Klub Sztrasbuski

[broneknotgeld]

Ano - wloz żech na to prawie
www.club-strasbourg.eu/
Tyż wyglondo to ciekawie

[broneknotgeld]

Szłoby pociongnońć i taki wontek
Stolicy fraszki ciekawy kontek.

Klub Sztrasburski

[broneknotgeld]

Miano wontku trza poprawić
forum.gazeta.pl/forum/72,2.html?f=59&w=46891440&a=46991116
Dyć łon dobrze tam se jawi.

[broneknotgeld]

W Dziyń Europy gaftna tukej
Kaj jyj dzisioj wiyncy szukej?

[broneknotgeld]

Idzie tako se poasić
Wontek dźwignońć a niy gasić.

[broneknotgeld]

Rymym tako bardfzi wprzongnońć
No i drapci w przodek ciongnońć.

[broneknotgeld]

Coś stanyło we tym klubie
Ktoś na wontku mało dubie.

[broneknotgeld]

Z promocyjom dobrze ni ma
katowice.gazeta.pl/katowice/1,35019,8969251,Slaby_punkt_Katowic_to_promocja__Bedzie_lepiej_.html
Dyć niym wiosna piyrwyj zima.

[broneknotgeld]

Po Donnersmarckach kupić coś idzie
www.dziennikzachodni.pl/fakty24/359796,jesli-masz-4-mln-zl-mozesz-kupic-sobie-palac,id,t.html
Dyć jako u nos dali z tym bydzie?

[broneknotgeld]

Co ło Ślonsku
potrza wiedzieć?
katowice.naszemiasto.pl/artykul/773338,wszystko-co-turysci-chcieliby-wiedziec-o-tym-regionie-ale,id,t.html#237f1b133c6e3247,1,3,5
W naszym kontku
niy trza siedzieć
Chciyj wandrusie coś spokopić
I konszczyczkym Ślonska "łopić".

Sztrasburg

[broneknotgeld]

Katedra

Katedra w Strasburgu mo miara Europy
Czista lot jom przeca budowali chopy
Dyć stanyło tukej richtig piykne cudo
Możno kedyś do niyj zajrzeć mi sie udo

Se alzacke wino w tyj intyncji pija
Bo przeca we Unii już terozki żyja
W ty flaszce zamknione słońce ze Francyji
Niebo w gymbie - w uszach jakby dzwiynki cyji.

[broneknotgeld]

"Mało Francjo"

W Strasburgu se Niymcy ze Francjom miyszajom
Dyć starowka - serce jakby tego miasta
Łod lot "Małom Francjom" tukej nazywajom
"Upiykła" sie łonz z alzackego "ciasta".

[broneknotgeld]

Starowka

Starowka tutejszo "dziedzictwym kultury"
UNESCO chce chronić strasburske te mury.

La Valetta

[broneknotgeld]

La Valetta

Nad uliczkami wiszom balkony
Pewnikym na kark niy spadnom łonym.

[broneknotgeld]

"Ściyńcie św. Jana Krzciciela"

Łobroz Caravaggia taki tu znojdziecie
Piyrwyj we katedrze wystawiony przecie
Terozki muzeum katedralne krasi
Dyć se cołko Malta kunsztym jego asi.

[broneknotgeld]

Na połwyspie

Na połwyspie Valetta ze downa zicnyła
Z trzech stron woda, dyć ze niyj jakby szifa siyła.

Wilno

[broneknotgeld]

Wilno

Miyndzy Wiliom i Wilenkom z Giedymina mocy
Grod litewski stanoł pryndko - dziwiyły sie łoczy.

[broneknotgeld]

4.IV - "Kaziuki"

Kaziuki som tukej łod sztyrystu lot
Kożdy ze jarmarku we Wilnie jest rod
Przeca sie zabawisz chocioż grosz tyż stracisz
We wercie co dusza tako ubogacisz.



Wilnianka na Kaziukach

Serce mu z piernika frela tu kupiyła
No i tym pierońsko karlusa tyz wziyła
Toż jyj palma fundnoł kero piyknie stoła
I tako sie łostać z niym łona niy boła.

Św. Kazimierz

Toż świyty Kazimierz Wilnu patronuje
Niy yno "kaziukom" - kożdy forszteluje.

[broneknotgeld]

Katedra

Katedra wilyńsko zaś świontyniom zocnom
Galeryjom była - zdo sie porom "nocnom"
Dyć zaś tu som nazod relkwie patrona
Co niyherske było ze Niym szło pokonać.

Św.Kazimierz

Kostucha we Wilnie karlusa dopadła
Dyć tubera piyrwyj już mu płuca zjadła
Rokow szejść dwadziścia - ano richtig mało
Jak Cie Kazimierzu Niebo już zabrało

Płakali po Ciebie wszyske Jagiellony
Chocioż już wiedzieli komuś przeznaczony
Toż i tako samo Wilno fest ślintało
Łone już świyntego we Ciebie widziało.

[broneknotgeld]

Brat z bratym

Kazik z Aleksandrym we katedrze leżom
Bratki Jagiellony u tych co durś wierzom
W łopieka Ponboczka nad Litwy stolicom
Kerom se we rymach tako jo zochwycom.

Trojrynki

Malyrz na łobrozie rynka zmiynić chcioł
Choć zamalowywoł ciyngym piyrszo mioł
Bestoż mo Kazimierz rynce aże czi
Ło tym cudzie zaroz cołko Litwa wiy

Pont se wtedy zaczoł - czynste uzdrowiynia
Dało papiyżowi to fest do myślynia
Drapko Kazimierza świyntym dyć łogłosioł
Czy łon "czeciom rynkom" ło to wtedy prosioł?

[broneknotgeld]

Św. Kazimiyrz 1602

No toż sie stało co stać musiało
Wilno świyntego tako "dostało".


Katedra 1618

Kaj groby dwoch braci wpiyrw była kaplica
Dyć mało sie zdała już na świynte lica
Tu na muster rzymski świontynia stanyła
Kero w sercach wilnian nojzocniejszo była.

Bratysława

[broneknotgeld]

Pozsóny

Tako sie tyż kedyś Bratysława zwała
Stolicom Madziarow dyć dugo bywała
Tu krole korona na gowa se kłodli
Niym pod Austryjokym we końcu sie znodli.

[broneknotgeld]

Wzgorze Slovin

A możno "gorka ambasadorow"?
Przeca dość trocha tu jejich szteli
Myśla co jednak niy "wzgorze zmorow"
Bo by tu istni siedzieć niy chcieli.

[broneknotgeld]

W IX wieku

Ano - to pewne
Zamek już mieli
Swoji dziedziny
Pilnować chcieli.

[broneknotgeld]

Zamek 1811

Zgoroł! Zatracony tako
Ze ruinom niy jednako
Dyć go dugo niy dźwigali
Zdo sie jakby mu niy pszali.

[broneknotgeld]

"Nad modrym Dunajym"

Nad modrym Dunajym znojdziesz Bratysława
Wiednia Budapesztu niy przićmi jyj sława
Dyć cie tyż zodziwi i tako ubawi
Toż wander tam zocnym kożdymu se jawi.

Lublana

[broneknotgeld]

Krakovo

W Lublanie ta piykno dzielnica - Krakovo
Artystow prziciongo - tako mi sie zdowo.

Budapeszt

[broneknotgeld]

Budapeszt

We stolicy co pionty Madziar zamiyszkuje
Bestoż łona wiela we tym kraju znaczy
Ze "Perły Dunaju" kożdy sie raduje
Czamu? -Se możecie ło tym tu łonaczyć.

[broneknotgeld]

"Dzielnica żydowsko"

Stare kamiynice w końcu pobulyli
Krolewsko ulica nowościom aż blyszczy
Restauracyj hoteli wiela nawalyli
Czy richtig Budapeszt na tym jednak zyszczy.


Ferencvaros

To jakby Soho we Budapeszcie
Cosik mi szepto do ucha - wierzcie.

[broneknotgeld]

"Perła Dunaju"

Tako Budapeszt zowiom łod lot
I kozdy Madziar ze tego rod
Asi sie ciyngym łon swojom sztelom
Bronić mu tego dyć niy łośmielom

[broneknotgeld]

Migracyje

Sie w historio ty ziymi wpisały
Longobardy Awary Słowiany
Dyć we końcu tu prziszli Madziary
Zdo sie jakby łod Boga "lond" dany.

[broneknotgeld]

W XII wieku

Buda ze Pesztym se rozwijały
Chocioż przegrodzoł je Dunaj cały.

[broneknotgeld]

"Peszt"

"Peszt" po słowiańsku tyż "piec" znaczyło
-Zdo sie zogłymbie wopiynne było.

[broneknotgeld]

Po Mohaczu (1526)

Ano - krew Madziarow drapko wsionko w ziymia
Co było wielkego już terozki niy ma
Z niywolom tureckom idzie poniżynie
Aże sie łobudzi w Europie sumiynie.

[broneknotgeld]

W XIX wieku

Już most łańcuchowy z Budy w Peszt cie wiedzie
Zdo sie co "Budapeszt" w historyjo jedzie.

[broneknotgeld]

Połonczynie

Se Peszt z Budom zlepioł tako
Że nom zdo sie już jednako
-Jakby niy boł skuplowany
-Łod zowdy cuzamyn dany.

[broneknotgeld]

Za Horthyego

Za Horthyego - admirała
Fest stolica balowała
Ano - regyntura tako
Dyć niy wszyskim z tym jednako

Tu bal a tam marsz głodowy
Nacjonalizm tyż niy nowy
Ze Madziara robiom przi tym
Prawie że antysemity.

[broneknotgeld]

"Mały Stalin"

Za Matiasa Rakosiego
Było im tu brak "Wielkiego".

[broneknotgeld]

Janosz Kadar

Zdrajcom wpiyrw go mianowali
potym spokoj jednak dali
Moskwa tako pochwolyła
Jakby trocha tyż ulżyła.

[broneknotgeld]

Blikej na Buda

Blikej na Buda z brzegu Dunaju
Zdowo sie gryfnym dziełym czowieka
Niy przipomino dyć wcale raju
Bestoż niy bydziesz tu na to czekać.

[broneknotgeld]

Do wzgorza ida

Przez Miasto Wodne do wzgorza ida
Ździybko zmynczony pewnikym byda
Niym przed tom Bramom Rybackom stana
Dyć mie tyn zamek pokusioł z rana.

[broneknotgeld]

Siedym wieżyczek

W Rybacki Baszcie wieżyczek siedym
Plymion madziarskich tyż tako
Choć władza chycioł naprowdy jedyn
Piyrwyj niy było jednako.

[broneknotgeld]

Herb Macieja Korwina

"Corvus" - toż przeca miano jest kruka
Trza ze tym ptokym herbu wom szukać.

[broneknotgeld]

Jako to było?

Jako to było z tym Budapesztym?
Skuplowoł miasta dwa łon bez reszty?
Dyć kajś żech czytoł co nawet trzi
Czy ktosik ło tym coś wiyncy wiy?

[broneknotgeld]

--------------------------------------------------------------------------------
"I do bitki i do szklanki"

Na roz - pije
Na dwa - bije
Dyć po prowdzie przi kelichu
Zapomino se ło grzychu.

[broneknotgeld]

Za wielki?

Budapeszt se zdowo w tym kraju za wielki
Tela tu Madziarom - toż niy duperelki.

[broneknotgeld]

Gora Gellerta

Starom Gorom piyrwyj zwano
Mo świyntego teroz miano.

