Oceania

[broneknotgeld]

Jak Australijo na forum momy
To z Oceaniom rada se domy
Nic to że wiela tam richtig wody
Ze ślonskim rymym styknie przigody.

[broneknotgeld]

Zdo sie

Zdo sie Pacyfik richtig szyroki
Dyć czy my na niym yno boroki?
Pozyjmaniymy na fali rymu
I łopowiymy cosik ło tymu.

[broneknotgeld]

W zocy majom egzotyka
forum.gazeta.pl/forum/72,2.html?f=28940&w=59380399
Możno tukej zacznom blikać.

[broneknotgeld]

Kusi zyjmana, tako wandrusa
Jo ze Europy tam niy wyrusza.

[broneknotgeld]

Tu ciyngym zima a tam cieplutko
Tanatos jaki śnik mi zaś utko?

[broneknotgeld]

Bych sie tam popływoł
A niy yno dziwoł.

[broneknotgeld]

Kaj wiela wody
wiyncy tyż zgody?

[broneknotgeld]

Kaj wiela wody
Tam tyż przigody.

Samoa

[broneknotgeld]

Zowdy tu ciepło choć niy za gorko
Daleko zdo sie dyć ponoć tonio
Możno se Francik wybiere z Dorkom
Toż te Samoa ciyngym im wonio.

[broneknotgeld]

Samoa

Dwie wiynksze wyspy Samoa mo
I pora małych tyż mi sie zdo.

[broneknotgeld]

Kolanijo

Toż kolanijom niymieckom była
Wtedy i kajzer mioł richtig siyła.

[broneknotgeld]

W administracyji

Nowo Zelandio administruje
Niym niypodległość sztela poczuje.

[broneknotgeld]

Samoa Zachodnie 1962

Czamu Zachodnie? -Skond jo mom wiedzieć?
Szczyńściym Samoa majom na przedzie
I już łod teroz sami se rzondzom
Nawet jak ździybko we tym pobłondzom.

[broneknotgeld]

Samoa 1997

Toż jedne miano we końcu prziszło
"Zachodnie" kajsik cołkym wycisło.

[broneknotgeld]

"Lawa-lawa"

Mozno ta kecka se tyż łobleka
Tako zaśpiywom - niy trza mi czekać.

[broneknotgeld]

Policaje

Se we keckach piyknie łażom
Tym nikogo tu niy rażom.

[broneknotgeld]

"Matai"

Familijo samoańsko "patriarchy" mo w zocy
Jak utropa jakoś przidzie w niego paczom łoczy
Na tych wyspach jest "matai" z piytnoście tysiyncy
Z sia parlamynt wybiyrajom - toż to ich niy mynczy.

[broneknotgeld]

Parlamynt

Sztyrdziści piyńć matai we chacie siaduje
Tako jest nojlepi - kożdy forszteluje.

[broneknotgeld]

Parlamynt

Sztyrdziści piyńć matai we chacie siaduje
Tako jest nojlepi - kożdy forszteluje
Co przi grobach wodzow nojlepi jest radzić
Ich duchy se złoszczom jak jak przidzie im wadzić.

[broneknotgeld]

"Fia-fia"

Śpiyw i taniec samoański
Ubaw lepszy niż ułański.

[broneknotgeld]

Cieśnina Apolima

Dwie wiynksze wyspy cieśnina dzieli
Abo i łonczy - co byście chcieli.

[broneknotgeld]

Wyspa Apolima

Łod niyj cieśniny cołke jest miano
Toż niy dlo gości łona im dano
Wysoko -zdo sie co niy dlo ludzi
Toż niyszczyńśliwy kto chce sie wkludzić.

[broneknotgeld]

Manono

Drugo wyspa we cieśninie
Łokym trza cijom pohalać
Dyć szif drapko jom tyż minie
Do Savaii pruje fala.

