Kultura na Ślonsku

[broneknotgeld]

Możno ktoś chyci tyż taki tymat
No bo na razie jakby go niy ma
"Harfa" ło Rudzie łotwarła cosik
Ale to przeca jest yno "grosik"

Na cołkim Ślonsku wiela sie dzieje
Dusza do tego se czasym śmieje
Dyć trza to wszysko bardzi promować
Choćby i tako - posty tu dować.

[broneknotgeld]

Hehe

A jak ktoś powiy - "To niy ło Rudzie"
Niy musi mynczyć sie w naszym "cudzie"
Bo możno Ślonska łon niy rozumi
Choć mu sie zdowo - poskopić umi.

[broneknotgeld]

"Staro baśń" w Chudowie

"Staro baśń" w Chudowie gości
Znojdziesz tam łod Piasta wojow
Choć z nich byli ludzie prości
Dyć som dobrzy tyż we boju

Chcesz łoboczyć - dzisioj jedź
Bo impreza w ty niydzieli
Niy chcesz - to na dupie siedź
Choć sie werci tam weselić.

[broneknotgeld]

"Festiwal Marasu" -27.06.04 łod 12.00 do 18.30

Chcesz pociaprać sie w marasie
Chudow woło - to na czasie
Niy zabraknie borowiny!
Ło pieronie! Co za miny?!

[broneknotgeld]

Chudow 12.VII.04. po 14.00

We Chudowie rychtujom zaś "Ślonsko Biesiada"
W niydziela zjydz łobiod - potym jedź na zamek
Tako na czas wolny tukej moja rada
Tam niy bydziesz musioł powyciyrać klamek.

[broneknotgeld]

II Kartoflada w Chudowie 12.IX.2004

Hameryka tyż nom skarby swoje dała
Jednym tyn kartofel - nojzocniejszy w świecie
Z niym już roz ta sztela uciecha fest miała
Myśla że i latoś "Kartoflady" chcecie.

[broneknotgeld]

Salwador Dali we Mikołowie

Salwador Dali we Mikołowie
Jeszcze dwa tydnie - to mom we gowie
Jego grafiki w ichnim MDKu
Idzie podziwać se tam czowieku.

[broneknotgeld]

27.VI.2004 - Śmiłowice

Festyn w Śmiłowicach - radości z tym wiela
"Chłop Roku" tam bydzie - szkryfna yno tela.

[broneknotgeld]

"Varius Manx" 04.VII godz. 20.30

Łod piontku lecom "Dni Mikołowa"
Choć poniywczasie - coś trza tu dować
Myśla - tyn zespoł fanow prziciongnie
Ze Rudy blisko - zabawa wciongnie.

[broneknotgeld]

"Rękopisy poetów" - VII-VII.04

W Insztytucie Mikołowskim znojdziesz te handszrifty
Na Wojaczka i Szymborski możesz se dziwować
Dyć i inkszych wierszokletow połoglondoł byś ty
Beleś yno na wystawa zechcioł podrałować.

[broneknotgeld]

Zaś Instytut Mikołowski coś piyknego robi
forum.gazeta.pl/forum/72,2.html?f=261&w=17093590
Toż widzymy co te miasto łon naprowdy zdobi.

[broneknotgeld]

Mikołowskie Dni Muzyki
29.V. - 2.VI.2005

Muzykom poważnom Mikołow nos kusi
Takom co nikerych zdo sie jakby dusi
Zaś inkszych przepiyknie pohalo po uszach
W niyj przeca klasyki światowy jest dusza.

[broneknotgeld]

Mikołow 20.X.2006

Anu - muzeum prawie łotwarte
Dlo Mikołowa wiela to warte
Frelki radośnie zatańcowały
Ze downych wiekow muster w tym brały.

