Ludzie Ślonska

[broneknotgeld]

Ks. Paweł Lex (1869-1937)

Wele Głubczyc w Sułkowicach nasz Paulek se rodzioł
W Baborowie zaś zaliczoł łon szkoła ludowo
Do gimnazjum głubczyckego karlus potym chodzioł
No i w końcu czas roboty - tako mi sie zdowo

Za briftryjgra we Orzeszu ździybko se nałazioł
Pewno go tu tyż niyjedyn pies mocno łobszczekoł
Dyć ksiondz kuzyn religijom ponoć go zarazioł
Możno jednak łon już downo yno na to czekoł

Teologio we Wrocławiu pilnie sztudiyrowoł
Tam tyż zaczoł inkszych budzić do ducha polskego
W gowa wlazło - dyć se z tego sprawa chyba zdowoł
Że pomacoł jakby "krziża" richtig niylekego

Kapelonkym był w Kończycach potym Kochlowicach
Na farorza se zahaczoł w nowy parafiji
Ty halymbski - choć wiedziała ło tym okolica
Że łon bydzie tukej bronioł polski "familiji"

No i tako tyż se stało - fest podpod u Koppa
Z łorganistom był na łostro ło jynzyk niymiecki
Szczimoł kary choć dlo niego była to utropa
Jednak nosioł ksiondz sutanna a niy jakeś kiecki

Przeszła wojna - po somsiedzku juzaś Polska była
A Gornymu Ślonsku tukej plebiscyt fundnyli
Toż farorza Lexa we tym tyż roboty siyła
Że na Polski w końcu stronie parafiany żyli

Przi Grażyńskim mioł sie dobrze - dziekanym był przeca
Nojpiyrw we Krolewski Hucie potym w Kochłowicach
Dyć Ponboczek tyż był łaskaw - wzioł go - tako kleca
Niym zaś stała sie niymiecko cołko okolica.

[broneknotgeld]

Kaj jest Ligoń?

Fufcig lot minyło
jak pomarł nom Stanik
Możno to niy było?
Czas yno cygani

Duch pewnikym łostoł
na ty ziymi ślonski
Za pokuta dostoł
wyzbiyrać jyj konski?

[broneknotgeld]

Henryk Sławik (1894-1944)

Powstaniec ślonski - niy pszoł komunie
Dyć i nazistom doł sie we znaki
Jeszcze niy prziszoł pokoju koniec
Łon chcioł ich wysłać kaj zimom raki

W wojna Madziary som jego sztelom
Szmuglowoł Żydow - "życie im dowoł"
W Mauthausen śmiertka już jego frelom
Dyć aż do końca mioł dusza zdrowo.

[broneknotgeld]

Coś ślonskego?
katowice.gazeta.pl/katowice/1,35019,8988285,Slawik_na_dobry_poczatek_mowienia_o_historii_Gornego.html
Trza i tego.

[broneknotgeld]

Ks. Piotr Halymbowich z Kłodnicy

Ksiondz Piotr Halymbowicz we piytnostym wieku
Już w Pszczynie sprawowoł posługa czowieku
Piyrszy stond sie kształcioł w Uniwersytecie
Jagiellońskim - dyć łon zocny przecie
Trza wspomnieć karlusa we tym naszym wontku
Kryć tego niy idzie bo to niy w porzondku.

[broneknotgeld]

Tu se sebleka terozki jakla
I tyż łoświyca wiynkszości fakla.

[broneknotgeld]

Marszałka Ślonska możno niy znocie
-No toż se ło niym tu poczytocie.

[broneknotgeld]

"Konstanty"

Ksiondz Słota dzwon taki parafii fundowoł
Dokładnie połtora wieku ponoć tymu
Serce "Konstantego" - toch sie forsztelowoł
Ciyngym telepało we duszy istnymu

Dyć Wolny se przeca rodzioł w Bujakowie
Miano jakby ze tym wzioł łod tego dzwona
Ponboczek tyż pedzioł - "To jest ślonski czowiek"
No toż teroz wszyscy my som jakby w doma.

[broneknotgeld]

Bujakowski ministrant

Toż ministrantowoł Kostek w Bujakowie
Tam farorzym Edler - richtig zocny czowiek
Łon ze ślonski ziymi we Reichstagu siedzioł
Cosik pewno ło tym synek Wolnych wiedzioł.

[broneknotgeld]

W bujakowski szkole

W bujakowski szkole wloz w rynce rechtora
Kery wpiyrw po polsku uczoł we Chudowie
Z niymieckim se radzioł - niy była to zmora
Dwa jynzyki znoł tu dyć niyjedyn czowiek.

[broneknotgeld]

Połsiyrota

Kostek mioł czi lata jak matka pomarła
Utropa z tym wielko we rodzinie była
Akuszerka jakby jego se przigarła
Fater we "Baildonie" roboty mioł siyła

Jak już mu klupnyło rokow jedynoście
Łojciec z Bujakowa wzioł go do Katowic
Dyć miyszkoł u ujka - se to wyobroźcie
Zawodzki Drajoku - ło Kostku coś powiydz.

forum.gazeta.pl/forum/71,1.html?f=261

[broneknotgeld]

Na Zawodziu

Walynty z Konstancjom wziyli go pod krzidła
Przi nich i nauka Kostkowi niy zbrzidła
Fater chocioż biydny geld na synka łożoł
Ksiyndza w niym chcioł widzieć dyć tego niy dożoł.

[broneknotgeld]

W bogucicki parafji

Przi ksiyndzu skowronku łon ministrantowoł
Możno nawet "Lutni" głos swoj mody dowoł
Przeca ło sutannie tyż myśloł za modu
Jeszcze mu niy w gowie "służba dlo narodu".

[broneknotgeld]

Feler wyży wyloz cały
Ksiondz Skowronek - kaj mom gały?

[broneknotgeld]

1892

Terozki Gimnazjum w mieście Katowice
Dało karlusowi zaś inkszejsze lice
Z jedny strony wiedza - ciyngym tu poczebno
Z drugi kulturkampfu strona bardzi wredno.

[broneknotgeld]

W Gimnazjum

W Gimnazjum se Wolny z Korfantym kamracioł
Dyć roz tref chcioł tako że tyż na tym stracioł
Bo jak z polskim orłym knefle zaczli nosić
Piyńć marek na sztrofa - niy szło już uprosić
Rechtor był surowy - ło niymieckość dboł
A fater łod Kostka zaś utropa mioł
Bo łon przeca łożoł na edukacyjo
Piyńć marek to dużo - zaś była mecyjo.

[broneknotgeld]

1898

Matura Kostkowi poszła jak "ze płatka"
Tyż myśl ło sutannie ciepnoł do łostatka
Wybroł se do Wrocka prawo sztudiyrować
Już wiedzioł że bydzie za polskościom stować.