[broneknotgeld]

Św. Gotard (XI w.)

Tukej świynty Gotart Gellertym tyż zwany
Śmierć mu zrychtowali mynczyńsko pogany
Wraziyli biskupa do beki dymbowy
Z gwoździami łod środka - koncept jakby nowy

Toż tako ze gory se w Dunaj pokuloł
Przeżyć tego niy mog - toż niy byda fuloł
Yno we pamiyńci - tako ze świyntymi
Do dzisioj łon ciyngym jakby na ty ziymi.

[broneknotgeld]

Na Gorze Gellerta

Na Gorze Gellerta wielko cytadela
Austryjo dźwignyła by wachować sztela.

[broneknotgeld]

Dzisioj cytadela

Dzisioj tako twierdza służy już zabawie
Geld tu możesz wydać przenocować prawie
By rano zaś zwiydzać dali miejsko sztela
Bo czasu i na to potrza richtig wiela.

[broneknotgeld]

"Statua Wolności" w Budapeszcie

Ech - frelka z liściym palmowym
Dźwigniony łon wyży gowy
Karlus ze faklom zas niży
Teroz wolności już bliży
Bo gwiazda z dynkmalu sciongniono
Armijo tyż wykludzono.

[broneknotgeld]

Wielkanoc 1951

Kaj Wzgorze Gellerta pauliny rzykali
Dyć przeca bezpiece łodporu niy dali
Przeor śmieć mioł łod nich nojpiyrw "naszkryflano"
Inkszym dziesiyńć rokow kozy tako dano.

[broneknotgeld]

Hotel Gellert 1918

Hotel Gellert już łotwarty
Wele gorki ło tym mianie
Toż secesji zocne "karty"
Nojgryfniejsze - gaftnij na nie!

[broneknotgeld]

Ponoć

Ponoć już piyrwyj se tu toplali
Tako w źrodełkach tyż kurowali.

[broneknotgeld]

Budapeszt Zdroj

Ano - dyć zdrojym jest ta stolica
Źrodła mo zocne w swych okolicach
Jako je dzisioj wszyske zrachować?
Ważne że tu sie idzie kurować.

[broneknotgeld]

Za Turkow

Za Turkow Budapeszt w warzity bogaty
Chocioż se seblyko przeca niy sagaty.

[broneknotgeld]

"Hammamy"

Ano - po Turkach tela łostało
Toż jejich łaźni przeca niymało.

[broneknotgeld]

Gora Zamkowo

Niywysoko chocioż dugo
Starym miastym do nos mrugo
Łod połednia na niyj zamek
Atrakcyje tukej same.

[broneknotgeld]

Buda

Na zamkowym wzgorzu ta Buda wpiyrw rosła
Drapko do znoczynio wielkego tyż doszła
Tu przeca monarcha mioł siedziba swoja
Zdało sie co richtig dobro to łostoja
Dyć utropa prziszła razym ze Turkami
A na koniec tako Sobieski z wojskami.

[broneknotgeld]

Barokowy zamek

Toż Marja Teresa dźwigo tako sztela
Za Franca Jozefa pozmiyniali wiela
Choć przi II wojnie cołkym se wypoloł
Dyc łodbudowali - byda jo ich chwoloł.

[broneknotgeld]

Turul

Tako już Madziary łod wiekow bajajom
Co w turulu przodka jejich wodze majom
Jako i nasz oreł podobnym jest ptokym
Wodz mo go patronym - toż nigdy borokym.

[broneknotgeld]

Madziarsko Galeryjo Narodowo

Kunszt madziarski tukej mocie
Tako se i fest dziwocie
W galeryji tysionclecie
Ciepiom wom przed łoczy przecie.

[broneknotgeld]

Fontanna krolewsko (1904)

Macieja Korwina widać tu na łowach
No a wele niego gryfny frelki gowa
Modziutko Ilonka sarynka se czimie
I pewnikym niy wiy co śmierć kajsik drzymie

Krol choć jeszcze mody przeca już żyniaty
Łoj - niy posuchała dziołuszka se taty
Tako jeji pszonie chnet śmiertka przerwała
Choć dusza i potym do władcy targała.

[broneknotgeld]

Zamek - krzidło połnocne

Krzidło połnocne - kunszt tu dzisiejszy
Niy wszyscy myślom co pośledniejszy
Czasym tymaty richtig zodziwiom
Aże fest ludzie głowami kiwiom.

[broneknotgeld]

Budapesztańske Muzeum Historyczne

W krzidle połedniowym Zamku Krolewskego
Na gorze zamkowy niy łomijej tego
Ciyngym zdo sie dycho tukej średniowiecze
A rzeźby gotycke werte łoka przecie

Dyć i historyjo Budapesztu tukej
Na talyrz ci kładom - kaj ińdzi niy szukej
Toż we tym muzeum spokopisz dość wiela
I zocniejszom zdo sie potym cołko sztela.

[broneknotgeld]

Dynkmal "honveda"

"Honved" we Wiosna Ludow wojowoł
Łod Aystryjoka Madziara bronioł
Nic że se w końcu rady niy dowoł
Dyć z Budy istnych piyrwyj przegonioł.

[broneknotgeld]

Plac Świynty Trojcy

Toż starowki Budapesztu serce zdo sie bije
Kto zoglondnie yno tukej pewno to łodkryje.

[broneknotgeld]

Kościoł Macieja

Toż Maciej Korwin kościoł fundowoł
Sie Salomonym madziarskim zdowoł
Plac Świynty Trojcy - zocno świontynia
Ze szlachetnego jakby kamiynia
Tukej se krole koronowali
Franc Jozef z Sisi tako tron brali.

[broneknotgeld]

Baszta Rybacko

Za Kościołym Macieja ta baszta zodziwio
We słonku ci zdo sie jeszcze bardzi bioło
Bronić jyj niy trzeba - grod se dobrze miywo
Dyć skiż jyj wieżyczek tu bardzi wesoło.

[broneknotgeld]

Muzeum Historii Muzyki

W pałacu Erdodych brama barokowo
Historio muzyki - tako se niy zdowo
Tukej insztrumynty stare pokazujom
Partyturom nawet nut tyż niy żałujom.

[broneknotgeld]

Plac św. Jana Kapistrana

Pamiyntajom to mnichowi że aż pod Belgradym
Turkom lyjty wielke dowoł razym z Hunyadym
Toż mu dynkmal wystawiyli - miano placu tako
Skuli wiary czy wojynki? -Możno to jednako.

[broneknotgeld]

Droga Pańsko

Nojdugszo zdo sie - tako wiekowo
Droga starowki we budzie
Toż se dyć trocha tyż i wydowo
Jakbyś se dreptoł po cudzie

Tu kamiynice łod średniowiecza
Inksze barokym zaś kuszom
Bestoż łoczami po domach leca
Kerych widoki aż duszom.

[broneknotgeld]

Budziński labirynt

Zamkowo gora jako tyn szwam
Dziur ponoć richtig wiela jest tam
W wopiynny skale czynsto to bywo
Toż wos to pewno wcale niy dziwo

Ludzie tyż swoje tu dokłodali
W grotach se przeca czysto chowali
Niymce zaś z teko skiż drugi wojny
Schron zbajstlowali - zdo sie dostojny.

[broneknotgeld]

Budziński Labirynt 1536

Groty i lochy szkodzom ty Budzie
Armio turecko tom drogom pódzie
Tako i miasto już w jejich rynkach
Kto krześcijanin dlo tego mynka.

[broneknotgeld]

Plac Bohaterow

Tu se figurom istnych dziwocie
Madziarow zocnych przed sia tu mocie
Co historyjo państwa "szkryflali"
Miyndzy kolumny ich powkłodali.

Debreczyn

[broneknotgeld]

Debrezun (XIII w.)

Ano - już była tukej osada
Szłoby to szkryfnonć - normalno wiocha
Dyć ło korzynie niy idzie zwada
Yno trza poznać korzynie trocha.

Szeged

[broneknotgeld]

Muzeum Salami

Tu trza muzeum zwiydzić salami
Co łod lot rzońdzi już Madziarami
Pewnikym yjzji wiela tu majom
No bo salami richtig fest pszajom.

Sofia

[broneknotgeld]

Sofia

Stolicom ty ziymi niy zowdy dyć była
Choć se w historyji downo pojawiyła.

[broneknotgeld]

Ulpia Serdica 29 r.n.e.

Toż sztela podbiyli na amyn Rzymiany
Stolicy prowincji tref jyj teroz dany
W Dacyji Wewnyntrzny tyn grod durś na przedzie
Ciyngym se rozwijo - ku lepszymu "jedzie".

[broneknotgeld]

Najazd Hunow 441

Ze tym dlo Serdiki utropa prowdziwo
Grod wiela utraci - to pewno niy dziwo.

[broneknotgeld]

"Sredec"

Tako se Bułgary zeslawizowali
Że w końcu Serdice miano "środka" dali.

[broneknotgeld]

Sofia (XIV w.)

"Swiynto Sofija" - toz bazylika
Kaj krześcijany łaziyli rzykać
Ze ty świontyni grod mo już miano
Sofia - usłyszysz tukej co rano.

Ostrawa

[broneknotgeld]

Ech - niy yno dlo zabawy
Chyca teroz se Ostrawy
Co prym na Morawach wiedzie
Toż niych bydzie tu na przedzie.

[broneknotgeld]

320 tysiyncy dusz

We Czechach trzecio ta miejsko sztela
Dyć skuli tego znaczy tyż wiela
Jako z tym rownać se Katowicom?
Choć trocha wiyncy dusz przeca liczom.

[broneknotgeld]

Stary ratusz (XVI w.)

Tyn stary ratusz trza nom łodwiedzić
Tukej Muzeum Ostrawske siedzi
Kaj historyjo grodu poznocie?
Na wiyrchu przeca jom jakby mocie.

[broneknotgeld]

Muzeum Gornicze we Ostrawie

Noy trza se dziwać że łone prawie
Znojdziecie tako we ty Ostrawie
Tu nawet dzisioj w bergmońskim fachu
Jak kery robi to niy mo strachu
Ze Polski ludzi przeca werbujom
U nos niy idzie - tu pofedrujom.

[broneknotgeld]

Na gorce Landek

Piyrwyj tu łowcy mamutow żyli
Cosik ze tego łostało
Toż do muzeum to wszysko wziyli
By wiela se dziwowało.

[broneknotgeld]

Muzeum Gornictwa Wynglowego
Ostrawa-Petrzkowice 9.IX.2006

Bergmony w Ostrawie ze tym dniym świyntujom
Dziewiontego września zowdy se radujom
Toż prawa bergmońske we tym dniu Jihlava
Dostała ze ryncow krola Czech - Wacława.

[broneknotgeld]

"Janaczkowy maj" w Ostrawie

Melomana tym pokusi
W maju tu zoglondnońć musi
Choć na wonglu ciyngym stoji
Grod w kulturze wiela broji.

Brno

[broneknotgeld]

Brno

Brno nojwiynksze na Morawach
Za niym przeca ta Ostrawa.

[broneknotgeld]

Brno (XI w.)

Przemyślidy tu siedzieli
Pociecha ze grodu mieli.

Ołomuniec

[broneknotgeld]

Ołomuniec

Piyrwyj stolica Moraw tu była
Mo Ołomuniec i dzisioj siyła.

[broneknotgeld]

Ołomuniec 1063

Z tym rokym już biskup w Ołomuńcu siedzi
Tela wom tu szkryfna - choćby na spowiedzi.

