Konkurs na hasło TESCO

[broneknotgeld]

Dlo mie to jednak jest jakiś dziw
Że mało chyntnych do sześciu piw
Ździybeczko znudzioł mi sie tyn szpas
Z inkszymi trza by iść we tyn las.

[broneknotgeld]

Jak we łoczach mosz niybiesko
Szkryfnij hasło tu ło "Tesco".

[yamat]

Chcesz sie naprać na niebiesko?
Halba przynieś se ze Tesco!

[yamat]

Jak ci doma czegoś brak
Durch do Tesco klap, klap, klap...

[broneknotgeld]

Ze tom halbom zaś moj typ
Aż mi sie przkryńcioł gnyp
Se wspominom mode lata
Drink co zwali "mama tata".

[broneknotgeld]

Kiyks mo punkt jedyn - Ciebie dom dwa
Czi jeszcze czimia bo przeca trza.

[broneknotgeld]

Nagrody w konkursie "Tesco"

Teroz tu musza cosik sprostować
Ło telewizor trza konkurować
Na zdjyńciu choćby monitor wyszoł
Bestoż żech wyżyj ło tym napisoł.

[broneknotgeld]

No ja - po prowdzie dyrś żech tam niy boł
Ale jak wdepna to rykna - Prziboł!!!

[broneknotgeld]

Drugo nagroda to mikrowela
Przido sie w kuchni powiym tu tela.

[Gość: qaws]

Tez co! (czyt. tesco)

[broneknotgeld]

Krotko bo styknie
Tyż przeca piyknie.

[broneknotgeld]

Niych tu postow nojmniyj sto
"Tesco" to sie wszysko do.

[broneknotgeld]

"Tesco" niy jest tuste
Jak kapsy som puste.

[broneknotgeld]

Konkurs ło "Tesco" chnetko sie skończy
Ponoć łon sklep tyn ze Rudom łonczy.

[broneknotgeld]

Jakby magistrat mioł w "Tesco" biuro
Możno by wiyncyj u ludzi wskoroł.

[broneknotgeld]

Toż te nagrody wos nic niy kuszom
Jo we sobota do "Tesco" ruszom
Piyrszy roz zajrza do jego środka
Możno poleci potym zaś godka.

[Gość: jojo]

Nasze Tesco nie jest gupie,
każdymu po kabzie klupie.

[broneknotgeld]

Wyłaź już jak kapsy puste
No a "Tesco" bardzi tuste.

[broneknotgeld]

Na Halymbie - w naszym "Asie"
Byda stowioł Wom te piwa
Szkryflom to choć poniywczasie
Dyć sie niy ma czymu dziwać

No bo se terozki myśla
Kożdy by kaj ińdzi chcioł
Bestoż post na forum wyśla
Bych to z gowy tyż już mioł.

[broneknotgeld]

Ludzie! Jeronie! W "Tesco" żech był!
Z radości teroz byda aż wyyyył!!!

[broneknotgeld]

Konkurs "Tesco" już sie kończy
Ważne że to Ruda łonczy.

[broneknotgeld]

Teroz wytna se kupony
Na te fraszki je przilepia
I choć mi niy styknie łonych
"Wiadomościom" wszysko wciepia.

[broneknotgeld]

Hasło z "Tesco" - jedyn mig
Broneknotgeld to moj nick
Dyć niy ino skiż łostudy
Szkryfloł żech to dlo myj Rudy.

[broneknotgeld]

Salo, kiyks, gaws, jajo, yamat
Niy to niy jest jakiś "dramat"
Piwo chca postawić w "Asie"
Bydźcie we "spotkania" czasie.

[broneknotgeld]

Jakeś wyrożniynie dali
Trza by czimać sie tyj fali
Choćby to był yno kwiotek
Dyć za nami mały płotek
Możno forum to pomoże
Dej nom tego Panie Boże.

[broneknotgeld]

Tym pierońsko bych sie bawioł
Jakbych fraszki stond "wystawioł"
W samym "Tesco" - to ci szpas
Za tym poszoł bych jo w las
I naszkryfloł rymow wiyncy
Bo niywiela mie to mynczy.

[broneknotgeld]

Rozdanie nagrod

Amatorsko to zrobiyli
Niy szło nawet se pogodać
Zdjyńcie yno nom knipsnyli
Czasu było cosik szkoda

Nagrody nom dali piykne
Z kerych joch sie tyż ucieszoł
-Niy powiedzioł bych że styknie
Chocioż możno zaś żech zgrzeszoł

Kajsik siednońć by sie chciało
Piwko wypić abo kawa
Tego mi tam brakowało
Dyć to przeca drobno sprawa

Mie wystykło by to przeca
Ło gyszynki fest niy stoja
Chciołch zaprosić tu - do neca
w tym widza przegrano moja.

[broneknotgeld]

Hepik wspomnioł mi tyn tymat
A że mie niy mynczy tryma
Szkryfna teroz - sie pochwola
Jo łod "Tesco" "Platan" wola.

[broneknotgeld]

Czasu w "Tesco" coś niy cyniom
Możno jednak sie łodmiyniom.

[broneknotgeld]

Słodke "Tesco"

Tyn chloramfenikol w miodzie z "Tesco" znodli
Dziwujom sie jako go do krałzow kłodli
A wszysko skiż cyny - coby tonio było
Jednak nom na zdrowiu możno sie łodbiyło

No bo antybiotyk mo skutki uboczne
I może nom prziniyść szkody nawet mocne
Ze szpikym problymy - jucha niy sztimuje
Łoguchnońć tyż idzie - se to forsztelujesz?

[broneknotgeld]

Łoszust w "Tesco"

Ponoć we "Tesco" łoszust grasuje
Kasjyrka jymu piniondze suje
Bo jyj na nerwach skiż "szefa" gro
A łona stracha pieronym mo

Tako som we tym fest przeszkolone
"Szef" to poczontek i jakby koniec
Styknie sie yno nań tam powołać
I jakby zaroz dostały fioła.

No ja, musza jeszcze dopisać że stało sie to już tam dwa razy, dyć jednak w
tych bocznych boksach.

[broneknotgeld]

"Tesco" ze "Plazom" w Rudzie tańcujom
Słyszołch że jakby miasto promujom?
Ździybko inaczy jo som to widza
Dyć naszom sztelom sie tyż niy wstydza.

[broneknotgeld]

Dziyń Matki

Dziyń Matki z Tesco - toż uciecha bydzie
Możno wiyncyj bajtli ze tego tyż przidzie
Te co jeszcze niy som zechcom tyż matkować
Za rok tyn sklep bydzie je za przikłod dować

Pewnikym badania tyż to udowodniom
-Kobiyta we Tesco jakby bardzi płodno
-No i jeszcze wiyncy chopeczkowi pszaje
Możno jest w tym cosik a niy yno baje.

[broneknotgeld]

Z Tesco

Tesco terozki se wyprzedowo
To co zolygo toniyj nom dowo.

[broneknotgeld]

Tonio żech ksionżka kupioł we "Tesco"
Ło Czechach - tam sie wybiyroł Mesco.

[broneknotgeld]

Toż Rudi Schubert gro Mikołaja
Możno tam ze niym som jakeś jaja.