Partnerske regiony, powiaty, miasta i gminy

[broneknotgeld]

Downo to łaziyło już po moji głowie
Czy za wszysko brać se musi jedyn człowiek?

[broneknotgeld]

No ja, było to już na podzim 2004 roku, jak żech se prawie dowiedzioł, że mo
być organizowany Rok Polsko-Niymiecki.
Toż wydzwonioł żech wtedy do wydziału promocji rudzkego magistratu z prośbom ło
jakeś materiały, ciekawostki tyczonce sie niymieckich miast partnerskich.
Wyszło na to, że taki szary czowieczek jak jo, nic tam niy osiongnie, a i łoni
nic niy majom. Ano, mog żech yno wyrazić zdziwiynie takom "wspołpracom".
Toż powstoł wontek we kerym ciyngym tych miejscowości niy ma
forum.gazeta.pl/forum/72,2.html?f=28940&w=19671960&a=19671960
Choć szkoda.
Trocha podobne przejścia żech mioł wiosnom łońskego roku, jak żech se wybroł
osobiście do magistratu z prośbom ło materiały tyczonce sie partnerskiego
Giżycka. Dostołch jednak dwa folderki. Cołke szczyńście, że choć tela.
No dyć dotarcie do polskich tekstow ło ty szteli, to niy problym.
Zdziwioł mie jednak brak zainteresowanio tymi sprawami we wydziale promocji.
Czeci roz już im gowy niy byda zawrocoł, bo po co sie niypoczebnie nerwować.
Tymat wspołpracy miast partnerskich prawie chycioł "Dziynnik Zachodni", toż se
i do tego cajtonga byda zoglondoł, coby budować tyn wontek.

[broneknotgeld]

"Łonczy nos Olza"

Dwa cajtongi se kamracom
Ło partnerach połonaczom
Toż jaskołka piyrszo momy
Tym wspołpracy przikłod domy.

[broneknotgeld]

"Dziynnik Zachodni"

"Dziynnik Zachodni" z pyńdziałkym zowdy
Ło ty wspołpracy szkryfnie naprowdy.

[broneknotgeld]

"Dziynnik Morawsko-Ślonski"

Toż i tyn cajtong sztele promuje
Kaj kamracynie richtig se czuje.

[broneknotgeld]

A co słychać z partnerami?
Przeca my niy cołkym sami!

[broneknotgeld]

Wielkanocnie

Słać jajeczka trza partnerom
Niych se za wspołpraca bierom.

[broneknotgeld]

Tako teroz forszteluja
katowice.naszemiasto.pl/stolica_regionu/specjalna_galeria/4461_5407.html
Przeca sztele tym promuja.

[broneknotgeld]

Wiela rymow jeszcze bydzie
Yno wyna do mie przidzie.

[broneknotgeld]

Ano, ano - ze tym biyda
Wyny niy ma - zaś kajś ida.

[broneknotgeld]

Bydzie zaś leciało
tako jako miało?

[broneknotgeld]

Trza pociongnońć dali
-Czy bydzie na fali?

[broneknotgeld]

Kaj partnerstwo sie rozwijo?
forum.gazeta.pl/forum/w,28940,46473775,,Partnerske_regiony_powiaty_miasta_i_gminy.html?s=0
W internecie - niy mecyjo.

Wisła - Hukvaldy

[broneknotgeld]

Wisła - Hukvaldy 1998

Toż ze tym rokym sztele braterske
Nigdy niy trefi to co niyherske.

[broneknotgeld]

Środkowoeuropejski Turniej Fuzbalu

Z Hukvaldy wylazła ta zocno ideja
By se fuzbalery poznali w turniejach
Litwiny Pepiki tako i Słowaki
Z wiślokami grajom w fuzbal niy dlo draki.

[broneknotgeld]

Fojermany dyć se znajom
W te i we wte rajzyrujom
Doświadczynie wiynksze majom
Jak tyż razym potrynujom.

[broneknotgeld]

"Dni kultury"

Były take we tych sztelach
I na zmiana se to dzioło
Kosztowały dyć za wiela
Toz ich niy ma - mniyj wesoło.

[broneknotgeld]

Wisła

Niy był żeś w Wiśle?
Toż straciołś wiela
Dyć cie zaproszo
Ciyngym ta sztela!

[broneknotgeld]

Przijyżdżajom

Z Hukvaldy do Wisły ciyngym przijyżdżajom
Jak "tydziyń beskidzki kultury" tu majom.

[broneknotgeld]

Podstawowka w Wiśle-Głymbcach

Toż ta szkoła prawie w Wiśle ze tego nom słynie
Że jest richtig skamracono z podobnom w dziedzinie
Co sie zdo być cołkym blisko - droga niydaleko
Drapko mijo bo to wiedzom - Hukvaldy ich czeko.

[broneknotgeld]

Wisła

W dolinie Wisły dziedzina leży
Wielko jest richtig - możecie wierzyć
Mo kolaniji tela cuzamyn
Żech se tam stracioł - choć niy na amyn.

[broneknotgeld]

Kościoł wangelicki 1838

Pyjtra i Pawła miano se nosi
Wiara w Krystusa ty szteli głosi
Choć Ślonsk Cieszyński tyż wangelicki
Dyć krześcijański przeca na wdycki.

[broneknotgeld]

Hukvaldy

Małe Hukvaldy Wisły partnerym
Zocne historiom - to powiy kery
Tako tyż żyje fest turystykom
Komuś to wadzi? Łoberwie krykom!

[broneknotgeld]

Zamek Hukvaldy

Średniowieczny zamek cie tukej zodziwi
Biskup z Ołomuńca dyć ło niego dboł
Tako dzisioj cieszy - zdo sie być szczyńśliwy
Kto tukej rodzony zowdy szteli pszoł.

[broneknotgeld]

Na gon

Na gon do Hukvaldy - daniele czekajom
Toż zwiyrza takego pod Wisłom niy majom.

[broneknotgeld]

Miyndzynarodowy Festiwal Muzyczny Janaczka

Tako festiwalym ta miejscowość słynie
We morawsko-ślonski niy yno dziedzinie.

[broneknotgeld]

Tabula Janaczka

Kaj se kompozytor rodzioł
Dali ta tabula
Po ty szteli młody chodzioł
Tela - niy chca fulać.

[broneknotgeld]

Z Janaczkym

Z Janaczkym Hukvaldy tako se kupluje
Że na kozdym kroku jego ducha czuje
Zdo sie co w ty szteli ciyngym istny gro
Ze tego uciecha naprowdy tyż mo.

[broneknotgeld]

Browar

Mo dziedzina mały browar
Toż niych żyje ich piwowar!

[broneknotgeld]

"Hukvaldski Leżak"

Pokosztoweć piwka trza
Co hukvaldske dobre - pra?

[broneknotgeld]

Zamek

Z czinostego wieku stoji tu zamczysko
Ło swoji historji czy łopowiy wszysko?
Możno drzewa w parku tyż zaszumiom tako
Czi idzie spokopić to wszysko jednako?

[broneknotgeld]

Jest skarbym

Zamek dlo Hukvaldy już na zowdy skarbym
Żodyn tu niy powiy że łon jakimś garbym.

Siemianowice Śl. - Jabłonków

[broneknotgeld]

Siymianowice Śl - Jabłonkow 1997

We "Gorolske Świynto" tam Siymianowice
Zaczyły zoglondać - tako richtig wiycie
Ze tym szteli prziszło drapko kamracynie
Za rok podpisane - toż niychej niy minie.

[broneknotgeld]

Jabłonkow - Siymianowice Ślonske
23.04.1998

Dni Kultury Czeski były w Katowicach
Toż se radowała ślonsko okolica
Tako z Siymianowic no i Jabłonkowa
Burgemajstry szkryfli wspołpracy umowa.

[broneknotgeld]

Herb Jabłonkowa

W herbie Jabłonkowa jabłonka znojdziecie
I Baranek Boży tyż na niym jest przecie
A do tego oreł - przeca tyn nasz ślonski
W Czechach tyż regionu naszego som konski.

[broneknotgeld]

6000 dusz

Tela w Jabłonkowie dusz żywych rachujom
Dyć skuli turystow ludniejsze se czujom.

[broneknotgeld]

10 km. kw.

We dolinie Olzy zdo sie to niywiela
Blyszczy jednak jasno jabłonkowsko sztela.

[broneknotgeld]

Jabłonkow 1435

Ło Jabłonkowie cosik szkryfnyli
Toż w historyjo tako wdepnyli.

[broneknotgeld]

Jabłonkow 1569

Princ na Cieszynie doł miejske prawa
Fest se radujom z woli Wacława
Piwo i wino już tu rychtujom
Tako na torgu wiela handlujom.

[broneknotgeld]

Toż winszuja wom partnera
forum.gazeta.pl/forum/72,2.html?f=134&w=41376746
Trza kamracić fest se teraz.

[broneknotgeld]

"Gorolske Świynto" 5-6.08.2006

"Gorolske Świynto" już se skończyło
Kamratow przeca wiela tam było
Szczyńściym tyn zocny "tydziyń beskidzki"
forum.gazeta.pl/forum/72,2.html?f=28940&w=46039776
Sztele cuzamyn kupluje wdycki.

[broneknotgeld]

We Gogolinie

Blyszczy Jabłonkow we Gogolinie
Tako tyż przeca ślonski dziedzinie
Toż se cuzamyn gryfnie kamracom
I we kulturze tako bogacom.

[broneknotgeld]

Ćwierć Jabłonkowa

Ćwierć Jabłonkowa to som Ślonzoki
Toż jakby momy te same zoki
Godka cuzamyn sztele kupluje
Tukej to kożdy dyć forszteluje.

[broneknotgeld]

Po naszymu

Po naszymu w Jabłonkowie
Pogodać se idzie
Ślonzok tukej - zocny czowiek
-Niych na zowdy bydzie.

[broneknotgeld]

Jablonkov

Kaj Łomna ze Olzom wody swoje zlywo
Tam se Jabłonkowu wandrus zowdy dziwo.

[broneknotgeld]

Cieszyński ziymi

Cieszyński ziymi to piyrwyj sztela
Cosik do dzisioj łostało
Tu sie podziwosz na ślonsko frela
Gryfniejszych richtig jest mało.

[broneknotgeld]

Czesko-ślonski Jabłonkow

Toż tu roztomajcie pogodać se idzie
Czesko-ślonsko-polsko zgoda tako przidzie.

[broneknotgeld]

Myńszościowo szkoła

Ano - Jabłonkow tako tyż blyszczy
We kamracyniu tym wiela zyszczy.

[broneknotgeld]

Z Madziarow

Z Madziarow do Polski szlak wiod stary tukej
Na Wrocek czy Krakow se kupce keryjom
We tym dobrobytu Jabłonkowa szukej
To przeca i dzisioj richtig forsztelujom.

[broneknotgeld]

Siymianowice Ślonske

Grod ajzy wonglo - to juz za niymi
Choć ciyngym siyła trza brać ze ziymi
Kero nom przeca matkom na zowdy
Kto niy spokopioł ty wielki prowdy?

[broneknotgeld]

Jabłonkowiany ze wsparciym przidom?
forum.gazeta.pl/forum/72,2.html?f=28940&w=40651986&a=41368868
Siymianowice we złocie bydom?

[broneknotgeld]

Przi "Gorolskim Świyńcie"

Ze Siymianowic we Jabłonkowie
Tyż se zabawioł niyjedyn czowiek.

[broneknotgeld]

Jakby goście z Jabłonkowa
Wsparły te Siymianowice
forum.gazeta.pl/forum/72,2.html?f=28940&w=40651986&a=41368868
Pozłociyli by tu gowa
Burgemajstra - sami wiycie.

[broneknotgeld]

Dubeltowo

W Jabłonkowie dubeltowe
znojdziecie napisy
Polske tukej som szrajbniome
a ślonski se słyszy.

[broneknotgeld]

"Gorolske Świynto" zowdy tu latym
Jabłonkowiany przeca som za tym.

[broneknotgeld]

Coś po polsku ło dziedzinie
www.jablunkov.cz/historie/historie_pl.html
Niychej szteli niy łominie.

Siemianowice Śl. - Mohacz

[broneknotgeld]

Downo tymu

W bitwie pod Mohaczym Turki gorom byli
I zaroz te ziymie sami zasiedlyli
Tutejszym niywola zoglondnyła w łoczy
Pokryli sie wszyńdzie by niy być w ich mocy

Po lasach barzołach na wyspech Dunaju
Szczyńście sie skończyło - niy ma dlo nich raju
Dyć roz przi branderze starzik przepowiedzioł
Że wrocom zaś do dom - łon dobrze to wiedzioł
Broń im kozoł znosić robić groźne maski
I czekać durś znaku - jakby Boży łaski.

Tako tyż sie stało - ciyrpliwie czekali
W końcu przeca znak tyn - jak godoł - dostali
Poszli z tym co mieli - Turka przegoniyli
W Mohaczu juz teroz panami zaś byli

Tako to legynda ło tych dziejach prawi
Skiż tego sie miasto we karnawał bawi
I chocioż historio coś inkszego godo
Tańcuj ciesz sie z niymi - to szczyńścio ci dodo.

[broneknotgeld]

"Buso" w Mohaczu

W "Buso" we Mohaczu wielce sie radujom
"Buszowniki" tukej festelnie świyntujom
To jakby pamiontka historyji miasta
Pij tańcuj i śmiyj sie - szczyńście we tym - basta.
--

"Odrodzynie"

Odrodzynie! - Tako ryczom tukej dzieci
Jak już tyn karnawał we Mohaczu leci
Bajtle swojym larmym wszysko zaczynajom
Dyć potym sie starsi w zabawa włonczajom.

[broneknotgeld]

Plac Kolo

Tukej sie zbiyrajom ichnie przebiyrańce
Kożdy maska nosi z wielkimi rogami
Larma robiom wiela zaczynajom tańce
Jak głowami Turkow bawiom sie kreplami.
--

Łostatnio niydziela

Cały dziyń zabawa - świyntujom do nocy
Na koniec zaś łogyń se ciepie we łoczy
Wielgachny fojery pamiontki po czasach
Jak kryć sie musieli przed Turkym po lasach.

Powiat Gliwicki - Powiat Pucki

[broneknotgeld]

Tako wspołpraca majom wzorcowo
forum.gazeta.pl/forum/72,2.html?f=28940&w=40657700
Łosobny wontek rośnie z tym zdrowo.

[broneknotgeld]

Toż sztele polske tyż se kamracom
Tako wzajymnie przeca bogacom
Trza ło tym szkryflać we wontku takim
Koncept choć wielki dyć niy jednaki.

[broneknotgeld]

Kurde bele - sie dziwuja
www.dziennikzachodni.pl/artykul/3317578,niesamowite-zjawisko-lodowe-kule-na-plazy-w-jastarni-zobacz-wideo,id,t.html
Dyć kulami tyż raduja.

Karwina-Wodzisław Śl.-Jastrzębie Zdrój-Jaworzno-Mi

[broneknotgeld]

Karwina - Wodzisław Ślonski - Jastrzymbie Zdroj - Jaworzno - Mieres - Rybnik

Toż se Karwina wiela kamraci
Cuzamyn przeca zowdy bogaci.

[broneknotgeld]

Piyńciu parnerow mo ta Karwina
-Naszo nojbardzi wciongo dziedzina.

[broneknotgeld]

Karwina - Wodzisław Ślonski 1991

Juz se kamracom piytnoście rokow
Czy miyndzy niymi zabrakło ćmoku?

[broneknotgeld]

Karwina - Jastrzymbie Zdroj

Tako cuzamyn richtig dwa zdroje
Choć skuli wonglo wiynksze tu boje.

[broneknotgeld]

Karwina - Jastrzymbie Zdroj 1995

Tako cuzamyn richtig dwa zdroje
Choć skuli wonglo wiynksze tu boje.

---------

Ze rokym fraszka lepszo tu bydzie
Możno zapytać ło to ktoś przidzie

[broneknotgeld]

Karwina - Jaworzno 2000

We łobu herbach zielono widać
Na kamracynie choć grosz trza by dać.