Pilzno

[broneknotgeld]

Pilzno 1295

Z woli krola Pilzno rośnie
Handlym kwitnie - se rozwijo
Szkryfna tako tu radośnie
To przeca niy tragedyjo.

[broneknotgeld]

260 piwowarow

We sztyrnostym wieku piwowarow tela
Czy se powodziyło mieszczanom za wiela?

Tallin

[broneknotgeld]

Tallin

Tallin to ponoć znaczy "miasto duńske"
Toż se wspominajom teroz czasy łońske.

[broneknotgeld]

Mury obronne

Dugszych w Europie możno niy nońdziesz
Chocioż jom za tym caluśko zońdziesz.

[broneknotgeld]

Żeś we Tallinie
www.sport.pl/pilka/1,65037,12311295,Przed_meczem_Estonia___Polska__Polscy_pilkarze_w_cieniu.html
To cie niy minie.

Warszawa

[broneknotgeld]

Nigdych niy łazioł po ty Warszawie
Ynoch na dworcu przesiodki mioł
Bestoż sie szkryfna jo ło tym prawie
Taki już przeca jest tyn moj fioł.

[broneknotgeld]

"Toi Toi"

Turek Toy wieżowiec tyn zaprojektowoł
Hajziel przipomino - czy mi sie wydowo?

[broneknotgeld]

100

"Setkom" przejechać se po stolicy
Czy już wystyknie ty okolicy?

[broneknotgeld]

Pałacowy zygor

Wajzry mo ponoć łon "rekordowe"
Choć czas tu jakby "stanoł na gowie".

[broneknotgeld]

Żoliborz

Łostoł sie z wojny cołki w Warszawie
Bo tukej Niymce miyszkali prawie
Polić i bulić mieli stolica
By już niy mogła podźwignońć lica.

[broneknotgeld]

Polkowske młyny

Wiela stanyło młynow przi Drnie?
-Komu se dzisioj łodpedzieć chce?

[broneknotgeld]

"Joli bord"

Marysiyńka Sobiesko tako powiedziała
Jak na ta dziedzina kedyś se blikała.

[broneknotgeld]

Żoliborz dziynnikarski

Żornalisty rożne w dzielnicy miyszkajom
Ze szkryflanio żyjom - piorom tako pszajom
Toż jejich społdzielnia domy zbudowała
Bestoż tu cuzamyn istnych pozbiyrała.

[broneknotgeld]

Czesław Niemen

Na Żoliborzu pieśniczki tworzoł
Szkoda że końca swojego dożoł.

Gdańsk

[broneknotgeld]

Dwor Artusa

Czi Dwory Artusa w Europie łostały
A przeca ich było piyrwyj richtig wiela
Gdańsk Tallin i Ryga - to już spis jest cały
Nojpiykniejszy gdański - szkryfnońć sie łośmiela.

[broneknotgeld]

"Amberia"

Niyjedna we Gdańsku bursztynu galeria
Na Mariacki jednak jest zocno "Amberia"
Cudami z jantaru napasiesz tu łoko
Z tego nawet serce ponoć czasym skoko.

[broneknotgeld]

Oliwa

Wele Sopotu jest ta Oliwa
Trza cosik szkryfnońć ło jeji dziwach.

[broneknotgeld]

Po prowdzie "odpis" łostoł sie nom
Te "sprostowanie" terozki dom.

[broneknotgeld]

Poczontek klasztoru 1186-1188

Toż princ Sobisław myśloł już ło tym
Ściongnońć cystersow - niy dlo gupoty
Łostawioł jednak to Samborowi
Synym był jego - to kożdy powiy

Konwynt mnich Dithard tukej przikludzioł
Z Kołbacza karlus tako se trudzioł
Bo miało to być ich "kolanijom"
Chocioż cysterskom tyż familijom

Zamek myśliwski princa w tych stronach
No toż niy myśloł ło jakiś kromach
Yno kwatera w niym przirychtowoł
I ze mnichami klasztor już stowioł

Tako minyły dwa lata z Bogym
Już braty chwolom sie swojim progym
Akt fundacyjny Sambor wystawioł
Gdańsk ponoć wtedy za to go sławioł

Nadoł przi tymu majontku tela
Że pryndko rosła oliwsko sztela
Prziwilejami sie tyż cieszyła
Z nich tako samo zakonu siyła.
--

"Oława"

Czy Potok Oliwski piyrwyj tako zwali?
Czy ze ty "Oławy" miano szteli dali?
Po prowdzie to niy wiym - tako yno szkryfna
No i rymym ło tym terozki se gichna.

[broneknotgeld]

Oliwa 1226

Skiż wypraw krziżowych tako tragedyjo
Prusy se łodgryźli no i stond mecyjo
Wypolony klasztor kościoła tyż niy ma
Opata z mnichami już niy nosi ziymia

Choć na łoczach gdańszczan ich pomordowali
Jedni tu skończyli - inksi zaczynali
Bo zaś ze Kołbacza mnichow prziszło tela
Że łodrosła chnetko ta cystersko sztela.

[broneknotgeld]

Oliwa 1308

Krziżaki Gdańśk wziyli - krew przi tymu loli
Krześcijan - Ponboczka sie cosik niy boli
Se opat Rudiger tymu fest dziwowoł
Zwłoki yno zbiyroł - we Oliwie chowoł.

[broneknotgeld]

Opat Lambert Schlieff

Zdo sie co wspiyroł reformacyjo
A gospodarzoł! -Ciyngym mecyjo!
Majontkow klasztor myni już mo
I podupado - tako sie zdo.

[broneknotgeld]

Oliwa 1697

Ksionże Conti ze wojskym prziloz po korona
Trza było Sasowi tukej go pokonać
No i uciyrpiało przi tymu opactwo
Przeca do rabunku zdolne jest żołdactwo.

[broneknotgeld]

Dekret 1829

Krol pruski dekret podpisoł złowrogi
Skasujom tyn zakon - poniesom kajś nogi.

[broneknotgeld]

Wiosna Ludow w Oliwie

Oliwsko biydota ruszyła na sklepy
Piekarnio zajyli chlyb do dom pobrali
Dyć przeca tu kupce niy byli tyż kiepy
Pomoc ściongli z Gdańska i łupnia im dali.

[broneknotgeld]

Oliwa-Jelitkowo 1908

Już do Jelitkowa wiedom banki glajzy
Wszysko tu gryfniejsze - przeca niy dlo łajzy
Yno by z letnikow grosz godziwy ściongnońć
W tyn gyszeft już gmina mocno chce sie wprzongnońć.

[broneknotgeld]

Oliwa 1.VI.1926

Już Edward O'Rourke tu ordynariuszym
Kościoł poklasztorny w katedry se ruszył.

[broneknotgeld]

Jan Flachsbinder - Dantyszek (1485-1548)

Kim był tyn Dantyszek - ciynżko mi napisać
Tako coby nudli niy chcieliście wyszać
Bestoż szkryfna yno - gdańszczanin to zocny
Z czasow w kerych czowiek zdoł sie bardzi mocny.

[broneknotgeld]

Podziały

Miasto Głowne - Miasto Stare
Czy podziały ciyngym jare?
Historyjo tako prawi
Dzisioj tyż se w łoczach jawi.

[broneknotgeld]

Filharmonijo Bałtycko

Tam kaj elektrownia piyrwyj gdańsko była
Se filharmonijo łostatnio wkludziyła
Salom koncertowom terozki sie aszom
Grajom tak że życie budzom a niy gaszom.

[broneknotgeld]

4-6.VIII.2006 Gdański Festiwal Carillonowy

Dwa carillony zocny Gdańsk mo
Muzyka jejich niych Polska zno.

Poznań

[broneknotgeld]

Na Marcina

W listopadzie na Marcina
Poznań mo wesoło mina
Ze kościoła procesyjo
Nigdy zamku niu łomijo
Przeca przed niym festyn wielki
Dlo karlusa i dlo frelki

Ston se wziyło że co roku
W siyrpniu wiyncy poznaniokow
Na tyn boży świat sie rodzi
Dyć w Marcina pszoć nom godzi.

---

Ostrow Tumski

Jak żeś jest w Poznaniu toż drogi kolego
Niy możesz łominońć Ostrowa Tumskiego
Tu grod był nojwyrszy za Mieszka I
I tukej łokrzciyli nom ksiyńcia istnego

We katedrze znojdziesz tyż Złoto Kaplica
Kero bizantyjske mo jak gdyby lica
Prochy Mieszka z Bolkym tukej som złożone
Kaj piyrsze we Polsce miejsce poświyncone.

[broneknotgeld]

Czecio katedra (1243)

Toż se we gotyk już łoblykała
Ździybko to trwało niym wykończyli
Dyć i z wiekami tako zmiyniała
Że jom barokym w końcu łokryli.

[broneknotgeld]

Cybina

Ano toż tako Warty łodnoga
Za niom Ostrowek - przed "sztela Boga".

[broneknotgeld]

Kościoł św. Małgorzaty

Wiek sztyrnosty nań już blikoł
Toż gotykym durś se asi
Zocny czowiek tukej rzykoł
Bestoż ciyngym Śródka krasi.

[broneknotgeld]

Ratusz w Poznaniu

Wpiyrw był gotycki
Dyć Włoch go chycioł
W szesnostym wieku
Tako "uklycioł"
Że se terozki
Wszyskim wydowo
Co to perełka
Renesansowo.

[broneknotgeld]

Muzeum Historyji Miasta Poznania

Ano muzeum dzisioj w ratuszu
Szkryflać by wiela - zabraknie tuszu
Koziołki dali se tu trykajom
Ty szteli zocny wszyscy tyż pszajom.

[broneknotgeld]

Katedra śś Pyjtra i Pawła

Pyjter i Paweł jak wieże jyj
Toż do Ponboczka porzykać chciyj.

[broneknotgeld]

Muzeum Sztuk Użytkowych

Kunszt w czymś zdo sie do roboty
Ano blikej - niy gupoty.

Kraków

[broneknotgeld]

Jako spokopi to wszysko gowa?
forum.gazeta.pl/forum/72,2.html?f=61&w=47516511
Fajer Sztrasburski we Rok Krakowa?

[broneknotgeld]

Kopiec Kraka

Ksionże Wiślan Krakym zwany
Tukej mioł być pochowany
Możno żył łon w VII wieku
Kto to dzisioj wiy czowieku?

--

1000

Thietmar szkryfnoł ło Krakowie
Rok był wtedy rowno tysionc
Grod wawelski co sie zowie
Na to już mogymy przisionc

Było te podgrodzie Okół
Zowdy take przi grodziszczu
Dwie osady tyż na boku
Pryndko sława Kraków zyszczoł.

--

Goethe w Krakowie

Goethe tyż w Krakowie siedzioł
Był tu przez dni sztyry
Ło Wieliczce przeca wiedzioł
Tam go niosły gyry

Minerały mioł we zocy
Tego był ciekawy
Solom piyknie napas łoczy
Tela mioł zabawy

Dyć na chałpie kaj nocowoł
Wisi już tabula
Bliknij jak ci sie wydowo
Że jo chca cie fulać.

[broneknotgeld]

Krakow 1257

Bolesław Wstydliwy Krakow dźwignoł tako
Że doł prawo miejske mustrym magdyburskim
Grod se samorzońdzioł jak wiela jednako
Giścińcym szyrokim a niy jakimś wonskim.

