Metropolia Zatoki Gdańskiej

[broneknotgeld]

Czy im se to drapko skleci?
gdansk.naszemiasto.pl/atlas_metropolii/specjalna_artykul/637506.html?ses_nm=f22be345400f4b0bc988cfdea80c494f
Czy w ta strona wszysko leci?

[broneknotgeld]

Czasu niy stracom?
gdansk.naszemiasto.pl/metropolia_trojmiasto/specjalna_artykul/628112.html
Se ubogacom?

[broneknotgeld]

Zdo sie co nos ścignom w tym
forum.gazeta.pl/forum/72,2.html?f=28940&w=26535019
Szwongu niy do przeca rym.

[broneknotgeld]

Metrpolio jedna, drugo
Wiela w końcu ich zamrugo?

[broneknotgeld]

Winszować Trojmiastu aglomeracyji?
Bydzie z nowym rokym wiyncy komedyji?

[broneknotgeld]

Dyć już prziszła zima
A ustawy ni ma.

[broneknotgeld]

Ze Metropoliom tyż ślamazarzom
Jedni sie bojom, a inksi marzom.

[broneknotgeld]

Jako u nos, tako tam
Zdo sie co tyn som z tym kram.

Gdańsk

[broneknotgeld]

Dwor Artusa

Czi Dwory Artusa w Europie łostały
A przeca ich było piyrwyj richtig wiela
Gdańsk Tallin i Ryga - to już spis jest cały
Nojpiykniejszy gdański - szkryfnońć sie łośmiela.

[broneknotgeld]

"Ukraińske Wikingi"

Przipłynyli latoś do Gdańska na łodzi
Wele Ołowianki drakkara cumuje
W Kijowie "Rok Polski" no toż se to godzi
Na bezrok zaś nazod załoga popruje.

(fraszka zeszłoroczno)

[broneknotgeld]

"Jarmark Dominikański" 31.VII - 22.VIII.2004

Czi tydnie latoś jarmark we Gdańsku
Zaczoł sie piyknie skończoł "po pańsku"
Dynkmal postawić chcom patronowi
Niychej sie Ruda tyż ło tym dowiy.

(fraszka zeszłoroczno)

[broneknotgeld]

Wielki Plan Inwestycyjny 2005 - 2009

Gdańsk inwestować chce u sia wiela
Ponoć nojwiyncy we drogi
Toż możno wygro na tym ta sztela
Abo popadnie we długi.

[djapanazy]

"Świyntopełk Wielki (1220-1266)

Wielki bo ze sługi princym zostoł tukej
Kaj Pomorze Gdańskie śladow jego szukej."

A na Tablicach Oliwskich są następujące słowa:
"Do fary gdańskiej ze czcią wniesiono już ciało,
W niej wiele Mszy Świętych odśpiewanych zostało.
Poczem zwłoki z szacunkiem przeniesiono do kościoła braci,
Gdzie kler Mszą Świętą żałobny obchód ubogacił.
Wreszcie udano się do świątyni mieszczańskiej,
Tam też koncelebrowało zgromadzenie kapłańskie.
Płacz kobiet i mężczyzn rozlegał się wkoło,
Słowianie i Niemcy płakali pospołu."

[broneknotgeld]

Tako trza na wdycki
Polić mi dwie świyczki.

[cymanon]

Niech się Twojej głowy Bronek żarty nie trzymają,
to mówię, na Twoje dwie świeczki ile sił w płuchach dmuchając.

[broneknotgeld]

Kery czowiek żyje szpasym
Tyn mo ciyngym "lepsze czasy".

[broneknotgeld]

Kaszuby sie majom
soundcloud.com/radio-kaszebe/etnofilologia
Jo wcale niy bajom.

[broneknotgeld]

Oliwa

Wele Sopotu jest ta Oliwa
Trza cosik szkryfnońć ło jeji dziwach.

[broneknotgeld]

Oliwa 1186

Staraniym sie stało Sambora I
-Przeca dobrze znocie ksiyńcia pomorskego
Co ło swoje ziymie jak umioł tak dboł
Łon tutejszo ziymia tym cystersom doł.

[broneknotgeld]

Po prowdzie "odpis" łostoł sie nom
Te "sprostowanie" terozki dom.

[broneknotgeld]

Oliwa 1224

Poł Kympy Oksywski doł Świyntopełk II
Z czasym spis majontkow bydzie bardzi dugi
Bo po Warcisławie Ziymia Gniewsko doszła
Sława ło klasztorze we Pomorze poszła.

[broneknotgeld]

Oliwa 1236

Zaś tu Prusy polom i mnichow mordujom
Przeciw krześcijanom tako durś wojujom
Cystersow skiż misji podwojnie niy znoszom
Bestoż tyż litości na darmo ich proszom.

[broneknotgeld]

Oliwa 1303

Krol Władysław II doł im Swornegacie
Cystersy tam siedzom teroz "na etacie"
Przez czidziści rokow dobrze gospodarzom
Dyć se tyż Krziżakom przeciwić niy ważom
Za ta sztela wziyli jednak Domatowo
No i tyż Darżlubie co przi Pucku stowo.

[broneknotgeld]

Oliwa 1350

Zdo sie cołko sztela jedna jest fojera
I kościoł i klasztor wziyła ta cholera
Poł wieku chnet trwało niym łodbudowali
Dyć jakoś utropa czekała tyż dali.

[broneknotgeld]

Reformacjo

Skuli Schlieffa i Geschkaua
Sztela tyż tu uciyrpiała
Prziszły nawet ze tym baty
Jednak doszło do łodpłaty.

[broneknotgeld]

Oliwa 1577

Toż gdańszczanie wtedy Oliwa złupiyli
Za "polskość" Geschkaua tako se zymściyli
Krol na nich nałożoł dukatowo kara
Ło klasztor zniszczony musieli sie starać.

[broneknotgeld]

Pokoj Oliwski 1660

Po "potopie szwedzkim" zawarty tu pokoj
Dyć wcale niy prziszoł ze tym "świynty spokoj".

[broneknotgeld]

Oliwa 1733-1734

Za Sasym czy Lasym?
Ciynżke jednak czasy.

[broneknotgeld]

Po opacie Rybickim

Po Rybickim siedzom tu Hohenzollerny
Zdo sie cołki klasztor przi nich richtig mierny
Familijo krola ciyngym tako żywi
Pewno to nikogo terozki niy dziwi.

[broneknotgeld]

Oliwa 1831

Toż tu czech mnichow jeszcze łostało
Dyć co nojgorsze przilyźć musiało
Niy ma już w końcu cysterskich braci
Czy sie Oliwa na tym wzbogaci?

[broneknotgeld]

Sołectwo Oliwskie

Osada łostała po zocnym klasztorze
Dyć sołtys jom przeca mieć musioł na gowie
Jednak beamtrowoł yno honorowo
Toż zdo sie niywiela se tym tyż przejmowoł.

[broneknotgeld]

1864

Oliwa urosła - Schabentahl chyciyła
Muhlhof i Polanki wtedy tyż erbnyła.

[broneknotgeld]

1.IV.1907

Mo już Oliwa te Jelitkowo
Siyngła tyż po Przimorze
Kurortym jakby se teroz zdowo
Dyć dej jyj tego moj Boże.

[broneknotgeld]

I.1914

Sztorm zniszczoł cołkym tu dom zdrojowy
Z wiosnom trza było stowiać zaś nowy
Tyn drugi dzisioj mo Jelitkowo
Szczyńściym go niy trza dźwigać na nowo.

[broneknotgeld]

Oliwski welunek 14.XII.1919

Czi mandaty w gminie Kaszuby se wziyli
Zdo sie ciyngym mocni łoni tukej byli.

[broneknotgeld]

"Daol"

W tym werku oliwskim elfarba rychtujom
Yno że po wojnie inaczy mianujom.

[broneknotgeld]

Jan Flachsbinder - Dantyszek (1485-1548)

Kim był tyn Dantyszek - ciynżko mi napisać
Tako coby nudli niy chcieliście wyszać
Bestoż szkryfna yno - gdańszczanin to zocny
Z czasow w kerych czowiek zdoł sie bardzi mocny.

[broneknotgeld]

Filip Kluwer (1580-1623)

Geografio z historyjom w jednym palcu czimoł
Toż na uniwerku w Lejdzie wcale łon niy drzymoł
Historyjo geografii Filip piyrszy spisoł
Dyć i przeca w kartografii wiela se namiyszoł
Tyż Kluwera mosz we gymbie jak godosz te słowa
"Historyjo starożytno" - w tym niy twoja gowa.

[broneknotgeld]

Nowe muzeum

Muzeum se nowe w Gdańsku wyrychtuje
Toż "Solidarności" to richtig sztimuje
W gyburstag chcom kamyń wyngelny wmurować
Dyć cosik do zbiorow już tam im idzie dować

[broneknotgeld]

"Zaczło se w Gdańsku"

"Solidarnościom" sztartło domino
Ano - co potym to "ino ino".

[broneknotgeld]

26.VIII.2005 Jean Michel Jarr

We stoczni gdański na "srebrne gody"
"Solidarności" zagro dlo zgody.

[broneknotgeld]

"Kwiat Życio i Pokoju"

Dynkmal ku pamiyńci
niyszczyńść Nagasaki
W Gdańsku ukraść chcieli
jak złom belejaki

Szczyńściym że niy wyszoł
złodziejom tyn skok
"Kwiotek..." jeszcze wroci
na niyjedyn rok.

[broneknotgeld]

Podziały

Miasto Głowne - Miasto Stare
Czy podziały ciyngym jare?
Historyjo tako prawi
Dzisioj tyż se w łoczach jawi.

[broneknotgeld]

Żuraw

Setki lot już stoji
Nad brzegym Motławy
Gdańsk se w niego stroji
A łon? -Niy ma sprawy.

[broneknotgeld]

Cyntralne Muzeum Morske

Przidź na Ołowianka
W muzeum se dziwej
Cudami zochwycej
I gowom pokiwej..

[broneknotgeld]

Stocznio Gdańsko

Z mianym Lynina podobnoś rosła
No a bez tego do czego doszła?

[broneknotgeld]

Oliwske łorgany

Jan Walf z Ornety doł te łorgany
Wiek łoziymnosty we nich schowany.

[broneknotgeld]

Gorski kurort?

We zocnym Wrzeszczu tako sie zdowo
Jak na dzielnica wlejziesz willowo
We nich eklektyzm modernizm tako
I góralszczyzna blyszczy jednako.

[broneknotgeld]

4-6.VIII.2006 Gdański Festiwal Carillonowy

Dwa carillony zocny Gdańsk mo
Muzyka jejich niych Polska zno.

[broneknotgeld]

Żuraw

Szify na Motławie wpiyrw rozładowywoł
Maszty niym stowiali - niyjedyn se dziwoł
Szczyńściym durś go momy tu ze średniowiecza
Ponboczek i czowiek roztoczo durś piecza.

[broneknotgeld]

V Świynto Pieroga - Gdańśk 24.IX.2006

Na Targu Wynglowym zjedzone pierogi
Czy na VI Świynto prziwiedom mie nogi?

[broneknotgeld]

+Gdański Pirat+

Gdańskego pirata jyż śmiertka skosiyła
Legnoł w swoji siyni - sanitara była
Dyć niy prziwrociyli już życio kaprowi
Niychej sie i Ślonzek ło niyszczyńściu dowiy

trojmiasto.gazeta.pl/trojmiasto/1,89917,8254285,Zmarl_Andrzej_Sulewski___pirat_z_ul__Dlugiej_w_Gdansku.html

[broneknotgeld]

Kaj ta gdańsko sztela
trojmiasto.gazeta.pl/trojmiasto/1,35612,13157095,Lapie_za_biust__mierzy_z_pistoletu__grozi_gwaltem_.html
Nowy zgobi wiela.

[broneknotgeld]

Sopot

W rankingu miast polskich nojpiyrszo dziedzina
Dyć przeca to dlo nos niy żodno nowina
Jako dzwigać miasto tu naprowdy wiedzom
No i miyndzy Gdańskym a tom Gdyniom siedzom.

Sopot

[broneknotgeld]

Trza podtytuł z mianym nowym
Tako bydzie wontek zdrowym.

[broneknotgeld]

Sopot - Zdroj

Downiyj piykne uzdrowisko
Z wojnom potraciyli wszysko
Niy starała sie Ludowo
Choć za Niymca było zdrowo

Szczyńściym majom Karnowskiego
Dopilnowol przeca tego
By solanka łod Wojciecha
Zaś dowała tu pociecha

Z nowa żyje Sopot-Zdroj!
Już piyńć lotek - łoż ty moj
Latoś karna se w ta sztela
I gyburstag fest łobleja.

Wyboczcie, że niy wszysko sztimuje - to som fraszki stare.

[broneknotgeld]

Remont willi "Krystyna"

Pewno Stolz sie dzisioj wiela by ucieszoł
"Stolzenfels" w Sopocie prawie łodnowiajom
I choć ze "Krystynom" łon tukej niy grzeszoł
Rod że w zocy ciyngym ta willa tyż majom.

[broneknotgeld]

Fajer w Sopocie

Fajer sie zaczoł w zocnym Sopocie
W gybustag majom tam wiela pociech
Pomnik Haffnera zaś stanoł w parku
Mioł karlus przeca gowa na karku.

(fraska zeszłoroczno)

[broneknotgeld]

"Jean Georges Haffner - Historia kąpieliska w Sopocie 1823-2004"

W Muzeum Sopotu łotwarli wystawa
Haffner uzdrowisko tu przeca zrychtowoł
Dlo niego życiowo we tym była sprawa
Cołko swoja dusza Sopotowi dowoł.

[broneknotgeld]

Zakład Balneologiczny

Do dzisioj przi molo spokojnie se stoji
Wlyź i zaroz w holu dźwigej w gora łoczy
Morski witraż nerwy ci możno "ukoi"
No i herb Sopotu tyż tyż przi tymu wskoczy.

[broneknotgeld]

Grand Hotel

Piyrwyj se "Casino" zwoł
Hazardzistom przeca pszoł
Z gości roztomajtych tukej
I Hitlera nawet szukej
Chcesz to znojdziesz tyż de Gaulle`a
Dyć niy yno jo go wola
Chocioż była z niym utropa
Skond wzionć łożko? -Kawał chopa
Kajś w muzeum jednak znodli
Generała w niym pokłodli.

[broneknotgeld]

Sopocko solanka

Urzond Górniczy doł na to zgoda
By zaś se brali ze głymbin woda
I ministerstwo sztympel przibiyło
Dyć uzdrowisko solankom żyło

Tako tyż bydzie dali terozki
Toż wykurujesz tu nawet troski
Radość mieć bydzie dusza i ciało
Wrocić se bydzie tyż tukej chciało.

[broneknotgeld]

Dolny i gorny Sopot

Bana na dwie czyńści Sopot podzielyła
Dolny wpiyrw pokozoł swoja wielko siyła
Gorny zaś łod morza ździybko dali leży
Dyć tyż jest ciekawy - możecie mi wierzyć.

[broneknotgeld]

Na Monciaku

Na Monciaku knajpek wiela
Grosz wycisko z kapsy sztela.

[broneknotgeld]

Za "Grandym"

Dynkmal Haffnera za "Grandym" stoji
Ło Zdroj swoj już se ponoć niy boji
Terozki patrzy jak Sopot rośnie
Zdo sie co richtig idzie ku wiośnie.

[broneknotgeld]

Molo w Sopocie
tyż skuli pociech.
trojmiasto.gazeta.pl/trojmiasto/1,35612,14077717,Poslowie_odprawieni_przez_bileterke_na_molo.html

Gdynia

[broneknotgeld]

"Nadmorska Strefa Prestiżu"

Take piykne "cyntrum" se miasto funduje
Tu WTC-Gdynia dwie wieże postawi
Jak ze Nowym Jorkym to richtig sztimuje
Przidzie czas że byda sie tyż mog tam bawić.

[broneknotgeld]

Gdynia 1922

We Warszawie nad tym deliberowali
Coby se Poloki port pobudowali
No i pryndko tako przeca sie tyż stało
Szwongu ze tom Gdyniom dyć było niymało.