[broneknotgeld]

Karwina - Mieres 2002

Aż w iberyjsko zoglondo sztela
forum.gazeta.pl/forum/72,2.html?f=28940&w=19764660&a=20274859
Tam se wygrzywo z Karwiny frela.

[broneknotgeld]

Karwina - Rybnik 2004

Kamrat Karwiny naprowdy świyży
Dyć we wspołpracy zdo sie łon bliży

[broneknotgeld]

Patrzy

Patrzy Karwina i do Skoczowa
Czy za tym pódzie jakoś umowa?

Karwina

[broneknotgeld]

Frysztat

Frysztat - historio szkryflo tyż tako
Ze downych wiekow - dyć niy jednako.

[broneknotgeld]

Skuplowała

Skuplowała Karwina rożniste dziedziny
Teroz w jedny szteli wszyske łone driny.

[broneknotgeld]

Zdroj 1862

Jodobromowo znodli dyć woda
Trza se kurować bo przeca szkoda
By se te dobro tu zmarnowało
Tako i Zdrojym drapko łostało.

[broneknotgeld]

Rosły te gruby

Ech - we Karwinie rosły te gruby
Ktosik tyż ze nich był aż za ruby
Tako bergmonow miasto i dzisioj
Ło tym pewnikym już kożdy słyszoł.

[broneknotgeld]

Karwina

Łod połnocy karwina graniczy ze Polskom
Możno bestoż zdo sie co bardzi nom swojskom
Ano - w ty dziedzinie spotkosz i Ślonzoka
Tako se ci werci za ta Olza skokać.

Wodzisław Śl.- Jastrzębie Zdrój-Jaworzno-Mieres-Ry

[broneknotgeld]

Wodzisław Ślonski i ta Karwina
Z downa bratersko jakby dziedzina

[broneknotgeld]

Wodzisław Ślonski - Karwina 1954

Sztele w komunie se skamraciyły
Jako cuzamyn w tych rokach żyły?

[broneknotgeld]

Rajd

Z Wodzisławia do Karwiny
Na kole rajzujom
To kupluje dwie dziedziny
Tako wszyscy czujom.

[broneknotgeld]

"Dni Karwiny"

"Dni Karwiny" we Karwinie
Toż Wodzisław niy łominie.

[broneknotgeld]

W "Dni Wodzisławia"

W "Dni Wodzisławia" goście z Karwiny
Zowdy zoglondnom do ty dziedziny.

[broneknotgeld]

Wodzisław wspiyro
www.nowiny.rybnik.pl/artykul,28883,radni-poparli-slaski-jezyk.html
Wiy kto zaziyro.

Jastrzębie Zdrój-Jaworzno-Mieres-Rybnik-Karw ina- W

[broneknotgeld]

Jastrzymbie - Zdroj 1861-1991

Dość dugo tukej se kurowali
Niy poradziyli już ciongnońć dali
Tela że w mianie szteli łostało
To z czego piyewyj tyż profit miało.

[broneknotgeld]

Gołymbie?

Myślołbyś - ludzie jako jastrzymbie
A ze nich tukej istne gołymbie.

[broneknotgeld]

Jastrzymbianin

Jastrzomb - ptok kery furgo wysoko
A jastrzymbianin do szoli skoko
I fuk - kaj słonka już cołkym niy ma
Kusi go richtig ta tusto ziymia?

[broneknotgeld]

"Dawny Krajobraz Górnego Śląska"

Toż jastrzymbsko bibliotyka
ta ksionżka wydała
Dyć karwińsko we tym wiela
richtig pomogała
Jest po polski i po czesku
-ze tym kamracynie
Se przidała łobu sztelom
-co niychej niy minie.

Jaworzno-Mieres-Rybnik-Karwina-Wo dzisław Śl.-Jastr

[broneknotgeld]

Jaworzno - Karwina

Z tym tysioncleciym se już kamracom
Tako kultura swoja bogacom.

[broneknotgeld]

Co tu szkryfnońć jak wiym mało?
Dejcie cosik by leciało.

[broneknotgeld]

Se kamracom

W szporcie, oświacie, kulturze
Ponoć se istni kamracom
Dyć tinty niy mom we piorze
A w gowie myśli już tracom.

Jaworzno

[broneknotgeld]

Jaworzno 1242

Biskup Prandota kupioł dziedzina
Benedyktynki wpiyrw jom czimały
Rudy ołowiu kryła ta ziymia?
Ano - dyć gyszeft z tego był mały.

[broneknotgeld]

Jaworzno 1242-1789

Biskup krakowski dugo tu panym
Chłop z okolicy jego poddanym.

[broneknotgeld]

We XIII wieku

We czinostym wieku rud tukej szukajom
Ze ołowiym srybra ździybko dobywajom.

[broneknotgeld]

Wiek XVIII

Wongel już grzeje ta okolica
Chocioż niyśmiało pokozoł lica.

[broneknotgeld]

We Szczakowyj 1766

Ponoć ze tym rokym zaczli wongel kopać
Tako na bergmona szkolom tukej chopa.

[broneknotgeld]

Grof Moszyński 1792

Tyn grof Moszyński wele Dombrowy
Richtig wbioł se to teroz do gowy
Co gruba trza tu drapko wystowić
Wongel dobywać a niy niym bowić.

[broneknotgeld]

Jaworzno 1889

Toż na przemyśle tako urosło
Że do praw miejskich z tym rokym doszło.

[broneknotgeld]

Krakow ze Lwowym 1919

Krakow ze Lwowym gruby kupiyły
By austryjocke w Polsce niy były.

[broneknotgeld]

Szczakowa 1933

Erbła Szczakowa tyż miejske prawa
Dzisioj z Jaworznym yno zabawa.

[broneknotgeld]

"Wielke Jaworzno" 1956

Toż som piyńćdziesiont rokow cuzamyn
Wsie ze Szczakowom wlazły na amyn
Bestoż Jaworzno epne tu momy
I zdo sie take już yno znomy.

[broneknotgeld]

Ksiondz Stanisław Stojałkowski (1845-1911)

Dynkmal przi kościele ksiynzoszka se stoji
Tako łon Jaworzno w historyjo stroji
Tukej był opokom ruchu ludowego
No i z powołanio tyż Słowa Bożego.

[broneknotgeld]

Parafijo św. Wojciecha

Patronym Jaworzna mogby Istny być
Paragijo zdo sie mo nojstarszo w pieczy
Dyć czy lekci ze tym byłoby im żyć?
Toż i we ty szteli bezrobocie skrzeczy.

Mieres-Rybnik-Karwina-Wodzisław Śl.-Jastrzebie Zdr

[broneknotgeld]

Bydzie wontek rozwojowy
Dyć niy szkryfna nic ze gowy.

Rybnik-Karwina-Wodzisław Śl.-Jastrzębie Zdrój-Jawo

[broneknotgeld]

"Dni Karwiny" w Rybniku (V.2006)

Latoś dziedziny to zrychtowały
Z Uniji geld dołożyli
Tako już sukces richtig niymały
Czy inksi muster se wziyli?

[broneknotgeld]

"Dni Rybnika" w Karwinie (VI.2006)

Maj był Rybnika - czyrwiec Karwiny
Niychej kamracom se durś dziedziny.

[broneknotgeld]

Pyndzyjonisty ze Paruszowca

Pyndzyjonisty ze Paruszowca
se do Karwiny rajzujom
Do sia tyż proszom swojich kamratow
co zocne to pokazujom.

[broneknotgeld]

"Karwina na zdjyńciach"

Była w Rybniku tako wystawa
Autorym Edmund Kijonka
Tako kamratow zocno to sprawa
Trza we kulturze se tonkać

[broneknotgeld]

Rybnik XII w.

Czy za głymboko we dzieje blikom?
Ponoć szkryfnyli coś ło Rybniku.

Ostrawa - Katowice

[broneknotgeld]

Ech - niy yno dlo zabawy
Chyca teroz se Ostrawy
Co prym na Morawach wiedzie
Toż niych bydzie tu na przedzie.

[broneknotgeld]

320 tysiyncy dusz

We Czechach trzecio ta miejsko sztela
Dyć skuli tego znaczy tyż wiela
Jako z tym rownać se Katowicom?
Choć trocha wiyncy dusz przeca liczom.

[broneknotgeld]

Stary ratusz (XVI w.)

Tyn stary ratusz trza nom łodwiedzić
Tukej Muzeum Ostrawske siedzi
Kaj historyjo grodu poznocie?
Na wiyrchu przeca jom jakby mocie.

[broneknotgeld]

Muzeum Gornicze we Ostrawie

Noy trza se dziwać że łone prawie
Znojdziecie tako we ty Ostrawie
Tu nawet dzisioj w bergmońskim fachu
Jak kery robi to niy mo strachu
Ze Polski ludzi przeca werbujom
U nos niy idzie - tu pofedrujom.

[broneknotgeld]

Na gorce Landek

Piyrwyj tu łowcy mamutow żyli
Cosik ze tego łostało
Toż do muzeum to wszysko wziyli
By wiela se dziwowało.

[broneknotgeld]

Muzeum Gornictwa Wynglowego
Ostrawa-Petrzkowice 9.IX.2006

Bergmony w Ostrawie ze tym dniym świyntujom
Dziewiontego września zowdy se radujom
Toż prawa bergmońske we tym dniu Jihlava
Dostała ze ryncow krola Czech - Wacława.

[broneknotgeld]

"Janaczkowy maj" w Ostrawie

Melomana tym pokusi
W maju tu zoglondnońć musi
Choć na wonglu ciyngym stoji
Grod w kulturze wiela broji.

Kolonia - Katowice

[broneknotgeld]

Kolońsko katedra

Szejset lot dźwigali
W koncu zrychtowali
Niychej se niom aszom nojmni druge tela
Bo czym bez katedry jest ta miejsko sztela?


"Żywo siyła"

Z fligow tepichym Kolonia pokryli
Yno katedra durś stoła
W Niebo wołała - Bydymy tu żyli!
Nawet sie łognia niy boła

Kaj łona przeca - chnet wszysko łodrośnie
W niyj siyła żywo "zaklynto"
Czowiek - nadzieja - blikanie ku wiośnie
A niy zaś jakeś "memynto".

[broneknotgeld]

20 Światowe Dni Młodzieży

Co czi dni znaczom w historii miasta?
Z krześcijańskego dyć rosło ciasta
I tako dali niychej tu bydzie
Ze Dni Młodzieży dobro w świat idzie.



Jako ku dobru?

Jan Paweł II zwołoł tu modych
Papiyż Benedykt jednak ich witoł
Jedyn zakonczoł życio przigody
Drugi za Niego Ponboczka pytoł

Jako ku dobru wiyźć modych dali?
Jako w ich dusze wloć pszonie świata?
W ty intyncyji tyż z Niym rzykali
Ci przed kerymi prziszłe som lata.



"Przybyliśmy oddać Mu pokłon"

Dyć prziszli młodzi - w Kolonii siyła
pont znakym wiary dlo nich głymbokim
Co ciyngym bydzie jako i była
Pokłon dać Jymu richtig głymboki.

[broneknotgeld]

Mu ulżyło

Już dwa tysionce rokow niom rod
Zdo sie w ramiona jeji łon wpod
Prawiom - Rynowi przi niyj ulżyło
Wpiyrw gorzi ze niym podobnoś było.



Kolonia 33 r.p.n.e

Ciśli w ta strona łostro Rzymiany
Chocioz broniyli se fest Germany
Tako nad Rynym rodzi se sztela
Historio do jyj gyszynkow wiela.


Kolonia 50 r.n.e.

Sie Agrypina Młodszo w niyj rodzi
Co za cysorza Rzymu wychodzi
Klaudiusz szczyńśliwy nadaje prawa
Miasta rzymskego - toż niy zabawa
Stond tyż Koloniom zwać sie już może
Rzymskom - tref ze tym wcale niy korze.

[broneknotgeld]

Kolonia IV w.

Stolicom biskupstwa Kolonia sie stała
Krześcijaństwu tako wiela łod sia dała.


Krześcijaństwo

Z połnocy cysorstwa zdo sie być na kraju
Bestoż krześcijany myślom tu ło raju?
Dyc stare we nowe sie leko niy miyni
Mynczyństwym znaczono przemiana ty ziymi.


Seweryn Gereon Urszula

Wspomnieć trza te miana
Jejich śmierć za wiara
Łokwieci se rana
Zdo sie już na marach

Życiym bogobojnym
Świyntości służyli
Przikłodym dostojnym
Dlo pokolyń byli

Z jejich mogił aże
Wyrosły kościoły
Ponboczek niy karze
Z Niymi jest wesoły

Chwała tymu światu
Za dzieci przezocne
Z niych mosz wiela blasku
I korzynie zocne.

[broneknotgeld]

Wolne Miasto Rzeszy

Łod średniowieczo po nowsze czasy
Biydom Kolonia Niymiec niy straszy
Toż ciyngym rośnie - durś sie bogaci
Profity zbiyro rzodko zaś traci.


Woda kolońsko (XVIIIw.)

Ze Italyji koncept tyn wziyła
Se na ty "wodzie" tyż wzbogaciyła
Niuchoł ktoś kwiotki na szpyrytusie
Toż ze tym jakby kłonioł i tu sie.


"Eau de Cologne"

Yno jom niy myl z "wodom łognistom"
Zdrowi jak gymba przepłokosz "czystom".

[broneknotgeld]

Katedra kolońsko

Toż drugo wojna jom łoszczyńdziyła
Stoji durś tako jako wpiyrw była
Alianckim fligrom latarniom zdo sie
Poczebnom - z tego cud jakby mo sie.


12 kościołow

Dwanoście kościołow romańskich tu przeca
Kożdy zocnom gwiozdom na kolońskim niebie
Łozdoby to wielke tutejszego neca
Na chwała dźwignione Ponboczku dyć Ciebie.


Kościoł św Gereona

Konstrukcyjom swojom zodziwi kożdego
Bydziesz we Kolonii zoglondnij na niego.

Brzeżany - Kluczbork

[broneknotgeld]

Brzeżany XIII w.

Władysław Opolczyk zasiedloł ta sztela
Jak był prawom rynkom tu krola polskego
Ze Brzega pościongoł i ludzi dość wiela
Tyż miano dziedziny se wziyło ze tego.

[broneknotgeld]

W rynkach Sieniawskich

W rynkach Sieniawskich sztela kresowo
Niyroz w łobronie granicy stowo
Tatary, Turki, nawet Kozoki
Tukej właziyły ze śmiertkom w ćmoki.

[broneknotgeld]

Z Izabelom Czartoryskom

Cera Zofiji komu wydano?
Już Lubomirski trzimie jyj wiano
Przeca Brzeżany źle se niy majom
Zocne familje ty szteli pszajom.

[dinozaurklb]

broneknotgeld napisał

W rynkach Potockich Brzeżany dugo
Zły tref w dwudziestym wieku zamrugo
Skiż drugi wojny wszysko stracone
Tako dlo Polski tu nastoł koniec.



Historia niezakończona
Kluczbork - Brzeżany,
miłość nieskończona.

[dinozaurklb]

www.nto.pl/apps/pbcs.dll/article?AID=/20020615/REGION/106150020&SearchID=73253941451925
Ślązak, chadziaj dwa bratanki
już nalewam wina do szklanki.
W magistracie wina jest wiela,
polejmy na ta sztela.

[broneknotgeld]

Szteli niymiecki tyż se chycymy
Skiż jejich winka polecom rymy.

[broneknotgeld]

Brzeżański kościoł farny 1620

Toż Sieniawski go fundowoł
By Ponboczka chwolić
Przikłod dlo potomnych dowoł
-Niychej nikt niy smoli.
--

Bernardyny w Brzeżanach

Staraniym Sieniawskich
Tu Bogu służyli
Niy skompioł im łaski
Tako Go chwolyli.

[broneknotgeld]

Kościoł Bernardynow

Przed wiedyńskom wiktoryjom
Już stanoł se tukej
Jak do Brzeżan kedyś trefisz
Na niego pokukej.