[broneknotgeld]

15 religiji

Tela religiji tukej wyznowajom
Ludzi nawet dwiesta tysiyncy niy majom.

[broneknotgeld]

Samoańske wodospady

Wiynksze łod niyjedny z Taterek siklawy
Zdo sie co natura szuko w niych zabawy.

wyspa Upalu

[broneknotgeld]

Upalu

Upalu myńszo dyć tu stolica
Apia ucieszy i twoje lica.

[broneknotgeld]

Fligrym we Apii zlondujesz
Zaroz se lepi poczujesz.

[broneknotgeld]

Wodospady Upalu

W szmaragdowym lesie woda szmaragdowo
Toż wodospad tukej rajskim sie wydowo.

[broneknotgeld]

Robert Luis Stevenson

Czy "Wyspa skarbow" karlusa znocie?
Jego mogiła tu przeca mocie
Jak go zmynczyła życiowo szarość
Wkludzioł se tukej - chcioż na starość

"Vailima" - tako dom zowiom jego
Dzisioj muzeum przeca istnego
Dyć tyż "Belweder" to samoański
W niym "piyrszy" przeca żywot mo pański.

[broneknotgeld]

Na szpica

Na szpica gory - mogiły szukej
Na Stvensona grob se pokukej
Nic to że skromny - toż wiyrzchym dusza
Skarb z niyj nojwiynkszy - tym trza sie wzruszać.

Apia

[broneknotgeld]

Z rana

Zowdy w stolicy tako jest rano
Łorkestra dynto do marsza gro
Za niom kompania wysztiglowano
-Kecki i biołe kaski dyć mo

Toz ze muzykom se maszyrujom
Ze promynady do rzondu gmachu
Fladze państwowy tako hołdujom
Zapomnom dźwignońć? -Z tym niy ma strachu!

wyspa Savaii

[broneknotgeld]

Savaii

Na połnocnym brzegu przi zachodzie słońca
Zdo ci sie coś doszoł aże raju końca.

Nowa Zelandia

[broneknotgeld]

"Aotearoa"

Przez Maorysow tako nazwano
Nowo Zelandjo ty Ziymi dano.

[broneknotgeld]

Nowo Zelandjo

Dwie wyspy wielke i jedna mało
Nowo Zelandjo zdo sie w tym cało
Bo te malutke niyzamiyszkane
Jako łokruszki yno jyj dane.

[broneknotgeld]

Kiwi

Chocioż możno nos to dziwi
Kto tu miyszko tyn tyż Kiwi.

[broneknotgeld]

3x"kiwi"

We Nowy Zelandji kiwi plantacyje
Choć ze tego miana jakby komedyje
Toż owoce ptoki no i tyż wyspiorze
Zwom sie tako samo na tym zocnym dworze.

[broneknotgeld]

Czi wyspy

Wyspa Połnocno i Połedniowo
Yno Stewarta tracić se zdowo.

[broneknotgeld]

Maorysi 800 r.n.e.

Prawiom co w tym czasie tukej przipłynyli
Tako i te wyspy we włodanie wziyli.

[broneknotgeld]

"Haere mai"

Zowdy "witejcie" wom tukej pedzom
Ci co łod downa na wyspach siedzom.

[broneknotgeld]

Koniec "Te Po" (ćmoka)

"Te Po" - na tym świecie ćmok zdo sie za dugo
Łojciec "Ranga" tako matce "Papa" mrugo
"Tane" - piyrworodny wyrwoł sie ze nocy
Coby ich rozłonczyć mioł dość wiela mocy
Toż fater zaślintoł - płaczki matka wziyła
Na rożniste wody se je podzielyła.

[broneknotgeld]

Maorysy

Czy to Azjaty, czy Afrykany?
Czy piyrwyj Egipt był im poddany?
Mezopotamji łostatnim szczepym?
Czy Hameryka była im lepym?

Ponoć do dzisioj se ło to wadzom
Skond Maorysy? Jako uradzom?