[broneknotgeld]

Na Kazimierzu

Na Kazimierzu noc drapko zleci
Rano - pij kawa i leć do dzieci.

[broneknotgeld]

Na Skałce

Na Skałce dzisioj Paulinow znojdziesz
Kościoł i klasztor - drapko tam dojdziesz
Teroz barokym wszysko sie asi
Tako ta Skałka i Krakow krasi.

[broneknotgeld]

Ołtorz mariacki

Przi tym ołtorzu ło Stwosza Wita
Żodym w Europie niy śmi zapytać
Bo arcydzieło wielke to przeca
Styknie że slypiym po świyntych leca
We kunszcie wola Ponboczka widać?
Czy rynka ludzko? -Dowod trza by dać

[broneknotgeld]

"C.K.Browar"

Na Podwalu knajpa tako
Piwo przednie - durś jednako
Se tu zicniesz i napijesz
Ano - zaroz wiysz że żyjesz.

[broneknotgeld]

Rok Krakowa drapko przidzie
forum.gazeta.pl/forum/72,2.html?f=170&w=46418223
Ze tym nowo radość bydzie.

[broneknotgeld]

Krakow wandrusow zaproszo tako
www.krakow.zaprasza.net/
Tu przeca żodyn niy bydzie płakoł.

[broneknotgeld]

"Krakow żyje..."

Krakow żyje z turystyki
Som we wercie cosik bliki
Łod wandrusa co se zjawi
Grod upasie - som zabawi.

[broneknotgeld]

Na Kazimierz

Z rynku przeca niydaleko
Toż Kazimierz na mie czeko
Se prziwitom w paździyrniku
Możno kajsik tam porzykom.

[broneknotgeld]

Plac Mariacki

Z Małego Rynku na Głowny ida
Toż Plac Mariacki to niy łobrzida
Łon jako Krakow gryfny jest przeca
Tyż zdo sie dziwym ty szteli neca..

[broneknotgeld]

Kaplica Zygmuntowsko

Blyszczy kopuła se jeji złotym
Jako łostawić istno na potym?
Jak ło Wawelu myśla to marza
Że familijom wpiyrw tukej właża.

[broneknotgeld]

Arcybractwo Dobry Śmierci 1595

Toż se mu dziwej terozki chopie
Jedne łostało łone w Europie
Choć już skazańcow niy wykupujom
Przeca w Krakowie dobrze se czujom.

[broneknotgeld]

W Arcybractwie

Toż w niym mog być krol i kmieć
Czy wystykło yno chcieć?

[broneknotgeld]

Poznań, Krakow, coś z Wrocławia
gazetacodzienna.pl/artykul/turystyka/cieszynski-rozowym-most-nowym-miejscem-spotka-zakochanych
Jo sie już w to niy zabawia.

Wrocław

[broneknotgeld]

Hala Ludowo perełkom architektury

Już takom byłą jak powstowała
Za to tyż punkty dzisioj dostała
Ajza z betonym w niyj skuplowano
Tako że cudym jakby nom dano.

[broneknotgeld]

Wrocławsko Hala

Wrocławsko hala krziżym podparto
Już teroz wiymy - wiela jest warto
I cudym Ślonska zdo sie nom dzisioj
Czy ło zocniejszy żes tukej słyszoł?

[broneknotgeld]

W stulecie bitwy pod Lipskym

Z bitwom pod Lipskym zas Prusy wolne
Tam pułki ślonske swoje zrobiyły
Tref do we końcu życie spokojne?
Dyć wojna ciyngym łodbiyro siyły.
--

Wrocławsko Hala

Wrocławsko hala krziżym podparto
Już teroz wiymy - wiela jest warto
I cudym Ślonska zdo sie nom dzisioj
Czy ło zocniejszy żes tukej słyszoł?

[broneknotgeld]

Dzielnica Wzajymnego Szacunku

Ta ścieżka połonczy tu przibytki Boga
Na bezrok już bydzie - tela szkryfnońć moga
Pop pastor ksiondz rabin razym to zrychtujom
Bogu i bliźniymu - tako forsztelujom.

[broneknotgeld]

Po czym poznowo?

Po czym świat cołki Wrocek poznowo?
Pewnikym wiycie - Hala Ludowo.

[broneknotgeld]

Hala Stulecio 1918

Róża Luksemburg w Hali wiecuje
Pokoj dlo świata tu łobiycuje
Co z czasym wyszło? -Dyć wiycie przeca
Jo historyji rymym niy kleca.

[broneknotgeld]

Kino "Gigant"

W Hali take wielke kino
Czy Europa je wspomino?
Ponoć w niyj nojwiynksze było
Ano - przeca już minyło.

[broneknotgeld]

Sie radujom
www.gazetawroclawska.pl/artykul/665763,w-sobote-wroclaw-stanie-sie-stolica-niemcow-w-polsce,id,t.html?cookie=1Pofajrujom.

[broneknotgeld]

Czy se rabnie?

Czy tyn Most Tumski se w końcu rabnie?
Czy ktosik serce freli tu habnie?
Z tych co na kłodki pozawiyrane
Kejś kajsik bydom możno sprzedane?

Łódź

[broneknotgeld]

Łódź

Łódź ze "Ziymi Obiycany"
Taki łobroz piyrszy dany
Coś se szkryfna ło tym tukej
Łódź żydowsko - w nia zaklupej.

[broneknotgeld]

Przi rynku

Przi rynku Żydow nojwiyncy miyszko
Na jejich muster ta sztela blysko
Dyć se to inkszym niy spodobało
Starozakonnych chcieli mieć mało.

[broneknotgeld]

Niy w "rewirze"

Miyszkać kaj ińdzi niy było leko
Wiela utropy na Żyda czeko
Niy śmiy łoblykac se po swojymu
Godać po polsku - niy po ichniymu
Chyba że na tyn niymiecki przyńdzie
Abo francuski z gymby mu wyńdzie.

[broneknotgeld]

Na ta Łódź przidzie mi kukać
Wraża link coby niy blukać.

www.facebook.com/groups/332939560673928/posts/1001765443791333/

Katowice

[broneknotgeld]

Agnieszka

Łod huty cynku szło jeji miano
Bo jom tu piyknie "Agnes" nazwano
Konsek a byliby my w Chorzowie
Dyć jom przigarła gmina Wełnowiec
Kto z wos pamiynto te piykne zdjyńcie?
Co biydaszyby przi "Prezydyncie"
W latach kryzysu pokazywało
Z tego słynyła Agnieszka cało
Dzisioj sie wspomnij ta kolanijo
Jak czasym droga Agnieszki mijosz.


Kostuchna

W Kostuchnie miyszkali na "Murckach" robiyli
No a potym jeszcze na tych "Bożych Darach"
Coby ze grubami tu sie niy pomylić
"Emanuelssegen" - wspomna nazwo stara

Potym to cuzamyn we "Murcki" zebrali
Miano łod bergmonow kere szli z roboty
Ta gruba w Kostuchnie fedruje nom dali
Jak na niyj durś robisz to nosisz galoty.


Alfred

Tyj gruby "Alfred" już tu niy momy
Ło "Hohenlohe" zapominomy
A na Alfredzie przeca bergmony
We familokach byli sie pony
To tukej po swyj ciynżki robocie
Mieli ze życio choć trocha pociech
W Polsce Alfreda nom podzielyli
Do Siymianowic konsek dopiyli
Reszta z Wełnowcym we Katowice
W tym eku trzech miost momy granice.

[broneknotgeld]

Amanda

Na mapie Katowic jom ciynżko jest znolyść
I niy mosz dyć richtig tam za czym tyż polyść
Choc było tu kedyś dość gwarno i ludno
Skończyła sie gruba zrobiyło sie nudno
Kolonia i gruba jedne miały miano
Przepiyknie je kedyś Amandom nazwano.


Bagno

Bergmony z "Elfridy" tu kedyś miyszkali
Naprowdy w marasie sie czynsto toplali
Jak huty "Bernhardi" nastały tu czasy
To Roździyń sie chwoloł tutejszym marasym
A dzisioj te "Bagno" to wynzeł drogowy
Jak z Ronda se jedziesz prosto do Mysłowic.


Bederowiec

Bederowiec to był Domb
Józef Beder to był ksiondz
Biydnie sie tu ludziom żyło
Wiela slamsow we tym było
Kto pamiynto te "Maroko"
Kaj niyjedyn choncwot skokoł
Dzisioj to jest niby szpan
"Tysionclecie" prziszło dran
Stojom tu wielgachne bloki
A niy stare familoki
Zaś po drugi stronie skarb
Tyn nasz ślonski lunapark
Kery dzisioj robi klapa
Bo w niygospodarnych łapach
Coś mi jeszcze świto teraz
Niy ma drogi tu Bedera.

[broneknotgeld]

Bogucice

Już w wieku czinostym - łod lot to godajom
Stoła tukej wioska na prawie niymieckim
Dyć nojstarszy papior z kerego jom znajom
Wionże z wojewodom sie tym sandomierskim

Otton ze Pilicy - take jego miano
We cztyrnostym wieku wieś mu ta nadano
Mikołaja była we tym szczyro wola
- Ksiyńcia Raciborza no i tyż Opola

Potym było tukej Ksiynstwo Pszczyńske sławne
Z kerego Salamon wykroł ordynacjo
No i w końcu prziszły czasy niy tak dawne
Jak po Mieroszewskim Tiele-Winckler nastoł

Bo wszyscy my wiymy że te Bogucice
Były ważnom czyńściom "Państwa Mysłowice"
Przipadła im przeca ciekawo kariera
Rosnyły se razym z majontkym Wincklera.


Kuźnica bogucko

Staro kuźnica przi rzyce Rawie
Stoła tu ponoć w piytnostym wieku
To sie niy mieści we gowie prawie
Ajza dyrś loli - mody człowieku.


"Ferdynand"

Jako by żyły bogucke strony
Bez "Ferdynanda" kerego znomy
Ta gruba dowo durś przeca życie
Dzisioj jyj miano to "Katowice".

[broneknotgeld]

"Fanny"

"Fanny" to miano jest huty cynku
Kaj ciongło wiela boguckich synkow
Dzisioj już werku tego niy szukej
"Czas cynku" skończoł sie przeca tukej.


Kościoł bogucki

Matko Bosko Bogucko łaskami tu słynie
Werci sie z pielgrzimkom być i w tyj dziedzinie.


Bibliotyka

We bibliotyce we Bogucicach
Tyż notgeldami szło sie zachwycać
I chocioż downo to już jest sprawa
Ważne że była tam ta wystawa.

[broneknotgeld]

Katowicko fojerwera

Mo gyburstag fojerwera ze naszych Katowic
Myśla tukej ło karlusach cołkym zawodowych
Niymcy - Polska durś na zmiana im sie to kulało
Ważne że te fojermany gasiyli niymało
Sto lot - przeca przez szmat czasu służyli tu co dnia
Życzyć im trza co by mynij jeździyli do łognia.


Borki

Przicupły prawie nad tom Brynicom
W Sosnowiec ciepnoł byś stond kłonicom
Mie gruba "Polska" zaciekawiyła
Co w miyndzywojniu tukej stanyła
Dyć dwóch knajpiorzy jom miało przeca
Co z niyjednego jedli chlyb pieca.


Boże Dary

Tu gruba "Boer" Hohberg założoł
Do tego kolonio doszła
Za staryj Polski wongel tyn wożoł
Pszczyna stond jeszcze niy poszła

Przed drugom wojnom zmiynili miano
Kawałka tyj ślonski ziymi
Już "Boże Dary" wszysko to zwano
Teroz cieszymy sie nimi.

