Dodaj do ulubionych

Ślonsko dusza

26.09.03, 10:42
Jako jest dzisioj ta ślonsko dusza?
Ciynżko łodgodnońć - prziznać to musza
Wiym że spolszczono jest chnet w całości
Durś jednak wongel na dnie jej gości
Kajś tam w czeluściach ciyngiym sie kryje
I choć wyloli już nań pomyje
Łone mu niy som w stanie zaszkodzić
Tyn wongel czeko by sie łodrodzić
Jest jak rycerze kajś spod Giewonta
Stanie łogrzeje posprzonto w kontach
Potym rozbłyśnie nom na Europa
Kto go łobudzi ? Szukejmy chopa !!!
Obserwuj wątek
    • broneknotgeld Re: Ślonsko dusza 26.09.03, 10:43
      Niylekko pisać ło sprawach Ślonska
      No a jo pisza ze Polski konska
      Tyn wongel tukej trza w sercach szukać
      Do korzdych dzwiyrzy za tym poklupać
      To jest zadanie właśnie Ślonzoka
      By znod tyn wongel tyż u Poloka
      I bez różnicy kaj kery siedzi
      Niych kożdy Hanys nad tym sie biedzi.
    • broneknotgeld Re: Ślonsko dusza 26.09.03, 10:44
      ORDER ŚLONSKA
      Ze krziża czornego
      Cołkym żelaznego
      Promiynie wychodzom gwioździste
      Koloru biołego
      No i czerwonego
      Niy mogom być tukej srebrzyste
      Odznaka ta szczodro
      Tarcza mo tyż modro
      Ze orłym co macho skrzidłami
      Łon złote mo piora
      I dumno figura
      Bo piecza durś czimie nad nami.

      Takim tyn order jo widza
      Pomysłu tego sie niy wstydza
    • broneknotgeld Re: Ślonsko dusza 26.09.03, 10:49
      We żolu i złości pryndko idzie burzyć
      Bo take uczucia tymu bydom służyć
      Niych we głowie siedzi nadzieja i radość
      Co szkody naprowio i robi im za dość.

      Zapomnioł żech wyżyj napisać ło Czechu
      Bez rym zaś żech sie dopuścioł grzechu.
    • broneknotgeld Re: Ślonsko dusza 26.09.03, 10:50
      Co Ślonsk dzisioj znaczy
      Głośno wołać trzeba
      Bo przeca inaczy
      Niy bydzie tu nieba

      Trza tyż sie zaprzonc w te sanie
      Ciongnońć je gibko wzdłuż Odry
      Wtedy to lepi sie stanie
      Na Ślonsku tym złoto-modrym.
    • broneknotgeld Re: Ślonsko dusza 26.09.03, 11:08
      Pielgrzym śląski

      Zbłąkany w czasie na przestrzeni wieków
      Tułacz co zgłębić chce tej ziemi sedno
      Szukając śląskiej iskry dziś w człowieku
      Podlewa kwiaty - nie daje im zwiędnąć.
    • broneknotgeld Re: Ślonsko dusza 26.09.03, 11:55
      Niy idzie

      Niy idzie na to poradzić
      Ludzie lubiom sie durś wadzić
      Wspominajom stare dzieje
      Dioboł zaś sie z tego śmieje

      Niby pamiyńć ważno rzecz
      Dyć trza prziszłość w łoku mieć
      A tak zaś sie fest powadzom
      I paluchy kajsik wsadzom

      Mocny w gymbie czy w klawiyrze
      I tak zamknie potym dzwiyrze
      Durś niynawiść bydzie dusioł
      A czort dusza jego kusioł

      To niymiecko-polsko cycha
      Ślonzok niy znoł tego grzycha
      Dyć terozki tyż go mo
      Czi kamiynie - jedno dno.
    • broneknotgeld Re: Ślonsko dusza 26.09.03, 11:58
      Łostatni gyszynk

      Choć Niymcy Ślonskowi dali richtig wiela
      Po "łostatnim darze" mynczy sie ta sztela
      II wojna - wielki prezynt III Rzeszy
      Z tego sie tu nigdy niy bydymy cieszyć
      Chcesz poznać Ślonsk dzisioj - ło tym durś pamiyntej
      Jak to przikozanie kere przeca świynte.
    • broneknotgeld Re: Ślonsko dusza 26.09.03, 12:01
      Godka

      W polski szkole mie uczyli
      Godka ślonsko w niyj tympiyli
      Za Gomułki i za Gierka
      Niy szło wygrać we tych "bierkach"

      Dzisioj asić trza sie godkom
      Łona mowom naszom słodkom
      Kero nawet w dziegciu garcu
      Smak zachowo tego malcu.
      • broneknotgeld Re: Ślonsko dusza 29.09.03, 20:58
        Autonomio?

