Ślonske "Hanysy" 01.10.2004

[broneknotgeld]

"Hanysy 2004"

Jak przidzie yno październik piyrszy
Nasz MOK na Ślonsku bydzie nojwyrszy
Bo przeca tukej bydzie ta gala
Kaj sie "Hanysa" idzie pochalać

"Raki" zaś bydom figurki dować
Jako co roku - ło tym tu mowa
Ciekawe komu latoś je dadzom
Pewnikym wiela nad tym już radzom.

[broneknotgeld]

Szłoby sie zabawić jakby "nominować"
Chciyjcie swoje "typy" we tym wontku dować.

[broneknotgeld]

Wciepcie ło kerych yno se chcecie
"Hanysa" przeca to niy pogniecie
Jak ktosik tukej za tym se bliknie
Polacho żdziybko - to tyż już piyknie.

[broneknotgeld]

Już sztyrech żech "nominowoł"
Ździybko mało - mi sie zdowo
Dyć wy cosik dociepniecie
We tym naszym "babim lecie".

[broneknotgeld]

Kurde - docieplibyście do paki
Toż poczytajom to możno "Raki".

[broneknotgeld]

"Raki" to czytajom - robiom se czerwone
Tela kandydatow - wnerwione już łone?
Dyć se niy strachejcie - szkryflejcie tu dali
Przeca sie skiż tego forum niy rozwali.

[broneknotgeld]

Termin rozdanio już coroz bliży
Niychej tyn wontek tyż bydzie wyży.

[broneknotgeld]

Kurde - zaś wontek cosik za nisko
A przeca finał już cołkym blisko

[broneknotgeld]

"Raki" pewnikym ło tym niy wiedzom
Że z tym tymatym na forum siedzom
Dyć latoś yno był "piyrszy krok"
Na bezrok wontek zaś zrobi skok.

[broneknotgeld]

www.um.ruda-sl.pl/~media/strona/ruda.php?cnt=0&func=show&id=627

[broneknotgeld]

Jerzy Gorzelik

Narod ślonski możno teroz poprowadzi
"Hanysa" dostanie to se z tym poradzi.

[ciupazka]

Jo Bronkanotgelda proponuje
Zaś hepikowi krwi napsuje...hehe.

[broneknotgeld]

Hehe Ciupazko - stokrotne dziynki
Dyć niy chca inkszym robić ty mynki.

[broneknotgeld]

Pódzie karlus w gora?
forum.gazeta.pl/forum/72,2.html?f=59&w=15817791&v=2&s=0
Rosnom już mu piora?

[broneknotgeld]

"Dość tego szpasu" - kajsik jo słysza
Gorzelikowi trza dać "Hanysa".

[broneknotgeld]

forum.gazeta.pl/forum/72,2.html?f=170&w=15648368&a=16000613
Hehe - tyż inksze łon mo zasługi
Dyć "rejestr" tego by był dość dugi.

[jaborygyn]

Karlus je s'mjauy i fest robotny!
Jaki Ci przi tym gibki, uobrotny?

Przed szloonzky sprawy i dlo Noroda,
je jak dlo koua muyn'skigo - woda.

Poradzioou ruszyc' Ooupoow, Staroszkoow,
hocia Mu nawet szczyndziyli broszkoow.

Tero to wszysko idzie nadrobic'.
Latos' "Hanysym" w Rudzie uozdobic'!

[broneknotgeld]

"Hanys" to jakby na som poczontek
We Belwederze mogby mieć kontek.

[jaborygyn]

Uoon w naukowy grzebje sie niwje.
Kuko po koontkah jakih pragliwje?

Niy! Bo we Szloonzka Wjyrhniego Arcie
uod s'rednih wjekoow siedzi zarzarcie.

S'wjyrzus'ki buh, co w niym uo tym prawi,
pewnikym korzdy Szloonzouk se sprawi.

Kaj z Irmoom, Berbloom i ze Szefowoom,
Kunszt pokouzali metodoom nowoom.

