Ruda Ślonska

[Gość: Bronek]

Ruda Ślonska

W dziesiyńciu konskach
Jest Ruda Ślonska
W tym jyj uroda
Choć trocha szkoda
Że rynku tukej
Na prożno szukej.

Fryncita

Fryncita
Je jak kobiyta
Ło kero chopy sie bijom
Jak jom posiondom - wiedzom że żyjom
Jednak pożycie z niom krotke raczyj
I niychej Bozia to wybaczy
Po sztyrech latach
Łodpłata.

Chebzie

We Chebziu som same panki
Bo majom bana i banki

Godula

Miano mo po bogoczu
Dyć jakbyś tam zahuloł
Pamiyntej cobyś w sroczu
D... niy wytar koszulom.

Orzegow

Kedyś tu bajali
Że gowy łorali
A teroz dej pozor
To je łod nawozu
Bo ziymia jałowo
Pognojyli zdrowo.

Ruda

Niy wiym czy Ruda je ryszawo
Wiym że je staro no i klawo.

Wiyrek

Łotwarli tukej nom Plaza Center
Jak żech łoboczoł pedzioł żech - enter.

Bielszowice

Ze bielynio płotna niywiela by było
Bo Kochłowka ściekym - śmierdzi że aż miło
Stawiom dzisioj na ta rycersko legynda
Ło Bielczy co siedzioł tu na swojich grzyndach.

Halymba

Żył tukej Hanslik Halymba
Co wyparzono mioł gymba.

Kochlowice

Teryn by tukej był czysty
Jakby niy separatysty
Łod Rudy chcom sie łoderwać
Smutno "niywola" już przerwać.

Bykowina

Bykow tam niy ma
I niy ma wina
Je yno jedna
Ta Bykowina.

Ruda Ślonska

We Rudzie Ślonski
Problym niywonski
Choć je ryszawo
Idzie na prawo.

Halymba

Cieszy sie Halymba
Że mo moja gymba
Jeszcze je szczyńśliwszo
Jak ta gymba cichszo.

www.echoslonska.com/forum2

Pyrsk. Bronek

[michi3]

Witom!
Te konski uo Rudzie miou zech juz okazjo czytac w Echu Slonska; colkiym niyzle.
Ale zaciykawiou mie tyn uo Kochlowicach. Czy uoni richtig dzisioj myslom sie
odlonczyc uod Rudy Sl.? Wiym ze uo sprawie bouo glosno kajs 6 lot tymu. Sprawa
jes ciykawo z wielu wzglyndow. Trza prziznac ze Kochlowice som niysamowicie
zrujnowane eksploatacjom gorniczom. Poza tym majom zdecydowanie inny charakter
niz reszta miasta. Mozna pedziec ze Kochlowice to taki rudzki Radzionkow.
Drugo rzecz to sprawa czysto formalno. Nawet jak by sie ta separacja udola to
wiadomo ze K. niy dostanom statusu powiatu miejskiego (grodzkiego) ino muszom
sie przilonczyc do powiatu ziemskiego, jakiego? Jedyny realny to powiat
mikolowski. Ale z tego co pamiyntom Kochlowice i tak z nim niy graniczom
(wcisko sie tam wonski konsek Katowic).

[Gość: Bronek]

Witom.
Dyć fraszki pisze sie dlo szpasu i trza tyż trocha przi tymu łokym mrugnońć.
Ciesza sie że wchodzisz na "Echo Ślonska", bo tam we forum "Igraszki fraszki"
konskow ło Rudzie jest wiyncy. Mosz recht, że w Kochłowicach terozki cicho z
tymi "separatystami" ale budowa autobany dowo sie im tam pieronym w kość, a do
magistratu daleko. Niy wiym yno czymu przirownujesz je do Radzionkowa. Jo tak
tego niy widza. Teryn dzisiejszy Rudy Śl za Wilusia mieścioł sie aż we cztyrech
powiatach i do dzisioj ciynżko to skleić.
Pozdrowiom. Bronek

[michi3]

Gość portalu: Bronek napisał(a):

> Witom.
> Dyć fraszki pisze sie dlo szpasu i trza tyż trocha przi tymu łokym mrugnońć.
> Ciesza sie że wchodzisz na "Echo Ślonska", bo tam we forum "Igraszki fraszki"
> konskow ło Rudzie jest wiyncy. Mosz recht, że w Kochłowicach terozki cicho z
> tymi "separatystami" ale budowa autobany dowo sie im tam pieronym w kość, a
do
> magistratu daleko. Niy wiym yno czymu przirownujesz je do Radzionkowa. Jo tak
> tego niy widza. Teryn dzisiejszy Rudy Śl za Wilusia mieścioł sie aż we
cztyrech
>
> powiatach i do dzisioj ciynżko to skleić.
> Pozdrowiom. Bronek

Witom!
Porownanie do Radzionkowa mo charakter bardzo ogolny. Wiadomo ze Radzionkow
rozni sie uod Bytomia glownie mieszkancami, rdzennych Slonzokow we Bytomiu
policzysz na palcach. W Rudzie Sl. wiadomo niy ma tego problymu. Ale mie idzie
uo to ze Kochlowice majom odmienny charakter uod reszty miasta choby ino
bioronc pod uwaga wzglyndy urbanistyczne - rynek i jego otoczynie.
Drugo rzecz; z tymi powiatami to cos sie niy moga zgodzic. Przeca colki teryn
dzisejszyj Rudy Sl. nolezou do historycznyj ziemii bytomskij. Wyjontek stanowi
ino Staro Kuznia (Kuznica) kero nolezala do ziemii pszczynskij. Oczywiscie
potyn powiat bytomski podzielono na mynsze ale miejscowosci dzisiyjszyj Rudy
Sl. wyrosly z "pnia" ziemii bytomskij.
Poza tym Frincita - siedziba wladz boua przeca czynsciom miasta Bytomia.
Jak tak duzyj uo tym mysla to niy wiym czy niy lepij by bouo kej by we 1959 r.
powstale miasto nazwali jednak Nowy Bytom.

[Gość: Bronek]

No toż i jo witom.
Jo akurat pochodza z Wiyrku i tyż bych mog udowadniać że Wiyrek jest inkszy.
Dyć po prowdzie to już terozki tego niy powiym. Som Wiyrek jednak za Niymca był
obszarym dworskim, choć tyż prawie miastym, jak idzie ło zabudowa. Ciekawe,że w
okresie miyndzywojynnym prziłonczyli Wiyrek do Nowyj Wsi. trocha zawinioł tyn
jego dworski status, ale my
śla, że tyż to co w plebiscycie wiyncyj ludzi z Wiyrka głosowało za Niymcami.
Historio naszych dzielnic tyż szłoby terozki łod nowa napisać, bo przeca Dworak
umniyjszoł to co niymiecke. Interesuje mie postać ks. Tunkla z Kochłowic,
zwłaszcza że łon wydowoł własne banknoty zastympcze, no a na forum tyż jest ło
nim fraszka.
Pyrsk. Bronek