"Kolybej mie"

[broneknotgeld]

Kolybej mie

Kolybej mie leko,
Jako fala łodki,
Kochej mie pomału
Niy być taki pryndki.

Przaj mi tak, jak słonko,
Gynsipympki kocho,
Delikatnie halej,
Bo jo dzioucha płocho.

Zabier mie na łonka,
Wywlycz mie do lasu
Tam, kaj niy ma ludzi,
Poświyńć ździybko czasu.

Patrz mi w łoczy ciyngym,
Modrymi ślypiami
Kuknij na me bułki,
Dziwej sie nogami.

Podyńść mie sie starej,
Całuj bez litości,
Kiecka mi potargej,
W tyj dzikij miłości.

Kolybej mie leko,
Jako wiater kwiotki,
Kochej mie bez gańby,
I darymnyj godki.

Krzysztof Kokot - laureat konkursu
www.rudaslaska.pl/~media/strona/ruda.php?cnt=0&func=show&id=1381

[skorpionica11]

ładne :)
ale wolała bym po "Polsku" bardziej jezykiem zrozumiałym dla przecietnego
człowieka :)

[broneknotgeld]

Kto forszteluje
Przetuplikuje.

[aldar1975]

Jo rozumia ....bom Hanys ...pikne ...ehhhhh

[puch.marny]

jo tyż:)

[bettina75]

...i jo.. :))

[fantka]

Bronku
widzę że jest tu trochę Hanysów którzy Ciebie rozumieją,
a ten wiersz to i ja rozumiem ;)
ładny jest :)

[broneknotgeld]

No, idzie go spokopić, choć możno ciynżko jak sie naszy godki niy zno.
A co do Ślonzokow, to przeca som wszyndy.
Autor wiersza miyszko prawie we Nowym Targu.

[saba63]

staram sie zrozumieć...hm...ciężkie jak dla mnie...;)

[broneknotgeld]

Hmm - to możno minisłownik cosik poradzi wyklarować

kolybej - kołysz
przaj - miłuj
gynsipympek - stokrotka
halej - głaszcz
wywlycz - zaciągnij
ździybko - odrobina, troszkę
ciyngym - ciągle
modry - niebieski
kuknij - spojrzyj
gańba - wstyd
No i na koniec typowy polonizm "bułka" (po ślonsku byłaby "rzymła")
Toż mom prośba ło łodpowiydz na take pytanie
-Co autor mioł na myśli pisząc "bułka"?

[saba63]

broneknotgeld napisał:

> Hmm - to możno minisłownik cosik poradzi wyklarować
>
> kolybej - kołysz
> przaj - miłuj
> gynsipympek - stokrotka
> halej - głaszcz
> wywlycz - zaciągnij
> ździybko - odrobina, troszkę
> ciyngym - ciągle
> modry - niebieski
> kuknij - spojrzyj
> gańba - wstyd
> No i na koniec typowy polonizm "bułka" (po ślonsku byłaby "rzymła")
> Toż mom prośba ło łodpowiydz na take pytanie
> -Co autor mioł na myśli pisząc "bułka"?
>
dzięki...może coś się rozjaśni...;)

[broneknotgeld]

Tyż tako myśla, no i mom nadzieja.

[more.words]

a ja nie rozu7miem ... bom jest

prusaczka przeflancowana na kongresowiaczke ;P
<jak kto wie o co biega>

[broneknotgeld]

Z Prus w Krolestwo Kongresowe!
Jako to spokopi czowiek?

[more.words]

eheś - dokładnie ;) co do zdania pierwszego..

jeśli chodzi o drugie - to prosze o tlumaczenie ;P

[fantka]

"Patrz mi w łoczy ciyngym,
Modrymi ślypiami
Kuknij na me bułki,
Dziwej sie nogami."

Patrz mi w oczy
modrymi ślipkami,
zerknij na me piersi,
delektuj się nogami.

[bettina75]

Fantka, ale z Ciebie poetka:))

[bettina75]

Ech, teraz sie zorientowalam dopiero, ze to tylko tlumaczenie bylo....:))

[more.words]

Jeśli droga Fantko mi odpowiadałas.. to chodziło mi raczej o to, że nie rozumiem
co bronek napisał

"Jako to spokopi czowiek?"