[broneknotgeld]

Boże Dary

Kedyś we pszczyński gminie Podlesie
Potym w Kostuchna wlepiyli
No a za Gierka - wieść ślonsko niesie
Do tych Katowic je wpiyli.


Brynów

W historio sie wpisoł we tyn wiek piytnosty
Choć nikt tu niy miyszkoł aż po siedymnosty
Ponoć we włodaniu kedyś był Cieszyna
A za Salamonow przigarła go Pszczyna
Ponow tukej było chyba aż za wiela
W dziewiytnostym wieku we rynkach Wincklera
Pod koniec go jednak Hohenlohe capnoł
No i już za Polski w Katowicach klapnoł.


W Brynowie

W Brynowie Polokow zawsze było tela
Że nawet z Katowic "wyciepli" ta sztela
Jak zrobiyli ze nich miasto cołkym nowe
Brynow gminom zostoł - co tyż było zdrowe
Potym fest rozkwitło polske życie tukej
A korzyni tego "U Rzychonia" szukej.

[broneknotgeld]

"Oheim" - "Wujek"

Ksionże Hohenlohe gruba ta postawioł
Wielgachno bo łon sie drobnicom niy bawioł
We tych Katowicach do dzisioj fedruje
Bo przeca ze "Wujka" durś sie wongel suje.


Burowiec

Wedle Dombrowki tyj Mały
Chałpy Burowca se stały
Ziymia se leko łorali
Aże Wincklerow poznali
Ze hut sie tu zakopciyło
Gruba tyż rosła aż miło
Swoje dociepli łod Gischa
Kajsik strociyła sie cisza
Wongel i ajza - ołow i cynk
Bamber ze tego tukej by pynk.


Domb

Łod średniowieczo już Domb był tukej
U bożogrobcow dowodow szukej
Przeszli jak burza przez Domb Tatary
Zniszczyli nawet tyn Chorzow stary

Dyć miechowitow wioski to były
Lazarytowi ciyngiym służyły
Tymu z Bytomia - Świyntego Ducha
Kaj wiela chorych znodło otucha.

[broneknotgeld]

We Dymbie

Farorz ze Chorzowa srebra tukej szukoł
Pieronym uparcie pod ziymia durś kukoł
Domb kolybkom bergmonow skiż tego sie stoł
Dyć różnistych metali rudy przeca mioł.


Dymbowe szachty

Ta "Ksiynżno Jadwiga" i "Jadwiga Nowo"
Gruby parafialne - tyż farorz je stowioł
Łone już fedrunkym wonglo sie trudniyły
A te jejich szachty jeszcze płytke były.


Pudlingarnia

Baildona pudlingarnia tukej
Teroz jom w hucie "Baildon" szukej
Chocioż zmiyniała właścicieli
Miano łostało bo tak chcieli.

[broneknotgeld]

"Waterloo"

"Waterloo" - gruba tako tu była
Dusza Baildona we niyj sie skryła
Czimoł na społa łon jom z klasztorym
Tym co pomogoł Ślonzokom chorym

Potym wyrosła z niyj "Eminyncjo"
Bo w wonglu przeca była potyncjo
Za tyj komuny "Gottwald" jom zwali
Dyć czorne złoto sypało dali

Złonczyli jom tyż ze "Kleofasym"
A jak czerwone przestało straszyć
I nikt niy kłonioł sie tymu po pas
Zrobiyli "Katowice - Kleofas"

Dyć nojważniejsze jest to że w Dombie
Tyn duch Baildona durś w ścianie rombie.


Dombrowa

Niydowno łona we Katowicach
Durś swojym lasym może zachwycać
Wiedzie do niego ta droba "Saska"
Mor tukej dopod wojsko - do diaska
Byli na służbie Augusta Sasa
Tukej skończyli w Dombrowy lasach.


Dombrowka Mało

Niy wiym czy idzie godać ze mało
Jak z samyj nazwy by wynikało
Gmina tu przeca dość ludno była
Co koloniami sie łobłożyła
Norma i Pnioki Czekaj Burowiec
Ze niyj wyrosły te sztele nowe
A jak dołożyć gruby i werki
Powiym że konsek Ślonska był wielki.

[broneknotgeld]

Łod Gischego

Spadkobiercy Gischego tu wiela zrobiyli
Bo łoni we huty geld swoj durś topiyli
Tyn ich "Gisches Erben" tu cynk srebro ołów
Wybiyroł garściami ze Dombrowki stołu.


"Jerzy"

Ta gruba w Dombrowce trza tyż tu wspominać
Bo sie niom asiyła przeca cało gmina
Choć życie bergmona niy było wesołe
Robota we "Jerzym" dowoł Hohenlohe
Za tyj staryj Polski zaczły sie problymy
Pryndko jom zamknyli ło tym tukej wiymy.


Dobro Myśl

Terozki tu stojom yno same bloki
A kedyś miyszkali z Wełnowca boroki
Roboty dyć łoni w kryzysie niy mieli
Bez to we barakach siedzieć tu musieli
Ło te dobre myśli niy było za leko
No i do roboty durś mieli daleko.

[broneknotgeld]

Fryderyka

Kolanijo Fryderyka kedyś tukej była
Dyć w Wełnowiec sie dość downo cołkym nom wtopiyła
Hohenlohe jom założoł dlo tych z werkow jego
Miano swoje tyż dołożoł no i tela z tego.


Giszowiec

Ta modo osada Gischewaldym zwano
Łod tych z "Gisches Erben" wziyła swoje miano
Las piyrwyj należoł do Thiele-Wincklera
Osiedle powstało piykne jak cholera

Dzisioj by pedzieli że było wzorcowe
Chałpy przeca tukej tyż cołkym stylowe
Bergmon po robocie w łogrodku sie siedzioł
Za co tak harowoł - ło tym dobrze wiedzioł

Leciało to dalyj za tyj stary Polski
Dyć po drugi wojnie nastoł już czas "swojski"
Łoboczyli my to w "paciorkach rożańca"
Jak komuna wziyła starzykow do tańca

"Łobalić trza stare - postawić se nowe"
Bez to momy tu tyż osiedle klockowe
Stare ze tym nowym dziwnie pomiyszali
Ciekawe co piyrwyj bydzie sie zaś walić.


Huta Arnold

Huta cynku "Arnold" i jyj kolanijo
Janowa to była kedyś familijo
W Katowicach dzisioj lecom im godziny
Arnolda poszukej wele tyj Boliny.

[broneknotgeld]

Janow

Ta janowsko ziymia kedyś w Mysłowicach
Mieroszewskich cało była okolica
No a polske ponki hulali za wiela
Majontek sprzedali we rynce Wincklera
Jak tu była gmina to ci łod Gischego
Fedrowali wongel richtig na całego

We Polsce w Janowie wiela sie zmiyniyło
Koncek w Mysłowice cołkym sie wtopiyło
Reszta zaś dotrwała do Polski Lydowyj
Dyć pryndko jom wciepli do Szopiynic nowych
A jak w siyła rosły potym Katowice
Połknyły tyn Janow z miastym Szopiynice.


"Gische"

Kopalń janowskich było bez liku
Zrobiyli z nich jedna - "Gische"
Wiela pokolyń naszych gornikow
W ziymia łod lot tu sie pisze

I chocioż teroz inksze jyj miano
We gymbie "Wieczorek" momy
Fedruje bergmon tukej co rano
Durś wongel stond dobywomy.


We Janowie

We Janowie malować lubiyli
Z tego downiyj już tu zasłynyli
Piyrszy ze nich Ociepka Teofil
Jo bych pedzioł że łon był "carbofil".

[broneknotgeld]

Jozefowiec

Miano łostało po tym Bederze
Zeflik mu przeca godali
Droga Bedera - naszkryflom szczerze
Tyż Jozefowskom nazwali

Bo jak komuna prziszła po wojnie
A ze niom zaś inkszo nyndza
Farorz we grobie społ niyspokojnie
Niy chcieli patrona ksiyndza

Dyć zamazane to jakoś dzisioj
Jakby historio ktoś sprościoł
Ło tym ksiynżoszku wiyncyj by słyszoł
Kto w Katowicach by gościoł.


Jozefowiec

Skiż Hohenlohego - pana na Bytkowie
Pryndko sie rozwinoł tyn nasz Jozefowiec
Ci ze werkow jego musieli kajś miyszkać
Po blisku - by piechty zadreptać na szychta
Były jednak tukej tyż przeca i szkoły
Chor i rożne zwionzki co Polsce durś pszoły
Już we polskich czasach pryndko Jozefowiec
Włonczyli na amyn we gmina Wełnowiec
Jak po drugi wojnie rosły Katowice
To sie upomniały ło te okolice
Miano nom łostało - tako zwom osiedle
Droga Jozefowsko co leci tyż wedle
Yno zaginyło nazwisko Bedera
Choć myśla ło ksiyndzu - biere mie cholera.

[broneknotgeld]

Giszowiec

Ta modo osada Gischewaldym zwano
Łod tych z "Gisches Erben" wziyła swoje miano
Las piyrwyj należoł do Thiele-Wincklera
Osiedle powstało piykne jak cholera

Dzisioj by pedzieli że było wzorcowe
Chałpy przeca tukej tyż cołkym stylowe
Bergmon po robocie w łogrodku sie siedzioł
Za co tak harowoł - ło tym dobrze wiedzioł

Leciało to dalyj za tyj stary Polski
Dyć po drugi wojnie nastoł już czas "swojski"
Łoboczyli my to w "paciorkach rożańca"
Jak komuna wziyła starzykow do tańca

"Łobalić trza stare - postawić se nowe"
Bez to momy tu tyż osiedle klockowe
Stare ze tym nowym dziwnie pomiyszali
Ciekawe co piyrwyj bydzie sie zaś walić.


Huta Arnold

Huta cynku "Arnold" i jyj kolanijo
Janowa to była kedyś familijo
W Katowicach dzisioj lecom im godziny
Arnolda poszukej wele tyj Boliny.


Janow

Ta janowsko ziymia kedyś w Mysłowicach
Mieroszewskich cało była okolica
No a polske ponki hulali za wiela
Majontek sprzedali we rynce Wincklera
Jak tu była gmina to ci łod Gischego
Fedrowali wongel richtig na całego

We Polsce w Janowie wiela sie zmiyniyło
Koncek w Mysłowice cołkym sie wtopiyło
Reszta zaś dotrwała do Polski Lydowyj
Dyć pryndko jom wciepli do Szopiynic nowych
A jak w siyła rosły potym Katowice
Połknyły tyn Janow z miastym Szopiynice.

[broneknotgeld]

"Gische"

Kopalń janowskich było bez liku
Zrobiyli z nich jedna - "Gische"
Wiela pokolyń naszych gornikow
W ziymia łod lot tu sie pisze

I chocioż teroz inksze jyj miano
We gymbie "Wieczorek" momy
Fedruje bergmon tukej co rano
Durś wongel stond dobywomy.


We Janowie

We Janowie malować lubiyli
Z tego downiyj już tu zasłynyli
Piyrszy ze nich Ociepka Teofil
Jo bych pedzioł że łon był "carbofil".