I porzykej se w świontyni
Tyż do Antonika
Możno tref ci zły łodmiyni
-Mie wystyknie klikać

[broneknotgeld]

Marszałek Rydz-Śmigły

Dyć wydały go Brzeżany
Choć ze niego wodz przegrany
Sieniawskiego chcioł iść śladym?
Ano - niy doł karlus rady.

[broneknotgeld]

Jan Pfister (Hanusz Snycerz)

Tyn istny Brzeżany naprowdy rozsławioł
Kunsztym to rzeźbiorskim swojym przeca sprawioł
Ło "Hanuszu" wiela prawiyli we Lwowie
Znali jego rynka tako i w Tarnowie.

[broneknotgeld]

Zamek w Brzeżanach

Zamek w Brzeżanach
-dzisioj ruina
Dyć pokazuje
co za dziedzina.

[dinozaurklb]

broneknotgeld napisał:

> Zamek w Brzeżanach
>
> Zamek w Brzeżanach
> -dzisioj ruina
> Dyć pokazuje
> co za dziedzina.


www.tpfprzemysl.w.kki.pl/zamki/brzezany.html
świta?

plfoto.com/zdjecia/710888.jpg

[broneknotgeld]

W Podolski Szwajcarji

W Podolski Szwajcarji
leżom te Brzeżany
Tako im ciekawy
konsek ziymi dany.

[broneknotgeld]

Zamek w Brzeżanach

Toż go wojna tyż zniszczyła
www.tpfprzemysl.w.kki.pl/zamki/brzezany.html
Twierdza piyrwyj zocno była.

[broneknotgeld]

Zamek dzisioj

Richtig bajkowo
plfoto.com/zdjecia/710888.jpg
Wom tyż sie zdowo?

życie w zamku...

[luna-a]

broneknotgeld napisał:

> Zamek dzisioj
>
> Richtig bajkowo
> plfoto.com/zdjecia/710888.jpg
> Wom tyż sie zdowo?

Co noc basztę osrebrzałam,
wielką w tym uciechę miałam.
Oglądałam, to dzięki poświacie,
jak w zamczysku płynie życie.
O, a było tam wielu gości znamienitych,
na nich szaty strojne, bogactwem obszyte.
Słowem wytworne towarzystwo. Piękne damy,
gdy nieco starsze po prostu matrony,
obok wytworni, przeważnie stateczni panowie...
A gdy przy beczkach z wiekowym winem za zdrowie
przepijali zbyt gorliwie, byli jak współcześni
rozzochoceni, hałaśliwi, agresywni, rubaszni.

-
;b!
_
forum.gazeta.pl/forum/71,1.html?f=26289

[broneknotgeld]

Magnaterio tam kresowo
Ciyngym straszy - czy sie zdowo?
Tako Luna nom blysnyła
Prawi co na balu była.

[broneknotgeld]

Czy ktoś ze hufca wontek wzbogaci?
www.radio.opole.pl/wiadomosci,12757.html
Kluczbork z tym zysko a niy utraci.

[broneknotgeld]

Brzeżany 1375

Z kart historyji dane nom tako
Waśko je chycioł - tyn Teptuchowicz
W Brzeżanach żodyn ło to niy płakoł
Jak dali było? Fraszko - łopowiydz!

[dinozaurklb]

broneknotgeld napisał:

> Toż go wojna tyż zniszczyła
> Twierdza richtig wielko była.


Po raz czwarty harcerki i harcerze z kluczborskiego hufca ZHR jadą do Brzeżan,
by pomóc w odnowie Zamku Sieniawskich.

www.radio.opole.pl/wiadomosci,12757.html

[broneknotgeld]

Niychej ich dobro do Brzeżan wiedzie
Skiż kamracynio tako na przedzie.

podaj cegłę, podaj cegłę...itd...jak w piosence

[dinozaurklb]

Harcerze z kluczborskiego ZHR-u wrócili z Brzeżan. Porządkowali ruiny pałacu i
kaplicy Sieniawskich. Do pomocy włączyły się nawet tamtejsze władze.


Władze Brzeżan przyłączyły się do pomocy. Zabytek oplotły rusztowania.
ZOBACZ ZDJĘCIA
Harcerze na Ukrainie

To było niezwykłe doświadczenie - mówi Basia Ciach. W wyprawie do Brzeżan brała
udział pierwszy raz.
- Nie wiem, w jakim stanie był pałac i kaplica, kiedy była tam pierwsza ekipa -
mówi Ewa Sobota. - Ale pracy wciąż jest tam bardzo dużo. Na lata.
Harcerze zajmują się głównie porządkowaniem zrujnowanego zabytku. Po kolejnych
wyprawach widać efekty. Zauważyły to nawet władze Brzeżan.
- I wysupłali pieniądze na zabezpieczenie dachu, by deszcz nie lał się do środka
- mówi Grzegorz Skóra. - Poza tym ogrodzonego obiektu pilnuje stróż.
W tym roku harcerze zamurowali dodatkowo przejścia w murach otaczających
zabytek, by odciąć drogę wandalom.
- Zamieniliśmy się trochę w archeologów - mówi Maciej Lewandowski. - Odkryliśmy
w podziemiach kaplicy kamienne zdobienia ołtarzy oraz części nagrobków: z
granitu, marmuru, niektóre z alabastru.

Wśród znalezisk były też fragmenty ludzkich czaszek. O każdym odkryciu
informowany był dyrektor muzeum, na którego terenie znajduje się kaplica i pałac
Sieniawskich.
- Udało nam się nawet dokopać do studni - mówi Bartosz Radzwan. - Woda pojawiła
się na głębokości 7-8 m.
- Odwiedził nas burmistrz Brzeżan. I był pod wrażeniem naszych prac - dodaje
jedna z harcerek. - Byłoby super, gdyby udało się ten obiekt w całości
odrestaurować. Ale to wymaga lat pracy i ogromnych nakładów - kwituje Ewa Sobota.
Jest jednak nadzieja, że do harcerzy z Kluczborka dołączą studenci archeologii z
Krakowa, którzy pod okiem fachowców odnawiają polskie zabytki w Żółkwi na
Ukrainie. I nie mają nic przeciwko temu, by ruszyć na pomoc do Brzeżan.

www.nto.pl/apps/pbcsi.dll/bilde?NewTbl=1&Avis=NO&Dato=20060901&Kategori=GALERIA&Lopenr=901004&Ref=PH&Item=2&MaxW=460&q=60&MaxH=500&Title=1&border=0
www.nto.pl/apps/pbcs.dll/gallery?Site=NO&Date=20060901&Category=GALERIA&ArtNo=901004&Ref=PH&Params=Itemnr=1#foto_up

[dinozaurklb]

i jeszcze link
www.nto.pl/apps/pbcs.dll/article?AID=/20060901/POWIAT06/60901023

[broneknotgeld]

Piykne dziynki za informacje.
Richtig ta wspołpraca Kluczborka ze swojymi kamratami wyglondo ciekawie.

[broneknotgeld]

www.powiatkluczborski.pl/ksiazka_partnerstwo.htm
To tyż jest dobry pomysł. Możno inksze miasta pódom tym śladym.

Bad Dürkheim - Kluczbork

[broneknotgeld]

Z Mannheim

Z Mannheim do Bad Dürkheim bankom se zajedziesz
Dej pozor na glajzy jak Bachus cie wiedzie.

[broneknotgeld]

Bad Dürkheim ok.1000 r.p.n.e.

Ano - już Celty tukej siedzieli
Radochy jednak z winnic niy mieli
Niy rosły jeszcze we ty dziedzinie
Dyć se niy tropcie - to przeca minie.

--

forum.gazeta.pl/forum/71,1.html?f=28940



• Re: Bad Dürkheim - Kluczbork
broneknotgeld 18.08.06, 17:12 + odpowiedz


Rzymiany nad Rynym

Jakby niy godać - coś szteli dali
Wonorośl drapko zielyni wzgorza
Na dobrym winie tyż se już znali
Hehe - co dali przeca niy wroża.

[broneknotgeld]

Kaj jest?

Kaj tyn Bad Dürkheim?
Chciyjcie mi wierzyć
To już połnocne
Richtig Wogezy.

[dinozaurklb]

broneknotgeld napisał:

> Na piontka
>
> Rachuj na piontka - toż dzielnic przeca
> Tela sie czimie jednego neca
> Grethen Hardenburg Leistadt i Serbach
> Ungstein niy łomiń bo bydzie w nerwach.

Już myślałem że sobie nie poradzę z Twoim rymem, pierwszy wyraz a właściwie
druga jego sylaba jest powszechnie znana i rozpisywana na murach i ścianach
wszelakich. Nerwy ..też - i dzielnica...a następne? ?...a przecież chodzi o to że:

Miasto dzieli się na 5 dzielnic (Grethen, Hardenburg, Leistadt, Serbach i
Ungstein), przez które przebiega 14 ścieżek rowerowych prowadzących do zabytków
... Szkoda że takich ścieżek nie ma w Kluczborku. Mamy, ale w lesie a przy tym
jest to tor przeszkód; jak nie korzeń to rów. Też uciecha, ale inna.

[luna-a]

Winorośli słoneczne hektary,
istny eden, to natury dary...

Gdy już gymby potonkamy,
z partnerami się bratamy...

Przy tym wiele jest uśmiechu-
bo w przyjaźni nie ma grzechu.

[broneknotgeld]

Jo tyż wina
Niy łomina.

[broneknotgeld]

Z XIV wiekym

Z sztyrnostym wiekym już miejske prawa
Dziedzina rośnie richtig na winie
Ech - we Bad Dürkheim zocno zabawa
Niychej i ciebie to niy łominie.

[broneknotgeld]

Bad Dürkheim 1969

Kreisu z rokym tym stolica
Toż weselsze ciyngym lica
Teroz se naprowdy kraszom
Tako tyż mieszczany aszom.

[broneknotgeld]

Kaplica św. Michała 1990

Ano - kapliczka stanyła nowo
Worsztu trza pojeść i popić zdrowo
Przeca to miastu richtig na chwała
No i ucieszy tako Michała.

[broneknotgeld]

1,7 mln litrow

Łoj - tela wina jako wysłepia?
Na tako beka niy idzie hepać.

[dinozaurklb]

broneknotgeld napisał:

> 900 hektorow winorośli
>
> Łoj - winorośli tukej dość wiela
> Sie hektorami zielyni sztela
> Kere chytajom promyki słonka
> By w końcu prziszło nom gymby tonkać
> We nojzocniejszym tutejszym winie
> Toż zdo sie jakbyś w rajski dziedzinie.


Niemieccy partnerzy przekazali miastu symboliczny kawałek winnicy, stamtąd
przychodzi co roku "kontygent" stu butelek wina z dwujęzycznymi etykietami.

..." target="_blank">www.nto.pl/apps/pbcs.dll/article?AID=/20020615/REGION/106150020&SearchID=73253941451925>...
> Łoj - tela wina jako wysłepia?
> Na tako beka niy idzie hepać.

Bedzie co w Kluczborku gymby tonkać. Richtig kilkaset flaszek.
www.nto.pl/apps/pbcs.dll/article?AID=/20020615/REGION/106150020&SearchID=73253941451925

[broneknotgeld]

Łoj - by chlapnońć trza zaś cosik
Flaszka wina aż sie prosi
W "beczce" możno kedyś byda
I do drobnych ze tym przida.

[broneknotgeld]

Targi wina i szampana

W targi wina i szampana
Bych bych zabawioł se łod rana
Z bachantkami tyż gryfnymi
Dlo mnie prawie raj na ziymi.

[broneknotgeld]

Łod wiosny

Łod wiosny na podzim festyny w winnicach
Życiym se raduje cołko okolica
Przi zimie se cosik robi tu smutnawo
Jakoś to szczimiymy by wiośnie bić brawo.

[broneknotgeld]

Skiż kamracynio

Skiż kamracynio - to se niy zdowo
Kluczbork z Bad Dürkheim winko dostowo
Trza by z tym eksra fajer zrychtować
Za zdrowie wypić - podegustować
Kto se kamraci - dobrze to wiycie
Dbo coby wszyscy byli w proficie.

[broneknotgeld]

Klasztor Limburg

Miano łod rzeźbiorza - znomy
Dyć tu klasztor downy momy
Co w dostojny już ruinie
Ciyngym stoji - to niy minie.

[broneknotgeld]

"Dom Catoir" (1781)

"Dom" mo muster barokowy
Ano - niy jest tyż łon nowy
Dyć ośrodkym tu kultury
Ciyngym dźwigo jom do gory
Tako w niym muzeum majom
Historyji przeca pszajom.

[broneknotgeld]

Uzdrowisko

Ech - uzdrowiskym Bad Dürkheim słynie
Werci tyż wspomnieć ło ty dziedzinie
Wodom już mnichy se kurowali
Tako nom dzisioj swoj muster dali.

[broneknotgeld]

W herbie powiatu
--

W herbie Bad Dürkheim
oreł jest bioły
Bliko na wino
toż fest wesoły.

[broneknotgeld]

Kreis Bad Dürkheim 1.VII.1969

Z tym rokym Bad Dürkheim
Powiatu stolicom
Kerego grynościom
I jo se zochwycom.

[broneknotgeld]

48 miast i gmin

Toż ciynżko te gminy
Tukej porachować
Szczyńściym co we zwionzki
Chciały se kuplować.

[broneknotgeld]

590 kilometrow kwadratowych

Powiat dość wielki
-Niy duperelki.

[broneknotgeld]

W środku

W środku powiatu Bad Dürkheim lezy
Przi "Drodze Winny" - możecie wierzyć
Toż napijymy se tu biołego
Potym skosztować trza czerwonego.

[broneknotgeld]

Kreis

Szejść gmin zrzeszonych
a jedna niy
No i dwa grody
-ktosik już wiy.

[broneknotgeld]

10 miljonow litrow wina

Co roku wina szykujom tela
Że se chce śpiywać i gonić frela.

[broneknotgeld]

Las Palatynacki

Bor to nojwiynkszy zdo sie we Niymcach
Tako w Bad Dürkheim do lasu skrynca.

[broneknotgeld]

Na "Drodze Winny"

Na "Drodze Winny" dziedzina naszo
Jako pragniynie tukej ugaszom?

[luna-a]

Skusisz mnie chłopcze na "Winną Drogę"...
Zejdę z Mlecznej, pragnienie ugasić mogę...

[broneknotgeld]

Mlyko niy wino
Jak krew niy woda
Toż szkryfna ino
-Kusić niy szkoda.

[broneknotgeld]

Powiat

Powiat krainom winnic i lasow
Zdrowie tu retniesz tyż zaznosz wczasow.

[broneknotgeld]

Na "winny sztrasie"

Hambach ty sztrasy pympkym se zdowo
Dyć i Bad Dürkheim we łoczach stowo.

[broneknotgeld]

7200 hektorow winnic

Ano - az tela se zrachujecie
Tych zocnych winnic w cołkim powiecie.

[broneknotgeld]

"Mittelhaardt"

Toż region winny mo miano take
Wina tu zocne choć niyjednake
Dyć "Risling" jakby trocha kroluje
Niychej se kożdy go pokosztuje.


forum.gazeta.pl/forum/71,1.html?f=28940

[broneknotgeld]

Risling - krol wina

Ano - nad Rynym zdo sie kroluje
Tako w Bad Dürkheim dobrze tyż czuje.

[broneknotgeld]

Winiorze

Ferajnow winiorzy z dwadziścia znojdziecie
I setka do tego co łod sia som przecie
Festynow zaś tela że ciynżko zrachować
Powiat cołki idzie za muster z tym dować.

[broneknotgeld]

Setka winnych festynow

Coś dlo ciała i dlo ducha
Wandrus tukej fest se bawi
Dyć trza niy być jako klucha
Niych ci Bachus radość sprawi.

[broneknotgeld]

Winno turystyka

Tako łona richtig winno
Dyć niy może być dziecinno
Pełnoletnim w tym być trza
By po winko siyngać - pra?