Jo jurz go cytoom, sylabikuja
i w coroz wjynkszym wercie sie cuja!

To skirz bogajstwa uotwartyh granic.
Grodzic' Regijoon? Niy zdo sie na nic!

Bo gywiht Sztuki Szloonzka w ty racje:
Niy zwjyndnie dzieuo rzodnius'ki nacje!


SZTUKA GÓRNEGO ŚLĄŚKA
OD ŚREDNIOWIECZA DO KOŃCA XX WIEKU

EWA CHOJECKA, JERZY GORZELIK, IRMA KOZINA, BARBARA SZCZYPKA-GWIAZDA

Muzeum Ślaskie
Katowice 2004

Jerzy Gorzelik, Ewa Chojecka, Irma Kozina

[jaborygyn]

Z "Wprowadzenia":

"Model jednorodności etnicznej, językowej czy kulturowej, jaki narzucany był
przemocą przez bez mała pół wieku, stał się anachroniczny. Zjawiska artystyczne
postrzegamy zatem inaczej, w szerokim kontekście środkowoeuropejskich realiów,
a nawet - co przesadą nie będzie - w obrębie uniwersalnej tradycji łacińskiej
Europy. Sztuka na Górnym Ślasku tak pojmowana poczyna ujawniać nieoczekiwane
bogactwo heterogeniczności, niezwykłą polifonię zjawisk. Dzieje się tak, gdyż
przestały obowiązywać nakazy grodzenia regionu kordonami granicznymi, które
z reguły prowadziły do uwiądu. Zaczynamy doświadczać granic otwartych."

[broneknotgeld]

Hehe

Tu tyż sie nowe ze starym wadzi
Czas możno tymu jakoś zaradzi.

[broneknotgeld]

Nasz prezydynt

Ze niego "Pater" Rudy jest przeca
"Hanys" pasowoł by mu do neca.

[broneknotgeld]

Czy łon już tego "Hanysa" mo?
Skuli ty ciszy to mi sie zdo.

[broneknotgeld]

Prezes Zwionzku Gornoślonskego

Za to że u niego gowa jest łotwarto
Choć nikierzy prawiom co niywiela warto.

[broneknotgeld]

Ponoć traci punkty Szyga
Chce sie z czegoś już wymigać?

[broneknotgeld]

Możno sekretorz

Możno sekretorz - no tyn Krakowski
Dlo Rudy we niym "ratunek boski".

[broneknotgeld]

Pszonie ślonsko-wielkopolske
Dzisioj przeca bardzi swojske.

[broneknotgeld]

Ciupazka

Na ślonskim forum blyszczy jyj siła
Łona i Giewont by łobalyła.

[ciupazka]

Bronek żarty sobie stroi ,
kie z ciupazki lecom trzoski, hehe...

[broneknotgeld]

Ciupazko - tyn "Hanys" to gryfno nagroda
Cosik dlo nos robisz - dać Ci jom niy szkoda.

[broneknotgeld]

Kto głosuje na Ciupazka?

Dyć szłoby w Rudzie jom "wypromować"
Jo bych se na nia posty chcioł dować.

[broneknotgeld]

Arnold7

Ło Śłonzek richtig łostro sie "bije"
Zdowo sie jakby dlo tego żyje.

[broneknotgeld]

Nasz szmaterlok

Figurka ciynżko dlo szmaterloka?
Dyć po nia nawet niy musi skokać.

[broneknotgeld]

Coś ło niyj łostatnio cicho
- Za wodami teroz dycho.

[broneknotgeld]

Na rozdaniu "Hanysow" możno bydzie frela
Choć "Raki" do zadku dyć pływajom wiela.

[broneknotgeld]

Otylka "Hanysa" już piyrwyj dostała
Bestoż we Atynach dobrze nom pływała.

[broneknotgeld]

Ślonsko Barborka

Dlo niyj jest Ślonzek przed partyjom w zocy
Niychej teroz "Hanys" łobciyro jyj łoczy.