[broneknotgeld]

"Chłop Roku 2004"

"Jak jo chodzioł do szkoły
Uczyli mie rechtory
Piwo pić w karty grać
I z dziołchami tańcować"

Tako chłop ze Brzeźcow na konkursie śpiywoł
Bestoż ty wygrany jo sie nic niy dziwoł.

[broneknotgeld]

"Baboplej"

Po maszyna tako siongnoł
Ślubno do kopaczki wprzongnoł.

[broneknotgeld]

"Witomy Chłopa Roku"

Jak z Racławic wrocoł do tych Brzeźć pod Pszczynom
Tarcza mioł przi boku - niy nadrobiol minom
Sołectwo se cołke ze niym weselyło
Dyć we Polsce łone jakby piyrsze było.

[broneknotgeld]

"Ślonsk i Małopolska w Europie Regionow"

Pod tym hasłym Pszczyna wielki piknik robi
Przeca niy łod dzisioj te miasto Ślonsk zdobi
To tyż skiż Słowynii co świynto fajruje
Dyć tukej Europa naprowdy sie czuje.

[broneknotgeld]

Katowicko "Benedyktynka"

W Bibliotece Ślonski galerio ciekawo
Ze mianym niy było za wiela utropy
Toż "Benedyktynka" - prziznocie że "klawo"
Tym bardzi że adres tyż "Rady Europy".

[broneknotgeld]

"22 Lipca"

Świynto bydzie w Katowicach
To niy jakeś "jaja"
Możesz tyż sie tym zochwycać
Na 3-go Maja.

[broneknotgeld]

"Artysty Katowic"

Plac Grunwaldzki z galeryjom "Artystow Katowic"
Cybulski i Strya już tam bydom - to wiydz.

[broneknotgeld]

"Cholonek" w tyjatrze

Tyjater Korez "Cholonka" gro
Uciecha z tego tyż Janosch mo.

[broneknotgeld]

Janoscha se wspomnieć trza
forum.gazeta.pl/forum/72,2.html?f=59&w=16719958
Na tyjater wybrać - pra?

[broneknotgeld]

Trza by zoglondnońć na ta wystawa
serwisy.gazeta.pl/kraj/1,34309,2347440.html
Choć to niy bydzie yno zabawa.

[broneknotgeld]

W Internetu piyknym "dzbonku"
forum.gazeta.pl/forum/72,2.html?f=59&w=16970702&a=16970702
Jeszcze cosik ło Cholonku.

[broneknotgeld]

"Biblia w sztuce" - Muzeum Ślonske 29.X - 29.XI.04

Biblijne grafiki se połoglondocie
Godefroya Dorego Chagalla tu mocie
Diks możno zochwyci - tako samo Dali
Rafaela jakby łoni przerobiali.

[broneknotgeld]

Kościoł pw. Opatrzności Bożej
29.V.2005.godz.18.00

Gębalski we kościele zagro papiyżowi
Konieczny zaś batutom tako cosik powiy
Chor "Lutnia" zaśpiywo choć smutno na duszy
Janie Pawle możno i Niebo se wzruszy.

[broneknotgeld]

Sylwester 2005 - Rynek

Dyskoteka i "Antyki"
Łodmłodzajom stare pryki
A do tego - richtig wierzcie
Se dołonczom przeca "Leszcze".

[broneknotgeld]

Konkurs limerykow katowickich - po naszymu

Limeryki Katowic chytajom
Limerykom w ty szteli dyć pszajom
W nocy parzom wos bety?
-Do filerow poety!
Kunszt Katowic rozblyśnie - niy bajom!
Rym Bogucic, Ligoty mo dusza
Nikiszowiec choć wspomnieć tyż musza
Kej limeryk na fali
We Brynowie mu pszali
Szpas w Giszowcu echt ślonskim nabrusza
*****

