WIELKI TYDZIEŃ

[hrabia_potocki]

zawsze mnie jakoś nastraja i przemienia wewnętrznie!;-)))

[broneknotgeld]

Dzisioj w Betanii bydźcie z Jezusym
Nogi łobmyjcie mu piyknie
Możno to ździybko wos tyż już wzruszy
W Wielki Pyńdziałek - czy styknie?

[broneknotgeld]

Z Nazarejczykym wieczerzo zjedli
Dziwow przi tymu se dowiedzieli
Za zdrajcom łoczy już swoje wiedli
Zaprzeć Jezusa tyż niy myśleli.

[soter_mlodszy]

cudowna muzyka, kiedy szarpie się struny duszy!;-)))

[broneknotgeld]

Dniym Iskarioty ta Środa zdo sie
Czynsto Judosza we duszy mo sie
Bez niego byłoby Zmartwychwstanie?
We Twoji władzy - łodpuść nom Panie.

[broneknotgeld]

"Biercie i jydzcie z tego wszyscy"

Dyć wpiyrw malućkim gyry umyjcie
Yno bez musu - richtig to chciyjcie
Taki poczontek Wieczerzy Pański
Tako se rodzioł tyn stan kapłański.

[broneknotgeld]

"Za Boże rany
łod deski do ściany"

We Wielki Piontek dzieciska ołma
Zowdy budziyła rano kijoma
Niy godom żech był ze tego świynty
Ździybko bolały mie yno piynty.

[broneknotgeld]

Jak już te gyry fest łoberwały
Bajtle do mycio se zabiyrały
Przi studni abo lepi we rzyce
Tyż skiż Jezusa - przeca to wiycie
Że do Cedronu w tyn dziyń Go wciepli
Niym se na Niego cołkym już hepli
Choć zimno woda we Piontek rano
Moc mo cudowno - wtedy jyj dano.

[broneknotgeld]

"Boże, moj Boże, czamuś Mie łopuścioł"

Toż niyjednymu to dzisioj zdo sie
Jak siył już braknie - czy wiara mo sie?
Wszyskim pisane łostatnie tchniynie
A czynsto czorne momy sumiynie
Choć niy dźwigomy krziża Jezusa
I lekci w życie nasze nom ruszać.

[broneknotgeld]

Krziż

Krziż - w niym ciyrpiynie
Dyć i zbawiynie
Znak Boga znakym czowieka
Razym go dzwigej
Już sie niy migej
Dugo trza na cie zaś czekać?

[broneknotgeld]

Trudka se waszkorb wyciongła z rana
Wsadziyła nojpiyrw wonnego siana
I prawie wszysko co miała z jodła
Gibko do środka teroz pokłodła

Zefel aż ciyrpnoł jak na to blikoł
Zdo sie połgymbkym cosik tam rzykoł
Ano bo prziszła Wielko Sobota
A ślubno zaś mu dowo robota

Dyć przeca razym waszkorb se wziyli
I do kościoła z niym popyńdziyli
By cołke jodło śwyncone było
I przez rok cały dobrze im żyło.

[broneknotgeld]

Czy we Sobota już niy ma Boga?
Poskopić tego cosik niy moga
Ciyngym nadzieja przeca we duszy
Światło z paschału w cołki świat ruszy

[soter_mlodszy]

broneknotgeld napisał:


> Ciyngym nadzieja przeca we duszy

i miłość potężną!;-)))

Niedziela

[hrabia_potocki]

Jezus żyje!!!

[broneknotgeld]

Alleluja!!!

Alleluja! -Toż sie stało
Życie ze śmierciom wygrało
Krystus z martwych powstoł nom
Czowiek z niym a nigdy som.

[broneknotgeld]

ALLELUJA

Już momy niydziela - grob cołkym łotwarty
A ciała Jezusa w środku wcale niy ma
Możno je wykradli - dyć to niy som żarty
Z martwych powstoł? Może radować sie ziymia?

Maria Magdalyna przi grobie łostała
Anioły spytały jom czamu fest ślinto
Z niymi ALLELUJA piyrszo zawołała
Postać jego przeca ujrzała tyż świynto.

[broneknotgeld]

Toż wody dzisioj wiela nom trza
Z niyj ta uroda frelek jest - pra
Trza loć je wiela i niy żałować
By kunszt natury mog se durś stować.

[hrabia_potocki]

no wodolej!
ja tak sobie myślę, iż to przeistoczyło się w chamskie święto!!!

[broneknotgeld]

Po Wielkanocy

Toż jeszcze Krystus po ziymi chodzi
Bog-czowiek już zmartwychwstały
Sie krześcijanin ze tym pogodzi
Że wlezie w Niebo wnet cały

Latoś zabiere z Polski papiyża?
Tako we woli jest Boga?
Ujmie mu ciyngym ludzkego krziża?
Za to porzykać dyć moga.

[broneknotgeld]

Papiyżowi

Kedy se Twoja Golgota skończy
Ponboczek Cie już zawoło
Możno i Polska w "światłość" sie włonczy
Toż pogodniejsze mom czoło

Duch Twoj durś przeca z nami łostanie
By ciyngym w utropie wspiyrać
Czy usłyszymy jego wołanie?
Czy nań bydymy spoziyrać?