszczy

Władza co godność chciałaby zdusić
Zdo sie przekryślić Ponboczka musi
Dyć możno z piekła łona jest rodym
Na take grzychy niy mo być zgody.

[broneknotgeld]

"Powszechno Deklaracyjo Praw Czowieka"

Dlo JanaPawła we wercie była
W niyj widzioł Ponboczka rynka
Dlo ONZ-tu to wielko siyła
Niom wspiyrać w ludzkich nos mynkach.

[broneknotgeld]

Dobro czowieka

Na nic deklaracje teorie ideje
Jak dobru czowieka źle sie yno dzieje
Co Ponboczek stworzoł winno tymu służyć
By czowiek choć ździybko mog lepi se użyć
Dyć recht w tym - jest ciyngym na ty ziymi zło
Niy trza sie z tym godzić - nojważniejsze to.

[broneknotgeld]

Państwo godności ludzki mo służyć
A niy sie paś niom by yno użyć
Złym jest jak tako gnymbi czowieka
Przekryśl te państwo - niy trza ci czekać
Niym twojom duszom cołkym zawładnie
I wolno wola bydzie już na dnie
Yno w czowieku jest iskra Boga
Niy we urzyńdzie - to szkryfnońć moga
Za Janym Pawłym - naszym papiyżym
-Głosym co w duszy zowdy jest świyży.

[broneknotgeld]

"Solidarność"

W tym co dobre trza sie wspiyrać
Na zło myni zaś zaziyrać
Dyć je widzieć jednak trza
"Ślepego" omoto - pra?

Słabszy tyż tyn kto jest som
Razym w dobru - hasło dom
Ze Ponboczkym we jedności
Zło niyjedno idzie prościć

Godny czowiek niych se garnie
Kaj ku dobru solidarnie
Inksi rynka w rynka idom
A przegrane w tym niy bydom.

[broneknotgeld]

Niy yno z utropy

Niy yno z ludzki naszy utropy
Ta solidarność - baby i chopy
W niyj wiela wiyncy - przeca to wiycie
Łona jest siyłom na lepsze życie.

[broneknotgeld]

Poznosz solidarność po jeji owocach
Dyć se z tym niy kryje - zowdy prowdy chce
Pokoju i dobra za dnia jako w nocach
Bydźcie solidarni i poskopcie mie.

[broneknotgeld]

Solidarnie dobro wspiyrać
Oby czowiek za tym był
Tako droga nom wybiyrać
Toż kożdymu dodo siył.

[broneknotgeld]

"Ksionże Pokoju"

"Ksiyńciym Pokoju" Jezusa zwali
Bo chcioł dać pokoj duszy i ziymi
Toż to nikierzy forsztelowali
Yno czy dzisioj do sia bierymy?

Wojny terroryzm lagry - durś mynka
Mo krześcijanin zawiyrać łoczy?
Krew łod bliźniego nosić na rynkach?
Ciongnońć do światła czy szukać nocy?

Toż Janie Pawle Tyś za Krystusym
Zdo sie pokoju szukoł prawdziwie
I kwarde serca niym umiołś wzruszyć
Niy yno take co świyntobliwe.

[broneknotgeld]

"Wprowadzajoncy pokoj"

Kto taki? -Przeca jo ty i łon
Wojnie trza pedzieć naprowdy - won!
Pokoj mieć w sercu - inkszym tyż dać
Tako by chcieli łod nos go brać.

[broneknotgeld]

Soroństwo pomstliwość zowiść
Szukanie na siyła wroga
Do piekła może nos dowiyść
A solidarność - do Boga.

[broneknotgeld]

"Jest droga pokoju
echt-drogom rozwoju"

Bestoż łosprawiać ło tym durś trza
Wspolnie zrychtować co idzie - pra?
Kto solidarny tyn sprawiedliwy
Czy dlo nos ciyngym to yno dziwy?

[broneknotgeld]

"Jedyn drugiego brzemiona noście"
Niy łod sia yno zowdy tyż razym
Ło wsparcie bliźnich nawet i proście
Niychej niy bydzie we tym urazy

Dyć źle ciynżory samymu dźwigać
Źle "garb" swoj nisić przeciw drugymu
Czy w tym szachrować - tako se migać?
Trza solidarnie rynka dać jymu.

Wolność

[broneknotgeld]

Wolność

Wolność czynsto ciynżko zdo sie
Nawet stracić jom tyż idzie
W niywoli somsiedztwo mo sie
Dej pozor - niych to niy przidzie.

[broneknotgeld]

Wybor

Wolność jest wyborym
Złego i dobrego
Pódziesz drogom "zmory"?
Czy ducha zocnego?

[broneknotgeld]

Samowola

Z wolności czasym ta samowola
Zło zowdy droga - jom niy pochwola
Dyć za niom klotka dlo inkszych idzie
I tako dlo cia - już żeś we biydzie.

[broneknotgeld]

Niywola pychy

Zdo ci sie - lepszym żeś jest łod inkszych?
Czy yno wtedy czujesz sie wiynkszy?
Ja - toż w niywoli żeś tego grzycha
Co ciyngym bliźnich niży chce spychać.

[broneknotgeld]

Niywola chciwości

Ciyngym chcesz wiyncy wiyncy i wiyncy
Dusza ze tego aże sie mynczy
Dyć choćbyś nawet i wiela mioł
Zowdy nowego coś bydziesz chcioł

Idejom życio yno te chcynie?
-Łoj we niywoli richtig sumiynie.

[broneknotgeld]

Niywola chuci

Wele pszonio niby stoji
Dyć se tako yno stroji
Kupić abo siyłom wziońć?
Niychej bydzie jako bońdź?

Łoj - zło za tym ciyngym idzie
Dyć dwie dusze som we biydzie
Czynsto nawet wiela wiyncy
Ktosik ciyrpi - kogoś mynczy.

[broneknotgeld]

Niywola zowiści

Chyba niy musza jo tego dowiyść
Że w Polsce ciyngym mo krzipce zowiść
Niyjedyn przeca tyn "pies na sianie"
Zły jak istnymu se coś dostanie

Mynczy go inkszość szczyńście bliźniego
Marasym ciepie yno skiż tego
I pokazuje durś lico wroga
Zdo mi sie - stanoł u piekła proga.

[broneknotgeld]

Niywola lebra

Kurde przi tymu biere mie febra
Bo jo mom cosik ze tego lebra
Choć wiela robia - dyć to co lubia
Jak niy to czynsto wonsa poszkubia
"Łostatni driker" - tam se to wkłodom
Grzych - za papiyżym tako tyż godom.

[broneknotgeld]

Niywola egoizmu

"Po trupach do przodka"
Ło tym tukej godka
W niywoli sumiynie
Na własne życzynie.

[broneknotgeld]

Niywola niynowiści

Ciynżko z chrobokym takim we duszy
Szczyńście w czowieku cołkym łon głuszy
Jakby som życiym był twojim zdo sie
Niywola wielko ze tym durś mo sie.

[broneknotgeld]

Jak być wolnym?

Jak być tu wolnym? Tela niywoli
Że aż czowieka to richtig boli
Krystus w tym jednak droga wskazuje
Pszoć ciyngym czeba - wtedy poczujesz
Że bliźni dlo cia bratym być może
Sia tyż niy skrziwdzisz - toż dziynki Boże.

[broneknotgeld]

Wolność ze prowdom mo w zgodzie żyć
Bez tego przidzie swawolom być
Kero niyprowdom napaś se umi
Aże niywoli niy wyrozumi
I w końcu sama siebie poniszczy
Zło we czowieku siyły z tym zyszczy.

[broneknotgeld]

Wolność czasami bywo tyż wrogym
Ciynżko łoboczyć czy żeś za progym
W kerym sie wolność w niywola zmiynio
Jak przitympiony już głos sumiynio
I to co ciebie wolnościom zdo sie
Utropom inkszych - toż grzych w tym mo sie.

[broneknotgeld]

Z wolności

Z wolności czynsto prziłazi zło
Jak sie sumiynie szyroke mo
I już niy widzi co bliźnim szkodzi
Grzych samowoli tako se rodzi.

[broneknotgeld]

Wolność do "wyzwolynio" cie wiedzie?
Zdo ci se wtedy żeś ty na przedzie?
Za nic już prawo i tradycyjo?
Łoj - cobyś niy wloz w tako mecyjo
I szczyńście swoje stowioł nad wszysko
Zło twoja dusza dlo sia tym zysko
Wolność łod dobra - wolność łod zła
Wolność łod prowdy - wiedzieć ci trza

Żeś zniywolony - niywolisz inkszych
Nic to że zdowo ci sie coś wiynkszy.

[broneknotgeld]

"Jo"

Jak w swoji duszy durś te "jo" stowiosz
To sia naprowdy tako niy zbowiosz
Dyć "jo" cie wtedy zamknie na inkszych
Som se scyganisz żeś przez nie wiynkszy.

[broneknotgeld]

Anarchio

Toż za wolnościom anarchio idzie
Ze niom egoizm i kaprys bydzie
I zło łod dobra ciynżko łoddzielić
Haltuj bo niy trza tako se ścielić.

[broneknotgeld]

Kurde - toż dzisioj to mi sie zdo
Czowiek za wiela stowio na "jo"
I stond se cołko utropa wziyła
Te "jo" mo teroz za wielko siyła

Łone ukrziwdzić inkszych fest umi
Zdo sie gorzołom co w gowie szumi
Kożdy przi tymu chce mieć i być
Choćby po trupach bele z "jo" żyć.

[broneknotgeld]

A co?

A co jak inkszy w tym "jo" mi wadzi?
Czy trza go zdeptać? Widzieć w niym wroga?
Możno rzykanie tymu zaradzi?
Dyć i w sumiynie wejrzeć se moga.

[broneknotgeld]

Po swojymu

Toż po swojymu kożdy se gro
Tako że widzi yno te "jo"
Zapomnieć idzie co znaczy "my"
-Już gowa dzwigo zowdy tyn Zły.

[broneknotgeld]

Moje "jo"

Moje "jo" sie z inkszym bije?
Yno wtedy wiy że żyje?
Toz wolności grzych w tym zowdy
Tela szkryfna świynty prowdy.

[broneknotgeld]

Ciyngym same

"Jo" niy żyje ze inkszymi
Ciyngym same na ty ziymi
Jak se niy chce zmiynić w "my"
Marnie skończy! Bog to wiy!

[broneknotgeld]

Jak "jo" w jedno złonczyć z "my"?
Trza Ponboczka - Łon to wiy
Krystus dobrze wiedzioł ło tym
"My" dlo Niego niy gupoty.

[broneknotgeld]

Dyć skompane już krwiom Jego
"Jo" durś żyje u istnego
Kwarantanna - czas se kończy
Z "my" je drapko trza nom łonczyć.

[broneknotgeld]

Źle jak "jo" w nos niy zagości
Dyć ryzykym dlo wolności
Bo jak łone tympi "my"
Kaj se zbłonko? Kto je wiy?

[broneknotgeld]

Na manowce zońdzie chnet
Kto na szpicy stowio "jo"
Ło to bych założoł wet
"My" zatraci - przidzie zło.

[broneknotgeld]

Wolny czowiek

Czowiek jest wolny zowdy z inkszymi
Dyć czy to richtig ny wszyscy wiymy?
Kaj blyszczy jedyn wolnościom swojom
Inksi se tego aże fest bojom

I niy dziwota że bywo tako
"Jo" w końcu wyńdzie zowdy jednako
Łone na wiyrchu pod niym zaś "ty"
A czy niy lepi by było "my"?

[broneknotgeld]

Wartość i prowda

Wartość i prowda mo wszyskim służyć
A "jo" przi tymu czynsto chce użyć
Z tego se rodzi fałsz i niywola
Jak tako "wolność" to jo jom smola.

[broneknotgeld]

Miljony

Chodzom po świecie miljony "jo"
"My" zdo sie kożde z nich kajsik mo
Ano ze tego rodzi se biyda
Dyć czy spokopi tako łobrzida?

[broneknotgeld]

Czy idzie?

Idzie być wolnym przez przekryślynie
Tego co cicho szepce sumiynie?
Idzie być wolnym przez podeptanie
Przeszkod co wadzom i plyć se na nie?
Jeszcze przi tymu prowda przekryślić
Na swoj użytek cosik wymyślić

Dyć co ci z tego łostanie w końcu?
Niywola duszy i ćmok we słońcu!
Utropa włosno - krziwda bliźniego
Czy we wolności szukomy tego???

[broneknotgeld]

Nakazy?

Wszyske nakazy co niesie życie
Łodciepnońć idzie - dyć to tyż wiycie
Że to niy wiedzie nos do wolności
Kero wyborym jest we miłości
Tego co zowdy do dobra wiedzie
-Nich ta ideja ciyngym na przedzie.

[broneknotgeld]

Bez musu

Bez musu zowdy dobra se chyca
Bez musu nawet te rymy klyca
Bez musu pszaja jo tyż bliźniymu
Bez musu rzykom - cześć dowom Jymu
Bez musu tako swo wolnośc widza
A co ze musu tego se wstydza.

[broneknotgeld]

Krystus swym życiym uczoł wolności
Krziż nawet wybroł wolom czowieka
Bestoż niy zowdy z tego radości
Dyć wolność biera - niy byda czekać

Chyca se jeji rynkom durś mocnom
By ze inkszymi niom tyż podzielić
Toż wtedy łona zowdy jest zocnom
Jak ze niyj dobro inkszym chcesz ścielić.

[broneknotgeld]

"Ład wolności"

Wolności niy ma we tym chaosie
Yno ułuda jyj wtedy mo sie
Łona porzondek ze sobom wiedzie
Prawdziwo wolność z dobrym na przedzie.

[broneknotgeld]

"Ład moralny"

Trza mieć porzondek w sumiyniu swojim
Jak co niyherske - łodpokutować
Złe durś łomijać ze niym niy brojić
I zowdy yno na dobro stowiać.

[broneknotgeld]

"Ład wartości"

Co dobru służy zowdy we wercie
Recht w tym - na przodek bestoż to biercie
Bliźniego trza nom tako mieć w zocy
Sia tyż szanować - w tym szukać mocy.

