Prowda - niyprowda

[broneknotgeld]

Wciepna jeszcze jedyn tymat
Przeca grzychu we tym niy ma
Możno chyci nom to tukej
Chcesz znać prowda - dyć jom szukej.

[broneknotgeld]

Kto żyje w prowdzie tyn sie niy nudzi
Choć możno w inkszych złośc czynsto budzi.

[broneknotgeld]

Polsko waluta?

Niyprowda lepszo łod złotka
We Polsce durś tako godka
Zmiynić waluta tu trza
"Kłam" by sie przidoł nom - pra?

[broneknotgeld]

Niyprowda to przeca zło
Chocioż czynsto luker mo.

[broneknotgeld]

Czy piykne som słowa prowdy?
Niy zowdy godom - niy zowdy.

[broneknotgeld]

W żywe łoczy ciyngym "łgoł"
W tym uciecha jakoś mioł
Wielko kupa gnoju kuloł
Szwong ze tego był że fuloł.

[broneknotgeld]

Przefulane mocie życie
Dobrze chocioż że to wiycie
Jeszcze amyn niy trza godać
Yno prowdy - prowdy dodać!

[broneknotgeld]

Hipokryta

Hipokryta cygani i siebie
Zdowo mu sie że jakby był w niebie
A to pełne pomyji koryto
Łoj! Jo niy chciołbych być hipokrytom.

[broneknotgeld]

Prowda to życie
Dyć ło tym wiycie.

[broneknotgeld]

W ta strona trza nom iść przeca zowdy
Z keryj durś blyńdzi te światło prowdy.

[broneknotgeld]

Prowdziwe życie

Żyjymy w prowdzie - ło tym trza wiedzieć
Za nia niyjedyn poszołby siedzieć
Choćbyś cyganioł wiela i zowdy
Niczym to bydzie - bez richtig prowdy.

[broneknotgeld]

Prowda jest naszom nadziejom
Do niyj narody sie śmiejom
Bajtle jak na nia gaftajom
Wiela radości tyż majom.

[broneknotgeld]

Jyj miana

Prowda niyjedne mo miano
Ta skryto i ta poznano.

[broneknotgeld]

W zgodzie trza żyć z tym co jest
Tako myśl sie ciśnie fest
Problym we tym - jest tyż zło
Abo mi sie yno zdo?

[broneknotgeld]

Życiowo prowda - kożdo jest inkszo
Oby durś była w nos coroz wiynkszo
I ze niyprowdom zowdy wygrała
Siyła skiż dobra i wiary miała.

[broneknotgeld]

Żyć we niyprowdzie tyż przeca idzie
Czynsto w bogactwie a niy we biydzie.

[broneknotgeld]

Niyprowda choćby na pucach krebs
Niywiela czujesz - dyć w końcu w łeb.

[broneknotgeld]

Prowda cie porwie - za niom durś pódziesz
W świontek i piontek choćby we "trudzie"
Yno trza łoczy mieć durś łotwarte
To co prawdziwe wiela jest warte.

[broneknotgeld]

"Autyntyczny" żech jest w tym
Że mom "czynstochowski" rym
Łon ze duszy som mi leci
Niy trza myśleć jako klecić
Po co ze tym kombinować?
Niy musza sie czynsto chować.

[broneknotgeld]

"Naturalny" - tyż prawdziwy
Dyć to niy som jakeś dziwy
Mie niy nyńci "sztuczny miod"
Wola "naturalny" smrod
Mom hauskyjza swojsko w zocy
Ze niyj umia nabrać mocy.

[broneknotgeld]

Chroń nos Boże durś łod moru
Jako tyż prowdy "pozoru".

[broneknotgeld]

Wmowiali nom erzac-prowdy
To sie źle kończyło zowdy.

[broneknotgeld]

Co we czowieku prowdom jest Boże?
Powiydz bo przeca to mi pomoże
Poznom jom? Ciebie? Nic niy rozumia!
Jakosik tego łobjońć niy umia.

[broneknotgeld]

Prowda jest była i bydzie
Do niyj zowdy czowiek przidzie
Nawet jak sie jeji zaprze
Samy prowdy tym niy spaprze.

[broneknotgeld]

W tym co jest, co godosz, myślisz
Yno zgodom prowda kryślisz.

[broneknotgeld]

Prawić prowda zowdy trza
We tym zgoda przeca - pra?

[broneknotgeld]

Jak coś jest a słyszysz "Niy ma"
To niyprowdy yno tymat
Czegoś niy ma - godosz "Jest"
Zaś sie z prowdom mijosz fest.

