Konkurs na hasło TESCO

[broneknotgeld]

Wiym że żech chycioł tu cudzy tymat
Grzychu chyba we tym niy ma
Idzie przeca tu trynować
Potym "Wiadomościom" dować

Na tym forum nic niy stracom
Jeszcze sprawa ubogacom
Bydom wdziynczne za to chyba
Dyć wieloryb to niy ryba.

[broneknotgeld]

Hasła ło tym "Tesco" idzie tukej idzie tukej lepić
Kto wygro tyn może biksa piwa przepić.

[broneknotgeld]

Biksa piwa fondna - taszyngeldym rusza
Bo jakoś tyn tymat rozkryńcić tu musza.

[broneknotgeld]

Biksa z moji rynki te zdanie łozdobi
"Tesco" nic niy szpeci - dyć tyn Szwarcwald zdobi.

[broneknotgeld]

Ponoć w rudzkim "Tesco"
Kupowoł już Mieszko.

[broneknotgeld]

Co jo pamiyntom ze tego "Tesca"
Dziołuszka piykno - choć trocha deska.

[broneknotgeld]

Ze "Tescym" w Rudzie
W piekło iść pódzie.

[broneknotgeld]

Jak ci łostoł "wdowi grosz"
W "Tesco" go kasjerce dosz.

[broneknotgeld]

Jest żeś w potrzebie
W "Tesco" jak w niebie
I przestoń mina robić durś marno
Kupuj - to przeca "prawie za darmo".

[broneknotgeld]

Kajś wele "Tesco"

Kundel chudy ło tym wył
Że Pistulka tu sie krył
Na Szwarcwaldzie schowoł skarb
To jest taki rudzki garb

Bo jak roz za fest sie naproł
Krwiom ofiary złoto spaproł
Niy szukejcie - w tym jest pech
Mijać trza z daleka - ech!

[broneknotgeld]

Prziszoł do sklepu jo - glacok wielki

- Psze pani. Mocie tu włos modelki?
- Dzisioj na składzie jest włos łonowy.
- Bydzie pasowoł do moji głowy?
- Pokoż dziadygo ta swoja glaca.
- Yno łostrożnie - wiela niy macać
Za mocno lepi tyż niy łaskotać
Bo frelka śni sie potym po nocach.
- No to mom z tobom problym fest wielki
Bo włos łonowy łod łostry frelki
Niy wadzi chyba że jest ryszawy
Ale niy szczimiesz w nocy ty sprawy
Porno cie bydzie prześladowało
Możno sie przi tym wyśpisz za mało
Lepi glacoku idź do kościoła
I tam porzykej se do anioła
Kery podobno niy mo tyj płci
A kupno kudłow łodradzom ci
- Psze pani. Prosza. Wszysko to biera
Bo już niy szczimia tego - cholera!
Przikryja kudłym se moja glaca
Coby po gowie sie potym macać.

[broneknotgeld]

Ciepcie te hasła bo przeca szkoda
By Wos spotkała tako przigoda.

[broneknotgeld]

Co kto umi niych wydusi
Do rymu to być niy musi
Ale z biglym lepi bydzie
Ze humorym zdrowie przidzie.

[broneknotgeld]

Na Wiedyń

Sobieski sie tyndy pchoł
Wielko biba w "Tesco" mioł.

[broneknotgeld]

Widziołch tukej jo Redyna
Zrobioł do mie gupio mina
Łon z Ryndorfu wozyk pchoł
Widać tyż go napod fioł.

[broneknotgeld]

Po co Bolek broł Pomorze?
- "Tesco" ryby chciało!
Teroz biydne nasze morze
Fiszof cosik mało.

[broneknotgeld]

Trzeba tyż tukej szpyndliki ciepać
Kryptoreklamom niy yno hepać.

[broneknotgeld]

Prziznom sie teroz - jak miły Bog
Joch jeszcze niy wloz we "Tesca" prog.

[broneknotgeld]

Wejrza tam kedyś - niy skuli kupna
Coś połoglondom i tukej łupna.

[broneknotgeld]

Na razie tymat łostowiom Wom
Teroz kaj ińdzi fraszka swo dom.

[broneknotgeld]

"Tesco"

Podobno sztela to richtig szczodro
Mie z tego aże we łoczach modro.

[broneknotgeld]

Jak te Tatary na Ślonzek wpodli
Wiela ze "Tesco" toworu skrodli.

[broneknotgeld]

Musza to ciongnońć bo coś niy chyto
Szkryflej tu chopie no i kobiyto.

[broneknotgeld]

Ale by była...

Ale by była piykno zabawa
Jakby ze fraszek zrobić wystawa
Sklep mi sie prziśnioł z wielkom tabulom
Na kero czynsto jo rymy kulom.

[broneknotgeld]

Ze Szwarcwaldu

Kedyś tu był ciymny las
Teroz "Tesco" nastoł czas.