[broneknotgeld]

"Ład prowdy"

Prowda sama łod sia zdowo sie być ładym
Niyprowda durś grzychym - na to niy ma rady
Trza czimać se tego by we prowdzie żyć
Choć czasym tyż ciynżko nom z tym może być.

[broneknotgeld]

"Ład dobra"

Ze złym dobro durś w łostudzie
Ciyngym tako życie pódzie
Trza po strobnie dobra stować
Złu sie nigdy niy poddować
Yno w tym jest droga zocno
Sie jyj czimej zowdy mocno.

[broneknotgeld]

Bez ładu

Wolnośc umiyro jak ładu niy ma
Niywola włazi - biydno ta ziymia
Na kery tako przidzie ci żyć
Tyś tyż w utropie - niy ma co kryć.

[broneknotgeld]

Krwiom dyć na wolność słono płaciyli
Toż na te słowo serce fest bije
Tym co niywolom se umynczyli
Wiedzom jak ciynżko wtedy sie żyje

Wielke som rany w duszy czowieka
Kery na klynczkach durś ciyrpieć musi
Oby nos to już niy miało czekać
Niychej wolności nic już niy dusi.

[broneknotgeld]

Niywola szramom na twoji duszy
Co jakby krwawi jak ktoś jom ruszy
Trza sie we życiu wolności czimać
Dyć dować pozor - zło lubi drzymać
Ale tyż drapko z drzymki se budzi
By piznońć mocno we wolność ludzi.

[broneknotgeld]

Ciynżko

Ciynżko prowdziwo wolnośc budować
Trza durś se trudzić i ciyngym stować
Niy zowdy bliźni we tym pomoże
W Ciebie dyć wsparcie - toż dziynki Boże.

[broneknotgeld]

"Ku wolności wyswobodzioł nos Krystus"

Toż krześcijanin wolności pszaje
Wiyść go przez życie może tyż piyknie
Bestoż w staraniach łon niy ustaje
I niychej zowdy siył mu wystyknie.

[broneknotgeld]

Ład Boga?

Wolność wolnościom mo być łod Boga?!
Jo czowiek mocny tako tyż moga?!
Niych niy niywoli mie dzisioj kler?!
Jako jo biera tako ty bier!

Krześcijaninie - niy prow mi tego
Lepi z nadziejom paczeć na Niego
Lepi z Ponboczkym - w pieczy nos mo
Łon tom wolnościom co w duszy gro

Toż bosko przeca two wolno wola
Za nia codziynnie jo Jego chwola
Bez Boga zbłondzisz mozno w wolności
Utropa w duszy twoji zagości.

[broneknotgeld]

Wolność Ponboczek doł czowiekowi
Wielke zadanie - niyjedyn powiy
Kto wiy że trza jom ciyngym budować
Trza z powołaniym takim durś stować
W życie co czynsto utropa niesie
Czowiek z wolnościom do Nieba pnie sie
I chocioż czasym przi tymu spadnie
Dusza mu szepto - Niy jest żeś na dnie.

[broneknotgeld]

"Powołani zostaliście do wolności"

Tako apostoł i Kościoł prawi
Choć czasym se nom inaczy jawi
Dyć łodkupiyni my som w Krystusie
Z niym w wolnośc ida - pokłonia Mu sie.

[broneknotgeld]

"Mieć i używać"

Ano - dyć dzisioj niy trza sie dziwać
Że czowiek mieć chce i durś uzywać
We łoczach ciyngym zachcianki mo
Wolnośc we braniu se yno zdo

Z tego zaś rośnie duszy niywola
Taki "wolności" jo niy pochwola
Co ciyngym yno by chciała brać
Jak trza coś łod sia tyż inkszym dać

I kaj prowadzi w braniu swoboda?
Zło za tym idzie - na to dać zgoda?
Sie po tych glajzach lepi niy kulać
Chyba że siebie chce ktoś łofulać.

[broneknotgeld]

W telewizyjorze tako w radyjoku
W cajtongach rożnistych dzisioj krok po kroku
Ciyngym ci do gowy cosik cisnom mocno
Dyć czy nowo moda naprowdy jest zocno?

Spokopić wszyskego za drapko niy idzie
Haltuj - niych przi tymu pomyślunek bydzie
Toż ty mosz wybiyrać co dlo cia wolnościom
Niy zwol nia to inkszym choć se i pozłoszczom.

[broneknotgeld]

Bez prowdy

Niy ma wolności bez prowdy
Czy może być niyprowdziwo?
Scyganić idzie dyć zowdy
Yno trza paczeć durś krziwo

Kark zginać - niy czimać prosto
Tako se ciś do niywoli
W końcu uwidzisz to łostro
I richtig mocno zaboli.

[broneknotgeld]

Przez prowda wolności służyć
Toż niyść jom zowdy do ludzi
Chciyj tako zowdy jyj użyć
Aż w duszach istnych se zbudzi.

[broneknotgeld]

Co som poznowosz - bliźnim w gyszynku
-Dej - choćby było dlo cia to mynkom
Przeca misyjo we tym czowieka
Toż bier se za to! Po co ci czekać?!

[broneknotgeld]

Życie nojwyrszom wolnościom zowdy
Miyj je we zocy i chroń łod złego
Życie szukaniym jest ciyngym prowdy
Toż niy chciyj nigdy zapomnieć tego.

[broneknotgeld]

Wolno gospodarka tyż życiu mo służyć
I ciyngym czowieka mieć za cyl rozwoju
Łona przeca niy jest by na nos se użyć
Yno by nos wspiyrać we drodze i znoju.

[broneknotgeld]

Kto grzych popełnio w niym niywolnikym
Zdo sie co dusza jego w hereszcie
Dyć za wolnośćiom - choć krotkim blikym
Zowdy zatynskini tako uwierzcie.

[broneknotgeld]

Wolne pszonie

Zdo sie wolne dyć niesie niyjedna niywola
Dlo dzieci niypewność - tego niy pochwola
We prziszłość niych wiedzie je zocno rodzina
Kero pokeruje i cera i syna.

Praca

[broneknotgeld]

Robota

Ponboczek szejść dni robota mioł
Siodmego przeca se dychnońć chcioł
Z tego czowieka zdo sie robota
W kery tyż boski - to niy gupota.

[broneknotgeld]

Robota istniynio

Ano łod zowdy już taki sznyt
Robota po to by lepszy byt
Czowiek na ziymi se wyrychtowoł
Ze familijom przi kery stowo.

[broneknotgeld]

Robotny czowiek

Robotny czowiek zdo sie tyż tworcom
Bo lepsze jutro tako rychtuje
Drogi w tym przed niym niych se niy kurczom
Ano - dlo dobra niychej "fedruje".

[broneknotgeld]

Ponboczek stworzoł świat - dlo czowieka
Jeszcze roboty łostało
Dyć niy ma na co już teroz czekać
Oby arbajtać se chciało

My se chyciyli świat w nasze rynce
Jakby łon dlo nos tom glinom
Z niyj wypolymy gorki we mynce
Kere łostanom - niy minom.

[broneknotgeld]

Zowdy

Zowdy robota przed piniondz stowiej
Sie ty mamonie przeca niy dowej
Łona robocie tyż winna służyć
Tako godziwie trza jeji użyć.

[broneknotgeld]

Czowiek norzyńdziym?

Skiż bezrobocio czowiek norzyńdziym
Zdo sie nojwyży być siyłom
Kero buduje mozno z rozpyndym
Niym krew niy łoprze sie żyłom

Skiż bezrobocio wyzysk prziłazi
Ekonomiczno niywola
Choć niyjednego łona niy razi
Jo jeji tukej niy schwola.

[broneknotgeld]

Lynk

Lynk przed roboty utratom
Idzie ze myńszom zapłatom
Tyż czasym dugszym wyzyskym
Złym we robocie już wszyskim.

[broneknotgeld]

Czas roboty

Mo robota czas mieć swoj
W kerym kończy se już znoj
Familijo łodpoczynek
Tego niych niy kradnie "rynek"
Idbać czeba tyz ło zdrowie
Wtedy wolnym zdo sie czowiek
Jak robota niy niywoli
Bo to drapko fest zaboli.

[broneknotgeld]

Wyzysk

Wyzysk w robocie i jyj zapłacie
We czasie tako - wiysz ło tym bracie
Wyzysk durś jedyn drugego goni
Kto wyzyskuje? Ano - dyć łoni!

[broneknotgeld]

Siyła roboczo

Siyłom roboczom zdo ci sie czowiek
Łoj toś postawioł godność na gowie
Tworcom być czeba przeca w robocie
Wtedy i łona źrodłym jest pociech
Przez nia se lepszym mogesz tyż stać
Tako jom w rynce czeba ci brać.

[broneknotgeld]

"Robota dlo cia - niy dlo niyj ty"
Zowdy niych kożdy czowiek to wiy
Zocnom być może - niy tom mordyngom
Taki ideji chyntnie se siyngom.

[broneknotgeld]

Toż robota z familijom
winna łazić w zgodzie
Niychej bydom harmonijom
Czimiom se na wodzie
I niy topiom jak som razym
Dlo prziszłości tako
Zdo sie życie w tym łobrazym
Ze szczyńściym jednako.

[broneknotgeld]

Bez roboty

Bez roboty czowiek niczym
Łona przeca życiu służy
Ło nia wiela zdo sie ryczy
Bo chcom lepi czas swoj użyć

Bez roboty familijo
Drapko może se zatracić
Toż jom zniszczy ta mecyjo
Zamiost ducha ubogacić

Bez roboty narod wielki
Z historyji chnet wyleci
Toż to niy som duperelki
Rob a szczyńście sie ukleci.

[broneknotgeld]

Czy robota jest utropom?
Czy cie w niyj po duszy kopiom?
Czy fest mynczy "wyścig szczurow"?
Czy chcesz wyrwać se ztych "murow"?
Czy sie czujesz wyzyskany?
Czy tyż tropiom inksze "rany"?

Ano - czynsto tako bywo
I nikogo to niy dziwo
Dyć niy musi przeca być
Robić - bezto godnie żyć
We robocie wolno wola
Iskra bożo - tako chwola
Yno czamu ciynżko zdo sie?
I radości w tym niy mo sie?

[broneknotgeld]

Robota tyż zocno
Godności mo służyć
Tako czimej mocno
Dlo dobra chciyj użyć

Robota mo mnożyć
Niyśc szczyńście do ludzi
Niy mo cie ukorzyć
Yno tworczo budzić.

[broneknotgeld]

Twoja robota jest prowdom twojom
Cyganstwa bestoż jeji sie bojom
Bo przi niyj przeca niczym som łone
Wiedzom że czeko je możno koniec.

[broneknotgeld]

Przez robota som czowiek se tworzy
Przez nia zowdy na nowe se woży
Z niom jest tako jak było przed wiekym
Przeca skiż niyj żeś richtig czowiekym.

[broneknotgeld]

By naturom rzońdzić - robota czowieka
W tym zła jak i dobra idzie se doczekać
Dyć ta iskra bożo niych nos teroz wiedzie
A zowdy co zocne bydzie już na przedzie.

[broneknotgeld]

Czowiek robi

Czowiek robi bo Stworca nakozoł mu tako
Robi bo w tym z Bogym sie rowno dwojako
Z jedny strony skiz tego co w niym iskra bosko
Z drugi - wolnom wolom tworzy tyż ze troskom

Toż robi bo bliźnich chce trudym fest wspiyrać
I na familiji szczyńście se zaziyrać
Dar łod sia tym dowo dzieciom no i wnukom
Dyć możno inkszego tyż synsu poszukom

Ano - trza robotom służyć społeczyństwu
Tako dowod dować zowdy człowieczyństwu
Że wspolnie trza ciyngym nom prziszłość budować
Jak ktoś coś pobuli dźwigać to łod nowa.

[broneknotgeld]

Co robić majom chorzy i dzieci
jak z jejich życiym nyndza durś leci?
I niy dbo ło nich tyż cołkym państwo
Richtig utropa abo tyż draństwo.

[broneknotgeld]

Bezrobocie

Bezrobocie jest werkym ubogich
Kery nyndzom już wielu nom płaci
Tworz robota choć kunszt to jest drogi
Dyć niy yno łon ciebie wzbogaci.

[broneknotgeld]

Robota dobrym czowieka
Przez nia łon lepszym se stowo
Toz trza nom robić - niy czekać
Znoj nasz tyż szczyńście nom dowo.

[broneknotgeld]

Solidarne w robocie muszom być narody
By ze nyndzom wygrać bezrobociym tako
Kaj myni utropy tam i wiyncy zgody
Ku dobru trza ciongnońć tyn wozyk jednako.

[broneknotgeld]

Nawrocynie serca

Nawrocić trza serce byś mog Boga chwolić
Robić coś dlo inkszych z cołki swoji woli
Wtedy bydziesz służoł dyć tyż istnym pszoł
I zowdy podpora we Ponboczku mioł.

[broneknotgeld]

I przez robota pszoć trza bliźniymu
Jako i siebie w tym czasie
Wiedzie ta droga nos ku dobrymu
A dusza zdo sie we krasie.

[broneknotgeld]

Z postympym

Robota z postympym zdo sie iść we parze
Nikerych bogacom - toż dobro se maże
Piyknie jak dlo wszyskich profit z tego idzie
Wtedy richtig szczyńście dlo czowieka bydzie.

[broneknotgeld]

Biyda bogactwo kedyś łosońdzi
Bydzie z tym wiedzioł że richtig błondzi
Tyn co robotom cudzom se pasie
I niy zoglondo już cołkym za sie.

[broneknotgeld]

Wiela roboty i głodu wiela
Tako se jawi ta ziymsko sztela
Co ciyngym wszyskich wyżywić może
Choć niy wyłazi nom to moj Boże

Tropi czowieka bez to sumiynie?
Niyszczyńściym mo być już narodzynie?
Jak nowo gymba futrować głodym?
Trza durś roboty i świata zgody.

[broneknotgeld]

Ponboczek ziymia doł nom we rynce
I wszyske z tym jeji skarby
Dyć niy muszymy tu żyć we mynce
Trza yno prościć te "garby".

[broneknotgeld]

Robota po to by dobro tworzyć
Z kerym szczyńśliwie czowiek mo dożyć
"Zapisanego" żywotu końca
Trza nom roboty jak tego słońca.