[broneknotgeld]

Z winym zdrowiym turystykom
Za to aże jo porzykom
Toż se przeca tym raduja
Ździybko szczyńścio - forszteluja.

[broneknotgeld]

Tutejszy szampan

Ano - tyż szampan swoj tako majom
Choć niy Francyjo - przeca mu pszajom.

[broneknotgeld]

"...heim"

Kaj z "...heim" se kończy dziedziny miano
Sztela łod Frankow pewnikym brano.

[broneknotgeld]

Za brata

Mo kamrat kamrata
Richtig jako brata.

[broneknotgeld]

Ryńskim winym

Polok Niymiec dwa bratanki?
Niychej w gorze wina szklanki!

[broneknotgeld]

Gryfno sztela

Sztela Celtow, Rzymian tyż
-Z winoroślom se wkludziyli
Zdroj - to przeca dobrze wiysz
Z konskym raju idzie mylić.

[broneknotgeld]

Rzymsko winiarnio

Ano - znodli fundamynta
Dlo Bad Dürkheim to niy piynta
Przeca ciyngym winym żyje
Ryńske cuda świat niych pije!

[broneknotgeld]

Po Rzymianach

I winorośl i winiarnio
Toż i sztela to niy marno.

[broneknotgeld]

Limburg (XI w.)

Benedyktynow piyrwyj to sztela
Toż dlo kultury znaczyli wiela
Jak Konrad II tukej ich wkludzioł
Ze tym ta ziymia do życio budzioł.

[broneknotgeld]

Ruiny klasztoru

Nad miastym se wznoszom
Ciyngym w majestacie
Czy pamiyńci proszom?
Myślom tyż ło bracie?

[broneknotgeld]

Blik na Ryn

Za ruin Limburga na Ryn se poblikom
Z Benedyktynami możno i porzykom.

[broneknotgeld]

Zamek Hardenburg 1212

Z czinostego wieku - już szteli pilnowoł
Schroniynie rycerzom duge wieki dowoł.

[broneknotgeld]

Zamek Hardenburg 1689

W ryncach Francuzow - toż go zbulyli
Stoł tela wiekow - doczkoł zły chwili.

[broneknotgeld]

Ruiny zamku Hardenburg

Ciyngym je widać we ty dziedzinie
Pamiyńć ło zamku tako niy minie.

[broneknotgeld]

Dynkmal Bismarcka 1903

Dynkmal Bismarcka richtig łogromny
Kto go zbajstlowoł zdoł sie niytomny
Sztyrdziści metrow dźwigli kanclerza
Toż przeca richtig to jakby wieża.

[broneknotgeld]

Muzeum Regionalne

W Palatynacie jako se żyli
I z wina wiela radości mieli
Wom "dźwiyrza wiedzy" sztela uchyli
Beleście yno zoglondnońć chcieli.

[broneknotgeld]

W klasztorze

Benedyktyny już niy rzykajom
Dyć sztuki tukej tyjater grywo
Ze ruin tako pożytek majom
Choć to nikerych podobnoś dziwo.

[broneknotgeld]

W "Brunnenhall"

W "Hali Studziynny" muzyka bywo
Tu przeca koncert wcale niy dziwo
Tela że czasym jakiś "dźwiynk studni"
Aże we duszy głośno zadudni.

[broneknotgeld]

W beczkowy restauracyji

Knedle "zy mnie" tam wcinajom
Dyć szpecyjoł taki majom.

[broneknotgeld]

Kasyno w Bad Dürkheim

Euro w portmaneju tela
Że łomina jo ta sztela.

[broneknotgeld]

Winogronowe kuracyje

z dwudziestych rokow łońskego wieku
Tu je stosujom zocny czowieku
Werci se zowdy tako kurować
Jeszcze flaszeczkom zdrowio dodować.

[broneknotgeld]

Na zdrowie!

Ze winkym ryńskim wołom - na zdrowie!
Utropa kajsik - lżyj miywo czowiek
Tako przi tymu krasi se życie
Przeca łod downa ło tym tu wiycie.

[broneknotgeld]

Na ryjmatyka

Rynce zgrabiałe - niy idzie rzykać
Trza se kurować na ryjmatyka
Tako Bad Dürkheim wiela pomoże
Dyć wiysz nojlepi ło tym Ty Boże

Piyrwył ło kulach szła do rożańca
Teroz jom gyry ciongnom do tańca
Rynce siyngajom zaś do kielicha
Risling łod Boga - w niym niy ma grzycha.

[broneknotgeld]

Wrzesiyń w Bad Dürkheim

Wrzesiyń w Bad Dürkheim "Wurstmarktym" blyśnie
Aże sie ślina na jynzyk ciśnie
Wina ryńskego trza pokosztować
Prowda co inksze mogom sie schować?

[broneknotgeld]

Festyn Wina w Bad Dürkheim

Nojwiynkszy festyn wina we świecie?
Se przekonocie jak zoglondniecie.

[broneknotgeld]

Na "Wusrstmarkt"

Ze poł miljona zjyżdżo se luda
By pokosztować te winne cuda.

Hassloch - Wołczyn

[broneknotgeld]

Hassloch

We cołkich Niymcach nojwiynkszo wioska?
Dyć se niy tropiom tym ani troszka
Niy chcom być miastym - tako im lepi
Bo jak luft wiejski to ciało krzepi.

[broneknotgeld]

Hassloch - wiocha

Se niy gańbiom ani trocha
Lepi dlo nich co jest wiocha.

[broneknotgeld]

40 km kw.

We ty Nadryńji-Palatynacie
Nojwiynkszo wioska - za to zjym lacie.

[broneknotgeld]

20,5 tys. dusz

Jak na wioska - dużo luda
Ze tym Hassloch take cuda.

[broneknotgeld]

Lasy Hassloch

Toż sztyrdziści procynt chnetko
Ty gminy to lasy
Niychej ło tym rym se wetko
Co dobre tu wczasy.

[broneknotgeld]

Łoczyszczalnio w Hassloch

Niymcy se niom aszom
Ponoć richtig cudym
Dyć niy godka z rymym
-Tam som przeca "brudy"
Kere trza łoczyścić
Prawie w ty dziedzinie
Choć skiż nich tu szkryfna
-Niychej rym niy minie!

[broneknotgeld]

Łoczyszczalnio na biogazie

Łoczyszczalnio w Hassloch
Jest tako frechowno
Niczego jyj niy trza
Do tego szykowno
Styknie piyńciu chopa
I wszysko se kulo
Toż w tym niy utropa
Prziroda niy fulo.

[broneknotgeld]

Hassloch - Wołczyn 9.12.2000

Ano - se chnet pełne szejśc rokow kamracom
Zowdy coś szykujom - czasu tyż niy tracom.

[broneknotgeld]

Se kamraci

Hassloch se kamraci z sztyryma sztelami
Możno tu mi ło nich łopowiycie sami.

[broneknotgeld]

Virofly - Francjo
Gebesse - Niymcy
Silifke - Turcjo
Wołczyn - Polska

Kamrat kamrata
-tyż konsek brata.

[broneknotgeld]

Wołczyn to łosobno ksiynga
W inksze sztele jako siyngać?

[broneknotgeld]

Przidzie jeszcze na to czas
W roztomajty właża "las".

[broneknotgeld]

Ratusz w Hassloch

Łod niego zwiydzać ta sztela trza
Choć yno gminny dyć zocny - pra?

[broneknotgeld]

Muzeum Etnograficzne

Do stary chałpy se zastukocie
Jak piyrwyj żyli na wiyrchu mocie.

[broneknotgeld]

Aquapark w Hassloch

Wody w basynach tu niy brakuje
Choć Hassloch wioskom - tako bryluje.

[broneknotgeld]

Holiday Park

Łod marca do października
Idzie tukej wiela brykać
Pozowiścić tako gminie
"Parku" tego we dziedzinie.

[broneknotgeld]

Park Ptokow

Co furgo na świecie
Tako tu znojdziecie.

[broneknotgeld]

Tyjatry letnie

Ponoć aże w gminie dwa
Toż łoglondnońć bydzie trza.

Deidesheim

[broneknotgeld]

Deidesheim

W skuplowany gminie
Jest take miasteczko
Trza ło ty dziedzinie
Rymow wciepać deczko.

[broneknotgeld]

Dobre winko robiom w gminie
Niychej szczyńści se dziedzinie.

[broneknotgeld]

Helmut Kohl

"Honorowy Obywatel"
-Kohl tyn zaszczyt czimie
Zocnych gości tukej skludzoł
-Deidesheim niy drzymie!

[broneknotgeld]

Ratusz XVI w.

Na placu targowym ratusz stoji stary
Dlo istny dziedziny łon nojlepszy miary.

[broneknotgeld]

Licytujom kozły

Tu przi ratuszu w Zielone Świontki
Kozłow łodbywo se licytacjo
Na znak to downy przeca pamiontki
Kto do nojwiyncy tyn mo owacjo.

[broneknotgeld]

W ratuszu

W ratuszu ło winie
tyż se dowiysz wiela
Przeca z winnic słynie
cołko gminno sztela.

[broneknotgeld]

Kościoł w Deidesheim 1440-1480

Katolicki koscioł ta dziedzina stroji
Dugo budowany ciyngym mocno stoji.

[broneknotgeld]

Muzeum Techniki Filmu i Zdjyńć

Sto rokow filmu tu poznowajom
-Jako w tym czasie je nagrywajom.

[broneknotgeld]

Kapliczka Michaela 1470/1952

Rożnistych kapliczek richtig tukej wiela
Ta zdo sie nojduży - krasi tako sztela
Dyć niy idzie szkryfnońć co w całości staro
Wpiyrw fest podniszczono - terozki zaś jaro.

[broneknotgeld]

W łogrodzie botanicznym

Łogrod zodziwi wos florom swojom
Tako rośliny dziedzina strojom.

[broneknotgeld]

Basyn

Łodkryty basyn kaj te winnice
Toż radośniejsze zdowo sie życie.

[broneknotgeld]

Helmut Kohl w Deidesheim

Chocioż w Ludwigshafen istny pomiyszkuje
Tu w restauracyji dość czynsto stołuje.

Grünstadt

[broneknotgeld]

Grünstadt

We średniowieczu już handlym kwitło
I wino zocne robiyło
Szczyńście ze Grünstadt nikaj niy pitło
Jest jako piyrwyj tu było.

[broneknotgeld]

Grünstadt 1700

Stolicom hrabstwa Leininger tako
Grünstadt z tym rośnie - przeca niy płako.

[broneknotgeld]

Zamek Leininger

Grof zamek zocny tukej zbajstowoł
Nojpiyrszo teroz siedziba
Grünstadt na wiyrchu w dziedzinie stowoł
Widać po dworze to chyba.

[broneknotgeld]

Dzisioj na zamku

Dzisioj na zamku jest bibliotyka
No i muzeum dziedziny
Zoglondnońć w ksionżki wola niż klikać
Czas przidzie - znojda se driny.

[broneknotgeld]

Kościoł św. Michała

Gotyk z barokym w niym pomiyszany
Dyć Ponboczkowi na chwała dany.

[broneknotgeld]

14 000 dusz

Możno grod tyn niy za ludny
Przeca wcale tyż niy nudny.

[broneknotgeld]

1 luty w Grünstadt

Jak karnawał to karnawał
Wielko w mieście z tym zabawa
Korowody przebiyrańcow
Wina wiela, śpiywu, tańcow.

[broneknotgeld]

"Weinfest"

Z końcym lipca Festyn Winny
Łoj zaszumi mi we gowie!
Z winkym wroci czas dziecinny?
Dyć żech w kwiecie wieku czowiek!

[broneknotgeld]

"Winno Grafini"

"Winno Grafini" z beczki polywo
A krasie jeji kożdy se dziwo
Piyliby nawet i ze szczewika
Ci no na trzyźwo durś łażom rzykać.

[broneknotgeld]

Grünstadt - Carrieres-Sur-Seine

Grod se kamraci ze Francuzami
Tyż pszajom winu - to wiycie sami.

[broneknotgeld]

Grünstadt - Bonita Springs

Partnera znodli i na Florydzie
Stond Hamerykon kamratym bydzie.

[broneknotgeld]

Grünstadt - Greenville

We stanie Ohio Greenville leży
Kto niy chce sprowdzać musi mi wierzyć.

[broneknotgeld]

Grünstadt - Westerburg

Na Grünstadt bliko turyngsko sztela
Bo se kamraci ze niym już wiela.

[broneknotgeld]

Grünstadt - Hermsdorf

Drugo turyngsko tako dziedzina
Lubi we Grünstadt kosztować wina.

[broneknotgeld]

Grünstadt-Land - Lasowice Wielkie
21.IV.2006

Z łobu stron wójty już podpisali
Jako se bydom kamracić dali?

Neustadt

[broneknotgeld]

Hambacher Schloss w Neustadt

Znojdziesz taki zamek w tutejszy dziedzinie
Skiż niego tyn powiat w cołkich Niymcach słynie.

[broneknotgeld]

Zamek Hambach XI w.

Chnetko tysionc rokow tukej te zamczysko
Czy kedyś ruiny powiedzom nom wszysko?

[broneknotgeld]

"Kastanienburg"

Za murami piyrwyj lasy kasztanowe
Toż se tymu mianu niy dziwowoł czowiek.

[broneknotgeld]

Zamek Kasztanowy

Ano gryfnie se szlos zwoł
Dugo take miano mioł?

[broneknotgeld]

Zamek biskupi 1100-1793

Biskup ze Speyer tu gospodarzoł
Możno niyjedyn w tych murach marzoł
By w Watykanie zicnońć na tronie
Dyć zowdy czekoł go inkszy koniec.

[broneknotgeld]

Zamek Hambach 1832

Z cołkich Niymiec tu zjechali
Skiż wolności i jedności
Kery richtig przeca pszali
Choć niy było ze tym prości.

[broneknotgeld]

"Maxberg" 1842

Maksymilian Bawarski erbnoł go przi ślubie
Drapko we tych murach se istny podubie.

[broneknotgeld]

Letnio rezydyncjo 1844-1849

Przebudowywany we tych rokach zamek
Mury se zdowajom jakby niy te same.

[broneknotgeld]

Przi Bawaryji

Były tyż te ziymie i przi Bawaryji
Bestoż we tym niy ma jakiś komedyji
Historyjo tako wtedy se kulała
Francjo Palatynat Niymcom łoddowała.

[broneknotgeld]

Zamek Hambach dzisioj

Dzisioj zamek Hambach przi Bad Dürkheim mocie
Powiatu perełkom - z ty strony go znocie.

[broneknotgeld]

Zamek Hambach 2000

Z powiatym kluczborskim Bad Dürkheim se brato
We tym zamku kładom już handszrifty na to.

[broneknotgeld]

Zamek Hambach 2001

Trojkont Weimarski i tu se rodzioł
Tako trzi kraje ku dobru wodzioł.

Dzierżoniów - Kluczbork

[broneknotgeld]

Toż se szykuje!
kluczbork.pl/bip/informacje/aktualnosci/index.php?x=860#860
Kto forszteluje?

[broneknotgeld]

Tropi se tym moja głowa
Trza by iść do Dzierżoniowa.

[luna-a]

Też bym tu się wpisać chciała,
lecz historii nie poznałam.
Najpierw muszę więc poczytać
żeby potem rymem klikać.

[broneknotgeld]

Luna - zajta Kluczbork dowo
Tako fraszka drapko stowo.

[broneknotgeld]

Sztela ze tym we proficie
I ciekawsze jakby życie.

Hajduszoboszlo - Lubliniec

[broneknotgeld]

Dzike Pola???

Kaj madziarske "Dzike Pola?
Tam hajducko samowola
Turek strugoł swoje klocki
Tako ksionże siedmiogrodzki
Miyndzy niymi zaś tyn "kraj"
Dlo hajdukow jakby raj.