[broneknotgeld]

Kopciuszek rudzki wele stoiska
Szuko Schaffgotscha jakegoś pyska.

[broneknotgeld]

Kto jest przeciw

Na broda proroka
Niy zrobi tam kroka.

[broneknotgeld]

Widzioł żech tam Ballestryma
Stoł przi kasie i mioł tryma.

[broneknotgeld]

Dworak ło "Tesco" nic niy napisoł
Możno był ślepy i niy dosłyszoł.

[broneknotgeld]

"Ekonomik" teroz majom za kamrata
Wlyź tam a sie dowiysz po co ci wyplata.

[broneknotgeld]

Powiym - dyć sie z tym niy smola
Jo łod hołdy "Tesco" wola.

[broneknotgeld]

A możno przi "Tesco" pomnik by postawić
Pistulki - to bydzie kożdego tu bawić.

[broneknotgeld]

Godajom co handel we Rudzie nom padnie
Bo wszysko co drobne przez "Tesco" jest na dnie
Jo jednak to powiym - małe tyż jest piykne
I dlo tych sklepikow miejsca tukej styknie
Yno że rudzianom roboty durś czeba
Bez tego niy bydzie dlo nos wcale nieba.

[broneknotgeld]

Dioboł ze Rudy jechoł tu krajym
I sie dziwowoł tym "modrym rajym"
Dyć konia yno biczyskym smagnoł
Widać że kupić nic tu niy pragnoł
Możno go wnerwioł tyn kolor farby
Bo na niybieski łon coś jest hardy.

[broneknotgeld]

Ze gruby wongel chciołbych tu kupić
We tyj intyncji werci sie upić.

[broneknotgeld]

Cieszcie sie ludzie
Bo w naszy Rudzie
"Tesco" nastało
"Słowo sie stało"
Modrym barakym
Hermesa znakym
Kery niy darmo
Razym przigarnoł
Złodzieja, kupca
-Niy gołodupca.

[broneknotgeld]

Czy wos wnerwio fest moj rym?
Czy jo tukej kusza złym?
Czy łodymie wieje grozom?
Bojicie sie pisać prozom?
Choć jo yno fraszki suja
Dyć ich tukej niy foruja
Bika piwa chca tyż stracić
Co? Sie szkryflać niy łopłaci?
Zowdy w życiu ważny zysk?!
Dlo mie trocha to jak w pysk.

[broneknotgeld]

Do "Tesco"

Szwarcwaldzkom tu teroz jedź
Dobrze zaś ta droga mieć.

[broneknotgeld]

Tescomania jest we Rudzie
Jako dali ze tym pódzie?

[salo]

broneknotgeld napisał:

> Do "Tesco"
>
> Szwarcwaldzkom tu teroz jedź
> Dobrze zaś ta droga mieć.

Szwarcwaldzkom – to ino z Fryny,
a 1 Maja z Wirku i Bykowiny ?

[broneknotgeld]

A ze Rudy
Kudy?

[salo]

broneknotgeld napisał:

> A ze Rudy
> Kudy?

Wolności, Ruda Południowa,
a dalej ulica 1-wszomajowa ?

PS. Bronku nie męcz mnie zanadto ja w Rudzie Śl. mieszkałem bardzo dawno temu i
pewnikiem sporo się zmieniło. Nawet nie wiem gdzie to TESCO wybudowali, pisałeś
coś o hołdzie. Ledwie sobie przypominam, ale była chyba jakaś za skrzyżowaniem
Czarnoleśnej i 1 maja po prawej stronie w kierunku Rudy.

Pozdrawiam - Salo :)

[broneknotgeld]

Ty to wiysz i jo to wiym
Wyloz jednak taki rym

"Tesco" z hołdy leży kraja
Bestoż tyż mu przeca pszaja
By z tymatu żech niy ujon
Hołda tak rekultywujom.

[broneknotgeld]

Supercyna

Jak ci coś w dupie ze tarcio czasło
To supercyna w "Tesco" na masło.

[Gość: kiyks]

Jak komuchowi śmierciom grozisz
w lodówce z TESCO łatwo go zamrozisz!

Pyrsk

[broneknotgeld]

Witom hasło cudze - piyrsze
Życza by było nojwyrsze.

[broneknotgeld]

Dyć jednak ciynżko leci tyn tymat
To wielbicieli "Tesco" tu niy ma?

[broneknotgeld]

Ta biksa piwa co jo postawia
Niby niywiela - dyć możno sława
Bestoż namowiom - tukej szkryflejcie
Cosik ze siebie inkszym tyż dejcie.

[broneknotgeld]

Widza że konkurs niy leci dali
Wszysko na gowa sie teroz wali
Nawet niy nyńci nikogo sława
Dobra - tyż drugo biksa postawia.