Konkurs na hasło TESCO

[broneknotgeld]

Trza mi to chyba zrobić inaczy
Ta cisza jednak coś tukej znaczy
Dzwigom terozki wysoko kijok
Choć zy mie przeca wcale niy pijok
Sześć kufli piwa stawiom jo tym
Kerzy w tyn tymat pódom jak w dym.

[broneknotgeld]

Sześć kufli piwa to cało pula
Niy chca wos tukej za wiela fulać.

[broneknotgeld]

Mie tu niy liczcie - jo w jury jest
Dyć Wy szkryflejcie już tukej fest

[broneknotgeld]

Może być z tego piykno zabawa
Dlo internautow ciekawo sprawa.

[broneknotgeld]

Na piwo wszyskich ich zaproszymy
Do knajpy kero sie wybierymy
No i niy może to być mordownia
Frelki tyż prosza - dodejcie łognia
Niychej to z biglym wszysko poleci
Rymym i prozom idzie to klecić.

[broneknotgeld]

Stawka konkursu

Wiyncy niy dzwigna bo skompia grosza
Ciepcie te hasła ło to Wos prosza.

[broneknotgeld]

Jak inkszy sponsor tukej zawito
Niych stawka dzwigo - mie sie niy pyto.

[broneknotgeld]

Jury

Naszo to bydzie przeca zabawa
Dyć i te noty to naszo sprawa
Ci co te hasła wysujom piyknie
Pokożom kerym piwa wystyknie.

[broneknotgeld]

Punktacjo

Sześć piw - sześć punktow kożdy niych mo
I jego sprawa komu je do
Potym to piyknie wszysko zliczymy
I w knajpie zocnie tyż łoblejymy.

[broneknotgeld]

No! Jak tyn tymat teroz niy chyci
Jak niy bydziecie tych haseł klycić
To jo łotrombia że we tyj Rudzie
Richtig niczego zrobić niy pódzie
Bo internałty niy majom szwongu
Cosik naszkryflom tyż ło anongu.

[broneknotgeld]

Ze swoji puli piyrszy punkt ciepia
Tyn za łodwaga Kiyksowi lepia
Niychej to bydzie dobry poczontek
I wreszce tukej poleci wontek.

[broneknotgeld]

Tescomaniak zy mie jest
Chca rozkryńcić tymat fest
Dyc durś cosik niy sztimuje
Możno "Tesco" sie już suje.

[broneknotgeld]

Pod Grunwaldym

Jak sie ślonske wojsko pod Grunwaldym prało
To i "Tesco" z niymi razym wojowało
Dyć ze szwongym potym zwijało namioty
Bo nom tam porzondnie czepali galoty.

[broneknotgeld]

Widziołch piykno jo Tereska
Wlazła sago se do "Tesca".

[broneknotgeld]

Matko Bosko w "Tesco"
To prawie UNESCO.

[broneknotgeld]

Ponoć Korfanty tyż był we Rudzie
Godoł że z "Tesco" lepi nom pódzie
Jak godka Wojtka Stania usłyszoł
Zaroz do sklepu ze necym prziszoł.

[broneknotgeld]

A tymat "Tesco" jak stoł durś stoji
Niy chcecie piwa skiż tego dojić?

[broneknotgeld]

Barborka

Już widza - idzie naszo Barborka
Choć mo do "Tesco" trocha pod gorka
Zlazła ze herbu - w jyj rynce miecz
Jednak niy godo do "Tesco" - "precz"
Broń na parkingu se łostawiyła
I we tym sklepie wiela kupiyła.

[broneknotgeld]

Do "Tesco"

Jeszczech tam niy wloz - dyć kedyś póda
Do środka blikna w ta modro buda.

[broneknotgeld]

Łostatnio prziśnioł mi sie Godula
Pedzioł - Ło "Tesco" przestoń już fulać.

[broneknotgeld]

Wieszcz w "Tesco"

Wieszcza żech widzioł - tyż łon wpod tukej
A joch mu pedzioł - Dziadow niy szukej.

[broneknotgeld]

No ja - jo szkryflom - inksi czytajom
A wszyjscy "Tesco" richtig fest pszajom
Yno ich gańba ło tym napisać
Dyć niy bydymy nudli tu wiyszać!

[broneknotgeld]

To mie richtig wnerwio fest
Że durś cicho w "Tesco" jest.

[broneknotgeld]

Mom pełno we mieszku
Boch niy był w tym "Tescu".

[broneknotgeld]

Pod "Tesco"

Jo bych zrobioł tam przistanek
Dlo tych naszych rudzkich banek.

[broneknotgeld]

Do roboty internauty
Nyncom yno wos te auty
A jak hasłym czeba ciepać
Cisza - nawet niy chcom hepać.

[broneknotgeld]

We "Wiadomościach" już pokozali
Jake nagrody na konkurs dali
Płaski monitor do komputera?!
Czy ślyp mie zmyloł we mojich brelach?

[broneknotgeld]

Jak monitor Wos niy ruszył
Same "Tesco" tyż niy wzruszy.

[broneknotgeld]

Ze stary sztolni Skarbnik se blikoł
Na wielki sklep we tyj Rudzie
Słyszoł jak bergmon na dole rzykoł
"Sprow Boże - ślubno tam pódzie".

[broneknotgeld]

Heksy co w nocy durś polatujom
Tyż sie już ździybko "Tesco" dziwujom
Dlo mioteł piykne to londowisko
I Urzond Miasta stond jest dość blisko.