        Autonomio - dzisioj mit
        Dziwi teroz taki sznit
        W miyndzywojniu dyć to było
        Ślonsku w Polsce tyż służyło
        Dzisioj Ślonzek w Polsce leży
        Prawie cały -Kto niy wierzy?
        Autonomio teroz przeca
        To ideja kero z neca
        Może nawet być wyjynto
        By wspiyrać ta ziymia świynto
        Po kery durś Ślonzok chodzi
        Wspiyrać - powiym - a niy szkodzić.
      • broneknotgeld Re: Ślonsko dusza 29.09.03, 20:59
        Niy chciało Opole razym z "dziurom czornom"
        I dzisioj sie dali tukej tyż niy gornom
        Inkszo rzecz - smarkate przeca Katowice
        Niy chciały w Opolu mieć swoji stolice
        Dyć tyn Gorny Ślonzek niy mog stać sie cołki
        Bo wszyscy - po polsku - chcom czimać durś stołki.
      • broneknotgeld Re: Ślonsko dusza 29.09.03, 21:00
        Tymat Ślonzokow terozki gorki
        I literaty i profesorki
        Ło nos godajom cosik za wiela
        Dyć jakoś cicho ta ślonsko sztela

        "Dni Ślonska" zrobić - to moja rada
        Gryfno i głośno tako "parada"
        Co do Sztrasburga aż by zablysła
        By nom ta UE naprzeciw wyszła.
      • broneknotgeld Re: Ślonsko dusza 29.09.03, 21:02
        Ślonsk Ślonzokowi we duszy gro
        Yno niywiela durś z tego mo
        Była z tym nawet kedyś utropa
        Te granie dzwigo jednak boroka
        Łone go zowdy z kolan dzwigało
        Bo wielgo siyła przeca tyż miało
        Teroz te granie w Europie słychać
        - We tym jest wolność - niy trza już wzdychać
        Ślonzok sie przeca jakoś poradzi
        Bele by wreszcie przestać sie wadzić.
      • broneknotgeld Re: Ślonsko dusza 29.09.03, 21:05
        Jo sie starom ciepać wiela
        Na ta naszo ślonsko sztela
        Czasym rym mi blyśnie w gowie
        I przi inkszych pisze czowiek
        Przez komorka tyż nagrywom
        Jak sie życiu trocha dziwom
        I we gowie rym sie suje
        Potym słysza - "Łon wariuje".
    • broneknotgeld Re: Ślonsko dusza 29.09.03, 21:09
      Jakbych

      Jakbych wiyncyj czasu mioł
      To bych inksze fora "grzoł"

      -"Piszesz fraszki? Tyś jest chory!
      A to cug przed symaforym
      Droga wolno niych mu dajom
      I wajhami tak ciepajom
      Coby zjechoł Ślonzek cołki
      I słyszały go tyż "stołki".
    • broneknotgeld Re: Ślonsko dusza 29.09.03, 21:13
      Narod

      Konsek ziymi swoji
      Za tym Ślonzok stoji
      Dyć chocioż jest u sia
      Markotno mo dusza

      Niy majom go w zocy
      Niymcy i Polocy
      Szarpiom na dwie strony
      Mo być rozdwojony

      A przeca łon może
      Być sobom - moj Boże
      Sprow coby to było
      By sie już spełniyło

      Bo dzwignoł już gowa
      I słychać kajś słowa
      Że trza to szanować
      Jak niy chce sie chować

      W palica sie dropia
      Terozki już skopia
      Jest - głośno to pedzioł!
      Tymu kto niy wiedzioł!
    • broneknotgeld Re: Ślonsko dusza 29.09.03, 21:17
      Terozki po gowie chodzi taki rym
      Pon Boczek jest w Tobie wy mie i we nim
      Bestoż mie rzykanio za wiela niy czeba
      Chciołbych jo we inkszych znojść swoj konsek nieba
      Niy zowdy znojduja po prowdzie to powiym
      A czy niebo wy mie? - Łod kogo sie dowiym?
      Dyć som wontpić musza - znom czyńść swojich grzychow
      Jednak ślonsko dusza jest mi w tym pociychom.
    • broneknotgeld Re: Ślonsko dusza 29.09.03, 21:18
      Krytyki w tym polskim piekle potrzeba nom wiela
      Coby kożdy jasno widzioł jako naszo sztela
      Klara niychej nom prziświyci - wyraźnie pokoże
      Co we ślonskim tym łogrodku rosnońć już niy może

      Pewnie fest sie podziwomy ze tych wszyskich chwostow
      Dyć rynkowy zakosomy - zrobiymy kompostu
      Zaś na grzondkach wyplewionych ołberiba wzrośnie
      A i blumkol możno z czasym zamrugo radośnie

      Niy mogymy jednak czekać - teroz czeba sadzić
      Czas po tymu już nojwyrszy - niy werci sie wadzić
      Plewy zgnijom by z nich potym jakiś był pożytek
      Dobra dzisioj jednak czeba - to wcale niy zbytek.

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka