Powitania

[broneknotgeld]

Ale bych dzisioj szczyńście mioł
Jakbych se jeszcze łożko grzoł
A tu trza wkłodać te galoty
No i zaś maścić do roboty.

[broneknotgeld]

Niy yno tu idzie czytać
Ale nawet sie prziwitać.

[broneknotgeld]

Niych Wom Bozia szczyńści
I piszcie tu gyńści.

[broneknotgeld]

Witom wszyskich w dzionek nowy
Niychej przidzie Wom do gowy
Piyknych "rzeczy" richtig wiela
By blyszczała nom ta sztela.

[broneknotgeld]

Na tym dworze jeszcze ćmok
A jo z łożka robia krok
Lewom gyrom - kurdemol!
Ale mi jest wstować żol

Niy som jednak to gupoty
Zaś trza pylać do roboty.

[broneknotgeld]

Larmo mie budzi - ze sztandow leci
Halymbski łodpust - wstowejcie dzieci!
Przeca ta sztandy już wos wołajom
A karuzele przi hali grajom
Dyc nojpiyrw czeba iść do kościoła
Łodpust! Na łodpust! Dzwon tyż nos "woła".

[Gość: karolinka44]

witom Wos sam Wszystkich i Bronka z losobna!
lotpust w Halymbie to i do mie wielke swiynto
bo Halymba jest mi bardzo blisko
a lotpusty pamiyntom hoc z lot jusz minionych
po piykny sumie szlo sie kupowac pierniki i balony
potym lotpustowy lobiod i kolocz co piykla mamulka
ale to byl piykny kawalek piyknego dzionka!
zycza lotpustowego dnia piyknego
pozdrowiom ze swiata szyrokigo
karolinka44

[broneknotgeld]

Karolince wszyscy pszajom
Śla kusiole - choćby w maju.

[broneknotgeld]

Nojpiyrw inksze posty czytom
Teroz z wami sie przwitom
Wiym że zrobioł jo zaś gafa
Tako ślonsko zy mie afa
To skiż tego że radośnie
Gaftołch jak te forum rośnie.

[broneknotgeld]

Ranny pech

Żiletka mi rano spadła
I ciachnyła konsek sadła
Szczyńściym że ta fałda była
Co inkszego by ciachnyła.

[broneknotgeld]

Śniyła mi sie Jakubowsko
Na wybiegu! Była bosko!

[broneknotgeld]

W kożdy czwortek już łod ranka
Wiyncyj ludzi wozi banka
Jadom baby chopy frelki
Bo na Wiyrku targ jest wielki.

[broneknotgeld]

Zbudziyła rano mie ta nadzieja
Że sie do nobla papiyża śmieja.

[broneknotgeld]

Wczoraj żech mioł mitag a dzisioj na rano
Bestoż ździybko gymba teroz niywyspano
Ale rymy szkryflom - jo to tak rozumia
Bawić trza mi ludzi tela wiela umia.

[broneknotgeld]

Witom wszyskich przi niydzieli
Klara w myślach niych choć blyńdzi
Wtedy szczyńście z naszy szteli
Pryndko do Wos se popyńdzi.

[broneknotgeld]

No toż witom po robocie
W dziyń co niesie wiela pociech
Nojpiyrw na te forum blik
Potym zaś se lygna w pryk.

[broneknotgeld]

Trocha tukej mie niy było
Jakoś forum se haltnyło
A przeca nom szkryflać czeba
Ło tym ślonskim konsku nieba.

[broneknotgeld]

Słonko piyknie rano świyci
Możno jakoś fraszka sklyci.

[broneknotgeld]

A przi niydzieli śwait sie weseli
I jo tak samo boch wstoł z pościeli.

[islescapture]

Choc wpadam tu dzis na krotko
Witam pieknie Rudy cudko
Dzien niedzielny jest nie dla mnie
Praca krzyczy, wola, za mnie

[broneknotgeld]

Pora nos tu takich ptokow
Mianym krzczom nos tych "cudokow".

[islescapture]

Bosmy som ostatni poety
Inni sie bawia jak krety
Licza, przeda i baluja
A niczego nie buduja

[broneknotgeld]

Tak źle ze tym cołkym niy ma
W Rudzie wiela szkryflo w rymach
Dyć jeszcze niy prziszli tukej
Langsam - przidom - do nich klupej.

[broneknotgeld]

Na krotko tu moga wdepnońć
Coby tymat nowy wciepnońć.

[broneknotgeld]

Ze sobotom szpasu wiela
No bo jutro zaś niydziela.

[broneknotgeld]

Ziomb jest w ta niydziela - czas letni sie skrył
A wiater w kominie ło zimie mi wył.

[broneknotgeld]

Pogoda jest dobro na forum
By ździybko se nabrać humoru.

[broneknotgeld]

Żdziybko mocno dzisioj wieje
Ale dzionek sie nom śmieje
Palmy wińce zabierymy
I kerchofy łobstrojymy.

[broneknotgeld]

Ludzie - jak na dworze piyknie
Szczyńścio tego mi wystyknie.

[broneknotgeld]

Piontek rano - tyn czas leci
Do szkoły se kludzom dzieci
A jo ździybko czasu mom
I zaś rymy tukej dom.