[broneknotgeld]

Trza nom jakoś wspiyrać frela
Niby mało - dyć choć tela.

[broneknotgeld]

Naczelno

"Wiadomościom Rudzkim" ta frela szefuje
"Hanysa" dostanie - lepi se poczuje
Machnom sztyry strony ło imprezie cołki
Przi czytaniu tego umynczom sie stołki.

[hepik1]

broneknotgeld napisał:

> Naczelno

Wystyrk, Notgeld, Wystyrk-Benigier...

[broneknotgeld]

Dziynki

Mosz recht - jest Wystyrk - sprowdziołch w gazecie
Dyć mo pomyłka jom niy ugniecie
A jakby chciała cosik napisać
Może i nudli na mie nawiyszać.

[broneknotgeld]

W hucie przeca praktykowoł
I swoj humor inkszym dowoł
Z tym łostatnim dali leci
Życie tako mu sie kleci.

[broneknotgeld]

Łon sie z "oo" ślonskim asi
Pod opiekom świynty Basi
Jak ta Ruda naszo przeca
Trza dociepnońć go do neca.

[broneknotgeld]

Karlus tyż w szkryflaniu mocny
forum.gazeta.pl/forum/72,2.html?f=423&w=14038356&v=2&s=1
Wiy że ślonski rym jest zocny.

[jaborygyn]

Roztomjyuy Broonku! Karlusie! Kolego!
Przeca Uoon je ino Waszym Alter Ego!

[broneknotgeld]

Jake "Alter Ego" jak som szkryflo wiela?
Toż i dziynki niymu blyszczy ślonsko sztela.

Jan Stefan Dworak

[jaborygyn]

Kejby Hanyse pos'mjertne boouy dane,
to bez Nih wszyjske boouyby pozbjyrane.

Za pjyrsze suowa, kejsik tam za Wilyma,
Uojcoow, z Paciyrzym, po szloonzku. Uo tym wjyma!

Za Koongregacjo Muodziyn'coow Marijan'sko
i Alojzikoow. Verajna krzes'cijan'sko.

Za pszoonie Rudzie. Sebrane dloo Nji Wjano.
Gyszihta Ludzioow, rudziokoow - dobre Mjano.

Za przipoomniyni, niy bele kogo wcale,
Karla Godule - kyjniga cynka, nale.

I za Barboorka! Jak ta ze herba rudy,
swoja, kohano, wpatrzoono w Uojca trudy.

Co Mjyuos'c' Waszo na Dziejcia przelouc' umi,
bo tak testamynt do dzisioj Wasz rozumi.

Cy za to Hanys, cy jaki inkszy order?
Sames'cie kcieli, byc' przed Nous - Heimatforscher!

[broneknotgeld]

Ta "kandydatura" tukej mie niy dziwo
Jednak mo "Hanysa" dostać dusza żywo.

[jaborygyn]

A skoond Wy wjycie, rze Dusza niy w rzywocie?
Kej Ji zaistniec' na nowo tu niy docie.

Jak dobro rzyje we Ludziah pamjyn'c' uoo Ni,
fto tu "Hanyse" pos'wjyn'cic' Ji zabrooni?

[broneknotgeld]

Niy ło to idzie ło czym szkryflocie
"Hanys" mo żywym dać trocha pociech
Tako jo myśla - moga se mylić
We ty intyncji chca coś wychylić.

[ramen5]

forum.gazeta.pl/forum/71,1.html?f=261

[broneknotgeld]

Toż szkryfna tako - Werner Wesoły
Frelki sie bydom do niego śmioły.

[broneknotgeld]

"Hanys" karlusa tyż rozweseli
Możno tu szkryfnońć byście coś chcieli.

[broneknotgeld]

"Śląsk traktuję poważnie"

Take se piykne hasło powieloł
Toż wiyncy jakby w Synat sie wszczeloł.