[broneknotgeld]

"Zwionzek Hajducki"

Szejść szteli "Haju" Zwionzek kuplowoł
Tako do boju cuzamyn stowoł
Piyńć se szłapcugym durś wojowało
Hajduszoboszlo konnych dowało.

[broneknotgeld]

"Rozbujnik"

Ech - "rozbujnik" taki wloz
Do Lublińca piyrszy roz?

[broneknotgeld]

"Tized"

Ano - do dzisioj tukej kwartały
Miano "dziesiontki" w szteli łobrały
Z hajduckich czasow to richtig jeszcze
W tym "minioddział" tako i wierzcie.

[broneknotgeld]

W Hajduszoboszlo

W Hajduszoboszlo djoskow tyż mieli
Ponoć po studniach se kryli
Ludziom znak dować czasami chcieli
Głymboko woda polyli.

Sopot - Zakopane

[broneknotgeld]

Sopot

W rankingu miast polskich nojpiyrszo dziedzina
Dyć przeca to dlo nos niy żodno nowina
Jako dzwigać miasto tu naprowdy wiedzom
No i miyndzy Gdańskym a tom Gdyniom siedzom.

[broneknotgeld]

Sopot bez fajerwerkow

Karnowski tyn zakaz chce tukej wprowadzić
Myśla że niy bydom se ło to fest wadzić
Przeca zaś w Sopocie majom uzdrowisko
Na jedno sie straci a na druge zysko.

(fraszka z 2004 r)

[broneknotgeld]

"Krystyna"

Był żeś na wywczasach w "Jantarze" sopockim
Pewnikym wspominosz te "krysine" nocki

[broneknotgeld]

"Sopocko Muza"

Burgemajster w gyburstag nagroda rozdowo
Tradycyjom bydzie - to mi sie niy zdowo.

[broneknotgeld]

Casino Hotel

We latach dwudziestych go wybudowali
Woda morsko ciśli prosto w badywanny
W Bałtyku se tako goście wykompali
Nawet jak na dworze był prawie "czas sanny".

[broneknotgeld]

Park Połnocny

Godajom co Haffner drzewka tukej sadzioł
Jo bych sie ze niymi ło to niy powadzioł
Tu jego popiersie przed wojnom tyż stoło
Teroz nowy pomnik wszyskich jakby woło.

[broneknotgeld]

1902

Nadoł prawa miejske kajzer Wiluś II
Dyć kurort życiorys mioł za sobom dugi
Sie balneologiom Heffner tukej bawioł
Na wydmach co nojpiyrw łod Gdańska dzierżawioł.

[broneknotgeld]

Grodzisko

Prastare grodzisko we Sopocie nojdziesz
Z ulicy Haffnera tam wygodnie dojdziesz
Po czyńści je tukej łod nowa dźwignyli
By coś było widać jak piyrwyj tu żyli.

[broneknotgeld]

"Bursztynowy Słowik"

"Bursztynowy Słowik" we wrześniu zaśpiywo
Dyć niychej nikogo to teroz niy dziwo
TVN tu latoś festiwal zrychtuje
Toż i Sopotowi richtig to sztimuje.

(fraszka zeszłoroczno)

[broneknotgeld]

Na molo

Stojom kukły zaś woskowe
Kogo tu niy widzi czowiek?
Dali Hańcze Olbrychskiego
Harry Potter tyż do tego.

[broneknotgeld]

Pub "Kinsky"

Klausa Kinskego pub miano nosi
Tukej se rodzioł - tako to głosi
A jo we końcie zicna ze biyrym
Niychej łodpocznom tyż moje gyry.

Koprzywnica - Myszków

[broneknotgeld]

"Koprivnice"

Zocno zaolziańsko sztela
Szkryfna ło tym tukej tela.

[broneknotgeld]

Jak watra?

Bryczki, karyty, we końcu "Tatra"
Toż Koprzywnica jako ta watra!

[broneknotgeld]

Tyż chce blyszczeć

Turystykom tyż chce blysnońć
Toż wandrusow teroz kusi
Trza za Olza nom se cisnońć
Luft cie tukej niy udusi.
--

Z kamynia i gliny

Co z kamynia i ze gliny
To rozsławio Koprzywnica
Werk łod downa przeca driny
Roześmione tako lica.

[broneknotgeld]

Grod Szostyn

Archeologow ze niym robota
Tako podłażom do tego "płota"
I co rok majom cosik nowego
Możno trza lepi szkryfnońć - starego?

[broneknotgeld]

Muzeum Wojta

Ze "Tatrom" urosła richtig miejsko sztela
Co ze wsi - wojtowe. Szkryfna yno tela.

[broneknotgeld]

Ignacy Reszke 1812

Ignacy reszke werk tu wystawioł
Tako dziedzinie radocha sprawioł
Ze kamiyniorstwa i ceramiki
Słynom chnet majstry i czelodniki.

[broneknotgeld]

Koprzywnica - Myszków
28.VIII.1997

Koprzywnica ze Myszkowym
Sie już skamraciyła
Cosik ło tym tukej powiym
We wspołpracy siyła.

Myszków

[broneknotgeld]

Myszkow

Ponoż jak myszy zjadły Popiela
Tu se wkludziyły - szkryfna jo tela.

Iserlohn - Chorzów

[broneknotgeld]

Iserlohn

Z jegłow i szpyndlikow słynie
W cołki niymiecki dziedzinie.

[broneknotgeld]

Niychej link taki tyż tukej bydzie
www.iserlohn.de/
Cosik ze tego możno nom przidzie.

Żlin - Chorzów

[broneknotgeld]

Żlin

Dlo Żlina tata
To ciyngym Bata.

[broneknotgeld]

50 miljonow por

Tela por szułow durś rynek broł
Zdało sie jeszcze co wiyncy chcioł
Niy trza se dziwać co tako Bata
Jakby był richtig tym "panym świata?

[broneknotgeld]

We windzie wieżowca Baty

Ech - w windzie Bata mioł biuro swoje
yndzy sztokami wandrowoł
Przeca skiż szułow tu były "boje"
Mustrym dyrechtor se stowoł.

[broneknotgeld]

Żliński zamek (1578-1581)

Renesansowo se w Żlinie asi
Ździybko barokym tyż sztela krasi
Był przeca tako przebudowany
Szczyńściym żlinianom do dzisioj dany.

Ózd - Chorzów

[broneknotgeld]

Jako Krolhuta

Jako grod nasz Ózd se dzwignoł
Skuli ajzy w gora mignoł
Czamu? -Niy trza mynczyć gowy
Dyć to okryng przemysłowy.

Termoli - Chorzów

[broneknotgeld]

Termoli

Nad Adriatykym tako Termoli
Ciyngym we morze se wcino
Kto tam zoglondnie zowdy pochwoli
I chciołby wrocać durś ino.

[broneknotgeld]

Katedra w Termoli

Małe te miasto dyć cud katedra
Zodziwio swojom gryfnościom
Zdo sie dlo ducha jako ta fedra
Czy w niyj se drogi nom proszczom?

Kravarze - Woźniki

[broneknotgeld]

Kravarze 1224

We Ziymi Hulczyński juz blysły Kravarze
Historyjom zocne - tego nikt niy zmaże.

[broneknotgeld]

Pałac (XVIII w.)

Barokowy pałac te Krawarze krasi
Ech - se richtig idzie sztelom takom asić.

[broneknotgeld]

Na zamku

Na zamku w Krawarach malyrske plynery
Artysta ze Woźnik zoglondnie tam kery.

Markvartovice - Łazy

[broneknotgeld]

Markvartovice

Ziymi Hulczyński poznejcie gmina
Toz zaolziańsko zocno dziedzina.

[broneknotgeld]

Markvartovice - Łazy

Niywiela dzieli - wiela kupluje
Toż łobu sztelom tako sztimuje.

[broneknotgeld]

Chcom zwiydzać

Markvartoviczanie chcom zwiydzć te Łazy
W rajza se wybierom możno wiyncy razy.

Łazy

[broneknotgeld]

Gmina Łazy

Miasto Łazy - do tego sołectw poranoście
Yno je zrachować terozki niy proście.

[broneknotgeld]

1967

Już miejskom sztelom se Łazy stały
I szwongu zae tym ździybko nabrały.

[broneknotgeld]

"Złota" niy zdobyły
forum.gazeta.pl/forum/72,2.html?f=28940&w=40651986&a=41368790
Dyć se zabawiyły.

Ilava - Mikołów

[broneknotgeld]

Ilava

Łod Wagu z lewa mocie Ilava
Toż wos pokusi tukej zabawa.

[broneknotgeld]

Zamek - twierdza (XVI w.)

Ech - Turki wiela szteli groziyli
Tako warownia z zamku zrobiyli
Szczyńściym nojgorsze jednak minyło
Ilavy wojsko ichnie niy wziyło.

[broneknotgeld]

Zamek - hereszt (od połowy XIX w.)

Już heresztantow "goszczom" te mury
Niy leko wylyźć ze taki dziury
Do dzisioj ciyngym tam zamykajom
Tych kierzy prawo durś kajsik majom.

Klimkovice- Mikołów

[broneknotgeld]

We herbie Klimkovic

We herbie lwa majom
Gowiedzi tu pszajom.

[broneknotgeld]

14 kilometrow kwadratowych

Klimkovice chocioż małe
Przeca richtig gryfne całe.

[broneknotgeld]

TV Klimkovice

Toż kablowka sztela mo
Co nojnowsze tako zno.

[broneknotgeld]

Kościoł św. Katarzyny

Kościoł świynty Katarzyny melomanow wciongo
Jak se yno łorganista do klawiyry wprzongo
Klimkovicki tyn insztrumynt sławny na Morawach
Ano richtig - dyć dlo uszow nojzocniejszo sprawa.

Mikołów

[broneknotgeld]

Na mikołowskim rynku

Fontanna dechami zabito terozki
Stajynka już stoji bo czas jakby boski.

[broneknotgeld]

Czy znocie?

Czy zakuto gowa znocie
co jom w herbie swojim mocie?

[broneknotgeld]

Burgemajter

Burgemajster mo huf mały
Sołtysow "zakute pały"
Piorka na nich sztyry furczom
Ze tym rosnom a niy kurczom.

[broneknotgeld]

Sztyry piorka

Zakuto gowa
Mo piorka sztyry
Dyć niy wiym czamu
-Byda tu szczyry.

[broneknotgeld]

Powiat Mikołow

Ano - te miasto gminom przewodzi
Zowdy pomogo - nigdy niy szkodzi
Łaziska Gorne, Wyry, Orzesze
Ornontowice som ku uciesze
Sztyry? Kaj pionto tako dziedzina?
A dyć Mikołow tyż przeca gmina.

[broneknotgeld]

"Mikułow"

Łod Mikuły-Mikołaja
grod se miano chycioł
Dyć niy bydzie ło to haja
żech tyn rym uklycioł.

[broneknotgeld]

Jako w Mikołowie
raduje se czowiek?

[broneknotgeld]

W Mikołowie

Łoczy napas tako czowiek
Dyć łobrozy Trefoniowe
W Mikołowie teroz majom
Niy we Rudzie - ździybko wajom.

[broneknotgeld]

1547 - ordynacjo mikołowsko

Toż Mikołow tako za miasto rachujom
Choć grod to był downy - tela forsztelujom.

[broneknotgeld]

Mikołow 1843

Kościoł w Mikołowie stowiajom już nowy
Tako jako piyrszy bydzie Wojciechowy.

[broneknotgeld]

Mikołow 1870-1872

Ratusz budujom tu cołkym nowy
Prziszło to rajcom drapko do gowy.

[broneknotgeld]

Stare mikołowske sztrasy

Woszczyce, Pszczyna i Katowice
W te strony ciongnom - tako już wiycie.

[broneknotgeld]

Hynryk Koetz

Toż Koetz tako werk swoj tu mo
Kery poczontek "Mifamie" do.

[broneknotgeld]

Nojstarszo szkoła 1865

Nojstarszo szkoła co dzisioj stoji
W edukacyjo już se niy stroji
Przi Adalbercie jom poznowocie
Ano - toż dzisioj sond we niyj mocie.

[broneknotgeld]

1-3.IX.1939

Kaj Sośnio Gora no i te Wyry
Niymcom stanyły na trocha gyry
Dyć trza im było pola łoddować
Tako ruszyli potym łod nowa.

[broneknotgeld]

Alojzy Zwoliński

Burgemajstrym mianowany
Tu przed wojnom rechtorowoł
Taki tref jymu szkryflany
I rym ło tym coś wom dowo.

[broneknotgeld]

Mikołowske kamiyniczki

Ano - trza sie im dziwować
Historyjo miasta piszom
Wieki downe ze nich z nowa
Cosik szepcom - ludzie słyszom?

Jedne łodrestaurowane
Inksze ciyngym poszczyrbione
Dyć w tym szczyńście co nom dane
Żol im przeca pedzieć - koniec.

[broneknotgeld]

Ratusz 1870

Możno nawet niy za stary
Toż Mikołow przeca krasi
Gryfny zdo sie - to niy czary
Rynek se ratuszym asi.

[broneknotgeld]

Na Podfarzu

Ano - przedmieście to Mikołowa
Jak kasztelańskim był grodym
Ło downych czasach terozki mowa
Niy tych za kerych jo mody.
--

Podfarze

Dzielnica rosła wele kościoła
Se do Ponboczka radosnie śmioła
Tako Mikołow był we proficie
No i kasztelan - tyż przeca wiycie.

[broneknotgeld]

Nowy kościoł św. Wojciecha 1843-1861

Zdo sie dugo budowany
Nowy kościoł miastu dany
We neoromańskim stylu
Toż porzykać se tam pylom.

[broneknotgeld]

Kościoł św. Wawrzyńca w Mokrym (XVI w.)

piyrszy muster jakby stracioł
Dziewiytnosty wiek bogacioł
Wtedy wiela pomiyniyli
Dyć jak piyrwyj z Bogym żyli.

[broneknotgeld]

Żydowski kerchof

Łostoł tu jako znak ku pamiyńci
Choć se zydowske zycie niy kryńci
I synagogi niy ma już wcale
Zdo sie co teroz darymne żale.

[broneknotgeld]

Bioły Domek

Fabrykanta willa zocno
Se ty trzimie richtig mocno
Ślub cywilny w Biołym Domku
Tyż wystawy choćby w zomku.

[broneknotgeld]

Mikołowske Planty

Murow miejskich tu niy było
Dyć mo miasto planty zocne
Tam kaj piyrwyj se kończyło
Teroz drzewa rosnom mocne.

[broneknotgeld]

"Wymyślanka"

Co se pułkownik tu niy wymyśloł
Ło czym we nocy tako tyż prziśnioł
To w Mikołowskim parku bajstowoł
Stond "Wymyślanka" - mi sie niy zdowo.

[broneknotgeld]

"Wymyślanka" - 1824

Józef Liszczeński - mydlorz bogaty
Mo "Wymyślanka" w swoji dziedzinie
Dyć se niy trzimoł yno prywaty
Co tukej gryfne ze niym niy minie.

[broneknotgeld]

Promynada 1895

Do "Wymyślanki" Jamny dolinom
Juz promynada se zbajstlowali
W parku utropy ciebie łominom
Mikołowiany dziedzinie pszali.

[broneknotgeld]

Ryneczek

Na regielowcu ryneczek majom
Terozki jako dzielnica
Tako durś miasto se ugryfniajom
By kozdy mog se zochwycać.

[broneknotgeld]

Instytut Mikołowski

Toż ferajna co fedruje
We kulturze naszy ziymi
Fest poetow tyż promuje
Dyć czy wszyscy ło tym wiymy?

[broneknotgeld]

Mikołowske Dni Muzyki (łod 1991 r)

Ze tym Mikołow we kraju słynie
Te Dni Muzyki kery łominie?
Toż som koncerty tu po kościołach
Tako trza ciyngym nom Boga wołać.

[broneknotgeld]

Tydziyń Maja Poetyckiego

Zowdy we maju wspomni Wojaczka
Poetow wiela tukej cuzamyn
Prawiom co wtdy nawet sprzontaczka
Pełno liryki durś szepto - amynt.