[broneknotgeld]

Bawia sie we filozofa
We tym prowdy jest niytrocha.

[broneknotgeld]

"W każdym kraju inaczej prawda sie udziela
Lubo wszędzie jednego ma nieprzyjaciela
A tym jest kłamstwo, tudzież lenistwo i pycha".

Cyprian Kamil Norwid

[broneknotgeld]

"Język kłamie głosowi, a głos myślom kłamie"

Adam Mickiewicz

[broneknotgeld]

Prowda i bez ludzi bydzie
A cygaństwo z niymi idzie.

[broneknotgeld]

Cygaństwo jest wtedy jak wiysz że cyganisz
Tym przeca nojbardzi ta prowda nom ranisz.

[broneknotgeld]

Niyprowda to "dzieło" ludzi
Kere ich samych tyż judzi.

[broneknotgeld]

Żyć w prowdzie - czy bez tyj prowdy
Wolom czowieka jezd zowdy
Choć wolność we tym jo chwola
Z "fałszu" sie rodzi niywola.

[broneknotgeld]

Jakby my mieli yno cyganić
To nawet jynzyk byłby nom na nic.

[broneknotgeld]

Prowda ze niyprowdom w porze
Choć jom ściyrpieć coś niy może.

[broneknotgeld]

Bez prowdy niy ma co godać
Jynzyka szczympić se szkoda
Jakby ty prowdy niy było
I godka by kajsik wciyło.

[broneknotgeld]

To ci sztuka

Cygaństwo jest jakby sztukom
We gowie czasym se szukom
Bo chocioż niy chca to chwolić
Łod naszy zależy woli.

[broneknotgeld]

Wirus niyprowdy

Już wiym - to przeca jest wirus
Co w duszy naszy se wyrosł
Z niyj w inksze dusze chce lecieć
Błonko sie durś po tym świecie.

[broneknotgeld]

Jynzyk tyż sługom niyprowdy
Szczyńściym że jednak niy zowdy
Bo prowdzie łon służy bardzi
Choć i cygaństwym niy gardzi.

[broneknotgeld]

"Odchudzać"

Tako niyprowda jynzyka
Znaczy - łod chudości zmykać
"Dochudzać" trza by nom godać
Ale "prostować" już szkoda.

[broneknotgeld]

Cygaństwo bywo tyż z brodom
Tako jo prowda tu godom.

[broneknotgeld]

Jynzykym czasym grzyszymy
Jak prowda do sia kryjymy.

[broneknotgeld]

Godka minie se ze myślom
Zaroz sie cygaństwa kryślom.

[broneknotgeld]

Niyprowda to noż jest łostry
Co atakuje i broni
W drugego jakby cios prosty
Przed prowdom musi zasłonić.

[broneknotgeld]

Coś na niyprowdzie postawisz
Szczyńścio tym jednak niy sprawisz
Łodkryte czy tyż zakryte
To jakby piekła przibytek.

[broneknotgeld]

Zowdy gorom

Fraszka przeca gorom zowdy
Tela szkryfna richtig prowdy.

[broneknotgeld]

Re: Prowda - niyprowda
drcarlos 12.05.2004 20:02 + odpowiedz

prowda jes gorzka jak gorzkie jes wino
to niy je szampan, ten pikolino ;)

[broneknotgeld]

Prowda i wino - ciekawo sprawa
Z tym idzie mieć tyż piykno zabawa
Wytrawne - z takom goryczkom lekom
Na to jo chyntnie nawet poczekom.

[broneknotgeld]

Re: Prowda - niyprowda
drcarlos 13.05.2004 11:06 + odpowiedz

niy uo zabawe tysz tukej łazi
ino czy komu co dobrze wyłazi
czy cosik krynci, czy uosukuje
czy moze dobrze siem nom sprawuje ;)

[broneknotgeld]

Ze "sprawowanio" trza dobry noty
Niyjedyn szkryfnie teroz - gupoty
Dyć myśla - forum i to mo w zocy
Kajniykaj yno razi we łoczy.

[broneknotgeld]

Kożdy na Forum dusza dać może
Niych tako leci - dej nom to Boże
W "realu" czasym czeba udować
Tu richtig prowda se idzie dować.

[broneknotgeld]

"Szydło ze worka wylezie zowdy"
Trza nom pamiyntać te stare prowdy.

[broneknotgeld]

"Niy zowrocisz kijym rzeki"
Niy pomogom w tym tyż cweki.