[broneknotgeld]

Po prowdzie

Po prowdzie kusiyła go tyż medycyna
Z tym we Wrocku sztartnoł dyć zmiynioł dziedzina
Po roku był pewny - jego drogom prawo
Choć fater przi tymu wcale niy bioł brawo.

[broneknotgeld]

W Towarzystwie Akadymikow Gornoślonzokow

We ty ferajnie skarbnikym łostoł
Choć niy za dugo to trwało
Prusok rozwionzoł je - cołkym prosto
W pamiyńci dyć już łostało.

[broneknotgeld]

Piyrszy "testamynt"

We pruskim sondzie złożoł "testamynt"
Bo niy chcioł czegoś stracić na amynt
Toż Towarzystwa dokumyntacjo
Zachowoł tako - czas prziznoł racjo.

[broneknotgeld]

"Zet"

W Zwionzku Młodzieży Polski tyż Kostka widzieli
Ferajna z nich była jednak cołkym tajno
I bestoż prziznować se nawet niy śmieli
Policyjo prusko dyć niy była fajno.

[broneknotgeld]

Na stancji

Na stancji poznoł łon swoja frela
Cerow dość miała pani Aniela
Stefa Maryja Hela i Wanda
Sztyry - toż przeca już jakby "banda"

Kostek pszoł ty co "Niymca niy chciała"
Tyż jeszcze inksze przimioty miała
Na kosmetyczka dziołcha kształcono
Jyż karlusowi jest przeznaczono.

[broneknotgeld]

Ponoć

Ponoć we młodości
Fara se zamarzoł
Dyć skuli miłości
Kerom Polska darzoł
Sztudiyrowoł prawo
Blikoł w polityka
I niy żył niymrawo
Choć musioł tyż rzykać.

[broneknotgeld]

1901-1907

W fachu adwokackim praktyka zdobywoł
Niyjedyn sond wtedy na niego se dziwoł
W Trzebnicy Zgorzelcu Świdnicy Wrocławiu
Widzieli że Kostek niy yno sie bawioł

Wpiyrw referyndorzym - asesorym z czasym
Zdoł w końcu egzamin "adwokacki klasy"
By kancelaryjo mog som już łotworzyć
W Gliwicach na rynku - śmioł se na to wożyć.

[broneknotgeld]

Prezes gliwickego "Sokoła"

Towarzystwo Gimnastyczne gniozdo miało swoje
We zocnych Gliwicach - przeca ło tym wiycie
Wolny prezesowoł i toczoł durś boje
By we tym "Sokole" pulsowało życie.

[broneknotgeld]

Ring 14 (1907-1917)

Toż kancelaryji jest adres istnego
Znali jom nikierzy co we polityce
Niy słuchali cołkym rzondu niymieckego
I se łośmielali poddać to krytyce.

[broneknotgeld]

Rajca miejski (1911-1914)

Łostoł miejskim rajcom - niy trza se dziwować
Przikłod dlo nikerych łon richtig mog dować
Ze niym bardzi polske jakby te Gliwice
Dyć godom wom tako - to niy jakeś wice.

[broneknotgeld]

Bank Ludowy w Gliwicach

Piniondz tyż po gowie chodzioł
Bank Ludowy mu przigodzioł
Dobre co na dole - wiedzioł
Bestoż tyż przi tymu siedzioł.

[broneknotgeld]

Prezes Okryngowego Zwionzku Ślonskich Koł Śpiywaczych

Ponoć muzyk z Kostka żodyn
Dyć niy brakło ty przigody
Przeca mioł do ludzi grajfka
Był jak tako ślonsko szlajfka
Choć tyż możno i pieśniczka
Co krasiyła frelkom liczka.

[broneknotgeld]

1914

Niym jeszcze wojna światowo bychła
Już we Wolnego pierońsko gruchła
Adres na krotko mioł cołkym nowy
Twierdza we Nysie - niych Ślonzek to wiy.

[broneknotgeld]

Adwokat

Kancylario adwokacko w Gliwicach łotworzoł
Zowdy ponoć łon Polokow bronić se tyż wożoł
W końcu za niym sie zawarła brama twierdzy nyski
Kiblowali w kozie ludzie - same mocne pyski.

[broneknotgeld]

1917

Toż Wolny teroz we wojsku służy
Przi koniach jakoś czas mu sie dłuży
W końcu go jednak do sztabu wziyli
By roztomajty godki niy mylić.

[broneknotgeld]

1918

Z końcym wojny wrocioł cołkym do cywila
Już wiedzioł co teroz jakby Polski chwila
Z Gliwic do Bytomia familijo kludzioł
Toż tyn Gorny Ślonzek wszyndy se łobudzioł

Jedni paczom w Niymca - inksi we Poloka
Nikerym se nawet inakszy chce skokać
Bo przeca tyż rosła ślonzokowsko siyła
Choć na łobie strony durś targano była

Wolny ze Korfantym na Polska stowiali
Bestoż co niymiecke chcieli tu łobalić
Po czyńści ze tego przeca wiela wyszło
Choć niy wszysko tako jako chcieli prziszło.

[broneknotgeld]

Naczelno Rada Ludowo 1919

Niy - jo niy byda wos tu cyganioł
Była ta Rada przeca w Poznaniu
Korfanty jednak na tym postawioł
Podkomisariat w Bytomiu "bawioł"

Kostek niym przeca wiceszefowoł
Chnet piyńć miesiyncy aż reskiyrowoł
Dyć rozwionzały władze to wszysko
Trza uciyc z Niymiec - granica blisko.

[broneknotgeld]

W Sosnowcu

Toż zza Brynicy na Ślonzek blikoł
Ło inkszo dola dlo niego rzykoł
Drapko tyż prziszło piyrsze powstanie
Wolny z pomocom zarozki stanie

Z ksiyndzym Pośpiechym Dreyzom Rymerym
Dbo by niy ciyrpioł uchodźca kery
Ściongali dary ze cołki Polski
Zdało sie - kraj tyn bardzi im swojski.

[broneknotgeld]

Polski Komisariat Plebiscytowy w Bytomiu

Hotelu "Lomnitz" już dzisioj niy ma
Tabula yno wspomino tymat
Niym Kostek przeca tyż reskiyruje
Dyć Wojtka rynka nad sobom czuje.

[broneknotgeld]

Wydział Prawny Polskiego Komisariatu Plebiscytowego

W tym jego sztela richtig prawdziwo
To adwokata przeca niy dziwo
Dboł by ze prawym wszysko sie dzioło
Chocioż niy zowdy było wesoło.

[broneknotgeld]

Komisjo Samorzondowo

Niom nasz adwokat tyż reskiyrowoł
W niyj autonomii zaczontek
Bestoż jyj łojcym sie nom wydowo
Ciekawy życio to wontek

Tu sie ze Buzkym czynsto spotykoł
Kerego Zeflym tyż zwali
Łon do Warszawy czynsto pomykoł
Co uradziyli słoł dali.