[broneknotgeld]

"Chleba naszego powszedniego daj nam dzisiaj"

Tako rzykomy ciyngym do Boga
A jo przi tymu szkryfnońć se moga
Że to paciorek jest do czowieka
W nos iskra bożo - toż na co czekać?!

[broneknotgeld]

Jodła na ziymi zdo sie za wiela
Dyć skiż profitow biydno ta sztela
Na kery śmiertka nos głodym kosi
Trza solidarność na świecie głosić
I tako dzielić se tym co momy
Z roboty dobro - toż bliźnim domy.

[broneknotgeld]

Czy znomy życie tego norodu
Co go nawiydzo durś plaga głodu?
Znomy nacyjo co jodło niszczy?
Czy szczyńścia dlo sia tym wiyncy zyszczy?

Wojna i pokój

[broneknotgeld]

Pokoj niy "utopiom" ani jakimś snym
Wojnom mo żyć czowiek? Niy - to przeca wiym!

[broneknotgeld]

Ponboczek nom wojny na pukel niy wsadzioł
Pisanom nom łona? -Ło to bych se wadzioł!

[broneknotgeld]

Wojna zowdy jest przegranom
Przez Ponboczka nom niy danom
To utropa naszy woli
Pokoj czowiek niych durś chwoli.

[broneknotgeld]

Toż rozwoj świata pokojym jest
We naszych gowach siedzi to fest
Czy wszysko jednak tako robiymy
by richtig było to ło czym wiymy?

[broneknotgeld]

"Korzynie wojny"

Korzynie wojny" - przeca je widać
Przeklynte frukta mogom zaś wydać
Trza widzieć dali i paczeć głymbi
W to co norody i ludzi gnymbi
Niy yno blikać zowdy na siebie
Jak inksi ciyngym w ciynżki poczebie.

[broneknotgeld]

"Powszechno Deklaracjo Praw Czowieka"

Ideje taki deklaracyji
Szlabanym przeca wojny mecyji
Kaj prawa ludzke zdeptane wszyndy
Wojna sie ciśnie do taki grzyndy.

[broneknotgeld]

Niysprawiedliwość

Niysprawiedliwość - te ludzke zło
Niyszczyńścia ciongnie dyć wiycie to

Niysprawiedliwość łodpor łobudzi
W inksze utropy tyż wciongo ludzi

Niysprawiedliwość niy śpi spokojnie
W niyj samy przeca tyn szwong ku wojnie.

[broneknotgeld]

Pokoj - ideja co inksze "bije"
Dlo niyj i stracić coś werci
Z pokojym przeca lepi sie żyje
Ło wiela dali łod śmierci

Czy inkszy profit ważniejszy zdo sie?
Trza loteryjo z niym robić?
Jako spokopić wszysko to mo sie?
Pokoj - łon ziymia durś zdobi!

[broneknotgeld]

Dynkmal Pokoju

We Hiroszimie wele dynkmala
Zdo sie co wojna idzie pohalać
Dyć dejcie pozor - śmiertka niy życie
Tako sie yno cołkym zniszczycie.

[broneknotgeld]

Zdowo sie - łodloz ździybko tyn czas
Jak atombomba światu groziyła
Czy po czowieku łostołby las?
Wszysko by łona tako zniszczyła

Dzisioj jom jakby w uśpiyniu mo sie
Dyć ciyngym djoboł do niyj sie śmieje
Niy siyngnie żodyn - tako nom zdo sie
Jednak niypewne som ciyngym dzieje.

[broneknotgeld]

Kto pokoj dzisioj chciołby przekryślić?
Kto wojna nowo teroz rychtować?
Czy coś gorszego idzie wymyślić?
Koniec czowieka na szali stowiać?!

[broneknotgeld]

"Si vis pacem, para bellum"

Dyć kożdy kijok dwa końce mo
Ło tym pamiyntać nom czeba
Broniom sie bronić - świat zwola do
Napadać jednak niy czeba

Coż kedy czowiek ze grzychym żyje
Zło rzońdzić nami tyż może
We arsynale kożdym se kryje
Chroń nos łod niego moj Boże.

[broneknotgeld]

Sama zbroja na nic zdo sie
Do kompletu broń tyż mo sie
Jedne z drugim zowdy w porze
Niypoczebne to być może.

[broneknotgeld]

Bez sprawiedliwości
Pokoju tyż niy ma
Ułuda tam "gości"
Jynczy cicho ziymia

Zdo sie wojna przidzie
Czy rewolucyjo?
Zło we kraju bydzie
Czowieka mecyjo.

[broneknotgeld]

Bez praw łod czowieka
Z deptaniym godności
Iskry yno czekać
Jak gniyw w duszy gości

Ze tego fojera
W raji śmierć dlo ludzi
Tuż widać już teraz
jak wojna se budzi.

[broneknotgeld]

Podeptać godność - toż "wet za wet"
Może we ciebie trefić to chnet
Tako sie przeca i wojna budzi
Jak łodwet siyngo do duszy ludzi.

[broneknotgeld]

Geld wydowany durś na zbrojynie
Winiyn umynczyć nasze sumiynie
Toż mogby przeca chronić łod głodu
Tako dać cosik biydnym narodom
Miast karabiny dowołby chleba
Yno spokopić to w końcu czeba.

[broneknotgeld]

Toż kożdo wojna zowdy przegranom
Tako deptaniym godności
Tym co po łodu stronach w niyj stanom
Łona ujmuje wartości

We wercie czowiek i familijo
Narod malutki i wielki
Zaś gwera godo -Wolność mecyjo
Kaj siyła niy duperelki

Trza dzisioj pozor wszyskim nom dować
By dzieci rosły w pokoju
Skarbu takego ciyngym pilnować
W tym sie niy migać łod znoju.

[broneknotgeld]

Wojna wybucho!

Wojna wybucho! -Toż trza kurować!
Rana niych drapko sie goji
To ciyngym mało! Pokoj trza stowiać
Durś piyrwyj we duszy swoji

Pokoj dlo wszyskich mo znaczyć - życie
Śmierć - zowdy wojny niyszczyńście
Pszonie pokojym - to spokopicie
Ze ćmoka jakby w tym wyńście.

[broneknotgeld]

"Embargo ekonomiczne"

Kij kery zowdy dwa końce mo
Bije niy tam kaj poczeba
Czy politykow ściongo na dno?
Czy ludzim broni to "nieba"?

Toż chocioż niy jest żelazno piyńść
Po kery krew sie fest leje
Kaj te embargo musiało przyńść
Tyż djoboł czynsto sie śmieje.

[broneknotgeld]

Embargo

Embargo bije w maluczkich ludzi
Czynsto niynowiść tako tyż budzi
Co przez "elyty" jest rozdmuchano
I tako przeciw pokoju dano.

[broneknotgeld]

Sankcje embarga

Sankcje embarga - myńsze to zło
Dyć czy ze tego siyły sie mo?
By zowdy dobrym życiym swym służyć
Jako zła tego godziwie użyć?

[broneknotgeld]

Siyła

Łona narody do wojny wprzongnie
Dyć jak prawdziwo ku dobru ciongnie
Ze materialnom mo iść duchowo
Wtedy na pokoj światowy stowio.

[broneknotgeld]

Niynowiść

Niynowiść czasym ze ducha nyndzy
Wtedy ku wojnie idzie sie pryndzy
Tako na siyła wszysko tyż stowio
A to dlo duszy richtig niyzdrowo.

[broneknotgeld]

Kościoł

Kościoł niych sługom zowdy pokoju
I niy ustowo nigdy w tym znoju
Przed łoczy stowiać mo pszonie świata
Mieć tako misjo to już zapłata.

[broneknotgeld]

Politykom

Co politykom na świecie kryncom
Mieć majom ciyngym na gowie
Pokoj! Niych wojny ich już niy nyncom!
W pokoju z bogym jest czowiek

Kto politykom chce miyszać yno
By sioć niyzgoda na świecie
To co nojgorsze durś przipomino
Niy trza go słuchać nom przecie.

[broneknotgeld]

Jako ideja?

Jako ideja we polityce?
Czamu mo słuzyć nom łona?
By groźby wojny niy było - wiycie!
Pokoj poczebny we doma

Nikt możnych świata niy zwolni z tego
Niychej niy braknie im ducha
By dbać ło pokoj świata całego
-Za to se idzie ich słuchać.

[broneknotgeld]

"Bić" sie ze strachym tyż ciyngym czeba
Czy wojna zowdy mo grozić?
Pokoj nom zdo sie darym łod Nieba
Pszonio narodow niy mrozić.

[broneknotgeld]

Niy trza zbrojynio ciongnońć na zowdy
Siyła mo pokoj łobronić?
Toż drapko złym jest - wiela wtym prowdy
A te chce dobro durś gonić.

[broneknotgeld]

Czy som brak wojny już jest pokojym
jak to wymuszo zbrojynie?
Możno spokopisz rozumym swojym
abo podpowiy sumiynie.

[broneknotgeld]

Wspołpraca narodow

Narody winny w tym wspołpracować
Cuzamyn ciyngym deliberować
By coroz myni tych zbrojyń było
I wojnom tako nom niy groziyło
Myni w broń dować - we dobro wiyncy
Z tym świat sie wojnom już niy umynczy.

[broneknotgeld]

Co we zbrojynie topi sie dzisioj
Mogłoby dobru służyć czowieka
Pokoj na włosku by już niy wisioł
Trza brać sie za to a niy duś czekać.

[broneknotgeld]

Lepi

Lepi ze nyndzom trza nom wojować
Niźli rychtować norzyńdzie zbrodni
Yno za dobrym ciyngym nom stować
Trza by my byli w tym wszyscy zgodni.

[broneknotgeld]

Siyłom pokoj?!

Prowdziwy pokoj biere sie z siyły?
Idzie na groźbie tako budować?
By dusze ludzi ze strachu wyły!
Toż to niywola - w boj z niom chcesz stować.

[broneknotgeld]

Ciepnijcie

Niynowiść ciepnijcie
Gwołt i przemoc świata
Pokajać sie chciyjcie
Pokoj - w tym zapłata.

[broneknotgeld]

Dobra materialne

Czym łone dlo nos naprowdy som?
Ciyngym sie ło nie bijymy
Ze jedny strony - te dobra dom
Ze drugi zowiść - toż wiymy
Że przeca ciyngym zdo sie ich mało
Jedyn drugymu wydziyro
Choćby połonczyć ludzkość coś miało
Niynowiść z tego wyziyro.

[broneknotgeld]

Jako?

Jako pokozać dobro postympu?
Jako niym wszyskich łobdzielić?
Jako spokopić to do imyntu?
Jako dać pokoj ty szteli?

[broneknotgeld]

Dobrobyt

Dobrobyt wtedy prowdziwy zdo sie
Jak go we kożdym krajiczku mo sie
Dyć jak kajniykaj yno sie stowo
Pokoj w utropie - tako sie zdowo.

[broneknotgeld]

Jakby

Jakby cuzamyn w dobrobyt iść
Ze tom idejom pokoj trza niyść.

[broneknotgeld]

Dobra duchowe z materialnymi
Lepi jak razym som na ty ziymi
Kto mo za wiela wtedy sie dzieli
By pszonie kwitło we zocny szteli.

Ojczyzna

[broneknotgeld]

Kusiol

Kusiol ziymi polski
Jakby w rynce matki
Łon zdo sie nom swojski
Bo my jeji dziatki.

[broneknotgeld]

Polska - mać naszo - ciyrpi durś wiela
Toż piyrwyj niyszczyńść szczimała tela
A przeca ciyngym ze klynczek stowo
Jak tyn fyniks zdo sie tyż nowo.

[broneknotgeld]

Trza pszoć

Ojczyźnie pszoć trza
W tym wielkość jyj
Tako jom dźwigać
Codziynnie chciyj.

[broneknotgeld]

Matka

Serce moje - tako życie
Zowdy z Polskom - przeca wiycie
Tu korzynie powołania
Jak na Matka pacza na nia.

[broneknotgeld]

"kruszynę chleba podnieść z ziemi"

Ze Norwidym

Ze Norwidym Polsce pszoł
I w łokruszku Niebo mioł.

[broneknotgeld]

Wolność

Polok wolnym czuć sie chce
Ze niywolom duś mu źle
Narod w zocy mo swoboda
Wiela by tu ło tym godać
Trza mieć niyzowisłe państwo
Złym durś przeca jest poddaństwo.

[broneknotgeld]

Lekcyjo

Trza pamiyntać ta lekcyjo
Jako dała historyjo
W łoziymnostym jeszcze wieku
Niy chciyj z nowa jyj czowieku.

[broneknotgeld]

Patriotyzm

Polski se rodzioł w niywoli
Jak ajza no gorko bity
Do dzisioj przeca to boli
Dyć trza nom łostać już przi tym.

[broneknotgeld]

Ojczyzna

W tym nasze polske sumiynie
Kaj ińdzi tela we wercie?
Spokopić cołke znoczynie
Toż za to drapko se biercie.

[broneknotgeld]

Czym Polska?

Czym dlo narodow istnych ta Polska
Toż dlo Poloka łona durś wojska
Tego spokopić ciynżko jest inkszym
A narod polski z tym zdo sie wiynkszy.

[broneknotgeld]

Przez drugo wojna

Przez drugo wojna fest uciyrpiała
Ta kerom zowiom Matkom Poloka
Nic to że tela dlo niyj bezmała
Aże we łogyń sam chciało skokać

Krwi wtedy swoji nikt niy żałowoł
Kaj mog tam chycioł zowdy za gwera
We koncu tela richtig zwojowoł
Ze sie łostała na mapie sztela.

[broneknotgeld]

"Za wolność naszą i wasza"

Toż za Ojczyzna bioł se łon wszyndy
Bo chcioł być panym u swoji grzyndy.

[broneknotgeld]

Trza pamiyntać

Trza pamiyntać krew norodu
Czuć przelono ta ku chwale
By doczekać zowdy wschodu
Być jak krziż na zocny skale.

[broneknotgeld]

Kościoł doł Polsce przeca Krystusa
Kim dlo człowieka Łon zowdy jest?
Wie tym trza szukać naszego klucza
By szło łotworzyć zamknione fest

Czowiek som siebie niy wyrozumi?
Czamu istnieje i godność mo?
Jako spokopić to wszysko umi?
Co mu we duszy łod wiekow gro?