[broneknotgeld]

Na rynku fontanna gro
Mikołow te cudo mo.

[broneknotgeld]

W Mikołowie piyknie było
mikolow.naszemiasto.pl/artykul/624822,zyczniok-czyli-stanislaw-lem-po-slasku,id,t.html?kategoria=678
Latoś tako już skończyło.

[broneknotgeld]

Bydzie sie dzioło
mikolow.naszemiasto.pl/artykul/1341049,duda-gracz-zmagazynowany-w-mikolowie,id,t.html#5a276125d4ee962f,1,3,6
Gryfnie, wesoło.

[broneknotgeld]

"Napiszmy po naszymu" - 2011 - Mikołów

Na wspominki sie zebrało
Ano - richtig radowało!
www.facebook.com/photo.php?fbid=290089797732597&set=a.278332652241645.64630.195759197165658&type=1&theater¬if_t=like
Trzecio edycyjo bydzie?
Latoś tyż na podzim przidzie?

[broneknotgeld]

"Ślonsk wedle bajtla"

Chnet dwanosty listopada
www.bibliotekamikolow.pl/index.php?option=com_content&view=article&id=377:lsk-wedle-bajtla-wwystawa-w-mbp&catid=37:informacje
Dyć niy bydzie ło to zwada.

[broneknotgeld]

Kaszy znocie?
www.dziennikzachodni.pl/artykul/794792,zagadka-obrazow-meki-panskiej-w-kosciolach-w-tychach-i,id,t.html
Dyć link mocie.

[broneknotgeld]

Mo już Mikołow łoziymset lot!
Być je żech z tego pieronym rod!

Mikołów-Kamionka

[broneknotgeld]

Kamionka

Toż dzielnica Mikołowa
Ło tym tukej bydzie "mowa".

[broneknotgeld]

Wiejsko gmina

Piyrwyj tako wiejsko gmina
Nawet godło se łobrała
Mikołowsko dyć dziedzina
Tam swoj kościoł piyrwyj miała.

[broneknotgeld]

Kamionka 1858

Toż se ludzie dziwowali
Przez Kamionka cug wiod dali
Zdo sie w strona ty Ligoty
Glajzy przeca - niy gupoty.

[broneknotgeld]

Przedszkole w Kamionce

We "stary sżkole" malutke fropy
Zbiyro Kamionka teroz do kupy.

[broneknotgeld]

OSP Kamionka 1927-2007

Łoziymdziesiont rokow przidzie
Z fojerwerom niy we biydzie
Ciyngym ta Kamionka była
Toz w gyburstag szczyńścio siyła.

[broneknotgeld]

Nad Jamnom

Nad Jamnom w lesie jyńcow mogiła
Ruskow ze wojny ta ziymia skryła
Co we Kamionce życie łoddali
Trza i nad niymi se nom użalić.

[broneknotgeld]

Kapliczka w Kamionce 1966

Toż by sztyrdziści rokow z tym miała
Dyć se we kościoł rozbudowała.

[broneknotgeld]

Parafijo św. Urbana 1977

Na Kamionce niy mecyjo
Majom swoja parafijo
No i kościoł tako zocny
Krześcijanin ze tym mocny.

[broneknotgeld]

"Bożo Mynka" w Kamionce 1875

Tu manowskich familijo krziż tyn fundowała
Toż na wieki ty dziedzine znak wiary z tym dała.

Mikołów-Mokre

[broneknotgeld]

Mokre

Wolołbych by było suche
Dyć te Mokre ciyngym guche.

[broneknotgeld]

Sośnio Gora (340 m.n.p.m)

Słonko za niom durś zachodzi
Jak z Mokrego ślypiym wodzisz.

[broneknotgeld]

Wapiyń muszlowy

Ano - kożdy ci to powiy
Zocny wapiyń tu muszlowy.

[broneknotgeld]

Dziedzice w Mokrym

Ponoć czynsto se miyniyli
Tako jakby dlo nos skryli.

[broneknotgeld]

Hucisko

Wele folwarku dyć przeca w lesie
Glas tu we werku robiyli
Toż historyjo wieść tako niesie
Stond te Hucisko tyż wziyli.

[broneknotgeld]

Gruba "Św. Wojciech"

Gwarki w pieczy u świyntego
-Ciyngym potrza było tego?

[broneknotgeld]

Gruba "Św.Barbara"

Ano - Barborka pszoła bergmonom
Dzisioj z pomocom tyż idzie ku nom.

[broneknotgeld]

Gruba "Mokre" 1840

Ano - z tym rokym jom bajstlowali
Wiela znaczyła dyć tukej dali
Gruba nojwiynkszo - Mokre bogaci
Choć skiż niyj w końcu wongel se straci.

[broneknotgeld]

Sol warzyli

Toż niy gońcie mie ze hokrym
-Piyrwyj sol warzyli w Mokrym.

[broneknotgeld]

W godle Mokrego

W godle Mokrego studnia znojdziecie
Toż to w sołectwie niy dziwo przecie.

[broneknotgeld]

Wopiyniok z Mokrego
W całości do tego
www.facebook.com/photo.php?fbid=387994047947287&set=a.387993994613959.90278.342143319199027&type=1&theater

Mikołów-Borowa Wieś

[broneknotgeld]

Borowo Wieś

Chałpy przed borym - kożdy to wiy
Co godło take Borowy Wsi.

[broneknotgeld]

W kluczu wyrskim

W kluczu wyrskim princa Pszczyny
Poszukejcie ty dziedziny.

[broneknotgeld]

1343 dusz (1931)

Łoj - toż terozki zdo sie dusz wiela
We szwongu rosła ta naszo sztela.

[broneknotgeld]

Do 1954

W pszczyńskim powiecie dziedzina była
Dyć ze tym rokym se łodmiyniyła.

[broneknotgeld]

We miyndzywojniu

We miyndzywojniu tako Borowo
Se nom letniskym jakby wydowo
Tu se zjyżdżajom ze okolicy
Za wiela pedzieć jednak - letnicy.

Mikołów-Paniowy

[broneknotgeld]

Paniowy 1282

Ano ze tym rokym historyjo prawi
Co stond rod rycerski na kartach se jawi.

[broneknotgeld]

Paniowski kościoł

Czy we tym roku z downa już stoł?
Kto by to dzisioj wyjawić śmioł?

[broneknotgeld]

Kościoł p.w. śś Pyjtra i Pawła

Tyn paniowski kościoł do dzisioj nom stoji
Ćwierć tysionca rokow tyż se chnet mu kroji
Pewno na gyburstag se farorz szykuje
Cołko parafijo ze tym uraduje.

[broneknotgeld]

Piyńć młynow

We szesnostym wieku tela zrachowali
Paniowom se ludzie richtig dziwowali.

[broneknotgeld]

Szkoła 1828

Ano - we Paniowach stoji piyrszo szkoła
Pod swoj dach już bajtlow ciyngym bydzie wołać.

[broneknotgeld]

W powiecie zabrzańskim 1873

Sztela bytomsko z tym podzielono
Toż naszo wioska przeca niy kono
Z kreisym zabrzańskim jest skuplowano
Dyć czy na wieki bydzie mu dano?

[broneknotgeld]

W śmiłowicki gromadzie 1945

Paniowy z Mokrym, Borowom Wsiom
Śmiłowicami cuzamyn som.

[broneknotgeld]

A Paniowy zocne znocie?
Tam drzewniany koscioł mocie.

[broneknotgeld]

Paniowy 1282

Ano ze tym rokym historyjo prawi
Co stōnd rōd rycerski na kartach sie jawi.

Syn Gosława

Gosław synowi doł Pyjtra miano
Z niym historyjo Paniōwōm dano.

Pyjter z Paniōwōw – 1282

Pyjter z Paniōwōw, syn ôd Gosława
Z princym bytōmskim mioł wtedy sprawa
Ôd Kazimiyrza w zastaw wziōn sztela
Podtarnogōrsko, mono zdo wiela
Wieś ta Ôrzechym sie mianowała
Pana z Paniōwōw tako poznała.

Pyjter z Paniōwōw – 1307

W Milejkowice Pyjtra prziwioło
Kupiōł ta wioska, źle mu niy dzioło
Kej stać go było – tref mu niy wadzi
Milejkowice wele Czeladzi.

Paniowski kościoł

Czy we tym roku z downa już stoł?
Kto by to dzisioj wyjawić śmioł?

Ksiōndz Adalbertus – 1325

Z tym rokym w papierach je już ô kościele
Ô Adalbertusie co tu Bogu ściele
Pewniikiym już drapci świōntynio stanyła
Dyć dlo historyji początek swōj skryła.

Świyntopietrze za Paniōwōw – 1326

Anō, je płaciyli tukej parafiany
Niy darmo i kościōł i farorz im dany.

Nad Prōmnōm

We Paniōwach potok płynie
Wiela służōł łōn dziedzinie
Tōż ôbrocoł młyńske koło
Młynorz tukej żył wesoło.

Woda Paniōwsko

Potok z tym mianym
Niy dziwi przeca
Tako jo ô niym
Cosik ukleca
Kej gynau piyrwyj
Młynorza wspiyroł
Kery we woda
Jego zaziyroł.

[broneknotgeld]

Paniōwy – 1396

Ô Jorgu terozki coś szkryfnione
Dziedzic Paniōwōw, tōż były łōne
Jego dziedzinōm, sie niy traciła
We rodzie dali jako wpiyrw była.

Paniōwy Przedborōw

W wieku piytnostym, w drugi połowie
Paniōwy jejich, niych wiy to człowiek.

Pyjter Przedbor – 1472

Princ rybnicki Wacław pismo dyć wystawiōł
Ô niwie paniōwski, w niym istny tyż jawiōł
Tymu niy dziwejcie, dziedzina ta jego
Tōż Pyjtra spōmnieli z rodu Przedborskego.

Paniowy 1473

Prince Ślōnska miyndzy sobom wtedy darli koty
Dlo Paniōwōw w tym utropa - niy jakeś gupoty
Cołko wioska wygorała - kościōł piyrszy, wiym to
Sie zdowało co ta ziymia ciyngym teroz ślimto.

Paniōwy – 1475

Wielgo z tym utropa – wiela wygorało
Świōntynio spolyła, na amynt to stało
Tōż już parafiji tu swoji niy mieli
Trza do Bujakowa tako lyźć – musieli.

W bujakowski parafiji – 1475

Kej kościōł zgoroł, tako trefiyło
Do Bujakowa na mszo łaziyło
Tam we kościele prawie rzykali
Świōntynie u sia dyć tyż doczekali.

Paniowy ok.1500

Tōż dziedzice Bujakowa Paniōwy trzimajōm
Tako na ćwierć tysiōnclecio w dziedzinie je majōm.

Paniowy 1506

Jakoś sie wioska dźwigła z ruiny
Już nowy kościōł stowiajōm
Coby z Pōnbōczkym być blisko driny
Lekci z Niym jako rzykajōm.

[broneknotgeld]

Ćwierć tysiōnca rokōw

Ćwierć tysionca rokōw stoł tu kościōł drugi
Tōż sie pewno zdrachoł przez taki czas dugi.

Paniōwy – 1532

Ôziymnoście kmiecōw ta dziedzina miała
Zagrodōw ich tela gynau rachowała
Pōnoć dziedzicowi dować poradziła
I trzista guldynōw we roku – w tym siyła.

Paniōwy – XVI w.

Już we Paniōwach ktōś szołtysowoł
Już karczma mieli, mono dziwował
Ktōś tymu iże łōna tu była
Dyć kupcōw czasym tyż ugościyła.

Paniōwy Rogojskich (1538-1551)

Anō, dziedzice tukej miyniyli
W tych rokach prawie Rogojske byli.

Zaś Bujakowskich

Zaś po Rogojskich sōm dziedzicami
W tym historyjo dyć niy ômami
Tela co z czasym sztela tajluje
I roztomajtych panōw widuje.

Zōmek w Paniōwach – XVII w.

Anō, Bujakowske w niym pomieszkiwali
W tym czasie drzewniany, tako tyż i dali
Zdo, lepiyj to dworym mono trza mianować
Dlo tutejszych zōmkym – idzie forsztelować.

Krzisztof Gocnar – 1550

Jeszcze coś chyciōł ôd Rogojskego
Paniōwōw kōnsek tako je jego.

Luterski kościōł (1570-1640)

Anō, we Paniōwach lutersko świōntynia
Czego dziedzic trzimoł, tyż jego dziedzina
Kościōł tu filijōm – co we Bujakowie
To i we Paniōwach – niy dziwuje czowiek.

„Grosze stołowe”

Farorz Bujakowski z Paniōwōw dostowoł
Siedlok we Wielgonoc do spowiedzi stowoł
Kery był żyniaty – kożdy chop jednako
Dwa grajcary „sypoł” – „stołowe” dyć tako.

[broneknotgeld]

Przi kolyńdzie

Przi kolyńdzie siedlok winiyn farorzowi
Dać sztyry grajcary – historyjo jowi
Dziedzice floryny dwa tako do tego
Potrza przeca zadbać ô sługi Bożego.

Piyńć młynōw

We szesnostym wieku tela zrachowali
Paniōwōm sie ludzie richtig dziwowali.

Pyjter Bujakowski – 1585

Pyjter niy trzimoł Paniōwōw całych
Pōł było jego, zaś inksze działy
Dopiyro z czasym rod pokupluje
Tajle pozbiyro, niych niy dziwuje.

Paniōwy – 1620

Urbarz Państwa Bytōmskego
Niy zatajōł gynau tego
We Paniōwach sōm trzi działy
Bujakowski niy mo całych
Mo coś Hoszek i Rogojski
Tyn ôstatni bardzi swojski.

Kupce ze Paniōwōw – XVII w.

Dyć niychej tymu niy dziwo człowiek
Znali tych kupcōw przeca w Krakowie
Chmiel tam wozili, niym handlowali
A ku Paniōwōm sōl zowdy brali.

Zōmek we Paniōwach – XVII w.

Anō, Bujakowske w niym pomiyszkiwali
W tym czasie drzewniany, tako tyż i dali
Zdo, lepi go dworym możno trza mianować
Dlo miejscowych zōmkym – idzie forsztelować.

Paniōwy – 1679

Dziewiytnoście zagrodnikōw tu gospodarzyło
Anō, tako tym Paniōwōm wtedy przitrefiyło.

Paniōwy Bujakowskich – 1706

Dział Bujakowskich wiynkszym już stowo
Tajla kupujōm, jyj cyna stowo
Na dwa tysiōnce talarōw prawie
Tōż dali tela, nō i po sprawie
We wercie przeca zdo gynau było
Tōż Makowiecki srybro trefiyło
Kero z Rogojskich sie wywodziła
Bestoż ty tajli drapci chyciyła.

[broneknotgeld]

Paniōwy Bujakowskich – 1708

Ôd Rogojskiego zaś dokupiyli
Kolejny kōnsek we taki chwili
Tysiōnc ôziymset talarkōw dali
Coroz to wiyncyj tako chytali.

Jan Jōzef Bujakowski – 1730

Co Bujakowskich w Paniōwach było
We jego rynce w tyn rok trefiyło
Dyć coś Rogojske ciyngym trzimali
Czy bydzie tako w dziedzinie dali?

Stanisław Antōni Bujakowski

W ôziymnostym wieku jymu to udało
Paniōwōw te kōnski już społym, już całość
W jednych ryncach tako terozki dziedzina
Co ôjciec skuplowoł to przyjdzie na syna.

Kościōł trzeci – 1757

Kej drugi zestarzał, trza było nowego
Tyż stanōł drzewniany, kukocie na niego
Z Bujakowskich dźwigła go tu Katarzyna
Łōna fundowała, niych to wiy dziedzina
Kej kościōł do dzisioj we Paniōwach stoji
I jako wpiyrw strojom, ciyngym przeca stroji.

Kościōł p.w. śś Pyjtra i Pawła

Paniōwsko świōntynia dziedzinie sztimuje
Ćwierć tysiōnca rokōw ze hokym raduje
Dziwajōm durś jymu – przeca zabytkowy
Sie aszōm kościołym, niy marzy im nowy.