[broneknotgeld]

Ustawa 15.VI.1920

W końcu kapnyła wszysko Warszawa
I sejm uchwaloł tako ustawa
Z kerom mog Ślonzek se samorzońdzić
Z autonomijom zdo sie niy zbłońdzić

Jo łod sia szkryfna - łona Kostkowo
Doł jyj nojwiyncy - to mi sie zdowo.

[broneknotgeld]

Plebiscyt i powstanie

"Autonomii Ślonska" ździybko było mało
Toż i Niymcom przeca dać se coś zachciało
Prowincjo osobno ze rejyncji była
Mieli jom podźwignońć by rosła we siyła

Dyć prowda jest we tym - plebiscyt "przegrany"
Yno mały konsek mioł być Polsce dany
Prziszło na ta ziymia niyszczyńście - powstanie
Wolny ze gywerom jednak w niym niy stanie

Mioł chronić działaczy po niymiecki stronie
I czekać aż z cołkom insurekcjom koniec
Jak było po wszyskim jechoł do Genewy
Doł pozor by Polsce niy przipadły plewy.

[broneknotgeld]

Tymczasowo Rada Wojewodzko VI.1922

Sejmu ślonskego jakby zaczontek
Kostek już znaczoł tu wiela
Przeca sie niy krył we ciymny kontek
Już w Polsce ślonsko chnet sztela.

[broneknotgeld]

"Akt uroczystego objyńcia Gornego Ślonska przez Rzond Polski"
16.VII.1922

Ligoń dokumynt taki sporzońdzioł
Podpisy dali tam swoje
Przeca sie Ślonzek już samorzońdzioł
Choć wielke przed sia mioł znoje

Handszrift Wolnego tyż na tym akcie
Jakby być mogło inaczy
Toż teroz wiycie ło takim fakcie
I niy ma co sie łonaczyć.

[broneknotgeld]

W Katowicach

Z Bytomia trza kludzić sie do tych Katowic
Bo granica dzieli - tego sie już dowiydz
Przi rynku se łotwar chnet kancelaryjo
Na Zaciszu dom mioł - choć tyż w niym mecyjo

Dyć ślubno wszyskego już niy wyczimała
Szczyńściym że teściowo wiela pomogała
Bo przeca sie chopu niyleko to kleci
Jak mo mieć na gowie cołko piontka dzieci.

-
forum.gazeta.pl/forum/71,1.html?f=261

[broneknotgeld]

Piyrszy welunek Sejmu Ślonskego
24.IX.1922

Chocioż utropy było z tym wiela
Wywelowali posłow i tela
Ze czach łokryngow - łoziym sztyrdziści
Autonomijo cołkym se ziści

Wolny wzioł mandat ze "Zjednoczynio"
W niym mioł kamratow i głos sumiynio
Ferajna dała posłow nojwiyncy
Trza było teroz fest sie umynczyć
Deliberować do gorki gowy
By rosnoł w Polsce Ślonzek już nowy.

[broneknotgeld]

Piyrszy Sejm Ślonski

We "budowlance" siedziba mioł
Tam kaj muzyka dzisioj tref doł
Kostek w niym laska marszałka czimoł
Przi autonomii nigdy niy drzymoł

Cołko kadyncjo na zeslu siedzioł
Bog - Ślonzek - Prawo -to ciyngym wiedzioł
Że laga po to "piyrszego" chycioł
By se dlo Ślonska pożytek klycioł.

[broneknotgeld]

Sejm Ślonski 1922-1935

Dyć do czech Izb Ślonska Kostka welowali
We wszyskich mu laska marszałkowsko dali
Do szworty wlyźć niy chcioł skuli Sanacyji
Miołby na sumiyniu za wiela mecyji.

[broneknotgeld]

Ze Grażyńskim

Ze Grażyńskim Wolny niywiela se pszoł
"Malutkim Piłsudskim" przeca jego zwoł
Dyć przewrot majowy przinios w taśce chopa
Co dlo korfanciorzy był jak ta utropa.

[broneknotgeld]

Czi kadyncje

Ktoś szkryfnoł że były jak te boćki czi
Wolny na nich furgoł ło tym kożdy wiy.

[broneknotgeld]

W Sejmie Ślonskim

Grażyńskiemu Korfanty czynsto kontra doł
Bo "Mały Piłsudski" myńszość tympić chcioł
Możno by z tym było łostudy tu wiyncy
Dyć marszałek laga niy wypuszczoł z ryncy.

[broneknotgeld]

Drugi Sejm Ślonski 1930

Sztyry miesionce dlo sia łon mioł
Czas taki prziszoł i tref to chcioł.

[broneknotgeld]

Czeci Sejm Ślonski

Czas głodu był jymu na obrady dany
Dyć skiż polityki w końcu rozwionzany.

[broneknotgeld]

Co by powiedzieć?

Co by ło Wolnym teroz powiedzieć
Zdi sie że czeba ło tym nom wiedzieć
Że autonomii richtig wachowoł
Na wrogow jeji pozor łon dowoł
W tym widzioł Ślonska w Polsce fundamynt
To nojważniejsze - wiydzcie na amynt.

[broneknotgeld]

W Komitecie Niesiynia Pomocy Bezrobotnym

Z biskupym Adamskim wzioł to Wolny w rynce
Ulżyć bezrobotnym chcioł przeca w ich mynce.

[broneknotgeld]

1935

Pizła fest sanacjo w ślonsko polityka
Już laska marszałka jak fechciarsko kryka
Nawet niy chcioł siyngać po mandat we flekach
To niy mogło skusić takego czowieka.

[broneknotgeld]

Wrzesiyń 1939

Kostek wojynno tułaczka zaczoł
Ku Zaleszczykom jednak niy skryńcioł
We Lwowie osiod - na zachod paczoł
Tukej z utropom se swojom mynczoł

Zdowało mu sie że Francjo ruszy
Dyć cierń skiż tego urosnoł w duszy
Ło familijo wiela se tropioł
Ło Ślonsk i Polska co ktosik topioł.

[broneknotgeld]

Lwow 1939-1940

We Lwowie teroz Ślonzok styrany
Już tu los lepszy niy był mu dany
W co ciyngym wierzoł cołkym we dole
Gorzko mu było na tym padole

Prziszło chorobsko - dyć niy dziwota
Że sie umynczoł przi hercklekotach
Aż w końcu serce cołkym stanyło
Tako ze końcym marszałka było

Grob mo do dzisioj przeca we Lwowie
Tyn zocny Ślonzok - nasz wielki czowiek
Jakby te prochy - Ślonsku - toż powiydz
W gyburstag miasta wziońć do Katowic.