[broneknotgeld]

Gdynia 1929

Kurde - już zrobiyli tukej powiat grodzki
Haratali przi tym widać tyż przez nocki.

[broneknotgeld]

Gdynia 1933

Toż Witomino z Obłużym wziyła
Tyż "Działki Leśne" - tako w niyj siyła.

[broneknotgeld]

Herb Gdyni

Dwie fisze na mieczu wyndzone
Podobnoś szczyńśliwe som łone.

[broneknotgeld]

Jan Radtke 1872-1958

Z gburski rodziny Radtke pochodzioł
Tref w jego rynkach - łon niym niy wodzioł
Przed piyrszom wojnom chałpa postawioł
W kery niyjedyn letnik już bawioł

Dyć Polska tukej se zaklupała
Ze Gdyni łokno na świat mieć chciała
Po myśli było to tyż istnego
I jest zasługa w tym przeca jego

Wojtym ty gminy łon wtedy był
Niym do miejskości nabrała siył
Choć burgemajstrym jednak niy łostoł
Dyć przeca stołek vice tyż dostoł

Chcesz go łodwiedzić toż kerchof gdyński
Kerego zowiom tu "witomiński"
Poasić jego kwaterom może
Gyburstag Radtke mioł z miastym w porze.

[broneknotgeld]

Piyrszy krziż na Kamiynny Gorze

We czidziestym piyrszym krziż stowiali tukej
Kaj miała być Gdyni "Morsko Bazylika"
Tego jednak wcale terozki niy szukej
Choć pod krziżym przeca możesz se porzykać

[broneknotgeld]

Szworty Krziż

Czidziści lot chnetko krziża tu niy było
Jednak w nowy Polsce zaś ludzi to "wziyło"
Rok dziewiyńdziesionty - nowy krziż ze drzewa
Dziwuje se tymu yno gdyńsko mewa.

[broneknotgeld]

Piyrszo latarnio oksywsko

Toż mogła yno być "poniymiecko"
Stanyła jeszcze tu za Wilusia
Tego "piyrszego" - wiydz ło tym dziecko
Boś ty terozki jest tukej u sia

Jak Polska prziszła tyż sie przidała
Aż do poczontku łostatni wojny
Potym już światłym niy zamigała
Znak czasu taki - co niyspokojny.

[broneknotgeld]

Chylońsko gora

"Gora Krziżowo" to "Gora Świynto"
Tyż Mikołaja miano pamiynto.

[broneknotgeld]

Śluby Kaszuby

Rybok se na morzu błonkoł
Strach - chocioż rzykoł to aże jonkoł
Świynty Mikołoj ślub słyszoł chopa
-Dom cera Bogu! Minie utropa?!

Do dom dopłynoł - co złe to za nim
I już świyntego ślubym niy mami
Toż pedzioł - Morze całuj mie w rzyć
A moja Klara w doma mo być!

[broneknotgeld]

Oksywie

Na Kympie Oksywski te Oksywie przeca
Choć wziyła je Gdynia do swojego neca
Bo ze szwongym wielkim tukej kedyś rosła
Przyndko do ty wioski kaszubski se doszła.

[broneknotgeld]

Na Kympie Oksywski fest downymi laty
Duński princ se miyszkoł zocny i bogaty
Czy we tym jest prowda czy bojka ze tego?
Godajom że prziszoł do Wojtka świyntego
Chcioł by świynty sklejoł ze "londym" mu państwo
Wtedy z cołkym dworym przijmie krześcijaństwo

Dobiyła do brzegu "kympa" wielkim cudym
Bestoż princ se łokrzcioł z cołkim swojim ludym.

Po kaszubsku szkryfnoł to przeszło sto lot tymu Hieronim Jarosz Derdowski.

[broneknotgeld]

Michałowo parafio

Michał Archanioł miecz w gorze czimie
Bestoż przi tymu nigdy niy drzymie
Oksywiu przeca łon patronuje
Toż parafianin chyba to czuje.

[broneknotgeld]

Gdynia - Seattle

Seattle - miasto siostrzane
Tako wspołpracy łoddane
Że Gdynia mo już łososie
Rybom niy śmierdzom we nosie
Bo w słonku miyni sie spiż
Dziwej se na nie - toż wiysz.