Jozefowiec

Miano łostało po tym Bederze
Zeflik mu przeca godali
Droga Bedera - naszkryflom szczerze
Tyż Jozefowskom nazwali

Bo jak komuna prziszła po wojnie
A ze niom zaś inkszo nyndza
Farorz we grobie społ niyspokojnie
Niy chcieli patrona ksiyndza

Dyć zamazane to jakoś dzisioj
Jakby historio ktoś sprościoł
Ło tym ksiynżoszku wiyncyj by słyszoł
Kto w Katowicach by gościoł.

[broneknotgeld]

Jozefowiec

Skiż Hohenlohego - pana na Bytkowie
Pryndko sie rozwinoł tyn nasz Jozefowiec
Ci ze werkow jego musieli kajś miyszkać
Po blisku - by piechty zadreptać na szychta
Były jednak tukej tyż przeca i szkoły
Chor i rożne zwionzki co Polsce durś pszoły
Już we polskich czasach pryndko Jozefowiec
Włonczyli na amyn we gmina Wełnowiec
Jak po drugi wojnie rosły Katowice
To sie upomniały ło te okolice
Miano nom łostało - tako zwom osiedle
Droga Jozefowsko co leci tyż wedle
Yno zaginyło nazwisko Bedera
Choć myśla ło ksiyndzu - biere mie cholera.


Karbowa

Dzisioj to historio - miano zaginyło
Ze Katowicami w jedno sie stopiyło
Była to osada Bogucki Kuźnicy
Folwark piykny leżoł na samy granicy
Huty i cegelnie powstały tyż tukej
Dzisioj jednak lepiyj ich wcale niy szukej
Jak zajrzysz to widzisz teroz blokowisko
Kaj? -"Na Paderewskim" - powiy kto tu miyszko.


Katowicko Hołda

Kto dzisioj tyj nazwy używo?
Chyba jakiś trocha dziwok
Wyleciała już ze mapy
Choć tam czynsto niesom szłapy
Jak w Kościuszki żeś jest parku
To na Hołdy tyj kawałku
Rondym Mikołowskym karniesz
Zaś ta Hołda cie przigarnie
Nawet konsek autobany
Tukej jest wyrychtowany
No i "Wujek" durś fedruje
Przeca Brynow prawie tu jest.

[broneknotgeld]

Klizmowiec

W Katowicach z Klizmowca nic niy ma
Szłoby tukej łopuścić tyn tymat
Dyć przez pamiyńć zocnego młynorza
Jednak szkryflać sie ło tym łodwoża

Domki kedyś te fińske tu stoły
Teroz w niebo sie dropiom "pachoły"
Beton jakoś niy cieszy mie wiela
Wolołch staro spokojno ta sztela

Tysionclecie tu dzisioj jest Gorne
Chocioż życie wydaje sie chmurne
Jada bankom i blikom ze glajzow
Widza yno tyn kopiec amajzow.


Kokociniec

Konsek Katowic przi samy Rudzie
Możno Kłodnicom spłynońć tam pódzie
Jest tu osiedle bergmonow "Ślonska"
To tyż ze Rudom nitka niywonska

Piyrwyj tu były jednak dziedziny
Łod tych Hochbergow ksionżont ze Pszczyny
Huta i gruba tu postawiyli
Wonglym już przeca ajza topiyli.


Kolonio Wysockiego

Na trasie z Giszowca do tego Nikisza
Po drodze kolonio se leży
Terozki niywiela jo ło niyj już słysza
Wysocki jyj patron - uwierzysz?

Dyć był to se karlus co Flawian mioł miano
Łon kedyś harowoł na "Gischu"
Komunie pszoł mocno i bestoż tak zwano
Osada przi sławnym Nikiszu.

[broneknotgeld]

Kopaniny

Prawe i lewe te Kopaniny
Kedyś Hochbergow piykne dziedziny
Dzisioj przigarły je Katowice
Przi Mikołowie te okolice.


Kostuchna

Staro osada to jest Piotrowic
Kero sie tak rozwinyła
Że nim włonczyli jom do Katowic
Miastym być tyż już zdonżyła.


Koszutka

Kolanijom Bogucic swego czasu była
Ponoć łod młynorza miano swoje wziyła
Jak te gruby i werki zaczli tukej stowiać
To i chałpow trza wiyncyj było wybudować
Z czasym familoki klocki zastompiyły
We mojyj pamiyńci yno łone były.

[broneknotgeld]

Kuźnica Bogucko

Kuźnica Bogucko tukej piyrwyj była
Łona nad Roździankom sie nom rozwinyła
Dyć ło niyj Walynty Roździeński napisoł
Że Jurga Kleparski kuźnikym tu prziszoł

Bez lata jom zwali durś łod tyj kuźnice
Choć rosła tyż tukej ta wieś Katowice
Po myśli inkszego kuźnika - Andrzeja
By z czasym zastompić jom we dalszych dziejach.


Huta "Marta"

Dzisioj jom niy ma choć dugo była
Prawie przi rynku miasta nowego
Tam kaj ta sławno kuźnica żyła
Wspomnij kuźnika tu boguckego.


Ligota

Łod Staryj Ligoty wszysko sie zaczyło
Choć we downych czasach ciynżko tukej było
Rzondziyła tu przeca czynsto tyż zaraza
Po polach sie huloł wiater we tych razach

Jak sam zaś nastały czasy huty "Idy"
Poleku Ligota wylazła ze biydy
Doszła jeszcze gruba kerom "Szadok" zwali
Wongel do tyj huty we niyj dobywali

Dobrze tyż sie stało że cug tu puściyli
Bo małe letnisko z Ligoty zrobiyli
Przi banhofie rosła osada łod nowa
Ta staro przi nowyj zaczyła sie chować

Wszysko to sie dzioło tu za Niymca jeszcze
We powiecie pszczyńskim była wtedy - wierzcie
A już za tyj Polski cołko okolica
Czwortom tajlom była we tych Katowicach

Dyć do dzisioj to jest Katowic dziedzina
Chocioż tak niydowno włodała niom Pszczyna
Jak tam kedyś zajrzysz wspomnij moje słowa
I tyskego piwa chlapnij se dlo zdrowia.

[broneknotgeld]

Muchowiec

Mucha tu miyszkoł chop małorolny
Niy mioł za wiela dyć czuł sie wolny
Lotoł sie czynsto nad łonkom nisko
Bestoż zrobiyli potym lotnisko.


Murcki

Ponoć tukej właśnie łod lot pany Pszczyny
Dobywali wongel z tyj swojyj dziedziny
Łodrywali chopa ze uprawy roli
Kopać musioł w ziymi wedle jejich woli

Chodzioł umurckany potym do zagrody
Bo mu na tyj grubie żałowali wody
"Emanuelssegen" kopalnia ta zwano
Łod murckow osada pryndko wziyła miano.


"Emanuelssegen"

To jest richtig staro naszo ślonsko gruba
Chop tukej fedrowoł ściongniynty łod pługa
Tu już sztrajkowali w łoziymnostym wieku
Bo sztajger bergmonom ubliżoł - czowieku

W dziewiytnostym wieku ta gruba durś rosła
I wtedy tyż tukej ajzynbana doszła
Wonglo coroz wiyncy trza było fedrować
Bo Hochberg we Wrocku zaczoł go przedować

Za tyj staryj Polski zaś tu sztrajki były
Kryzysym sie przeca gruby niy karmiyły
Ciyrpieli bergmony wtedy wielgo biyda
Niy było tu leko - godać ło tym byda

Już po drugiyj wojnie "Murckami" jom zwano
Jak piyrwyj osada - łod niyj teroz miano
Ważne że durś tukej wongel nom fedrujom
We Polska łon idzie - niych dalyj go sujom.

[broneknotgeld]

Co to jest?

Dzielnica i gruba jedne majom miano
Skiż wonglo tak piyknie je przeca nazwano
Kedyś było tukej "Wolne Państwo Pszczyna"
Dzisioj to Katowic ciekawo dziedzina.


Nikiszowiec

Dyć niy było by "Nikisza"
Jakby tu zabrakło "Gischa"
Ze tyj gruby szachty miano
Do osiedlo przipisano

Zillmann to zaprojektowoł
Swojo dusza w cegły dowoł
Wyszło piykne mini-miasto
Juz docynić prziszoł czas to

Bo perełka naszo ślonsko
Tyż historio mo niywonsko
To jest jakby jedyn świat
W Ślonsku ślonski richtig brat.


"Perła"

Ta "Perła w koronie" widziołch pora razy
Tam ze Nikiszowca som piykne łobrazy
Dziynki Kutza sztuce Polska to widziała
Dyć jednak pewnikym pryndko zapomniała
Trza to jakoś zmiynić - Nikisz nom promować
Nowe klocki przi tym powinny sie schować
Chyba niy przipadkym ta "janowsko grupa"
Właśnie tu sie jakoś zebrała we kupa
Pyndzle se chyciyli - malowali piyknie
Było tego tela że dzisioj nom styknie.

[broneknotgeld]

Norma

Piyrwyj tukej huta cynku nosiyła to miano
I szyb gruby "Ferdynanda" tako tyż nazwano
Katowicko kolanijo we Dombrowie Małyj
To ślad kery nom pozostoł po imprezie całyj.


Nowy Czekaj

W młynie na Brynicy Czekaj mieloł zboże
Dzisioj sie to w gowie pomieścić niy może
Dyć łod niego nazwa osady sie wziyła
Gmina Huta Laura dugo tukej była
Potym to przeciepli w miasto Szopiynice
No a teroz widzisz - som te Katowice.


Obroki

Obroki w Załynżu przi Chorzowie leżom
Rosły nom skiż gruby - w to tyż świyńcie wierzom
Wszysko sie kryńciyło wele "Kleofasa"
Nic sie niy zmiyniyło - jest tak we tych czasach.

[broneknotgeld]

Ochojec

Nad rzekom Ślepotkom ta wioska leżała
Z czasym sie rozrosła trocha wybujała
No a na łostatku lazaryt tu powstoł
Kaj niyjedyn bergmon koncek zdrowio dostoł.


Osiedle Belojannisa

Był pieroński pożar na tym "Kleofasie"
Bergmonow uczciyli już we Polski czasie
Kery na osiedlu se tukej zamiyszkoł
Nazwiskym boroka nom czasym zablyskoł
Bo do dzisioj drożki ze osiedlo tego
Noszom miano ofiar - wiela w tym dobrego.


Osiedle Modych

Na Osiedlu Modych
Szukej swyj przigody
Przijedź do Zadola
Jak mosz tako wola
Schowej sie w malinach
Tam zrzyndnie ci mina
Jak szukosz dobroci
To skryj sie w paproci
Podzimki borowki
Wlezom ci do gowki
Mynczy cie rodzina
Łostow jom w jeżynach.

[broneknotgeld]

Osiedle Paderewskiego

Paderewski możno mynczy sie we grobie
Jak na wielgo płyta tukej gafto sobie
Pryndko by zaś zamknoł jakoś forteklapa
No i przi okazji komuś prziczas łapa.


Osiedle Roździeńskiego

Nastowiali tukej trocha tych wieżowcow
I dali im miano Katowic "gwiazdowcow"
Dobrze że to niy som cołkym te "gwiazdory"
Jak żech wloz tam na wiyrch toch był ździybko chory.


Osiedle Francka Rybki

Do Sosnowca stond jest blisko
Bestoż Rybka tukej blysko
Jest w tym jednak wiela racji
Zginoł łon za okupacji

Za komuna dołbych krycha
Krziżyk zrobia z tego grzycha
To mu prziznom za Oświyńcim
Rybka mo być we pamiyńci.