[broneknotgeld]

Autonomista

Co Wolny we duszy swoji se wymyśloł
-Przeca autonomio ślonsko tyż łon tworzoł
ToBierut dekretym komuny przekryśloł
Dyć Marszałek Ślonska tego już niy dożoł.

[broneknotgeld]

Wszyskim kierzy chcom wiedzieć cosik wiyncy ło Konstantym Wolnym chca polecić
ksionżka;
MARSZAŁEK SEJMU ŚLĄSKIEGO
Życie i dzieło Konstantego Wolnego (1877-1940)
autorzy:
Alojzy Lysko Konstanty Wolny (wnuk marszałka)

[broneknotgeld]

11.XI.2005 Bujaków

Kaj Kostek sie rodzioł
Tam tabula bydzie
Zdo sie jakby ze tym
Zaś na Ślonzek przidzie
Możno prochy z grobu
Trefiom do ty szteli
Historyjo tako
Ciekawie sie ścieli.

[broneknotgeld]

Koncept ciekawi
www.dziennikzachodni.pl/slask/280283,biblioteka-slaska-im-konstantego-wolnego-prof-malicki-nie,id,t.html
Dyć kto to sprawi?

[broneknotgeld]

Kej sie raduja
wyborcza.pl/1,91446,10844515,Rok_2012__w_woj__slaskim_Rokiem_Konstantego_Wolnego.html
Linkym promuja.

[broneknotgeld]

Kej Rok Wolnego
Kuknij do tego:
www.facebook.com/photo.php?fbid=299541060076470&set=a.160220544008523.32574.100000617342350&type=1&theater

[broneknotgeld]

2012 - Rok Konstantego Wolnego

No dyć niy dziwota - skiż autonomiji
We dwudziestym drugim niy boło mecyji
Prawie rdość z tego co Polska sie brała
Kyns Gornego Ślonska w granicach już miała

Zaś Wolny - dyć autor ty zocny ustawy
Skiż kery i dzisioj ciyngym trocha wrzawy
Łostoł tu marszałkym - Sejmym Ślonskim wodzioł
Przez trzi kadyncyje tref mu to przigodzioł

Niy chcioł mieć po drodze jednak z sanacyjom
Marszałkowsko laska niy jakomsik kryjom
Stanoł ździybko boku we czas niyspokojny
Co skończoł niyszczyńściym - doczkali aż wojny

Ślonzek w Polsce dźwigać - tako piyrwyj wożoł
Prochy jego znojdziesz na lwowskim cmyntorzu
Toż niy trza sie dziwać - jako niy chcieć tego?
Gornoślonsko ziymio - wiym - czekosz Istnego!

www.polskatimes.pl/artykul/501028,prochy-konstantego-wolnego-zostana-sprowadzone-z-lwowa-do,id,t.html

[broneknotgeld]

Kej Rok Wolnego
mikolow.naszemiasto.pl/artykul/1314523,konstanty-wolny-urodzil-sie-w-bujakowie-duzo-uroczystosci-w,id,t.html?kategoria=678#a024403b244a693a,1,3,60
Kuknij do tego.

[broneknotgeld]

2012 - Rok Konstantego Wolnego

Rok Wolnego - ano, wiymy!
www.dziennikzachodni.pl/artykul/534919,sesja-sejmiku-slaskiego-z-udzialem-prezydenta-z-okazji-roku,id,t.html
Sławiom go tyż ślonske rymy
forum.gazeta.pl/forum/w,28940,23051130,,Ludzie_Slonska.html?s=1&v=2
Styknie tymu sie dziwować
I wiyrchym marszałka stowiać.

[broneknotgeld]

Ślonski rym Kostkowi

Ślonski rym Kostkowi pszaje
Tam kuknijcie -to niy baje
www.dziennikzachodni.pl/artykul/546609,w-bibliotece-slaskiej-powstal-gabinet-konstantego-wolnego,id,t.html

[broneknotgeld]

Tu tyn link dać musza
www.womkat.edu.pl/wiadomosc/891
Trza komuś tam ruszać.

[broneknotgeld]

Nagroda Konstantego Wolnego?!

Latoś przidzie już do tego?
Trza nagrody nom Wolnego!
www.facebook.com/photo.php?fbid=312373425504234&set=a.286426508098926.66494.195759197165658&type=1&theater
Istny Sejmym Ślonskim wodzioł
A sie w Bujakowie rodzioł

Nom marszałkym - wszyscy wiycie
Dlo dziedziny dołby życie
Duchym przi autonomiji
Choć niy brakło z tym mecyji

Prawie Rok Wolnego przeca
Ofyn kłada to do neca
Coby sejmik w Katowicach
Uradowoł ślonske lica

Czy nagroda ustanowi?
Kej sie czowiek ło tym dowiy?
Czy "dupowatościom" zgrzeszy?
Czy "warszawka" tym ucieszy?

Ech, dyć tako medykuja
Koncept zocny - forszteluja
Coby w roku trojce dować
Na trzi mustry przirychtować

Piyrszo tymu co blynduje
W cołkim kraju - tym raduje
I ze naszy łon dziedziny
Polska wiyrchym - Ślonzek driny

Dlo samorzondowca drugo
Tako region mu zamrugo
Niychej dźwignie tym czowieka
Kery mustrym - niy we flekach

No, a trzecio - co powiycie?
Wolny służoł cołke życie
Tyż społecznie tu bliźniymu
Trzecio niych prziznano tymu
Co to łod sia, z cołki duszy
Coś durś wspiyro, cosik ruszy
I niy gafto na profity
Zowdy, zowdy stowo przi tym.

[broneknotgeld]

To sie stanie co być miało
katowice.naszemiasto.pl/artykul/1406107,bedzie-ekshumacja-szczatkow-konstantego-wolnego-przeniosa,id,t.html#ff672e58317474f0,1,3,12
Smutne, dyć uradowało.

[broneknotgeld]

Dlo Ślonzoka jakby dnieje
Kej we Lwowie sie to dzieje
www.dziennikzachodni.pl/artykul/584653,katowice-lwow-w-poniedzialek-wydobycie-szczatkow,id,t.html

[broneknotgeld]

Racji wiela w tym
katowice.gazeta.pl/katowice/1,35063,11431926,Katowiccy_urzednicy_znowu_poszli_na_latwizne__FELIETON_.html
Jo mom choć swoj rym.

[broneknotgeld]

We Roku Konstantego Wolnego

Jest wystawa skiż Wolnego
www.facebook.com/photo.php?fbid=487331911281413&set=a.229286840419256.76543.100000138243099&type=1&theater
Toż kuknijcie drap do tego

[broneknotgeld]

We tym zocnym roku

Kuknijcie na orła marszałka Wolnego
www.facebook.com/photo.php?fbid=491174000897204&set=a.229286840419256.76543.100000138243099&type=1&theater
Tukej jako "ażur" z rynki Judyckiego.