Niy trza Krystusa nom sie zapiyrać
W Niym blask co świyci zowdy przed nami
Tako tyż droga czeba wybiyrać
Ciyngym z Ponboczkym a nigdy sami

Norod to tela samo co ludzie
Kerych ojczyznom nojlepszom państwo
Te co z NOjwyższym we zgodzie pódzie
A inkszy wander? -Zdo sie cygaństwo!

[broneknotgeld]

Dzieje norodu

Dzieje norodu - czym sie nom zdajom?
Som łone dzisioj wiela we wercie?
Dlo tych co ciyngym Ojczyźnie pszajom
Dlo tych co myślom - chcecie to biercie.

[broneknotgeld]

Narod

Jako tyn narod we duszy gro?
Jako z czowiekym w jedno sie zlywo?
Czy skarbym mu sie zowdy aż zdo?
Czy yno z kraja na to se dziwo?

W sercu sumiyniu i świadomości
Tako w kulturze niych ciyngym żywy
Przez cołke zycie czowieka gości
Niym samym bydzie - niy yno dziwym.

[broneknotgeld]

Czy bez Krystusa wszysko spokopisz
Co ze narodym polskim sie stało?
Możno przi tymu wiela sie tropisz
Bez krziża jednak ciyngym za mało.

[broneknotgeld]

Życie czowieka życiym narodu
Tako za Janym Pawłym tu godom
Życie narodu życiym czowieka
I czego wiyncy jeszcze nom czekać?

[broneknotgeld]

Cuzamyn

Narod wspolnotom dyć niy jedynom
Ze familijom trza być cuzamyn
Bez tego nawet nacyje minom
Historio powiy im yno - amyn.
--

[broneknotgeld]

Nacyjo

Cery i syny ty naszy ziymi
Przez wieki ciyngym jom budowali
Co dzisioj ło tym naprowdy wiymy?
Czy chcymy narod w życie wiyść dali?

Trza nom budować zowdy z Kościołym
Tako iść śladym po naszych przodkach
Los ze tym przidzie bardzi wesoły
Yno chcieć czeba sie nom z niym spotkać.

[broneknotgeld]

Jako bez Krysta zoglondnońć w siebie?
Jako narodu spokopić dzieje
Nic że Ponboczek zdo sie nom w Niebie
Do duszy polski sie przeca śmieje.

[broneknotgeld]

Nawet wontpioncy richtig we Boga
Ci co stanyli z Kościoła boku
Dziećmi narodu - to szkryfnońć moga
Nic że probujom inkszego kroku

Jak im Ojczyzna jednak gro w duszy
Jak w niyj durś widzom cosik zocnego
I po swojymu w dobro chcom ruszyć
Nawet niy śmijcie bronić im tego.

[broneknotgeld]

Warszawa 1944

Jako spokopić by szło powstanie
Kere to miasto cołkym "zniszczyło"?
Jak na Krystusa trza paczeć na nie!
Toż przeca jakby Golgotom było!

Bestoż Ponboczek zowdy z narodym
Niy yno w dobrym - przi złym tyż tako
Choć nom sie zdowo - niy ma w tym zgody
Dyć łon nom pszaje zowdy jednako.

[broneknotgeld]

Dzieje Polski

Jak je spokopić łod Stanisława
Kery na Skałce łoddoł swe życie
Aż do Kolbego - jedyno rada
Przez Krysta paczeć - dobrze to wiycie.

[broneknotgeld]

Tysionclecie krztu Polski

Jedne już minyło w drugim Bog prowadzi
I zdo sie co wszyscy my som tymu radzi
Chciyjcie ze Krystusym ciyngym na pont chodzić
By sie nowe dobro durś mogło nom rodzić.

[broneknotgeld]

Toż Jezus Krystus nos uczy zowdy
Tego by czowiek wielkim sie stowoł
Tyż przez ofiara - wiela w tym prowdy
Narod se tako przeca nom stowo.

[broneknotgeld]

Godność narodu i prawa jego
Zowdy we ksiyndze życia istnego
Kery ofiarom swojom chce służyć
A niy na inkszych yno se użyć

Tako Krystusa przed nami droga
Na kery końcu dońdziesz do Boga
Tako ojczyzny dobrobyt zdo sie
Niychej Ponboczka za muster mo sie.

[broneknotgeld]

Sprawiedliwości trza narodowi
Pszonio ze duszy - toż kożdy powiy
Jak z familijom niych se rozwijo
Wtedy wyczimie ciynżko mecyjo.

[broneknotgeld]

Kożdy maluczkim łoczkym w narodzie
Zdo sie kawałkym nojwiynkszy sieci
Niychej te łoka ciyngym we zgodzie
A wiyncy szczyńścio sie nom ukleci.

[broneknotgeld]

Ojczyzna matkom dlo jejich dzieci
Los niychej rowny w niyj sie ukleci
I sprowiedliwie go ciyngym waży
Toż przeca czowiek ło tym durś marzy.

[broneknotgeld]

Jedyn drugymu czasym jest wrogym
Tako budować to niy ze Bogym
Bo czym jest siyła we mały grupie?
To dlo narodu zdowo sie gupie
Jedyn drugego niychej niy mynczy
W zgodzie rowności szczyńścio jest wiyncy.

[broneknotgeld]

Jak sprawiedliwie Ojczyzna stowiać?
Po rowno łod niyj nom wszyskim dować
Zrychtować tako bez pszonio idzie?
Toż wtedy zdo sie co psinco bydzie.

[broneknotgeld]

Ojczyzna pszoniym jest łod sia samo
Trza do niyj godać ciyngym tyż - mamo
Historio naszo - tako kultura
Zowdy we wercie - niy kryć po dziurach

Przca sie asić ze tym mogymy
Że we jedności polski żyjymy
Niychej to zowdy gro nom we duszy
W dobro norodu z tym zdo sie ruszyć.

[broneknotgeld]

"Rodak"

Jednym jynzykym ze niym godomy
Jednako pszonie ojczyzny momy
Za coś co zdo sie nom być nojpiyrsze
To wszyskich łonczy co jest nojwyrsze.

Europa

[broneknotgeld]

Możno

Możno Duch Świynty tak losym zrzońdzioł
Że papiyż tukej taki "zabłońdzioł"
Co ze narodu doświadczonego
Mo inksze łodwyść łod trefa złego

Toż roztomajte ludu z Kościołym
Świat zowdy tworzom tako pospołym
Nikt niy jest łod sia wszysko jednościom
W Bogu jedynym dusze niych goszczom

Cołko Europa Świontyniom Ducha
Nawet świat zmieści sie w jednym SŁOWIE
Yno w sumiynie trza sie nom wsuchać
Zdo sie po cichu podpowiy - CZŁOWIEK.

[broneknotgeld]

Bolok?

Papiyż Słowianin - papiyż Polokym
A tu Europa ciyngym sie dzieli
Tyn Wschod i Zachod jakby bolokym
Richtig utropom ty zocny szteli.

[broneknotgeld]

Polok z Zachodym zowdy chcioł czimać
Dyć i na Wschodzie niy mog tyż drzymać
Jakby dwa światy łonczoł w Europie
Czy szlaban miyndzy niymi zakopie?

Toż wielko we tym rola papiyża
Narody do sia tako przibliżać
Co historyjo dzieli chcieć łonczyć
Tako mecyjo w Europie skończyć.

[broneknotgeld]

Niych ekumenizm łonczy narody
Dyć Boga przeca momy jednego
I krzest ze źrodła świyncony wody
Yno nom potrza pszonio do tego.

[broneknotgeld]

Niych braty w wierze to forsztelujom
Że we jedności Ponboczka czujom
We znaku krziża wodzie świyncony
Nom trza pamiyntać i tako łonym.

[broneknotgeld]

Z ekumynizmym jedność narodu
Zachod se zbliżo tako do Wschodu
Kościoł niych łonczy a nigdy dzieli
Pszonie - skarb wielki w ty boski szteli.

[broneknotgeld]

Kościoł Europy korzyniym zocnym
Wiary sie czimać i bliźnim pszoć
Z tego durś rośnie nom dymbym mocnym
-Kaj Boga niy ma czeba sie boć.

[broneknotgeld]

Kościoł kulturom etykom wiarom
Możno nikerym zdo sie co starom
Dyć łon buduje ciyngym narody
Czy idzie szukać bez niego zgody?

Idzie przekryślić lot dwa tysionce?
We nowym państwie czy nowe słońce?
Toż probowali już przeca tego
I jako wyszło coś ze niczego?

[broneknotgeld]

Czy niywierzoncym z tym lepi bydzie
Jak Kościoł cołkym na złe już przidzie
Dyć sie tym wcale niy ubogacom
A ci co wierzom cosik utracom

Bestoż te państwo co w wiara "bije"
Podcino asta kero durś żyje
I nos bogaci zocnym owocym
Z niym czowiek zowdy mo wiyncy mocy.

[broneknotgeld]

Rozwożcie

Cywilizacjo sie nom panoszy
Kero syns yno widzi w rozkoszy
W pożondliwości użyciu życia
Cnota jyj zdo sie jakby do bicia
Media jom ciongnom flancujom w duszy
We modych sercach co łona ruszy?
Czy zwać jom idzie europejskościom?
Rozwożcie tako swojom mondrościom

[broneknotgeld]

"Nowo kultura"

Kultura bardzi mo uczłowieczać
A jako z "nowom kulturom" bywo?
Czy ze zocnego łona jest neca?
Antykultura w tym wos niy dziwo?

[broneknotgeld]

Wolność w Europie

Wolność aborcji - czy jyj niy kazi
We krajach kerych wcale niy razi
Prawo co cołko zwola w tym dowo
Toż Kościoł zowdy za życiym stowo.

[broneknotgeld]

Kultura Europy

Toż mynczynniki muster tworzyli
Tako kultury naszy Europy
Co przed wiekami tukej se żyli
I co niydowno mieli utropy.

[broneknotgeld]

Ksiondz Jerzy Popiełuszko

Polsce w Europie łon patronuje
Dyć krziz swoj dźwigoł aże do końca
Zdrzadłym Krystusa - Kościoł to czuje
Co narod polski powiod do słońca.

[broneknotgeld]

Miarom Europy jeji pioniery
Łoni durś blyszczom nimbym świyntości
Chce ze marasym zmiyszać ich kery?
By ćmok widzieli w nich ludzie prości!

Toż na to zwoli nigdy niy bydzie
Trza znać nom zocno prowdziwo miara
Niom se kerować by to co przidzie
Ze pszonio było co dowo wiara

[broneknotgeld]

Kryzysy Europy

We dziejach wiela już takich było
Piyrwyj - dyc przeca i w życiu naszym
Nazizm niydowno wybuchnoł z siyłom
Co pokolynia cołke durś straszy

Toz dugszy przeca "kryzys klasowy"
Kery łostatnio dopiyro zniko
Co Europejczyk jeszcze sie dowiy?
Oby nic złego - za to porzykom.

[broneknotgeld]

Łodkupiynie

Toż ze Europy wielke felery
Richtig poczebne tyż łodkupiynie
Jako to bydzie - zapyto kery?
Niychej łodpowiy na to sumiynie?

[broneknotgeld]

Z Serca Bożego

Te łodkupiynie z Serca Bożego
Trza by Europa w Nie zoglondała
Z Niym se doczeko czasu zocnego
Jakego piyrwyj przeca niy miała.

[broneknotgeld]

Europa Ducha

Ze tom idejom niych se jednoczy
Wciongo narody piyrwyj w niywoli
Kościoł na przodzie tyż jeji kroczy
Wspiyro tych kerych jeszcze coś boli

Zdo sie łodnowa we tym czowieka
Już tako klupiom nojnowsze dzieje?
Czy trza nom ciyngym ciyrpliwie czekać?
Kej sie Europa szczyńściym łośmieje?

[broneknotgeld]

"Niech zstąpi Duch! I odnowi oblicze ziemi. Tej Ziemi!

Ty polski ziymi w Europy środku
Co zowdy przeca niom tako była
Jest no i bydzie - toż kaj jom potkom?
Z niyj tyż świat cołki mo swoja siyła.

[broneknotgeld]

"Już my w Europie"

Kto prawi dzisioj - "już my w Europie"
Tyn jakby swoja dusza tyż kopie
Som siebie czamu chce upokorzyć
W kraju co ciyngym mo swoje wożyć.

[broneknotgeld]

"Jeśli Chrystus was wyzwoli, będziecie wolni"

Toż świynty Paweł Europie pedzioł
Chocioż niy yno łon ło tym wiedzioł
Dobro Nowina dlo naszy duszy
Dyc czy dociyro richtig przez uszy?

Lot dwa tysionce tymu nom dano
Budzisz sie ze niom codziynnie rano?

Daru Istnego niy zmarnujymy?
Możno i inkszym go poniesymy?

[broneknotgeld]

Żyć wolnościom

Żyć wolnosciom chrystusowom
Tako zdo sie nom nojpełni
Rożniście jom dzisioj zowiom
Dyć niych se nom łona spełni.

[broneknotgeld]

"Myślimy tak, żyjemy tak, jakby Bóg nie istniał"

Ano - tyż tako Europa widać
Zdo sie jyj - dobrze bez Boga bydzie
Toż jednak łodpor tymu trza by dać
Bo przeca wiymy co ze tym przidzie

Chrystus jest ciyngym by ducha wspiyrać
Ponboczek niychej czuwo nad nami
Trza w Jego strona tako zaziyrać
By niy łostali my nigdy sami

Łon ty Europy zowdy opokom
Przez tysionclecia ku dobru wiedzie
A jak go czowiek schowie głymboko
Zarozki widać co zło na przedzie.

[broneknotgeld]

"Jakby Bóg nie istniał"

W dwudziestym wieku dyć my tak żyli
Z bolu przi tymu nikerzy wyli
A nad Europom wisioł znak śmierci
Bez Boga nigdy se nom niy werci.