[broneknotgeld]

Osiedle Staszica

Wdepły te klocki nom do Giszowca
Chciałyby dalyj dyć już niy potrza.


Osiedle Tysionclecia

Tysionclecie poleku rośnie nom tu dali
Nawt kościoł do tego piykny zbudowali
Doszły tukej tyż nowe jakeś "kukurydze"
Mozno kedyś ze tego dobry "popcorn" bydzie.



Panewniki

Nojpiyrw był tukej jedyn Panewnik
Starym go zowiom do dzisioj
Panwie robiyli tu w dziyń powszedni
Downo to było - joch słyszoł

W cztyrnostym wieku był wele Kłodki
Teroz żech tyż to łoboczoł
Czimie sie jeszcze małyj Ślepotki
I nigdy jom niy przekroczoł

Domb tukej rosnoł wele zajazdu
Co blikoł na Jana wojsko
Pod Wiedyń ciongnoł łon wielkom jazdom
Armia z łodsieczom szła polsko

Dyć niydaleko łod Panewnika
Klasztor zaczyli budować
Wyrosła piykno tyż bazylika
Stary sie zaczoł dziwować

Bo pryndko inksze chałpy tu doszły
Urzyndy knajpy i szkoły
W Nowym już łone piyknie wyrosły
Tyn kont był teroz wesoły

Panewnik zmiynioł sie w Panewniki
I w Polsce już tak go zwano
Czy dzisioj wiedzom to małe smyki
Że jest łod panwi to miano?

[broneknotgeld]

We Piotrowicach

We Piotrowicach "tyske" sie loło
Jak yno je zaczli warzyć
Do "ksionżyncego" łoko sie śmioło
Szło sie tyż przi nim rozmarzyć

Dyć tukej była ta "pszczyńsko ziymia"
A na niyj był browar tyski
Chocioż tych starych czasow już niy ma
Tonknońć trza w kuflu zaś pyski.


Piotrowice

Wioska Uniszowy i jyj okolice
Podzielyli kedyś - wyszły Piotrowice
Tukej za rektora Karol Miarka robioł
Nim sie w Mikołowie drukarni dorobioł

Kedyś piykno gmina była ze Piotrowic
Yno że traciyła wiela do Katowic
Już za staryj Polski czyńść ziym jyj łodepli
I w somsiednie miasto pryńdziutko se wepli

Dyć jeszcze przed wojnom straciyła je Pszczyna
Stała sie ze tego Katowic dziedzina
Dzisioj byś niy pedzioł że z inkszego ciasta
Bo wprzongły sie mocno już do tego miasta.


Pnioki

Ciongnyły te Pnioki w strona Siymianowic
Choć należom teroz do miasta Katowic
Kolonio to była tyj Dombrowki Mały
Z niom we Szopiynice potym sie dostały
Jak dalyj leciało to już dobrze wiycie
Terozki to wszysko przeca Katowice.

[broneknotgeld]

Podlesie

We pszczyńskim Podlesiu po czeskich husytach
Niy ujrzoł żeś chopa ani tyż kobiyta
Dyć poleku wioska sie zaś zaludniyła
Podlesie urosło - ziymia sie blyszczyła

A tutejszy sołtys pod Wiedniym bioł Turkow
Z pszczyńskimi chopami nasiekoł z nich wiorkow
Kedyś tu kwatery miały wojska Sasa
Chop przi nich zaciskoł richtig swego pasa

Nastoł w koncu tukej tyn wiek dziewiytnosty
Łon tyż dlo Podlesia wcale niy był prosty
Choć durś przeca rosła cołko okolica
Ze klucza wyrskego hrabiego Promnica

Kmiycie już pańszczyzny płacić tu niy chcieli
W końcu i na swojim gospodarzyć mieli
Bo w połowie wieku uwłaszczynie prziszło
Kere niy kożdymu fest na dobre wyszło

Z powietrzym morowym tu sie tyż mynczyli
Chocioż coroz gyńści we tyj gminie żyli
Nowy wiek im przinios same "Boże Dary"
No i tyż sie wynios porzondek tyn stary

Jakoś sie kulało w tyj Polsce do przodu
I durś przibywało we gminie narodu
Za Gierka Kostuchna jednak tu rzońdziyła
Krotko - bo poznała tych Katowic siyła.


Pod Młynym

Młynorza Kaśka młyn tukej miała
Tyż tu sie kończy Dombrowka Mała
Mielyła zboże po naszyj stronie
Bo przeciyż Ślonska tukej był koniec.


Downy Roździyń

Łon już nom wyrosł w cztyrnostym wieku
Ponow mioł wiela - niy licz człowieku
Tukej tyż staro kuźnica była
Kero nad Rawom sie rozłożyła

Wtedy jom zresztom Roździankom zwali
Sławny Roździeński tukej był dali
Co pisoł wierszym ło swyj robocie
Z keryj durś wiela mioł przeca pociech

Do wieku pary kuźnica doszła
Z czasym historiom swojom łobrosła
I choć jom potym wcale niy było
Ło jyj kuźnikach durś coś sie śniyło.

[broneknotgeld]

Roździyń

Łod Mieroszewskich Winckler go chycioł
I wiela konskow pod przemysł wycioł
Ta huta "Dietrich" i "Wilhelmina"
"Bernhardi" - wszysko sie przipomina

Ci z "Gisches Erben" tyż sie dociepli
Rosł Roździyń pryndko a łoni krzepli
Lazaryt był tu szkola wiyńziynie
Kościoł i browar na pokuszynie

"Konsum" na Ślonsku piyrszy był tukej
Nawet drukarni w Roździyniu szukej
Tych rzemieślnikow bez liku było
Wszysko dość pryndko sie tu kryńciyło

Dyć był wrośniynty we Szopiynice
Niy było miyndzy nimi granice
Za staryj Polski tyż tak łostało
A i po wojnie dalyj kulało

Zrobiyli z niego przeca dzielnica
Co ciyngiym tkwiyła we Szopiynicach
Choć to za dugo jednak niy trwało
Jest w Katowicach terozki całość.


Sośnina

Była nad Rawom Sośnina
Terozki jednak jyj niy ma
Ta kolanijo ze Dymba
Wyglondo choby we zymbach
Gyjbis tu Piastow sie leży


Stawiska

Miano łod stawow wele Boliny
Konsek janowski to jest dziedziny
Łon sie rozwinoł skiż "Uthemanna"
Szopiynic huta tak była zwana
Dzisioj sie kończom tu Katowice
Pryndko przekrokniesz we Mysłowice.

[broneknotgeld]

Szabelnia

Kuźnica Turzonów kedyś tukej była
Kero sie w szabelnia pryndko zamiyniyła
Szabla szopiynicko niy słynyła może
Pamiyńć nom łostała i za to - szczyńść Boże.


Kedyś w Szopiynicach

Husyty do Szopiynic prziszli ze Zagorza
Ciynżko dlo tyj wioski była ta ich burza
Dyć poleku jednak zaś sie zaludniyła
A przed wiekym pary Mieroszewskich była
Wszysko sie zmiyniyło łod tyj "Wilhelminy"
Cynk we niyj topiyli ze ślonski dziedziny
A do tego doszło pryndko grubow pora
No i cug - przemysłu ślonskego podpora.


Szopiynice

Roździyń-Szopiynice tako gmina była
Zanim sie tu Polska naprowdy zaczyła
Dyć jeszcze za Niymca sie nom rozłonczyły
Niydugo - a jednak już osobno były

Jak zaś tukej Polska głośno zaklupała
Szopiynicom gminno miejskość sie dostała
Miastym cołkom gymbom by wtedy se były
Yno prziszła wojna i już niy zdonżyły

Stało sie to jednak w piyńdziesiontym roku
Nawet powiat miejski wykroli na boku
Bo tyn Janow Ślonski i Dombrowka Mało
Do powiatu wlazły - tako była całość

Problym jednak we tym że te Katowice
W końcu połaszczyły sie na Szopiynice
I choć jest tyż ze nich osobno dzielnica
To jakoś niy wszyscy chcom sie tym zachwycać.

[broneknotgeld]

Wełnowiec

Bogucice z Bytkowym pasły tukej owce
I możno skiż tego nazwali Wełnowcym
Tako myśl terozki chodzi mi po gowie
Powiym że bajdurza ale we połowie
Tyżłod Wełny było podobno to miano
Yno że młynorza tako tukej zwano.


Hohenlohe w Wełnowcu

Nic sie tu niy dzioło bez Hohenlohego
Bo była to przeca dziedzina łod niego
Łon założoł kedyś piyrsze gruby tukej
W Wełnowcu tyż jeszcze huty jego szukej
W sawnyj "Hohenlohe" juz koksym polyli
We piecach kaj ruda na ajza topiyli
Dołoż tyż do tego jeszcze huta cynku
Wiela łon roboty mioł dlo ślonskich synkow
W końcu tu zbudowoł gmaszysko te wielke
Kaj dyrekcjo była "Hohenlohe Werke".


"Hohenlohe"

Jedna gruba i dwie huty
W nie Wełnowiec był łobuty
Wszyske miały take miano
Na cześć ksiyńcia je nadano.

[broneknotgeld]

Wełnowiec

Za Niymca i za Polski staryj
Była tu samodzielno gmina
Losu niy bierom już na bary
Dzisioj Katowic to dziedzina.


Wilhelmina

Na Wilhelminie już niy te czasy
Kere tu kedyś bywały
W łoczy sie ciepiom yno te sztrasy
A piyrwyj świat tu był mały

Kery sie kryńcioł wele tyj huty
Łod "Spadkobiercow Gischego"
Ze "Wilhelminy" suchali nuty
Żyli do rytmu takego.


Wymysłow

Piyrwyj jak keryś jechoł z Wrocławia
Tym traktym na Mysłowice
To za Ślepotkom mioł już zabawa
Bo bliske to okolice.

[broneknotgeld]

Zadole

Na Zadolu nad Ślepotkom miyszko sie spokojnie
Możesz nawet tu sie dychnońć jak mosz życie znojne
Trocha jest za dużo blokow ale szczimać idzie
Te Zadole do sie lubić i niych już tak bydzie.


Załynsko Hołda

Dwie Hołdy były - jedna przi drugi
I tyj Załynski żywot jest dugi
Bergmon z hutnikym tykej miyszkali
Stond do roboty niy mieli dalyj
Bo gruby huty i inksze werki
Wszyske tu rosły - wysyp był wielki.


Osiedle Witosa

Na Hołdzie Załynski wyrosło osiedle
Jak jedziesz A - 4 to łone jest wedle.

[broneknotgeld]

"Bugla"

Bugla - tak sie chop tyn zwoł
Co gront czimoł bo durś sioł
Ziymia łorać zboże sioć
Niy ma co sie z tego śmioć

Dyć choć mocno tym sie smucioł
Kijym rzeki niy zawrocioł
Jakbyś był tu cołkym blisko
Wlyź na "Bugla" - kompielisko.


Załynże

Załynże to richtig jest staro już wiocha
Tych kuźnic tu było łod diobła i trocha
Panow tyż zmiyniało choby rynkawiczki
Ważne że istniało nom przeca tu wdycki.


Kramsta w Załynżu

We Wrocku handlowoł
W Załynżu fedrowoł

"Charlotte" i "Victor" te dwie kopalynki
"Oheim" potym capnoł - poszło to łod rynki

Dyć Kramście sie jeszcze huta zamarzyła
Nazwoł jom tyż "Victor" - cynk tukej topiyła.