[broneknotgeld]

"Misja Wolnego"
www.konstantywolny.pl/
Kuknij do tego.

[broneknotgeld]

Dzisioj na to sie wybiyrom
www.dziennikzachodni.pl/artykul/669317,misja-wolnego-film-o-marszalku-konstantym-wolnym-juz-gotowy,id,t.html
Toż posłuchom, pozaziyrom.

[broneknotgeld]

Prymiera filmu "Misja Wolnego"

Pewdzieli tako -"Dyć momy tu cie
we łoziymnosty prawie minucie"
www.youtube.com/watch?feature=player_embedded&v=eiAzatlYHFg#!

[broneknotgeld]

Rudolf i Bernard Bugdoły

Czy wyścigowcow tych pamiyntomy?
Jeszcze ich przeca przi siebie momy
Choć jedyn pryndko dyrechtorowoł
Szczyńście drugego w tym że folowoł
Śleper zocniejszy łod dyrechtora?
Bywo i tako jak przidzie pora.

[broneknotgeld]

Franz Xaver von Ballestrem

Ło niym to zowdy szkryfnońć jo moga
Że we Bismarcku widzioł łon wroga
Dyć kulturkampfu te rzondy gupie
Nasz graf mioł richtig głymboko w dupie
Przeca i w twierdzy za to tyż siedzioł
Bo głośno tako prowda powiedzioł.

[broneknotgeld]

21.IV.1918

Richthofena niy ma
Spotkała go ziymia
Już Baron Czerwony
W serce poszczelony

Z dołu prziszła kula
Choć zaczyli fuleć
Co pod łod pilota
Chwała czy gupota?

Rod Welczkow

[broneknotgeld]

Rod Welczkow

Z Dymbiyńska Wielkiego rod Welczki swoj wziyli
Toż na Gornym Ślonsku łoni w zocy byli
Dymbiyńsko Leszczyny te Ornontowice
Kamiyń Rydułtowy jejich Gardawice
Jeszcze Niepaszyce Ligota do tego
Jak widać niy mieli majontku małego.

Karol Miarka

[broneknotgeld]

Toż trza nom zbiyrać ziarko do ziarka
forum.gazeta.pl/forum/72,2.html?f=28940&w=24396333&a=26919418
Aż z tego wyńdzie tyn Karol Miarka.

[broneknotgeld]

Karol Miarka w Mikołowie 1874

Toż wydawnictwo swoje tu mo
Tyż Gorny Ślonzek istnego zno
Na polske ksionżki chcesz wydać marki
Se z niymi wybier zowdy do Miarki.

Jan Bonifacy Wypler

[broneknotgeld]

Jan Bonifacy Wypler

Niy yno mietłami Kochłowice słynom
Przeca poligloty były tyż dziedzinom
Znoł tela jynzykow że ciynżko zrachować
Toż komu terozki przi Wyplerze stować?

[broneknotgeld]

14.V.1890

We dziyń świyntego Bonifacego
Zrodziyła go Wyplerowo
Lot już minyło wiela łod tego
Dyć we pamiyńci niych stowo.

[broneknotgeld]

21.V.1890

Ksiondz Matyszok łokrzcioł wtedy Jana mianym
Bonifacy - tako bydzie mu tyż dany
Przeca patronowoł matce przi porodzie
To se dogodali by było we zgodzie.

[broneknotgeld]

Wyplery

Rod ich podobnoś rycerski miary
We ziymi pszczyński dość znany
Na Gornym Ślonsku richtig prastary
Z tym Kochłowicom był dany

Dyć fater Jana miano mioł Pyjter
I chałupnikym był yno
Biydny - toż przeca już inkszy cwiter
Tego sie niy wypominio.

[broneknotgeld]

c.d.n.

Muter - Franciszka ze Paintow domu
Zocności wielki kobiyta
Co światu pszoła niy po kryjomu
Wierzyć trza tako - niy pytać.

[broneknotgeld]

Potki

Antek Dolinsky - Cila Kieltyka
Bajtla łod Francki i Antonika
We krześcijaństwie tako chcom wspiyrać
Na droga z wiarom jego zaziyrać.

[broneknotgeld]

We szkole powszechny 1896-1902

Ano - szkolorzym we Kochłowicach
I zdo sie co niy łostatnim
Łojca i matki raduje lica
Choć dom jejich niy za dostatni
Dyć trza synkowi wiyncy nauki
Czy gimnazistom być może?
Ech - syny Ślonska wcale niy tuki
Ponboczek niych dopomoże.

[broneknotgeld]

We bytomskim gimnazjum 1902-1911

Toż we gimnazjum momy Wyplera
Już go jynzyki kuszom tyż teraz
Greka, łacina, tako hebrajski
Czas do matury zdoł mu sie rajski.

[broneknotgeld]

We Bytomiu

Bytom to przeca niy Kochłowice
Miastowe życie inksze - dyć wiycie
Jan Wypler na tym wcale niy sztopnie
Kej zdo matura to dali hopnie.

[broneknotgeld]

Wrocław 1911-1912

Kochłowicki farorz w tym Wyplera wspiyroł
Coby jak nojwyży terozki zaziyroł
Toż filozofijo istny sztudiyruje
Przi tymu niymiecki jeszcze tyż szlifuje.

[broneknotgeld]

Kilonia

Po Wrocku Kilonia istnego skusiyła
Kaj flota Wilusia na świyczniku była
Dyć Wyplera sanskryt prziciongnoł na jawie
Szify go niy nyncom yno jynzyk prawie.

[broneknotgeld]

I zaś Wrocław

Niy zatrzimała Kilonia dugo
Tako zaś Wrocław do niego mrugo
Z filozofiji dyplom łodbiyro
I na jynzyki ciyngym zaziyro.

[broneknotgeld]

Poliglota

Tako szło pedzieć już we Wrocławiu
Inkszy łobkuwoł - łon jakby bawioł
Lazły jynzyki mu durś do gowy
We krotkim czasie poznowoł nowy
I prawioł tako - co pewno wiycie
"Dusza jynzykow naszych w sanskrycie".

[broneknotgeld]

Skiż "Dziadow"

Ano - Mickiewicz mustrym sie zdowo
Tako i Wypler przi tymu stowo
Wieszcz go keruje - w polski prowadzi
Co Ślonzokowi przeca niy wadzi.

[broneknotgeld]

Slawista

Niy ciongła yno polsko klasyka
Rusko tyż kusi - niy gorszo przeca
Kuknie i na to co łod Pepika
Ze bułgarskego tyż biere neca.