[broneknotgeld]

"Bez Boga"

Toż ciyngym żywo ideja tako
Na kontynyncie naszym zrodzono
Bog niypoczebny - przeca jednako
Czowiek bez Niego słabość pokono

Dyć trza nom wiedzieć - pszoć fest bliźniymu
Jako nos Chrystus nauczoł zowdy
To zowdziynczomy my ludzie Jymu
Przekryślić - jakby wyprzeć se prowdy

Bez ty ideji świat zatracymy
Piyrwyj już przeca my probowali
Z Jego łopiekom ciyngym żyjymy
A bez - zechcymy zaś go łobalić?!

[broneknotgeld]

"Chrystus objawia człowiekowi w pełni człowieczeństwo"

Drugi Sobór Watykański tako nom przekozoł
Trza pamiyntać ło tym zowdy jak drogi szukomy
Co nom Chrystus przed łoczami już piyrwyj pokozoł
Niych se tego niy zaprzymy - we duszy durś momy.

[broneknotgeld]

Europejski humanizm

Chrystus dlo niego źrodłym przeczystym
Wiecznym już dobrym czowieka
Zdo sie nom przeca to łoczywistym
I bliskim - niy ze daleka.

[broneknotgeld]

Z Bogym Europa

Z Bogym Europa bo tako czowiek
Choćby niy łotwar nawet i powiek
Kto jego Stworcom przeca świadomy
Kto nos łodkupioł - ta prowda znomy

Ze Duchym Świyntym tyż nasze dusze
Łodpor dowajom złego pokusie
Tako sie ciyngym czimać nom trza
Ze tym na lepsze wyńdymy - ja!

[broneknotgeld]

Prawo samostanowiynio

Toż nom wygrało w Europie prawo
Wolność w niym blysko - bijymy brawo
Dyć nawet we tym zło jakeś gości
Przeciw idejo zdo sie jedności
Kero Europa z dobrym mo łonczyć
Cuzamyn tako by ze złym kończyć.

[broneknotgeld]

Mur

Mur łobalony skiż ducha mocy
Kery wyłonioł sie ze ty nocy
I na Europa blysnoł nom jasno
By już niy było we niyj nom ciasno

Mur łobalony - łonczyć czas prziszoł
Sie niy utopioł ani niy wiyszoł
Kto z dobrym tako szoł do czowieka
Choć na profity z tego trza czekać.

[broneknotgeld]

Mur w sercach

Ano se łostoł choć go niy widać
Zdo sie co w sercach dobro niywoli
A przeca na wiyrch łone trza by dać
Toż niy mogymy tego łosmolić

Jako łobalić mur w naszy duszy?
Pszonie bliźniego z niyj wyswobodzić
Czy na krucjata w głomb serc trza ruszyć?
By se mog pokoj z wolności rodzić

Mur ciyngym stoji strachym dźwigniony
Soroństwym naszym i egoizmym
Utropy z niego wiela tyż momy
Styknie zoglondnońć na nasze blizny

Ciyń na Europie ludzki jest jaźni
Roki mijajom łon ciyngym trwo
By wygrać ze tym trza wyobraźni
Czowieka kery moc bosko zno.

[broneknotgeld]

Zjednoczynie Europy

Te prowdziwe zjednoczynie ciyngym jest przed nami
Szczyńściym jednak co łostatnio w ta strona idymy
Coroz wiyncy nos tam ciśnie - tyż my niy som sami
W poncie jakby ze Ponboczkym - tako to widzymy.

[broneknotgeld]

Jedność

Jednośc Europy zrodzi sie z ducha
Inaczy przeca niy może
Trza sie we dusze nasze fest wsłuchać
Ponboczek droga pokoże.

[broneknotgeld]

Ze Ewangeljom

Ze Ewangeljom Europa rosła
Ze Słowym Bożym daleko doszła
Dyć ciyngym droga wiedzie nos dali
Trza by Duch Świynty był durś "na fali".

[broneknotgeld]

Som rzekom

Som rzekom wielkom Europy dzieje
Z kerom pomniyjsze łonczom tyż wody
W morze wolności szczyńście se wleje
Dyć trza do tego nom ludzki zgody.

[broneknotgeld]

"Nurt europejski rzeki"

Łon jest bogactwym wszyskich pospołu
Dobrym co wlywo se w nasze dusze
Ciyngym zaproszo jakby do stołu
Zło co w Europie - musi z tym skruszeć.

[broneknotgeld]

"Tożsamość Europy"

Na krześcijaństwie wybudowano
To co nojgorsze szczimała
Tako przed łoczy wszyskim nom dano
Niych bydzie jako ta skała

Na kery wiela zbudować idzie
Toż trza nom tego se chytać
Szczyńście dlo świata ze tym dyć przidzie
Niy czas by ciyngym sie pytać.

[broneknotgeld]

"Kryzys?"

Krześcijaństwo czy świadome ciyngym swoji siyły?
Przeca z dziejow dobrze wiymy co kryzysy były
Przeminyły - już za nami a przed - jeszcze nowe
Dyć poradzi zło przełomać ze Ponboczkym czowiek.

[broneknotgeld]

Duch miłosierdzio

Duch miłosierdzio solidarności
Niych zowdy w duszy Poloka gości
Zgoda wspołpraca dobro ojczyzny
Cnot tych niy zniszczom jakesik "schizmy"

Z niymi w Europa niych czowiek idzie
Toż wszyskim lepi przi tymu bydzie
Te nasze skarby inkszym trza dować
By ciyngym chcieli przi dobru stować.

Polityka

[broneknotgeld]

Polityka

Polityka wszyskich tyczy
Życiym jakby reskiyruje
I do "guchych" czynsto ryczy
Kożdy jakoś jom łodczuje.

[broneknotgeld]

Trza pszoć

Pszoć trza społeczyństwu
Służyć jymu zowdy
Idziesz ku mynczyństwu?
Przeca drogom prowdy!

Toż światło cie wiedzie
Życie znaczy wiela
Tyż jakby na przedzie
Z dobrym bydź - to tela.

[broneknotgeld]

Krześcijaninowi trza zyć z politykom
Niy może przekryślić tego co na świecie
Yno wymachiwać inkszym jakby krykom
Samymu niy tykać - "zmaraszone" przecie

Trza wlyźć w gospodarka społeczyństwo prawo
Wniyść tam dobro swoje wspiyrać tako inksze
-Bez ciebie toż bydzie sie kryńcić niymrawo
Z tym co som dołożysz zaroz szczyńście wiynksze

Dyć ciyngym se czimej ponboczka i prowdy
Duch Świynty w ty drodze niychej cie tyż wspiyro
Zła sie fest wystrzegej bo czynsto w tym zowdy
Służ tako by inkszy na ciebie zaziyroł
I chcioł iść za tobom tom dość ciynżkom drogom
Chcioł wspiyrać we znoju i tako w utropie
Toż na jeji końcu blask widać - aż mrugom!
Nic że ktoś przi tymu nawet i pokopie!

forum.gazeta.pl/forum/71,1.html?f=28940

[broneknotgeld]

Sie tyko kożdego

Polityka sie tyko kożdego
Toż niy bydziesz uciykać łod tego
Łona przeca tyż życiym jest twojim
Niychej dusza se tego niy boji

Trza byś wiedzioł co dobre z niyj idzie
Kedy bardzi na złe jednak przidzie
Trza byś som chcioł te dobro w niyj wspiyrać
Niy zaś yno na siebie zaziyrać.

[broneknotgeld]

Co z tego?

Co z tego że widzisz
w polityce zło?
Tympić je se wstydzisz
toż czeko cie dno!

[broneknotgeld]

Sztynks?

Polityka se zdo ci cygaństwym
Abo jeszcze i gorszym zaprzaństwym
Yno zeslym - tyż forsom z marasym
Sztynksym jakby nojgorszym w te czasy

Czamu tako? -Łodpowiydz som na to!
Czy spokopiołś w tym prowda sagato?
Czy two dusza terozki już wiy?
Co jest tako bo winnyś tyż ty!

Toż i wtedy jak jyj sie niy tykosz
Zdo sie yno ło spokoj swoj rzykosz
Winnyś richtig przez grzych zaniychania
Czy już paczysz inaczy se na nia?

[broneknotgeld]

Polityki sztynks cie tropi
Radość w duszy twoji topi
Toż chyć za nia chciyj jom zmiynić
Możno smrodu nydzie myni.

[broneknotgeld]

Niy chcesz żyć ze politykom
Jo ło światło dlo cia rzykom
Bo mi zdo sie coś we ćmoku
Som wybiyrosz go boroku.

[broneknotgeld]

Tych kierzy siyły swoje dowajom
Państwu i ludziom bo wiela pszajom
Trza ciyngym wspiyrać i mieć we zocy
Niych w dobru zowdy szukajom mocy
Złym kere mynczy przeca se tropiom
Jako z niym wygrać w końcu spokopiom

[broneknotgeld]

Dobro wspolne

Dobro wspolne w polityce
Blaskym szczyńścio ciyngym zdo sie
Jak robota w Hameryce
Kery tukej już niy mo sie

Toż wyborym wielkim naszym
I łobrozkym wolny woli
Polityka niych niy straszy
Czowiek tako niy łosmoli.

[broneknotgeld]

Wspolnota polityczno

Niychej dlo dobra ciyngym istnieje
Kere na wszyskich nos sie wyleje
My je z radościom tako weznymy
By było lepi - to przeca wiymy

Toż dobro wspolnym naszym profitym
Ze wolny woli wybranym przi tym
Coby cuzamyn - godajonc prości
Być richtig bliży doskonałości.

[broneknotgeld]

Wspolnota

Wspolnota do dobra niych wiedzie
Co blyszczeć mo ciyngym na przedzie
Ze niego mo siyła w istniyniu
I profit we kożdym sumiyniu.

[broneknotgeld]

Jeji prawym

Prawym wielki to wspolnoty
Iść we przodek drogom cnoty
Polityki w tym ideja
Mo mieć "fara" dobrodzieja.

[broneknotgeld]

Ze sprawiedliwości

Ze sprawiedliwości siyły niychej wiedzie
Kogo politycznie stowiomy na przedzie
Niych to bydzie zowdy cnotom łod istnego
Podporom moralnom - potrza ciyngym tego

By za prawym wszyskim zowdy godnie stować
I przikłod dlo inkszych zowdy tako dować
Toż godność czowieka przi tymu coś zyszczy
Jak sprawiedliwościom ktosik tako blyszczy.

[broneknotgeld]

Bydom narody we niynowiści?
W sprawiedliwości tyż zapomniyniu
Ano toż wtedy tako sie ziści
Jak je powiedom przeciw sumiyniu

Jedni ideje fałszywe głoszom
I zło po świecie ciyngym łobnoszom
Kere przekryślo w duszy bliźniego
-Prowda niy tyko se nawet tego.

[broneknotgeld]

Niychej niy zbłondzom

Leon XIII już prawioł tako
Co z niynowiściom zowdy jednako
Zło siyła idzie jakby we porze
Toż sprawiedliwość złomać jom może

Trza nom pamiyntać co złe za nami
By tymu niy dać se już łomamić
Co z woli Jego zaś nami rzondzom
Niychej w ta strona nigdy niy zbłondzom.

[broneknotgeld]

Twoj profit

Twoj profit niychej społecznym bydzie
Tyś przeca zowdy konskym wiynkszego
Co ci ze prawym i prowdom przidzie
Niychej ze łaski jest Jedynego

Toż twojom wolom - niy społeczyństwa
Używać tako co życie niesie
Beleś niy stracioł w tym człowieczyństwa
Som sie niy znoloz we ciymnym lesie.

[broneknotgeld]

Profit państwa

Państwo co zbiyro ludziom profity
By żywić niymi yno durś siebie
Zdo sie jak kolos co chnet pobity
Deliberuje ło swojym "niebie"

Toz jeszcze niy wiy co koniec bliski
Chce zdziyrać wszysko aż do łostatka
Cołkym niy widzi nad sobom "kryski"
A trza by siedzieć już na manatkach.

[broneknotgeld]

Czy na wodzie?

Profit twoj a profit państwa
Niychej zowdy bydom w zgodzie
Znojść trza środek - niy kryć draństwa
Czy pisane to na wodzie?

[broneknotgeld]

Jako kończy?

Kaj biurokracjom łobrosto państwo
I włazi w cołke czowieka życie
Rodzi niywola - toz przeca draństwo
A jako kończy ? -Możno już wiycie.

[broneknotgeld]

To ci mecyjo!

Ze biurokracjom tako już bywo
Jak jyj za dużo niychej niy dziwo
Że siyły tworcze w ludziaqch zabijo
Krebs jakby w państwie - to ci mecyjo!

[broneknotgeld]

Toż komu zdo sie że wiedza posiod
Ze kery wyńdzie jakby echt-państwo
By to zrychtować zła jednak dosiod
Gwołt durś flancuje - tako cygaństwo

We polityce "religio" widzi
Kery "prorokym" chce być narodu
Do złego istny cie wiyźć niy wstydzi
Pewno niy czuje swojego smrodu

Państwo na ziymi Krolestwym Bożym
Nigdy niy bydzie bo być niy może
Z prawym i prowdom dyć wiela woży
Niychej ta droga Ponboczek wskoże.

[broneknotgeld]

Na muster Boga niy zoglondejcie
Krolestwo Jego niy z tego świata
Se sprowiedliwość przed sia dowejcie
A zocno bydzie z tego "zapłata"

W dzielyniu Łojca niy zastompicie
Niy na czowieka to przeca miara
Styknie co w dobro gowa skłonicie
W ta strona niychej wiedzie wos wiara.

[broneknotgeld]

Toż przed politykom ciyngym to co zowdy
Dymokracjo stowiać na opoce prowdy
W tym niych krześcijanin kożdy tako wspiyro
I we lepsze jutro z nadziejom zaziyro.

[broneknotgeld]

Rozwoj

Rozwoj czowieka rozwoj narodu
Dobrym jest wtedy - tako wom godom
Jak budowany w sprawiedliwości
Niy depto nigdy ludzki godności

Toż osobowośc niychej rozwijo
Mondrość czowieka to niy mecyjo
Z niom politykom iść w przod se godzi
Niych lepsze jutro tako tyż rodzi.

