Ło tym co niy tak downo i teroz w Polsce

[broneknotgeld]

Janina Sokołowska

Ponoć Sokołowsko stworzyła "etyka"
Na miara tyj Polski "wzoru" urzyndnika
Pewnikym tyn muster wziyła se ze siebie
Bo łona jest gwiazdom na beamtrow "niebie".

[broneknotgeld]

Wanie?

Waniek? - Coś sie przipomino
Olka sztabym fest kryńciyła
Godoł ze wesołom minom:
"Mom magistra - we tym siyła"

Ło jeronie - dzieje stare
Zaś prziklejołch sie do Olka
Mom komórki już niy jare
A prowadzi dzisioj Jolka

Kedyś tyż go prowadziyła
Do indeksu zoglondała
Pod drzwi kożde z niym chodziyła
Profesorow pilnowała

Jolka Danka i Janina
W ślypkach jejich widza blyski
Niy - "kurwikow" to tam niy ma
Dyć je tkom do jedny miski.

[broneknotgeld]

Jo bych tyn rok łoński zwoł tyż łod Anity
Blysnyła nom gwiazda posłanki-kobiyty
Nic to że sie czynsto rumiyni aż straszno
Przeca łona z partii co jeszcze jest krasno.

[broneknotgeld]

Z. Sobotka

Ze walcowni skok do KC-e
Dyć niy może być we pace?
Bez sobotki co z niydzielom?
No i ze tom polskom sztelom
W keryj łon był ponoć asym
A niy jakimś tam mamlasym

Przeca to z żelaza czowiek
Wykształcynie zawodowe
Stykło coby szoł we gora
I łobrostoł mocno w piora

Bioły oreł - tło czerwone
To poczontek a niy koniec
Czuja jo do niego miynta
Sobotka na prezydynta!!!

[broneknotgeld]

"Zamiynioł stryjek siekiyrka na kijek"

A dyż zrobioł to bezprawnie
Richtig tukej jest zabawnie
Mie sie ciyngym już to zdo
Że kajś prawo władza mo.

[broneknotgeld]

Polska to bogaty kraj!!!
Dlo złodzieji istny raj
Szacher-macher z politykom
Niy zaradzi na to krykom

Polska ślepo i kulawo
Bajkom tukej czynsto prawo
Lis ryszawy we kurniku
A pies z kotym - "fiku-miku".

[broneknotgeld]

Z konkursu na prezesa TVP

Kwiatkowski wycofoł swo kandydatura
Przed trojkom terozki łostatnio już tura
Prezesym niy bydzie dyć możno sie staro
Ło tyn piykny tytuł - "eminyncjo szaro".

[broneknotgeld]

Tako było jest i bydzie

Dnia niy ma coby jakos afera
SLD piyknie niy promowała
"Bydgoski kocioł" na łoczach teraz
To już jest polsko norma bezmała.

[broneknotgeld]

SLD

SLD se zaś weluje
Stare karty i znaczone
Aferami tako suje
Że tym przeca "umynczone".

[broneknotgeld]

Taktyka

Tako Millera teroz taktyka
Niychej Oleksy jest za Janika
Ze rzondym pódzie łon przeca w doł
Dlo Leszka lepi jakby tam boł.

[broneknotgeld]

"Zgniyły kompromis"?

"Zgniyły kompromis" z ministrym skarbu
To tyż jest cosik z SLD "garbu".

[broneknotgeld]

98 dni

Łod Unnii dwie cyfry nos dzielom
Ciekawe jak nom pościelom
Pewnie tam bydzie niymiynko
No i niyjedyn zastynko.

[broneknotgeld]

SLD sie ciyngym łuszczy
Tako przeca i przi Huszczy
Jako i przi tylu inkszych
Bajzel w Polsce durś jest wiynkszy.

[broneknotgeld]

[broneknotgeld]

Ło jeronie - to ci draństwo
Choc żech niy chcioł - mom cygaństwo

[broneknotgeld]

PO-PiS

PO-PiS sypie sie łostatnio
PO żyje nom dostatnio
A PiS już na stracie jedzie
Dyć kaj wszyskich to zawiedzie?

[broneknotgeld]

Europejski Szczyt Gospodarczy w Warszawie

Wielki Olek za tym stoji
Wpadki chyba sie niy boji
We Europie jest Warszawa
Bydymy bić tymu brawa?

Czi miesionce pryndko pońdom
Z tym do Szczytu przeca dońdom
Ci co sztartnom we wyborach
Do tyj Unii - przeca pora.

[broneknotgeld]

Prezes TVP

No i prezesa jednak wybrali
A już żech myśloł - niy pódom dali.

[broneknotgeld]

Świyntokrzyski baron

Świyntokrzyski baron nowy
Wyżyj łon już boł
Niy trza teroz tyngi gowy
By pedzieć - płyń w doł

Jak do Unii zasztartuje
-Mandatu niy chyci
To głymboko zanurkuje
Tak sie życie klyci.

[broneknotgeld]

Zefel O.

Godajom że teroz nasz Oleksy Zefel
Tyż chciołby se chycić za nojwyrszy knefel
Yno ponoć sie łon jakiś Jolki boji
Niy lepi to knefle połodpinać swoji?

[broneknotgeld]

Nasze autobany

Łoj - pokazujom nom autostrady
Tako je w Polsce budujom
Na "polskie piekło" niy ma tu rady
Jak chcom piniondze se sujom.

[broneknotgeld]

Synatory a UE

Ponoć nasze synatory
Tyż sztartować chcom w wyborach
Zdrowy objaw to czy chory?
Ano - prziszła tako pora

Możno tukej nom pokożom
Że rachunki kajsik majom
Kosztow wszyskim nom dołożom
Dlo nos lepi? - Niych przegrajom!

[broneknotgeld]

"Wuj - Zgred"

Kiepski my angielski znomy
Taki drobny problym momy.

[broneknotgeld]

Miller coś inaczy godo
Dyć nom szczyńścio tym niy dodo.

[broneknotgeld]

Rzykoł żech do Walyntego
By doł zdrowie SLD
Niych w łopiece som u niego
Prosić ło to mi sie chce.

[broneknotgeld]

Majom problymy w Iraku nasi
I niy ma co sie tym przeca asić
Bo partyzancko tam ciyngym wojna
Okupacyjo rzecz niyspokojna.

[broneknotgeld]

W TVP zaś cos ruszyło
Dyrektorow wiela było
Już ło sztyrech jest ich myni
Możno sie na dobre zmiyni.

[broneknotgeld]

Bankructwo wojewodztwa?

Mazowieckie "bankrutuje" - to ci jest nowina
Szczyńściym ślonske nom sie czimie - problymu z tym niy ma
Jo bych jednak pewny niy był - dioboł niy śpi przeca
Jeszcze może nos ucapić i wciepnońć do neca.