[broneknotgeld]

"Kleofas"

Załynski "Kleofas" Godula rychtowoł
Nojpiyrw ze wspolnikym potym som jom stowioł
Ta Joanna Gryzik gruba dziedziczyła
W końcu tych łod Gischa durś wonglym karmiyła.


Huta cynku "Johanna"

Czy duch Goduli kedyś wyjawi
Czamu te miano Joanna sławi?
Jak zmarł to huta i mało frela
Smarkate były - powiym tu tela.


Zaopusta

Ze Podlesio Zaopusta
Jakoś mynczy moje gusta
Skond ta nazwa? -Jo niy powiym
Możno jednak tyż sie dowiym.

[broneknotgeld]

Zarzecki wodnik

Miyndzy Bagnikym a Kaskadnikym
Kożdy sie może poczuć wodnikym
Pełno tu rybow kajbyś niy blikoł
Joch sie tu kedyś łusek nałykoł
Czyje te łuski do dzisioj niy wiym
Jednak z tutejszyj słodki to ryby.


Zarzecze

Ze Uniczowow wyszło Zarzecze
Było we pszczyńskim kedyś powiecie
Gminno kariera jednak skończyło
Jak ze Podlesiym sie połonczyło
Potym Kostuchna Zarzecze chciała
Z nim w Katowice sie tyż dostała.


Zawodzie

Dlo Bogucic to było za wodom
Za tom Rawom jo jeszcze tyż dodom
Nastowiali tu werkow aż tela
Że wyliczyć sie ich niy łośmiela

Choć cieszyło sie gminy prawami
Jednak zepli je z Bogucicami

Piykny ratusz tyż miała ta gmina
We Zawodziu go niy trza wspominać
Ekonomia w nim teroz kroluje
No i ważne że nom sie niy suje

Blisko jest stond do cyntrum Katowic
W tyj dzielnicy ci kożdy to powiy.

[broneknotgeld]

Porcelana

Porcelana "Gische" to jest dobro marka
Tako mi pedziała kedyś jedna starka
Łona niy wiedziała że to "Bogucice"
Dyć miejsce podała - teroz Katowice.


Zuzanna

Gruba "Susanne" tu była
Kolonio Zuzia łod niyj sie wziyła
Kaj to jest dzisioj? Mało kto powie
Miejsca poszukej we tym Janowie.


Kościoł pw. Niypokalanego Poczyńcia Nojświyntszy Maryji Panny

Kościoł mariacki we Katowicach
Neogotykym może zochwycać
Wiluś korony cysorza niy mioł
A łon już w kupie sie tukej czimoł

Przi placu ksiyndza świontynia stoji
Bestoż ło los swoj nic sie niy boji
Dyć tyn ksiondz Szramek był tu farorzym
W obozie w Dachau dni swojich dożył

Tukej zaś momy po niym witraże
No i tabula - już sie niy zmaże
Pamiyńć ło niymu na naszym Ślonsku
Cołkym - niy yno malutkim konsku.

[broneknotgeld]

Katowice? -Tako wiocha
Co wyrosła jakby trocha
Na tym wonglu ajzie cynku
Tela powiym jo ci synku.

[broneknotgeld]

Radio Katowice

Co przed radiym tukej było?
www.radio.katowice.pl/imprezy,371-80lecie-polskiego-radia-katowice.html

Komu dzisioj by se śniyło?

[broneknotgeld]

Te Katowice

Stolicom Kultury richtig by być chciały
Możno tref szczyńśliwy we tym bydom miały.

[broneknotgeld]

Niy było haltongu?
katowice.gazeta.pl/katowice/1,35019,8969247,Myslowice_traca_dotacje__Katowice_tez_.html
Poszło na dichtongu?

[broneknotgeld]

Na Nikiszu już fajrujom?
katowice.gazeta.pl/katowice/1,73139,8976025,Nikiszowiec_Pomnikiem_Historii.html
Jedne pewne - se radujom.

[broneknotgeld]

Stary banhof zaniydbali
katowice.gazeta.pl/katowice/1,35019,8981736,Beda_kary_za_stary_dworzec_w_Katowicach.html
Jako ze tym bydzie dali?

[broneknotgeld]

Wspiyro Ruda, Zabrze, Tychy
www.dziennikzachodni.pl/kultura/359380,slaskie-ruszenie-w-grze-o-europejska-stolice-kultury,id,t.html
Zaniychanio kajsik grzychy?

[broneknotgeld]

Coś ślonskego?
katowice.gazeta.pl/katowice/1,35019,8988285,Slawik_na_dobry_poczatek_mowienia_o_historii_Gornego.html
Trza i tego.

[broneknotgeld]

Tyż koncepty tankujymy
slask.naszemiasto.pl/artykul/745608,w-woj-slaskim-powstaje-pierwszy-w-polsce-regionalny-think,id,t.html
Miast oktanow - ślonske rymy.

[broneknotgeld]

Gondolami nurtym Rawy?!
www.dziennikzachodni.pl/stronaglowna/360096,bal-u-wojewody-w-stylu-weneckim-za-2-tys-zl,id,t.html
Wiela byłoby zabawy.

[broneknotgeld]

Sie "przeblekom"?
www.dziennikzachodni.pl/fakty24/360896,dzis-pod-bandera-esk-rusza-w-katowicach-cykl-imprez-miasto,id,t.html
Czy doczekom?

[broneknotgeld]

Co nowego wyłonacom?
www.dziennikzachodni.pl/stronaglowna/361090,katowice-i-saragossa-beda-walczyc-wspolnie-o-tytul-esk-2016,id,t.html
Z Saragossom już kamracom?!

[broneknotgeld]

W piontek piyńć rokow jak to sie stało
wiadomosci.gazeta.pl/Wiadomosci/1,80273,9003257,Bedzie_pozew_zbiorowy_poszkodowanych_w_katastrofie.html
Ano - niyszczyńścio richtig niymało.

[broneknotgeld]

"Zocno"!!!

www.slaskie.pl/strona_n.php?jezyk=pl&grupa=10&art=4471&id_menu=
Stowoł byda za tym mocno!
Za alejom z mianym "Zocno"
Po naszymu piyrszom bydzie
Niy łostatniom - tako przidzie?

[broneknotgeld]

"Katowice na starych pocztowkach"

Kej kukniecie
www.facebook.com/permalink.php?story_fbid=193532984006441&id=100001574725925#!/pages/Katowice-na-starych-pocztowkach/147413248634516?v=wall
Wiyncy chcecie.

[broneknotgeld]

Na Mariacki KATO
katowice.naszemiasto.pl/artykul/757182,nietypowy-koncert-w-oknie-zespolu-kamp-rozpoczal-cykl-zima,id,t.html?kategoria=678#22f9982ba9c109ff,1,3,60
I w zima, i w lato.

[broneknotgeld]

"Styczyń castingami stoji"
katowice.naszemiasto.pl/artykul/752010,katowice-casting-dla-muzykow-amatorow,id,t.html?kategoria=678#22f9982ba9c109ff,1,3,60
Dyć i Ślonzok cosik zbroji.

[broneknotgeld]

Bydom czy niy bydom?
www.dziennikzachodni.pl/fakty24/365690,mekka-kultury-katowice-nie-beda-ale-stolica-tak,id,t.html
We kultura idom.

[broneknotgeld]

Ło to co majom
katowice.gazeta.pl/katowice/1,35019,9070220,Katowice_musza_miec_jakis_magnes__ktory_przyciagnie.html
Tako spiyrajom.

[broneknotgeld]

Ze Katowic - "słownik sztuki"
katowice.gazeta.pl/katowice/1,35019,9072948,Powstaje_slownik_sztuki_Katowic_i_okolic.html
Yno tam? Kaj ińdzi tuki?

[broneknotgeld]

Katowice wizjo majom
katowice.gazeta.pl/katowice/1,35019,9107102,Katowice_chca_Centrum_Nauki_im__Sklodowskiej_Curie.html
Prowda szkryflom czy coś bajom?

[broneknotgeld]

Czy Kasandra gro?
Czy pozor trza dać?
katowice.gazeta.pl/katowice/1,35055,9128474,Dekutzyfikacja_Slaska_.html
Dyć Ślonzek go zno
Lonty przidzie prać?
Wiela prowdy w tym sprowdzić trzaby drap
Coby szanse mieć z czasym ciyngym knap.

[broneknotgeld]

Kej zokwitnom bioło wiśnie
katowice.naszemiasto.pl/artykul/795622,8-kwietnia-otwarcie-muzeum-historii-katowic-w-nikiszowcu,id,t.html#c579fd383c3580fd,1,3,5
Zaś tyn Nikisz piyknie blyśnie

[broneknotgeld]

Ze banhofym ruszom?
slask.naszemiasto.pl/artykul/803848,katowice-w-starym-dworcu-powstanie-hotel,id,t.html?kategoria=678#4aef7aeb5cfbd72a,1,3,60
A dyć w końcu muszom.

[broneknotgeld]

Wspiyrać bydymy?
www.dziennikzachodni.pl/stronaglowna/376900,niemieckie-korepetycje-jak-powalczyc-o-esk-2016,id,t.html
Po to tyż rymy
Z naszego neca
Ślonske som przeca.

[broneknotgeld]

W maglu muzeum - w muzeum magiel
katowice.gazeta.pl/katowice/1,73139,9307333,Nikiszowiec__W_bylym_maglu_prace_ida_pelna_para.html
Kto ze Nikisza dmucho we żagiel.

[broneknotgeld]

Semiramida
Kasandrze kliko?
katowice.gazeta.pl/katowice/1,35068,9345337,Jajecznica_na_starym_smalcu.html
Czy ktoś łobrzida
kej mało rzyko?
Ciekawe czasy - Kutz niy w "Gazecie"
Styknie go czytać we Internecie?

[broneknotgeld]

W Katowicach-Piotrowicach
Notgeld uraduje lica
www.facebook.com/event.php?eid=127085214024497#!/event.php?eid=127085214024497
Blisko mocie?
Podziwocie?
Niy łodgrodzi i Brynica.

[broneknotgeld]

Kej rynka cudno - beton łożyje
"Miasto łogrodow" - niy komedyje
"Dama" dzisiejszo
rudaslaska.naszemiasto.pl/artykul/874872,uszok-czyli-dama-z-lasiczka-czyli-co-zagadka-obrazu-ktory,id,t.html#dodaj-komentarz
Z wonsym gryfniejszo
Potrza by było łod Jorga kryje?

[broneknotgeld]

Erwin Sówka durś tyn som
katowice.naszemiasto.pl/artykul/878232,panie-boze-nie-bierz-mnie-jeszcze-z-tego-swiata-erwin-sowka,id,t.html#c579fd383c3580fd,1,3,5
Toż link ło niym prawie dom

[broneknotgeld]

Mariacko niy "skiśnie"
katowice.gazeta.pl/katowice/1,35019,9497018,Wiecej_zieleni_na_Mariackiej.html
Dyć po to tam wiśnie.

[broneknotgeld]

Konceptow dość wiela
katowice.gazeta.pl/katowice/1,73757,9530668,Centrum_nauki_moze_uratowac_Szopienice_i_Nikiszowiec_.html
Geld spadnie na sztela?

[broneknotgeld]

"Tajny plan"

"Tajny plan" przirychtowali!
katowice.gazeta.pl/katowice/1,35057,9669694,Tajny_plan_dla_tytulu_ESK.html
Ofyn im sie coś łobali?
Musi być?
Niy strach kryć?
Bele "w cimie" niy ślimtali.