[broneknotgeld]

Germanista

A dyć - co niymiecke jego sie zdowało
I tako do końca życio już łostało
Po niymiecku ciyngym coś dlo sia notowoł
Wiela na tyn jynzyk zowdy tuplikowoł.

[broneknotgeld]

Wrocław 1916

Dyploma doktora tukej niy dostanie
Dyć z tym rokym kończy już sztudiyrowanie
Czas już arbajtować jakosik na życie
Tymu sie pewnikym wiela niy dziwicie
Polski na niymiecki tako tuplikuje
Pepikow, Bołgarow Niymcom pokazuje
Toż literatura słowiańsko w proficie
Som tyż wiersze szkryflo - choć pewno to wiycie.

[broneknotgeld]

Wrocław 1.IV.1917

Niy prima-aprilis - w gimnazjum rechtorym
Łacina i greka tko w gowy szkolorzom
Do tuplikowanio tworcow inkszych skory
Piniondze ze szkoły wiyncy jednak wożom.

[broneknotgeld]

Zabrze Zaborze 1.IV.1918

Ano - już Zaborze sie z Wyplerym wito
Bydzie tu rechtorym - jakby sie kto pytoł
Jako we Wrocławiu uczy gimnazistow
A kej wojna przyńdzie chyci inkszych zistow.

[broneknotgeld]

"Satakatrayam" Bhartrhari

Toż se wierszy "Trzech cynturji"
chycioł tuplikować
Tako co staroindyjske
przed sia jakby dować
Ło mondrości w VII wieku
sanskrytym szkryflane
Ło pszoniu i wyrzeczyniu
nom przed łoczy dane.

[broneknotgeld]

Beamter Polskego Komisariatu Plebiscytowego
20.X.1920

W Wydziale Prasowym miejsce swoje mioł
Toż mog reskiyrować tym co richtig chcioł
Do gazetow tekstow dowoł ciyngym wiela
Co polske mo blysnońć - aż, czy yno tela?

[broneknotgeld]

"Most - Die Brücke" (1920)

Dubeltowo pismo te było szkryflane
Polski i niymiecki na rowno stowiane
Dyć kultura polsko na Ślonsku krzewiyło
Coby i do Niymcow ze niom sie trefiyło.

[broneknotgeld]

Naczelny "Mostu" 1920-1921

Ano - niy dziwota, Wypler tu prym wiedzie
I dział literacki ze niym tyż na przedzie
Dyć po Plebiscycie fertig ze tym bydzie
Choć na polskim Ślonsku czas "Mostu" zaś przidzie.

[broneknotgeld]

Tuplikowoł to co ślonske

Tuplokowoł to co ślonske i Niymcom przedkłodoł
Co ksiondz Bonczyk no i Damrot ło dziedzinie godoł
Tako piyrszy sie łodwożoł, a mono jedyny
Po niymiecku szkryfnońć ślonske dzieła ty dziedziny.

[broneknotgeld]

Beamter Naczelny Rady Ludowy
VIII.1921-V.1922

A dyć po powstaniu juzaś beamtruje
Czyńść Ślonska chnet polsko - do tego szykuje
Dziedzina co bydzie tyż autonomijom
Kaj Ślonzok i Niymiec pospołu se żyjom.

[broneknotgeld]

We Wydziale Prezydjalnym Urzyndu Wojewodzkego
VIII.1922

Krotko bo krotko dyć tam tyż był
Nerwow mu brakło, a mono siył?
Pewno niy nyńci tako kariera
Sie rechtorować chyci zaś teraz.

[broneknotgeld]

"Most" 1922-1924

Toż we Katowicach "Most" zaś "postawiony"
Jakiś czas naczelnym zaś Wyplera momy
Rozkwitło jak piyrwyj to co go wciongało
Szkoda że dość krotko sie yno kulało.

[broneknotgeld]

Rechtor Gimnazjum X.1922

W końcu przestoł beamtrować
Tako zaczoł rechtorować
We Gimnazjum Mickiewicza
Kaj ambitne richtig lica

Po francusku, po niymiecku
We łacinie i po grecku
Lekcje gimnazistom dowoł
Choć niy gonioł ich z tym zdrowo.

[broneknotgeld]

Gimnazjum im. T.Kościuszki we Mysłowicach
1930-1939

Jako rechtor niy boł "kosa"
Niy na miara "Mickiewicza"
Niy zadziyroł nawet nosa
Tako uczy w Mysłowicach.

[broneknotgeld]

Recynzynt tyjatralny

Z czasow Plebiscytu ponoć to łostało
Ło polskim tyjatrze szkryfloł łon niymało
Gaftoł na to ciyngym co we Katowicach
Dyć Bytom tyż czynsto widzioł jego lica
Kunszt we tym niymiecki jako i tyż polski
Poradzioł "wymierzyć" - przeca boł mu swojski.

[broneknotgeld]

Majom Wyplera
twojaruda.pl/Uczczono-pamiec-wielkiego-kochlowiczanina,9155
W zocy i teraz.

[broneknotgeld]

"Sobieski na Ślonsku"

Choć sie historykym mianować niy wożoł
Wiela do tymatu łod siebie dołożoł
A dyć grzeboł za tym we pszczyńskich archiwach
I łopublikowoł cosik ło tych dziwach.

[broneknotgeld]

"Ród Wyplerów w Państwie Pszczyńskim"

Toż nasz poliglota z genealogijom
Tyż niy jest na baker jako z historyjom
A że rod rycerski tyj dziedziny przeca
Co znoloz - dołożoł na zowdy do neca.

[broneknotgeld]

Tuplikowoł

Tuplikowoł na niymiecki
Staffa, Kasprowicza
Wyspiańskiego tyż przi tymu
Zarozki wylicza
Toz zasługi mioł w tym swoje
Polsko tworczość sławioł
Co nojlepsze tako Niymcom
Prawie Wypler jawioł.

[broneknotgeld]

"Baba Tahir Ojran"

Kej perskego już sie chycioł
Po swojymu coś "uklycioł"
Ano, dyć przetuplikowoł
Staroperski w polske słowo.

[broneknotgeld]

Sinologia (1936)

Metoda Wielucha go zaciekawiyła
Co z tysiyncy znakow swe trzista zrobiyła
Dyć dopiyro jak sie gryfnie je skłodało
Cosik sinologom richtig to dowało.

[broneknotgeld]

broneknotgeld napisał:

>
> Sinologia (1936)
>
> Metoda Wielucha go zaciekawiyła
> Co z tysiyncy znakow swe trzista zrobiyła
> Dyć dopiyro jak sie gryfnie je skłodało
> Cosik sinologom richtig to dowało.
Spokopić szło chiński -czytać, szkryflać tako
Dyć bele niy godać - Kitajec by płakoł
Wyplera to jednak pieronym wciongnyło
Po koniec żywota tako prawie było.