Limeryki trzi prziślijcie
Tu, e-mailym - tako chciyjcie
Dyć se dowiydz
Skiż Katowic
Czekōm - wyny wiela miyjcie
Dejcie pozōr - coś nowego
Link tyż idzie dać do tego
Ze ty szteli
Z tym weseli
Ze Katowic coś zocnego
A dyć niy dziwejcie tymu
Zdjyńcie idzie kłaść do rymu
Coby cieszyć
A niy grzeszyć
Djosek tyż wloz kejś do "Rzymu"
Musu w tym jednak niy bydzie
Kunszt bez linka tyż niy w biydzie
Ktō chce kliknie
Ktō chce bliknie
Prōmocyjo szteli przidzie

Jako zowdy z jurorami
Noty dadzōm - wiycie sami
Trzi, dwa, jedyn
Niy trza kredy
Szpas zrychtujōm nōm klikami
Jeszcze styczniym sztartujymy
Styknōm trzi zestawy - wiymy
Dyć rachuja
Forszteluja
Co autorōw skuszōm rymy
Niych drap leci punktacyjo
Kaj limeryk - kōmedyjo!
Erbnie wiyncy
Niych niy jynczy
Ze tym wygro - kryjolyjo!
W lutym bydzie szlus - dziwejcie
Dali notōw niy szkryflejcie
Laureaty
Bydōm za tym
Kej czas leci niy czekejcie.

nk.pl/#forum/17/977/665?find=last#post2

[broneknotgeld]

Noc Świyntojańsko w Gliwicach 25.VI.04 - 18.00-23.00

Na placu Krakowskim bydzie tyz zabawa
Tyjater Muzyczny to łorganizuje
"Brathanki" wystompiom - toż ciekawo sprawa
Bele dyszcz radochy jednak niy popsuje.

[broneknotgeld]

Myśla że niy ma tukej przipodku
Co zaś Gliwice ze tym na przodku.

[broneknotgeld]

18 września 9 rano

Łorkestra dynto zagro w Gliwicach
Kerom sie asi gruba "Sośnica"
Przyńdzie z banhofa do willi Caro
Tam Dni Dziedzictwa kaj niy ma szaro.

[broneknotgeld]

Turniej rycerski przi zamku

Turniej rycerski tukej w sobota
Kmiotki se tymu dziwujom
Dlo raubritera to niy gupota
Jak kapsy puste tam czujom.

[broneknotgeld]

W niydziela tako samo z tym bydzie
Dyć możno wiyncy ludziskow przidzie.

[broneknotgeld]

W Willi Caro

Żydowsko nuta ci włazi w uszy
Na zespoł Kroke bydziesz chcioł ruszyć.

[broneknotgeld]

Gliwicki rejs

Ze portu w Gliwicach do Łabynd popłyniesz
Dyć Wrocka przi tymu po drodze niy miniesz.

[broneknotgeld]

Hutniczy kerchof

Na kerchof hutnikow zoglondnońć tyż czeba
Właziyli do "piekła" - trefiyli do nieba

[broneknotgeld]

Ruiny tyjatru

Ta łostatnio wojna co z nami zrobiyła?
Richtig nawet sztuka wielkim wrogym była
Łostała ruina by my pamiyntali
Nawet w takich murach tyż cosik zagrali.

[broneknotgeld]

Były minyły Dziedzictwa Dni
Za rok zaś przidom - miasto to wiy.

[broneknotgeld]

"Spotkanie z Nikiforem" 24-26.IX.2004

Łobrozki łod niego muzeum zbiyrało
Teroz w Multikinie ciekawo wystawa
Coby film niy yno se tu łoglondało
Dyć i akwarele - richtig zocno sprawa.

[broneknotgeld]

Wyżyj

Zabrze wyleciało
W tytule być miało.

[broneknotgeld]

forum.gazeta.pl/forum/72,2.html?f=120&w=17248915&a=17291135

[broneknotgeld]

"Noc Stulecio" we Gliwicach
forum.gazeta.pl/forum/72,2.html?f=261&w=8259768&a=24442761
Już drugi roz ło tym klyca.