[broneknotgeld]

Re: Prowda - niyprowda
broneknotgelt 11.10.2004 22:17 + odpowiedz



Ciyngym niych sie śmiejom te nasze dziołuszki
Wiyncyj zdrowio z tego i piykniejsze buźki.

[broneknotgeld]

Graba

Graba graby myje zowdy
Konsek richtig stary prowdy.

[broneknotgeld]

Porzykej ło słowa prowdy
Pociechom mogom być zowdy
Jak zaś utropom se jawiom
Szczimej - dyć z czasym cie zbawiom.

[broneknotgeld]

Ubogaco godka zowdy
Tela we tym richtig prowdy
Jo utropy dyć niy widza
I se tako tyż niy wstydza.

[broneknotgeld]

Prowda była jako jest
Choć cyganiom czasym fest.

[broneknotgeld]

Jabko łod jabłoni se daleko kulo?
Możno ktosik bydzie tukej ło tym fuloł.

[broneknotgeld]

Prowda była jest i bydzie
Czy cygaństwo bez niyj przidzie?

[broneknotgeld]

Niy dlo fraszki prosty rym?
forum.gazeta.pl/forum/72,2.html?f=10388&w=46157715&a=46213798
Prowda czy cygaństwo w tym?

[broneknotgeld]

We cygaństwo swoje wierzyć?
Tako w "prowdzie" idzie przeżyć?

[broneknotgeld]

Niy trza prowdy
Boć se zowdy
Lepi szukać we niyj siyły
Choćby ciynżke czasy były.

[waga.w]

Im więcej mamy lat ,
tym mocniej dziwi świat .

[broneknotgeld]

Czy ciekawość w duszy wyje
im se richtig dłuży żyje?

[broneknotgeld]

Czasym rymym kogoś rzduchna
Dyć po prowdzie - niy wybuchna.

normalne - nierealne

[luna-a]

We śnie najśmielsze było normalne...
ups!
Po przebudzeniu - niestety, nierealne...

[broneknotgeld]

Co sie komu śni?
Kto to richtig wiy?

[broneknotgeld]

Jakby se richtig spełniały sny
Jako by było? -A kto to wiy?

...wart śmiechu

[luna-a]

Śmiech śmiechu wart-
prawda, to nie żart.

[broneknotgeld]

Mie niy dziwo
- tako bywo.

[waga.w]

"Dobre wychowanie" wymiera w narodzie ,
w niejednej szkole nie jest też w modzie ...

[waga.w]

"Wyścig szczurów" dziś się liczy ,
w szkole , pracy , na ulicy ...

[broneknotgeld]

Toż przi szczurach jakby ciszy
Drapko se ścigajom myszy.

[waga.w]

Uczucia i lojalność dzisiaj nie w cenie ,
liczy się młodość ,zabawa , zauroczenie ...

[broneknotgeld]

Już żech prawie stary
I ździybko zdziadziały
Toż se niy rachuja
Dyć ciesza żech - cały.

[waga.w]

"Wściekły pies" - dobry na trawienie ,
gdy zbyt tłuste spożywasz jedzenie ...

[broneknotgeld]

Ano, ano - coś wiym ło tym
Toż to wcale niy gupoty.

[broneknotgeld]

Bez prowdy cygaństwa niy ma
I styknie tela na tymat.

[rita100]

je tyla prowd na śwacie
co nawet pojęcia nie macie ;)

[sloneczko1]

kij mo zawsze dwa końce:)
i niy zawsze prowda wychodzi na jaw
------
...życie jest zbyt piękne i krótkie
by tracić je na zbędne troski...

[rita100]

do zycia nie potrzebna jest prawda
do życia potrzebny jest chleb

[rita100]

prawd jest wiele
kiedy sie językiem miele ;)

[broneknotgeld]

Życie bez prowdy
Źle kończy zowdy.

[broneknotgeld]

Łobudziyła mie ze ranka
z Lipin na Halymba banka?

Tramwaj

[waga.w]

Zgubił szlak ,
torów brak ...

[broneknotgeld]

We palicy mom glinganie
Banka na Halymbie stanie?

[waga.w]

Bez obłudy i fałszu
- tylko na rauszu .

[broneknotgeld]

Coś w tym jest
Jak rausz fest.

[waga.w]

Bez pretensji i żalu
- chyba tylko w raju ...

[broneknotgeld]

A mie w łoczach piekło stowo
Z tym prowdziwsze se wydowo.

[broneknotgeld]

Bez felera żyć niy idzie
Nawet niy wiysz kedy przidzie.