Paniōwy – 1761

Co ôjciec skuplowoł, syn erbnōł po niymu
Gospodarzōł tukej, niym pomarł to jymu
Tako przidorzyło co przedoł dziedzina
A mono swojego niy mioł prawie syna?

16 000 talarōw (1761)

Jan Bujakowski wioska przedowo
Potym rōd jego już tu niy stowo
Von Wallhofyny dziedzina majōm
Dyć krōtko yno – jōm przedowajōm
Dziedzice czynsto miyniōm terozki
Czy w tym Paniōwōw je dopust Boski?

Paniōwy – 1767

Ludwik Szymōński w licytacyji
Paniōwy sprawiōł, dyć bez mecyji
Dziadzina wcale niy upodała
Dwōr i siedlokōw swojich durś miała.

[broneknotgeld]

Dworski browar (XVIII w.)

We Paniōwach biyr warzyli
Dyć i chmiel stōnd wywozili
Dwōr bogaciōł
Pōn niy traciōł
Zagrodniki w karczmie piyli.

W zōmkowym młynie

W zōmkowym młynie tu mōnka mloli
Jōzef Fudala w niym dwoji, troji
Sie młynorzowi dziwać niy trzeba
Kej mōnki potrza by napiyc chleba.

Paniōwy – 1780

Dwiesta trzidziści duszōw rachujōm
Tymu tyż wcale tu niy dziwują
Iże gorzelnio pańsko tyż majōm
Skuli profitu – przeca niy bajōm.

Paniowski "lazaryt"

W łoziymnostym wieku lazaryt tu stoł
Kery ołmy biydne pod swoj dach se broł.

Paniowy 1791

Dwor, młyn wodny, tartak, dlo babow "lazaryt"
Tako ukazuje nom dokumynt stary.

Ôwczarnio – 1791

Zdo, aże sto rokōw ôwce tu chowali
Tōż z Paniōwōw wełny wiela przedowali
Ôwczorze w dziedzinie mieli dość roboty
Sto rokōw chowali, skōńczyło dyć potym.

Dwōr we Paniōwach – 1791

Choć podpiwniczōny, ciyngym był drzewniany
Z kaplicōm tyż społym, zōmka asiōł mianym
Izbōw ôziym było, dziedzicōm stykało
Niym nowy dźwignęli, dość rokōw zetrwało.

Przi Szymōńskich

Sie przi Szymōńskich źle tu niy dzioło
Chocioż niy szkryfna iże wesoło
Kej ziymia Prusōw w tym czasie była
A Napoleōn rosnōł we siyła
I ze Francyji loz ku wschodowi
Prusōm sie wrogym dyć wielgim jowi.

1810

Siedlok poddanym już być niy może
Dziedzic niy panym mu, tōż – Szczyńść Boże
Co ôd Francyji ku Prusōm idzie
Niychej już tako na zowdy bydzie
Choć czas niy leki – władzy w tym Zwola
Kej reformujōm – tako pochwola.

[broneknotgeld]

W Ziymi Bytomski

W Ziymi Bytomski Paniowy były
Tako tyż potym w powiecie
Sie przed reformom dyć niy ukryły
Yno poddały jyj przecie.

Adolf vōn Wrochen

Po Szymōńskich istny stoł dziedzicym tukej
W administracyji jego tyż poszukej
Starostōm powiatu ôstoł bytomskiego
Dboł tyż ô dziedzina kero prawie jego.

Szkoła 1828

Ano - we Paniowach stoji piyrszo szkoła
Pod swōj dach już bajtlōw ciyngym bydzie wołać.

Bergmōńsko sztrasa – 1848

Ze Rudy przez Wiyrek, Halymba, Wygoda
Paniōwy, Bujakōw, Ôrzesze – niy szkoda
Było jōm rychtować, wōngel wozić trzeba
Tyż ludziōm na gruba, kaj niy widać nieba.

Paniōwy – 1851

Wrochyny Paniōwy w tyn rok przedowajōm
Siedymdziesiōnt sztyry tysiōnce aż majōm
Talarōw zdo wiela we wercie dziedzina
Już ludno fest była, to niy je nowina.

Grof Ryszard vōn Wehner-Posadowski – 1851

Kupiōł ôd Wrochynōw, srybra niy żałowoł
Dwōr nowy już tujej, czy łōn go wystowioł?
Prawiom iże stoji ôd połowy wieku
Jako te Paniōwy przi tymu czowieku.

Nowy dwōr (połowa XIX w.)

Nowy dwōr paniōwski już je murowany
Dwie kōndygnacyje, sztok zaś przikrywany
Dachym z lukarnami, tōż gibel ciekawi
Ôd starego wiynkszym tyn dwōr gynau jawi

Dzisioj zdo ôdarty ze downy gryfności
Dzisioj zdo surowym, dzisioj tyn dwōr pości
Trzaby w niym ôd nowa juzaś gospodarzyć
Coby mu co gorsze niy śmiało przidarzyć.

[broneknotgeld]

Nowo szkoła 1867

Tōż trza było nowy szkoły
By ôświata kłaść do gowy
Bajtel możno niywesoły
Czy by woloł posać krowy?

W powiecie zabrzańskim 1873

Sztela bytōmsko z tym podzielōno
Ta naszo wioska przeca niy kōno
Z kreisym zabrzańskim je skuplowano
Dyć czy na wieki bydzie mu dano?

Paniōwy Schaffgotschōw - 1896

Tōż Posadowske sztela przedali
Z inszego rodu Paniōwy brali
Grofy Schaffgotsche tu gospodarzōm
Co ôd Godule za cynkym łażōm
Za wōnglym gōrnoślōnski dziedziny
Paniōwy jejich, rod żech nowiny
Paniōwy jejich do drugi wojny
Panōwy jejich w czas niespokojny.

Paniōwy – 1910

Dziewiyńćset z hokym duszōw już miały
I przi Schaffgotschach dyć rozwijały
Wiynkszość po ślōnsku wtedy godała
Choć i niymiecki jakosik znała
Niy darmo szkoła w Paniōwach była
Niy darmo dziecka do sia ciōngnyła.

We welunku kōmunalnym – 1919

Fest ślōnsko lista tukej wygrała
Kōmplet mandatōw skiż tego brała
Dziewiyńć ich prawie w Paniōwach było
Tako z tym stało, tako trefiyło.

We plebiscycie 1921

Piyńć razy wiyncyj zawelowało
Za Polskōm prawie, Niymcōw przimało.

W powiecie rudzkim 1922-1925

Krōtko, bo krōtko tyn powiat był
We historyji drapko sie skrył.

Gmina Paniōwy

W gminie Paniōwy sōm kolanije
Wygoda Staro i Nowo – czyje?
Anō, ty gminy, dyć gynau tako
Tyż inksze sztele przeca jednako
Dōmbrowa prawie i Fudalowiec
Kōnty i folwark co już bez ôwiec
Same Paniōwy co mianym gminy
Nō i Rusinōw tyż przeca driny.

Mikołów-Śmiłowice

[broneknotgeld]

Śmiłowice

W szesnostym wieku ponoć już były
Choć se przed łokym ździybeczko kryły.

[broneknotgeld]

Śmiłowicki browar XVI w.

Smiłowicki browar trzimoł princ na Pszczynie
Zocne piwo loli w tutejszy dziedzinie?

[broneknotgeld]

677 dusz (1910)

Tela dusz tu zrachowali
Jak register zrychtowali.

[broneknotgeld]

Śmiłowice 1954

Ze Borowom Wsiom przi Tychach
Powiat nowy - niy skiż grzycha.

[broneknotgeld]

Z Mikołowym 1975

Tela wom terozki powiym
Śmiłowice z Mikołowym.

Mikołów-Bujaków

[broneknotgeld]

Z Mikołajym

Mikołaja w godle majom
Toż świyntymu richtig pszajom.

[broneknotgeld]

Byjakow 1305

We ksiyndze biskupi Bujakow znojdziecie
Parafiany tukej przi Wrocławiu przecie.

[broneknotgeld]

Bujakow Bujakowskich

Toż rod Bujakowskich ta dziedzina trzimoł
Ze nojstarszych czasow łon se tukej drzymoł.

[broneknotgeld]

Gruba "Minnete"

Godula wongel tukej dobywoł
Niyjedyn bamber se tymu dziwoł.

[broneknotgeld]

Bujakowsko glashuta

Ano - piosek tukej mieli
Toż i glas był ze ty szteli.

[broneknotgeld]

Godło Bujakowa

Świynty Mikołoj w herbie dziedziny
Z niym łodpust im sie szykuje
Trza ci pamiyntać jak bydziesz driny
Co biskup im patronuje.

[broneknotgeld]

Bujakow XVI w.
Stary kościoł z drewna ze dziedziny zniko
Chnetko parafianin w murowanym rzyko
Kery tu przez wieki przebudowywany
Dyć poł tysionclecio ty szteli już dany.

[broneknotgeld]

Ks. Jerzy Kampy 1974

Farorz Kampy zrobioł wiela
By rozkwitła juzaś sztela
Toż se richtig mu udało
Wyszło tako jak jako miało.

[broneknotgeld]

W łorganistowce 1840

W łorganistowce tu piyrszo szkoła
Dyć pod opiekom przeca kościoła.

[broneknotgeld]

Nowo szkoła 1880

Ano - bajtle se radujom
I rechtory tako czujom
Przeca zowdy w szkole nowy
Lekci wiedza tkać do gowy.

[broneknotgeld]

Byjakow 1995

Toż ze Mikołowym Bujakow cuzamyn
Czy se tako chwolom i chcom już na amynt.

[broneknotgeld]

Kościoł św. Mikołaja

Toż mu świynty patronuje
Co gyszynki dzieciom suje.

[broneknotgeld]

Bujakowski kołocz z rynki
www.dziennikzachodni.pl/artykul/644171,dozynki-w-bujakowie-w-powiecie-mikolowskim-to-prawdziwe,id,t.html
Prawie majom tam dożynki.

[broneknotgeld]

Czy to sosynka
"benedyktynka"?
www.facebook.com/photo.php?fbid=610709638943639&set=a.229286840419256.76543.100000138243099&type=1&theater

[broneknotgeld]

Matko Bosko
Z Bujakowa
Życie głosko?
Boli gowa?
Kej naturze patronujesz
Pewne iże nom dziwujesz
Przeca my som
Durś iptonie
Nudle wiyszom?
Tropi koniec?
Gałyńź tnymy choć my na ni
Chroń natura, chroń nos Pani!

www.sw-mikolaj.katowice.opoka.org.pl/mb_bujakowska.html

Równe - Zabrze

[broneknotgeld]

Równe - Zabrze 2001

Ano - se dwie sztele zaczyły kamracić
Tako by mieć profit a niy yno tracić.

[broneknotgeld]

Równe 1492

Równe juz prawa miejske dostowo
Ze tym rowniejsze bardzi se stowo.

[broneknotgeld]

Dynkmal Ksiynżny Roweński

Toż pamiyntajom tu swoja pani
Co prawa miejske łoblykła na nich.

[broneknotgeld]

Zabrze - Równe 25.01.2001

Z nowym tysioncleciym kamracynio wiela
Wiy to kożdy karlus - tako samo frela.

[broneknotgeld]

Toż możno z Równym to zrychtujecie
forum.gazeta.pl/forum/72,2.html?f=26289&w=61210943
Wciongnońć kamrata w coś potrza przecie.

Kaliningrad - Zabrze

[broneknotgeld]

Prusy Ksionżynce

Piyrsze to państwo w cołki Europie
Kaj sie na Lutra tezy niy "kopie"
Princ Albrecht polskim lynnikym łostoł
Dyć wolno rynka we Prusach dostoł.


Krolewiec 1544

Dboł Hohenzollern ło swo stolica
Chcioł by gryfniejsze durś miała lica
Toż uniwerek tukej wystawioł
By uczoł ale tyż przeca sławioł.

[broneknotgeld]

W Krolewcu i Ełku (1543-1552)

Wiyncy tu ksionżek polskich drukujom
Niż w cołki Polsce - to forszelujom?

[broneknotgeld]

Krolewiec 18.I.1701

Toż elektor w końcu korony se chycioł
"Krol w Prusiech" - szpas taki inkszym tronom wycioł
Europa mo władcy zaś cołkym "nowego"
Z mianym Fryderyka Wilhelma I.


Konigsberg 1255

Przemysła Ottokara II czy znocie?
Na jego cześć miano tego grodu mocie
Krol Czech no i cysorz łon rzymsko-niymiecki
Mieczym krzcić chcioł pogan - nojlepi we plecki

No toż grod warowny tu Zakon wystawioł
Komtur ze Prusami wcale se niy bawioł
Czi ćwierci z tysionca rokow dyć minyło
Wiela sie w tym czasie tukej pomiyniyło.

[broneknotgeld]

4 grody

Piyrwyj przi Krolewcu tyż czi inksze grody
Altstadt Lobenicht Knipawa - czimały se zgody
W łoziymnostym wieku cołkym we jedno zaś zloły
Czas przi Frycu Wielkim przeca był tukej wesoły.


Immanuel Kant 1724-1804

Niy było we tym żodnego kantu
Toż filozofio z niym kwitła sam tu
Łon "Albertiny" perłom był jasnom
Idejom kero niy śmi być ciasnom.

[broneknotgeld]

"Nowo wydany Kancyonał Pruski" - Krolewiec - 1741

Łon przez czi wieki był wydowany
Ze sto sztyrdziści razy wznowiany
Toż we tych pieśniach polskość tu była
Z niymi we sercach nikerych żyła.

[broneknotgeld]

"Dom Rad"

Ruina zamku tym zamiyniyli
Niym "Dom Rad" dźwigli - zaczoł sie chylić
Możno Krziżaki tako sprawiyli
Że przegroł cołkym towarzysz Iljicz.

[broneknotgeld]

Mury miejskie

Skiż wojyn szwedzkich wzniyśli te mury
Baszty bastiony i trocha bram
Niy łodgoniyły cołkym tu chmury
Dyć cosik jednak broniyły sam.


Przebudowa murow miejskich (1843-1864)

Ano - łoblykły se w cegła piyknie
Urody jejich i dzisioj styknie.


Baszta Wrangel

Zdo sie - wyłazi jakby z jziora
Coby Krolewca tako wachować
Chocioż minyła już jeji pora
Werci se na nia tu podziwować.

[broneknotgeld]

Brama Krolewsko

Dwoch krolow tu szukej ze ksiyńciym Albrechtym
Głow jednak niy majom - som wiysz jaki pech w tym
Choć w łostatni wojnie bomby tu niy ściepli
Dyć Ruski na władcow niy yno se hepli.


Brama Sackenheimsko

Piyrwyj grafy jom zdobiyli
Dyć przi Ruskach sie straciyli
Kaj te Yorcki i Bulowy?
-Se łopytej swoji gowy.


Brama Frydlandzko

Na Frydland z Krolewca tyndy żeś wyłazioł
W czasach jak tyn Prawdinsk do gowy niy włazioł.

[broneknotgeld]

"Tołkuczka"

Zdo sie bazar czy torg pchli?
-Djoboł jedyn yno wiy.


"Amalienau"

Wojna dlo dzielnicy dość łaskawo była
Jedyno w całości przeca łostawiyła
Tukej historyji w gowie jakby kipi
Choć ktosik mi pedzioł że to yno ipi.


Dynkmal Schillera

Dynkmal Schillera w Kaliningradzie
Szczyńściym z lot downych sie łostoł
Niy wadzioł karlus wiela w Kraj Radzie
Bo lyjty łod możnych dostoł.

[broneknotgeld]

Kościoł w Emalienau

Krolowa Luiza postawić kozała
Dyć pewnikym tego se niy pomyślała
Że tu czas tyjatru lalkowego przidzie
A Ponboczka pszonie i we tym durś bydzie.