[broneknotgeld]

Plac Krakowski

Prziszło by wom to do gowy?
Tukej Sylwek laserowy
DJ Lexus i "Novika"
Ściongnom ołpy nawet z pryka.

[broneknotgeld]

Dni Tyskie 26-27.06.04

Łod siedymdziesiyńciu lotek już niy żywot wiejski
Dyć radujom sie tyszanie z nadano praw miejskich
A do tego Browar Tyski gyburstag fajruje
Szkryfna yno że to wszyskim tukej fest sztimuje.

[broneknotgeld]

Leluje w Rybnickim Cyntrum Kultury 11-12.VII.04

Idzie połoglondać se tam piykne kwiotki
Kere zochwycajom tyż ślonske czelodki
Nojgryfniejszo leluja możesz "wytypować"
Nagrody przi tymu ponoć bydom dować.

[broneknotgeld]

IV Festiwal Filmowy "Era Nowe Horyzonty"

Zaczli łod Almodovara
Ło festiwal trza sie starać
Jedynoście dyć trwo dni
Gorom Cieszyn - to sie wiy.

[broneknotgeld]

Muezzin w Cieszynie

Muezzin w Cieszynie rzykać nawołuje
Choć Polska w Iraku terozki wojuje
Taki tu heppenig se Foksal zrychtowoł
Byś przi festiwalu pozor na to dowoł.

[broneknotgeld]

"Teatr Pieśń Kozła" - Wrocek

W Edynburgu blyśli mocno "Kronikami"
Tyż łoni ślonskimi som "Gilgameszami"
Dyć w trupie niy yno Poloki tam grajom
Europa we śpiywie i tańcu durś majom.

[broneknotgeld]

Nagroda Ksiynżny Jadwigi Ślonski

Latoś we Wrocku jom prziznowali
Muster cołkymu Ślonskowi dali
Toż piyrszy roz to se tukej stało
Już tako jednak bydzie kulało

Co roku dadzom "Jadwigi" dwie
Polok i Niymiec dostanom je
Kutz ze Heisigym terozki razym
Jakby ty świynty ślonski łobrazym.

[broneknotgeld]

Dni Orzesza - 4-5.IX.2004

Na "Dni Orzesza" wybrać se idzie
Możno uciechy z tym wiela bydzie
Tyż fojerwera sto lot już majom
Fajer skiż tego bo im fest pszajom.

[broneknotgeld]

"Gwarki" 10-12.IX.2004

Już dzisioj "Gwarki" tukej sztartujom
Dyć wszyscy chyńć do zabawy czujom
Na czi dni bydzie z tego radocha
W Tarnowskie Gory zajrzyj choć trocha.

[broneknotgeld]

"Blue Cafe" 10.IX.2004

"Blue Cafe" tukej na "Gwarki" zjedzie
Ciekawe jak im se teroz wiedzie
Choć we Europie już niy zablysnom
Dyć miyndzy gwiozdki ciyngym tyż cisnom.

Tarnowskie Góry- Nakło Śląskie

[broneknotgeld]

04.12.2006 Nakło Ślonske

W downym zamku Donnersmsrckow łobrozy Trefonia
Dlo mnie ździybko za daleko - latoś niy pogonia
Dyć przi tymu tyż se w łoku jakby fraszka kryńci
Bo kunszt taki naszo Ruda zdo sie yno mynczy.

[broneknotgeld]

"Gnój"

Toż autor ciepnoł perła przed istnych
ksiazki.wp.pl/katalog/recenzje/recenzja.html?rid=35807
Niych ło to żodyn niy jest zowistny.

[broneknotgeld]

Kuczok na szczyty ekspresym wali
ksiazki.wp.pl/katalog/recenzje/recenzja.html?rid=35807
Teroz i "Pręgi" na piyrszy fali.

[broneknotgeld]

film.onet.pl/10219,film.html

[broneknotgeld]

Toż jeszcze jedyn link tukej dom
serwisy.gazeta.pl/kultura/1,34169,2292765.html
Choć strach przed "spamym" takowym mom.