[waga.w]

"Felery" chodzą parami ,
a życie i tak przed nami ...

[broneknotgeld]

Czasym bojki abo bery
Dyć prowdziwe durś - felery!

[waga.w]

Przednia zabawa flirtami upleciona,
szczęścien - "granica" czasem ustawiona ...

[waga.w]

Życie bez celu
kończyło wielu ...

Dylemat

[waga.w]

Innym nie szkodzić ?
Czy sobie wygodzić ?

[broneknotgeld]

Potrza zgody
I wygody.

[waga.w]

Wieczór - tylko dla siebie,
wtedy całkiem jak w niebie ...

[broneknotgeld]

Kto som we nocy
Mo mokre łocy.

[broneknotgeld]

Niy skiż zabawy
forum.gazeta.pl/forum/72,2.html?f=10650&w=69402622
Wontek ciekawy.

[broneknotgeld]

Prowda "prowokacjom" jest?
forum.gazeta.pl/forum/72,2.html?f=34281&w=72652235&a=72683924
Toch se zdziwioł richtig fest.

[broneknotgeld]

Ło prowdzie coś wiym
forum.gazeta.pl/forum/72,2.html?f=34281&w=88160162&a=88602222
Bestoż tyż moj rym.

[broneknotgeld]

Prowda skiż ćmoka
goni boroka?

[broneknotgeld]

Brecha twardo zowdy
Wiela we tym prowdy.

[broneknotgeld]

Lepi szupa se do glacy?
Ponoć prowda w tym inacy.

[broneknotgeld]

Ważne że fraszka durś wiyrchym bydzie
Ze niom i prowda przeca niy w biydzie.

[broneknotgeld]

Tymidzie


Chocioż ślepo dyć niy gucho
Niychej prowdy zowdy słucho
Bo choć gorzko prowda bywo
Zło sie we niyj niy ukrywo.

[broneknotgeld]

Tyn zocnie prawi
Kto prowda jawi.

[broneknotgeld]

Kej welunek prowdy mało
Dyć by sie jyj prawie chciało.

[broneknotgeld]

Cygaństwo yno "lampasym" prowdy
Tako szkryflane cygaństwu zowdy.

[broneknotgeld]

Lekci ze samym sobom we zgodzie
Kej cie sumiynie twoje niy bodzie.

[broneknotgeld]

Lepszy funt prowdy jest łod cygaństwa
Choćby i tony wciepali draństwa.

[broneknotgeld]

Prowda tu na forum
To wiyncy humoru.

[broneknotgeld]

Łoszczyrstw poranoście
Prowdy niy zbajstluje
nk.pl/#forum/6/2575/233?find=last#post78
Jako szif na moście
-Fale wody pruje?
Cnota łoszkliwości niychej se niy boji
Choć djoski wspiyrajom kej ktosik jyj broji.

[broneknotgeld]

Mu za łosme przikozanie
Łoreł Bioły chnet dostanie
Potym w "polsko-polski wojnie"
Mo Virtuti... ! Ja - spokojnie.

wiadomosci.gazeta.pl/wiadomosci/7,114884,25151244,zbigniew-ziobro-o-aferze-z-oczernianiem-sedziow-to-co-zrobilem.html

[broneknotgeld]

Cetnor cygaństwa dyć słodkim bywo / Funt gorzki prowdy lepszym? To dziwo?

[broneknotgeld]

Słyszeliście ło tym cudzie?
Polska przeciw je łobłudzie?!

[broneknotgeld]

Zapytoł Piłat: Czym prowda prawie?
Wyloz do Żydōw, pedzioł w ty sprawie:
Jo niy znojduja w niym żodny winy
Niy ma wystympku we istnym driny
Dyć zwyczaj taki na Pascha mocie
Z łaski jednymu wolność dowocie.

Dejcie jōm jymu – we wercie tego
Wypuścić krōla mōm żydowskiego?
Niy! Zawołali: Jego niy chcymy!
My Barabasza wolnym wolymy!
Wypuść zbōjnika kery rojbruje
Blużniyrca niychej gniyw nasz poczuje.

Zdo, Piłatowi gancegal było
Co w Piśmie stoło tako spełniyło
Wpiyrw ubiczować kozoł Jezusa
Krew z plecōw loła, szkryfnōńć tu musza
Syn Boga ciyrpioł ze tym niymało
A to poczōntkym co przilyźć miało.

wachtyrz.eu/piotr-zdanowicz-prawda-po-polsku-czyli-cycero-gdyby-jeszcze-zyl-1/