[broneknotgeld]

Herbowe ryby

Mo na tym mieczu Gdynia dwa dorsze?
Zdo mi sie ryby to jakeś gorsze
Bo łostre przeca widać zymbiska
Idzie wystrachać se jejich pyska.

[broneknotgeld]

Kacza

Toż jo wcale niy łonacza
W gdyni potok zwany Kacza
Tako Kaczy tu Dolina
I Warszawy niy łomina
Była piyrwyj - dyć Drewniano
Czy cwilingrom tyż łoddano?

[broneknotgeld]

Chylonka

Ze Świynty Gory ponoć wypływo
Toż se łostała i to niy dziwo
Chyloński Potok kajsik ukryty
Gdyński tyż stracioł se downo przi tym
Dyć ta Chylonka ciyngym widzymy
Czy jyj jak piyrwyj jednak pszajymy?

[broneknotgeld]

Dolny Młyn

Za glajzami bany stoł
Orła łon młynorzym mioł.

[broneknotgeld]

Mały Kack

Przi rzece Kaczy Mały Kack był
Se we Orłowie terozki skrył
Ze tom dzielnicom zas konskym Gdyni
Tego już dzisioj żodyn niy zmiyni.

[broneknotgeld]

Demptowski Potok

Jak Potok Demptowski to kajsik Demptowo
Płynie richtig przez nie abo mi sie zdowo?

[broneknotgeld]

Potok Kolibkowski

Łosprowiała ło tym rybka
Co tyn potok we Kolibkach.

[broneknotgeld]

"Gdina, ad Gdinam" 1253

Biskup Molimir wspomnioł ło Gdyni
Tako szkryfniono - mo lot niy myni.

[broneknotgeld]

Chnetko połaża se zaś po Gdyni
Ze roku na rok łona sie miyni.

[broneknotgeld]

Oksywie 1124

Richtig Świyntopełk kościoł fundowoł?
Tako se dzisioj nikerym zdowo
Ano i prowdom przeca być może
Tyś na Oksywiu łod zowdy Boże.

[broneknotgeld]

W czinostym wieku

W czinostym wieku z muru świontynia
Tego wom pedzieć tu niy łomina.

[broneknotgeld]

W szesnostym wieku

W szesnostym wieku biskup tu bywoł
Se kosciołowi festelnie dziwoł
Wieży po czyńści wtedy drewniany
Choć w cołki reszcie łon murowany.

[broneknotgeld]

Co łostało?

Co z nojdowniejszych czasow łostało?
-Mury ty wieży - zdo sie niymało.

[broneknotgeld]

Łobroz kościelny

Archanioł Michał na tym łobrozie
Z szatanym wygroł we Imie Boże
Toż parafiji łon patronuje
Opieka jego ciyngym sie czuje.

[broneknotgeld]

Oksywski cmyntorz

Oksywski cmyntorz wele kościoła
Zdo sie ło pamiyńć dlo zmarłych wołać
Zicnoł na zboczu - patrzy na morze
Tu spokoj wieczny we Imie Boże.

[broneknotgeld]

Kościelne tabule

Kościelne tabule - ło czym łosprowiocie?
Roztomajtych szifow miana tako docie
Nom i naszym dzieciom coby pamiyntali
Jak w łostatni wojnie istni wojowali.

[broneknotgeld]

Bernard Chrzanowski

Tu Chrzanowskiego znojdziesz mogiła
Kaszubow wszyndy łon sławioł
Tako go ziymia oksywsko wziyła
Na kery z uciechom bawioł.

[broneknotgeld]

Kościoł chyloński

Z sztyrnostego wieku prezbiterium jego
Z pietom co pamiynto już tyn wiek piytnosty
W Mikołaju widzi patrona zocnego
Co szifom wskozuje kurs do dom durś prosty.

[broneknotgeld]

Banhof w Gdyni

Piyknie wyremontowany
Jużna muster inkszym dany
Bez tych budek z handlyrzami
Cudo - dyc kuknijcie sami.

[broneknotgeld]

Ło ty Gdyni medykuja
Zdo - wystawom uraduja.