[broneknotgeld]

Trza zaś cosik tukej sklecić
miasta.gazeta.pl/katowice/1,35068,2317212.html
Niychej wontek piyknie leci.

[broneknotgeld]

"Prix Italia"
Radio Katowice w Katanii wygrało
"Cena pracy" z dołu wylazła na szpic
Dwie Anny we wiyrchu - radości niymało
Dlo bergmona z tego jednak prawie wic.

[broneknotgeld]

serwisy.gazeta.pl/kraj/1,34309,2294079.html

[broneknotgeld]

Kurde - link bez słow to spam?
miasta.gazeta.pl/zielonagora/1,35161,2293467.html
No toż wklejom z rymym kram.

[broneknotgeld]

Trza nom durś przeciyrać łocy
miasta.gazeta.pl/katowice/1,35022,1837384.html?as=1&ias=5
I zabytki mieć we zocy.

[hepik1]

broneknotgeld 22.09.2004 23:14 odpowiedz na list odpowiedz cytując

Ty richtig niy wiysz jak szkryforz gupie
Lepi sie pogrzeb palcym we dupie.

[broneknotgeld]

Nagroda Nike

No toż Nike dostoł "Gnoj"
Kuczok mioł z tym pewno znoj
Choć możno tyż skuli "Pryng"
W gowach jury łon sie lyng.

[broneknotgeld]

Kultura ślonsko mo być na fali
Co przeciw stanie idzie łobalić.

[broneknotgeld]

miasta.gazeta.pl/katowice/1,35059,1864911.html?as=1&ias=3
We Rybniku tyż kultura
Przeca to niy jakoś dziura.

[w36]

Co ty bronek zasypujesz te forum starymi wątkami, tak intensywnie jak teraz. Czy
coś tam jest niewygodnego dla Ciebie, że o tej porze jeszcze sujesz? Może jakieś
dyrektywy dostałeś?
:)))

Chorzów

[broneknotgeld]

Klub Muzyczny Kocynder

"Kogel mogel" w Sylwka bydzie
Pewno wiela chyntnych przidzie.

[broneknotgeld]

Możno lepi ze niom bydzie
Ferajna do głosu przidzie
www.kwkultura.org/

[broneknotgeld]

No ja, te tabule za informacjami ło rudzkich zobytkach by se richtig przidały.
Dyć jak tam niy bydzie wymiyniony halymbski dworek Donnersmarckow, to jakby se
to zdało na psinco.

Ruda Sląska

[broneknotgeld]

Dziecionteczko tego chciało
rtpd.eu/2013/12/20/jest-%E2%80%9Erudzkie-betlejem%E2%80%9D/
Tako bydzie radowało.

[broneknotgeld]

Rymowanek rudzkich wiela
Sie raduje karlus, frela!
rudaslaska.com.pl/p,s,plebiscyt,wybierz-ulubiona-rymowanke-o-rudzie-slaskiej,930929,977769.html

[broneknotgeld]

Betlyjki rudzke do sia tyż proszom
Radości tela - ofyn jom głoszom.
rudaslaska.com.pl/i,rudzkie-szopki-bozonarodzeniowe,200274,977397.html

[broneknotgeld]

Link na wieści
Tu sie zmieści.

rudaslaska.com.pl/i,rudzkie-betlejem,378054,978302.html

[broneknotgeld]

Zaś se we Halymbie dzioło
Jako zowdy - tyż wesoło.
www.wiadomosci24.pl/artykul/ruda_slaska_wernisaz_wystawy_andrzeja_sodowskiego_293353.html

[jankolodziej]

Niy za wiela sam sie dzieje
bo nom Bogdan za kragel leje ...
www.autonomia.pl/n/jak-nas-grabi-ekipa-bogdana

[broneknotgeld]

No, to pokazuje prawie jako nos ta cyntrala traktuje.