[puch.marny]

Jeśli droga Fantko mi odpowiadałas.. to chodziło mi raczej o to, że nie rozumie
> m
> co bronek napisał
>
> "Jako to spokopi czowiek?"
>

jak to człowiek zrozumie (ma zrozumieć)
:)

[more.words]

dziekować ;))

[fantka]

broneknotgeld napisał:

> Toż mom prośba ło łodpowiydz na take pytanie
> -Co autor mioł na myśli pisząc "bułka"?

Ja próbowałam odpowiedzieć na pytanie Bronka
a właściwie odgadnąć ;)))

[more.words]

eheś

[fantka]

ciekawa jestem czy dobrze odgadłam znaczenie bułki,
może ktoś z Hanysów mnie oświeci ?

[broneknotgeld]

Fantko - to polonizm, toz som żech niy jest cołkym pewny.
Szczyńściym co jest we liczbie mnogi - cosik łodpado.
Hmm - abo "piersi" abo "pośladki".
Co wolisz?

[fantka]

ja się tylko domyślam o co autorowi chodziło,
z logicznego rozbioru wiersza wychodzi mi że piersi,
bo mówi że patrzy w oczy, bułki, nogi,
gdyby bułki oznaczały pośladki wtedy
musiałby być jakiś obrót w tym patrzeniu ;)))

[broneknotgeld]

Hmm, zdo sie co mosz recht - bardzi sztimujom te "piersi".
Hmm, terozki myśla, co autor zdrobnioł tako wyraz "buła".

[fantka]

broneknotgeld napisał:

> Hmm, zdo sie co mosz recht - bardzi sztimujom te "piersi".
> Hmm, terozki myśla, co autor zdrobnioł tako wyraz "buła".

Bronek
Ty myślałeś że bułki to pośladki...
może dlatego ;)
że Tobie się wszystko kojarzy ?

a co to jest buła?

[broneknotgeld]

Buły brać czasami idzie
Wiela ojlow ze tym bydzie.

[fantka]

dalej nie wiem co to są buły

[broneknotgeld]

Nudelkulom ciepła w chopa
Z bułom wielkom mo utropa.

"Pamiyntej synku"

[broneknotgeld]

"Pamiyntej synku"

W chodniku kaś, jakby mocnij zagrzmiało
Strach napion nerwy i zniywoloł ciało
Głośno Wtoś zawył "Ratuj Matko Świynto"!
Cicho i cima, wiyncyj niy pamiyntom

Potym z oddali dochodzi wołanie
Chyba idom ku mie, dej im siyły Panie!
Dej mi Boże wytrwać, modla sie żarliwie
Kamraty już blisko, żartujom o piwie

Ślimtom tak jak bajtel; sztajger do mie woła,
Nojpiyrw do szpitala, potym do kościoła!
Starzikowe myśli po głowie sie tłukom,
Kiedy nos pokrzepioł życiowom naukom...

Synku, na grubie głymbij wierzyć trzeba
Z dołu górnikom dalij jest do nieba.
Synku, w kopalni śmierć jest niydaleko,
Pamiyntej wdycki, niy wiysz, co cie czeko.

autor; Krzysztof Kokot - laureat konkursu

[fantka]

Wiersz piękny,
ale smutny...
i taki na czasie :(

[broneknotgeld]

Mosz recht - "na czasie"
forum.gazeta.pl/forum/72,2.html?f=28940&w=52905310

[broneknotgeld]

forum.gazeta.pl/forum/72,2.html?f=261&w=52650105
Dyć i tam se werci kuknońć.

[fantka]

o tym właśnie myślałam
pisząc "na czasie"

[broneknotgeld]

Przi Barborce z tym utropa
Żol kożdego przeca chopa.

"Godej do mie"

[broneknotgeld]

Godej do mie (modlitwa)

Godej do mie Ojcze, zimnym płatkym śniegu,
W lato barwom tynczy, stadym koni w biegu,
Lotym szmaterloka, grzywom morskiej piany,
Biołymi szczytami, co widza w oddali.