[broneknotgeld]

Polityk prawy

Toż mo łon richtig wielko misyjo
Tako mu czynić by dobro dźwigać
Jakby budować koalicyjo
Przi ty robocie niy trza sie migać

Łon jak opoka solidarości
Dobra kultury kożdymu dowo
Ze tym duchowe razym wartości
Humanizm - przeca niy puste słowo

Świadectwym tako mo byś tyż wiary
Ze kery jedność Europy płynie
Jako dyjamynt zocniejszy miary
Szykować lepsze jutro dziedzinie

Take doczesne te powołanie
Prawy polityk wszyndy zakludzi
Dyć podwalinom niychej sie stanie
Ideja kero w nos dobro budzi.

[broneknotgeld]

Wolność wyzwaniym

Wolność wyzwaniym zowdy czowieka
Władzy tyż zdo sie na wolność czekać
Toż niychej służbom łona durś bydzie
Bo co bez tego wolności przidzie?

[broneknotgeld]

"Prawda was wyzwoli"

Słowa Krystusa trza nom pamiyntać
Jak je zapomnisz - słabości piynta
Nic to że władza widzi inaczy
Bez prowdy przeca sie wyłonaczy
Toż politykom trza przipominać
Niychej ze prowdom rośnie dziedzina.

[broneknotgeld]

Pamiyńć "Solidarności"

Toż nom Polokom trza ty pamiyńci
Tako historio zło tyż wspominać
Chocioż nikerych możno to mynczy
Dyć tyż pomogo moralnie wspinać

Tym co z wyboru som społecznego
Kerym we dobru ufajom inksi
-Niy zaprzepaście nigdy już tego
A sprawiedliwie bydziecie wiynksi.

[broneknotgeld]

Służyć narodowi

Służyć narodowi dlo dobra wspolnego
Kere tako dźwigo kożdego z łosobna
Zowdy niychej wciongo czowieka godnego
I richtig pamiynto niych ło tym już co dnia.

[broneknotgeld]

"Wspolnota polityczno"

Dlo wspolnego dobra toż łona istnieje
Bez tego by niczym przeca yno była
Dyć dobro te niychej na jednostki "kreje"
Wtedy we wspolnocie bydzie wielko siyła

Bo kożdy z łosobna tako familije
Tyż rożniste zwionzki ferajny w dziedzinie
Kerym se naprowdy wtedy lepi żyje
Wspiyrać jom w tym bydom - tako niy przeminie.

[broneknotgeld]

Porzondek społeczny

Zowdy mo słuzyć dobru czowieka
Tako zależeć łod niego
Nawet jak czasym przidzie mu czekać
Trza ciyngym czimać se tego.

[broneknotgeld]

Trza rozwijać

Trza nom porzondek życia rozwijać
Ze prowdom wiela budować
Pszonio przi tymu tyż niy łomijać
Na sprawiedliwość durś stowiać

Toż yno wtedy wolność nom przidzie
We kery skarb uwidzymy
Tako z łosobna i razym bydzie
Dyć tego ciyngym tyż chcymy

Ekumenizm

[broneknotgeld]

W czecim tysioncleciu

Dlo Koscioła tako droga
Kero łonczy a niy dzieli
W niyj nom zowdy widzieć Boga
Toż żyjymy w jedny szteli.

[broneknotgeld]

We Wspolnocie Europejski

Miłosierdzie solidarność
Zgoda i wspołpraca tako
Dobro wielke a niy marność
Toż zło wtedy niy "zakrako".

[broneknotgeld]

Do Wspolnoty Europejski

Co wniyśś nom czeba do ty Wspolnoty?
Co nojzocniejsze we wercie momy
Mondrości wiela i nic gupoty
Gyszynk dlo wszyskich dyć dobry momy.

[broneknotgeld]

Kto łokrzczony

Kto łokrzczony ze Jezusym
Zowdy w wierze bratym naszym
Dzielom jakeś durś pokusy
Dyć połonczom lepsze czasy.

[broneknotgeld]

Łonczy krzest

Krześcijan tako połonczoł krzest
Toż czeba ło tym pamiyntać
Trza nom we zocy mieć tyż to fest
W tym siyła - niy jakoś "piynta".

[broneknotgeld]

"Wstań, jedź, bo przed tobą długa droga"

Jak prorok Eliasz my usłyszymy
Dyć w swoji duszy tako tyż wiymy
Że dobro łonczyć trza a niy dzielić
Z tym przeca lepi bydzie w ty szteli.

[broneknotgeld]

My katoliki

My katoliki inkszych proszymy
By razym w wierze budować
Co istni robiom tako poprymy
Dobro na wiyrchu trza stowiać.

[broneknotgeld]

Dlo czowieka

Dlo czowieka dobra tako
Niychej kożdo religijo
Służyć bydzie - toż jednako
Zowdy myńszo z tym mecyjo.

[broneknotgeld]

"Droga dialogu"

Koscioł tom drogom terozki idzie
Spokopić rożniste wiary
Co wspolne tako łonczyć nos bydzie
We tym trza szukać nom miary

Duch łonczyć może choć czynsto dzieli
Inksze niy musi być grzychym
Toż tysionclecie czecie sie ścieli
-Niychej z radosnym uśmiychym!

[broneknotgeld]

Zowdy szanuje

Kościoł czowieka zowdy szanuje
Nawet jak Boga łon poszukuje
Wedle sumiynio niychej to robi
I dobra tako - to yno zdobi

Siyłom nawrocać - zło zdo sie droga
Jako przi tymu wołać do Boga?
Niych w zocno strona wiedzie nos słowo
Duch Świynty przeca ciyngym je dowo.

[broneknotgeld]

Ło wspolnocie buddyjski

Trza jom podziwiać za harmonijo
Za pokoj kerym bardzi blyszczała
Bliźni to szczyńście a niy mecyjo
Wspołczucie z wiyńzi ducha i ciała.

[karolinka44]

jo podziwiom wszystke swiata religie
kere prowadzom nos do poznanio prowdy
dobro ta religia co czleka podzwignie
bo czlowiek jest dobrego zycia godny !

[broneknotgeld]

Wspolnocie muzułmański

W jednego Boga tako wierzymy
Z Niym życie wieczne - to przeca wiymy
Trza nom pospołu durś Jego łaski
By ćmok se tracioł kaj szczyńścio blaski.

[broneknotgeld]

Karolince

Tako ekumynizm łod sia tykej dowosz
Jakby za papiyżym cołkym ze tym stowosz.

[karolinka44]

Jo stowom za prowdy od Boga skarbnicom
kero jest wdycki przed cyganstwa granicom
stowom po stronie zycia ludzi wszystkich
kerzy prowda sie cyniom - dalekich i bliskich
stowom po stronie ty Mocy co wszystko moze
stowom bo jest ino jedno co nom pomoze...
a pomoze poznanie prowdy i zrodla zycia
duzo juz wiymy a i trocha momy jeszcze do odkrycia ;-))

[karolinka44]

Papiyz ..to osoba wyjontkowo...
do dzisiej o JPII....pamiyc wraco i w nos lostowo ....

"W każdym położeniu dziękujcie,
taka jest bowiem wola Boża w Jezusie Chrystusie względem was"
Biblia Tysiąclecia / 1 List św. Pawła do Tesaloniczan 5:18

Byl…zyl i odszedl w nieznane…
Tam gdzie swiatlosc panuje Boza …
Zaswiecila mu juz inna zorza…
Zycie wyplynelo na niebianskie krainy
Tam gdzie nie ma cierpienia
a kazdy czlowiek jest Bogu mily
niech dusza Karola naszego Papieza
zazna spokoju wiecznego
tak bardzo juz mu potrzebnego…
spelnil swa Jana Pawla II misje pozostanie w pamieci…
wkroczyl w kraine gdzie nie ma juz smierci…

a swiatlosc wiekuista niechaj mu swieci ,
gdzie kroluja wszyscy swieci...
wszyscy swieci z Jezusem Chrystusem Panem
az na wieki wiekow . Amen.

[karolinka44]

ku pamiynci Jana Pawla II...

Odszedl czlowiek wspanialy …
Bog odebrol mu jego ciyrpiynie
prosty dobry pelny godnosci wobec ludzi i Boga Chwaly

choc reprezyntowol kontrowersyjno czasym instytucja
jego zycie bylo dowodym na to ze sie Slowa Bozego slucha

to co udowodnil swiatu i kozdy siostrze i kozdymo bratu
to to, ze byc czlowiekym …to znaczy bardzo duzo

wesoly pogodny do wspolpracy gotowy
ze wszystkimi ludzmi w zgodzie byl i zawsze szukol ugody

poznol swiat caly i blogoslawil go – tako byla Jego posluga …
oby tego co glosil swiat sie posluchal…

i choc byly zgrzity i niyzgodnosci akcynty
kiedy zaczynol od polityki
niy bol sie lostry czasym krytyki
glosil co prowda glosil co wolnosc i czlowieka godnosc
a i rozslawil nasza rodzimo - polsko narodowos

Slowa Boga przypominol
Cieszyl sie zyciym dzieci i mlodziez milowol
Tyla ludzi radosnie zawsze przyjmowol
Pochylol sie i pocieszol kozdo stropiono glowa …
A i ludzie do niego ciagli jak do swego boga…

Teraz u Boga Ojca jest naszego
Przez Jezusa don zaproszonego
Tam zakosztuje pokoju prawdziwego …

Wieczne odpoczywanie niych bydzie mu dane
a w dniu ostatecznym
radosne ze wszystkimi ludzmi zmartwychwstanie !

2.04.2005

[broneknotgeld]

Wspolnocie hinduski

Trza spokopić ludzi
Samymu być czystym
Pszonie świat łobudzi
Pokoj z tym wieczysty

Może wyńść ze duszy
Tako rozblyszczony
Wiedzom to Hindusy
Tzra dać recht w tym łonym.

[broneknotgeld]

Wspolnocie żydowski

Ponboczek z Żydami Przimierze zawiyroł
Toż i Kościoł dzisioj na to se zaziyro
I korzyń w tym widzi ze oliwki mocny
Kery ciongnie zofty na czas życio zocny

Setki lot ze nami - tysionclecia tako
Dyć korzyń prastary żywi durś jednako
Uszlachetnio ciyngym wszczypiane mu dziczki
Zdo sie co to bydzie już richtig na wdycki

Jest oliwno asta symbolym pokoju
Wierzoncy niych nigdy niy poskompi znoju
By na świecie pszoły se wszyske narody
-Trza miyndzy bliźniymi ciyngym wiyncy zgody.

[broneknotgeld]

Trza sie przeciwić

Trza sie przeciwić antysymitom
Co niszczom "korzyń" nom świata
Z niym pokoj - radość na swiecie witom
Bez niego - w wojnie zapłata.

[broneknotgeld]

Krześcijanin bratym

Zowdy krześcijanin bratym łod bliźniego
Tako se niy chytej religji istnego
Coby jom podeptać - dyć trza uszanować
-Zdo sie łod Krystusa we tym jakby słowa.

[broneknotgeld]

Żyd

Żyd na zowdy naszym bratym
Świat krześcijan stoji za tym
Jezus z Żydow nom nojwyrszy
Dyć ze wszyskich tyż Łon piyrszy.

[broneknotgeld]

"Kto spotyka Jezusa Chrystusa, spotyka judaizm"

Tako jak biskupy ze Niymiec Kościoła
Mie i przeca wszyskim trza by aże wołać
Nasz Zbowca był Żydym - przed krziżym klynkomy
We sercach niych pszonie ze wdziyncznościom momy.

[broneknotgeld]

Co złym nojgorszym - pamiyntać trza
Tako Oświyńcim nos łonczy - ja
W ty tragedyji piyntno dlo świata
Juz niyzatarte na wieczne lata
Nacjonalizmy zbrodniom ludzkości
W nich ludobojstwa zło ciyngym gości
Niych se zatracom - rzykać nom tako
Pszoć trza bliźniymu zowdy jednako.

[broneknotgeld]

Dosiyngo dna

Zło czynto dobro pogronżyć umi
Ło tym durś przeca pamiyntać trza
Niychej katolik to wyrozumi
Co nacjonalizm dosiyngo dna.

[broneknotgeld]

Tam katolika zowdy sumiynie
Kaj jego wiary richtig korzynie
Co we hebrajskim tako szkryfnione
Piźniesz w poczontek - zatracisz koniec.

[broneknotgeld]

Przimierze

Bog z Abrahamym zawar przimierze
Kere nos przeca i dzisioj tyczy
Jako tyż starszych braci we wierze
Ta prowda wielko czy trza tu klycić?

[broneknotgeld]

Prowda

Prowda żydowsko przeca i naszom
Bez niyj se światła wiary zagaszom.

[broneknotgeld]

Jednymu pszajymy

W jedynego Boga wierzom muzułmany
Tako samo przeca tyż my krześcijany
Z izraelitami dyć se w tym łonczymy
Choć pod rożnym mianym - Jednymu pszajymy.

[broneknotgeld]

Niywierzoncych i wontpioncych przekryślać niy idzie
Pszoć bliźniymu zowdy czeba a lepi z tym bydzie
Przeca yno we czowieku jest ta wolno wola
Skuli kery jo Ponboczka tako ciyngym chwola.

[broneknotgeld]

Rożniste kultury

Rozniste kultury bogactwym czowieka
Historyjo tako nos przeca buduje
Trza brać co za nami - co przed - z Bogym czekać
To wianym jest zocnym - tako forsztelujesz.

[broneknotgeld]

Gandhi nauczoł ło mocy prowdy
W duszy bliźniego łostoł na zowdy
Ze tym Indyje łon umioł godzić
Pokoj na swiecie tako tyż rodzić

Ze prowdom rowność braterstwo zgoda
Bez niyj se straci cnoty uroda
Religje kere ku pszoniu idom
Nojbliży Boga zowdy z tym bydom.

[broneknotgeld]

Jako wygrać ze śmierciom?

Chce kożdy czowiek ze śmierciom wygrać
We religiji dyć drogi szuko
Krystus zmartwychwstoł - tako trza wybrać
Wieczność ze duszy kożdego kuko

W ludzki nadzieji z Niym se łonczymy
Przeca to swiatło kere nos wiedzie
Czy inksi wiedzom co my już wiymy?
Kto z dobrym żyje zowdy na przedzie!