[broneknotgeld]

Za Kana Rudzko - niy Galilejsko
forum.gazeta.pl/forum/72,2.html?f=261&w=8184787&v=2&s=0
Bo z niym w tym wontku jest richtig sielsko.

Magda Piekorz

[jaborygyn]

Cy Woom sie niy zdowo co uopowjys' "Dziobou",
Kuczok Adalbertus przed Magda wyszkrobou?

Darmo przeca boouo pokazowac' plycy,
kaj z karbaca pryngi do teroska lycy.

Tak jak Szloonzek couki, uod Polouka - "Uojca"
hiby brou z "Mjyuos'ci". W gynah Uoon zaborca?

W pokolyniah trwaua, dali moge potwac',
i na staros' modym wziynte hiby uoddac'.

Z pjekua do sie uciyc! Zwyciynrzyc' Pjeroona.
Roztropnoom, rozumnoom Mjyuos'cioom, jak Uoona.

Tania - ta poradzi. Adalberta Duszo
lycy we Nadzieji. To tak wszyskih wzruszo!

[broneknotgeld]

Frelka kunszt we duszy mo
Blyśnie niyroz - mi sie zdo.

[jaborygyn]

Wy sie w ty Rudzie ale gibejcie.
I ze "Hanysym" ku Nji bjygejcie!
Bo po cihus'ku moga Woom padac',
co po Oskarze darmo uobjadac'!

[broneknotgeld]

Sie ło te "Pręgi" bydymy starać
Klamka zapadła - sztartnom w Oskarach.

[broneknotgeld]

Gorko skiż ty freli jest
katowice.naszemiasto.pl/wydarzenia
To podobo mi sie fest.

[broneknotgeld]

Kożdy teroz sie dowiedzioł
miasta.gazeta.pl/katowice/1,35068,2302789.html
Jako ło tym Kutz powiedzioł.

[broneknotgeld]

Zapomnioł żech ło karlusie
Dyć som we łoko mi wloz
forum.gazeta.pl/forum/72,2.html?f=261&w=15993248&a=15993349
Niychej rozgości tyż tyż tu sie
Na końcu - możno w som roz.

[broneknotgeld]

Za yntylygyncjo sortu nojwyrszego
Niych tyn "Hanys" idzie we rynce istnego.

[broneknotgeld]

W Zasiedmiogórogrodzie tolerancjom słynie
Szkryfna nawet wiyncy - w unijny dziedzinie.

[broneknotgeld]

Godom jeszcze tela - z niego karlus prosty
Szkryfloł tyż tu duge fest czytelne posty.

[ciupazka]

Jerzy GORZELIK nagrode HANYSA w tym roku trzaśnie!!!
Na Twoje Bronek pytanie , daje Ci moje zdanie.
Telo.Pozdr.

[broneknotgeld]

"Hanys" dlo Gorzelika

Tyż bych mu go doł
Czy "Rak" bydzie chcioł?

[broneknotgeld]

forum.gazeta.pl/forum/72,2.html?f=59&w=16006774

[broneknotgeld]

No toż trza by szkryfnońć terozki jako latośz tymi "Hanysami" było. Podowom za
"Wiadomościami Rudzkimi". Wyboczcie, że dopiyro terozki, dyć przeca łostatnio
mie we Rudzie niy było.
Nagroda dostali:
- Paweł Kotucha - dyrygynt chóru "Słowiczek"
- ks.dr hab Zygfryd Glaeser - za działania na rzecz pokoju, ekumenizmu,tolerancji
- Józef Polok - za ślonski humor
- Krystyna Bochenek - za aktywność społeczno
- Andrzej Bochenek - za to za co biere piniondze (lykorz dostoł za to że lyczy)
- Józef Skrzek - za ambitno muzyka
- Jan "Kiyks" Skrzek - za ślonskego bluesa
- prof. Jerzy Buzek - za polityka
No toż na tym fajrant. Kto chce może to po swojymu skomyntować.