Dej mi poznać Panie, czy właściwo droga,
Ciyrpiyń dej mi wiyncyj, niźli uniyść moga,
Postow na gościńcu, mondrych ludzi poru
By pomogli czasym, dokonać wyboru.

Pozwol abym ciyngym, chwoloł Twoje imie,
Widzioł Cie we kwiotkach i we mroźnej zimie,
Abych czuł na ziymi, tchniynie Boże czasym,
Możesz mi pogrozić, huknońć gromkim basym.

Kiedy jednak przidzie ostatnio godzina,
Przijmij mie do domu, jako swego syna,
Przigarnij ku Sobie, już na tamtym świecie,
Niy bydź zbyt surowy, przecam Twoje dziecie.

Krzysztof Kokot - laureat konkursu

[fantka]

rozumiem pół na pół
resztę się domyślam ;))

[broneknotgeld]

Hmm, niy wiym jake wyrazy tuplikować, bo widza yno jedyn taki

Szmaterlok - motyl

[fantka]

dzięki Bronku z motyla :)

[fantka]

miało być
dzięki Bronku za motyla :)

[broneknotgeld]

Hehehe - dyć wiym co by mie żodyn szmaterlok niy udźwignoł.

[fantka]

hihi
to motylem nie jesteś?
tzn szmaterlokiem ;)))

[broneknotgeld]

Z wiekym biyra wiyncy pija
Toż ze tego trocha tyja.

[fantka]

a czy bardzo "tyja" ?

[broneknotgeld]

Toż ciekawo frela!
-Jeszcze niy za wiela.

"Jako by sam boło"

[broneknotgeld]

Jako by sam boło

We trowie
kaj małe rozsiote kamelki
we żytku
kaj chabry śmiejom sie do chmury
na płocie
kaj gołomb jako bioły anioł
na dachu
kaj pukel stowio kotek bury
jako by tam boło
bez naszego przocio
ku miedzom i chałpkom
i hań... ku kiyrchowie
jako by tam boło
jakby my niy przoli
naszej ślonskij ziymi
naszej ślonskij mowie
kiery marnotrawny syn
odejdzie herny
chce mieć gość tyj ziymi
bo serce go wiedzie
dycko ku tym stronom
ku ojcowskim progom
choćby i na chwila
rod nazod przijedzie

Ewelina Kuśka Laureatka konkursu

"Zielonołoko"

[broneknotgeld]

Zielonołoko

Siedzicie dumno, choć schorowano,
a gymba piykno, choć posmyrszczano,
a włosy biołe i blyskow pełne,
Łoczy zapadłe, ale promiynne,
Pszoci we sercu, lyki we taszce
biel na byfyju, czerwiyń we blasze
Starko grubiorzow, matko wojokow,
babo powstańca zielonołoko,
Zielonołoko historie matko,
co krykom wspiyrosz sie przed upadkiym,
co szłapy spuchłe smyczysz po zoli,
co ślonske serce czynsto cie boli,
co ślonsko dusza gno hań do nieba.
Ukryjcie starko mi sznitka chleba.

[broneknotgeld]

To tyż szkryfła Ewelina Kuśka - lauryatka konkursu.

[fantka]

ciekawa jestem ile osób tu piszących
czyta gwarę bez trudu ;)

[broneknotgeld]

Co do "gwary" to niy mom pewności.
Co do godki, to we tym wontku zdo sie mosz sztyrech internautow, kierzy niy
majom ze tym utropy.

[wesola_kicia]

Bronku,ładne :)
gwara hm tęsknota za moim miastem sie obudziła .
ech śląsk :)

[broneknotgeld]

Inksi tyż tam gryfne wiersze posłali.
Bibliotyka wydała nawet skiż tego tako broszurka.
Utropa yno we tym, że pełno tam felerow.
Korekta sie niy postarała, a program komputerowy przi godce tyż gupieje.

Ślonsko Betlyjka

[broneknotgeld]

"(Narrator)
Jako z Maryjôm naszôm sie stało
Co modo frelka Syna poczyła
Niychej wiy ło tym i ziymia cało
Z Pônbôczka woli brzymiynnôm była
Toż Zefel stolorz wziôn jôm za ślubno
"Syn Dawidowy" śnik tyż mioł taki
W kerym klarowoł mu anioł rôwno;

(Anioł)
Niy som na darmo te wszyske znaki
Ty dlo Jezusa rodzicym bydziesz
Przeca żeś chopym niy belejakim
Z Immanuelym do Nieba przidziesz

(Zefel)
Toż môj aniele niych to sie stanie
Ślubnôm mi ciyngiym Maryjo czysto
A jak już przidzie jyj rozwiônzanie
Pszoć tako byda - rzecz łoczywisto

Jezusiczkowi co sie narodzi
Z cołkiych siył swojich zastômpia Pana
Tako mi słudze przijôńć se godzi
Ta wola bosko - jak yno wstana

(Narrator)
Chnet czas registru prziszoł rzymskigo
Zefel z Maryjôm już we Betlyjym
Sie spodziywajôm szczyńścio swojigo
Dyć tu ze ańclom wiela mecyji

W stajynce tako kôntek swôj majôm
Tref? – Przeznoczynie co im pisane
Świynto Familjo – choć fest sie pszajôm
Dzieciôntko w biydzie na świat wydane.

(Kacper, Melchior, Baltazar)
Toż nôm we łoczach gwiozda durś blyszczy
Do krôla drôga wskazuje
Narôd żydowski z Niym wiela zyszczy
Zdo sie – już ziymia to czuje

Arcykapłany – czy drôga znocie?
Kaj Krystus se wôm narodziôł?
Dobro nowina dlo nos już mocie?
Cud ty Judeji przigodziôł?

(Herod)
Co to za myndrce? Kogo szukajôm?
Krôlym Judeji jo tako!
Bojaźni w sercu łôni niy majôm?!
Dyć zowdy niychej jednako

Tôż tyn môj narôd mie słuchać bydzie
W utropie jako w radości
Niy?! – Dyć mu richtich z tym gorzi przidzie!
Wiela krôlewskij môm złości!

Hej – sługi moje! Myndrcôw mi dować!
Niychej łopytôm se gości
Cygaństwo abo jakosik zmowa?
Kto mie łodbiyro wielkości?!

(Narrator)
Jako rozkozoł tako sie stało
Już isnych wiedôm mu sługi
Dostojność jejich aż błyszczy cało
Dyszkurs niy bydzie za dugi.

(Kacper, Melchior, Baltazar)
Herodzie – gwiozda niy łocygani
Do krôla świata nos wiedzie
Ćmok przidzie - łoko sôm połôż na ni
Judzke Betlyjym na przedzie

W niym se dokôno co przeca musi
Tôż ziymia kwiycie wydowo
W pszoniu nojwiynkszy – grzych go niy skusi
Śmiertelny Bogym sie zdowo

Kraj twôj szczyńśliwy niych se raduje
Sôm Stwôrcy tako złôż dziynki
Uwiyrz jak tego niy forsztelujesz
Skôńczôm sie wieczne nôm mynki.

(Herod)
Toż roztomili idźcie szukejcie
Recht co to musi być cudo
A jak znojdziecie znać drapko dejcie
Bych sôm z pokłônym se udoł.

(Kacper, Melchior, Baltazar)
Panie Judeji - niychej sie stanie
Tôm samôm drogôm wrôcymy
Byś tyż môg zaczôńć te fajrowanie
Wszysko ci chnet łopowiymy

(Narrator)
Toż do Betlyjym w kôńcu ruszyli
Stajynka i żłobek znodli
Kaj już pastyrze nojpiyrwyj byli
Dzieciôntku dary pokłodli.

(Kacper, Melchior, Baltazar)
Maryjo gryfno i Zeflu zocny
Z wôs świynto już familijo
Dzieciôntko zesłoł Pôn Bôg wszechmocny
Szczyńście – niy jakoś mecyjo

Tu pokłôn Jymu my złożyć prziszli
Gwiozdka nos wiôdła do Niego
Ano żył nojprzôd we naszy myśli
Dzisioj widzymy Isnego

(Maryjo)
Myndrce ze wschodu a wpiyrw pastyrze
Dzieciôntko Boske witajôm
We żłobie dzisioj jego jest lyże
Dyć przeca wiela mu pszajôm

Zdo sie - w świat idzie dobro nowina
Ło cudzie w małyj stajynce
Boże w łopiece miyj mo Dziecina
Durś Twoje czim nad Niôm rynce.

(Zefel)
Toż dejcie dary wele Jezusa
Łodpoczońć w stajni tyż chciyjcie
Posłać w barłogu wôm jednak musza
Biyda - tu spanie se miyjcie

(Anioł)
Kacprze, Melchiorze i Baltazarze
Misyjo waszo skôńczono
Już historyjo tego niy zmaże
Co Bôg w Betlejym dokônôł

Zowrôćcie do sia – mińcie Heroda
Niy paczcie danego słowa
Bo ze tym prziszłaby wiynkszo szkoda
Choć krôl - zowistno mo gowa.

(Narrator)
Jak aniôł pedziôł tako sie stało
Myndrce już do sia wrôcajom
Heroda mynczy zaś richtich małość
- Ciyngym złe myśli ścigajôm.

A wele żłobka dali jest radość
Aż prziszôł tyn co mo piôra

(Anioł)
Coby złe tukej niy miało zadość
Zefel – se wybier za gôra
Niy yno jedna – za rzeki pola
Słônko z miesiônczkiym niych wiedzie
Anô – ci Egipt terozki chwola
Prowodź familjo na przedzie."

[broneknotgeld]

(Herod)
Kaj sôm te myndrce? Downo być mieli!
Wieść ło Dzieciôntku prziniyśli?!
Czekôm jak gupi w ty moji szteli
Możno z Judeji już wyszli!

(Sługi)
Panie - kraj ponoć przeszli po cichu
Blisko już dôma sôm łôni
Śmieli se niy boć takiygo grzychu
Dyć jako isnych nôm gonić?

(Herod)
Tôż co zrychtować? - Bajtli zabijać!
Kere łostatnio zrodzône?!
Wojoki! Trza sie za tym uwijać!
-Utropy z tym łodmiyniône!

(Wojoki)
Krôlu Herodzie twôj rozkaz srogi
My sługi tako spełniymy
Tyś jest nôm bardzij łod dzieci drogi
Żeś władcôm - to jedno wiymy

Jako rozkożesz tako sie stanie
Na nic ślimtanie i jynki
Matek w utropie głośne wołanie
Jak wolôm twojôm ich mynki

(Herod)
Ano! Dyć ze tym trôn mocny bydzie
Zicna se na niym jak piyrwyj
Deliberować ło taki biydzie
Jak styknie pedzieć mi - wyrwij!

(Narrator)
Rzeź niywiniôntek straszno nastała
W Judeji podniôs sie lamynt
Litości wola krôla niy znała
Dlo synkôw taki był amynt

Świynto familjo w Egipcie bôła
Jezus im rosnôł poleku
We Niym sie bosko wola ukrôła
Wiydz ło tym dobry człowieku

Syn Boga richtich Krystusym bydzie
We kôńcu czas łodkupiynio
Człowiek do Łojca-Stwôrcy chnet przidzie
Świat Jego pszôniym sie zmiynio

Dyć we Betlejym wszysko sie stało
Pônbôczek w Synu narodziôł
Choć ta betlyjka licho i mało
Przeca i na nia tyż zgodziôł.

[broneknotgeld]

A taki malutki gyszynk na Wilijo.
To już niy konkursowe.

[fantka]

broneknotgeld napisał:

> Co do "gwary" to niy mom pewności.
> Co do godki, to we tym wontku zdo sie mosz sztyrech internautow, kierzy niy
> majom ze tym utropy.

Ja mam duże "ze tym utropy" ;))))

[broneknotgeld]

Pewnikym tako na zowdy bydzie
Dyć ślonsko godka wcale niy w biydzie.