[broneknotgeld]

Tuplikowoł ze chińskiego

Ze chińskiego na niymiecki nojpiyrw tuplikowoł
Potym zaś to po polskymu przed sia tako dowoł.

[broneknotgeld]

"Kwiat śliwy"

Kitajcow poezjo w tomiku znojdziecie
Możno sie z Wyplerym tako trefić chcecie.

[broneknotgeld]

"Gedichte" 1939

Chińskich poetow kłod z tym co jego
Ło nich tyż wierszym szkryfnoł do tego.

[broneknotgeld]

Buddysta?

Do końca życio boł katolikym
Dyć co buddyjske pod jego blikym
Se jakby bliske już wydowało
Ech - po to życie coby nom pszało.

[broneknotgeld]

"Przysłowia"

Jeszcze przed wojnom szkryfnoł "Przysłowia"
Jo se nad niymi teroz niy głowia
We Państwa Środka mondrości przeca
Choć chca dyć teroz już niy poleca.

[broneknotgeld]

Klub Literacki "Fantana" 1938

A dyć wiycie - w ty ferajnie
Wypler sie pokozoł fajnie
Choć literat już niy mody
Ze modymi boł do zgody.

[broneknotgeld]

Jan Wypler 1939-1945

Choć volkslisty niy podpisoł
Życio czas tym mu niy zmiyszoł
W szkole niy mog rechtorować
Trza lekcyje kontym dować
Tuplikowoł tyż dośc wiela
Czasu w tym niy tracioł - tela.

[broneknotgeld]

I po wojnie

I po wojnie rechtorowoł
Gimnazistom cosik dowoł
Szkryfna jednak to do tego
-Niy mog uczyć niymieckego.

[broneknotgeld]

Socrealizm

Socrealizm w niym niy drzymoł
Tuplikowoł - tego trzimoł
W koncie stanoł - sie zdowało
Toż komunie podpod mało.

[broneknotgeld]

Na urlopie - 1.X.1949

Ech, już gimnazistom łon niy rechtoruje
Swojego dyć trzimie - wiersze tuplikuje
Co chińske mu jakby zasłonio świat cały
Prawiom co z Wyplera sinolog niymały.

[broneknotgeld]

Na pyndzyji 30.X.1950

Szejść krziżykow klupło toż pyndzyjonista
Mie by durś kusiyła yno biyra kista
A Wypler prziswojim - szkryflodo szuflody
Po niymiecku wiela - przeca niy skiż mody.

[broneknotgeld]

W Zwionzku Literatow Polskich 1956

Kej "lody spłynyły" tyz sie tam zapisoł
Trza i do pyndzyji jakiś grosz dorobić
Nic ze tref tym światym pierońsko zamiyszoł
Życie naprzod idzie choć ktosik chce zgobić.

[broneknotgeld]

Ech tyn Wypler

Choć we Polsce richtig ekspert łod wszyskego
I kunszt poezyji sławi durś do tego
Kej z Chińczykym godo - niywiela spokopi
Chyba że sie wpiyrw go gorzołom łożłopi.

[broneknotgeld]

"Koło kredowe" (1949)

Tyjater w Krakowie ta sztuka wystowio
Wypler tuplikuje - zdo sie tyż zabowio
Pokozano była potym w Rzeszowie
W radyjoku dali - ano, w polski mowie

Zaś kunszt chiński blysnoł - sprowka w tym Wyplera
Niy darmo jo ło tym szkryflom ździybko teraz.

[broneknotgeld]

"Rechtor" sinologji

Ano - w Katowicach sztudyntom wykłodoł
Szkryflać, czytać uczoł choć źle chińskim godoł
Dyć mieli go w zocy za tuplikowanie
Dzisioj by nagrodow wiela dostoł za nie.

[broneknotgeld]

Nagroda Artystyczno Miasta Katowice 1960

Za to co som szkryfnoł i przetuplikowoł
Taki laur miejski terozki dostowo
Choć niy erbnoł wiela dyć w zocy go mieli
Cosik doł łod siebie gornoślonki szteli.

[broneknotgeld]

Ło Wyplerze tyż coś mom
Dyć na razie tyn link dom.
www.rudaslaska.pl/ruda-slaska/aktualnosci/2014/05/23/jeszcze-raz-o-wyplerze/

[broneknotgeld]

Leci ciekawie
Dom tukej prawie.

wypler.exec.pl/zyciorys_po_slasku.htm

Mikołaj Kopernik

[broneknotgeld]

forum.gazeta.pl/forum/72,2.html?f=34281&w=31419590&a=31542555
Tako wiymy - był Ślonzokym
Ździybko Niymcym i Polokym.

Johannes Georg Wewierski

[broneknotgeld]

Tukej istnymu link musi styknońć
forum.gazeta.pl/forum/72,2.html?f=28940&w=23051868&a=37044816
By se mog ktosik na niego kliknońć

Stanisław Siegmund

[broneknotgeld]

Farorz Stanisław Siegmund (1760-1837)

W Ligocie Toszecki Stanik urodzony
W familiji kero żyła ze młynarki
Fater chcioł by synek był richtig kształcony
Toż go fest niy ciongnoł do ty gospodarki

Łazioł ze inkszymi do szkoły w Płużnicy
Czytać se nauczoł i tako rachować
Dyć kształcioł se potym z zocny Jemielnicy
Ponboczek mu raczoł znaki jakeś dować

Tako sztudiyrować se wybroł do Wrocka
Już teologijo go przeca kusiyła
I filozofijo wciongała go mocka
We kapłaństwo richtig dusza pociongnyła

Toż świyncynia przijoł - prymicjo w Woszczycach
Takoż i we Pszowie mieli kapelonkym
Poznała rybnicko go fest okolica
Jak Lyski witały farorza ze słonkym

Drapko tyż dziekanym zostoł w Pogrzebiyniu
Aż hrabia Wengersky ściongnoł do Pilchowic
Trza wspomnieć kapłana we naszym sumiyniu
Co ziymi glywicki pszoł wiela - tyż to wiydz

Inszpektorym szkolnym na okryng toszecki
W Glywicach gimnazjum zakłodo przezocne
We kerym kształcone mieszczan teroz dziecki
Sprawiyły co miasto sie stało tyż mocne

Toż możno i dzisioj ktosik ci to powiy
-Dziekan Siegmund życie ty ziymi poświyńcioł
Piyrszy Obywatel Glywic Honorowy
Zwdy robioł wiela aże se umynczoł.

Ondraszek

[broneknotgeld]

Ondraszku!

Ondraszku, Ondraszku - ty ślonski zbojniku!
Boli sie cie grafy a niy dziod ze krykom
Boś istnego przeca niy mog łobrabować
Tako se niy musioł przed tobom łon chować.