[broneknotgeld]

Sintoistom

Wyście dziećmi Boga - tako dlo sia braćmi
W naturze widzicie boskość tego świata
Kto serce mo czyste to zło go niy zaćmi
Dyć dobra waszego niy zasłoni krata

Niych zocność nos sklejo a wiara niy dzieli
Czowiek we czowieku widzi durś bliźniego
Kozdy z głymbi duszy na to se łośmieli
By cuzamyn ciongnońć zowdy do lepszego.

[broneknotgeld]

Jerozolima

Jerozolima łonczy z nos wiela
Rożnych religji to "Świynte Miasto"
Toż niych we duszy rosnie nom sztela
Na znak pokoju - przeca już czas to

W niyj familijo świata czowieka
Niych sie cuzamyn w zgodzie spotyko
Szczyńścio z tym niy trza nom dugo czekać
Zowdy kto zocny ło to porzyko.

[broneknotgeld]

Trza ciyngym godać

Z innowiercami trza ciyngym godać
Szukać durś tego co łonczy ludzi
Czasu niych na to nigdy niy szkoda
Pszonie bliźniego tako durś budzić

Toż religijo wolności służy
Dobro w nos budzi chocioż rożnisto
W jedności z Bogym szczyńscio nom użyć
Wspolnocie wszyskich - z tym dusza czysto

[broneknotgeld]

Razym

Razym nom czeba szukać pokoju
Czyś katolikym czy muzułmanym
Niy żałuj nigdy swojego znoju
Byś mog szczyńśliwy wstować ze ranym

Trza religije poznać wzajymnie
Szukać w nich dobra kere buduje
Mosz je - dyć łone siedzi i wy mnie
Jak nom urośnie - szczyńście poczujesz.

[broneknotgeld]

Szanuj co inksze

Szanuj co inksze - tyż religijo
Kero choć twojom nigdy niy bydzie
Dyć chciyj spokopić - to niy mecyjo
Z tym wiyncy zgody do ludzi przidzie.

[broneknotgeld]

Krześcijańskom powinnościom godka ta prowadzić
Kero rożnym religijom niy zwoli sie wadzić
Dyć cuzamyn łone wszyske Bogu majom służyć
I by czas swoj czowiek w pszoniu mog na ziymi użyć.

Cywilizacja

[broneknotgeld]

Dymokracyjo

Dymokracyjo Kościoł mo w zocy
Co jest norzyńdziym władzy kontroli
W obywatelu z tym wiyncy mocy
I rzondy niy śmiom cołkym go smolić

Dyć jak se kliki rożniste tworzom
Kere zowałaszczyć dlo sia chcom wszysko
Coroz to myni ludzie w tym wożom
Z dymokracyji pobojowisko.

[broneknotgeld]

Czowiek prawo prowda

Dymokracyjo jako budować?
Ano ze prawym trza zowdy
Kere bliźniego na wiyrch chce dować
No i se czimać durś prowdy.

[broneknotgeld]

Dymokracjo prowdziwo zowdy ze czowiekym
Kerego i państwo musi mieć we zocy
Istny być niy może bez pokrycio czekym
Blasku dnia niych szuko a niy ćmoka nocy

Bliźniymu trza dować i brać coś łod niego
Społeczyństwo tako wionzać dobrym darym
Serce durś dokłodać jak idzie do tego
Niyważe czyś modym czy już richtig starym.

[broneknotgeld]

Przed dymokracyjom niych choć prowda stoji
Niy ta zrychtowano głosami wiynkszości
-Knifym skiż kerego państwo sie niy boji
I zdowo sie rzońdzić ludźmi jakby prości

Ta droga w zło strona wiedzie społeczyństwo
Prowdy "wola ludu" niychej niy fałszuje
Yno wtedy gorom zowdy człowieczyństwo
Dyć czy to polityk kożdy forszteluje?

[broneknotgeld]

Mieć coroz wiyncy, profit, użycie
-Co ło wartości godo czowieka?
Do kery zorty z tym noleżycie?
Mom na łodpowiydź terozki czekać?

Dyć pamiyntejcie - uciechy na nic
Z tym wszyske skarby świata naszego
Chyba że chcecie dusze cyganić
I cołkym zaprzeć źrodła Bożego.

[broneknotgeld]

Niy fałszować

Jak dymokracjo prowda fałszuje
Totalitaryzm drapko sie czuje
I choć niy widać złego zarozki
Z dnia na dziyń wiynksze prziłażom troski.

[broneknotgeld]

Ludzke życie

Ludzke życie już poczynte
Jako te przed kerym koniec
Zowdy niychej bydzie swiynte
Droge przeca a niy tonie

Co nojsłabsze trza nom chronić
Tako samo mieć we zocy
Niy chciyj z tym ku ćmoku gonić
Kaj zło do hyrtonia skoczy.

[broneknotgeld]

"Sanktuarium życia"

Ano familijo tako jest ołtorzym
Na kerym sie wszysko co przed nami woży
Niychej życiu służy - niy śmierci ćmokowi
Kto mo Boga w duszy zowdy tako powiy.

[broneknotgeld]

Samotność z gniywym

Świat pyńdzi naprzod tako że zdo sie
We samotności kamrata mo sie
Czowiek we zadku ze utropami
Wiela z nos czuje co richtig sami?

A dyć durś czowiek czynsto we biydzie
Ciyrpiynie za tym tyż zowdy idzie
Jako to wszysko terozki szczimać?
Toż se niy dziwcie - gniyw niy chce drzymać!

[broneknotgeld]

Za życiym

Biyda i przemoc kobiyta zno
Dyć czy siył wiela naprowdy mo?
By to wyczimać i być za życiym
Jak tref utropa zowdy uklyci

Jako jom wspiyrać w tym heroiźmie?
Zdo sie jyj przeca co na mieliźnie
Kero przinosi yno ciyrpiynie
Tako zagłuszo we niyj sumiynie.

[broneknotgeld]

"Antysolidarnościowo kultura"

Tako "kultura" rosnońć se zdowo
Co przeciw bliźnim dość czynsto stowo
Świat durś chce gonić za tym sukcesym
Dyć czy czowieka może to cieszyć?
Jak i utropa wielko z tym idzie
Jedyn we gorze a wiela w biydzie
Możno to prawie "śmierci kultura"
A dlo człowieka we duszy dziura.

[broneknotgeld]

Gospodarka polityka
Chcom profitu ciyngym tykać
Czy kultura na tym zyszczy?
-To niy zowdy dobrym blyszczy!

[broneknotgeld]

Przeciw aborcji

Kościoł za życiym niychej na zowdy
Co doł Ponboczek łon tyż łodbiyro
Zdo sie to tykać nojwyrszy prowdy
Dyć czy w ta strona kożdy zaziyro?

[broneknotgeld]

Przeciw antykoncepcji

Toż łona zdo sie tyż przciw cnocie
Użyć radości rożniście chcecie
Możno za dobro dzisioj jom mocie
Na dugszo meta złym wyńdzie przecie.

[broneknotgeld]

"Myntalność antykoncepcyjno"

Jako z łojcostwym i macierzyństwym
jak ta "myntalność" powszechno bydzie?
Mozno zaczyńsie nom człowieczyństwym
Cosik gorszego tyż ze tym przidzie?

[broneknotgeld]

Antykoncepcjo aborcjo tako
Owocym jedny rośliny som
Choć zło niy woży we nich jednako
Naprzeciw prawo Ponboczka dom.

[broneknotgeld]

Przidzie tragedyjo?

Wolności szukać we hedonizmie?
Tykać bliźniego we egoizmie?
Niy śmi nom wadzić prokreacyjo
Przidzie czowieka z tym tragedyjo.

[broneknotgeld]

Czy trza sie bronić?

Przed zyciym poczyntym czy trza sie nom bronić?
Antykoncepcyjo tyż może zawodzić
Toż tyn cud natury jako wtedy zgonić?
Ze pszoniym i radość jak przidzie urodzić.

[broneknotgeld]

Z antykoncepcyjom dońdziesz do roniynio
Już w tym medycyna coś niy mo sumiynio
Czy ktoś może pedzieć co łobawy płonne?
Dyć se produkuje te środki poronne.

[broneknotgeld]

Ciyrpiynie w chorobie jest znakym łod życia
Jako sie połonczyć ze bolym bliźniego?
Choć wielkom utropom dlo istnego bycia
Śmierć z rynki czowieka gyszynkym dlo niego?

Czy momy te prawo śmierć tako zadować?
Brać na sia co yno zdo sie wolom Boga!
Sumiynie kaj ińdzi niż czowieka gowa?
Z grzychym przeciw życiu se zgodzić niy moga!

[broneknotgeld]

Toż kusi

Toż kusi nos skrocać ciyrpiynie czowieka
By na śmierć niy musioł łon za dugo czekać
Dyć czy my mogymy być jeji panami?
-Na to se łodpedzieć musicie tyż sami

Siyngnijcie głymboko do sumiynio swego
Łod sia chcecie śmierciom łobdarzyć istnego?
Naszymu bliźniymu zdmuchnońć życia płomyk
Podeptać nadzieja - zgasić słonka promyk.

[broneknotgeld]

"Śmierć z litości"

Chory słabościom jest prziciśniony
Utropom kero szczimać mu ciynżko
Bolym i gańbom jaki niy znomy
Zdo sie - co przed nim yno już klynskom

A familijo i inkszy bliźni
Przeca chcom ulżyć mu we ciyrpiyniu
Dyć se we dusza wpiyrw mocno piźni
I rozwoż wszysko w swojym sumiyniu

Toż "śmierć z litości" zowdy fałszywo
Choćbyś we mynce widzioł durś zło
Łona niy yno tym przeca bywo
Czy czowiek wola Ponboczka zno?

[broneknotgeld]

Ciyrpiynie niy zowdy zła yno łobrozym
Choć tako je widzi i naszo kultura
Toż czasym dlo duszy jak skarb wielki woży
Łotwiyro te dźwiyrza co zdajom sie w chmurach

W ciyrpiyniu moc wielko na kery świat stoji
Bestoż łone ciyngym jest tyż sługom życia
I chocioż sie czowiek zowdy mynki boji
Dyć siył niych mu styknie by zapolić świyca.

[broneknotgeld]

Ludzki "prometeizm"?

Zdo sie nom co my panami życia
Bestoż śmierć bliźnim chcymy fundować?
Ulżyć w ciyrpiyniu? -Tako tu klyca
Wieczność nojciynży nom forsztelować

Czy bez Ponboczka spokopić idzie?
Dusza czowieka na muster Jego!
Toż z "niy zabijej" śmierć do cia przidzie
Jak na sumiyniu życie bliźniego.

[broneknotgeld]

Eutanazjo

Tako sie mianuje śmierci zadowanie
Po kryjomu abo w "majestacie prawa"
Jako to se godzi usprowiedliwianie?
Zyńście z tego świata przeca niy "zabawa"

Łod "dopustu" bycio zdo sie "uwolniomy"
Kalyki, starzykow, tyż śmiertelnie chorych
Nadzieja łostatnio ze tym łodbiyromy
A Łon sprowiedliwy, choć możno niyskory

Jako to spokopić wedle Dekalogu?
Nasze człowieczyństwo na szala postawić?
Niy lepi zawierzyć jednak życie Bogu?
Czy doczesny niybyt eutanazjom sprawić?

[broneknotgeld]

Trza dować pozor

Trza dować pozor tyż ze dowcami
Co chcom podzielić se organami
Dlo życio richtig dar nojzocniejszy
Za wczas zabrany - grzych nojczorniejszy.

[broneknotgeld]

"Nadrozwoj"

Cywilizacyjo idzie w strona - "mieć"
Choć ktoś "kreplym w maśle" trza mu wiyncy chcieć
Jako możno yno - zowdy ponad miara
Ło to ciyngym czowiek zdo sie dzisioj starać

"Konsumpcjonizm" jakby cnotom łod czowieka
Drapci, wiyncy, pełni - utropom dyć czekać
Zoglondać za siebie? -Toż to strata czasu!
Lepi tyż niy widzieć swojego marasu.

[broneknotgeld]

Czy rodzi biyda?

Czy dobrobyt biyda rodzi?
Możno ktoś se z tym niy zgodzi
Bo durś widzi "lukrowane"
Pod tepich utropy dane.

Rodzina

[broneknotgeld]

Familijo

To czym zocno familijo
Zdo sie jak ewangelijo
We niyj ta Dobro Nowina
Nom Ponboczek dowo Syna.

[broneknotgeld]

Ze pokolynio na pokolynie

Ze pokolynio na pokolynie
Z matki na cera - z łojca na syna
Włazi we nasze ciyngym sumiynie
Chnet łod kolybki Dobro Nowina

[broneknotgeld]

Kościoł broni

Kościoł broni familije
Dbo by zowdy były w prawie
W tym niy jakeś komedyje
Trza ło zocny wiedzieć sprawie

Przodym łojciec zowdy z matkom
Życie jejich zocne tako
Że być mustrym mogom dziatkom
Niy - toż anioł stroż zapłako.

[broneknotgeld]

We harmoniji

Życie we zgodzie i harmoniji
Zowdy radosciom jest familiji
Toz Koscioł tego ciyngym wachuje
W tym zocno prziszłość - to forszteluje.

[broneknotgeld]

Dlo kleru

Dlo kleru we tym wielke zadanie
By familije na zowdy wspiyrać
Z tym co nojlepsze przeca se stanie
Tako trza w prziszłośc swoja zaziyrać.

[broneknotgeld]

Jako nauczać?

Jako radości nauczać ludzii?
Jak familije ku dobru ciongnońć?
We tych wspolnotach prawość durś budzić
Pastyrzom ducha w to trza se wprzongnońć.

[broneknotgeld]

Familijo dobrym

Dobrym mo być familijo
Kere na potomnych idzie
Szczyńście a niy tragedyjo
Ze niyj życie niychej bydzie

Tukej człowiek se poczyno
Rodzi rośnie i dojrzywo
We starości powspomino
Dobro w zocy - to niy dziwo.

[broneknotgeld]

Człowiek w familiji

Człowiek w familiji niychej skarbym zowdy
Choć zły tref go nawet niyszczyńściym łobdarzy
Pszonie radość niesie - niy trza inkszy prowdy
Bestoż kożdo dusza ło tym ciyngym marzy.