Zoo

Po berlińskim i londyńskim łogrod krolewiecki
Jednak wszysko se zmiyniyło - prziszoł czas radziecki
Downy blask se pryndko stracioł - zoo jednak durś stoji
Ło ta reszta co łostała ktoś sie ciyngym boji.

[broneknotgeld]

Muzeum Kanta

Dzisioj myśliciel muzeum mo
Toż Kaliningrad jednak go zno.

[broneknotgeld]

Nad Pregołom

Miasto nad Pregołom?
Kaliningrad! -Wołom
Co tukej łostało?
Zdo sie cosik mało.


Michaił Iwanowicz Kalinin (1875-1946)

Nigdy se Kalinin niy pokozoł tukej
Przi Stalinie przeca nojczyńści go szukej
Dyć jak w jego strona śmierć kosom machnyła
Komuna te miano w Krolewiec wklejyła.


"Kantgrad"

Byłby Kaliningrad "Kantgradym" ło mało
Dyć miano łod Niymca cosik sie niy zdało.

Lund - Zabrze

[broneknotgeld]

Lund

Dania se piyrwyj Lundu trzimała
Jednak Szwecyji we końcu dała.

Sangerhausen - Zabrze

[broneknotgeld]

Sangerhausen

We wschodnim landzie sztela znojdziecie
Kaj Sachsen-Anchalt i łona przecie.
--

Stare miasto

Sangerhausen - miasto stare
Dyć nom zdo sie ciyngym jare.
--

Gruba Łupkow Kukfru

Ano - w Sangerhausen zobytek przezocny
Toż piyrwyj skiż kukfru niyjedyn tu mocny.

[broneknotgeld]

Staro gruba kukfru

Łoziym wiekow mi sie zdo
Tela rokow gruba mo.

Seclin - Zabrze

[broneknotgeld]

Połedniowe dźwiyrza

Połedniowe dźwiyrza jak do Lille se jedzie
Droga ze Paryża tyndy przeca wiedzie.

[broneknotgeld]

Zabrze - Seclin 2007

Zafajrować możno przidzie
Z kamracynio radość bydzie.

Trnava - Zabrze

[broneknotgeld]

Trnava IX w.

Kaj trakty handlowe se pokrziżowały
Osada stanyła - tref we tym niymały.

[broneknotgeld]

Trnava 1543

Turki Ostrzyhom we rynkach majom
Dyć Kościołowi łoni niy pszajom
Biskup do Trnavy tako se wkludzioł
Na lepsze czasy nadzieja budzioł.

Morawski Bieruń - Bieruń

[broneknotgeld]

Morawski Bieruń

W Jesenikach miasto leży
Łod nos blisko - idzie wierzyć.

[broneknotgeld]

Szternberkow sztela

Tyn rod przezocny wiela tu znaczoł
Tako i Bieruń do sia łonaczoł.

[broneknotgeld]

Przez wieki

Przez wieki całe tako se dzioło
Rosnoł poleku - czasym wesoło
Dzisioj z uciechom tyż zoglondniecie
Tako wos Bieruń pokusi przecie.

[broneknotgeld]

Morawski Bieruń 1872

Z Ołomuńca do Karniowa
Cug przez Bieruń jedzie
Cieszom tukej se z banhowa
Som bardzi na przedzie.


Morawski Bieruń 1895

Tako ta sztela do gowy skoko
Robiom tu papior co niy przemoko.

[broneknotgeld]

Ondraszowa

Do Bierunia przipisano
Zdrowiu richtig tyż łoddano.

[broneknotgeld]

Dehovka

Z tego Bierunia łorkestra dynto
Ze tych zocniejszych - to se pamiynto
W polskim Bieruniu czynsto jom słychać
Zowdy wesoło z niymi "podychać".

[broneknotgeld]

Som "wybuchowe"

Łoba Bierunie som "wybuchowe"
Stond kamracynie siedzi we gowie.

[broneknotgeld]

Bieruń niy sagaty
Sie łoblyk w agaty?

www.facebook.com/events/905810399490652/

Trzyniec - Bielsko-Biała

[broneknotgeld]

Choć wielki

Choć wielki Trzyniec
-dusz mo coś mało
Dyć i Ślonzokow
Tu se spotkało.

[broneknotgeld]

Se łotwiyro

Nom se Gornom Leśnom tyn Trzyniec łotwiyro
dziedzina gościnno - w kamracyniu szczyro.

[broneknotgeld]

Czesko sztela

Czesko sztela - tako ślonsko
Z tym zbajstlujom coś niywonsko.

[broneknotgeld]

Dlo Trzyńca

Jest Bielsko-Biała jakimś wyjontkym?
Trza se kamracić ze kozdym kontkym
Bestoż handszrifty na papior dali
Tako we prawie bydom se pszali.

[broneknotgeld]

Festiwal Miast Partnerskich

Ano - Bielsko-Biała mo
Toż w tym szansa - mi sie zdo.

Nowy Jicin - Świetochłowice

[broneknotgeld]

Nowy Jiczin 1313

Już ze tym rokym tukej osada
Niy cołkym "nowy" - dyć po co zwada.

[broneknotgeld]

Rynek w Jiczinie

Rynek w Jiczinie czeskom perełkom
Toż stond wyjechać niy idzie
Jak tam zoglondniesz ze modom frelkom
Twoj profit - jyj niy ubydzie.

[broneknotgeld]

Nowy Jiczin - Świyntochłowice 1994

Tako kamracom se zocne sztele
Toż przeca wcale niy som kamele
Ślonsko-morawske zdo sie zolyty
Radochy wiela tyż przeca przi tym.

Opole - Poczdam

[broneknotgeld]

www.opole.pl/miasto/partnerskie10.html
Se niy dziwejcie
I poczytejcie.

[broneknotgeld]

"Poztumipi" 933

Zwoł sie piyrwyj "Pod Dymbami"
Rosnol tu ze Słowianami
Dyć jak prziszli tukej Niymcy
Tyn grod cosik fest sie mynczy

Choć zapomniany zdo sie łon był
Toż jeszcze dońdzie do swojich siył.



"Raj na ziymi"

Fryderyk Wilhelm - ksionże elektor
Chcioł "raj na ziymi" zrobić w tych stronach
Łogrodym mioł być tu kożdy hektor
Wele pałacow piyknie tu konać.

[broneknotgeld]

Kościoł św Mikołaja

W neogotyckim Schinkla kościele
Kopuła rowno "piotrowy"
Choć niyłaskawe wojynne dzieje
Dyć "dach" tyn blyszczy zaś nowy

Przeca go dźwigli w tym roku piyknie
W kerym by lot dwiesta klupło
Tworcy świontyni - niych to wystyknie
Dyć zdo sie - coś przi tym mrukło.


Prosto z kościoła

Prosto z kościoła do szifa wlyź
Toż po Poczdamie może cie "wiyź"
Chcesz to popłyniesz se do Berlina
Jak cie umynczy już ta dziedzina.

[broneknotgeld]

Downy ratusz

Downy ratusz przi rynku niy mo dzisioj rajcow
Hereszt tu był nawet - przeca niy dlo jajcow
Potym bank - bo ciyngym mury jego mocne
Dzisioj zaś kultury ideje tu zocne.


"Marstall"

Z pałacu krolewskiego łostały sie stajnie
Choć wpiyrw była tu podobnoś ta oranżeryjo
Dyć Fryc Wilhelm I pedzioł - Zdo sie to niyfajnie
Koni trza mi dlo wojokow - po co ta mecyjo?

Konie żywe i figury zarozki som tukej
Zdo sie cołkym to po myśli jest krola-wojoka
Dzisioj jednak we muzeum filmu se tu kukej
Dej tyż pozor byś niy musioł do kadru aż skokać.

[broneknotgeld]

Konsek Amsterdamu

Już i we Poczdamie konsek Amsterdamu
Łopytać se idzie przi tymu tyż - czamu?
Mieć u sia Holyndrow toż kedyś w tym skarb
Ze niymi szło stracić zowdy jakiś garb.


W NRD

Choć niy było wcale sielsko
Dźwigli sztela "holyndersko".

[broneknotgeld]

"Sanssouci"

"Sans-Souci" - toż zdo sie bez utropy życie
Przi Frycu takowe? -Ano przeca wiycie
Że miało być tukej yno to dlo niego
Czy richtig spotkało to jednak istnego?


"Pruski Wersal"

Fryderyk Wielki budować kozoł
Pałac co zdoł sie tym rajym
Knobelsdorff kunszt swoj cołki w to dowoł
Kaj piyrwyj gorka ze gajym

Ponoć krol grob tu wykopoł dlo sia
Richtig był tym kopidołym?
Ano - łostatnio prochy tu mo sia
Historio kulo se kołym.


"Friedrich der Grosse"

Leży tu kamiyń na grobie krola
To na niym szkryfli - niy byda fulać.

[broneknotgeld]

Za Fryderyka Wilhelma IV

Fryc łojcym Sanssouci dyć sto lot minyło
Nastympnego krola tw wzgorze wciongnyło
Jeszcze se to wtedy piyknie tu rozrosło
Idzie se dziwować na wszysko co doszło.


Kościoł Pokoju

Bizantyjskom bazylikom niy przipodkym zdo sie
Wleziesz - jakby coś ze wschodu we duszy już mo sie
Se zoglondnij tyż do krypty - dwa krole w niyj leżom
Ze ślubnymi - dyć to dzisioj jednom miarom mierzom.


Galerio Łobrozow

Barokowo ta galerio z barokym na płotnach
Niy jest wszysko to prawdziwe - tako dyszkurs utna
Wojna swoje tu zrobiyła - zagrabiyli wiela
Dyć Rubynsym i van Dyckym asi sie ta sztela.

[broneknotgeld]

Oranżeryjo

Dziewiytnostowieczny pałac we tym zdo sie
We zachodnik krzidle durś rosnom te ziela
Galerio łobrazow dobrze tukej mo sie
Dyć w niyj same yno kopie Rafaela.


Domek Winiorza

Na kawa tu wdepnij abo lampka wina
Jak mosz skiż deptanio już dość kwaśno mina.


Chińsko herbaciarnio

Chińczyk z paryzolym "woło" cie do środka
Byś pogaftoł trocha na zbior porcelany
Dyć już umynczonyś i twoja czelodka
A zesel rokoko niy bydzie ci dany.

[broneknotgeld]

Fryderyk Wilhelm IV

"Romantykym na tronie" we Prusach go zwali
Przi niymu Sanssouci rozwijo se dali
Co po Frycu ździybko w zapomniynie poszło
Terozki do wiynkszy świytności tu doszło.


"Spielfestung"

Możno było z tym ździybko i tukej mecyji
Dlo bajtli z krolewski przeca familiji
We wojna se ciyngym mogły teroz bawić
Richtig fest uciecha fater im chcioł sprawić.


Charlottenhof

Przi inkszych gmaszyskach tyn pałac jest mały
Neoklasycyzmym dyć asi sie cały
Ze rozkazu krola Schinkel tako sprawioł
W tym fachu był dobry - przeca se niy bawioł.

[broneknotgeld]

Pałac Babelsberg

W angelskim parku tyn pałac stoji
Inksze budowle tyż tako
Dyć na wyspiarski muster se stroji
Niy wszysko w Niymcach jednako.


Rezydyncjo Wilhelma I

Był prziszły cysorz tym princym jeszcze
Jak tyn Babelsberg chycioł już - wierzcie
Lubioł tu latym se łodpoczywać
Toż chyba niy ma czymu sie dziwać.


"Flatowturn"

Majontek Flatow - Prusy Zachodnie
Ta wieża tukej wspomino godnie
Skond geld był na nia już teroz znocie
Pamiontka tako w Poczdamie mocie.

[broneknotgeld]

"Neuer Garten"

Piyrszy park angelski w Prusach
tela tukej szkryfnońć musza
Toż Fryderyk Wilhelm II
Go wystawioł na czas dugi.


Dwa jeziora

Dwa jeziora som przi parku
Mioł krol gowa dyć na karku
Że i pałac tu wystawioł
"Neuer Garten" - niym se bawioł.


Marmurowy Pałac

Bliknij se jako piyrwyj miyszkali
Kierzy w familiji korona czimali.

[broneknotgeld]

Alexandrowka

Richtig to rusko jest kolanijo
Z Napoleonym była mecyjo
W pruski armiji Rusy służyli
Na koniec tukej se osiedlyli.


Poczdamski Korpus Piechoty

Mioł swoj tyn Poczdam Korpus Piechoty
W niym zaś służyli ruske niycnoty
Co yno w Chorze chcieli durś śpiywać
Dyć niy ma przeca sie czymu dziwać

Frelki za niymi ponoć gupiały
Z tego dzieciska ciyngym se brały
Alexandrowka urosła tako
Choć we Poczdamie to niy jednako.


Alexandrowka 1826

Ło familije Ruskow krol dboł
Wtedy ta ziymia im tukej doł.


Alexandrowka 1829

Dźwignyli teroz cerkiewka bioło
By przed Ponboczkym pokłonić czoło
Jeji wezwanie Olka Newskiego
W zocy durś majom tego świyntego.

Opole - Bruntal

[broneknotgeld]

www.opole.pl/miasto/partnerskie4.html
Z Pepikami tako
Toż przeca jednako.

[broneknotgeld]

Bruntal

Ziymi opawski perełka zocno
Historiom z nami zwionzano
Przez wieki całe stoła tu mocno
Niych rymym jest łopisano.

[broneknotgeld]

"Pradziad" (1492 m.n.p.m.)

Chca łodwiedzić dyć "Pradziada"
Tako se przez Bruntal jada.

[broneknotgeld]

Bruntal 1447

Princ Mikołaj z raciborza
Tyn Bruntal zastawioł
Hynek z Vrbna - ślonski wielmoża
Tako se tu zjawioł.

[broneknotgeld]

Przebudowa

Zamek był tako przebudowany
Toż wiela razy se dzioło
Baroku muster łostatnio dany
Dyć i renesans w niym woło,

[broneknotgeld]

Augustyn von Lichtenstein 1652

Z tym rokym zaczła se łodbudowa
Bruntal zaś blyszczeć zechcioł łod nowa
Krziżacko sztela rozbudowano
Zdo sie po Wiedniu ta mustrym dano.

[broneknotgeld]

Śmierć Prowincjała Zakonu

Toz to było już po wojnie
Niy mog żyć istny spokojnie?
Na bezpieka z tym rachować?
Lepi trza se było schować

Śmiertka z kosom go czekała
Z glajzow do sia jakby brała
Cug mioł szwong jak go wyciepli
Czy przi władzy z tym łokrzepli?

Holice - Strzelce Opolskie

[broneknotgeld]

Holice

Kaj znojdziecie te Holice?
We powiecie Pardubice!

[broneknotgeld]

Holice 1336

Chvojnowsko dziedzina - historyjo prawi
Co łona krolewskom se już wtedy jawi
Toż Jan Luksymburski zarozki tu panym
Taki tref ciekawy tym Holicom dany.

[broneknotgeld]

Holicki ratusz

Piyrwyj na rynku ratusz drewniany
Dyć zgoroł aże dwa razy
Teroz sie aszom tym murowanym
I prawiom co jest bez skazy.

[broneknotgeld]

Kościoł św. Marcina

W wieku sztyrnostym - prawi dziedzina
Już stoł tu kościoł - dyć czy Marcina?

[broneknotgeld]

Sokolovna" 1913

"Sokoł" we Holicach "Sokolnia" zbudowoł
Dzisioj miastu służy i trzimie se zdrowo!

[broneknotgeld]

Se Holice skamraciyły?
We proficie ze tym były?

Strzelce Opolskie - Holice

[broneknotgeld]

Strzelce Opolskie

Wolołbych żeby durś Wielke były
Bardzi im to pasowało
Strzelca psy już by tukej niy wyły
Ksiynstwo tu przeca bywało.

[broneknotgeld]

Ło Strzelcach

Czynsto gon tu mieli
Nasze ślonske pany
Bestoż tyż tyj szteli
Prziwilej był dany

Na kerego mocy
Miasto lokowane
Siedymset lot w zocy
Jak stanoł tu zamek.