[broneknotgeld]

Beskid Ślonski - richtig Ondraszka dziedzina
Kero cosik drapko pochowała syna
Toż nojczyńści tako - krotke zbojowanie
Chocioż po nikerych legynda łostanie.

[broneknotgeld]

Dobra 13.XI.1680

Syn fojta z Janowic tu krzczony w kościele
Tako mu Andrzeja miano wtedy dali
W rodzie Fucimanow ze tym tyż wesele
Na urzond dziedziczny dyć go szykowali.

[broneknotgeld]

Familijo miała aż dziewiyńć dzieciokow
Gymb do wyżywiynio zdało sie dość wiela
Ondraszek nojstarszy - rośnie rok po roku
Tako go raduje janowicko sztela

Dyć fater co robi? -Zrzeko se urzyndu
I na gowa syna młodszego go dowo
Toż życie Ondraszka nabiyro już pyndu
Ze tym na zbojnicko droga istny stowo.

Giesche

[broneknotgeld]

Giesche

Z sandomiyrskich Gizow Giesche pochodziyli
Dyć dlo Ślonska wiyncy ze czasym znaczyli.

[broneknotgeld]

Adam Giesche (XVII w.)

Z Sandomierza "Galicyjok"
Lubioł powojować
Cysorz łaskaw choć Austryjok
Toż niy smioł biydować.

Ernest Wilimowski

[broneknotgeld]

forum.gazeta.pl/forum/72,2.html?f=324&w=39347833&v=2&s=0
Fusbalerow ślonskich tuz
Wiela przeżoł - skończoł już
Tako pomarł niy na Ślonsku
-Pamiyntomy go w tym konsku.

[broneknotgeld]

Anioł Ślonzok

Znocie Anioła co był Ślonzokym?
Ponboczka widzioł niy jednym łokym
Zowdy jak bliknoł słowo łostawioł
Ku chwale Pana - tako tyż prawioł.

[lopadko]

Adam Kielak z Rudy Śląskiej - 215 cm wzrostu, je to karlus?
serwisy.gazeta.pl/kraj/1,34309,3457486.html

[ciupazka]

Ino nie karlus, hehe...

[broneknotgeld]

Ks. Jan Dzierżon

Blyszczy miano w Dzierżoniowie
Dyć Kluczborka przeca czowiek
Tu se dzieworodztwu dziwoł
Czy przi miodzie pitnym kiwoł?

Jan Dzierżon

[broneknotgeld]

Łowkowice 16.I.1811

We siedlokow tu chałupie
Teroz bajtlik na świat klupie
Na krzcie miano Jana dali
Dyć po ołpie - tako pszali

[broneknotgeld]

Jerzy Dzierżon (1717-1800)

Toż praołpy Janka znocie
Fest bauera we niym mocie
W wiosce łod Kluczborka blisko
-Ło niym zdo sie tukej wszysko.

[broneknotgeld]

Jan z Kluczborka

Wrocoł spod Grunwaldu w gloryji Jagiełło
Istny go prziwitoł - cołke jego dzieło?

[broneknotgeld]

Jan Nikodem Jaroń (1881-1922)

Na cmyntorzu lublinieckom mo swoja kwatera
Toż łodwiydzać go ze świyczkom idzie yno teraz
A kto richtig zapamiyntoł strofy łod istnego?
Czy dzisiejszy już Lubliniec zoglondo do tego?

[broneknotgeld]

Konstanty Damrot (1841-1895)

Dała go Ślonskowi
ziymia lubliniecko
Dyć czy dzisioj to wiy
kożde ślonske dziecko?

Jan Dzierżon

[broneknotgeld]

Łowkowice 16.I.1811

We siedlokow tu chałupie
Teroz bajtlik na świat klupie
Na krzcie miano Jana dali
Dyć po ołpie - tako pszali

[broneknotgeld]

Kej sie klujom trutnie
czas srogi łokrutnie?
katowice.gazeta.pl/katowice/1,35019,8963533,Dla_pszczol_zadarl_z_Kosciolem.html

[broneknotgeld]

Adam Gdacjusz

Toż istny był przeca ślonskim Rejym zwany
W naszy godce szkryfloł - ze tego tyż znany
We kluczborskim zborze kozania łon głosioł
Ło dobro człowieka i Ponboczka prosioł.

Paul Jackisch - architekt

[broneknotgeld]

Paul Jackisch (1893)

Werci se wspomnieć Paulka nom tukej
Choć we Opolu rodzony
I do Bytomia już tyż niy klupej
Kunszt jego nom łostawiony

Styknie na kościoł ornontowicki
Se nom ździybeczko poblikać
Tako se łostoł szteli na wdycki
W podziynce idzie porzykać.

"Jorg Łokradziony"

[broneknotgeld]

Już stoji

Już Jorg ze krykom przi rondzie stoji
Czy sie ło Ślonzek i dusza boji?
-Ze kartki cosik terozki czyto
Co tam szkryfnione? -Ktosik zapyto?

[broneknotgeld]

Znak to czasu! Znak rowności!
Tako niych przi Rondzie gości!

Czy Polska złodziejstwym stoji?
Kto sie kraść tu cosik boji?

[broneknotgeld]

Utropa Hefajsta

Dyć na Hefajsta prziszła utropa
Zmiynk mu - żol jakby we wekslach chopa
A Afrodyta durś we poczebie
Na ziymi tako jako i w niebie

Toż sie jyj ślubny na Ślonsk zabłonkoł
Hermes doradzioł by w Rawie tonkoł
Ciuliczek co go łostatnio zwodzioł
To go niy retło choć w szlomie brodzioł

Szczyńściym przi krzidłach na Jorga bliknoł
Zarozki kryja mu tako wytnoł
Przimierzoł - kurde, richtig pasuje!
Hehe - bogini jom teroz czuje!

[broneknotgeld]

Złomiorzowi

Możno karlusie krolym żeś polskim
Ze ajzynzigom zdosz mi sie swojski.

[broneknotgeld]

Z kryki fujara

Jakby ze kryki fujara zrobić
Przeca istnego mogłaby zdobić
Możnoby zagroł coś na ni tako
Jak w "Parku Ziyntka" ktosik zakrako.

[broneknotgeld]

Ktoś wele Spodka zaś postukuje
Strach ło połnocy tako se czuje
Cider mi ło tym prawie powiedzioł
Co widzioł Jorga kery tam siedzioł.

[broneknotgeld]

Coś Jorgowego
Dom tyż do tego
www.dziennikzachodni.pl/artykul/789204,oto-milosna-historia-generala-zietka,id,t.html

[broneknotgeld]

Co Adalberta z Jorgym kupluje?
Ôba „synami…” – to niy dziwuje
Ôba w ty szteli
„Za uchym” mieli?
Jako sie Ślōnzok to forszteluje?
www.facebook.com/groups/332939560673928/posts/1528291367805402