[broneknotgeld]

Kożdy

Kożdy w familiji niychej bydzie w zocy
To i przi niyszczyńściu dokłodo nom mocy
Choć se wtedy zdowo że siył chnet brakuje
Z pszoniym idzie strzimać - kożdy forszteluje.

[broneknotgeld]

To co trzimie

To co trzimie rodzicieli
Co kupluje dziatki tako
Jako świyntość dusze ścieli
Radość dowo durś jednako.

[broneknotgeld]

Wspólne życie

Wspólne zycie fest kuplije
Jak ze pszoniym zowdy bywo
Rodzic tela forszteluje
A i dziatek to niy dziwo.

[broneknotgeld]

Świyntość

We familijach świytość prowdziwo
Toż boskość kero wszysko kupluje
Ich religijność niychej niy dziwo
Przeca Ponboczka we tym se czuje.

[broneknotgeld]

Po wielkim Poloku
Trza co nojmni roku
By se powspominać
Niy czas fraszce nynać

[ciupazka]

Piękny wątek, piekne fraszki
jak i sam tytuł: "Wątek Papieski"

[broneknotgeld]

Nom nauki swe łostawioł
By rym ło nich cosik prawioł.

[ciupazka]

A czy Ty Bronku wiesz ,ze konkurs na wiersze jest?

Bractwo Literackie Białego Pasterza w Krakowie wydało już 4 tomy antologii
poezji nieprofesjonalnej "Polska nam Papieża dała". Obecnie zwieńczeniem jego
pracy ma być piąty ostatni tom o naszych przeżyciach związanych z tymi
smutnymi wydarzeniami. Prezes P. Piotr Płatek do końca przyszłego tygodnia
zbiera wiersze na ten temat i prosi o przysłanie na adres:
Piotr Płatek
Dyrektor Teatru Regionalnego w Krakowie
ul. Karmelicka 34
31-131 Kraków
tel. -0-126337267

[broneknotgeld]

Dziynki, Ciupazko.
Te moje szkryflanie raczy do konkursu sie niy nadowo.
No dyć, co mi szkodzi tam przedzwonić. Niych se przinojmni dowiedzom, że jest
cosik po ślonsku ło Janie Pawle II.
Pozdrowiom.

[naata]

Bronek, nie doceniasz swego talentu.
Twoje 'szkryflanie' się, bardzo, nadaje!
Powodzenia

[broneknotgeld]

Jo tam swoje wiym
Czym moj ślonski rym
Dyć niy wadzi czasym
Przyńść se inkszym lasym.

Gyburstag

[broneknotgeld]

18.05.2005

Na gyburstag już wspominki
Bo zabrakło przeca Ciebie
Nom czowiecze dzisioj mynki
Ty mosz miejsce swoje w Niebie.

[broneknotgeld]

"Głośmy Ewangelię nadziei"

Idom chopy w poncie do Piekarski Pani
Latoś richtig wiela z tym bydzie se dzioło
W gyburstag djecezji kładom dusze na Ni
Choć utropa mynczy dyć nadzieja woło

Trza sie Jyj pokłonić na mszy co Macharski
W naszy bazylice bydzie celebrować
W droga - niychej wiedzie we życiu krok dziarski
Trza modym karlusom przikłod dobry dować

Maryjo - lecymy myślami do Ciebie
Jako sługa boży - tyn Jan Paweł II
Pewno łosprowiocie se już razym w Niebie
A nos tukej czeko niyjedyn trud dugi

Dyć radość tyż momy - zniom dynkmal świyncony
Kery stanoł teroz wele Kalwaryji
Płaczka leci z łoka mie ciebie i łonym
Choć i radość idzie ze ceremoniji.

[broneknotgeld]

Kościoł pw. Opatrzności Bożej
29.V.2005.godz.18.00

Gębalski we kościele zagro papiyżowi
Konieczny zaś batutom tako cosik powiy
Chor "Lutnia" zaśpiywo choć smutno na duszy
Janie Pawle możno i Niebo se wzruszy.

[broneknotgeld]

Sie zebrało na wspominki
forum.gazeta.pl/forum/72,2.html?f=261&w=16555049&v=2&s=0
Janie Pawle szkryfna - dziynki.

[ciupazka]

A o takik jak BRonek Papież Jan Paweł II piyknie pedzioł:

Słowa Jana Pawła II wypowiedziane do ludzi kultury i sztuki podczas
audiencji o odpowiedzialności:

"Najpierw jest to odpowiedzialność za siebie samego i za swój talent. Talent
artystyczny to jest Boży dar i kto odkrywa go w sobie, odkrywa zarazem pewną
powinność: wie, że nie można zmarnować tego talentu, ale trzeba go rozwijać.
Zdaje też sobie sprawę, że nie rozwija go dla samozadowolenia, ale po to, aby
swym talentem służyć bliźniemu i społeczności, w której przychodzi mu żyć. To
drugi wymiar odpowiedzialności artysty - zaangażowanie w kształtowanie ducha
społeczeństw i narodów.

O trzecim wymiarze odpowiedzialności twórcy powiedział Papież powołując się na
Platona: - Potęga dobra schroniła się w naturze Piękna" (Filebo, 65). Kiedy
mówi się o twórczości, myśl spontanicznie kieruje się ku pięknu. tymczasem
piękno może zaistnieć tylko wtedy, gdy w jego naturze chroni się potęga dobra.
Twórca jest zatem odpowiedzialny nie tylko za estetyczny kształt świata i
życia, ale za jego wymiar moralny. Jeśli więc w swej twórczości nie kieruje się
dobrem, albo co gorsza skierowuje się ku złu, nie jest godzien miana artysty.

Tę potrójną odpowiedzialność kładę dziś na serce wam, kochani, którzy
pragniecie żyć twórczo, i wam wszystkim, którzy pragniecie im w tym na różne
sposoby pomagać. Bądźcie wierni pięknu i bądźcie wierni dobru."


Piyknie pedziane, Bronek nas skowronek niek tworzy, Pon Bócek mu
wynodgrodzi.
Telo. Pozdr.

[broneknotgeld]

"Bog zapłać"

Uno w Ponboczku nadzieja
Styknie mi Dobrodzieja.

[broneknotgeld]

Yno w Ponboczku nadzieja
Styknie mi Dobrodzieja.

Paluch kliknoł "U" kaj "Y"
Jak być miało - kożdy wiy.

[broneknotgeld]

Dynkmal w Kyntach

U franciszkanow w Kyntach już stoji
Dynkmal papiyża - toż drodzy moji
Do Francka ker był ze Asyżu
Tu se Jan Paweł nojbardzi zbliżoł

[broneknotgeld]

Tako mi wlazło teroz do gowy
forum.gazeta.pl/forum/72,2.html?f=59&w=22303782
Tyn wontek zdo sie jakby kultowy.

[broneknotgeld]

16.X. - Dziyń Papiyża Jana Pawła II

Bydzie świynto - wolny dziyń
Dyć przi tymu wielki ciyń
Janie Pawle prowodź nos
W kożdy już terozki czos.

[broneknotgeld]

Jutro Benedykta momy
Z Niym se rada chyba domy
Toż Eurobie patronuje
Możno Ślonzek bardzi czuje.

[broneknotgeld]

Dziyń Papieski na Ślonsku

Jako Dziyń Papieski poleci na Ślonsku?
Łoj - jo se poszkryflom wiela we tym konsku
A możno przi tymu tyż cud taki przidzie
Że cosik druknione na papiorze bydzie.

[broneknotgeld]

Toż link taki teroz dom
forum.gazeta.pl/forum/72,2.html?f=261&w=27059307
Czy z konceptym byda som?

[broneknotgeld]

Jego Gory

Jan Paweł II Taterkom pszoł
Wiela radości przeca z nich mioł
Zowdy dziwowoł se gor naturze
Możno terozki siedzi na chmurze
Na stare ścieżki tu swoje bliko
I za te gory zdo sie tyż rzyko.

[broneknotgeld]

Czy w Jego duszy?

Czy w jego duszy wspominki minom
jak Chochołowskom deptoł dolinom?

[broneknotgeld]

Krasiyła lica

Hehe - krasiyła dyć Jego lica
Ta gora kerom zowiom - Świnica.

[broneknotgeld]

Możno wspominoł

Możno wspominoł czasami Rysy
Myśloł - Ponboczka na nich usłyszy.

[broneknotgeld]

Czi Wiyrchy

Czi Wiyrchy papiyż zdeptoł gyrami
Toż je zrachujcie terozki sami
Na Trzidniowiańskim przeca Łon boł
Dyć i Kończysty przi tymu wzioł
Na koniec przeca już kożdy to wiy
Że wiyncy razy był na Kasprowym.

[broneknotgeld]

Morske Oko

Morske Oko łokym "boskim"
Tukej Mu mijały troski.

[broneknotgeld]

" Tu moge iść po prawdziwej górskiej ścieżce z kamieniami"

Pewnikym czynsto Tatry wspominoł
W Castel Gandolfo przeca ich niy mioł.

[broneknotgeld]

Ło Zawracie

Toż pamiyntej zowdy bracie
Myśloł papiyż ło Zawracie.

[broneknotgeld]

Hala Gąsienicowa

Stary Gąsienica niy doczkoł tu tego
Dyć na hali swoji prziwitoł łon Jego.

[broneknotgeld]

Na Rusinowy Polanie

Na Rusinowy Polanie
Już jego noga niy stanie
Dyć duchym jeszcze tu bydzie
Z Rusinym możno se przidzie

[broneknotgeld]

W Jaszczurowce

Jaszczurowka pamiynto biskupa Wojtyły
Rzykoł coby narty lepi go nosiyły?
Jakby tako było i we tym radocha
Że szwongu mioł w życiu z tym wiyncy zaś trocha.
-

[broneknotgeld]

Marktl am Inn

Mało mieścina latoś coś budzi
Toż stond se karlus w Watykan kludzi.

[broneknotgeld]

2700

Tela miasteczko dzisioj dusz mo
Jednak łod kwietnia kożdy je zno.

[broneknotgeld]

Inn

Inn se Innsbruckym richtig fest asioł
Dyć Marktl to teroz ździybko ugasioł.

[broneknotgeld]

W Wielko Sobota (16.IV.1927)

W Wielko Sobota Zefel rodzony
Toż we Wielkanoc zarozki krzczony
Wodom co była świyncono rano
Z niom wiara wielko bajtlowi dano.

[broneknotgeld]

Było pisane?

Możno mu było tako pisane
Z "nocy paschalny" radosny ranek
W dwodziestym siodmym jakby inaczy
Mrozym i śniegym Ponboczek raczy.

[broneknotgeld]

Dwa lata

Dwa lata Zeflik w Marktl pomiyszkiwoł
Po to by teroz świat mu sie dziwoł.

[broneknotgeld]

Żywiciel

Inn Marktl tyż żywioł tako jak niwy
Z rzekom i ziymiom czowiek szczyńśliwy.

[broneknotgeld]

Rodzinny dom papiyża

Dom w kerym miyszkoł ciyngym zadbany
Inkszy mu tukej niy bydzie dany
Zdo sie co gyszynk miastu tym doł
Niyjedyn przeca tako by chcioł.

[broneknotgeld]

Cukiernio

W cukiernio gaftom ciekawym blikym
Już ciastka majom tu ze krziżykym!

[broneknotgeld]

Czi sklepy

Toż pamiontkarske czi sklepy majom
Ze Janym Pawłym tyż coś sprzedajom
Jednak Benedykt we raji piyrszy
Dlo Marktl łon przeca teroz nojwyrszy.

[broneknotgeld]

Biyr papieski

Biyr z Benedyktym zdo sie za drogi
Po niym som świynte gowy czy nogi?

[broneknotgeld]

"Serdecznie witamy"

Tako i po polsku w kafeju przeczytosz
Czamu? -Dziwać trza sie jak tako zapytosz.

[broneknotgeld]

Gyszeft

Gyszeft przestawić na Ratzingera?
Profitu z tego może być wiela.

[broneknotgeld]

Muzeum Regionalne w Marktl (1925)

Latoś klupło rowno łoziymdziesiont lot
Możno i som papiyż ze tego jest rod
Dyć pamiontki zocne już teroz zbiyrane
Mogom we muzeum być tyż wystowiane.

[broneknotgeld]

Tabula

Na rodzinnym domie tabula już wisi
Tako kardynalsko zdo sie teroz "kisi"
Trza bydzie papiesko drapko tu dołożyć
Choć we Watykanie przidzie mu już dożyć.

[broneknotgeld]

Dzisioj papiyżowi

Ano - prawie dzisioj dom tyn łotwiyrajom
Tam kaj se urodzioł muzeum już majom.

[broneknotgeld]

Zadar 2003

Koronczarki z Pagu przez dwa lata szyły
Czidziści do tego toż tako skończyły
Jak papiyż przijechoł nastoł czas radości
Łobrus wielki dały - na ołtorzu gości
Niych zdobi koronka piotrowo stolica
Ta myśl z zocny wyspy frelom krasi lica.

[broneknotgeld]

W Gietrzwałdzie

Przed cudownym łobrozym i papiyż tu klynkoł
Porzykoł i jakby se myni już lynkoł
Toż wiedzioł - Maryja ło wszyskich pamiynto
Kożdo rodzicielka ze niom jakby świynto.

[broneknotgeld]

"Przesiadłem się z kajaka na łodź wiosłową"

Ano - Jan Paweł lubioł wiosłować
Mazurom jakby siebie chcioł dować
Coś ło tym prawiom wody Krutyni
Choć teroz ciszy i jakby myni.

[broneknotgeld]

Toż se porzykomy za dusza papiyża
Choć łotwarte przed niom zaroz były dzwiyrza
Świynty Pyjter z proga Karola prziwitoł
I zdo sie co ło nic nawet niy zapytoł.

[broneknotgeld]

Do Kolonii trza zoglondać
forum.gazeta.pl/forum/72,2.html?f=28940&w=19671960&a=30112362
Tako rym w tyn wontek wprzongać

[broneknotgeld]

Papieski Damaszek

Wiela papiyży doł Kościołowi
We downych wiekach - niych kożdy to wiy
Choć do Allaha tukej rzykajom
Dyć krześcijaństwo w historii majom.

[broneknotgeld]

Żeś ze świyntymi teroz we Niebie
Kto durś pamiynto bliży tyż Ciebie.